Uncategorized

رواية بنات عمي الفصل الأول 1 بقلم آية الرحمن

 رواية بنات عمي الفصل الأول 1 بقلم آية الرحمن

رواية بنات عمي الفصل الأول 1 بقلم آية الرحمن

رواية بنات عمي الفصل الأول 1 بقلم آية الرحمن

في صعيد مصر وخصوصا محافظة سوهاج في قصر الصياد
يجلس علي مائدة الفطار كبير البلد المعروف عنه بالرجوله والشهامه الحاج محسن الصيااد و منيرة علي مقدمه الطاوله يليه زوجات اولادة الاثنان في صمت احتراما للطعام 
قاطع هذا الصمت صوته…… امال ولدك فين يا منيرة 
اجابت منيرة وهيا تتناول طعامها….. فوق يابابا الحج هيجهز وينزل عشان الشغل 
تابع الحاج محسن بتنهيدة …. وانتي بناتك فين يافايزة 
فايزة….. ادي اشرقت نزلت اهي ومكة وحور زمنهم نازلين
تابع بجدية….. اني عارف انهم موخدنش علي جو الصعيد ده عشان كانوا عايشين حياتهم كلها في مصر مقدرنش يتأقلمو علي العيشة هنا 
فايزة….. لا متقولش كدا ياحج دا بتهم برضة واكيد هيتعودو 
هبطت اشرقت من اعلي…. صباح الخير 
الجميع…. صباح النور 
جلست علي المقعد…. جدو حبيبي اخبارة ايه 
الحاج محسن بأبتسامه…. بخير ياقلب جدك من جوة
هبطت مكة هيا الاخري بمرحها المعتاد….. صبااااحو فل اجدعان…. اتجهت الي جدها وقبلته من خده 
القمر بتاعي اخباره ايه النهاردة
الحاج محسن…. ههههههه يخربيت شطانك والله انتي الضحكة المنورة البيت
مكة بمشاكسة….. حبيبي احج ربنا يباركلي فيك يارافع من روحي المعنوية بحبك ياحوسو
الحج محسن….. ايه حوسو دي 
مكة…. بدلعك ياجدو 
الحج محسن…. تدلعيني في السن ده 
مكة بتأكيد…. طبعا ياجدو وانا ليا مين غيرك عشان ادلعة 
الحج محسن بحنان…. ربنا يبارك فيكي ويحفظك من كل شر 
اقعدي جار اختك عشان تفطرى قبل ماتروحي الجامعة
مكة بمزح…. من عنية احج اتخري يابت عشان اجعد جارك
الكل….. ههههههههههه
الحج محسن بضحك…. بتتريقي عليا يابت
مكة بزهول مصطنع….. مين دااااا انا اقدر برضة يااتريق عليك ياجدو دا انتا اللي في الجلب ياجمر
فايزة….  ههههه مشكله انتي امال فين حور منزلتش لية لحد دلوقتي
مكة بلا مبالاه….. حور نايمة لما تصحي هتنزل
فايزة… هقوم اصحيها قيلالي بليل عاوزة تصحي بدري 
( صحيت ونازله) اتي هذا الصوت من ع السلم التفت الجميع الية وجدوه مالك
هبطت الدرج…. صباح الخير 
الجميع…. صباح النور 
منيرة….  اتأخرت النهاردة ليه لحد ماصحيت 
مالك بلا مبالاه…. عادي ياماما اتأخرت ف النوم كان عندي شغل كتير 
فايزة…. ياحبيبي مترهقش نفسك الشغل مش هيخلص المهم صحتك
مالك بأبتسامه وهو يقبل رأسها…. ربنا يخليكي ليا يابركة وميحرمش منك
مكة بغيظ….  هو مين فينا ولادك ولا هو ابنك واحنا مش عارفين
فايزة بهدوء….. انتو الاتنين ولادي انتو ولاد بطني وهو ابن قلبي فامفيش فرق مابنكم
مكة بغيظ من مالك…. ماشي ياست ماما
مالك بشماته….. وانتا ايه اللي غايظك يابرعي امي وروح قلبي كمان وباس ايد فايزة
مكة بغضب منه….. شايف بيقول ايه ياجدو سامعة ياطنط ابنك بيقول ايه
الحاج محسن بهدوء….. عيب يا مالك متقولش لأختك اقدية تاني
تث مالك وهو يتناول طعامه…… وانا كنت غلط ف ايه ماهي برعي فعلا
