Uncategorized
رواية طفولتى المشتتة الفصل الحادى والخمسون 51 كامل
رواية طفولتى المشتتة الفصل الحادى والخمسون 51 كامل
 |
| رواية طفولتى المشتتة الفصل الحادى والخمسون 51 كامل |
رواية طفولتى المشتتة الفصل الحادى والخمسون 51 كامل
فيصل ناظر خالد وبهدوء : وين ريم ؟؟؟
رفع خالد نظره لابوه : نايمه
عقد فيصل حواجبه : حد ينام الحين بعد العصر
انتبه يا خالد لا تعطيها وجه باكر تندم تراها
ملسونه وعنيده اطلع صحيها خلها تنزل تجلس
معنا وتتسنع
ابتسم خالد وهو يناظر ابوه : خليها نايمه وبعد نص ساعه اصحيها
فيصل لوى بوزه مو عاجبه : المربيه ليه ودك تسفرها ؟؟؟
خالد بهدوء : ما لها لزوم خلاص تزوجت
الجده هزت راسها بأسف : ومين يهتم للعيال ؟؟؟
ابتسم خالد نازلين تحقيق معه : هاذي ريما من باكر
ان شاء الله تهتم فيهم
فيصل بلوم : تراك تظلم عيالك
ليه ما تزوجت وحده كبيره واعيه تهتم فيهم مو
بزر يالله تقوم بحالها
هز خالد راسه بندم : كل شي قسمه ونصيب
والصغير يكبر ويتعلم صح يا جدي
كان الجد يناظرهم وساكت ويسمع كلامهم
حدد نظره على خالد : كلامك عين الصواب بس
خلك شديد معها حتى تتسنع
بس ما تظلمها
خالد ببرود : ان شاء الله
دخل سلطان وسلم على الموجودين وجلس وزفر بضيق
فيصل وهو يحرك السبحه بأصابعه : علامك متضايق ؟؟
سلطان يعدل جلسته : رفع ضغطي هالبدر
الجده بتأثر : الله يكون بعونك عليه ما ادري متى
يعقل ؟؟؟
فيصل بغل : يعقل اذا اعطيته كم طراق يعدله
سلطان بابتسامة : كل شي عندك ضرب
كانت ودها تتزحلق بس لما شافت خالد
تراجعت
نزلت بهدوء وابتسمت بفرح لما شافت سلطان
توجهت له
وقف بوجهها وبسرعة رمت نفسها عليه وحضنته
الجده بغيره : اهجدي يا بنت
همس سلطان بإذنها : اخبارك يا عروس ؟؟؟
هزت ريم راسها بعد ما ابعدت عنه وخدودها حمروا
جلست جنبه بهدوء
فيصل بحده : ليه نايمه للحين ؟؟ انت الحين كبيره
مو صغيره عندك مسؤوليات وواجبات
مو مثل قبل
قاطعهم دخول عبود وهو يبتسم : حياكم الله جميعا
وجلس جنب خالد وبابتسامه : اخبارك يا ريم ؟؟
ناظرته ريم بقهر من هو وصغير ملسون وملقوف
بعدها ناظرت عمها سلطان ونزلت نظرها وبصوت منخفض : بخير
عبود بابتسامة : وانا بخير
ناظرته ريم وهي عاقده حواجبها من ثقل دمه
سلطان اعطاه نظره
وقف عبود وهو يبتسم بعباطه : يالله عن اذنكم
فيصل مو عاجبه انه يكلم ريم : اذنك معك
بعد ما طلع التفت على سلطان بحده : عاجبك ابنك
وش عنده يكلمها
سلطان يخفف من عصبيته : خلاص لما ارجع البيت
افرك اذنه على هاذي الحركه
فيصل ناظر ريم بعصبية : وانت جالسه هنا وفاتحه
حلقك للكلام شفتيه دخل ما له لزوم قعدتك
الجد بحزم : فيصل علامك معصب ما صار شي
عبود بس سألها عن اخبارها ما صار شي
فيصل اعطى ريم نظره توعد
انقهرت منه ريم من اول ما جلست وهو نازل بساحتها
وهي ساكته
خالد بهدوء : ريما اطلعي شوفي طيف بعدها
نايمه
وقفت ريم وداخلها تغلى وتوجهت للجناح
خالد وقف واستأذن وطلع من البيت
