رواية أمير الرجال الفصل السابع عشر 17 بقلم مروة عبدالجواد

في شقه النيل

امير : امام الباب ويكلم خالد بكل عصبيه ،انت جاي تنام هنا  ، امشي من قدامي  روح نام في بيتك ومشفش وشك تاني .

خالد : اسف ياباشا ، عيني غفلت خمسه .

امير : لو وقفت قدامي دقيقه كمان هقتلك ، امشي بسرعه.

فيجري خالد الي السلم.3

ويدخل الي مي .

امير : ها لقتيها.

مي : لا ياامير انا خايفه تكون عملت في نفسها حاجه.

امير : هي مقلتلكيش اي حاجه  مجبتش سيره اي حد.

مي : لا من وقت مادخلت نامت مشفتهاش ، انا كمان رحت ونمت صحيت بدور عليها ملقتهاش قلبت عليها الشقه ملهاش اي اثر.

امير : يمكن راحت المدفن لمامتك مثلا او ليكوا قرايب راحتلهم

مي : لا لا ملناش حد ، ولو كانت راحت لماما كانت قالتلي .

امير : متقلقيش ، انا هقلب الدنيا عليها  يتصل ب عمرو ( انت نايم يااستاذ في العسل وجيبلي شويه بقر هنا .

عمر :في ايه ، حاجه حصلت .

امير: حاجه ، المصايب نازله ترف وانت مش شايف شغلك ،اخلص وفوق كده وانت بتكلمني.

عمرو : اي الكلام دا ياامير ، في ايه .

امير : بلا امير بلا زفت انا مش قيلك تغير الرجاله ديه امبارح، وتجيب ناس صاحيه وفايقه لكن ازاي روحت تنام . عمر : فهمني ايه اللي حصل .1

امير  : تقوم حالا تغير طقم الزفت الرجاله وتجبلي خمسين راجل يكونوا بفهموا مش جسم علي الفاضي ، وتختارهم  بنفسك هاتهوملي وتعالا حالا .

عمرو : حاضر ساعه بالكتير واكون عندك.

امير : يغلق الهاتف ، مي ركزي كده معايا وعايزك تقوليلي علي اي حد ساره ممكن تروحله قرايبكو، صحابها بعنواينهم ، جيرانكو ، اي حد مهما كان .

مي : حاضر2

###########

في شقه ايمن في الصاله

محسن يطرق علي الباب ، وايمن يفتح له .

محسن : يدخل ومعه بعض شنط الاكل ، ايه ياعم ايمن انت فين ومبتردش علينا ليه.

ايمن : جبت اللي قلتلك عليه .

محسن : كل الاكل والطلباات اللي قلتلي عليها جبتهالك .

ايمن : يتناول منه الشنط ويضعها علي الكرسي.

محسن : انت ازاي ياراجل متحضرش عزا مرات عمك والناس الغريبه اللي يجوا ياخدوت العزا فيها.1

ايمن : تعالا احكيلي ،مين اللي خد العزا ، وايه اللي حصل.

محسن : البيه اللي هيتجوز بنت عمك ومعاه شويه بهوات زيه كده ، كانوا عاملين عزا كبير في الحته.

ايمن : ها وبعدبن ،في حاجه غريبه حصلت، حد اتكلم حد قال حاجه.

محسن :  حاجه ايه واللي هيحصل، ومقلتش انك قاعد هنا ليه  ، وايه الشقه الغريبه والمنطقه المقطوعه ديه  ، وليه محضرتش العزا.

ايمن : هقولك بعدين ، عرفني الاول حد اتكلم في حاجه .

محسن : الموضوع كله غريب والحته بتتكلم  بنت عمك اللي كانت غايبه وموت مرات عمك فاجاه كده ،والبيت اتقفل ومحدش يعرف بنات عمك راحوا فين ،وانت غايب ومحدش شايفك ، ومحدش عارف في ايه.

ايمن : بنات عمي مشيوا راحوا فين 

محسن : محدش عارف ليهم سكه فجاه كده لقينا الباب اللي تحت مقفول وهما مش ظاهرين .

ايمن : غريبه الحكايه دي

محسن : مش بقولك الموضوع كله غريب ، انت مش راجع الحته تاني ولا ايه حكايتك .

ايمن : اكيد هرجع يعني هروح فين ، بقولك متقولش لحد علي مكاني.

محسن : هو في ايه ناس يجوا يسالوا عليك وانت تقول متقلش لحد مكاني ، ماترسيني ياصاحبي علي الحكايه.

ايمن : بخضه مين  اللي سال عليا.

محسن : ناس وشوشها غريبه اول مره اشوفهم.

