رواية أميرة الرعد الفصل السادس والعشرون 26 بقلم ندا الشرقاوي

تقف في مكان مظلم في شرفه الجناح تفكر في الماضي فالحياه انقلبت من سعاده وفرح لظلام وحزن تدعي ان يكون كبوسا وليس حقيقي فإن اميره المرحه اختفت وظهرت اميرة جديده فا رعد في غيبوبه 4 شهور لحد الان

       Back

يوم الحادث

اميره /رررررررررعد

بدا الصراخ بصوت عالي من  الجميع واميره اغمي عليها وجنه من كتر الصراخ خافت وبدأت تعيط

يوسف /اميرررررره

اخدو اميره علي المستشفي

بعد ساعه فاقت اميرة

اميره /ررررررعد

جري عليها يوسف وحضنها/اهدي ياأميره

اميره بصراخ وبكاء /محدش يقولي اهدي انا عاوزه ررررعد عاوزه جوزي يارررررعد

جت الدكتوره

يوسف بعصبيه /انتي هتتفرجي عليا اديها مهدئ

الدكتوره /غلط المهدئ يافندم دي حامل

اميره بدموع /عاوزه رعد يايوسف قلبي بيوجعني يايوسف رعد مش كويس انا عاوزه رعد هو……… هو قال هيجي الصعيد…. اه هو كدب عليا… بس انا مسمحاه بس وديني لرعد…. هو بخير صح…. قولي يايوووووسف

يوسف حاضنها ودموعه بتنزل

دخلت هدي بسرعه

هدي /اميره

اميره نزلت من علي السرير جري علي هدي وحضنتها

اميره ببكاء/ماما فين رعد انا عاوزة رعد ياماما ردي عليا

هدي ببكاء /ااااه يابني

يوسف /اميره اهدي وانا هوصلك لرعد

سمعت اميره الجمله وتوقفت عن البكاء

اميره /طب ياله بسرعه وشيلوا البتاع اللي في أيدي دي انا مش تعبانه

يوسف /تعالي بس ماما هدي تغيرلك خدوم المستشفي وانا هستني بره وبلاش عياط علشان خاطر رعد

طلع يوسف وساب اميره وهدي

هدي /ابني هيروح مني ياأميره رعد هيروح مني

اميره هزت راسها بنفبلا/لا لا رعد هيكون كويس ياله بقا علشان نروحله

هدي بهدوء /انا امه وقلبي بيتقطع عليه بس هقولك كلمه وحده اوعي تضعفي رعد ليه أعداء انتي عايشه في وسط ديابه اميره المنشاوي لازم تكون قويه ابني لما علمك الدفاع عن النفس كان عاوز انك تكوني قويه وليكي اسم انتي شايله حفيد سليم المنشاوي لازم تكوني قويه واجدعها راجل في البلد يبقي تحت رجليكي سامعه

اميره وكتمه دموعها /سامعه

قامت اميره غيرت ودموعها نزله بغزاره في صمت وقلبها وجعها علي حببها

ونزلت وهيا ركبه العربيه ودموعها بتنزل وشريط زكراياتها مع رعد من اول ما اتجوزوا بيمر قدامها ونفسها يكون كابوس وتصحي منه تلاقي رعد جمبها

وبعد مرور الوقت وصلت اميره المستشفى وكل ما تقدم خطوه للدخول ترجع لورا تاني مش عاوزه تقرب خايفه من الاقتراب

لأول مره تخاف من الاقتراب من حبيبها بس ليست قادره ان تشوفه في هذا المكان

دخلوا الممر شافوا أكرم قاعد وحاطت ايدي علي وشه

وياسمين مسكه المصحف وقعده

جريت اميره علي أكرم

اميره /رعد فين يااكرم رعد فين

أكرم /جوه ياأميره ادعيله

اميره بصت علي غرفه العمليات وسكتت وسليم واقف حاسس انه هيقع الحمل كبير عليه

وهدي وقفه قلبها بيدق جامد خايفه علي ابنها اوي وبنحاول تداري دموعها

بعد ربع ساعه طلع الدكتور

اميره قامت تجري /دكتور رعد رعد كويس صح

الدكتور صعب عليه حال اميره وقال سريعا /المريض خير دم كتير وجالنا متأخر ولازم نقل دم والمريض فصيله دمه نادره جدا جدا يعني واحد من مليون بيكون عنده الفصيله دي وهيا _AB

