رواية أقتحمت قلبي حورية الفصل الخامس والثلاثون 35 بقلم هاجر

فى مستشفي من مستشفيات شيكاغو 

الموجودين في المستشفي حور وفريد وجاسر وليل وسندس

فى الاوضه اللي فيها رعد بيجهز للعمليه، حور قاعده جمبه وبتقراء سوره يوسف 

رعد: قولتلك بلاش تيجي يا حور

حور بتعب: صدق الله العظيم ازاي يعني يا حبيبي اسيبك فى يوم زي ده

رعد: انا قلقان باين عليكي التعب 

حور: لا انا كويسه متقلقش

ليل: متقلقش عليها يا رعد كلنا معاها 

فريد: اخرجلنا انت بسلامه بس وكل حاجه هتبقا كويسه

رعد: دعوتكو

الباب خبط ودخل الدكتور مراد سليم

ايه مراد سليم????

اه الدكتور مراد سليم بطل روايه وقعت في حبك انتو نسيتو انه اشطر دكتور جراحه في مصر ولا ايه 

مراد مبتسم: ها يا بطل جاهز

رعد: جاهز

مراد: طب يلا 

حور بدموع: ارجعلي بسلامه

رعد: ان شاءلله يا حبيبتي 

حور: لا إله إلا الله 

رعد: محمد رسول الله 

بدات العمليه والكل كان علي اعصابه والموضوع مكنش سهل علي اي حد وعدا ساعتين ومفيش اي جديد فجاه حور حاست بوجع فظيع وبدات تصرخ بصوت عالي

حور بصريخ: الحقوني شكلي بولد اااااه

سندس بعيط: الحقني يا جاسر

فريد: جاسر اجري بسرعه شوف دكتور

جت علي صوت الصريخ شهد مرات مراد وهي نفسها اكبر ممرضه فى قسم النساء والتوليد حاليا 

تعديل بسيط فى روايه وقعت في حبك شهد كانت ممرضه في قسم الجراحه ومراد كان تخصص جراحات عامه متخصصش في تخصص معين بس دلوقت هو اتخصص في جراحات المخ والاعصاب 

شهد: اهدي بس انتي في الشهر الكام

حور بوجع: امبارح قفلت اول اسبوع في التاسع

شهد: دي ولاده متقلقيش خير 

فريد: اتصرفي ارجوكي بسرعه شكلها تعبانه اوي

شهد: متقلقش دقيقتين واوضه العمليات هتكون جاهزه

حور دخلت اوضه العمليات وصوت صريخها باسم رعد كان بيهز المستشفى وبعد ساعه صوت عياط بيبي مالا المكان 

