رواية أقتحمت قلبي حورية الفصل الثاني والثلاثون 32 بقلم هاجر

عدا تلات تيام ومفيش اي جديد في حياه اي حد غير تعب رعد اللي بداء يزيد وده كان بيسبب ل العيله كلها القلق والخوف وجه اليوم المشؤم اللي هيغير حياه الكل، الدكتور اتصل ب رعد وطلبه وحور صممت تروح معه 

فى المستشفى 

رعد: نعم يا دكتور 

هاني بحزن: قبل اي حاجه يا رعد باشا عوزك تكون واثق ان اي حاجه بيكتبها ربنا بيبقا امتحان لينا 

حور بقلق: خير يا دكتور انت قلقتني 

هاني: الاشاعات بينت وجود ورم فى النصف اليمين من المخ

حور بصدمه: ورم 

رعد بهدوء: اهدي يا حور،الحمدلله على كل حاجه يجبها ربنا

هاني: لازم نبداء بالعلاج باسرع وقت

رعد: هو مفيش عمليه نشيلو بيها علي طول

هاني: في بس مش هينفع نعملها دلوقت لازم نبداء علاج بالكيماوي الاول عشان حجم الورم كبير ولو استصلنا دلوقت هياثر علي حركه الجنب اليمين من الجسم وهياثر علي الكلام والروئيه

حور بدموع: طب هنبداء في العلاج امتي

هاني: ياريت من بكره

رعد: لا مش من بكره 

حور: ازاي يعني يا رعد

رعد: هاخد اجازه من شغلي الاول واظبط شغل الشركه 

حور بعصبيه: يولع الشغل وتولع اي حاجه صحتك اهم

رعد: اهدي يا حبيبتي والله كل حاجه هتكون كويسه 

هاني: مش عوزين نتأخر يا رعد باشا نتيجه التأخير مش فى صالحنا

رعد: متقلقش يومين وهتلقيني بتصل بيك وبقولك جهز كل حاجه لبدايه العلاج

هاني: وانا هستنا حضرتك يا رعد باشا

رعد: تمام،يلا يا حبيبتي 

حور:……

مشي رعد ومعه حور ووصلو قدام باب القصر

رعد: اطلعي انتي وانا هاروح مشوار واجي

حور: هتروح فين

رعد: هتمشي شويه بالعربيه

حور: هاجي معاك

رعد: معلش يا حور حابب اكون لوحدي بعد اذنك 

حور بدموع: حاضر

رعد: متقوليش لحد حاجه دلوقتي يا حور 

حور: مهم كده كده هيعرفو 

رعد: هيعرفو فى الوقت المناسب 

حور: حاضر

رعد: يلا اطلعي ولو اتاخرت متقلقيش واتعشي قبل متنامي عشان البيبي وعشان انتي متتعبيش