  وبعدين انتي ايه اللي مزعلك مش انتي اللي مسترجلة 
ثم اكمل بسخرية 
لية ياربي كدا مديني بنات عم استغفر الله العظيم
واحد مسترجلة والتانية ولا ابلة نظيرة طول اليوم تذاكر ولا اللي هتطلع المريخ والتالتة اربعة وعشرين ساعة مصمتة جتكم البلا فيكو وفي اشكالكو سديتو نفسي 
مكة بمزاح…. طلقني لو مش عجبك طلقني
حدفها مالك بالملف الموجود امامه….. غور يابرعي من قدامي 
هبطت حور هيا الاخري….. صباح الخير  
الجميع…. صباح النور
جلست علي المقعد بجوار اشرقت 
منيرة بتسأل…..  لبسة كدا لية رايحة فين ع الصبح
حور بهدوء…. عندي مقابله شغل 
مالك…. شغل وجبتي الشغل دا منين 
اجابت حور بضيق… من علي النت 
مالك ببرود…. وانتي محتاجة لشغل عشان تدوري عليه 
زفرت حور بضيق واجابت بعصبية….. وانا مش هشتغل عشان محتاجة فلوس بس دا مجالي اللي درست وتعبت علية اظن من حقي اني اشتغل 
مالك ببرود وهو يجمع اغراضة….. مفيش شغل
حور بتصميم….. وانا قولت هشتغل عن اذنك 
ادارت ظهرها لتغادر ولكن اوقت عندما اقبض بيده علي يدها واعتلي صوته الغاضب 
مالك بغيط والدماء تغلي في عروقة…. لو اتحركتي خطوة كمان متلوميش الا نفسك 
حور بوجع…. اااااه سيب ايدي بتوجعني وبعدبن هتمنعني بصفتك ايه لا ابويا ولا جوزي يبقي ملكش اي حق انك تتحكم فيا بالشكل دا ساكت ليه ياجدو 
مالك بغضب شديد…. ابن عمك وانتي مسئولة مني زيك زي اخواتك بالظبط
حور…. ماتقولي حاجة ياماما
فايزة بهدوء… والله انا مليش دعوة مالك هو المستلم مسؤليتكم وهو ببخاف عليكم اكتر من نفسة وانتو عارفين دا كويس وانا مع مالك ف اي قرار يأخدة لانه في مصلاحتكو 
حور بغضب…. طبعا ماهو اللي علي الحجر
تحدث الحاج محسن بهدوء وصوت غاضب…. خلصتة خناق انته الاتنين ومعملينش لحد حساب وسطيكم
حور بدموع…. اسفة ياجدو مقصدش بس انا مخلصة دراستي عشان اشتغل مش عشان اقعد في البيت 
مالك بغضب هو الاخر…. اسف ياجدي بس سورى حور مش هتشتغل ف مكان عاوزة تشتغل تيجي تشتغل ف الشركة محدش قالها حاجه لكن شغل تاني ممنوع 
الحاج محسن….. هاا قولتي ايه ياحور 
حور بنفاذ صبر…. هشتغل اي هناك ياجدو انا دراستي تختلف ع الشغل بتاع الشركة
مالك بجدية…. طب ماانا دراستي تختلف عن الشغل وماشاء الله ناجح وماشي تمام الشغل بتاعنا مش عاوز دراسة عاوز فهم
حور بنفاذ صبر…. وهشتغل اي هناك
مالك بضحكة انتصار… اللي انتي عاوزاه بكرة هتبدئي شغل 
ثم وجة حديثة للجالسين….. يلا يابنات عشان اوصلكم الجامعة
مكةوهيا تجمع اغراضها…. يلا انا جاهزة 
تقدم مالك خطوتين للامام ثم نظر الي تلك الجالسة تتناول الطعام….. يلا يابت اتأخرنا كل دا بتأكلي
اشرقت وهيا تبتلع الطعام…. لاء خلصت من زمان بس كنت براجع علي المحاضرة
مالك بنفاذ صبر…. بتراجعي علي المحاضرة ولا بتراجعي علي الفطار 
اشرقت بتأكيد…. تؤ تؤ براجع علي المحاضرة 
مالك بسخرية….. طب اتفضلي يادكتورة.. هتبقي عالمة فلك انا عارف
غادور الي الخارج وصعدو جميعهم الي السيارة مكه بجوار مالك واشرقت بالخلف ليصلهم الي الجامعة كما اعتداد 
مالك بتنبية….. ممنوع تكلمو اي شباب و 