ايمن : مين يعني حد من زباين الورشه.

محسن : لا دول شكلهم مش زباين .1

ايمن : مقلوش هما مين وعايزين ايه. 

محسن : لا محدش اتكلم بسالوا عليك بس ، ماتتكلم ياعم في ايه فهمني الحوار.

ايمن : ولا حوار ولا غيره ، اهم حاجه اي حد يسالك عليا ، انت متعرفش عني حاجه ، ولو في حاجه حصلت عرفني علي طول .2

#################

في قريه ريفيه صغيره داخل بيت مبني من طوب وسقفه بالعروق.

تجلس ساره مع الخاله فتحيه مسنه ملامح العجز تملاء عينيها وهي  بنت عم ابن والدتها .7

الخاله فتحيه : الله يرحمها كانت ست طيبه تتحط علي الجرح يطيب ، هي اللي كانت بتسال عليا علي طول، وتودني كل ماتنزل البلد  ، ست اصيله.

ساره : بدموع الله يرحمها ، وهي كانت بتحبك اوي ، ياخاله.

الخاله فتحيه : اومال يابنتي،  احنا متربين سوا قبل ماابوكي يجي ويجوزها ، لولا الايام فرقتنا ومكنتش بشوفها الا كل حين ومين ، اومال اختك فين،  ومجبتهاش معاكي ليه.

ساره : في البيت علشان امتحاناتها وكليتها.

الخاله فتحيه : ربنا يقويها ، ويخليكوا لبعض ، وانتي هتعملي ايه ياساره.

ساره : في ايه ياخاله.

الخاله فتحيه : مش بقي ليكوا حد هناك في مصر يابنتي ، تعالوا افتحوا بيت جدكوا واقعدوا هنا في وسط اهلك.

ساره : واحنا لينا حد هنا ياخاله ،مفيش الا اولاد عم ماما وملناش علاقيه بيهم.

الخاله فتحيه : امك كانت قيلالي انك مخطوبه لابن عمك.

ساره : تاخذ نفس والدموع تزرف من عينيها ، كنت ياخاله، كنت .

الخاله فتحيه : مالك يابنتي فيكي ايه ، تعبانه وهمدانه كده .

ساره : تزرف الدموع ، موت امي مااثر فيا اوي.

الخاله فتحيه : ربنا يصبركي ، لكن انتي فيكي حاجه تانيه اني ست كبيره وبفهم بردوا .1

ساره : بدموع مبقلناش حد ياخاله، لا اب ولا ام ولا قرايب ولا حد.

الخاله فتحيه: حاسه بيكي يابنتي الوحده صعبه ، اهو بعد ما الحج  ابراهيم جوزي مات محدش بيلف عليا ، حتي العيال معنديش متنصفتش فيهم ، ياريتك تخليكي معايا هنا تاخدي بتحسي .

صوت عربيات كتير قدام البيت

الخاله فتحيه : ياساتر يارب ايه الصوت ده .

ساره : مش عارفه

الباب يطرق بشده ، ساره تذهب تجاه الباب لتفتحه.

تتفاجا ساره باامير ومن خلفه رجاله كتير وعربيات كتير جدا.

ساره : بدهشه امير

امير : يحتضنها بشده ، كنت هتجنن عليكي.

ساره : تبعد امير عنها  ، في ايه ثم (تنظر خلفه)  وايه دا كله.

الخاله فتحيه : مين دا ياساره2

ساره تنظر لها في صمت.

امير : السلام عليكم ياحجه انا امير جوز ساره.

ساره : تبرق له

الخاله فتحيه : مستغربه ،جوزها ، اتفضل يابني ، مقلتيش انك اتجوزتي ياساره.

امير : اصلها كانت زعلانه مني.

الخاله فتحيه : اتفضل ،معلشي يابني مش الك بركه الا هي ، وانتي ياساره خلي بالكي منه.1

امير : يقف مكانه وينظر لساره وانا مليش بركه غيرها ، مش هتقوليلي اتفضل ياساره.

ساره : في صمت مندهشه.

الخاله فتحيه : مش هتقولي لجوزكي اتفضل .1

امير : معلشي ، شكلها مستعجله يلا نمشي ياساره

ساره : لا انا هقعد مع خالتي شويه.

امير : وهتسبيني لوحدي.

الخاله :  اتفضل يابني تعالا هغديكو الاكل جاهز

امير : ماشي ياخاله علشان خاطرك انتي بس ، والله ياخاله

انا نفسي في حته جبنه فلاحي وعيش اللي ببقي ناشف.

الخاله : تضحك، اسمه  عيش ملدن يابني.

