Uncategorized
رواية طفولتى المشتتة الفصل الحادى والسبعون 71 كامل
رواية طفولتى المشتتة الفصل الحادى والسبعون 71 كامل
 |
| رواية طفولتى المشتتة الفصل الحادى والسبعون 71 كامل |
رواية طفولتى المشتتة الفصل الحادى والسبعون 71 كامل
دخل خالد ببرود : السلام عليكم
ردوا عليه السلام عدا ريم
جلس جنب ابوه بهدوء
فيصل ناظره : كيف وضعها الحين ؟؟
خالد ببرود : وضع الجنين الحين افضل ومستقر
نايف باهتمام : وكيف وضع ريم ما عليها خطوره ؟؟
اذا في اي ضرر من الحين اقول لك نزلوا الجنين
اهم شي سلامة بنتي
وطالع ريم بحنيه
خالد ببرود طالع نايف : بخير وما في ضرر
عماد باستغراب : طيب انت تخصصك مو توليد ونسائية وش دخلك كل شوي تعمل فحوصات ومن هذي الخرابيط
خالد ببرود تكتف واسند ظهره على الكرسي : انا طلبت من المدير اتابع حاله الجنين
بمساعده الدكتوره نهله حتى اطمئن عليه كل شوي
كانت ريم هاديه وتناظر اصابع يدها وشعرها نازل باهمال
رفعت نظرها على صوت عماد : يوجعك شي ؟؟
هزت راسها بالنفي ورجعت تطالع اصابع يدها
صقر : مين رح ينام عند ريم ؟؟
فيصل : ام خالد ما تقدر علشان مريم
الجده بتعذر : والله ما احب القعده بالمستشفى
وام سليمان ما تقدر تترك عيالها
عماد : طيب خلي وحده من البنات تيجي عندها
الجده : لا ودك كل المستشفى تسمع
فينا
الجد بهدوء : تقدرين يا ساميا تجلسين عندها ؟؟؟
نايف باعتراض : لا يبه ساميا ما تقدر تترك البنات لوحدهن
خلاص انا اجلس عندها
قاطعهم خالد : ما في داعي انا عندي مناوبه
وكل شوي رح اتفقد الوضع
ما له داعي للمرافقه
سكت الجميع علامه على الرضى
بعدها قرروا يرجعون وقبل ما يطلعون
قرب نايف من ريم ومسك يدها بحنيه
وهمس لها بإذنها : ما تشوفين شر
وابتسم بحنيه
ناظرته ريم بملامح جامده وما ردت
مسح على شعرها واعتدل بوقفته
وطلع مع ابوه وفيصل وخالد وحريم اخوانه وامه
بعد ما سلموا على ريم
ظل صقر وعماد جالسين عندها
عماد بابتسامة : علامك ساكته ؟؟؟
طالعتهم ريم وبهدوء : ولا شي
مد صقر يده على جبهتها بمرح : تراك مسخنه
وجلس عماد وصقر يمزحون معها حتى طلعوها من حالتها وصارت تضحك ومبسوطه وخاصه بعد
ما تأكدت انه الجنين بخير
بعد ما جلس عماد وصقر عندها اكثر من
ساعه بعدها طلعوا
ارخت راسها على المخده بتعب وهي تتحسس
بطنها بشويش
دخل خالد بهدوء وببرود اقترب منها : تحسين بشي الحين ؟؟؟
ما طالعته ريم وغمضت عيونها
خالد تنرفز من تطنيشها : انا اكلمك
ما كلفت نفسها تفتح عيونها وتعبره
وقف يناظرها ومستغرب من عنادها
فتحت عيونها وشافته يطالعها طنشت
نظراته وبامر : تعال فك هذا
واشرت على المغذي
طالعها وهو يكذب سمعه : تكلميني ؟؟؟
ريم ببرود : لا الدكتور للي خلفك
خالد بمحاوله لكتم غيضه : ريم تكلمي بأدب
معي
وبعدين ليه ما تردين علي اول ما دخلت ؟؟؟
ريم طالعته بتحدي : مو انت قلت اعتبرك مو موجود
وانت تعتبرني مو موجوده
طالعها بجديه : هذي حاله خاصه