قاطعتة مكة…. عارفين والله اسطوانة كل يوم حفظنها متقلقش علينا سلام 
مالك…. سلام يابرعي
هبطو البنات من السيارة الي داخل الجامعة 
وانصرف هو بسيارته الي الشركة 
دخل بكل هيبه وتقه الي غرفت مكتبه وخلفة السكرتيرة 
السكرتيرة بأبتسامه….. صباح الخير تحت امرك ياافندم
مالك وهو ينظر الي الملفات…. صباح النور ركزي معايا يارشا كويس عاوزك تجهزى مكتب جديد قصادي هنا تجهزية من كل حاجة
رشا بطاعة…. تحت امرك يافندم تؤمر بحاجة تانية
مالك…. لاء ابعتيلي كريم 
رشا بطاعة…. حاضر
انصرفت رشا من المكتب غالقة الباب خلفها رأت كريم قادم 
كريم بمرح…. صباح الخير
رشا…. صباح النور  مالك بية عاوزك
كريم بتفكير…. متعرفيش عاوزني ليه 
رشا برفض….. لاء مقليش بس تفتكر يكون عاوزك ف ايه
كريم بسخرية….. خليكي ف شغلك احسن يارشا سلام 
انصرف من امامها الي مكتب مالك 
كريم….. اوباااا مالك بيه بينفخ لا كده شكل الموضوع كبير
مالك بغيظ….. وحياة اهلك ياشيخ سبني في حالي خد الملف دا بتاع الثفقة الجديدة ادرسو براحتك بقي واعمل المطلوب
كريم بجدية…. اوك بس برضة قولي مالك
مالك… مفيش ياعم اعمل اللي بقولتلك عليه بس وكمان حور هتشتغل معانا من بكرة
كريم…. حور مين يامعلم
مالك بنفاذ صبر….. اطلع بره يالا
كريم بغيظ….. ماشي ياعم ماانا كنت برة لوحدي يلا سلام 
انصرف كريم الي الخارج وجد رشا جالسة علي مكتبها 
رشا بفضول….. مالك بيه كان عاوزك لية هاااااا
كريم بغيظ…… انتي حشريه كدا لية وانتي مالك
رشا بزعل مصطنع…. كدا ياكيمو وانا اللي كنت مفكراك طيب وهتقولي
كريم بسخرية….. كيمو دا انا لو مكان مالك لاكنت رفدتك من اول دقيقة جيتي فيها الشركة دي
رشا…… مالك بية دا صعب جدا بس الصراحة مز اووي
كريم بزهول….. الله يحرقك يابعيدة دا انا بقيت بخاف علي نفسي منك
رشا…. علي فكرة ياكريم انا بعتبرك اخويا عشان كدا انا بهزر معاك
كريم…. لا انا مش عاوزك تعتبريني اخوكي
رشاا بعدم فهم… امال اعتبرك ايه 
كريم وهو يضع يدة ع خدة… اعتبريني ستك انفع برضة 
سلام هروح اشوف شغلي 
رشاا/ ههههههههه سلام 
ــــــــــــــــــــــــــــــــــــــ
في الجامعة
تجلس مكة ف الكافتريا مع صديقتها يتحدثون 
مكة بمشاكسة…… القمر زعلان لية النهاردة
علا بضيق…. مفيش يامكة مضايقة شويه
مكة بجدية….. مضايقة من ايه ياحببتي 
علا ببكاء….. عاوزني اتجوز ياامكة وانا معاوزاش جواز دلوقت
مكة بتسأل….. طب وهتعملي ايه
علا بحيرة….. معرفاش والله انا بفكر اهرب
مكة بزهول…… انتي اتجننتي هتهربي تروحي فين بطلي جنان 
انتي اقعدي مع اهلك وفهميهم الموضوع كويس وانك مش عاوزة تتجوزي دلوقتي وهما اكيد هيفهمو الموضوع
علا بتنهيدة….. يامكة انتي مش فاهمة هما مصرين علي الجوازة دي  وبيقولو العريس كويس ومفهوش حاجة تتعايب
نظرت مكة لصديقتها بزعل عليها….. متقلقيش ياقلبي كل حاجة هتتحل وتكون كويسة
علا بأبتسامه…. تعرفي انك طيبه قوى وحنينة كمان مع اني اول ماشفتك كنت بقول انك اكيد هتكوني متكبرة عشان جاية من مصر وكده بس طلعت غلطانة