ساره : في حاله اندهاش .

امير : ايوه هو ده وياسلام لو في حته جبنه اللي ببقي لونها اصفر كده  اللي فيها حاجات بتلعب ديه

الخاله : تضحك قصدك الجبنه المش.3

امير : ايوه هي دي.

الخاله : لساره ، جوزكي دمه شربات

امير : مش كده ونبي ياخاله وصيها عليا .

الخاله : هدخل المطبخ اجهزهوملك ، تاكل انت وساره دي مكلتش لسه ، ودخلت المطبخ .

ساره : انت ايه اللي جابك ،ورايا وعرفت اني هنا ازاي.

امير : يمسك يدها ويقبلها ، انا اسف اني زعلتك او ضغطت عليكي ، من اللحظه ديه مش هضايقك تاني.

ساره : تبعد يدها عن امير ابعد عني انا مش عيزاك ، سبني في حالي.

امير : لكن انا مش هقدر ابعد عنك ولا اسيبك  ،في حد يسيب روحه ، انا كنت هتجنن عليكي اول ماحسيت انك روحتي مني ،قلبت عليكي الدنيا علشان الاقيكي

ساره : امير انا مبقتش انفعك خلاص.4

امير : مش انتي اللي تقولي كده ، انا بس اللي اقول وانا محتاجلك وعايزك معايا.

تدخل الخاله حامله صينيه بها عسل وقشطه وجبنه فلاحي وجبنه مش وعيش ملدن ، يقف امير وياخذها منها ويضعها علي الطبليه علي الارض.

الخاله : حطها علي الكنبه يابني مش هتعرف تاكل علي الارض .

امير : البساط احمدي ياخاله  ويجلس ارضا ،وينظر للصينيه والجبنه ، اومال فين الحاجات اللي بتلعب ياخاله

ساره : تضحك

والخاله : تضحك المره جايه هعمل حسابك فيها ،مين يابني الي قالك الجبنه فيها دود.

امير : طب والله ببقي فيها حاجات بتلعب ، كنت كلتها مره زمان عند واحد صاحبي ، بقوله ايه دا قالي كوله قبل ماهو ياكلك ، فكلته .

الخاله : تضحك ، وكلته طب والله عنده حق .

امير : مش تنزلي تاكلي معايا ولا عايزاني اقوم

ساره : مليش نفس

الخاله : متزعليش جوزك ياساره ، انزلي وهو هيفتح نفسك .

امير : يبدا يااكل ، اهي دايما كده ياخاله مزعلاني ومطفشاني من البيت .

ساره :تنظر مستغربه ، انا مطفشاك.

الخاله : ليه ياساره دا الراجل يحب الست اللي بتضحك دا عمك ابراهيم مرضيش يتجوز عليا علشان الخلفه ، لاني كنت علي طول بضحكله ومفرفشاه

امير : ههههههه ينظر لساره شوفتي علي الله تتعلمي ، ثم ينظر للخاله ، لا ياخاله مش بتفرفشني.

الخاله : تلاقيكوا عرسان جداد ، فرفشيه ياساره الراجل ميحبش الست النكديه.2

امير : ينظر لساره ، ويشاورلها اتعلمي من خالتك ، فرفشيني

ساره : تبتسم .

امير ( قد اكل لقمتين) يقوم من علي الطبليه تسلم ايدك ياخاله

الخاله  : انت مكملتش اكلك ، ثم تنظر لساره شوفتي اهو علشان زعلان مكملش اكل ( امير اه والله ياخاله لو كلت معايا كانت هتفتخ نفسي ) ،طب هقوم اعملك كوبايه شاي .

امير : سامحيني ياخاله مستعجل ،وينظر لساره يلا علشان نمشي.

ساره : مش همشي ، هقعد هنا شويه .

امير : اتكلمي انتي ياخاله بقي.

الخاله : تشرفي وتنوري ،لكن مش تزعلي جوزكي ده جه لحد عندكي ، استغفري الله كده الشيطان بيضحك عليكي ، وانت يااستاذ امير  مش تزعلها وخلي بالك منها.1

امير : وانا عنيه ليها دي حبيبه قلبي ونور عنيا من جوه.

ساره : تاخذ نفس .1

امير : لساره ، اسمعي كلام خالتك

ساره : تبدا بالنهوض  بضيق .

الخاله : ابقي هاتها وتعالا يابني ، انا قاعده لوحدي هنا..

امير : حاضر ياخاله ، هنجيلك علي طول .

ساره تسلم علي الخاله وتحتضنها

الخاله : بدموع  كنتي واخده بحسي الليله دي ياساره ابقي اسالي عليا.

