Uncategorized

رواية ذئاب لا ترحم الفصل العاشر 10 بقلم إسراء أشرف

       رواية ذئاب لا ترحم الفصل العاشر 10 بقلم إسراء أشرف

رواية ذئاب لا ترحم الفصل العاشر 10 بقلم إسراء أشرف

رواية ذئاب لا ترحم الفصل العاشر 10 بقلم إسراء أشرف

_في الطريق 
-حياة: ياسر عملت ايه مع العصابة اللي قبضت عليهم 
-ياسر: واحد منهم أعترف وقال الاسامي اللي يعرفها ومعظمهم من قنا عشان كدا الأسبوع دا لازم أرجع وأنا عارف مين رئيسهم لأن اللي قبضت عليهم ميعرفوش هو مين ومحدش عارف شخصيتة الحقيقية
-حياة: أنا خايفة أوي وفكرة أن أقعد عند عمي صعبة وكمان سيد ابنه أنت عارف أنه بيحبني و
-ياسر: قاطعها قائلاً متكمليش ياحياة وبعدين أنا معاكي مش هقبل أن حد يمسك أو يأذيكي فاهمة 
-حياة: مش قصدي أدايقك والله ياحبيبي أسفة ثم وضعت يدها فوق يده
-ياسر: ياريتني ما كنت بسوق 
-حياة: ليه بتقول كدا 
-ياسر: عشان بعد حبيبي ولمستك لايدي محتاج أحضنك وأخبيكي جوايا يا حياتي
-حياة: أبتسمت بخجل قائله طيب ركز في الطريق بقا 
-ياسر: ضحكتك بتجنني حياة بحبك أوي 
-حياة: ركز قدامك يابني هيحصلنا حاجة 
-ياسر: نفسي أسمعها منك 
-حياة: أوعدك لما نرجع هقولك وأعملك شو ما بدك 
-ياسر: أحلفي 
-حياة: مش واثق فيا ثم تصنعت البكاء أهي أهي 
-ياسر: حياة ايه رأيك نرجع دلوقتي لأن هتجنن من طريقتك دي عسل ياناس 
-حياة: هههههه أعقل يا مجنون وكفاية رغي 
_بعد مرور عدة ساعات سفر وصلوا إلي المقابر أولاً أقتربت حياة أكثر رأت اسم أبيها المرحوم عصام المنياوي والناحية الأخري اسم أمها سماح بكت بشدة قائله وحشتوني أوي وحشني هزارنا وضحكنا ولماتنا كل حاجة وحشتني أوي 
-ياسر: كفاية يا حياة بالله عليكي أدعيلهم بالرحمة 
-حياة: وحشوني أوي يا ياسر نفسي أشوفهم 
-ياسر: كل واحد فينا ليه يوم محدد بيتولد فيه ويوم بيموت فيه لازم نقول الحمد لله 
-حياة: الحمدلله بس مش عارفة ليه بحس بشعور غريب ووجع في قلبي حاسة أن في غموض في موتهم ولازم أسأل عمي 
-ياسر: وأنا معاكي يا حبيبتي وكل حاجة هتكون أفضل إن شاء الله يلا نمشي 
-حياة: يلا ثم نظرت علي المقابر قائله سلام هتوحشني أوي وهتفضلوا في قلبي لأخر العمر
_أنطلقوا بالسيارة نحو منزل سالم المنياوي وعند وصولهم 
-سالم: ايه العربية الغريبة دي ومين اللي فيها ثم أمر أحد الغفر بأن يعرف مين اللي في العربية 
_بعد دقائق رجع الغفير قائلاً دي حياة هانم ومعاها واحد في هذه اللحظة نزلت حياة من السيارة ومعها ياسر واتجهوا نحو منزل عمها 
-سالم: ايه جابهم دول 
-حياة: أزيك يا عمي 