مكة بأبتسامة…. معرفة الناس كنز ميتعوضش بس والله الناس هنا احسن من مصر بكتير يحبولك الخير انا عن نفسي حبيت جو الصعيد اوووووووي
علا بتسأل….. انتو كولكو جيتو اهنية الصعيد 
مكة…. ايوة كلنا جينا نعيش هنا مع جدو بعد وفاه بابا وعمو
علا….. ربنا يرحمهم هما ماتو ازاي
مكة بحزن…. حادث 
علا…. انتي زعلتي والله مقصدش. حاجة
مكة بأبتسامة عكس مابداخلها…. لا ياقلبي انا مزعلتش المهم فكرى كويس قبل ماتخدي اي قرار عن اذنك بقي  همشي انا عشان مالك جة سلام
تركتها وغادرت الي مالك صعدت الي السيارة وجدته جالسا صامت  نظرت اليه بأستغراب ولكن كان شاردا في عالم اخر اتت اشرقت هيا الاخري…. في ايه 
مكة…. معرفش انا جيت لقيته ساكت كده 
اشرقت…. غريبه ماله 
مكة بتسأل…. مالك احنا مزعلينك ف حاجة
مالك بأنتباه… هاااا لا مفيش لية بتقولي كدا
مكة… شيفاك ساكت ومش معانا خالص 
مالك…. ضغط الشغل بس 
اشرقت…. يعني انتا كويس 
مالك…. ايوه مش يلا بقي ولا ايه 
مكه… يلا 
ــــــــــــــــــــــــــــــــــــــــــــــ
اتي مالك والبنات الي المنزل هبطو جميعهم من السيارة واتجهو للداخل
مكة بهيصة كالعادة….. جدوااااا ياااجدوووووا
الحاج محسن من الدخل…. تعالي يامكة 
مكة وهياا تحتضنة  وتقبل خدة…. وحشتني جوى جوى 
الحاج محسن…. يابت يابكاشة بقي 
مكة بأبتسامة…. حبيبي ياجدي ربنا مايحرمني منك
محسن…. ولا يحرمني منكو 
منيرة…. انتوا جيتو يااحببتي
اشرقت…. ايوة ياطنط جينا من شوية
منيرة…. ومالك فين
اشرقت….. طلع اوضتة 
وبعد وقت اجتمع الكل علي مائدة الغداء
فايزة…. يلا ياحور مش هتاكلي
كانت حور جالسه السفرة من الجهة الاخري وجهاز اللاب توب امامها منشغله به 
حور…. لا ياماما كلو انتو مش عاوزة
فايزة…. يابنتي سيبي الزفت اللي في ايدك دا وتعالي كلي مش هيطير يعني
حو بنفاذ صبر…. خلاص بقي ياماما صدقيني مش جعانة ولو كنت جعانة كنت اكلت
مالك هو ينظر الي حور بااستفزاز…. بقولك يابرعي ممكن اطلب منك خدمة
مكة بغيظ منه … خير اؤمر
مالك…… ممكن متبقيش تعلي صوت التلفزيون باليل وصوت الميوزك عشان في ناس غيرك عايشة معاكي تعبانة طول النهار في الشغل بتبقي عاوزة تنام 
مكة بزهول….. نععععععم انا اوضتي فين واضتك فين الصوت هيجي عندك ازاي شكلك غلط في العنوان وتقصد حور مش انا
نظرت له بعدم اهتمام فهيا تعلم جيدا انه يقصدها هيا بالحديث  ثم نظرت الي اللاب مره اخري
انتهي الجميع من الغداء في صمت واجتمعو امام الـTV
الحاج محسن….. انا هدخل اوضتي اقرأ قران شوية واصلي المغرب اسهرو برحتكو 
فايزة…. بدرى اوي كدا  دا المغرب لسة مأدن من شوية
محسن…. من البرد يابتي انتي مشيفاش الجو عامل ازاي
حور…. اه والله ياجدو معاك حق الجو برد جدا
الحاج محسن وهو ينصرف…. تصبحو علي خير 
الكل….. وانتا من اهلة
منيرة…. قومي يافايزة معايا نتكلم شوية في اوضتي
فايزة…. ماشى يلا 
صعدو الاثنان الي اعلي 
حور وهيا تغادر هيا الاخري…. هطلع انا كمان 
اشرقت…. ماتقعدي معانا 
حور وهيا تنظر الي مالك…. اصل الجو هنا خنقة 
ابتسم مالك له بأستفزاز واكمل متابعتة 
مكة…. احلي حاجة الواحد يتفرج بمزاج بقي جيب الريمود احج
مالك… لية يابرعي