************************************
جالسه مع حريم أعمامي والبنات
رغد بنغزه : خالتي ليه خالد ما راح شهر عسل ؟؟؟؟
ام خالد ناظرتها : رفض يروح خالد يقول قرف السفر
والغربه
ناظرتهم بقهر نفسي اسافر اذا ما وده يسافر
انا اسافر
لو اسبوع اهم شي اسافر غبيه لازم حطيت شرط
بالعقد شهر عسل
وقهرتني هالرغد قال ما تدري ليه ما رحنا شهر
عسل
سديم وهي تعلك وتجاكر : وانا وسليمان قررنا نروح
شهر عسل على فرنسا
ناظرتها بغرور : بعد كم سنه الله اعلم متى يوافق
جدي على زواجكم وضحكت ههههههه
تدرين يا سديم حزنتيني ولعبت بحواجبي
سديم بقهر : اصلا جدتي قالت احتمال كبير
بعد زواج نواف
ناظرتها بطريقه تنرفز : اوكي لما يتحدد عرسكم خبريني
علشان اتجهز
روان بحقد : اصلا انتي بالذات ممنوع تحضرين
العرس
مي : نخاف تصيبين سديم بالعين
رديت بدلع وانا اسبل عيوني بدلع : محتررررررررات
ناظرتنا جدتي : بس انتي واياها صوتكم لا يطلع
ناظرت جدتي بدلع ماصخ : شوفيهم غيرانين مني لاني احلى منهم
ام بدر : خلاص يا بنات عيب عليكم انتم بنات عم
وكذا علاقتكم ببعض
سديم بحقد : تخسى تكون بنت عمي
وقفت وانا اردح لها : بنت عمك غصب عنك وغصب
عنكم كلكم
وبحده
رح اظل شوكه بحلقكم طول حياتي
هيفاء بقرف ناظرتني : الله ياخذك ونرتاح منك
ناظرتها بابتسامة نرفزتها : امين وانت قبلي ويعملون
عزا بنفس الوقت
ويقولون ماتت هيفاء ورملت زوجها وبناتها تركتهم
وثاني يوم زوجك يتزوج عليك
ويعمل عرس كبيييير
قاطعتني هيفاء وهي مثل المجنونه : الله يقص
لسانك الطويل
وناظرت جدتي بعصبية : عاجبك كلامها ؟؟؟
جدتي بحيره : خلاص يا هيفاء تحطين عقلك
بعقل بزر وبعدين انت للي دعيتي عليها بالاول
ردت هيفاء بعصبية والشرار يتطاير من عيونها : انا
الحين غلطانه
خلي القعده لريم وناظرت بناتها بعصبية قدامي عالبيت
لبست هيفاء عباتها وهي تبربر وانا اقول بنفسي
بقلعتك
****************************************
حاولوا الحريم يراضونها بس كانت معصبه
وطلعت وصوتها طالع
كانوا الرجال راجعين من صلاة العشاء
استغربوا حالها
هيفاء بصوت عالي ناظرت ابوها : لا يمكن ادخل
هالبيت ما دام هالكلبه فيه
سلطان مسك يدها : وش فيه ؟؟؟ ادخلي
هيفاء ناظرت خالد بعصبيه : لما تقص لسان زوجتك
وقتها افكر ادخل هالبيت
وبعصبيه : يالله يا بنات
وطلعت وهي مفوله عالاخير
فيصل ناظر ابوه : اكيد متشابكه مع الملسونه
الجد هز راسه مو عاجبه الوضع : ادخل نشوف وش
صار
دخلوا المجلس الكبير بهدوء ونادوا عالحريم
نواف يهمس لسليمان : ما حد يقدر لعمتي الا هالقزم
سليمان : صادق هالقزم تنرفز الواحد بلسانها الطويل
نواف ابتسم : لو تشوفها قدام خالد مؤدبه ومطيعه
سليمان : بيجي يوم ويكتشف لسانها الطويل
هز نواف راسه : شوف خالد ولا كأنها زوجته للي
عامله المشكله
يضحك ويسولف مع صقر
سليمان : تراه اخوك يرفع ضعطي ببرود اعصابه
نفسي اشوفه معصب
*********************************
عند الحريم
