Uncategorized

اسكريبت قلبي ملكك الجزء الثالث 3 بقلم بسملة محمود

 اسكريبت قلبي ملكك الجزء الثالث 3 بقلم بسملة محمود

اسكريبت قلبي ملكك الجزء الثالث 3 بقلم بسملة محمود

اسكريبت قلبي ملكك الجزء الثالث 3 بقلم بسملة محمود

ف المستشفي
سامر بصدمة من كلام اميره : اميره انتي بتقولي اي 
اميره بدموع : هو ده اللي حصل ي سامر امك السبب هي اللي خلت ساره تعمل كدا وهي اللي أصرت علي موضوع التحاليل ده وخدت ساره وراحت بيها للدكتور كانت قايلالكً انها هتاخدها للدكتور ليها هي عشان توافق بس كدبت عليك 
فلاش باك 
سامر كان مسافر مأموريه وساره كانت لوحدها ف الفيلا ولقت الباب بيخبط ف قامت تفتح هيا 
سارة بخضة : حماتي ؟! ازيك عامله اي اتفضلي 
ناهد ب تكبر : طبعا هدخل ده بيت ابني مش مستنياكي انتي تقوليلي ادخل ولا لا 
ساره قفلت الباب واخدت نفس وخرجته براحة وراحت وراها لقتها قاعده علي الكنبه وفاردة نفسها 
ناهد : يلا روحي البسي عشان رايحين للدكتور 
ساره : دكتور اي هو حضرتك تعبانه 
ناهد : لا ي حبيبتي دكتور نسا وتوليد بعدها دكتور تحاليل عشان نشوف متاخرة ف الخلفة ليه 
ساره بصدمه : اي ؟ بس انا مش هعمل كدا وبعدين انا لسة مكملتش سنه جواز 
ناهد بزعيق : وانا هستني سيادتك اما تعجزي ولا اي وكملت بخبث وبعدين سامر جوزك هو اللي طلب مني كدا وخرجت ازازة تحاليل من الشنطه ودي العينه بتاعته أهي هو كمان هيعمل 
ساره اتصدمت من كلامها هو ازاي سامر يعرضها ل موقف زي ده وهو اصلا من امتا بيفكر ف الموضوع ده 
فاقت ساره علي صوت ناهد وهي بتزعق : بقولك اي مش مصدقه كلمي جوزك أساليه ولا اقولك اكلمهولك انا وطلعت فونها ورنت علي سامر وفتحت الاسبيكر
سامر رد: ايوا ي امي ازيك 
ناهد بزعيق : انا عند مرآتك ف الفيلا ي سامر ومش راضية تيجي معايا للدكتور زي م اتفقنا 
سامر :طب اديهاني ي ماما 
سارة اخدت الفون : الو ي سامر ازيك
سامر ب قله حيلة : سارة روحي مع امي للدكتور هي قالتلي وانا وافقت مافيهاش حاجة يعني 
ساره : بس ي سامر …
قاطعها سامر : ساره انا مش فاضي روحي مع امي زي مقولتلك ولما ترجعي تطمنيني سلام 
قفل سامر مع ساره اللي حست بصدمه من كلام سامر هوً ازاي يعمل فيها كدا 
ناهد بانتصار : ها ي مرات ابني هتيجي ولا لا 
ساره ب قلة حيلة : خلاص ثواني البس وأجي 
بعد مدة وصلو عند الدكتور وعملو تحليل فوري 
ناهد : ها ي دكتور اي الأخبار 
الدكتور : للأسف تحاليل مدام ساره بتؤكد ان عندها أضرار بالغه ف الرحم واستحالة تخلف بس أستاذ سامر سليم مية بًالمية وممكن يخلف ف اي وقت 
الكلام نزل علي ساره زي الصاعقة وفضلت متنحة مش مصدقة اصلا اللي اتقال 
ناهد فرحت بس مبينتش : طب ي دكتور مافيش اي علاج ليها
الدكتور بعمليه : معتقدش الرحم متضرر جدا ع العموم هنحاول ونشوف 
قامت ساره مشيت وهي سرحانه ومسمعتش باقي كلام الدكتور بعد ربع ساعه كانت ساره وحماتها وصلو الفيلا وطبعا حماتها مبطلتش تلقيح علي سارة وأنها ارض بور ووكسه ليها ولابنها 
سارةسابتها وطلعت اوضتها وهي جامدة مستغربه نفسها دي حتي مش قادره تعيط حاسة ان كل هموم الدنيا كاتمة علي نفسها وقلبها ،،، ساره اترمت علي السرير وفضلت باصة للسقف بجمود 
تاني يوم الصبح سارة مكانتش نامت ولسه باصة للسقف وبهدومها الخروج متعرفش عدي وقت قد اي بس الوقت بالنسبة ليها وقف من ساعة م سمعت الخبر ده .. خبر انها مبتخلفش 
فاقت ساره من سرحانها علي صورت رزع الباب وحماتها اللي دخلت اوضتها من غير استئذان وداخلة تزعق كعادتها .. بصت ساره حواليها لقت الصبح طلع 
سارة بجمود : انتي لسة هنا ي طنط 
ناهد بزعيق : اي هتطرديني من بيت ابني إش حال انك أرض بور اومال لو بتخلفي كنتي عملتي اي
