Uncategorized
رواية عشق ليان الفصل الخامس 5 بقلم غادة سعيد
رواية عشق ليان الفصل الخامس 5 بقلم غادة سعيد
 |
| رواية عشق ليان الفصل الخامس 5 بقلم غادة سعيد |
رواية عشق ليان الفصل الخامس 5 بقلم غادة سعيد
_ انتي مروحه خلاص . . . . . . . .
= ايوة يا استاذ فهد تؤمرني ب حاجه . . . . . .
_ تعالي اوصلك للموقف في طريقي . . . . . . .
=لا شكرا انا خلاص عرفت الطريق لوحدي . . . . . . . ..
_ منا كده كده رايح تعالي معايا يلا . . . . . . .
_ لا شكرا انا عارفه طريقي لوحدي . . . . . . .
سابته ومشيت بس فهد مبقاش عارف هو مهتم بيها ليه وبقت شاغله باله من ساعة ما جت وهو اول مرة يحصل معاه كده وليان كانت متضايقه من نفسها من موقف انها فتحت الباب فجأه وكانوا قاعدين ماسكين ايد بعض اكيد هي حطيته في موضع احراج . . . . . . . . .
خرجت بره وفضلت مستنيه اي مواصلة تركبها ومفيش اي اتوبيس بيعدي . . . . . . .
فهد خرج بعدها بربع ساعه لقاها لسه واقفه زي مهي قرب منها بالعربية . . . . . . .
_ منا قولتلك تعالي اوصلك الموقف في طريقي مرضتيش هتفضلي واقفه كده يلا تعالي اركبي هوصلك في طريقي . . . . .. .
ركبت ليان معاه العربيه ونانسي كانت باصه عليه من شباك المكتب ومتابعه الموقف من اوله وشافته وهو بيقفلها بالعربيه والغيره عمت عنيها وبقت حاطه في دماغها انها لازم تمشي ليان من الشغل . . . . . . . . .
_ مش عاوزه تركبي العربيه ليه معايا . . . . . ..
= لا ابدا انا شايفه انه ميصحش وخوفت استاذه نانسي تضايق منك عشان بتركبني جنبك العربيه . . . . . . .
_ ما تضايق ولا تولع استاذه نانسي هي مالها اصلا . . . . . .
= اصل انا دخلت عليكم فجأه لقيتكم ماسكين ايد بعض فا قولت انكم بتحبوا بعض ده الي فهمته انا اسفه اني دخلت فجأه والله مكنش قصدي خالص . . . . . .
_ اولا احنا مكناش ماسكين ايد بعض هي الي مسكت ايدي ثانيا احنا مبنحبش بعض انا بعتبرها اختي وميخصنيش هي بتعتبرني ايه بالظبط انا عمري مفكرت فيها خالص ولا جت في بالي . . . . . . . .
= اصل حضرتك يعني الف واحده تتمناك ازاي متجوزتش لحد دلوقتي . . . . . . .
_ ملقتش لسه واحده تلفت نظري و احبها . . . . . .
= ان شاء الله تلاقي حضرتك انسان محترم بجد . . . . . .
_ شكرا ليكي يا ليان دا من زوقك اهو وصلنا الموقف . . . . . .
= شكرا يا استاذ فهد تعبتك معايا . . . . .
_ ليان هاتي رقمك عشان لو فيه حاجه بخصوص الشغل اكلمك اقولك . . . . . . .
= بصراحه انا مش معايا تليفون بس ان شاء الله اول ما اقبض هجيب واحد عشان انا محتجاه ضروري . . . . . . .
انا همشي بقي عشان متأخرش مع السلامه . . . . . .
نزلت ليان من العربية وفهد ما شالش عينه من عليها وهي بتعدي الطريق اد ايه هي انسانه بسيطه ورقيقه . . . . . .
فجأه تليفونه رن باباه بيتصل بيه . . . . . . .
_ الو ايوة يا بابا خير . . . . . .