ريم قاطعته بدون اهتمام : فك هذا
ببرود تكلم : ليه تبغين تفكينه ؟؟؟
ريم بهدوء : ابغى اصلي الظهر
بدون كلام اقترب منها وفك المغذي
بعد ما فكه غمضت عيونها لثواني وهي
تفرك مكان الابره
نهضت نفسها تقوم اقترب يساعدها
بس حركت يدها بالرفض : اقوم وحدي لا تقترب
مني
اعتدل بوقفته وتكتف وهو يناظرها
قامت بشويش وتوجهت للحمام
بقهر : اقول لك ما يكلمني ولو شفت نظراته
يبغى يضربني
ويا دوب ماسك اعصابه
سليمان : وش السبب؟؟؟
نواف : لاني رفضت احمل اغراض الملسونه
وسامر رفض
وهي حملت الاغراض وتأثر الجنين
سليمان بهدوء : طيب ليه ما ساعدتها ؟؟
نواف بضجر : قلت له كنت مستعجل
ومو راضي يقتنع
حتى السلام ما يرده علي تخيل ما يرد علي السلام
سليمان يحاول يخفف عنه : انت لا تفتح معه
باب النقاش
يومين بالكثير ويروق ويرجع مثل قبل يكلمك
نواف زفر بضيق : ان شاء الله
وبعدها استأذن وقفل الجوال
وهو حاس بضيق مو قادر يتحمل نظرات
خالد المعاتبه
جالسين بالصاله
فيصل بلوم : يا خالد مو كذا
ما تكلم اخوانك حتى لو غلطوا انت الكبير
خالد بحزم : مو لذي الدرجه توصل
الحين لو نواف زوجته طلبت مني اساعدها
مستحيل ارفض
ليه انا زوجتي يعملون فيها كذا
وش رح ينقصهم لو ساعدوها
وشد على قبضه يده بقهر
ام خالد : تقاطع اخوانك وما تكلمهم علشان
حرمك المصون ؟؟؟
وبنبره حنونه لتغيير رايه : يمه الله يرضى عليك
خلاص انسى انت ما شفت نواف حتى رفض الغداء
لانك ما تكلمه وخلقه ضايق
خالد : باكر يجوع ويرجع ياكل
بس اني اكلمه انسي السالفة انا زوجتي احترامها
من احترامي ومساعدتها من مساعدتي
متى ما احترموا زوجتي وقتها اكلمهم
ام خالد رفعت حاجب : الحين صارت زوجتك ؟؟؟!!
وكنت ناوي تتزوج
عليها لولا تدخل جدك وحل المشكله وكنت ناوي
تطلقها
خالد وقف بهدوء : يكفي انها اختياري
لو كل الحريم العالم ما ابدلهم بريم
ام خالد حطت يدها على صدرها : اكيد بنت ساره
ساحريتك
والطلاق ؟؟
خالد ناظرها : ومين قال لك اني ناوي اطلقها
بس مجرد تهديد حتى تتسنع وكنت اقنع نفسي
اني اطلقها واتظاهر اني مصمم على الطلاق
بس من داخلي مستحيل اتخلى عنها
فيصل بعدم اقتناع : طيب ليه من لما رجعت ريم
وباين عليك الضيق ما ودك ترجعها
خالد بجديه: صحيح ما كنت ناوي اطلقها ولا كنت ناوي ارجعها
كنت ناوي اخليها لبعد الولاده ترتاح نفسيتها
شهر شهرين وحتى اكثر من كذا وبعدها ارجعها
ام خالد مو مقتنعه : طيب كنت مصمم على الطلاق
وتقول مستحيل ترجعها
قاطعها بابتسامة : كنت بس ما طلقتها
لا تنسين انها ام عيالي
ناظر ساعته
تاخرت على الدوام
استأذن وطلع
ام خالد طالعت فيصل : ابنك هذا عقله طار
فيصل وهو يفرك جبهته : يبغى يطلقها ومو ناوي يطلقها كيف تركب معه ما ادري
الظاهر انه للي يدرسون طب يصيرون متناقضين
ام خالد ابتسمت : الحمد لله انك ما درست طب
فيصل ضحك : ههههه كان الحين اقول لك ابغى اطلقك
وبعدها شوي لا ما ابغى اطلقك
وبعد شوي ابغى اتزوج عليك
ام خالد بقهر : فيصل