سندس بفرحه: ولدت

وبعد دقيقه سمعو صريخ حور تاني

جاسر: فى ايه تاني هي مش ولدت

وبعد شويه سمعو صوت عياط بيبي تاني

فريد بفرحه: الله اكبر ماشاء الله تواءم

ليل بمرح: يا ابن المحظوظه يا رعد

جاسر: انا مش مصدق نفسي 

سندس بفرحه: لا يا حبيبي صدق انت بقيت عمو وانا خالتو

بعد شويه خرجت شهد وهي شايله ولدين زي القمر علي ايدها

فريد دموعه نزلت: تبارك الله 

جاسر شال ولد وسندس ولد

سندس بفرحه: الحق يا جاسر الولد ده شبه رعد اوي نفس لون العين ونفس التكشيره

جاسر ضحك: ههههه عندك حق وبصي ده شبه حور نفس لون عينها الازرق ونفس لونها 

ليل: مش بقولكو رعد ده ابن محظوظه طول عمره

فريد: طمنينا يا بنتي حور اخبارها ايه

شهد: الحمدلله يا عمي هي بخير وشويه وهننقلها اوضتها 

فريد: الحمدلله

في نفس اللحظه خرج مراد من اوضه العمليات وعلي وشه ابتسمه مريحه

جاسر بقلق: ها يا دكتور طمني 

مراد ابتسم: الحمدلله العمليه نجحت وعدت علي خير 

فريد سجد شكر ل ربنا 

ليل بفرحه: الف حمد وشكر ليك يارب 

سندس: احلي خبرين فى يوم واحد

فريد: هيفوق امتي يا دكتور

مراد: كام ساعه كده ويفوق احنا شويه وهننقله اوضه عاديه لحد ما يفوق 

فريد: متشكر جدا يا دكتور

مراد: العفو يا فريد باشا علي ايه ده واجبي

شهد واقفه بتبص ل مراد نظره فخر ومراد اخد باله ورحلها 

مراد: ممكن اعرف شهد هانم سايبه شغلها وجايه هنا ليه 

شهد: مرات المريض اللي كنت بتعمله العمليه كانت بتولد في الاوضه اللي جمبك

مراد: سبحان الله هما الاتنين كان بيسرعو الموت في وقت واحد

شهد: واضح انهم قصه حب جامده

مراد غمزلها: مش اجمد من قصه حبنا يا قلب مراد 

شهد بحب: مفيش من قصه حبنا اتنين 

مراد بهيام: بحبك يا شهد

شهد بحب: وانا بموت فيك يا مرادي 

احم ارحمونا مش هنا وهناك????

فى مصر وتحديدا في قصر السيوفي اللي كان الكل متجمع فيه اهل رعد واهل حور مستنين اتصال جاسر عشان يطمنهم

ياسين بقلق: هما اتاخرو كده ليه

نور: طب اتصل انت يا ياسين

معاذ: جاسر قال لما يخرج من العمليات هيتصل علي طول

ياسين: اهو بيتصل،الو اي يا جاسر طمنا 

جاسر حكي اللي حصل ل ياسين بالتفاصيل

ياسين بصدمه: اتنين

نور بخوف: اتنين ايه في ايه يا ياسين 

ياسين قفل التلفون وبصلهم اي وكلهم قلقو من نظرت ياسين

ميرفت: في ايه يا ابني قلبي هيقف من الخوف

ياسين: هو هيقف يا طنط بس من الفرحه مش من الخوف

معاذ: بمعني

ياسين: بمعني ان عمليه رعد نجحت الحمدلله وفي خبر تاني

سميه: هو في خبر احلي من ده 

ياسين: اه في

مايا بغيظ: طب ماترحم اعصبنا وتقول

ياسين: حور ولدت وجابت ولدين تواءم

معاذ بصدمه: احلف 

ياسين: والله العظيم

سميه: لولولولولولولى

ميرفت: الف حمد وشكر ليك يارب قومتهم الاتنين بسلامه علي خير

سلوي: كده الفرحه رجعت علي البيت من تاني

سميه: الحمدلله

نرجع تاني المستشفى

بعد اربع ساعات في الاوضه اللي فيها حور

سندس: ها يا حور هتسميهم ايه

حور: مش هسميهم رعد اللي هيسميهم 

جاسر: يعني انتو مكنتوش محديدين اسامي

حور: لا لاننا مكناش نعرف ولد ولا بنت

ليل: والله احلي عشان تبقا مفجاه ليكو

جاسر: فعلا

حور: هو رعد هيفوق امتي انا عوزه اشوفو

فريد: هيفوق في اي لحظه يا حبيبتي متقلقيش ادعيلو انتي بس

حور بدموع: بدعيلو في كل وقت وكل لحظه

سندس: ربنا يخليكو لبعض يا حبيبتي

حور: يارب

بعد تلات ساعات رعد فاق بس مراد رفض ان اي حد يشوفه او يتكلم معه غير تاني وحور كانت مضايقه جدا بس مراد شرحلها الوضع ان رعد مينفعش يتكلم ويعمل مجهود قبل 12 ساعه وهي اقتنعت واضطرت تستنا ل تاني يوم

