رواية عشق المراد 2 الفصل الرابع والثلاثون 34 بقلم فاطمة جودة

زين .. تستاهلي والله 

ليان .. ربنا علي الظالم والمفتري 

راحت للراجل ويارا صورتها 

ليان .. عمو ممكن قرش 

الرجال بطيبه .. اه يا بنتي بس في الزمن دا مفيش قروش 

ليان .. منا عارفه 

الراجل .. انتي عبيطه يا بنتي 

ليان بهمس .. يا عمو انا محكوم عليا في لعبه اني اعمل كده بلاش إحراج قرش اي

الراجل ضحك بشده ومشي وليان رجعتلهم وضربت حازم في كتفه 

حازم وهو بيضحك بشده .. في قرش في الزمن دا يا هبله 

ليان .. طب والله لأضربك عشان انت اللي قولت وفضلو يجرو ورا بعض 

زين .. خلاص يا تافهين 

ليان شهقت .. الحق بيقول علينا تافين 

حازم .. حسبي الله بقي دا منظر دكتور في الجامعه 

ليان ضحكت .. شكلك فظيع 

حازم .. بس يا بت 

زين .. كملو خناقه واحنا هنتمشي 

****

هيدي وسليم بيتمشو علي البحر 

سليم .. ساكته لي 

هيدي .. الجو مش حابب غير هدوء 

سليم .. انتي برج اي 

هيدي .. عقرب

سليم .. امم 

هيدي .. امم اي فكك من جو الابراج ده وكده 

سليم .. انا قولت حاجه 

هيدي خدت نفس طويل 

سليم .. ما تتكلمي معايا احكي اي حاجه بدل الصمت ده 

هيدي .. احكي .. هحكي عن زين عشان بحبه دا بقي مالك قلبي من زمان من غير ما حد يعرف زين كان بيجي يقعد معايا بالساعات ويفضل يتكلم معايا بحس بدفي معاه بحس نفسي فراشه بيحضني لو محتاجه اتطمن انا طول عمري تقريباً بتضايق من أن معنديش اخوات زين عمره ما حسسني بكده 

سليم بعصبيه فيها انكسار .. هو احسن مني في اي .. انا قصرت معاكي في اي .. عملت اي في حياتي عشان لما احب واحده تفضل تتكلم معايا عن واحد بتعشقه .. عملت اي ردي عليا .. قصرت معاكي في اي انا طول الفتره اللي فاتت بحاول اقرب منك وقبل ما اقولك اني بحبك كنت بكلمك علي طول واهتم بيكي .. في اي لو مش عايزاني تقولي وبلاش  وجع القلب ده 

هيدي .. سليم انت بتقول اي

سليم .. زعلتي من كلامي اهو انتي بقي عماله تطعني قلبي بسكاكين بارده 

هيدي .. سليم  زين اخويا 

سليم .. في الرضاعه يعني مش اخوكي شقيقك يبقي لي دا كله 

وضحك بإنكسار .. عمتا انا هبعد عنك عشان ترتاحي وانا مش عايز اخسر زين لأني بحبه اول ما نرجع هسافر واسيبلك مصر كلها عشان تبقي علي راحتك مع اخوكي 

هيدي حضنته تلقائي .. سليم .. سليم والله ما كنت اعرف اني بجرحك كده بعدك عني هيموتني انا بحبك اوي والله وبعشقك انا بتكلم عن زين عشان هو اخويا والله مش اكتر لو مكنتش بحبك مكنتش هوافق أن إحنا نرتبط اصلا .. سليم رد عليا هتسيبني هتنهي حياتي بسفرك .. سليم .. ارجوك اتكلم انا متخلفه والله والله مكنتش اعرف انك هتضايق .. وكملت بعياط .. انت لو سيبتني هبقي لمين 

سليم دمع .. كفايه انا زهقت بقي كلكو عايشين حياتكم وانا اللي مدفون في المستشفى عمر ما حد فيكم اهتم  ب راحتي وسعادتي انا مش هكمل وهسافر ومش عايز المستشفي عندي ارتاح افضل 