ودك تتزوج علي ؟؟
ضحك : ههههه والله امزح هههه
ام خالد بتفكير : اممم غريب نايف اقترب من
ريم وعلاقتهم زينه ؟؟/
فيصل بابتسامة : مو قلت لك للي يدرسون طب
يصيرون متناقضين
دخل غرفتها وابتسم بحنان : اخبارك يا حلوه ؟؟؟
ابتسمت ريم بهدوء : بخير
جلس على طرف السرير : كيف القعده بالمستشفى ؟؟؟
ريم هزت كتوفها : عادي
عماد : بعد ما تطلعين من هنا وين رح تروحين ؟؟؟
ريم بتصميم : على بيت عمي فيصل
عماد باستغراب : ما رح تيجين عندنا
ريم ابتسمت : لا ابغى ارجع للبيت
عماد بتشكيك : غريبه عملتي عرس
ما تبغين ترجعين له
والحين مصممه ترجعين له
طالعها وهو يصغر عيونه
بصراحه ما دخلت مخي واشر على عقله
قولي لي على وش ناويه
ريم ابتسمت بخبث وبصوت هامس حتى ما حد يسمعها :توعدني ما تقول لاحد
طالعها عماد : اوعدك
ريم ابتسمت بدهاء : رح ارجع له واصير سنعه واخليه يتعلق بالبيبي كمان
وبعدها ارجع على بيت جدي ورح اخليه
بنفسه يرسل واسطات علشان ارجع له
وانشف ريقه حتى اوافق ارجع له
وارجع كرامتي
شهقت جوري بصوت عالي : ان كيدكن عظيم !!!!
طالعتها ريم وهي رافعه حاجب : طول الوقت ساكته اثناء القراءه وما علقتي الا هنا
وسحبت منها الدفتر ومزعته من النص
الجوري بفجعه وهي تناظر الدفتر صار قسمين : يا خبيثه ليه عملتي كذا
ليه ما خليتيني اكمل ؟؟؟
ريم ببرود رمت الدفتر عليها وتوجهت لسريرها وجلست عليه وهي تناظر الشباك الزجاجي وعليه
ستاره بيج تتحرك بشكل عشوائي خفيف من الهواء ردت على الجوري بدون ما تناظرها : ماله داعي تكملين
مسكت الجوري الدفتر للي صار قسمين وضمته لبعض
وفتحت اول صفحه بعدها طالعت ريم باستغراب : هذا التاريخ قبل سنتين !!
القت ريم جسدها على السرير بارتخاء وناظرت
السقف وكان مزين بالجبس باللون البني والعسلي وبصوت هادي : صحيح هذا كتبته قبل سنتين
من لما جيت هنا وانا عمري 8سنوات كل يوم كان عندي امل
هزت راسها بالنفي
لا لا مو امل لاني ما تمنيت اعيش عندهم حتى يكون عندي امل
وما تقدرين تقولين هاجس لاني اصلا ما اخاف منهم
وما يهموني
بس نقدر نقول احسااااس
كان عندي احساس لما يصير عمري 14 سنه
اهل نايف ياخذوني
وكنت دايما افكر كيف رح اعيش عندهم
كيف رح يستقبلوني كيف كيف كيف
كانت اسئله كثير تدور بعقلي
لما صار عمري 14 سنه كنت انتظر بأي لحظه
ييجون وياخذوني
ما ادري وقتها فجأة لمعت بعقلي فكره اتخيل نفسي
ارجع لاهل نايف واكتب التوقعات
وقتها قررت اتخيل واكتب كيف رح تكون حياتي
عندهم
وبدأت اكتب توقعاتي على شكل قصه
الجوري طالعت بدايه الدفتر وقرأت
اول اسطر من الدفتر
مرت الايام والسنوات بحلوها ومرها علي كنت واقفه عند الشباك واناظر غروب الشمس واذكر حياتي مرت 6 سنوات على وجودي هنا ولا مره اهل ابوي زاروني او سألوا عني حتى بالاعياد ما زاروني صحيح انها امي اشوفها هنا وازورها في بيتها بس احس بيني وبينها حاجز كبير ما اعرف سببه تنهدت بصوت منخفض الحين عمري 14 سنه حاسه …..