الجده بحزم : اشوف قدامي يا ريم اكيد هيفاء
قالت لهم
ريم وهي جالسه وتلعب بالجوال : ما رح اتحرك من
مكاني
وللي وده اياني ييجي لعندي
ام خالد هزت راسها بقهر : نفسي اعرف هالعناد
للي براسك من وين اقول لك قومي
ريم بدون ما تناظرها : ما رح اروح
ام بدر كأخر محاوله : الحين جدك يمكن يعصب
ريم بعناد : بعصب وبعدها بروق
ام سليمان : خليها حنا قلنا لها وهي براحتها
يالله نطلع تأخرنا
سديم وهي رافعه يدينها : يا رب جدي يمسح فيك
الارض
رغد : وخالد يعطيك كم طراق
ريم بدون ما تناظرهم وهي تلعب بالجوال : اعلى ما
بخيلهم يركبوا
الجده بحزم للبنات: قدامي واتركوها هي بكيفها
طلعوا الحريم
وجلست ريم تفكر الحين اكيد الكل رح يشهد
ضدها ويطلعونها غلطانه
حسبي الله على الظالم
عدلت جلستها وهي تلعب بالجوال وخلاص طلعت بنتيجه
ما يهمها يقولوا للي ودهم اياه اهم شي عندها
قهرت هيفاء
وقفت نوف عند باب الصاله : ريم جدي يقول لك
تعالي بسرعه
رفعت نظرها لنوف وبعدها رجعت تناظر الجوال
وتكمل لعب وببرود : قولي له مشغوله بعدين تيجي
طلعت نوف
ورجعت ريم تكمل اللعبه وبنفسها لو يموتون ما رحت
بعد دقايق رجعت نوف : ريم جدي يقول لك
دقيقه وتكونين عنده
ريم بعناد وبدون ما تناظر نوف : قولي له مشغوله
الحين
طلعت نوف
وريم معانده ما تروح
نوف بعصبية : وبعدين معك انا تعبت رايحه جايه
جدي معصب يقول لك ثواني وتكونين عنده
ريم بعناد : خلاص قولي له مشغوله
كانت ريم مندمجه مع اللعبه ومتحمسه
مو حاسه بشي حولها
كان المكان يغلب عليه الصمت ويشوبه صوت خفيف
للعبه كانت ملامحها مندمجه مع اللعبه
كانت تعقد حواجبها وبعدها تشد على اسنانها
وتلوي شفايفا لليسار
وتبتسم كانت مندمجه مع اللعبه
فجأة انسحب من يدها الجوال
نقزت ريم ورفعت عيونها للاعلى بشويش
حنى تعرف هويه الشخص
هي تعرفه بس ودها تتأكد
استقر نظرها على ملامح هذا الشخص
هز راسه بعصبية : مشغوله يا ريم ؟؟؟
انا انادي عليك 3 مرات وتطنشيني !!
شايفيتني بزر عندك ؟؟؟
وقع نظرها خلف جدها على خالد
ناظرها بزعل وطلع
جن جنونها كيف زوجها يزعل منها
نسيت وجوده عضت على شفتها بزعل
وناظرت جدها وعيونها مليءه بالدموع
الجد بعصبية : ليه ما جيتي ؟؟؟
نزلت راسها بانكسار : علشان تمسح بي الارض
قدام اعمامي والشباب والبنات ويتشمتون بي
على الاقل
اذا عاندت رح تيجي هنا بنفسك وتمسح بي
الارض
بس ما رح يكون قدام البنات وتحرجني قدامهم
خفت نبره الجد : ومين قال لك اني ودي امسح
فيك الارض ؟؟؟
رفعت ريم راسها وناظرت جدها ودموعها على
وشك النزول : الحريم قالوا لي والبنات اكيد
رح تمسح بي الارض علشان هيفاء
الجد بحزم : عمتك هيفاء
وبهدوء
اصلا انا اعرف انه هيفاء هي للي غلطت عليك
بدون ما اكون موجود
بس انت ضايقتيني لما طنشتيني
ريم بهدوء : انا اسفه
ابتسم الجد ومسك يدها ووقفها : يالله تعالي
اجلسي معنا
تراك عروس بعدك مستحيل ازعلك
ابتسمت ريم : الله يخليك لنا يالشايب
الجد فتح عيونه : انا شايب ؟؟
ومسكها من اذنها