حور: حاضر 

طلعت حور ورعد مسك فونه واتصل ب ليل

رعد: انت فين يا ليل 

ليل: لسه راجع من الساحل وداخل البيت،مال صوتك يا رعد

رعد: انا تعبان،تعبان اوي يا ليل

ليل بخوف وقلق: مالك يا صاحبي فيك ايه

رعد: تعالي عند بدر هتلقيني هناك

ليل: حاضر مسافه السكه

رعد: تمام

قفل رعد مع ليل واتصل ب بدر

بدر: ايه يا ابن السيوفي

رعد: انت فين

بدر بقلق: في البيت مالك يا رعد

رعد: انا جيلك وليل كمان هيجي 

بدر: تعالي مستنيك

عند ليل في البيت 

ليل: رقيه يا حبيبتي حضريلي هدوم بسرعه 

رقيه: في ايه يا حبيبي

ليل: مش عارف رعد مالو صوته مش مطمني 

رقيه: خير انشاءالله متقلقش

ليل: يارب 

رقيه: هروح اجهزلك الهدوم

ليل باس راسها: تسلمي يا حبيبتي

رقيه بحب: تسلم من كل شر يا حبيبي

عند بدر في البيت

اسراء بتساؤل: مالك يا بدر وشك اتغير ليه كده 

بدر بخوف: رعد فيه حاجه

اسراء: مضايق يعني

بدر: لا حاجه اكبر من كده

اسراء: طب هو قالك ايه

بدر: قال جاي هو وليل 

اسراء: طب اهدا دلوقتي يجي وتفهم منه في ايه

جرس الباب رن وكان رعد

بدر: اهو وصل

بدر فتح الباب وشاف رعد وشه اصفر وباين علي وشه الحزن،رعد حضنه وحال يمسك نفسه عشان دموعه متنزلش فى وجود اسراء وبدر فهم وشاور ل اسراء تدخل جوه 

بدر: مالك يا صاحبي فيك ايه

رعد بتعب: عوز اقعود وبعد كده هحكيلك كل حاجه

بدر: تعالي طيب ادخل

دخلو ورعد قاعد و بدر قاعد جمبه

بدر: مالم يا صاحبي ايه مضايق

رعد: استنا ليل زمانه علي وصول

رعد مخلصش كلام وليل رن الجرس وبدر راح فتح، دخل ليل بسرعه واول ما شاف رعد حضنه 

ليل: مالك يا رعد في ايه

بدر: ده اللي بحاول افهمه من بدرى

ليل: فهمنا يا رعد ايه مضايقك

رعد: اللي هقولو دلوقتي مهما كان عوزكو تتقبلو بالراحه وبهدوء

ليل بعصبيه: قول يا رعد انت قلقتني

رعد بتنهيده: انا لسه راجع من عند الدكتور انا وحور

بدر بقلق: حور جرالها حاجه هي او البيبي

رعد: مش حور ده انا

ليل: فيك ايه 

رعد: طلع عندي ورم في المخ

بدر بصدمه: نعم بتقول ايه

ليل بعصبيه: بطل ام الهزار البايخ ده

رعد بحزن: وهو الكلام ده في هزار

بدر بجمود عكس اللي جوه: ده دكتور حمار مبيفهمش هنشوف دكتور غيره

رعد: ده اكبر دكتور مخ واعصاب في مصر الدكتور هاني  ما انت عارفه اللي شغال في مستشفى السيوفي

ليل بدموع بيحاول يدريها: انت متاكد يا رعد

رعد: اه متاكد هنبدا العلاج بالكيماوي الاول وبعد فتره في عمليه 

بدر: وليه متعملش العمليه علي طول من غير كيماوي

رعد: الدكتور قال ان ورم خبيث وحجه كبير لو اتشال علي طوا هياثر علي حركه الجنب اليمين وعلي الكلام لازم يسيطر عليه بالكيماوي الاول 

ليل مقدرش يمسك دموعه وبقا يعيط زي العيال الصغيره

ليل بعياط هستيري: رعد قول انك بتهزر قول ان كلامك ده كله هزار طب قول اني بحلم وان مفيش حاجه صح من اللي انت قولتو

رعد: اهدي يا ليل ده امتحان من ربنا ليا وليكو 

ليل: بس ده امتحان صعب اوي يا رعد صعب اوي

بدر بهدوء: مفيش حاجه صعب احنا قدها ورعد قدها وهيتغلب علي المرض ده وان شاء الله هيقوم منها بالالف سلامه

رعد: ان شاءلله

ليل: هتبداء علاج امتي

رعد: الدكتور كان عوز بكره بس انا اجلته يومين

بدر بعصبيه: اجلته ليه

رعد: هقدم طلب اجازه مفتوحه في الجهاز الاول واظبط كام حاجه في الشركه عشان لما ابداء علاج تبقا كل حاجه ماشيه صح 

ليل: انا هاروح بكره جهاز المخابرات اقدم طلب الاجازه ل اللواء رفعت وهو مش هيرفص

بدر: و شغلي بليل الفتره دي هبقا الصبح في الشركه مع جاسر وياسين مكانك وبليل في شغلى 