رفعت الجوري نظرها عن الدفتر وطالعت ريم المستلقيه على السرير : مر سنتين على توقعاتك والحياه للي كتبتيها
بس ما اشوف صار شي منها
ريم بنفس الوضعيه : صحيح انا كتبت كل توقعاتي لحياتي القادمه بعد ما وصلت سن 14
بس ما صار شي منها
الجوري قامت من مكانها وتوجهت بخطوات
هاديه للسرير وجلست جنب ريم
وناظرتها وهي مستلقيه على السرير : بس كل توقعاتك لحياتك المستقبليه مو بس ما صارت
وكمان غلط
وبنبره لوم دامك كاتبه توقعات لحياتك المستقبليه
ليه ما كتبتي شي مفرح الواحد المفروض يتفائل بالخير
ريم طالعت الجوري بعيونها وهي مستلقيه : كان احساسي انه رح تكون حياتي مثل ما كتبت
الجوري : بس احسك بالغتي كثير يعني امك ساره
طلعتيها شريره مع اني اشوفها مو كذا ابد
ريم بلامبالاه : صحيح كلامك ماما مو كذا
بس لما كان عمري 14 كنت حساسه كثير كنت
احس انها ما تبغاني لاني اذكرها بنايف
الجوري ضربتها على جبهتها بشويش : غبيه
لو ما تبغاك كان ما طلبت منك تعيشين عندها
قبل سنتين بعد ما صار زوجها يسافر
ريم رجعت تناظر السقف : تراها تغيرت معي قبل
سنه ونص صارت تهتم بي وتحسسني انها امي
اما من قبل
ما كنت احس بشي تجاها فلا تلوميني لاني خليتها
شريره
عقدت حواجبها
وبعدين انت ما تشوفينها
كيف ترتبك اذا جاء زوجها وانا موجوده عندها
ولا تنسين نايف وعدني انه ياخذني عندها وانا صغيره
بس بعدها تراجع
وقتها جاني احساس انه اكيد طلب منها ورفضت
للحين اتذكر برودها معي بالسنوات الماضيه
بس يمكن انا كنت حساسه زياده
الجوري ناظرتها : متخلفة والقصه للي كاتبيتها انه نايف طلب من ساره انك تزورينها او تكلمك ورفضت
كله من خيالك
ابتسمت ريم شبح ابتسامه : كله من خيالي
لا تسبعدين يمكن تكون هذي هي الحقيقه
الجوري طالعتها مو عاجبها كلام ريم : حرام عليك
تراك تظلمينها حطي في بالك
يمكن زوج امك هو للي رفض انك تقابلينها
ما يصير تحكمين على الناس بدون ما تعرفين
الحقيقه
وبعدين
ما توصل انك تتطلعينها بقصتك شريره
وحتى بنات خالك وخالاتك يعاملونك بالطيب
وخلتيهم شريرات
ريم نهضت نفسها وطالعت جوري بجديه : انت الهبله صدقيني عمرهم ما رح يحبوني
لا امي ولا خالاتي ولا احد من اهل سالم
لاني احمل دم نايف واهله
ولا اهل نايف رح يحبوني لاني احمل دم ساره واهلها
الجوري بتفكير : اممم بالعكس غلطانه
عشتي عندهم 8 سنوات ولا واحد عمره
زعلك او اهانك او سمعك كلمه
ريم هزت راسها : كلامك مزبوط بس ما ادري
احساسي وقتها كان انهم رح يغدرون بي
الجوري وقفت : فعلا انك مراهقه وافكارك مراهقه
شوفي نايف معك حق بكل كلمه قلتيها عنه
بالقصه
بس وش سبب تغيره بالاخير ليه خلتيه يصير طيب
وحنون معك ؟؟؟
مسكت ريم خداديه لونها عسلي وحضنتها ونزلت خصله من غرتها على عينها ونزلت نظرها للارض :
ما ادري