مكة بغيظ….  يادي نيلة هنجيب المسلسل اللي بنتابعه هيعجبك اوي 
اشرقت وهيا جالسة علي الارض تأكل شيبسي…. اه والنبي يامالك انا بحبة اوي
مالك….. اخرسي ياابلة نظيرة انتي انا عاوز اتفرج علي الماتش
مكة بغضب…. لية ان شاء الله انا مليش دعوة بقي انا عاوزة اتفرج علي المسلسل
اشرقت…. بليز يامالك
مالك بزهق….. خدي يااختي اما اشوف اخرتها معاكو ايه
مكة بهزار…. اخرتها فل الفل ان شاءالله بس انتا روق كده بس بدل البوز اللي انتا ضاربه دا 
مالك وهو يضرب ببد فوق الاخرى…. لا حول ولا قوه الا بالله اهدي يااما وصلي ع النبي كدا ف قلبك 
بدأت مكة واشرقت يتابعون المسلسل في صمت ومالك جالس معهم منشغلا بهاتفه  لوقت طويلا حتي تجاوزت الساعة الحادية عشر مساء…… اتي مشهد مؤثر وبكت اشرقت عليه 
اشرقت وهي تبكي بصوت عالي….. اهئ اهى. مات دا انا كنت بحبة
مالك بأستغراب…. هو مين دا 
اشرقت….. بطل المسلسل انتا متعرفش انا كنت بحيه قد ايه 
اغمض مالك عيناه محاولا ضبط اعصابة…… انا هقوم اطلع اوضتي عشان مولعش فيكي دلوقتي وقومو يلا كل واحده ع اوضتها واتجة الي الدرج ليصعد الي اعلي
اشرقت….. لسة بدرى ياحج انتا
مالك…. خلاص اقعدو براحتكو تصبحو علي خير 
مكة واشرقت… وانتا من اهله 
ـــــــــــــــــــــــــــــــــــــــــــــ
في صباح اليوم التاني
بعد الانتهاء من الفطار خرج مالك والبنات مثل العاده وحور  خلفهم بسيارتها 
وقف مالك امام الجامعة هبطو البنات من السيارة وغادر الي الشركه وخلفة حور 
صف سيارته امام الشركة وصعد الي مكتبه  ومعة حور 
جلس علي المقعد خلف مكتبه…. اهلا بيكي ف شغلك الجديد
حور بلا مبالاه…. اهلا وسهلا
مالك بنفاذ صبر…. انتي هتشتغلي هناا اي شغل انتي تختاريه دلوقتي ومكتبك هيكون دا  واشار لها اليه 
حور…. تمام بس انا معرفش انتو بتشتغلو في ايه
مالك….. بتستورد اجهزة كهربائية
حور…. تمام بس انا مش فاهمة حاجة في الشغل ممكن تفهمنياو لو مش فاضي اي حد تاني عادي
مالك… اوك اعلمك ولو مش فاضي افضالك
حور…. شكرا
مالك…. العفو اقعدي هتفضلي واقفه  
اتت رشا…. صباح الخير 
مالك….  صباح النور يارشا خدي الاستاذة عرفيها علي مكتابها وعلي الشغل 
رشا بطاعة…. حاضر اتفضلي يااستاذة 
حور باابتسامه…. اوكي 
انصرفت حور ورشا الي المكتب الجديد وبدأ مالك يتابع عمله 
رشا باابتسامة…. دا مكتب حضرتك وأي حاجة تحتاجيها انا تحت امر حضرتك
حور…. الامر لله شكرا تقدري تتفضلي 
رشا باابتسامة…. تمام عن اذنك 
غادرت رشا وظلت حور تنظر الي المكتب 
جلست علي المقعد خلف المكتب نظرت امامها وقع نظرها ع مكتب مالك حدثت نفسها بزهول…. نهار اسوح هو مكتبة قصادى انا ازاي مبصتش علي المكان لما شاورلي عليه كنت اخترت مكان تاني اوووووف اهدي ياحور انتي مطره تستحملي 
نظرت اليه مره اخري وجدتة ينظر لها ادارت وجهها الي الاتجاة الاخر…. يادي النيلة هو هيفضل يبصلي كده كتير  انا احسن حاجه العب بالتليفون لحد مايجبولي شغل 
ظلت جالسة بملل في مكتبها طول اليوم حتي انتهي وقت العمل اتي مالك اليها…. يلا 
زفرت حور بملل…. اخيرررررا دا انا جالي ملل 