ريم بضحكه : هههههه خلاص توبه توبه بس اتركني
ترك اذنها الجد بابتسامة : علشانك عروس سامحتك
يالله البسي عباتك وتعالي معي
هزت ريم راسها بالموافقة
«»««««««««««»»»«««««««««««««««««««
الجده تناظر خالد : عجبك زوجتك وعنادها ؟؟؟
فيصل بقهر : اخخخخ من ابوي لو خلاني اتفاهم
معها
سلطان يرقع : يا جماعه الخير يمكن البنت صحيح
مشغوله
ناظره خالد وابتسم على الترقيعه
فيصل بعصبية ناظر خالد : قاعد تبتسم انا لو مكانك كسرت راسها
على عنادها هذا
صقر بدفاع : علامكم على البنت تقول لكم مشغوله
فيصل مو عاجبه : ظل رقع لها انت وسلطان ما اعتب
الا على نايف للي ما سنعها
ناظره نايف وطنش كلامه
صقر بابتسامة وهو يهمس لخالد : على الجوال
تلعب
ابتسم خالد وهز راسه : ايه عالجوال تلعب
ضحك صقر بصوت عالي
ناظره فيصل بقهر وهو يغلي من الداخل
فجأة دخل الجد وهو يضحك بصوت عالي
وريم ماسكه بساعد يده وتتكلم ومبسوطه عالاخير
سديم بقهر ،: اخخخخ يالقهر لاحسه عقل جدي
رغد : وقسم بالله تمييز لو واحده منا عملت
كذا الا يدفنها بمكانها
فيصل بحده : يعطيك العافيه سمعت انك مشغوله
الجد بابتسامة وهو يغمز لريم : والله مشغوله
وطلبت منها تأجل شغلها لبعدين وتيجي
تجلس معنا صح ؟؟ وناظر ريم
رفعت ريم نظرها لجدها وابتسمت : صح
فيصل بقهر سكت
جلست ريم جنب ام خالد
ناظر فيصل ريم بحده : قومي سلمي على ابوك
والا منعميه مو شايفيته
ابتسمت ريم لفيصل ابتسامه نرفزته فيها
وبعدها قامت تسلم على نايف
سلمت بهدوء وحست بمشاعر بارده تجاه
نايف
وكأنه شخص غريب عنها
رجعت جلست عند ام خالد بهدوء
الجد : بما انه الجميع متواجد انا قررت
بما انه الحين عطله نطلع على شاليه
ابو سليمان : انا موافق ما عندي مانع
الجده تحمست :ايه والله زمان ما طلعنا
وتجمعنا مع بعض
الجد : خلاص قرروا اي يوم وانا جاهز
الجده : باكر
فيصل عقد حواجبه : باكر !!! ليه مستعجله ؟؟
الجد بهدوء : خلاص باكر الكل يكون جاهز على الساعه 9.30
وانا اتصل بصديق لي يحجز لنا الشاليه ويرتب امورها
البنات مبسوطات عالاخير
وقعدوا يخططون للطلعه
وقعدوا الحريم يخططون للطلعه
احمد ومصعب من بعيد اشروا لريم تيجي
كانت ودها تقوم مسكتها من يدها ام خالد وبهمس : اقعدي
وبلا حركات بزران
لوت ريم بوزها واشرت لاحمد ييجي لعندها
اقترب احمد منها وهمس بإذنها
نايف باعتراض : احمد وش تعمل عندك ؟؟
ناظر احمد عمه بخوف يخاف من نايف : ولا شي
فيصل بهدوء : بعده صغير يا نايف علامك خرعت
الولد
استغل احمد الفرصه وطلع هو ومصعب برا المجلس
بعد نص ساعة وقف خالد ببرود : يالله يا طيف
وناظر بالمجلس يشوف مصعب
دخل مصعب وهو يركض ويلعب مع احمد
خالد : يالله يا مصعب عالنوم
مصعب بدلع : بابا بس شوي
صقر لوى بوزه بقرف : لو انا عندي مثل ابنك هذا كان زمان انتحرت
خالد رفع حواجبه : محتررررررررر
يالله يا بابا
ركض مصعب عند ابوه وهو يضحك ومسك بيده
ام خالد بهمس : قومي مع زوجك
ريم لوت بوزها : الحين اقوم
