رواية عشق القاسي الفصل التاسع 9 بقلم صابرين علاء

جريت ازهار وهي بتحاول تهرب من المدرسه وكان في كلاب وعماله تجري وراها وهي خايفه ومرعوبه منهم  وفجأه ازهار  رجلها اتنت ووقعت ف حفره ومره واحده الكلاب سكتت 

ازهار بصت وراها لقت امير قالتله امير…. 

امير قالها متخافيش يا ازهار انا معاكي تعالي قومي معايا احنا خلاص هنمشي من هنا 

ازهار فرحت ومشيت معاه 

ازهار قالتله امير انا مش عايزه اروح الفيلا دي تاني خلينا نروح القصر انا وحشتني ماما فريده وعايزه افضل معاها 

امير ابتسم وراحو سوا علي القصر 

ولما وصلو كانت هناك مها واول مشافت ازهار اتجننت وقالت ف نفسها اي دا هي مش البت دي ماتت دا اخوها قتلها قدامي 

مهتمتش وقربت من امير وباسته من خده قدام ازهار 

ازهار قالت وسعي كدا يامه هو مش رز بالبن 

مها قالت ايه رز بلبن 

ازهار قالتلها اه ياختي اعمليلي فيها بقا من تركيا 

مها قالت امير عايزين نتكلم ف الشغل لو سمحت مشي البتاعه دي من هنا 

ازهار بدأت تشوح بإديها وتقول بتاعه  …… انا بتاعه بقولك ايه يا امير اطلع منها انت احسنلك وسع كدا 

وبدأت تجبها من شعرها قدامه وبدأت تضربها 

امير كتم ضحكه عليها علي قد ما يقدر وبعد ازهار عنها وشالها وطلعها فوق 

ازهار وهي علي كتف امير استني عليا بس هستناكي ورا صور القصر 

امير قالها بس بقي ياشيخه حرام عليكي البت هاتموتيها 

ازهار قالتله تستاهل بتبوسك ليه هي ليها فيك ايه 

امير قالها تقعدي هنا ومتتحركيش مفهوم 

ومشي ورزع الباب وراه 

وازهار فضلت تاكل ف ضوفرها وتعض علي صوابعها من الغيظ وتقول اه يا امير يا ابن فريده بقي بتحبسني انا علشان خاطر البتاعه دي 

دخلت عليها مروه حضنتها وقالتلها ازهار وحشتيني 

ازهار كلمتها من غير نفس وقالت متشوفيش وحش يا اختي 

مروه استغربت قالتلها مالك يابنتي في ايه 

ازهار مسكت مروه من اديها وقالتلها مين البت الملزقه اللي تحت دي 

مروه قالت مين تقصدي مها العمري 

ازهار قالت اه هي دي ياعمري،،،  بقولك ايه انا البت دي غيظاني ولو فضلت كدا انا احتمال يجرالي حاجه 

مروه قالتلها انا فعلا مش طايقاها ايه رايك نعمل فيها شويه مقالب 

ازهار قالت يلا بينا 

ومروه جبتلها شنطه صغيره فيها شويه حاجات وقالت دي بقي ياستي شنطه  المقالب كنت لما بنتخانق انا ونهال بعمل فيها مقالب بيها 

ازهار مسكت الشنطه وقالت بشر جيالك ياعمري 

تحت ف المكتب كانت قاعده مها مع امير وماسكين ملفات الشغل دخلت الشغاله ومعاها القهوه 

مها قالت ياسلام القهوه جت ف وقتها علشان اصحصح شويه 

ازهار كانت شايفاها من بعيد وقالت دا انتي هاتصحصحي صحصحه 

وبدأت مها تشرب القهوة وبعد ماخلصتها بدأت تتلوي ف قعدتها زي التعبان وجريت بسرعه علي الحمام 