-سالم: حياة نورتي يا بنت الغالي ثم نظر لياسر قائلاً ألف أهلاً بيك يا بني 
-ياسر: أهلاً يا عمي 
-سالم: اتفضلوا جوه ثم دخل بهم وأمر الخدم بعمل أشهي الأطعمة وتجهيز أحسن غرفة لحياة وياسر 
-فتحية: حياة حبيبتي وأنا أقول ايه النور دا ثم حضنتها  
-حياة: حبيبتي وحشتيني أوي أعرفك ياسر جوزي
-فتحية: أهلاً يا بني نورت 
-ياسر: دا نورك 
-سالم: نظر لفتحية قائلاً خدي حياة وياسر في الأوضة اللي جهزت يرتاحوا شوية لحد معاد الغداء 
-فتحية: عنيا حاضر اتفضلوا يا بنتي نورتوا والله يا بني 
-ياسر: تسلمي 
-فتحية: خدوا راحتكم وأنا هنزل أجهز الغداء ثم أغلقت باب الغرفة ونزلت 
_ألقت حياة نفسها علي السرير كي تريح ظهرها 
-ياسر: أهدي يا حياة حد يرمي نفسه كدا 
-حياة: عضمي وجعني أوي ومش قادرة 
-ياسر: أكيد من الهوا والقعدة طول الطريق ثم أقترب منها ووضع يده علي كتفها 
-حياة: ياسر بتعمل ايه
-ياسر: هعملك مساج مقدرش أشوفك بتتألمي وأسكت 
-حياة: جلست علي السرير قائله ربنا ما يحرمني منك أبداً أنا هقوم أجهزلك هدوم عشان تاخد شاور 
-ياسر: تمام 
_دقت فتحية علي باب الغرفة التي يجلس بها ياسر وحياة
-حياة: مين 
-فتحية: أنا يا بنتي يلا الغداء جاهز 
-حياة: حاضر يا مرات عمي دقايق وهنحصلك 
-فتحية: براحتك يا حبيبتي 
-حياة: ياسر يلا قوم كفاية نوم الغداء جهز 
-ياسر: جذبها نحوه ثم حضنها قائلاً تدفعي كام وأقوم 
-حياة: خجلت من حركتة قائله بلاش رخامة احنا مش في بيتنا وقوم يلا 
-ياسر: حاضر يا عم فصلان 
-حياة:هههههه حلو اللقب دا بس الشويش عطية أحلي ولا اي ه
-ياسر: تقصدي أنك سمعتيني أنا وماما يوم كتب الكتاب 
-حياة: أيمن هو دا 
-ياسر: يعني سمعتي أعترافي بحبي ليكي ومدوخاني معاكي لحد انهارده دا أنتِ يومك زي الفل ماشي يا حياة 
-حياة: ماشي رايح فين دا أنا بفكر أعملك شاي ههههه
-ياسر: ههههه بحبك وهفضل أحبك لأخر نفس في حياتي اه لو كنا في بيتنا دلوقتي 
-حياة: الحمدلله أننا هنا هههه يلا بقا يقولوا علينا ايه تحت 
-ياسر: يلا يا أخرة صبري 
_جلس الجميع في غرفة الطعام 
-سالم: منورين 
-ياسر: دا نورك يا حج سالم 
-حياة: عمي كان في سؤال محيرني عايزة أعرف إجابه ليه 
-سالم: أسألي يا بنتي 
-حياة: بابا وماما وأخواتي ماتوا أزاي 
-سالم: كح بشدة 
-سيد: خد أشرب يا والدي ثم نظر لحياة قائلاً حد يسأل سؤال زي دا علي الأكل 
-حياة: ماله السؤال وبعدين محدش حشرك أنا بسأل عمي ثم نظرت لعمها قائله ايه يا عمي الإجابة صعبة للدرجادي
-سالم: أبداً يابنتي هما عملوا حادثة بالعربية اللي كانوا راجعين بيها 