مسحت ساره دمعة نزلت من عينها بعد إهانة ناهد ليها 
سارة : قولي ي طنط عايزه مني اي وانا هعملو حضرتك أكيد عايزه حاجة 
ناهد قعدت علي الكرسي اللي قدامها : كويس انك بتفهمي،، دلوقتي انتي مبتخلفيش قاعدة علي زمة ابني تعملي اي 
سارة بشهقة : عايزاه يطلقني ي طنط 
ناهد : اه ي حبيبتي اومال تقعدي علي زمته تعملي اي وانتي مبتخلفيش ،، انا سامر ابني زيه زي اي راجل نفسه يخلف ماهو ي اما يطلقك ي اما هيتجوز عليكي وده اللي هيحصل دلوقتي او بعدين 
سارة : بس سامر بيحبني واستحالة يعمل كدا 
ناهد : لا ي حبيبتي سامر مهما حبك مسيره هيحن انه يكون اب وليه عيل يشيل اسمه هيعمل اي بيكي يعني ولو مش هتطلقي هيتجوز عليكي ويجيبلك ضرة لو تستحملي ده ف خليكي علي ذمته انا مش هعرفه حاجة خليكي انتي فكري مع نفسك 
طلعت ناهد وسابت ساره بتفكر مع نفسها 
سارة : لا لا استحاله سامر يسيبيني انا مش هعرفو وهروح لكذا دكتور أكيد فيه حل وان شاء الله أبقا كويسه ومتضطرش اعرفه 
تاني يوم سامر رجع البيت ولاحظ ان ساره متغيره بس هي كانت بتتحجج ب الشغل ولفت علي دكاترة كتير عشان تلاقي حل ل مشكلتها بس كلام الدكاترة كله واحد انها يستحيل تخلف وكل يوم شعورها ب الذنب ناحية سامر بيزيد خصوصا عن كلامه المستمر عن الخلفة وأنه نفسه ف عيل يشيل اسمه وطبعا ده كلام مامته  اللي بتزرعه جوا دماغه بقالها كام يوم  
و ف يوم كل امل ب النسبة ل سارة ف حياتها مع سامر اتهد ..سارة جالها اوردر وطلعت تستلمه 
سارة للراجل اللي بيسلم الشحنة : اي ده انا مطلبتش اي اوردر 
الراجل : ده من سامر باشا وهو طلب نسلمه هنا وحضرتك توقعي عليه 
ساره اخدت ورق التوقيع وبدات توقع اسمها : وده اوردر اي 
الراجل : اوضه أطفال كامله وسرير بيبي 
ساره اتصدمت من كلام الراجل والقلم وقع من أيدها 
الراجل نده عليها كذا مره : ي مدام حضرتك ورينا الاوضه فين عشان العمال يركبو الاوضه 
سارة بجمود : اتفضلو معايا
اخدتهم ساره لاوضة الأطفال وفضلت واقفه وهما بيركبو السراير ومعاهم سرير الليبي وبيفرشو سجاد بينك لطيف وبيعلقو زينة أطفال ف السقف ومع كل خطوه للعمال كان قلب ساره بيوجعها ع حبيب عمرها اللي بتظلمه معاها ب عيبها  عشان انانيتها وأنها عايزة تفضل معاه
جريت سارة ع الفون بتاعها ورنت علي حماتها 
ناهد اول م شافت اسم ساره علي الفون ابتسمت عشان اتاكدت ان خطتها نجحت وأنها صدقت ان سامر اللي بعت الاوضة 
ناهد : الو ايوة ي سارة عامله اي 
سارة بجمود انا جايالك عشان تقوليلي اطلب الطلاق من سامر ازاي ومن غير م يتمسك بيا 
فرحت ناهد وطلبت منها تيجي وبدات تبخ ف ودانها سمها انها تجرح سامر وتقوله انو هو اللي مبيخلفش عشان يطلقها وينساها ويعيش حياته سارة كانت رافضة بس ناهد فضلت تزن عليها واكدت ليها انها لو معملتش كدا هيرفض يطلقها او يتجوز غيرها وهيعيش من غير أطفال ويضحي ب انه يبقاله عيل يشيل اسمه وهيبقا بسببها هي لحد م سارة اقتنعت بكلامها وناهد أقنعت  سامر يعمل تحليل وزورت النتيجة ولما سامر بلغ سارة حصل اللي كلنا عارفينه 
باك 
سامر بص لأمه بصدمه وعينه مليانه دموع : لا ي امي انتي استحاله تعملي فيا كدا قولي ان الكلام ده كدب 
ناهد بصراخ : هو فعلا كدب البت دي متفقة مع ساره وبيتبلو عليا 
اميره ببكاء وزعيق : ي شيخة حرام عليكي انتي اي شيطانه وكمان ي سامر امك هي اللي كانت متفقة مع الشغاله انها تحط دوا ل سارة ف الأكل او العصير من يوم م اتجوزتو عشان سارة لو حملت تسقط بس الدوا كان ليه أضرار علي الرحم وخلاها متخلفش .. سكتت أميرة تاخد نفسها وكملت : يعني سارة مبتخلفش بسبب امك 
سامر :——————-
يتبع…..
لقراءة الجزء الرابع والأخير : اضغط هنا
لقراءة باقي أجزاء الاسكريبت : اضغط هنا

اترك رد