أكرم /هقلب مصر كلها

اميره /انا انا نفس الفصيله انا ياله يادكتور

الدكتور فرح بس بعد كده قال بحزن/اسف حضرتك حامل منقدرش نسحب منك دم

اميره بجنون/ازااااي انتوا بتستهبلوا انا قولت انا هديله سامع يروح الحمل مش عوزاه بس خد الدم مني يادكتور والنبي

الدكتور /اسف مقدرش

يوسف وأكرم جريوا علشان يجيبوا الدم

وسليم مسك اميره جامد

سليم /ياأميره مينفعش افهمي بقا انتي حامل وغلط عليكوا

اميره انهارت قوتها وقعت في الارض /مش عاوزه الحمل انا عاوزه رعد

ياسمين بتبص علي اميره وقعده مش قادره تتكلم خايفه انها تخسر اخوها رعد مش اخوها وبس دا ابوها وصاحبها وكل حاجه ليها في الدنيا

بعد ساعه

وصل أكرم

أكرم بفرحه /لقيت الدم لقيت

فرحوا كلهم دا الأمل الوحيد بعد ربنا

لاكن طلع الدكتور وقال باسف /اسف المريض دخل في غيبوبه

سليم بعصبيه /يعني اي وانت لزمتك اي واقف جوه بتعمل اي كيف دخل بغيبوبة دا انا اقفلكوا المستشفى دي

الدكتور بيحاول يخلص نفسه  من سليم  /ياسليم بيه دي حاجه بأيد ربنا وياعالم هيفوق أمته ادعوله

تم نقل رعد لغرفه تانيه مجهزه

سليم الممرضه /ينفع حد يدخل يشوفه

الممرضه/فرض واحد بس يافندم

اميره /ادخلي ياماما

بصت هدي لاميره لأنها كانت متوقعه انها تقول انها اللي تدخل مش تقول هدي

هدي /قومي يابنتي ادخلي لجوزك

اميره هزت راسها بنفي/لا اتفضلي انتي

هدي ابتسمت ابتسامه صغيره وقالت /قومي ياميرو ياله علشان تتطمني علي رعد ياله

قامت اميره ودخلت وهيا بترتجف وفتحت الباب ودخلت

ورعد نايم علي السرير وجسمه عليه الاجهزه والاكسجين

مسكت ايده جامد كأنها بتاخد قوتها منه حته وهو تعبان حسه انه قوتها وامان ليها

اميره بابتسامه /كده يارعد مش عاوز تكون معايا بتهرب من الواقع ليه ياحبيبي ما تفضل معايا انت كنت عاوز تعرف نوع البيبي اي ياله اصحي بقا علشان نشوف البيبي وكمان انت قولت عاوز بنت صح بس انا عاوزه ولد علشان افضل شيفاك قدامي انت كنت حاسس صح علشان كده كنت بتامنا كويس ياله ياحبيبي خليك قوي علشان ترجع لينا تاني انت هتفضل معانا علي طول طب لما ارجع لجنه اقولها اي بابي فين وهيا صحيت فرحانه انك جاي

انت عارف انا كنت حاسه ان في حاجه هتحصل لما حلمت انك بتبعد وانا أقرب وانت تبعد عني كنت الحلم اتحقق يارعد بس انا لازم انهي الحلم دا

وكملت بقوه واخد حقك وهعمل المستحيل علشان اسم رعد المنشاوي يفضل محفوظ وكملت ببكاء وحشتني ياحبيبي وحطتت راسها على صدره وقالت حضنك وحشني يارعد يومين مش قادره علي فراقك مش هقدر ابعد عنك انا هفضل معاك علي طول وهاجي هنا كتير وهجبلك جنه وانت كون قوي يابابي علشان اجبلك بيبي حلو شبهك كده

دخلت الممرضه /يامدام مينفعش كده كده غلط علي المريض كفايه كدة اتفضلي

اميره بصت ليها /حاضر هطلع دقيقه

قبلة يد رعد وخده قبلات رقيقه واديها علي خده وعيونه

وطلعت

والعيله اطمانت علي رعد وكل يوم اميره تروح لرعد المستشفي تحكي كل اللي حصل في يومها وتروح تاني

وفي يوم بعد 3 شهور من الحادث ورعد لسه في غيبوبه

جنه/مامي هو بابي مش هيصحي بقا

اميره /شويه وهصحي بس هو سامعك قوليله كل اللي انتي عوزاه

جنه /ماشي طب ممكن تطلعيني جمبه علي السرير بليز

اميره /حاضر ياروحي

اميره في شهورها الاخيره وبطنها كبرت ومرحتش حته تعرف جنس المولود وكانت بتتعب وبرده مش عاوزه تكشف ولا تروح للدكتوره