= انا عاوز اقابلك انت فين محتاجين نتكلم مع بعض في موضوع مهم . . . . . . . .
_ طيب انا جاي عالبيت . . . . .
مشي فهد ومكنش يعرف باباه عاوزه في ايه موضوع مهم وليان جابت شوية طلبات وروحت عالبيت . . . . ..
_ حمد الله عالسلامه يا بنتي جهزتلك اكل من بتاع امبارح انتي ماكلتيش خالص . . . . . .
= حاضر يا ماما هقوم اغير هدومي واجي اكل . . . . .
دخلت تغير هدومها وكانت كل تفكيرها في فهد ومتعرفش هي بتفكر فيه ليه لأنها عمرها ما حبت حد ولا اتعاملت مع حد باباها كان مقفل عليها خايف من الناس عشان ليان رقيقه جدا ومتعرفش الخبث الي جوا البشر . . . . . . .
خلصت و غيرت هدومها وخرجت برة تاكل مع ماماتها و اول ما قعدت . . . . .
_ عاملة ايه فالشغل الجديد يا ليان . . . . .
= الحمد لله يا ماما كويسه . . . . . .
_ في حد مضايقك او مزعلك اصل انا حاسة انك بتيجي تعبانه اوي . . . . . .
= لا انا بس عشان الشغل جديد عليا فا تقيل يلا ربنا يقويني . . . .
_ كنت عوزاكي في موضوع كده . .. . . .
= خير يا ماما . . . . .
_ الواد حمو جالي تاني وهيموت عليكي نفسه يخطبك وبيحلف انه هيتغير بعد ما يخطبك . . . . . .
= ماما انتي عاوزه تدفنيني بالحيا صح لا طبعا مش موافقه وانتي ازاي تدخليه البيت وانا مش هنا بعد إزنك يا ماما متتكلميش معايا تاني فالموضوع ده . . . . . .
وقامت وسابت الاكل لتاني يوم متاكلش بسبب سيرة حمو . . .
دخلت سريرها وكانت بتفكر في باباها وفهد اد ايه هو مهتم بيها زي ما كان بيعمل باباها بالظبط وراحت فالنوم نامت بدري عشان متتأخرش عالشغل زي امبارح وفهد راح ل باباه . . . . .
_ خير يا بابا في حاجه . . . . . .
= تعالي اقعد هنا انا عوز اعرف حاجه دلوقتي اي حكايتك مع البنت بتاعة البوفيه دي يعني ايه كل يوم توصلها انت مش عارف انت ابن مين . . . . .
_ طبعا نانسي الي كلمتك وسخنتك انا مبعملش حاجه غلط يا بابا دي بنت غلبانه وانا مبوصلهاش للبيت انا باخدها في طريقي للموقف عشان بتصعب عليا تقف لوحدها . . . . . .
= طول عمرك حنين يا فهد بس متوصلش لاكتر من كده وبعدين ايه موضوع انك عاوز تشغلها معاك ده . . . . . . .
_ وفيها ايه يا بابا انت لو شوفت قدرات البنت في الحسابات هتنبهر بيها . . . . . . .
= بس انت عمرك ما اهتميت ب حد كده يوم ما تهتم هتهتم بواحده مش من مستوانا . . . . . .
_ ياريت حضرتك تشير الي في دماغك ده انا بعمل الي عليا كا مدير شركة سواء كانت هي او حد غيرها واي حاجه في مصلحه الشغل هعملها عشان الشركه تبقي احسن . . . . . .
= طول عمرك بتغلبني فالكلام يا فهد تربيتي بصحيح ماشي يا فهد شوف انت ايه في مصلحه الشغل وانا بقي هدورلك علي عروسه . . . . . . . .
_ بس ابعد عن نانسي الله يخليك عشان هي مش ناقصه نانسي يعني معرفش هحبها منين دي . . . . دي شبهك انت و عمي . . . . . .