-حياة: بس بابا الله يرحمه كان بيكره يسافر بالعربية ودايماً بيركب القطر 
-سالم: ها أصل يومها مكنش لحق القطر وركب عربية خصوصي 
-حياة: طيب وأخواتي أدفنوا فين 
-سالم: ها ثم سكت فترة ورد قائلاً مع أمك في قبر الحريم وأبوكي جمبهم في قبر الرجالة 
-حياة: بكت بشدة الله يرحمهم بس ليه رجعوا بسرعة رغم أن بابا قال هيفضل أسبوع هنا وأنا كنت هاجي أخر الأسبوع 
-سالم: معرفش يا بنتي 
-سيد: ما كفاية أسئلة بقا يا حياة ولا جوزك عداكي وبقيتي وكيل نيابة وبتحققي 
-حياة: قولتلك ملكش دعوة أنا شبعت هدخل البلكونة وأبعتولي الشاي هناك 
-ياسر: أنا هخرج يا حياة زي ما قولتلك وخلي بالك من نفسك مش هتأخر عليكي 
-حياة: ماشي يا حبيبي ربنا معاك 
_دخلت حياة البلكونة ظلت تستنشق الهواء قائله يارب مليش غيرك عندي شعور أن في حاجة مفقودة وقلبي مش مرتاح 
-فتحية: الجميل سرحان في ايه خدي الشاي 
-حياة: أبداً يا مرات عمي بس مخنوقة شوية
-فتحية: أحكيلي بقا ايه حصل من ساعة ما مشيتي من هنا وجوزك دا شكلة بيحبك وطيب وابن ناس لسه مش حامل ولا ايه 
-حياة: حامل لا أصل بصراحة ثم سردت حياة كل ما حدث معها من يوم ما هربت من قنا وأتفاقها مع ياسر 
-فتحية: يعيني عليكي يا بنتي ربنا يسعدك في اللي جاي 
-حياة: أنا بحب ياسر جداً بس كنت لسه مصدومة من موت بابا والكل 
-فتحية: معلش يا بنتي حتي معملتيش فرح 
-حياة: الحمد لله علي كل شئ 
_علي الجانب الأخر 
-سيد: هنعمل ايه الواد الظابط دا مش ناوي علي خير وجاي هنا عشان مأمورية وشكلة هيخلص علي رجالتنا واحد واحد 
-سالم: متقلقش يا بني أنا مظبط كل حاجة وهنستلم السلاح في معادة احنا مش بنلعب ولازم نستلم زي ما أتفاقنا مع الرجالة وإلا الراجل الكبير يقتلنا كلنا 
-سيد: تمام 
-سالم: أمك فين خليها تروح تزور عمتك وأنا خارج أشوف كام حاجة كدا وبعد الفجر هنستلم البضاعة 
-سيد: حاضر هقولها مع السلامة أنت 
_دخل سيد البلكونة قائلاً بتعملوا ايه 
-فتحية: مالك أنت وعايز ايه 
-سيد: أنا مش عايز حاجة والدي بيقولك روحي شوفي عمتي
-فتحية: طيب تيجي معايا يا حياة
-حياة: لا أنتِ عارفة أن مش بكلمها من ساعة ما كانت بتعامل ماما الله يرحمها وحش
-فتحية: معلش يا بنتي طيب هروح أشوفها وأرجع بسرعة 
-حياة: متتأخريش بالله عليكي 
-فتحية: حاضر والخدم موجودين أي حاجة تعوزيها أطلبي 
-حياة: تمام تسلمي 
_بعد نصف ساعة رن هاتف حياة ردت 
-حياة: السلام عليكم
-سناء: وعليكم السلام 
-حياة: ايه ياختي نسيتي صحبتك خلاص
-سناء: أبداً والله وحشتيني بس أستاذ صالح مش سايبني في الشغل 