رعد ابتسم: ربنا يخليكو ليا،بس عوزكو توعدوني وعد

بدر: اي حاجه هتطلبها هتحصل

ليل: قول

رعد بحزن: حور حامل دلوقت وكلها كام شهر وابني ينور الدنيا لو موت عوزكو تخالي بالكو منه وتكونو مكاني وسنده في الدنيا وتخلوه زى ابوه ناشف وراجل يقدر يقف قدام الدنيا لوحده

ليل بعصبيه وصوت عالي: متقولش كده ابنك مش هيتربي غير علي ايديك انت اللي هتعمل كل ده نت اللي هتعلمو كل حاجه

بدر: اتفاءل يا رعد وخالي املك في ربنا كبير

رعد: متفاءل وراضي بنصيبي وقدر ربنا،يلا انا همشي عشان زمان حور مستنيني وانا متاكد انها مش هتاكل غير لما اروح

ليل: انا هوصلك

رعد: لا مفيش داعي انا جاي بعربيتي متقلقش

بدر: طب خالي بالك من نفسك وسوق بالراحه

رعد: حاضر،سلام

مشي رعد وليل وبدر فاضلو قاعدين مع بعض 

ليل: قول اللي انا فيه ده حلم وهصحه منه دلوقتي 

بدر بحزن: مش حلم ده مصيب ومكتوب من عند ربنا 

ليل: ان شاءلله خير وهنعديها مع بعض 

بدر: اكيد 

ليل بحزن: انا همشي

بدر: خاليك شويه

ليل: لا تعبان وعوز امشي

بدر: طب خالي بالك من نفسك

ليل: حاضر، سلام

في قصر السيوفي 

حور طلعت اوضتها ومكلمتش حد فى حاجه وقالت انها تعبانه وهتطلع ترتاح، اتؤضت ولبست اسدال الصلاه وفضلت تصلي وتعيط وتدعي ربنا من كل قلبها ان ربنا يشفيلها رعد، وهي علي سجاده الصلاه دخل رعد الاوضه وشافها وهي رافعه ايدها لسماء وبتعيط

حور بعياط: يارب تشفيه ليا يارب متورنيش في حاجه وحشه ابدا يارب تنقل مرضو ووجعو ليا انا يارب

رعد: وفكرك لو مرضي ووجعي اتنقلو ليكي انا هبقا كويس

حور بعياط: مش هقدر اشوفك تعبان واقف اتفرج عليك

رعد سندها من الارض وباس راسها: طول ما انتي معايا وجوه حضني انا هعدي اي حاجه

حور: وانا معاك وعمري مسيبك ابدا

رعد: تعالي يا حور عوز اتكلم معاكي شويه اقعودي

حور: قاعدت اهو في ايه

رعد: طبعا انتي عارفه خطوره المرض ده وعارفه ان نسبه الشفاء منه قليله اوي وممكن في اي لحظه ربنا ياخد امانته

حور بسرعه: لا متقولش كده بعد الشر عليك ربنا يطولي في عمرك ويجعل يومي قبل يومك يا رعد

رعد: لازم نحوط كل الاحتمالات قدمنا

حور: طب انت ليه بتقولى الكلام ده

رعد بتنهديه: بصي يا حور انا عارف ان اللي هقولو ده مش سهل بس لازم تسمعيه انا دلوقتي واحد محكوم عليه بالموت يعني ممكن في اي لحظه تبقي ارمله فا لوعوزه ننفصل وتكملي حياتك انا معنديش مانع ومش هزعل منك

حور بعصبيه وصوت عالى: انت بتهزر صح ايه اللي انت بتقولو ده انت كده بتحكم عليا انا بالموت انت فكرت في الكلام ده قبل متقولو يا رعد فكرت احساسي هيكون اي وانت بتقولو ليه عوز تدفني بالحياه ليه العذاب ده انا عملت معاك ايه

