رواية رغد وكبريائه الفصل السادس 6 بقلم مروة حسن

رواية رغد وكبريائه الفصل السادس 6 بقلم مروة حسن

رواية رغد وكبريائه البارت السادس

رواية رغد وكبريائه الجزء السادس

رواية رغد وكبريائه الحلقة السادسة

مراد فتح باب -مكتب راعد- ودخل وهنا كانت الصدمه
راعد قريب من رغد جدا و رغد كمان سمحت بكدا . ازاي دي رغد بتتعامل معاه شخصيا من بعيد وبرسميه جدا لحق اخوه يش.قطها
راعد بسخريه / مراد باشا . يا ترا بقا انت اللي جايب رغد تشتغل سكرتيرتك ،يعني سفرتني عشان تجيبها تشتغل معاك و منعت فرحي عشانها صح .عشان بتحبها !
رغد بصدمه / انت بتقول اي يا راعد
راعد / بقول الحقيقه مراد هو اللي سفرني بالعافيه لو مكنش أصر اني اسافر وأجل فرحنا كان زمانا متجوزين دلوقتي
مراد/ انت اتجننت ولا اي انت نسيت اني اخوك الكبير ازاي تستجرا انك تقولي كده
راعد حس أنه عكها هو عارف ان لا يمكن مراد يعمل كده اصلا بس مفيش اي سبب تاني جه في باله يخليه يجبره يسافر في وقت فرحهم غير كده
راعد/ سوري مكنتش اقصد اللي قولته أنا بس اتعصبت ومعرفتش أنا بقول اي
مراد / تعالى ورايا ع مكتبي وانتِ يا رغد روحي على شغلك دلوقتي

في مكتب مراد
مراد / أنا مكنتش اعرف ان دي رغد اللي انت بتحبها واللي انت كتبت كتابك عليها قبل ما تسافر على فكرة غير كده ده لسه اول يوم شغل ليها هنا وانت محكتليش عنها ولا مرة ولا أنا شوفتكو سوا قبل كده عشان اعرفها ابقى فكر في كلامك قبل ما تقوله
راعد/ ودلوقتي عرفت هتعمل ايه بقا هتصلح اللي حصل ازاي رغد مش عايزاني حتى اكلمها رغد قطعت علاقتها بيا بسببك انت
مراد/ مش بسببي متنساش أنا سفرتك لي
راعد / لي أنا نفسي اعرف لي
مراد / عشان تتعلم ازاي تشيل المسئوليه يا حما.ر عشان تعرف تحافظ على بيتك ومراتك وعيالك في المستقبل ، عشانك مش عشاني عشان أنا لو اب ارضى اجوزك بنتي لاني مش شايف فيك ميزة واحده تخليني اوافق عليك انت واحد مست.هتر وبتاع بنا ت وبتخرج تصرف فلوس وتروح تاخد غيرها وهكذا هي دي حياتك فهمت بقا لي عشان عايز اشوفك راجل بجد راجل ناجح في شغله ويعتمد عليه عشان الفلوس دي ممكن تروح منك في لحظه وساعتها تعرف تقف لوحدك
راعد حضن مراد بتأثر / أنا آسف والله صدقني أنا اتغيرت مبقتش مستهتر ولا بتاع بنات ولا اي حاجه من الكلام ده من ساعت ما ارتبط ب رغد وانا واحد تاني خالص . أنا واثق انك عايز مصلحتي ومتردتش ولا ثانيه واحده في اني اسمع كلامك
مراد / بتحبها بجد ؟

راعد/ يفرق في اي
مراد / يفرق كتير لو بتحبها حارب عشانها عافر عشان توصل لقلبها لأن رغد فعلا تستاهل مكنتش اعرف انك هتعرف تختار واحده كده
راعد / طيب اعمل اي عشان تسامحني هي زعلانه دلوقتي أنا زعلتها جامد أويي أنا مشيت وسبتها من غير ما اعرفها اي حاجه
مراد / غبي كنت ع الأقل تتصل بيها وتقولها
راعد / ما هو انت اللي قولتلي سافر حالا
مراد / لا وانت الصراحه بتسمع الكلام اوي
راعد / هتقولي اعمل اي ولا لا
مراد/ هقولك بس بعد الاجتماع
في غرفه الاجتماعات
كان يجلس كل من مراد وراعد ووالدهم (جمال) و 4 آخرين من شركه اخرى
كانت رغد تقدم لهم القهوة والمياه المعدنيه بدون النظر الى احد منهم