شالتها قعدتها جمب رعد علي السرير

جنه نامت جمبه وبدأت تكلمه وتقوله /بابي انت هتصحي أمته انت عارف انا معنتش بقول الكلام غلط والحروف اتعدلت خالص انت وحشتني اوي علي فكره وانا كمان ماما بتوديني الNursery  (حضانه) وحفظة الحروف بس بشوف كل صحابي بيدوا مع البابي بتعهم انت هتصحي امتة يارعدي وتيجي معايا بقا

اميره تعبت من كلام جنه وقالت /ياله ياجنه بقا علشان بابي يرتاح واحنا نروح لان مامي تعبت شويه

جنه /ماشي يامامي

جنه لرعد /باي يارعدي هجيلك تاني اه معنتش باكل شوكلت كتير علشان سناني وعلشان انت متزعلش مني بس وعد لما تصحي هناكل سوا وقبلت خده ونزلت من علي السرير

واميره قربت عليه وقالت /مع السلامه يابن قلبي

              Fact

اميره بتفتكر كل حاجة حصلت في الحدثه وامرت اميره نقلها من الفيلا لقصر وسمته قصر الرعد

القصر من جوه

وواجهت صعوبات مع العيله بسبب نقلها وأنهم اقترحوا عليها تفضل في الصعيد لاكن هيا رفضت

ونقل سليم وهدي حياتهم الي القاهره واستقروا في فيلا رعد القديمه ليكونوا جمب اميره ورعد

والمفروض ان اميره هتولد في الأسبوع دا وهيا رفضه انها تروح لدكتوره تحدد يوم الولاده

  فاقت اميره من التفكير في الماضي علي صوت جنه

جنه /مامي

اميره /نعم ياروحي

جنه /سلومي ونانا وكرومتي وچو وياسو ومرمر تحت

اميرة /طيب ياروحي أنوي انتي وانا هاجي علي طول وبراحه علشان مش تقعي ياقلبي

جنه /حاضر

دخلت اميره خدة شاور وطلعت لبست فستان واسع لظروف الحمل وصندل خفيف وبرفان الخاص برعد ودا طبعا بتبعت تجيله من لندن

ونزلت

اميره /السلام عليكم

الجميع /وعليكم السلام

أكرم /اي ياأميره مش ناويه تروحي للدكتورة

اميرة ببرود /لا يااكرم مش ناويه

هدي /ياحبيبتي احنا عاوزين مصلحتك انتي بطنك كبيره اوفر في حاجه اكيد

اميره /معلش ياماما خلوني علي راحتي

سليم /اميره انا سايبك تعملي كل حاجة براحتك وبرده مش عارف اني بتعملي كده ليه ولا بتفكري في اي واوعي تقوليلي الأنتقام

اميرة بشر /اه الأنتقام وهنتقم

سليم بعصبيه /تنتقمي من مين بالظبط

اميرة /من اللي خلا جوزي يعمل حدثه

سليم /وهو فين دا

اميره /هيظهر قريب

ياسمين /طب ليه نقلتي في القصر ما كنتي فضلتي في الفيلا ومعانا

اميره /انا مرتاحه كده ابيه

يوسف /عيونه

اميره /انا هنزل الشركه كمان اسبوع

أكرم /تنزلي تعملي اي

اميره /هنزل ادير شغل جوزي رعد عاملي توكيل بكل حاجه وهرجع شركه المنشاوي تاني

سليم بحزن عليها /يابنتي انتي كده شايله فوق طاقتك كتير عليكي

اميره بابتسامه /متخافش يابابا ان شاء الله خير حست اميره بألم

اميره /ااااه

هدي /اميره مالك

اميره بصراخ اكتر /اااااااااااه

مرام /اميره شكلها بتولد ياله بسرعه

اميره /ااااااااااااااه رررررررعد

شالها يوسف وجري بيها للمستشفي الي فيها رعد

وكله اتحرك علي المستشفي والحرس وراهم ودا طبعا حرس اميرة الخاص بيها فيا غيرت طقم الحراسه كله بعد دخول رعد في غيبوبه

وصلوا المستشفي ودخلت اميره العمليات

في غرفه العمليات

اميره بعصبيه وصراخ /مش هولد مش هولد

الدكتوره /ياله يافندم والله انتي علي اخر حاجة

اميره /رررررررررعد

الدكتورة /يافندم كده الجنين ممكن يتخنق ولقدر الله يموت

اميره بدأت تستحمل والحمد لله ولدت علي خير لاكن صرخت مره ثانيه

الدكتورة بعصبيه /محدش بلغني ان حضرتك حامل في توأم

اميره بصراخ /تصدقي بالله ولا انا

اميره /ااااااااه

ولدة اميره علي خير

طلعت الدكتوره من العمليات بارهاق

الدكتورة /ازاي متبلغوش ان المدام حامل في توأم كنت ولدتها  قيصري بدل طبيعي تعب ليها

