رواية التوأم الفصل الاول 1 بقلم ايمان

دلفت ضحى الى المنزل لتجد والدتها تجلس متجهمه فسألتها على الفور 

ماما فى أيه مالك قاعدة كده ليه؟؟

مش عارفة اعمل ايه يا بنتى مشكلة كبيرة ومش لاقية ليها حل

مشكلة ايه ؟؟؟

أبوكى راجع انهاردة ومعاه رغد

رغد !!! رغد مين ؟؟؟

رغد توءم سهى

ايه بتقولى ايه يا ماما هى سهى ليها توءم

أيوة يابنتى امها لما مشيت أخدتها معاها وأبوكى مكنش عارف ليهم طريق وعشان كده مكنش بيجيب سيرتهم نهائى

بس أكيد سهى يعنى كانت عارفة ان ليها توءم 

أبوكى فهمها ان امها واختها ماتو عشان كده هى كمان عمرها ما كانت بتجيب سيرتهم ولا تسأل عنهم

طب وبابا عرف مكانها ازاى وراجع بيها منين

من اسبوعين وصله جواب منها على الشركة ان مامتها تعبانه وان هى محتاجه ليه معاها لانها لوحدها وكمان كانت محتاجة فلوس عشان مرض والدتها . فى الاول هو افتكر ان ده حد بيلعب بيه لكن قلب الاب بقه مقدرش يعدى الموضوع وسافر بنفسه فرنسا وراح المستشفى اللى هى كانت بعتت له عنونها وهناك اتفاجأ بنسخة طبق الاصل من سهى

ضحى : وطبعا كده اتأكد من غير اى حاجة انها فعلا بنته صح

ايوة

طب وهو راجع بيها ليه دلوقتى

أصل مامتها كان عندها سرطان واكتشفوه فى أخر مرحلة وبرغم من انها خضعت لعلاج مكثف لكن أمر الله حصل واتوفت ودلوقتى رغد ملهاش حد غير توفيق تعيش معاه

ينهار أبيض وعمر يعرف بالكلام ده

ما هى دى المشكلة أنا عمالة احاول ادور لها على حل 

يعنى معندوش خبر وحيتفاجأ بيها كده هنا يا ماما دا كده ممكن تحصل كارثة

ايوة ومش عارفة اوصله الخبر ده ازاى بقولك ايه يا ضحى عمر بيحبك وانتى كمان طول عمرك بتعرفى تكلى بعقلة حلاوة ايه رايك انتى اللى توصليلة الخبر ده وتبقى عملتى فيا معروف

لاااااااا انسى الا دى بقه انا اقوله ان توءم سهى حتعيش معاك فى بيت واحد لالالالا هو انا مستغنية عن عمرى

يابنتى امال حنعمل أيه بس أنا خايفة يوصلوا قبل ما يكون عرف ويشوفها فاجأة كده ادام عينيه وقتها معرفش ممكن يكون رد فعله أيه خصوصا لو افتكرها سهى

حقه يا ماما دى تبقه مصيبة

هو حضرتك دلوقتى حتخدنى على بيتك وحشوف سهى أختى

فرد عليها توفيق بارتباك شديد : فى الحقيقة يا رغد قبل ما نروح البيت انا حابب اتكلم معاكى شوية لان هناك مكناش بنفكر غير فى مامتك والعلاج وبعدها الوفاة ومجتش فرصة خالص اكلمك عنى وعن حياتى فى مصر

ايوة صحيح يا بابا كنا مشغولين فى ماما وبس الله يرحمها اتفضل حضرتك بقه كلمنى عن حياتك وايه الحاجة التقيلة اوى دى على قلبك وعاوز تقولهالى

أيه!! وانتى عرفتى منين بقه ان الموضوع اللى عاوز اتكلم فيه تقيل اوى على قلبى 

فأجابته بإبتسامه : اه صحيح حضرتك لسه ما تعرفنيش انا طول عمرى ماما بتقول ان ربنا وهبنى فراسة عند قليل جدا من الناس

اه قولتيلى بس تعرفى انك وفرتى عليا كتير وانى كده بقه حدخل فى الموضوع على طول

احسن برضو يابابا هااا بقه مالها سهى

ايه انتى عرفتى كمان ان الموضوع يخص سهى !! رغد انتوا كنتوا على اتصال بسهى

ابدا دا انا حتى معرفتش اى شىء عنها او عن حضرتك غير بعد ما ماما تعبت ودخلت المستشفى واحتاجت للفلوس فعترفت ليا انك عايش انت وسهى فى مصر وخلتنى الجأ ليك أصلها كانت فهمتنى انك وسهى يعنى 

وسكتت فاجأة

أيه قالت ليكى انى انا وسهى موتنا عادى انا كمان فهمت سهى كده 

اااه يعنى هو ده بقه الموضوع اللى مكنتش عارف تصارحنى بيه

لا مش ده

امال ايه اظاهر ان الفراسة اللى عندى فشلت المرة دى

لا ابدا بس هو فعلا الموضوع اللى حكلمك فيه بخصوصها لا يمكن يخطر على بالك ، ثم أكمل بسخرية . أصل مش ممكن يخطر على بالك ان أختك عملت نفس اللى عملته أمك معايا من 20 سنة 

أيه تقصد ايه يا بابا

أختك بعد لما ربتها وكبرتها وجوزتها أحسن جوازة هربت من جوزها ومنعرفش عنها حاجة 

قالت رغد بفزع : أيه بتقول أيه يا بابا