رعد: اهدي يا حور اهدي يا حبيبتي والله مش قصدي حاجه

حور لسه هتكمل كلام بس حاست ان الدنيا كلها لفت بيها وقعت في الارض مغمي عليها،رعد جري عليها وشالها من الارض ونايمها علي السرير

رعد: حور قومي يا حبيبتي والله مقصدش ازعلك والله بقول كده من خوفي عليكي 

رعد حس بانفاس حور انتظمت وعرف انها نامت غطاها كويس ونزل عشان يقول للعيله اللي حصل،كلهم متجمعين مع بعض في الصالون

رعد: بابا بعد اذنك تنزل انت وعمي الشركه تاني

فريد: ليه يا رعد هي اجازتك خلصت مش لسه فاضل شهر

رعد:  لا يا بابا اجازتي مخلصتش بالعكس دي طولت

فريد: اومال ليه عوز تبطل شغل في الشركه

رعد: عندي خبر ليكو مش حلو

اكمل: في ايه يا رعد قلقتنا

رعد: انا تعبان شويه ومش هقدر اشتغل الفتره دي

ميرفت: اه يا حبيبي انت فعلا محتاج ترتاح شويه 

رعد ابتسم: انا طلع عندي ورم في المخ يا ميمي

جاسر بصدمه: نعم ايه اللي انت بتقولو ده 

ياسين: رعد الكلام ده مفيهوش هزار

مايا ونور سمعين الكلام ووقفين يعيطو في صمت تام

فريد بصدمه: رعد انت واعي لكلام اللي بتقولو ده 

اكمل: استنو يا جماعه خالونا نفهم منه الاول 

رعد: بقالي فتره عندي صداع جامد فى الجنب اليمين من دماغي كنت بقول ده صداع عادي من الارهاق وقله النوم بس من كام يوم صحيت من النوم لقيت مزيف جامد من مناخيري وده قلق حور وصممت اروح اكشف لما كنت معاها في المستشفى كشفت والدكتور طلب اشعات عملتها وطلعت النهارده اتصل بيا وقالي تعالي روحت انا وحور وقالي ان عندي ورم في الجنب اليمين من المخ وهنبداء علاج بالكيماوي وبعد شويه ممكن نعمل عمليه

سلوي بدموع: عشان كده حور جايه من بره وشها اصفر ودموعها علي خدها وجريت علي اوضتها 

ميرفت بعياط: ايه اللي نابك يا ابني ان شاءلله كنت انا وانت لا،يارتني معيشت وشوفت اليوم اللي اشوفك فيه موجوع وتعبان يا ابني 

رعد باس راسها: بعد الشر عليكي يا ست الكل ده نصيب وقدر ومكتوب من ربنا مش هنعترض عليه

فريد: هتبداء علاج امتي يا رعد 

رعد: بعد يومين

جاسر: ليه بعد يومين ليه مش بكره

رعد: هقدم طلب اجازه مفتوحه واظبط كام حاجه في الشركه واروح المستشفى

ياسين: متشغلش بالك باي حاجه في الشركه احنا موجودين قوملنا انت بسلامه اهم حاجه

رعد: ان شاءلله 

رعد شاف البنات وقفين بيعيطو وساكتين راح عندهم وحضنهم

رعد: انا كويس كل اللي محتاجه منكم بس انكو تدعولى وكل حاجه هتكون كويسه

مايا: واثقه في ربنا انه هيقومك لينا بسلامه

رعد: اكيد يا حبيبتي 

نور: اوعى تبعد عني يا رعد

رعد: مقدرش ابعد عنك يا اميرتي

نور: ربنا يشفيك ويحفظك يا رعد

رعد: امين يا حبيبتي 

♡عارفه ان البارت ده مش هيعجب ناس كتير،بس حياتنا مش كلها حب وفرح وهزار لازم يبقا فيها وجع والم وحزن بس كل ده هنعديه بوجود الناس اللي بحبها