ازهار ضحكت وقالت عشان تبقي تبوسي بعد كدا 

رجعت مها من الحمام وعماله تنهج ولسه هاتقعد راحت جريت تاني  

وازهار ومروه واقفين يضحكو 

بعدها بشويه دخلت مروه وقالت ها ايه الاخبار يا امير الشغل تمام 

امير قالها اه تمام في حاجه ايه اللي جابك 

قالتله مافيش انا حبيت اطمن بس يلا سلام 

امير ومها قالو سلام

مافيش ثواني ومعا بدأت تشم ريحه وحشه اوي 

مها قالت اوف ايه القرف دا انا لازم اخرج من هنا 

ولما خرجت هوب خبطت ف الشغاله وطبق الشوربه وقع عليها 

مها اتنرفزت وقالت اوف دا ايه اليوم دا 

مروه قربت منها جامد قالتلها سوري هي اكيد مكنتش تقصد ثواني هاجبلك فستان من عندي 

وبعدها بشويه مروه جابت الفستان ومها لبسته 

وبعد ما لبسته فضلت تفرك وتحاول تهرش ف كل حته ف جسمها 

مروه وازهار كانو واقفين بعيد وعمالين يضحكو من شكلها ويقولو البودره اشتغلت 

ازهار قالت اوف بس ايه الريحه الوحشه اللي ف الاوضه دي 

مروه قالت دي ياستي كبسوله تقدري تطفشي بيها اي ضيف رزل 

ازهار قالت طلعتي مش قليله ياميرو هههههههه

مروه قالت يلا كله يهون علشان زهره الازهار 

ازهار طلعت ودخلت حوا البطانيه امير قالها امممم عامله نفسك نايمه ياشيخه حرام عليكي 

دا البت استوت الناس تعمل مقلب ولا اتنين وانتي عملتي فيها تلاته

أزهار قامت وقالت تستاهل حد قالها تبوسك 

امير قالها طب وانتي مالك هو انتي غيرانه 

ازهار قالت لا مش المسأله بس عالاقل تحترم وجودي معاك انا بردو مراتك 

امير قالها اممم دا اللي هو ازاي بقا 

ازهار قالت تصبح علي خير 

امير قالها بدبلوماسيه وانتي من اهلو 

ونامو هما الاتنين وبعد ساعات من نومهم ازهار فاقت علي صوت امير كان عمال يخترف ويقول قمر متسبنيش ياقمر انا لسه بحبك انا لسه بعشقك 

ازهار قالت يادي النصيبه انا خلصت من مها تطلعي قمر…… 

وقامت قعدت وخدت الموضوع بهزار ها يا سي امير مين لسه ف قلبك تاني اشجيني 

وقامت من مكانها وراحت تشرب ميه من المطبخ وشافت فريده هناك 

ازهار قالت ايه اللي مسهرك ياماما 

فريده ردت عليها عادي يابنتي كنت بشوف القمر من التراز وبعدين عطشت 

ازهار قالت قمر…..  ايه رايك ف اسم قمر ياماما 

فريده وشلها قلب وقالت حلو بس اوعي تجيبي السيره دي قدام امير مفهوم 

ازهار استغربت من كلام فريده وسالتها ليه اشمعنه…. مين قمر دي ياماما 

فريده قالت متسأليش ومتجبيش سيره الاسم داقدام امير خلاص خلصنا 

ازهار اترعبت من شكل حماتها وبدا الخوف يدخل جواها وتقول ف نفسها مين قمر دي 

تاني يوم فريده بتفتح باب اوضتها لقت نهال ف وشها وقالت صباح الخير يامرات عمي

فريده وقفت متنحه من ااصدمه 

نهال قالت ايه مافيش حمد الله عالسلامه 

انا اول ما جيب القصر حبيت اسلم عليكي واقولك اني رجعت والايام اللي جايه احسن من اللي راحت 

وكانت هتمشي راحت واقفت وقالت اه والاسوره برضو مسيرها تكون معايا ورحمه ماما ماهسيبك 

ومشيت وفريده فضلت تنفخ وتقول طلعتلي منين بس دي ياربي….. وبعدين ايه قوه القلب دي لا وراجعه كمان صحتها احسن من الاول 

نزلت فريده وقعدت ف الجنينه وجت قعدت معاها ازهار وسالتها بردو ياماما مش هاتقوليلي مين قمر.؟… انا سمعت امير كان بيخترف بإسمها طول الليل 

فريده قالتلها عايزه تعرفي ايه عن واحده ماتت ها………  اللي اعرفه مش يفيدك ومش يخصك الموضوع منتهي متبقيش عنيده وتفكري ف حاجات ماتت واندفنت 

ازهار قالت ف نفسها  لا مندفنتش ياماما وانا لازم اعرف مين دي اللي جوزي طلع بيحبها وبيقول اسمها وهو نايم 

