رواية صدفة انقذتي الفصل الرابع 4 بقلم روضة جمال

المجهول ….. اذاى مفيش حد هنا دور كويس فى الاوضه 

احد الرجاله ….. يا محمد بيه محدش موجود 

محمد ….. فى بلكونه اهى شوفوهم فيها وانتو روحوا فتشوا الاوض اللى جنب الاوضه دى بسرعه 

احد الرجاله ….. مفيش اثر ليهم ولا حتى فى الشارع 

محمد …. اذاى يعنى اتبخروا احنا مراقبين المستشفى بقالنا ٣ ساعات وهو كان هنا 

احد الرجاله ….. يبقي اكيد فى حد بيساعدهم هنا 

محمد طلع وحاول يعرف اى معلومات عنهم وطبعا كان حابس كل الدكاتره والممرضين فى اوضه واحده  ولكن مفيش فايده خرجوا من المستشفي بسرعه لان وصلهم ان حد بلغ الشرطه 

محمد موصل الڤيلا عند رئيسه 

محمد ….. اتبخروا قلبنا المستشفي عليهم ملقناش حد 

عدى بغضب  ….. أغبيه زمانهم دلوقتى عرفوا انتو مين وزمان الشرطه جايه وراكوا

محمد ….. احنا قبل ما نييجى هنا توهناهم وكمان محدش شاف شكلنا  وبعد كده  روحنا البيت المهجور خبينا العربيات وجينا 

عدى ….. تمام حلو اوى بس نفدوا من ايدى المره دى 

نرجع بالاحداث لورا شويه عند يزيد وميرال ____

يزيد …. تعملى اللى هقولك عليه عشان محدش فينا يجراله حاجه 

ميرال …. حاضر 

يزيد شال ندين على كتفه ومسك ايد ميرال وطلع على البلكونه وكانت بلكونه  الاوضه فى ضهر المستشفي مش فى باب المستشفي والجزء الخلفى من المستشفي محدش بيروح ناحيته 

ميرال ….. هتعمل ايه يا يزيد 

يزيد ….. شايفه الماسوره دى هننزل من عليها 

ميرال … بس يا يزيد 

قاطعها يزيد ….. ارجوكى أهدى ومتخافيش عشان لو فضلنا كلنا هنموت 

ميرال نزلت من على الماسوره ويزيد وراها وهو شايل ندين ونزلوا استخبوا تحت البلكونه وكانوا سامعين كل اللى بيحصل فوق واول ما حسوا انهم خلاص بعدوا وسمعوا صوت العربيات مشيت 

يزيد …. كده هم مشيوا 

ميرال …. هنعمل ايه دلوقتى 

يزيد …. هنروح 

ميرال ….. على فين زمان عدى مستنينا 

يزيد ….. تعالى بس 

يزيد وميرال وندين طلعوا من المستشفي وركبوا عربيه يزيد وهم فى الطريق 

ميرال ….. ده مش طريق البيت 

يزيد …. أهدى بس احنا هنروح الڤله 

ميرال …. لا طبعا 

يزيد ….. بقولك ايه انتى تسكتى خالص لحد ما نوصل ونشوف حل للمصيبه اللى انتى حطانا فيها دى 

ميرال …. وانا مالى يعنى حد كان قاله يحبنى وبعدين محدش طلب منك المساعده اصلا 

يزيد …. اصلا ماهو شايف قمر قدامه لازم يحبها 

ميرال بخجل  ….. ركز فى الطريق 

ميرال وصلت الڤله هى ويزيد وندين بس استنوا لما يزيد يركن العربيه ودخلوا كلهم كان فى سن كبيره جوه 

يزيد …. السلام عليكم ورحمه الله وبركاته اذيك يا نانا عامله 

الجده ….. قلب نانا تعالى يا حبيبي كنت فين 

يزيد قرب منها وب*اس رأسها ….معلش ياروحى هحكيلك بعدين 

الجده …. مين دول 

يزيد ….. شايفه البنت دى اللى كلمتك عنها 

الجده بفرحه …. بجد يا زوز دى قمر خالص 

يزيد ….. تعالى يا ميرال دى جدتى ودى مدام ندين مامت ميرال 

ندين وميرال سلمو على جده يزيد  

الجده …. طب طلعهم يرتاحوا 

يزيد …. حاضر فعلا كلنا تعبانين 

وهم طالعين ميرال ضربت يزيد فى كتفه 

ميرال بهمس ….. انا مش فاهمه حاجه وهنفضل هنا لأمته انا مش هقعد هنا كتير 

يزيد …. امال هتروحى فين يا فالحه 

ميرال …. عندنا بيت تانى هروح انا وماما نقعد فيه 

ندين …. فى حاجه يا ولاد 

ميرال …. ها لا يا ماما 

طلعوا ويزيد وراهم الاوضه وندين دخلت ترتاح شويه وعدى اليوم وميرال فى توتر 

فى المساء 

ميرال طلعت وقفت فى البلكونه وكانت بتعيط وبتحاول تلاقي حل للى هى فيه وفجاه تسمع صوت حد بينادى عليها وتلتفت تلاقي يزيد 

