رواية أقتحمت قلبي حورية الفصل التاسع والثلاثون 39 بقلم هاجر

فى بيت ليل الهوارى 

ليل راجع من شغله لقي صفيه مستنيه 

ليل: خير يا ماما ايه اللي مصحيكي لحد دلوقتي 

صفيه: مستنياك

ليل: خير يا ماما في حاجه ولا ايه 

صفيه: اه يا ليل فيه، فيه انك. مبقتش مهتم بمراتك وبنتك وبيتك 

ليل: طب غصب عني يا ماما انا ماسك قضيه صعبه ولازم اكون مركز

صفيه: بيتك ومراتك بره كل ده، تقدر تقولى يا حضرت الظابط اخر مره حضنت بنتك كانت امتي 

ليل بص في الارض بخجل

ليل: يا ماما 

صفيه: مراتك لسه صغيره يا ليل محتاجه اهتمامك وحبك 

ادخل اوضتك دلوقتي هتلقيها قاعده وخده مريم في حضنها وبتعيط خد مراتك في حضنك وراضيها يا ليل

ليل: حاضر يا ماما 

ليل قرار انو زي ما بيدي كل وقته ل شغله انه يخصص وقت  لمراته وبنته، دخل ليل الاوضه وشال مريم وبداء يلاعب فيها بس لحظ زعل رقيه منه 

ليل بمرح: مممم مامي شكلها زعلانه مني ومش طايقني يا روما طب والحل ايه يا روح بابي 

مريم: ابوف غغغع بوف

ليل: ممم عندك حق انا بقول كده بردو

ليل ساب مريم مكانها وراح ل رقيه وبداء يهزر معاها 

ليل بمرح: اول ما عرفت انك عوزني جيت قوام مقدرش استغنا عنك يا معلمني الغرام وكلو كلو كوم وزعلك انت كوم كلو كلو كوم وزعلك انت كوم انا عندي الدنيا تزعل ولا تزعل مني يوم 

رقيه ضحكت: ههههه مجنون

ليل: بحبك يا كوته اقتلى امك وانزلى

رقيه: بس يا ليل انا زعلانه منك 

ليل بحب: حقك عليا والله غصب عني انا ماسك قضيه كبيره وكنت حاطط تركيزى كله فيها

رقيه بدموع: طب واحنا

ليل: انتو حقكو علي راسي ليكي عليا اخود اجازه ونطلع مصيف فى اي مكان انتي تختاريه

رقيه بفرحه: بجد يا ليل

ليل: بجد يا نبض قلب ليل

رقيه: بحبك 

ليل: وانا بعشقك يا روقتي

فى المستشفى 

الممرضه طلعت وقالتلهم ان نور فاقت، داخلو ليها

نور بتعب: ياسين حاسه بمغص غريب فى بطني 

ياسين: معلش يا حبيبتي 

نور: البيبي كويس يا ياسين 

ياسين بيحاول يدارى دموعه: اه يا حبيبتي كويس

نور بشك: انت متاكد يا ياسين 

ياسين: اه يا حبيبتي متاكد

نور: احلف بحياتي يا ياسين

ياسين: ايه لزمه الحلفان يا نور

نور بدموع: ابني مات

حور بدموع: ربنا يعوض عليكي يا حبيبتي 

نور بهستريا: ازاااي انا كنت كويسه ومكنتش بتحرك ازاي يروح ابني مااات يا ياسين هتولى ابني ااااه يا رعد ابني مات يا رعد 

رعد حضنه: ششش اهدي يا اميرتي انتي لسه صغيره وربنا هيعوض عليكي وهتجيبي بيبي تاني

نور بعياط: كنت عوزه ابقا ام يا رعد 

رعد: هتبقي ام يا حبيبتي والله بس ده نصيب

نور بهستريا: ماليش دعوه هتولى ابني انا عوزه ابني 

رعد بعصبيه: روح انده الدكتوره بسرعه انت وقف تتفرج

ياسين: حاضر 

جت الدكتوره اديت نور حقنه مهداء 

ياسين: مالها يا دكتوره هي بتعمل ليه كده

الدكتوره: كنت متوقعة ده جالها انهيار عصبي

رعد: طب والحل

الدكتوره: انا اديتها مهداء وهتصحه كمان ست ساعات وتحولو تخرجوها من الحاله اللي هتكون فيها وتتقبلو رد فعلها علي قد متقدرو وان شاءلله خير 

ياسين: ان شاءلله 

حور: كلنا جمبها وهتكون كويسه

رعد: يارب

ياسين: رعد خد حور وارجع علي البيت وجودكو ملهوش لازمه 

حور: انا هبات معاها

ياسين: لا يا حور مينفعش عشان ولادك انا هبات معاها

رعد: ياسين عندو حق وجودنا مش هيعمل حاجه يلا ونجيلها بكره الصبح 

حور: حاضر 

رعد: مش محتاج حاجه 

ياسين: لا انا تمام

رعد: هنجيلك الصبح لو حصل حاجه كلمني علي طول

ياسين: حاضر يا رعد

فى بيت بدر دياب

بدر قاعد علي السرير وبيلعب مع همسه واسراء كانت في الحمام وخرجت ووقفت قدام المرايا وعماله تبص علي نفسها اوي وبدر اخد باله واستغرب اوي 