يمكن لاني توقعت مثل كل قصه الشخص الشرير
يندم ويرجع يعتذر عن غلطه وظلمه
علشان كذا توقعت بالنهايه ييجي ويعتذر مني
ويصحى من ظلمه لي
الجوري وقفت عند الشباك بدون ما تلتفت لريم : غلطانه مو دايما الناس تعترف بذنبها
يمكن تلاقينه نايف الحين ما يشعر بالذنب تجاهك
لانه اغلب الناس تفكر انه الماده كل شي
وخاصه انه كل شهر ينزل بحسابك مصروفك
فخلاص يعتبر نفسه انه قايم بواجبك وزياده
هذي مشكله في مجتمعنا
الماده مو كل شي في شي اسمه اهتمام حنان
مشاعر محبه موده بين الاب والابناء
يعلمهم الصح من الغلط
ريم رمت الخداديه على السرير وناظرت الجوري :
تتوقعين ما ييجي يوم ويندم على معاملته معي ؟؟؟
اقتربت الجوري منها وجلست جنبها على السرير : ليه ترسمي احلام وهميه
وتعطين نفسك امال عيشي الواقع
ولا تفكري بالمستقبل وكلي امرك لله
ريم طالعت جوري ذو بشره حنطيه ملامحها عاديه بس فيها نعومه : حسبي الله ونعم الوكيل
الجوري ابتسمت وحطت يدها على كتف ريم : والله ما عرفتك طلعتي صايعه وجاء فارس الاحلام
وطلعك من بحر الصياعه
وغمزت لها الجوري
ريم ابتسمت بندم : وقتها لما كان عمري 14 سنه ما كنت
ملتزمه باللباس ولا بالصلاه وكنت اتابع افلام ومسلسلات مع بنات خالي وانت تعرفي حالهم
نفس ما ذكرت بالقصه
وبنبره امتنان
تذكرين
ربي يسر لنا معلمه الدين كان كلامها مؤثر
ويدخل القلب علمتنا الصلاه وحكمها وفضلها
علمتنا اشياء كثيرة وحتى النمص تركته بعد فتره من ملازمتها
ربي يوفقها وين ما توجهت قدمت لي خير كثير
ما رح انساه طول حياتي
الجوري ناظرتها بنص عين : وليه ما ذكرتي بالقصه ابله فاطمه رحتي كتبتي فارس الاحلام هو للي
اثر عليك وخلاك تصلي وتتركين بلاويك
غمضت ريم عيونها بحالميه : كان نفسي فارس الاحلام هو للي ينقذني ويعلمني الصح من الغلط
اكون مثل الاطفال وهو عاقل وفهمان
اكون قصيره وهو يكون طويييييل
الجوري بمرح هزت كتفها : هي هي قومي تراك قاعده تحلمين
فتحت ريم عيونها وابتسمت : انت الاحلام عندك ممنوع ؟؟
رفعت حاجب الجوري وبنغزه : مو ممنوع بس بعض ناس
طول الوقت بالمدرسه عامله حالها رئيسه حزب العوانس
ما ابغى اتزوج ما ابغى اتزوج
و طلعت مخبيه بلاوي من وراي
لولا بالصدفه جلست بغرفتك ونبشت اغراضك كان
كنت يا غافلين لكم الله
وبتحقيق : تعالي ليه اخترتي فارس الاحلام خالد
انت ما تعرفينه صح ؟؟
ردت ريم : لا ما اعرفه ولا مره شفته بحياتي
بس سمعت انه ابن فيصل الكبير بالخارج متزوج وعنده
توأم
الجوري ضربتها على راسها : عينك زايغه وبعدين
حد يحط عينه على واحد متزوج وعنده عيال
ولا موتت زوجته بعد
عيال عمك يا كثرهم ليه ما اخترتي واحد منهم
كشت ريم ملامحها بانقراف : يعوووو
عيال عمي اغبياء اكرهم وتصرفاتهم مثل البزران
ما انسى قبل ما اجي هنا لما مسكوني وربطوني