هيدي صرخت .. طب وتوجع قلبك وقلبي لي 

سليم .. لأن مفيش واحده بتحب واحده هتفضل تتكلم معاه عن واحد يبقي كل حياتها اللي انتي بتعمليه هيوقع بيني وبين زين وبين العيله كلها 

هيدي .. عملت اي غلط حبيتك ومحدش حس غير زين لما شكيت فيا زين طبطب عليا وفضل يهديني .. طب هتسيبني هموت لأن ببساطه عايشه بوجودك حتي لو مفيش مخلوق في الكون عارف كفايا اني بحبك من زمان

Fatma goda 

سليم .. اومال بتجرحيني لي مش بتقولي اي كلمه حلوه تحسسني بحبك ليا 

هيدي .. بحبك والله وبعشقك كمان 

سليم .. هتعملي كدا تاني 

هيدي .. لا والله 

سليم مسح دموعها وحضنها 

هيدي .. ااااااه علي الوجع 

سليم .. بس مفيش وجع تاني 

هيدي .. هتسافر 

سليم .. 

هيدي .. سليم رد عليا 

سليم .. 

هيدي بعدت عن حضنه .. عن اذنك انا مبفرضش نفسي علي حد 

سليم مسك ايديها.. مش هسافر

هيدي حضنته بكل قوتها 

بعد شويه 

سليم .. خلاص بقي فرفشي 

هيدي .. ماشي 

سليم لمس شفاتيها بأنامله 

هيدي .. مش هنرجع 

سليم .. هنقعد شويه 

قعدت قدامه وهو يتحسس شفاتيها بأنامله وقبلها بحب وهي بادلته شعوره ولفت ايديها حولين رقبته 

هيدي  .. خلاص 

سليم .. عايزه ترجعي دلوقتي لسه بدري 

هيدي سندت رأسها علي رجله 

*****

اليوم مر بتفاصيله اللي كان فيها زعل وفرح وحب واعترافات وبداية حياة لعاصم وعهد حياه طبيعيه مليانه عواطف واطمئنان ودفي بقربهم من بعض