ساره : حاضر ياخاله ان شاء الله هجيلك انا ومي.

الخاله : وهاتي جوزكي معاكي .

امير : اكيد ماانا اللي هجيبهم ويبداوا بالخروج وتركب ساره السياره ،امير يعطي ظهره لساره و ينادي علي احد الرجاله، ويخرج مبلغ من المال وياامر الرجل ان يذهب ويعطيه للخاله فتحيه ، ثم يركب وتبدا العربيات بالتحرك خلفهم.

امير وساره بالعربيه 

امير : كنت هتجنن عليكي متعمليش كده تاني ، انا بحبك ومهما حصل مش هبعد عنك.

ساره : تنظر له وتصمت.

امير :انا مش فاهم كنتي بتفكري ازاي وانتي بتعملي كده.

ساره :محبتش اشوف في عنيك نظره شفقه او عطف.

امير : شفقه ، انتي شايفه كدا هو دا اللي بيني وبينك لدرجادي مش واثقه في حبي ولا مشاعري ، بس انا اللي غلطان .

ساره : تنظر له ، شفت بتقول غلطان اهو.

امير : فعلا غلطان وهصحح غلطي اول مانوصل البيت

ساره : بدموع اهو دا اللي كنت خايفه منه.

ويعم السكوت 

##############

في شقه النيل يدخل امير و ساره ، فتجري مي علي ساره وتحتضنها

مي : كده ياساره تسبيني لوحدي وانا مليش حد غيرك ومتعرفنيش انتي فين.

ساره : معلشي يامي ، كنت مخنوقه شويا

مي: امير  قلب الدنيا عليكي علشان يلاقيكي واول ماعرف مكانك اتصل عليا طمني.

ساره : ل امير اتفضل صحح غلطك احنا وصلنا اهو.

مي : لساره في ايه ياساره ، ايه اللي بتقوليه وغلط ايه

امير : لساره حاضر ، ثم ينظر لمي لو سمحتي اعمليلي حاجه اشربها يامي .

ساره : ان هدخل الم شنطه هدومنا علشان نمشي.

مي : نمشي نروح فين ، انا مش فاهمه حاجه. 

ساره : نروح بيتنا ، كفايه كده علي امير وشكرا ياامير علي اللي عملته علشانا .

امير : لساره خلصتي ولا لسه.

ساره :  اه خلصت.

امير: لو سمحتي يامي تعمليلي فنجان قهوه .

مي : حاضر ، وتدخل المطبخ.

.امير : اقعدي ياساره لو سمحتي ، محتاج اتكلم معاكي

ساره : تجلس ، اتفضل .

امير : ساره عايز اسالك سؤال واحد بس وتجاوبي ب اه او لا وبعد كده هما اللي انتي عيزاه.

ساره : باستغراب ، سؤال ايه.

امير :ينظر في عينيها ، انتي بتحبيني ؟

ساره : تنظر للارض وتصمت .

امير :يرفع راسها ويقرب منها وبصوت هادي  بصيلي وردي عليا.

ساره : لا مبحبكش.

امير : كنت متاكد من اجابتك 

ساره يعني هتعمل اللي انا عيزاه

امير : طبعا  دقيقه واحده

يرن جرس الباب

تاتي مي من المطبخ لتفتح  الباب ،تجد عمرو ومعه ماذون ورجلان ، وتقول اتفضلوا .2

امير : يشاور ل عمرو تعالا .

ويجلس الماذون وعمرو والرجلان. في الريسبشن

ساره : مستغربه ،ومي تنظر لساره في استغراب

امير : لساره ، هاتي  بطاقتك

ساره : ليه ، وايه اللي جاب الماذون دا .

امير : هنتجوز .

مي بفرح هتتجوزها.

ساره : لا دا مش كلامنا .

امير : انتي تقولي اللي انتي عايزه تقوليه ،وانا اعمل اللي انا عايز اعمله ، ومش هسيبك برضاكي او غصب عنك.

ساره :  لا مينفعش .2

امير :  ليه انتي مش موافقه عليا.

مي : هروح اجيب البطاقه.

ساره : استني يامي ( مي تذهب مسرعه)  ، امير انت ملكش ذنب في اللي حصل ، ليه تشيل ذنب مش ذنبك.

امير : ينظر لعينيها برومانسيه ، انتي روح قلبي ومهما حصل مش هبعد عنك ، عايزك تنسي اي حاجه حصلت ، وانا هقدر اعوضك عن كل لحظه الم حسيتي بيها.

ساره : تبدا بالبكاء.