وكبوا علي مويه
نذلييين
وبابتسامه
ما لقيت الا خالد يكون فارس احلامي لاني توقعت
يكون انسان محترم ومثقف فهمان ملتزم
الجوري انبط كبدها : اسكتي تراك لوعتي كبدي
بخالد تراني كرهته بالقصه وجايه الحين تدافعين عنه
مالت عليك ولوت بوزها
وبتذكر اقتربت منها : صحيح لفت نظري حاطه طوله 1.88 حشى
لاعب كرة سله ؟؟؟
حسستيني شكله مثل الدوده
ريم بدفاع : دوده بعينك يا دبه ترى ما اسمح لك
مسكت الجوري اذن ريم : اشوفك تدافعين عنه
اصحي يا العصله تراه زوجك بالقصه وبالحقيقه
ما يدري عن هوى دارك
تراك عايشه عند بيت اهل امك من 8 سنوات ما حد
سأل عنك لا اب ولا جد ولا عم ولا ابن عم
اصحي وبلا احلام وهميه قال خالد
مالت عليك وعليه طول القصه وانا ودي اخنقه
وافتك منه قهرني ببروده
وتركت اذنها
ريم وهي تفرك اذنها .: قولي محتررررررره
الجوري دقت على صدرها : يا حظي على وش احتر
بس تدرين اول مره اشوف حد يكتب قصه ومغرور بنفسه مثلك
خليتي حالك حوريه بالجمال بس قزم هههههههه
ريم وقفت وتخصرت ومدت بوزها : اعترفي اني
احلى منك
واطول منك
وانحف منك
الجوري طالعتها بتدقيق كانت ريم طويله ونحيفه رابطه شعرها ذيل حصان
لابسه بلوزه خيط لونها كموني وبنطلون قصير
لنصف الساق لونه اسود
والمميز فيها رقبتها طويله بياضها مميز
وعيونها وسيعه لونهم يجذب النظر بلونهم
انفها مو صغير ولا كبير
مناسب لملامح وجهها وجميل
خدودها دايما
زهر
صحيت من تأملها الجوري بشي ضرب جبهتها
فركت مكان الضربه وهي عافسه ملامحها
وناظرت ريم : ليه ضربتيني ؟؟
ريم ضحكت على شكل الجوري : هههههه
سألتك سؤال مو تجلسين تتأملين بي
كأنك اول مره تشوفيني خشتي
الجوري : وش اتأمل يا حظي جوكر جوكر
لا والمصيبة بالقصه خلت كل عيال عمها يبغون يخطبونها
اصحي تراك جوكر ما حد يبغاك منهم
جلست ريم على السرير وتربعت : يقال انا ميته عليهم حطي في بالك
تراني رفضتهم كللللللللهم وطالعتها بغرور
الجوري ضحكت من قلبها : هههههههههه
ريم هههههههههه اصحي اكيد انهبلتي ههههههه
تراك مثل للي يكذب الكذبه ويصدقها هههههه
الجوري اخذت نفس وطالعت ريم : سوري ريومه
بس والله ضحكتيني
ريم ابتسمت : مالت عليك
الجوري : كان نفسي اصل للنهايه واعرف من هو للي
كان حاط عينه عليك ويبغى يتزوجك ؟؟؟
ريم ضحكت على نفسها : هههههههه ريان
الجوري لوت بوزها : مالت عليك ما تركضين غير خلف الباردين !!
اصلا احسه هالانسان معقد بدون ما اشوفه
تتوقعين ييجي يوم وبخطبك ؟؟؟
لو خطبك رح توافقين ؟؟
ريم بتصميم : مستحيل اتزوج
لا تنسين انا رئيسه حزب العوانس
الجوري بتسليك : صدقتك
تقولين كذا لانه ما حد خطبك فقلتي خلني
احفظ مويه وجهي واقول ما ابغى اتزوج
ريم فتحت عيونها : يا كذابه نسيتي لما حضرنا عرس
بيان كم وحده طلبت رقم ماما علشان يخطبوني ؟؟!!