يزيد …. ممكن اعرف القمر بيعيط ليه 

ميرال …. لا مفيش ولا حاجه

يزيد نط للبلكونه التانيه اللى فيها ميرال 

ميرال ….. انت مجنون افرض ماما صحيت 

يزيد …. متخافيش المهم متخبيش قولى يمكن اقدر اساعدك 

ميرال …. كفايه لحد كده انت ساعدتنى كتير اوى 

يزيد …. لو قولتى كده تانى هزعل 

ميرال …. مقصدتش ولكن لازم الاقي حل عشان ارجع لشغلى لان كده عدى ببساطه هيستولى على شغل بابا والبيت 

يزيد ….. شغل ايه 

ميرال ….. بابا كان اكبر تاجر جمله فى البلد وعنده شركه صغيره  وانا مسكت الشغل بداله بعد ما اتوفى  نظرا لانى بنته الوحيده وعدى عاوز ياخد كل ده 

يزيد …. ده انتى طلعتى جامده بقا 

ميرال بغرور …. طبعا اومال

يزيد بإبتسامه …. وهتعملى ايه بقا يا ست المتواضعه 

ميرال بضحك ….  طبعا متواضعه يا ابنى 

يزيد …. هو انا قولتلك قبل كده ان ضحكتك حلوه

ميرال بخجل …. اه قولت وأسكت بقا 

يزيد ….. طب زياده تأكيد بردوا ????????

ميرال ….. بس يا بابا 

يزيد …..  الحل ايه بقا 

ميرال …. هرجع لحياتى واللى يحصل يحصل بقا 

يزيد ….. لا طبعا اقولك حاجه الحل انك تتجوزى 

ميرال …. والله حلوه دى هقف فى الجامع واقول يا ولاد الحلال انا بدور على عريس بسرعه 

يزيد ضحك على طريقتها …. يا ستى انا هشوفلك عريس 

ميرال ….. لا يراجل ومين ده بقا 

يزيد ….. انا ممكن أتنازل واضحى واتجوزك 

ميرال بحزن  ….. لا والله وليه تضحى مكنتش اعرف انى وحشه كده عشان اللى هيتجوزنى يبقي بيضحى 

يزيد بأسف لانه حس انها زعلت ….. انتى هبله صح قولى متتكسفيش 

ميرال بصتله بحزن ولسه داخله هو مسك أيدها وشدها لحضنه وكاد لا يفصل بينهم اى شئ 

ميرال بتوتر من قربه ودقات قلبها اللى بتدق بسرعه غريبه ….. ابعد يا يزيد 

يزيد ….. لا مش هبعد 

ميرال ….. عيب كده والله 

يزيد ….. ششششش يعنى بقولك ضحتك حلوه انتى جننتينى من اول يوم قابلتك فيه مش عارف فى حاجه جوايا عاوزاكى علطول جنبي  ميرال انا بحبك 

ميرال بصدمه …. بس احنا عارفين بعض من يومين 

يزيد ….. اه عرفتك من يومين بس انتى متعرفيش اتغيرت اذاى فيهم انا فعلا بحبك يا ميرال  

ميرال انصدمت ومردتش ….. ….. 

يزيد بحزن  ….. انا اسف فكرتك بتبادلينى نفس الشعور 

ميرال بتوتر  ….. لا مقصدتش اصل 

يزيد …. هو ايه حكايه مقصدتش واصل دى 

ميرال ….. ماهو اصل انا كمان حاسه فى حاجه غريبه بتحصل لما بتكون جنبي مش عارفه ايه ده 

يزيد ….. يعنى بتحبينى صح قوليها يا ميرال 

ميرال …. معرفش بقا اوعى كده 

ميرال دخلت الاوضه جرى ويزيد معرفش يدخل وراها لان ندين جوه يزيد فى اللحظه دى الدنيا مكنتش سايعاه من فرحته 

عدى الليل على أبطالنا وكل واحد بيفكر فى التانى ومبسوط 

تانى يوم الصبح 

تحت على السفره كان الكل متجمع 

الجده ….. امال فين ميرال 

ندين …. بتغير ونازله لأن كانت غاسله هدومها واستنت تنشف 

الجده …. ماشي يا حبيبتى 

ميرال نازل بعد ما خلصت ويزيد فضل باصص عليها ما هى الصراحه حلوه 

ميرال نزلت وقعدت جنبهم ….. صباح الخير 

الكل ….. صباح النور 

الجده …… تعالى جنبي يا قمر انتى 

ميرال ….. طب هو فى قمر غير حضرتك يا نانا 

يزيد ….. اسف انى هقطع الحظه الرومانسيه دى بس فى حاجه مهمه 

الجده …. خير يا ابنى فى ايه 

يزيد ….. انا قررت اتجوز 

الجده ….. الف مبروك يا حبيبي ومين بقا سعيده الحظ دى 

يزيد …. ميرال 

وفجأه يظهر صوت واحده من ورا …… مستحيل الجوازه دى تتم