= هههههههه طب اسكت عشان عمك جاي قصدي نانسي جايه وراك . . . . . . . .
_ اهلا يا نانسي جيتي في وقتك كنت بتكلم انا و بابا عالموظفه الجديدة . . . . . .
= موظفه !!!! موظفه مين . . . . …
_ ليان هخليها تمسك الحسابات فالشركه . . . . . .
= اه دا جنان رسمي هتخلي بتاعه البوفية تمسك حسابات الشركه كلها . . . . . . .
_ مالها بتاعه البوفيه مش بني ادمه خلي بالك انتي ممكن تتحطي في نفس موقفها ترضي حد يقول عليكي كده . . . . . .
= ماشي يا فهد انت حر ياكش تمسها الشركه كلها انا مالي . . . .
_ انا هقوم بقي اغير وانام عشان بكرة ورانا شغل كتير اطلعي نامي يا نانسي عشان متجيش متأخر زي كل يوم وهخصملك اطلعي نامي احسن . . . . .
طلع فهد وطلعت وراه نانسي دخل اوضته ودخلت ورا وقفلت الباب . .. . . . .
_ انتي بتعملي ايه هنا دي اوضتي علي فكرة . . . . . .
= انا جايه اقولك كلمتين لو مبعدتش عن ليان دي انا هأذيها ومش هقولك هأذيها ازاي . . . . . .
= تأذيها ازاي يا نانسي ولا تقدري تعمليلها اي حاجه هي عملتلك ايه هتموتي منها كده ليه يعني . . . . . .
_ هموت منها !!!
= اه معرفش حطاها في دماغك ليه ليان دي بت غلبانه بتاكل عيش شيلي الي في دماغك ده يا نانسي . . . . .
_ يعني افهم من كده انك بتعطف عليها بس مش اكتر . . . .
= افهمي الي تفهميه بقي واطلعي بره عاوز انام يا نانسي . . . .
ولا حابه تنامي هنا كمان . . . . .
_ لا مش هنام هنا بس هيجي اليوم وتبقي دي اوضتي وهتشوف . . . . . . .
= طيب يلا لو سمحتي عشان انا عاوز انام ومش فايق للكلام ده . . . . . . . .
فتحت الباب وهو راح يقفل وراهم ولقي روزا معدية وبتبصلهم وتضحك . . . . . .
_ اوعي تفهميني غلط يا روزا دي نانسي المجنونه يعني عادي . . . . .
ضحكت و فهد دخل اوضته وقفل عليها ونام عشان بكره وراه يوم شغل طويل . . . . . .
تاني يوم ليان صحيت بدري عن ميعادها نقت طقم كويس لبسته وراحت الشغل بدري ودخلت تستني الموظفين حد يجي يطلب حاجه قاسم جه اول واحد فالشركه وطلب تعمله قهوة . . . . .
عملت ليان القهوة ل قاسم وطلعت توديهاله علي مكتبه . . .. .
_ صباح الخير يا استاذ قاسم . . . . .
= صباح النور يا ليان عاملة ايه اوعي تكوني لسه زعلانه مني . . . . . .
_ لا يا استاذ قاسم حصل خير . . . . .
راح بصلها وقالها . . . ..
_ تعرفي ان عيونك حلوة اوي من ساعه ما شوفتك وانا مشيلتش عيني من عليكي متيجي نخرج يوم كده بليل . . . . .
= لا طبعا انا بروح انام بدري عشان عندنا شغل الصبح . .. .. .
_ شغل ايه بس انا هديكي اضعاف الي بتاخديه من الشغل . . . . . .
= هو حضرتك شايفني ايه بالظبط علي فكرة انا ممكن اعملك مشكله كبيرة مع استاذه روزا بس انا هسكت خالص ومش هتكلم . . . . . . . .
_ انتي بتهدديني طب غوري بقي من وشي ولو جبتي سيرة بلكلام ده لحد اعتبري عيشك اتقطع دانتي وش فقر صحيح . . . . .. . .