خمس حريم طلبوا رقمي
الجوري ضربتها على راسها : يا مخبوله ذول الخمسه
ام العريس وبناتها
يعني واحد بس خطبك يا مخبوله
ريم لوت بوزها : احسن منك اول ما خطبك ابن خالتك وافقتي
خايفه يطير وما تحصلي غيره
الجوري ضحكت بصوت عالي : ههههههه صادقه وافقت على طول خفت يطير مني
حتى امي قالت لي اصلي صلاه استخاره
رفضت خفت يكون مو خير ويطير مني ههههههه
ريم : الله يخلف على امك
طنشتها الجوري ووقفت ومسكت الدفتر وطالعت ريم وصغرت عيونها : جيل بعبع بعدك ما طلعتي من البيضه وحامل كمان
بس تدرين انك غبيه حامل وما اكتشفتي الا بعد
3 اشهر ؟؟
وين اعراض الحمل ؟؟
ريم ضحكت من قلب : هههههههه ما عمري شفت حامل وش يعرفني
لا تنسين افكار مراهقه
وش رح تلاقينها
وبجديه طالعت جوري : سبحان الله ما تحقق ولا شي من للي توقعته
الجوري باستفسار : زياد وراكان موجودين بالواقع ؟؟؟
ابتسمت ريم على نفسها : لا من خيالي جبتهم
اصلا ما اعرف احد اسمه زياد او راكان
الجوري فتحت عيونها : وخلتيه خالك بالرضاعه
وركان خلتيه متيم فيك هههههه
انت الكل خليتيه متيم فيك ههههههه
ضحكت ريم على نفسها : ههههههه فاقده الحب
صرت ادور عليه بعالم الخيال ههههههه
الجوري وهي تبتسم : تفكيرك منحرف
عيب بعدك صغيره على ذي الامور
طيب سميه وسديم والشله الفارطه للي ذكرتيهم
بالقصه موجودين ؟؟
والا من خيالك ؟؟
ريم : سديم والشله الخايسه موجودات اتذكر اسمائهم بصغري يا كرهي لهم
بس بنات عمتي هيفاء ما عرفت الا سميه اتوقع
كان اسمها كذا
الجوري بتحقيق : طيب قصه عماد من عندك والا صحيحه ؟؟؟
ريم هزت كتفها : شوفي انا مره قالت لي شوق
انه عماد خطب خالتي غاده بس اهلها رفضوه
وهي كانت مخطوبه
بس ما تدري اذا عايش او ميت
بس يمكن ميت لانهم كلهم حاقدين علي
اكيد انه ميت وما فكرت اسأل ماما او اي
احد عنه
طالعتها الجوري : وليه عملتي اكشن وقصه لعماد وفاقد الذاكره ….
ولا كمان طلع الحنون للي يراعي مشاعرك
وهذي كمان من توقعاتك المستقبليه ؟؟؟
ناظرتها ريم بعباطه وهزت راسها
الجوري وهي فاقده الامل منها : يا حظ امك فيك
انت لازم يحطونك بصندوق ويخبونك بلاه تنصابين بالعين من ذكائك
وبتذكر اقتربت من ريم ومسكتها من شعرها : يا نصابه يا خاينه
ما ذكرتيني بقصتك الا كم موقف بايخ مثلك
واستبدلتيني بصديقات صايعات ميرا مدري وش اسم الثانيه
ريم وهي تحاول تفلت شعرها مو قادره من
كثر الضحك ووجهها احمر : هههههههههه
الجوري بقهر : وتضحكين يا الخاينه
ريم اخذت نفس بعد ما افلتت نفسها : كنت عارفه رح ييجي يوم وتشوفين القصه فما حبيت
يكبر راسك فوق ما هو كبير هههههه
دفعتها الجوري عنها : احسن منك يالعصله
حتى الخيانه تزوجت مرتين ولا مره عزمتني
يالخاينه
ريم ابتسمت بعباطه وهي تعدل شعرها : رقمك مو معي وانتقلت لمدرسه ثانيه ههههه
الجوري : هذي للي رح تقهرني
تراك كتبتي القصه هنا وانا طول الوقت معك بالمدرسه
ورقمي معك يالكذوب
وصارت تقلدها
قال ما معي رقمك فعلا انك خاينه
توجهت الجوري للرف وفتحت كتاب موجود على الرف
فتحته من هنا وقع دفتر صغير قديم من داخله