بدر: مالك يا اسراء 

اسراء: بدر هو انا بقيت وحشه 

بدر ساب همسه علي السرير وراح عند اسراء

بدر: انتي اجمل من رأت عيني بس ليه بتقولى كده

اسراء بدموع: الحمل بوظ جسمي وشكل بقا وحش 

بدر بصدمه: لا خالص مين قالك كده 

اسراء: انا اللي بقول 

بدر: ليه طيب 

اسراء: عشان تخنت وفشولت وشكلى بقا وحش

بدر ضحك: هههههه والله مجنونه 

اسراء: متضحكش يا بدر انا بتكلم بجد 

بدر بحب: مهما جبنا ولاد ومهما شوفتي ان جسمك بقا مش حلو هتفضلي حبيبتي الاولي والاخيره وهتفضلي اجمل نساء الدنيا جوايا عيوني انتي 

اسراء: بجد يا بدر 

بدر: بجد يا روح قلب بدر 

اسراء بفرحه: بحبك

بدر بخبث: تؤتؤ انا كده هتهور

اسراء ضحكت: طب ماتتهور حد ماسكك

بدر: انتي اللي قولتي مترجعيش تعيطي

اسراء: ههههه ربنا يستر

عند معاذ بيتكلم مع مايا في الفون

معاذ بحزن: مش عارف كل ما اقول اخيرا المشاكل اتحلت واكلم اهلك تحصل حاجه تعطلنا تاني

مايا: معلش يا حبيبي اكيد خير 

معاذ: خير ايه بس وانتي بعيده عني

مايا: بعيد عنك ايه بس منا معاك اهو 

معاذ: لا يا مايا مش معايا انا عوزاك معايا علي طول عوز كل يوم ارجع من الشغل القيكي في البيت مستقبلني بضحكتك اللي بتخطف قلبي اخدك في حضني ونتفرج علي فيلم رومانسي في يوم اجازتي 

مايا: والله كل ده هيحصل وهيتحقق بس احنا نصبر شويه

معاذ: حاضر ياختي اديني صابر لحد ما هبقا صباره

مايا: هههههه انت مش قادر علي بُعدي اوي 

معاذ: بحبك يا مايا اعمل ايه طيب غصب عني

مايا بحب: يا روحي اكيد هنجتمع مع بعض قريب اوي 

معاذ: يارب 

فى المستشفي

ياسين قاعد علي الكرسي جمب نور وبعد ست ساعات بالظبط نور فاقت فتحت عينها لقيت ياسين نايم علي الكرسي بدات تعيط اول ما افتكرت اللي حصل وياسين صحي علي صوت عياطها قام واخدها فى حضنه

ياسين بحنان: ششش اهدي ياروحي اهدي يا حبيبتي 

نور بعياط: ابني مات يا ياسين

ياسين: هنجيب غيره يا قلبي ربنا هيعوض علينا 

نور سكتت مره واحده وبطلت عياط

نور بجمود: عوزه اروح يا ياسين

ياسين استغرب من رده فعلها اللي اتقلب مره واحده 

ياسين: حاضر الصبح هنمشي 

نور: عوزه انام 

ياسين: نامي يا حبيبتي 

فى قصر السيوفى

فى اوضه جاسر وسندس

سندس نايمه فى حضن جاسر وبيتفرجو علي التلفزيون

سندس: فكرك هخف ونخلف

جاسر: خالي ثقتك في ربنا كبيره يا حبيبتي 

سندس: ونعمه بالله، بقولك 

جاسر: قولى يا حبيبتي 

سندس: وديني بكره عند نور المستشفى 

جاسر: حاضر، بس انا سمعت حور بتقول انها هتيجي بكره 

سندس: ماشي بس لو مجتش نروحلها عشان اطمن عليها

جاسر: حاضر يا حبيبتي 

سندس: انا تعبانه اوي

جاسر بخوف: مالك يا سندس حاسه ب ايه فيكي ايه

سندس بالم: ااه بطني وجعاني 

جاسر: يلا نروح المستشفى 

سندس: لا هتلي العلاج الدكتوره قالت لما احس بالوجع ده اخده هيريحني

جاسر: حاضر

♕ رساله نفسي اوجها لكل الرجاله الموجوده علي الارض هي لما بتكون مكسوره بتكون محتاجه كلمه حنينه منك عوزاك تطمنها انك جمبها ومعاها لما بتقولك هبعد بتبقا عوزه تسمع منك تبعدي مين انتي مكانك فى حضني مش تقولها براحتك اللي انتي عوزه مترجعش تزعل وتلومها علي زعلها منك طالما انت مش قد انك تقف جمبها وتقويها متكسرهاش ببعدك وعدم اهتمامك احتويها اعتبرها اول بنت ليك وحسسها ب حبك ليها وحنانك عليها.