وقفت بملل وطلعت خلف خالد
&&&&&&&&&&&&&&&&&&&&&&&&&&
دخلت الجناح بعدهم وحاسه بالجوع بعدها على توست
الصبح اكلت منه بس شوي وما تغدت
قفلت الباب خلفها
ناظرها خالد : خذي طيف ولبسيها بيجاما
ولا تنسين تجهزين اغراض الطلعه لباكر
وعلشان باكر تجهزي طيف وانا اجهز مصعب اتفقنا
هزت ريم راسها بدون ما تطالعه
وتوجهت لطيف ومسكت يدها وتوجهت لغرفه طيف
دخلت وتوجهت للكبت بدون نفس واختارت بيجاما
لطيف : يالله يا طيف تعالي بدلي ملابسك
طيف حمروا خدودها باحراج: لا انا ابدل لوحدي
ريم ضحكت على شكلها : لا تعالي عادي
طيف بعناد : لا لا
وقفت ريم واقتربت منها ركضت طيف وصارت ريم تلحقها
بالغرفه وصوت ضحكهم طالع
فتح خالد الباب ورفع حاجب وهو يناظر الغرفه معفوسه : وش هذا الازعاج ؟؟
ركضت طيف عند ابوها وهي تلهث ووجهها احمر : بابا سوف ريم ما ودي تبدل لي ابدل لوحدي
خالد بابتسامة : بدلي لوحدك وانتي يا ريما
اشرفي عليها وعدلي لها وبعدها رتبوا الغرفه اتفقنا
طيف بفرح : اتفقنا
طلع خالد من الغرفه بهدوء
طيف بابتسامة : يالله غمضي عيونك
لفت وجهها ريم للخلف بعد ما رمت عليها البيجاما :
يالله بسرعه بدلي انا مو شايفك
جلست طيف تبدل
بعد ما كملت ضحكت بفرح : دملت
لفت ريم عليها وناظرتها : كملت قولي
طيف : كملت
ريم اقتربت منها وصارت تعدل بقميص البيجاما
ومسكت شعر طيف وفتحته
وحطت الرباط على التسريحه
وبأمر : يالله رتبي الغرفه
طيف : وانتي معي بابا قال
ريم : طيب طيب يالله خلصيني وبعدين هاذي غرفتك
مو غرفتي
وجلست على السرير بتعب : يالله كملي يا طيف
انا تعبت
طيف فتحت عيونها بطفوله : تعبتي ؟؟!!
ريم اكره ما عليها الشغل كسوله بشكل كبير : اسكتي
بعد ما كملت طلعت من عند طيف بعد
ما رقدت بسريرها طيف
توجهت للصاله كان خالد جالس يتابع محاضره دينيه
على التي في
كان ودها تجلس بس قاطعها خالد : المطبخ نظفيه
قبل ما تجلسين
واعملي لي فنجان قهوة بس لا تغليها كثير
هزيت راسي وبداخلي اتحلطم
يعني ما في راحه على الاقل ارتاح
من ترتيب غرفه طيف يخليني
انظف المطبخ وين عقلي لما وافقت على الزواج
كنت مرتاحه عند نايف لا شغل ولا مشغله
اما هنا كله شغل وكل شي ممنوع
بس بنفس الوقت ما احب يزعل مني ورح احاول
اكون زوجه مطيعه
كملت تنظيف المطبخ وجهزت القهوه
وطلعت من المطبخ متوجه للصاله
بعده على نفس الجلسه يتابع البرنامج الديني
حطيت القهوه قدامه
بدون ما يناظرني : يسلمو
جلست مقابل له وهو يناظر التي في
بعدها تناول فنجان القهوة ارتشف منه وبعدها
عفس ملامحه بس ما تكلم
ناظرت التي في كان برنامج فتاوي
قعدت اسمع يمكن استفيد شي
لفت نظري انه ما رجع يشرب منها الظاهر انها
ما عجبته
بعدها قفل التي في ومسك صينيه القهوه ودخل فيها للمطبخ بهدوء
سمعت صوت بالمطبخ الظاهر انه غسل الفنجان
والصينيه
تذكرت اني ما اكلت اليوم وحاسه بالجوع
مسحت على بطني وهو يقرصني من الجوع
توجهت لغرفه النوم حتى اكل بسكويت من خزانتي
————————-