في صباح مشرق بالاحداث 

مراد .. صباح الخير 

داليدا بدلع .. صباح النور يا حبيبي 

مراد .. الله فين دا من زمان

داليدا بهزار .. كداب 

مراد قبلها .. انا كداب 

داليدا بتدخل في غرامه وتنسي العالم

******

Fatma goda

عز .. ليليان 

ليليان .. نعم 

عز طلع سلسله من جيبه .. اتفضلي يا روحي 

ليليان بفرحه حضنته .. حلوه اوي انت مش ناسي حاجه كمان كام يوم 

عز  بكدب .. لا مش ناسي

ليليان ابتسمت بزعل جواها .. انا هروح لمرام شويه 

عز .. ماشي 

راحت واسر فتحلها .. تعالي يا لي لي 

مرام .. اسر لو سمحت سيبنا لوحدنا شويه 

اسر .. ماشي هروح لعز 

مرام .. معملش حاجه 

ليليان  اترمت في حضنها .. لا جبلي السلسله دي بس انا مش عايزه هدايا هو نسي 

مرام .. واسر كمان نسي انا مضايقه 

ليليان .. هو انا مبقتش ماليه عينه 

مرام .. بس بس هو   في اجمل منك

ليليان .. اول مره ينسي 

مرام .. طب ما نصبر يمكن يفتكرو يومها 

ليليان .. ماشي 

مرام وليليان قريبين من بعض هما كلهم قريبين من بعض 

*****

اسر .. مراتك بتشتكي لمرام 

عز .. طيب كويس دا اللي كنت عايزه 

اسر ..  انت تظبط كل حاجه 

عز .. متقلقش

اسر .. ربنا يستر 

*****

عهد صحيت وعشان تصحي عاصم برومانسية جابت زجاجة ميه ودلقتها عليه 

عاصم بعصبيه .. انتي متخلفه يا عهد 

عهد .. بهزر في اي 

عاصم شالها عهد .. انت هتعمل اي 

عاصم .. هوريكي الميه اللي اتدلقت عليا حطها في البانيو وقعد معاها  ورش عليها ميه 

عهد .. يححح يا ابني هدومي اتغرقت

عاصم .. اعمل اي 

عهد .. والله انت سخيف مش ههزر معاك تاني 

عاصم .. بس يا بت 

عهد جت تقوم شدها عاصم .. هو دخول الحمام زي خروجه 

عهد ضحكت .. اوعي مش هكلمك 

عاصم قبلها برقه .. طب وكده 

عهد بهزار .. مش هكلمك تاني 

عاصم .. متقدريش اصلا 

عهد بعصبية زي الاطفال .. يووه منا مش هقدر فعلا 

عاصم .. بس يا هبله تصدقي حلو الموقف دا 

عهد .. انا صورته انا مثبته الفون 

عاصم .. حطاه فين 

عهد .. جمب  باب الحمام 

عاصم .. يبقي كله اتصور 

عهد ضحكت .. هنفضل في الميه 

عاصم خدها في حضنه 

عهد .. كل حاجه اتغيرت في فتره بسيطه 

عاصم .. دا مضايقك يعني 

عهد قبلت رقبته .. حد يضايق لما يكون في حضن القمر ده 

عاصم .. حبتيني 

عهد بإبتسامه .. تؤتؤ .. عشقتك 

عاصم .. بحبك يا احلي واجمل وأعظم حاجه في حياتي 

عهد همست في اذانيه بدلع 

عاصم ضحك بشده .. انا قولت عليكي هبله محدش صدقني قومي البسي هنروح اليخت بتاع مراد 

عهد .. ماشي فوريره 

*******

Fatma goda

راحو يخت

 <عشق المراد >

مراد .. انطلقو بقي 

حازم سحب ليان لجزء مش متشاف 

ليان .. اي 

حازم .. اي القرف اللي علي شفافيك ده 

ليان .. روج 

حازم .. انتي هتجنني منا عارف مش انا اتزفت قبل كده قولت بلاش الروج ده 

ليان .. لي يعني 

حازم قبلها بعنف وهي اتصدمت وكانت متنحه 

حازم .. اظن فهمتي ليه 

ليان كاتمه ضحكها .. فهمت 

حازم .. بتضحكي لي 

ليان .. حازم الروج علي بوقك 

حازم بخبث .. امسحيه 

ليان طلعت منديل وبتمسح الروج من علي شفايفه وفي لاحظه 

ليان .. خد امسحه انت 

حازم .. امسحي 

ليان .. لا خد بلاش قلة ادب ولأخر مره بقولك لو عملت كده تاني صدقني مش هكلمك تاني 

حازم .. بتضايقي 

ليان .. ايوه عشان مينفعش وانت شبه درفة الباب مش بلحق ابعدك 

حازم ضحك .. اطلعي يا لمضه 

*****

وليد .. كوكي خدي 

كارمن .. الله نوتيلا 

وليد .. امسكي 

كارمن بهدلت نفسها وعملت شوكولاته علي وش وليد 

وليد .. الله يقرفك

كارمن .. انت بتحبها كل معايا

وليد .. بحبها بس مش باللحوسه دي 

كارمن .. يلا وليد كل معايا وبهدلني بالشوكولاته عشان نتصور 

داليدا .. الله يقرفكم بتعملو اي انتم مش صغيرين 

وليد .. انا راضي وهي راضيه خلاص

*****

Fatma goda 

سليم .. ساكته لي 

هيدي سندت رأسها علي كتفه .. عايزه انام 

سليم  .. فوقي بس شويه عشان تعرفي تنامي بليل 

(في الدور الثاني من اليخت ) 

ادم .. ميرا 

ميرا .. نعم 

ادم .. اقعدي اصطادي معايا

ميرا .. امسكها معايا تقيله  

عهد .. يا عاصم هات الصناره شويه 

عاصم .. تقيله عليكي مش هتعرفي تشليها 

عهد قربت من طرف اليخت .. هعرف متقلقش 

(الدور الثاني في جزء مفتوح من غير حواجز عشان الصيد ) 

عاصم .. خدي 

عهد مسكت الصناره.. بعد دقايق .. سمكه شد يا عاصم 

عاصم مسك معاها وهي رجلها فلتت و وقعت في البحر  ( مبتعرفش تعوم ) 

يا تري اي اللي هيحصل ؟؟

واي اللي عز واسر ناسينه ؟ 

لقراءة باقي فصول الرواية : اضغط هنا