نزلت على الارض تناولته الجوري وفتحته باستغراب
كان خط لطفل بالابتدائي مضحك
سحبته ريم منها : وبعدين معك يا نباشه اليوم
يوم التفتيش العالمي
الجوري بلقافه :وش هذا الدفتر ؟؟؟
ريم ابتسمت : هذا الدفتر لما كنت صغيره
اي كلمه اسمعها من اهل نايف اكتبها
علشان لما اكبر افهم معناها
الجوري وهي تقرص عيونها : ان كيدكن عظيم
اعطيني اشوفه
ريم خبته خلف ظهرها : لا تراك جايه تجلسين معي
من اول ما جيتي وانت ماسكه القصه
والحين ناويه على هذا الدفتر اقول اجلسي
قبل ما تدخل ماما فجأة
مسكينه على بالها جالسين ندرس
الجوري ابتسمت : وانا ماما بصعوبه حتى خلتني
اجي عندك قلت لها في اشياء مو فاهمها
علشان تشرحينها لي
ريم غمزت لها :وش تبغين احسن من هذا الشرح
ومدت يدها وتناولت القصه
وصارت تمزع فيها لفتات ورقيه صغيره
الجوري بقهر : ليه عملتي كذا
كان نفسي اعرف التكمله
ناظرتها ريم وابتسمت بغرور : النهايه معروفه
البطل يصبح متيم بالبطله ويعيشون بسلام
الجوري عدلت وقفتها : يا شين الغرور
طنشتها ريم وحطت الورق بسله الزباله
الجوري : تتوقعين تبقين هنا حتى يموت الشايب
ابو سعد ؟؟؟
وبمرح
لو يقرأ قصتك ابو سعد ويدري انك موتيه
الا يدفنك بمكانك
ريم ابتعدت عن السله وطالعت الجوري : هههههه
يا كرهي له
يمكن بعد ما يموت ياخذوني
ما ادري ويمكن حتى اهل نايف ناسيين وجودي
الجوري : بس انت قلتي انه لما جابوك هنا
كان ابو نايف يكلم عمك ويقول له مستحيل
يخلي ابو سعد يلوي ذراعه
اشرت لها ريم انها تسكت
و تقدمت من رف الكتب ومسكت الدفتر الصغير للي كانت تكتب عليه الاشياء للي كانت تسمعها وما تفهمها بصغرها وقلبت
صفحاته
وبعدها ناظرت الجوري : شوفي هنا
مسكت الجوري الدفتر وقرأت
الشايب : والله ما اخليه يلوي ذراعي
يبغى يخلي اسمي على لسان كل الناس
وانا لي سمعتي بالبلد
يبغاني اتخلى عن مشروعي مقابل ما يعمل شوشره بالمحاكم علشان البنت
ابو سليمان : بس يبه كيف تأمن البنت عند عدوك الشايب : لا تنسى انه امها بنتهم
ما يقدر يعمل شي وبعدين بقلعته هو وحفيدته
اهم شي سمعتي ومشروعي
وخله يشبع بحفيدته
رفعت الجوري نظرها عن الدفتر
ريم : شفتي هالشايب باعني علشان الفلوس
وما سألوا عني
الجوري تواسيها : لا تهتمين هذا انت عايشه ومبسوطه بدونهم
عندك ام مثل العسل
ريم سحبت الدفتر من الجوري وخبته ورجعت التفتت على الجوري : الحمد لله على كل حال
وبعدها ريم طالعت
الجوري : تعالي نلعب جماد وحيوان وفكينا من الماضي
الجوري بحماس : يالله
جهزوا اللعبه وجلسوا على الارض
الجوري : اختاري يا ريم حرف
ريم بتفكير : خاء
وبسرعه صاروا يكتبون بسرعة
ريم كملت وبحماس وصراخ : استب استب كملت
الجوري بقهر : انتظري بس اكتب بلاد
ريم وهي ترقص حواجبها : نو نو نو
يالله اسم
الجوري مدت بوزها : خوله
ريم ابتسمت : خالد
الجوري بقهر : هالخالد تراك اقرفتيني فيه
والله اعلم اذا كان موجود بالدنيا او لا
ريم ووجها احمر : تراك فاهمه الموضوع غلط
صدقيني بس مجرد توقعات كتبتها
ناظرتها الجوري بتسليك : يالله كملي صدقتك
——————————–