امير جه وهم قاعدين وقال صباح الخير ياماما 

فريده قالتله صباح النور ياروح ماما 

امير قالها الاصح فين احمد بقاله كتير مش بايت بيعط فين الواد ده 

ازهار جزت علي سنانها اول ماسمعت اسم احمد 

وفريده سكتت وشاورت وراها 

امير بص لقي احمد واقف قدامه وشكله غريب 

امير قام وقله ايه يابني مالك،،، 

احمد فضل ساكت متكلمش وكأنه مصدوم 

امير قاله طب تعال معايا وخدو وراح بيه علي اوضه المكتب واول ما الباب اتقفل عليهم 

احمد اترمي ف حضن امير وقعد يعيط زي العيال الصغيره 

امير قاله طيب ممكن تهدي وتفهمني في ايه ايه اللي حصل  

احمد قال مالك مات يا امير مات قدام عيني 

امير قاله اكيد مات من المخدرات 

احمد قاله ايوا كنا كلنا سهرانين امبارح وقعدنا نتحدي بعض مين هيشرب خمره اكتر وهو شرب وفاز…… وبعد كدا اتراهنا علي اللي هيشم بودره انا انسحبت بس مالك علشان ظروفه صعبه وافق وكانت النتيجه انه مات اوفر دوس 

انا تعبت يا امير تعبت من كتر ماعشت غلط 

مالك كان منظره صعب اوي 

انا خلاص زهقت ونفسي اتغير…. ارجوك يا امير ساعدني اتغير 

امير فرح وقاله يااااه اخيرا اليوم دا جه قد ايه كنت بحلم باليوم دا اليوم اللي تجيلي فيه ندمان وتقول انك غلطان وعاوز تتغير 

احمد مسح دموعه وقاله هتغير اوعدك اني هتغير 

مروه وازهار كانو قاعدين عادي فجأه نهال دخلت عليهم هاي….. ممكن اقعد معاكم شويه 

ازهار قالت تعالي اتفضلي 

نهال قعدت معاهم وبداو بصحكو ويهزرو عادي 

ومروه قامت علشان تجيب حاجه يكلوها 

ونهال مره واحد بصت علي ازهار وقالت 

ياتري لسه بيخترف بإسمها 

ازهار قالت هي مين 

نهال قالت حبيبه امير الله يرحمها 

ازهار قالت ف نفسها وياتري عرفتي منين موضوع الخترفه دا انتي بينك وبين اسر حاجه 

نهال قالت متفكريش فيها ولو عايزه تعرفي حاجه عنها في مكان امير شايل ذكرياته فيه 

وكل حاجه تخصها موجوده هناك 

ازهار قالت فين المكان دا 

نهال لسه هاتقول دخلت مروه وقالت اما انا بقا جبتلكم شويه فشار هايعجبكم ايه رايكم بقى نشغل فيلم 

وفضلت ازهار بالها مشغول جدا وعايزه تعرف المكان دا بفارغ الصبر 

قامت بصت من الشباك اللي ف اوضه ازهار لقت في اوضه صغيره اوي موجوده الجنينه بتاعت القصر اول مره تاخد بالها منها 

نهال قربت منها بلؤم وقالت متفكريش كتيير يابنتي ومتحاوليش دا سر ولغز ف حياه امير ومش هتقدري توصليله بسهوله دا لو عايزه توصلي اصلا 

وسابتها ومشيت وازهار قالت ف نفسها هوصله  يا نهال…….. لازم اوصله 

جت الشغاله وقالت ازهار هانم في واحد برا اسمه دكتور مهاب عايز حضرتك 

ازهار فرحت جدا وقالت دكتور مهاب انا جايه حالا 

ونزلت تحت ورحبت بيه فريده قالت دكتور مهاب قالي انك كنتي بتتعلمي عنده التمريض وكنتش شاطره جدا 

مهاب قال هي فعلا ازهار شاكره وذكيه كمان وانا بقي جيت النهارده علشان اعلمها اكتر ومش هاين عليا تبقي بالشطاره دي ومتتعلمش 

فريده قالتله امم 

مش عارفه اقولك ايه بصراحه با استاء مهاب 

هو مش ضروري انها تتعلم التمريض لانها اكيد مش هتحتاج الشغل 

مهاب قال بإلحاح بس هي شاطره جدا وارجوكي اديها الفرصه دي بلاش تضيع منها 

فريده قالت انا اسفه يادكتور بس انا بكلمك دلوقتي علي لسان ابني امير الفرماوي 

مهاب بص علي ازهار وكان هياكلها ب عنيه 

فريده قالت شرفتنا يادكتور. 