في قصر السيوفي 

معاذ وقف في جنينه القصر سرحان وجت جمبه مايا ووقفت

معاذ برتباك: في حاجه يا انسه مايا

مايا: لا ابدا اصلي لقيتك وقف لوحدك فا جيت اقف معاك مضايق ادخل تاني 

معاذ بسرعه: لا طبعا خاليكي 

مايا: حبيت اتكلم معاك شويه بس

معاذ بفرحه: اكيد طبعا

مايا بخبث: حبيت قبل كده يا معاذ

معاذ برتباك: هاا اه لا

مايا: اه ولاا لا

معاذ بتنهيده: بصراحه اه 

مايا: وايه اللي حصل 

معاذ: ولا اي حاجه هي متعرفش اني بحبها اصلا

مايا: وليه مقولتلهاش

معاذ بحزن: عشان مينفعش

مايا بستغراب: ومينفعش ليه

معاذ: عشان صعب علي الراجل يستحمل ان مراته يكون مستواها اكبر منه وانه ميقدرش يعيشه فى نفس المستوى اللي كانت عايشه فيه مع اهلها

مايا بصدمه: هو ده السبب اللي منعك

معاذ: هو في سبب مقنع اكتر من كده

مايا: يعني انت بتكلمني طول الشهور اللي فاتت دي من بعيد علي انك مجهول عشان السبب التافه ده

معاذ بصدمه: ايه ده هو انتي عارفه

مايا: اه عارفه من يوم مقولتلى فى الحفله ان شكلي حلو ولما دورت علي حد ممكن يكون شفني فى الحفله ويقول كده ملقتش غيرك

معاذ بحزن: انا اسف علي التصرف ده

مايا: بالعكس لو مكنتش عملت كده مكنتش هعرف اني بحبك

معاذ بفرحه: انك ايه

مايا: ايوه بحبك،عارف يا معاذ لو انا مايا بتاعت زمان اللي كانت عايشه في المانيا كان ممكن اعمل زي منتا مفكر ابص ل المستوى والفلوس والكلام ده لكن انا من يوم محبيتك اتغيرت وبقيت واحده تانيه غير مايا اللي تعرفوها خالص

معاذ: معلش انا حاسس اني بحلم هو انتي قولتي انك بتحبيني

مايا: اه قولت تحب اعلي صوتي 

معاذ: عارفه انا عوز اعمل ايه دلوقت 

مايا: ايه 

معاذ: اشيلك والف بيكي واقول ل الدنيا بحالها اني بحبك

مايا: متستعجلش كل ده هيحصل

معاذ: تتجوزيني

مايا بفرحه: اكيد

معاذ: اول ما رعد يرجع بسلامه هطلبك من انكل اكمل ونتجوز علي طول،بس

مايا: بس ايه يا معاذ

معاذ: هتقدرى تعيشي معايا في الشقه بتعتي اللي في مساكن الظباط 

مايا بحب: اعيش معاك فى اوضه المهم اكون معاك

معاذ بفرحه: بحبك 

مايا: وانا كمان 

♕ البنات اللي بتبص لمديات والمستوي والفلوس دي متنفعش تحب او عمرها ما هتحب بمعني اصح عمرها ما هتعيش عيشه سوايه ومرتاحه طول ما هي شايفه ان الفلوس اهم من الحب والحياه.

يخلص اليوم ويبداء يوم جديد اليوم اللي حور كانت بتعدله بالثانيه عشان تشوف معشوق روحها وفعلا سمحلهم مراد انهم يشوفو رعد،دخلت حور اول واحده علي رعد اول مدخلت فضلت تبوس في ايده وفي راسه وتعيط وكانت بتحمد ربنا انه رجعلها بسلامه

رعد بستغراب: بطنك فين يا حور

حور ابتسمت من بين دموعها: مخلاص بقا

رعد بقلق: خلاص ايه

حور: جبتلك احلى واجمل اميرين في الدنيا،ولدين زي القمر 

رعد بفرحه: من يوم مشوفتك وانا عرفت ان الفرحه مكتوبلي طول ما انتي جمبي 

حور: الفرحه دي معرفتهاش غير معاك

رعد: سمتيهم ايه 

حور: محدش لي الحق انه يسميهم غيرك

رعد: ايه رايك في عُدى و فهد 

حور: عُدى وفهد رعد فريد السيوفي

رعد: تحسيهم موسيقى

حور: فعلا

رعد: قربي يا حور

حور قربت من رعد ورعد باس راسها وباس خدها 

رعد: شكرا على كل حاجه عملتيهالي

حور: شكرا دي علي وجودك

رعد: بحبك يا حوريتي

حور: وانا كمان بحبك يا سلطاني