مالك بجدية…. من بكره ان شاءالله هتبدأي شغل 
حور…. اوكي 
انصرف مالك وهيا خلفة 
ــــــــــــــــــــــــــــــــــــــــ
في المنزل دعادت مكة واشرقت من الجامعة ولكن  ام يجدو احد بالمنزل 
مكة ….. جدو… ياماما…يا طنط 
…. هو مفيش حد ولا ايه
اشرقت بنفي….. مش عارفة والله الاول مالك ميجيش يخدنا لأول مرة ويبعت لينا السواق ودلوقتي مفيش حد موجود
هنية…… اهلا يابنات احضرلكه الوكل
اشرقت… اه والنبي ياهنية اصلي جعانة اوي
مكة بتسأل….. امال جدو وماما وطنط فين ياهنية
هنية… الست منيرة والست فايزة نزلوا يشتروا حاجات وقلولي اقلكوا انتو اتغدو لانهم هيتأخرو
وسيدي الحاج في تحقيق في البلد ومخبراش هيرجع امته ممكن يتأخر وممكن يعاود طوالي
اشرقت… اوكي ياهنية روحي انتي بقي حضرلنا الاكل
هنية بطاعة…. من عنيه عشر دقايق والوكل يكون جاهز 
ــــــــــــــــــــــــــــــــــــــــــ
عاد مالك وحور الي المنزل وصعد كلا منهم الي غرفتة دون ان يحادثون تلك الجالسين علي مائدة الطعام في انتظارهم 
اشرقت…. هو ايه 
مكة….. مش عارفة بس مالك علي اخرة وحور معيطة تفتكرى يكون ايه اللي حصل
اشرقت بنفي…. مش عارفة تفتكري اتخانقو 
مكة بتنهيدة…. شكلنا هنشوف ايام عسل مالك بية يتعصب ويطلع علينا احنا ف الأخر كلي يااختي واسكتي اما نشوف اخرتها 
ــــــــــــــــــــــــــــــــــــــــــــــ
هبط مالك وجد مكة واشرقت جالسين في بهو المنزل 
مالك بأبتسامة…. اخباركو ايه يامزز
مكة…. بذمتك في واحد يقول لبنات عمة يامزز امال الغرب هيقولو ايه
مالك بتفكير…..اممممممم معاك حق والله يابرعي اول مره تقولي حاجة صح 
مكة بغيظ….. فشر طول عمري والله بس انتا اللي محطم روحي المعنويه 
مالك بسخرية…. واضح يابنتي
نظر الي اشرقت وجدها منشغله بالكتاب الموجود بيدها 
ثحدث بهمس لمكة…..اقسم بالله ابلة النظرة دي شكلها كده هتطلع حاجة احنا مش عارفينها 
مكة بضحك….. ههههههههه دي مبتزهقش من كتر المذاكرة ايه دا
مالك بتريقة…. علي الاقل بتذاكر مش زي ناس الا  شفتك فاتحة الكتاب بالصدفة
مكة….. ياعم طنش انا اعلام المهم انك تكون واثق في نفسك مظبط برستيجك وتطلع ع شاشتة التلفزيون تبدع
مالك بزهول مصطنع…… يااااراجل كل دا وانا اللي كنت مفكرها صعبة لا والله مليش حق
مكة بفخر….شوفت ازاي 
اشرقت بتسأل….. مالك
مالك….. نعم ياابلة نظيرة
اشرقت…. هو لما القلب بيوقف الانسان بيحصلة ايه
مالك بسخرية…… بنعمله سبوع
مكة….. ههههههههههههههههههههه
مالك بحدة…. صوت ضحكك دا لو علي تاني كده مره تانية متزعليش 
مكة وهي تضع رأسها ف الارض…. احم. حاضر
اشرقت… اخلص بقي ياامالك بتكلم جد والله
مالك….ماانتي سؤالك غبي يابنتي شيئ طبيعي انه يموت مش قلبة وقف
اشرقت بسخريه…… جتك نيلة ولا انتا فاهم حاجة
مالك… وحياة الطهرة دي وأمسك نظارتها….. ماانتي نافعة 
اشرقت بتحدي…..  ماشي يامالك هنشوف والايام بيننا
ظلو يمزحون ويتشاجرو حتي استمعو الي صوت صراخ يأتي من اعلي وووووووووو
يتبع…..
لقراءة الفصل الثاني : اضغط هنا
لقراءة باقي فصول الرواية : اضغط هنا

اترك رد