الجميع /تواااام

الدكتوره /هو كل واحد يستغرب

ياسمين /معلش يادكتورة اصل اميره كانت رفضه الكشف

الدكتوره /طيب المدام اتنقلت لغرفه تانيه والأطفال الممرضه هتجبهم

يوسف /طب هو جنس الأطفال اي

الدكتورة /ولدين وبنت

الجميع بصدمه /3

الدكتورة مشيت

سليم /اميره جابت 3

هدي /اميره الكيوت كانت حامل في 3

مرام مسكت في يوسف جامد وقالت /يوسف انا خايفة دي كانت بتصرخ جامد

يوسف حاول يهديها /لسه بدري علي ولادتك ياقلبي ومتخافيش ان شاء الله خير

أكرم /كانت بتاكل نص اكلك ياياسمين وانتي عماله تاكلي وفي الاخر محصلتيش اتنين

ياسمين واديها علي بطنها /ليه ياخويا دا انا هجيب بنوته اي عسل

جنه /انتوا هتفضلوا تتكلموا كتير ياله عاوزه اشوف مامي

أكرم بغيظ /بس يالمضه

نص ساعه ودخلوا الاوضه اللي فيها اميرة

اميره بتعب وتوهان /ابني

أكرم /ابنك اي بقا قولي ابنائي

اميره لسه تحت تأشير المخدر /رعد……. يارعد ياله اصحي هنروح نشوف جنس للمولود سوا…. لو مصحتش مش راحه.

بصولها بحزن

شويه شويه بدأت اميره تفوق

اميره /البيبي

هدي لسه هتتكلم دخلت الممرضات كل ممرضه شايله طفل

اميره بصدمه /مين دول

يوسف /أحفاد المنشاوي وابناء رعد المنشاوي واكملت جنه بغرور واخوات جنة المنشاوي

اميره بصت لابنائها بفرحه فهم مثل الملائكه بنوته جميله اوي تشبه اميره

وطفلان بملامح بريئه وجميله

اتمنت ان رعد يكون جمبها

سليم /ها ياست البنات هتسمي اي

اميره /جنه هتسمي البنوته اي رايك ياجنتي

جنه بسعاده /بجد يامامي

اميره /اه ياروحي ياله تعالي شوفيها وسميها

جريت جنه وشالها يوسف وشافت البنوته وقالت

جنه /فردوس

اميره /فردوس اشمعنا ياجنه

جنه /علشان نكون جنه الفردوس

أكرم /لا عجبتيني

مرام /دماغ متكلفه

ياسمين /الولدين

اميره بتفكير /كانت المفروض رعد هيسميهم

هدي /ربنا يشفيه ويرجعه لينا بالسلامه

اميرة /انس ومالك

مرام /حلوين اوي

أكرم /انس رعد سليم المنشاوي ومالك رعد سليم المنشاوي وفردوس سليم المنشاوي

اميره/يوسف عاوزه اروح لرعد

يوسف /ياأميره انتي لسه طالعه من ولاده طب استني لبكره

اميره /دلوقتي لو سمحت يابابا خليه يوديني

سليم /……

قاطعهم صوت الباب

دخل احمد وفاء سريعا

احمد /اميره انتي كويسه

اميره /كويسه يابابي

وفاء /حبيبتي محدش عرفنا احنا كنا جيين بالصدفه علي القصر الحرس قالنا

اميره /معلش كلهم هنا ومحدش افتكر ها مش هتشوفوا عيالي

احمد بستغرب /عيالك

اميره /والله عيالي اي كميه الصدمات دي

وفاء /ما شاء الله الله اكبر ربنا يبارك وقبلتهم

احمد /سميتي اي ياأميره

اميره /انس ومالك وفردوس

جنه /مامي ياله نروح لبابي

اميره لسليم /هااا هتوديني

سليم بابتسامه /وهو انا عندي اغلى منك تعالي ياحبيبتي

ابتسمت اميره علي حنيته

اخدو اميره والأطفال لغرفه رعد وقفلوا الباب

اميره /رعدي انا ولدت 3 أطفال شوفت انت قولت عاوز أطفال كتير تملئ الفيلا انا جبت 3 العيله الي كانت مكونه من 3 إفراض بقينا 6 يارعدي انا سمين انس ومالك وفردوس جنه هيا اللي سمت فردوس علشان يكونوا جنه الفردوس  رعد انا نقلت في القصر الجديد وسميته قصر الرعد