سابته ومشيت وهي مش مصدقه الي سمعته ده ولا مستوعبة ازاي هو بالحقارة دي ومعاه واحده جميلة زي روزا ورايح يبص لغيرها وانه راجل عنيه فارغه كتمت الكلام في قلبها وخافت تتكلم لكن هي من جواها حزينه علي الي وصلتله ده . . . . . .
نزلت تحت و نانسي جت وبصتلها بقرف وقالتلها : طلعيلي النيسكافيه بتاعي فوق يلا خلصي بسرعه . . . .
عملت النيسكافيه وطلعته . . . . . .
وفي نفس الوقت فهد كان جه وكان واقف بره يراقب نانسي بتعمل معاها ايه وهما مش واخدين بالهم . . . .
_ صباح الخير يا استاذة نانسي . . . . . .
= اهلا . . . . عاوزه حاجه حطي النيسكافيه وامشي يلا . . . .
_ هو حضرتك بتكلميني كده ليه هو انا عملتلكم ايه كلكم بتعاملوني وحش ليه . . . . . .
= وانتي مين اصلا عشان نعاملك ولا منعاملكيش انتي فاكرة عشان فهد وصلك بعربيته انك خلاص هتصاحبينا وتتعاملي معانا فهد قالي امبارح اصلا انه بيعطف عليكي عشان انتي غلبانه مش عشان مهتم بيكي زي مانتي فاكرة فوقي يا ليان انتي فين واحنا فين .. . . . . ..
_ وماله كتر خيره انه عنده قلب وبيعطف عليا تؤمريني ب حاجه تانيه حضرتك . . . . . .
= لا اطلعي واقفلي الباب . . . . .
مشيت ليان عند الباب وهي في حالة من الصدمه ورجلها مش شيلاها قبل متوصل للباب وقعت من طولها اغمي عليها . . . . .
فهد سمع الصوت فتح الباب بسرعه لقاها مرميه عالارض شالها وقال ل نانسي . . . . . . .
_ لو جرالها اي حاجه انا هحملك انتي المسؤلية انا واقف بره وسامع كل الكلام الي حصل بينكم . . . . . . .
خدها وطلب دكتور جنبهم بسرعه بيطلبوه لو فيه اي حد تعب فالشغل كان في خلال عشر دقايق الدكتور عندهم وابتدت تفوق . . . . . .
_ عندها هبوط حاد ولازم تعلق محلول . . . . . .
وفي حاجه حصلتلها عملتلها صدمه . . . . .
انتي شكلك مش واكلة بقالك كام يوم انتي عايشه كده ازاي . . . .
= اه والله يا دكتور انا فعلا مش واكلة بقالي كذا يوم مليش نفس آكل . . . . . .
_ مينفعش كده انتي ممكن تقعي من طولك في اي وقت طيب فيه حد ضايقك ومزعلك اصل ضغطك كان عالي اوي . . . . .
بصت للدكتور ولقت فهد واقف جنبه . . . . .
= لا يا دكتور مفيش حد زعلني انا بس قله الاكل مع الشغل خليتني فقدت الوعي بس هقوم دلوقتي وابقي كويسه . . . . . .
_ طيب تقدري تروحي دلوقتي . . . . . .
فهد : يلا يا ليان عشان اروحك البيت . . . . .
ليان : طيب والشغل . . .. . .
فهد : شغل ايه و زفت ايه دلوقتي اهم حاجه تبقي كويسه . .. . . .
يلا عشان اوصلك . . . . . .
ليان : لا شكرا انا عارفه طريقيي مش هينفع توصلني . . . . .
افتكر كلام نانسي معاها الي سمعه وعرف انها زعلت من الكلام وقالها . . . . .
_ مش هسيبك تمشي لوحدك وانتي فالحالة دي انا هاجي اوصلك لحد البيت كمان . . . . . .
بس فجأه انفجرت في وقالتله . . . . .