امير : يمسح دموع ساره من علي خدها ، اوعي اشوفك بتبكي طول ماانا عايش ، انا ضهرك وسندك ، مش عايز اشوف غير ضحكتك وبس ويقبل يدها .

ساره : تبتسم وتبكي3

مي : احم..  احم .. وتمد يدها البطاقه اهي .

امير : يااخذ البطاقه من مي ، وينظر لساره قومي اغسلي وشك  لحد ، ماادي الماذون البطاقات يكتب البيانات.

ساره تجلس بجوار الماذون وامير بالجانب الاخر ويبدا الماذون بمراسم الزواج.

مي تنظر لساره باابتسامه يصحبها الدموع وكذلك ساره .

ويبدا الماذون بسم الله ، ويمد امير يده ليمسك يد ساره امام الماذون ، وعمرو يخرج منديلا ويضعه علي يد امير وساره.

الماذون : قولي ورايا ياعروسه ، اني استخرت الله علي ان ازوجك نفسي انا ساره عبدالفتاح محمد الكبير  ، وساره تردد وراه ( وامير يهز راسه باان تقول ورا الماذون)  

يكمل الماذون ، البكر الرشيد علي كتاب الله وسنه رسوله

ساره : تصمت ( يهز امير راسه ويشير لها بفمه ، قولي ، قولي)  فتردد ساره والدموع بعينيها البكر الرشيد علي كتب الله وسنه رسوله .1

الماذون : وعلي الصداق المسمي بيننا عاجله واجله ، والحضور والشهود علي ذلك ، والله خير الشاهدين .

وساره تردد وراه في ابتسامه ودموع .

الماذون : قول ورايا ياعريس ، اني استخرت الله العظيم زواج الانسه ساره غبدالفتاح محمد الكبير البكر الرشيد ، وامير يردد وراه ، علي كتاب الله وسنه رسوله وعلي الصداق المسمي بيننا عاجله واجله والحضور شهود علي ذلك والله خير الشاهدين ، وامير يردد وراه

يكمل الماذون بارك الله لكما وبارك عليكمل وجمع بينكما في الخير ، ويرفع الماذون المنديل.

مي : بسعاده تقبل ساره الف مبروك ربنا يسعدك ، مبروك ياامير.

عمرو : الف مبروك ياساره مبروك ياامير وعقبالك يامي

الماذون ينصرف وامير يشاور لعمرو ان يوصل الماذرن والشهود لباب الشقه .

امير : يجلس بجوار ساره الف مبروك ياحببتي ، ربنا يقدرني واسعدك ويقبل جبينها.

مي : هعملكوا حاجه تشربوها.2

يااتي عمرو وينادي علي امير.

  ( ساره : انا هقوم اغسل وشي) و(امير لساره طيب) . ويدخل هو وعمرو البرانده المطله علي النيل.

امير : عايزك تبعت  الرجاله امبابه يعرفوا صحاب الزفت دا مين ،  قرايبه ، جيرانه ،  ويراقبوهم وشوف مين اكتر صاحب او جار  ليه ، ويراقبوه ويمشوا وراه ، وعلي القهوه  هناك تسيب رجاله ، يمكن حد بسمع حاجه كده ولا كده ، وعند بيته وعند الورشه ، مش عايز خرم في امبابه ميبقاش متراقب ، هو اكيد هيظهر مش هيستخبي كتير.

عمرو : حاضر ياامير ،هنفذ اللي الي انت قلته.

امير : تمام ، اتحرك بسرعه يلا .

عمرو :ماشي ، لكن انت متاكد من اللي عملته دا.1

امير : ينظر له بغضب ، تقصد ايه ياعمرو.

عمرو : انت صاحبي ، علشان كده كنت لازم اقولك انك استعجلت في قراز الجواز.

امير ،: ساره دي حياتي ياعمرو ، واللي حصلها كان غصب عنها ، انا اللي معرفتش احافظ عليها  ، تفتكر لو كانت مراتي وحصل اللي حصل ، كنت هسيبها ، او حتي هطلقها  ، ولو كانت دي اختك كنت هتتبرا منها ولا هتسيبها ، انا ميتفعش اتخلي عنها تحت اي ظروف ، انا بحبها بجد .2

تقف ساره بالقرب من البرانده وقد سمعت ماحدث وابتسمت

عمرو : ربنا يكتبلك اللي فيه الخير.

امير : مسمعكش بتتكلم في الموضوع دا تاني.

عمر : تمام

تاتي مي وتضع الصينيه القهوه علي الطاوله وتشاهد ساره فتقترب منها وبصوت واطي ، في ايه .

تاخذها ساره ويدخلا ويجلسا في الريسبشن .

يتبع…..