وعملالك مفاجأه تانية استني بقا قربت انس من رعد ومالك وفردوس كانوا كلهم جمب رعد

ونادت  علي يوسف

يوسف /خلصتي ياأميره

اميره /هات الفون يايوسف

يوسف باستغراب/الفون

اميرة /اه

أداها الفون وصورت الأطفال وهما جمب رعد

جنه /وانا يامامي

اميره /اقفي جمب بابي ياجنه

جنه وقفت واميرة التقتط صور كتيرة

اميره /هنيجي  تاني يارعدي

يوسف /ياله

اميره /ياله

دخلت الممرضات شالوا الأطفال

عدا اسبوع وطلعت اميره من المستشفي وبدأت تتعب من الحمل اللي عليها أصرت هدي انها تقعد معاها لاكن اميره رفضت

وجابت مربيه تساعدها

في يوم جديد

صحيت اميره  من نومها دخلت خده شاور ولبست ترنج وقعدت تتأمل في الأطفال

اميره /شكلكوا حلو اوي بقا انا عندي الأطفال الحلوه دي

كان نفسي رعد يكون معانا قريب بإذن الله اي رايكوا تنزلوا ونفطر تحت

جنه صحيت من النوم /مامي انتي صحيتي

اميره /اه ياعيون مامي

بدأت اميره تجهزهم ونزلت اميره بفردوس والمربيه نزلت بأنس ومالك

وقعتهم في العربيه بتعتهم وقعده تفطر

اميره للمربيه /انتي وقفه ليه

المربيه/امال اعمل اي ياهانم

اميره /اقعدي افطري

المربيه/ازاي

اميره /اقعدي يابنتي في اي وبعدين انا اميره عادي وبعدين هتسبيني قعده علي سفره فيها 40 كرسي وانتي واقفهاقعدي افطري

قعدت المربيه واسمها امل

جنه /يامامي انا مش طايله حاجه ومش شايفه اي الكراسي الطويله دي

اميره ضحكت /تعالي اقعدي علي رجلي ياجنتي

قعدت جنة علي رجل اميره بدأت تاكل

????????????????????????????????????????????????????????

المجهول /يعني اي رعد اختفي من المستشفي

المجهول /اه والله ياباشا دا معتش ليه وجود

المجهول /ازاي يااغبيه انتوا مراقبين المستشفي ليل نهار اي اللي حصل

المجهول /منعرفش ياباشا رعد المنشاوي ملوش وجود دلوقتي

المجهول /اقفل يازفت واقلب الدنيا على رعد المنشاوي اقلب مصر كلها وراقب مراته

المجهول /مراته عليها حراسه ولا رئيس الجمهورية

المجهول /اتصرف اعمل اي حاجه

المجهول /حاضر ياباشا

????????????????????????????????????????????????????????

اميرة /كله تمام

الحرس /اه يافندم

اميره /لو عرفت ان حد عرف حته لو مين هدفنكوا

الحرس /خالص يافندم محدش يعرف خالص

اميره /في سلاح عاوزه ارخصه في أقرب وقت

الحرس /اي وقت يافندم احنا موجودين

اميره /عاوزه اربعه  علي البوابه الخلفيه

وتزود الحراسه اكتر مش عاوزه نمله تعدي وتدخل القصر

الحرس /تمام يافندم

اميره /جنه وهيا راحه الNursery  عاوزه عربيتين معاها وحرس يفضل هناك لحد ما تخلص وانا اللي هوديها بنفسي

الحرس /حاضر يافندم حاجه تانيه

اميرة /اتفضل انت علي شغلك

بعد نص ساعه

دخل أكرم ويوسف

أكرم /فين رعد ياأميره

اميره بصت لهم ببرود /ليه

يوسف /من أمته وانتي عندك كميه البرود دي

اميره /من ساعت ما عرفت ان جوزي دخل واحد يديله حقنه سامه والباشا والباشا نيمين علي نفسهم

أكرم /حقنه سامه اي

اميره /بعده دخله حد علشان يديله حقنه تقتروا تقولولي كنتوا فين ولا الحمير اللي شغاله معاكوا فين انا غيرت طقم الحراسه اللي كان في المستشفي

أكرم /طب هو فين دلوقتي

اميره /ميخصش اي حد

يوسف /امال يخص مين

اميره /يخصني انا وبس

أكرم بعصبيه /اميره ررررعد فين

اميرة /……..