ولكنها لاحظت نظرات الاستغراب على وجوه الجميع ماعدا مراد ورعد شعرت بالإحراج قليلا لأن الجميع كان ينظر لها قالت بصوت منخفض نوعا ما / مراد بيه حضرتك محتاج اي حاجه تانيه
مراد لاحظ كده خبط بالقلم على الترابيزة لينظر الجميع له / رغد تبقى سكرتيرتي الخاصه وانا لاحظت انكو بتبصولها اوي وده اكيد عشان معجبين بإحترامها واخلاقها اللي بتبان من تعاملها مع الكل بس لو ننتبه شويه للشغل يبقى احسن
الجميع بصوت واحد / اكيد طبعا
مراد /شكرا يرغد اتفضلي
رغد ابتسمت وخرجت بسرعه قلبها بيدق جامد يمكن من الإحراج ويمكن من كلام مراد اللي دايما بيحسسها أنه معاها وان محدش يقدر يدايقها وهو موجود
لتقاباها تلك الصفراء اللي مش وراها حاجه غير اختلاق المشاكل
رانيا / احم هو راعد بيه يعرفك منين
رغد / حاجه متخصكيش
رانيا / اصل الكل شافه وهو ماسك ايدك ودخلتو سوا المكتب وقفلتو الباب الله اعمل كنتو بتعملو اي جوا بس بصراحه مش هكدب عليكي راعد جامد بردو مش لازم مراد يعني
رغد / خلصتي يلا روحي على شغلك عشان أنا مش فاضيه
رانيا ادايقت أنها معرفتش تأثر عليها وتوقعها بالكلام وبصتلها بقر.ف ومشيت
رغد / استغفر الله العظيم من كل ذنب عظيم اي الاشكال دي
بعد ساعتين
في مكتب مراد . رغد خبطت ع الباب ودخلت بعدما سمح لها مراد بالدخول
رغد / مراد بيه أنا خلصت كل شغلي وكنت جايه ابلغ حضرتك اني ماشيه
مراد / تعالي خدي الورق ده ورتبيه من الأقدم للأحدث
رغد بصدمه / نعم

مراد / يلا بسرعه قدامك ساعه واحده بس وتكوني خلصتي
رغد / بس ده كتير اوي حضرتك أنا
مراد / من غير بس أصلا النهارده في شغل كتير اوي في الشركه وبعد ما نخلص هروحك
رغد / لي
مراد قام وقف وهو بيبصلها بتركيز / لي اي
رغد / لي عملت كده لي خليته يسافر في معاد فرحنا انت عارف أنه مش بيقولك على حاجه لا وياريت متقوليش عشان يعتمد على نفسه والكلام الاه.بل ده عشان مش هصدق
مراد / هيكون لي يعني بحبك مثلا زي ما هو قال . أنا اصلا معرفكيش ومشوفتكيش قبل كده لولا داليا هي اللي جابتك مكانها مكنتيش هتعرفي تدخلي الشركه دي أصلا
رغد / بس كان ممكن تخليه يسافر بعد الفرح مثلا
مراد ببرود/ مزاجي بقا انا حر
رغد اخدت الورق وهي بتبصله بكره من غير ما تتكلم وخرجت
بعد 3 ساعات
مراد خلص شغله و رن على الفون الاسود( بتاع مكتب رغد ) بس مكنتش بترد خرج عشان يشوفها بتعمل اي كل ده وكان اغلب الموظفين خلصوا شغلهم وروحوا

شاف رغد قاعده ع الكرسي وحاطه راسها على المكتب والورق جمب رأسها عرف انها راحت في النوم وهي بترتب الورق
مراد في سره / حظك نحس يا راعد والله
كان متردد يصحيها ولا يسيبها بس قرر يصحيها مينفعش تنام في الشركه
حط أيده على كتفها وكان لسه هيحركها بس افتكر أنها ضد اللمس و مبتسلمش على حد
وخطرت في باله فكرة ابتسم بمكر
( صلي ع النبي يا قمر )
عند راعد
كان واقف في مطعم فخم جدا و متجهز على أكمل وجه ورد احمر وقلوب مكتوب عليها أنا آسف يا رغد وقلوب تانيه مكتوب عليها بحبك يا رغد وأنوار هادئه طبعا هو حجز المطعم كله
راعد رايح جاي بيبص في الساعه
المفروض تكون جت
قرر يرن على مراد فهي من الأساس فكرته هو من عرض عليه هذا المطعم وهو أيضا من قال له أنه سيجعلها تأتي على أنه اجتماع عمل
الو يمراد هي الخطه باظت ولا اي

مراد حس بنبرة صوته الحزن فقرر يكمل الخطه على حساب تلك المسكينه النائمه / لا هي بس نامت وانا هصحيها واجيبها زي ما اتفقنا
مراد قفل مع راعد وشغل المنبه وظبطه على أنه يرن بعد دقيقه واحده على نغمه عاليه جدا وحطه جمب ودنها
وهو واقف جنبها مستني يشوف هتعمل ايه لما المنبه يرن
سمع صوتها بتتكلم وهي نايمه
مراد بسخريه / هو ده اللي كان ناقص كمان طلعت بتتكلم وهي نايمه
مراد قرب منها عشان يسمع بتقول اي وميعرفش لي عمل كده
رغد بصوت منخفض و متقطع / بحبه
مراد بصوت منخفض مثلها / هو مين ده
رغد / مُ ر ا د
ليصدم مراد وكأن سكب أحدهم دلو ماء عليه
المنبه رن ورغد قامت مخضوضه من المنبه / ايهه ده في ايه الشركه بتولع ؟ ي مراد . مراد بيه
مراد / …….

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية رغد وكبريائه)