سعديه تعالي وصلي دكتور مهاب 

ازهار قررت انها تروح الاوضه اللي ف الجنينه علشان تكتشف السر دا 

ولما وصلت هناك لقت المكان غريب وكله عنكبوت وكأنه بقاله سنين مقفول قالت فنفسها دا ايه المكان المهجور دا هو ممكن يكون في عفاريت 

وفتحت الباب ودخلت مافيش خطوتين وحد زقها جوا و قفل الباب عليها من برا وقعدت تضحك 

نهال قعدت تضحك وتقول انا كدا خلصت منك وللابد….. دا جحر التعابين اللي لما حد بيخشه مش بيطلع منه عايش ابدا ومن دلوقتى اقدر اقولك الله يرحمك يا ازهار كنتي طيوبه وعبيطه 

نهال دخلت جوا وراحت اوضه امير ودخلت وقعدت تدور علي اوراق وملفات مهمه بس ملقتهاش 

نهال قالت ف نفسها هاتكون وديتها فين بس يا امير الملفات دي مهمه جدا لازم تكون ف مكان من اتنين اما اوضتك او المكتب بس مش لاقياها 

ازهار خافت وقعدت تنادي مين برا…….. 

حد يفتحلي مين قفل عليا هنا الحقوني انا محبوسه حد سامعني…. وفضلت تنادي باعلي صوتها علشان حد يجي ينقذها 

ازهار خافت ف الاول وبعد كدا قررت انها تشوف الاوضه دي فيها ايه وقعدت تدور ف المكان ملقتش غير صور…… 

قالت ف نفسها ايه دا مين دول اللي ف الصوره 

وبعدين لقت صندوق كبير فتحت الصندوق لقت اوراق كتير بس في معاهها  

تعابين كتيره راحت قفلته بسرعه وخافت وجريت عالباب وقعدت تصرح وتنادي علي حد يطلعها من المكان دا 

جه الليل بسرعه وامير واحمد رجعو مع بعض من الشغل وامير كان فرحان جدا ان اخوه 

بدا يكون شخص ملتزم  

امير طلع علي اوضته ولاحظ غياب ازهار 

وقال ف نفسه ياتري المجنونه دي راحت فين 

فريده خبطت ودخلت وقالت يلا يا حبيبي تعال يلا انت وازهار علشان النهارده في سهره هنعملها 

البيدج الاصليه الكاتبه صابرين علاء. 

امير قالها ازهار مش هنا انا بحسبها معاكي 

فريده قالت لا مش معايا هاتكون راحت فين 

امير وفريده قعدو يدورو عليها ف كل مكان 

بس ملقوهاش 

امير خد عربيته ولسه هيخرج لمح الباب اللي ف الاضع بتاعت الجنينه متغير ومافيش عنكبوت عليه ولا حاجه وزي مايكون اتفتح جت ف باله عالطول ازهار 

جري بسرعه علي الاوضه وفتحها ولقي ازهار مغم عليها قرب منها وشالها وخدها بسرعه علي جوا وقعد يقولها ازهار فوقي يا ازهار 

شويه وفاقت امير بعد عنها وقالها انتي ايه اللي وداكي الاوضه دي ها 

كنتي عايزه ايه…… ولا كنتي عايزه تعرفي ايه 

ازهار قالتله م مكنتش عايزه حاجه انا عادي شفتها ف الجنينه حبيت اعرف فيها ايه ولما دخلت في حد زقني حوا وقفل الباب عليا 

امير سمع اللي قالته وقالها 

اوعي تهوبي ناحيه الاوضه دي تاني مفهوم 

دا جحر التعابين المكان اللي لما بكره حد بوديه هناك وانتي حظك حلو انك طلعتي من هناك عايشه 

ازهار نجيت من هناك بأعجوبه وقالت ف نفسها 

بس انا مش هرتاح بردو غير لما اعرف مين قمر دي يا امير؟!!! 

ياتري ازهار هتعمل ايه؟؟؟؟ 

ومين قمر وايه حكايتها 

اسءله كتيره هتعرفوها الحلقه الجايه بإذن الله