-حياة: معلشي يا قلبي أنا هنا شغالة علي قضية تجارة السلاح وهنوقع الشبكة دي كلها ورئيسهم كمان خلال الأسبوع دا 
-سناء: قدها يا قلبي علي فكرة في خبر عايزة أقوله بس مترددة 
-حياة: خير يا بلوة وقعتي قلبي 
-سناء: ماجد ياحياة بيتعامل مع حد ضدنا وكان بيفتش في مكتبك ولما سألته بتعمل ايه قالي مفيش وبعدين سمعته بيكلم شخص وبيقول حياة مش سايبة أي حاجة وراها ومخبية كل الورق بس مذكرش اسم اللي بيكلمه
-حياة: بلغتي أستاذ صالح 
-سناء: لا قولت أبلغك أنتِ الأول 
-حياة: تمام متبلغيش حد ولا تعرفي ماجد انك سمعتيه فاهمة 
-سناء: حاضر بس بتخططي لايه 
-حياة: هفهمك لما أرجع يلا سلام دلوقتي عشان ابن عمي جاي 
-سناء: ماشي خلي بالك من نفسك ثم أغلقت الخط 
_بعدما أغلقت حياة الخط مع سناء شعرت بخوف ووجع في قلبها لا تعرف لماذا ثم نظرت لابن عمها وجدته يقترب نحوها ومعه كوب عصير 
-سيد:خدي عصير من ايدي 
-حياة: شكراً انا طالعة ورايا شغل ثم تركتة وصعدت نحو الغرفة التي تجلس فيها 
_بعد نصف ساعة سمعت حياة صوت عالي حاولت أن تستمع من خلف الباب 
-سيد: خبط جامد علي باب الغرفة التي بها حياة 
-حياة: مين 
-سيد: حياة ألحقي مرات عمك وقعت أفتحي بسرعة 
-حياة: فتحت الباب قائله وقعت أزاي وقبل أن تكمل 
_وجدت سيد يغلق الباب قائلاً بقالي ساعة بفكر أوقعك أزاي العصير رفضتيه وكان فيه منوم لحد ما فكرت في الكذبة دي 
-حياة: أخرج بره يا حيوان أنت مجنون
-سيد: أخرج دا أنا ما صدقت ثم أقترب نحوها قائلاً أنا سمعت أن جوزك لسه ملمسكيش يا حياتي يعني أمنيتي هتتحقق ومحدش هيلمسك غيري 
-حياة: أنت بتقول ايه أبعد والله ياسر لو عرف هيموتك 
-سيد:محدش هياخدك مني وحاول أن يقبلها 
-حياة:أبعد يا حيوان ثم صفعته علي وجهه قائله أنت فاكرني هخاف تعالى بقا وبدأت بضربة ضربات قوية بقدمها ويدها
-سيد: وقع علي الأرض بعدما ضربتة علي رأسه بخشبة 
_رن هاتف حياة قامت بالرد 
-حياة: أمير ألحقني أنت فين 
-أمير: أنا قدام بيت عمك 
-حياة: أنا فوق عند عمي تعالى بسرعة بالله عليك وحاولت فتح الباب 
-سيد: فاق وأمسك يدها قبل أن تخرج بعدما فتحت الباب قائلاً مش هسيبك وأضيع فرصتي وجوزك زمانه مات خلاص
-حياة: كذاب ياسر بخير 
-سيد: جوزك عامل سبع رجالة راح يقبض علي تجار سلاح لوحده هههه أكيد خد طلقتين تلاتة
-حياة:ركلته بقدمها في جمبة أغم عليه ثم خرجت وجدت أمير أمامها 
-أمير: في ايه ومالك كدا
-حياة: بدموع يلا بسرعة مفيش وقت لازم نمشي من هنا 
يتبع…..
لقراءة الفصل الحادي عشر : اضغط هنا
لقراءة باقي فصول الرواية : اضغط هنا

اترك رد