Uncategorized
رواية فرصة ثانية الفصل الحادي والثلاثون 31 والأخير بقلم ميسون عبد المجيد
رواية فرصة ثانية الفصل الحادي والثلاثون 31 والأخير بقلم ميسون عبد المجيد
 |
| رواية فرصة ثانية الفصل الحادي والثلاثون 31 والأخير بقلم ميسون عبد المجيد |
رواية فرصة ثانية الفصل الحادي والثلاثون 31 والأخير بقلم ميسون عبد المجيد
باسل:بابا ممكن اعرف عربيتي فين
يوسف ببرود:الفطار روعة تسلم ايدك يا حبيبتي
خديجة بأبتسامة:الف هنا ي حبيبي
باسل بغيظ :بابا عربيتي فين
يوسف:روزة لافيني العصير
فيروز:اتفضل ي حياتي
باسل بنرفزة وغيظ:بابا
يوسف:هتعلي صوتك تاني هقوم اديلك قلم مخدوش عيل صغير
باسل بيتحكم في عصبيته:تمام ي بابا انا اسف حقك عليا فين عربيتي المحاضرة قاعد عليها نص ساعة
يوسف ببرود:وايه اللي مصحيك متأخر طبعا عشان نايم وش الصبح ي باشا
باسل بيجز علي سنانه
خديجة ضحكت:خلاص بقي ي حبيبي قله حرام
باسل بغيظ:قله حرام ليه انتو اخدتوها ولا ايه عشان تعقبوني والجو دا
زياد:يعقبوك يعقبوك ايه بس ي حبيبي دا انت روح ماما
باسل بغيظ:اخرس انت ملكش دعوة
زياد :حاضر واكمل بهمس ي روح ماما
باسل اتعصب وحدفه بزتونه
خديجة ضحكت
يوسف طلع من جيبه مفاتيح:امسك
باسل بعدم فهم:ايه دا
يوسف ببرود:مفاتيح عربيتك الجديد
باسل بصدمة:ايه
خديجة:كل سنة وانت طيب ي روح ماما وعقبال ميت سنة
باسل حضنها وجري علي الروف بص تحت في الشارع
باسل دخل تاني:لا بابا متهزرش العربية الزرقا اللي تحت اللي كان نفسي فيها دي بتاعتي
يوسف هز رأسه بابتسامة
باسل جري عليه:والله العظيم ما شفت اب في جدعنتك وحضنه وباسه وخرج يجري عشان يشوف عربيته الجديدة
يوسف وخديجة بيضحكو بحب
فيروز وهي بتاكل ببرطمة:دا يتجبله عربية ودا يتجبله بيت وانا قاعدة باكل توست
يوسف بصلها:نعم
فيروز بصتله:نعم الله عليك ي روح قلبي مالك عايز حاجه
يوسف:لا ابدا بس سامع نموسه بتزن كدة خير في حاجة
فيروز وهي بتبوسه:اخص عليها نموسه وحشه أنا هروح الدرس بقي
زياد:خلي بالك علي نفسك وابقي شوفي اللي قلتلك عليه وغزملها
فيروز وهي بتخرج:ماشي
يوسف:ايه اللي قلتلها عليه
زياد قام بحدة مصطنعه:اسرار ي بابا اسرار بين اتنين اخوات محدش يعرف يقول اسرار في البيت دا
وسابهم وخرج
يوسف بغيظ:الواد اتجنن
خديجة ضحكت
بعد وقت في المستشفي
زياد:بصي لو عايزة أي حاجة انا تحت امرك
بنت:تمام شكرا لحضرتك
زياد بأبتسامة:لا شكر علي واجب لو حبا متتعبيش نفسك اصلا انا ممكن اجيلك البيت و اعيدلك الكشف كمان
البنت بصتله بأحراج
مالك جه من وراه:اتفضلي ي انسه اسف علي كلامه
وسحبه من لياقة البالطو ومشي
زياد بيتكلم ومالك ساحبه:لالا كدة بتقل من قيمتي كا دكتور وسط الدكاترة ودا ميصحش
وكانو وصلو ووقفو قدام ادهم
ادهم بغيظ:والله المستشفي دي لو قفلت هيكون بسببك
زياد:بسبيي كل دا عشان بهزر مع المرضي وبدلعهم مش زيكم قفل
مالك بغيظ: يا ابني مكفكش اخر قلم اخدته من البنت المرة اللي فاتت
زياد حط ايده علي خده:بس بقي متفكرنيش
ادهم ومالك بصوله وضحكو
سمعو صوت زعيق
زياد:دا صوت ليل
ادهم بسرعة:تعالو نشوف ملها
ومشيو هما التلاته
ليل بهدوء:ي استاذ اهدي ممكن
عابد بنرفزة:مش ههدي غير لما تلبي طلبي
ليل بعصبية:طلب ايه انت مجنون
عابد:انتي مش محت…
وقبل ما يكمل
مالك:بس بس ي بطل اهدي مالك داخل سخن علينا كدة ليه
عابد بغضب:وانتو مالكم انتو هااا مالكم كانتو وصيين عليها ولا اخواتها
ادهم بيمسكه من لياقة القميص:اه ي روح ا*مك اخواتها يلا غور برا
زياد:استني بس ي ادهم هو ماله ي ليل
ليل:بالعافيه عايزني اكتب لابنه حقن
عابد بغضب:اه تكتبله عشان اعلمه الادب
ليل بنرفزة:ي بني ادم افهم ابن حضرتك مش محتاج حقن عايز تعمله الادب علمه بس بعيد عني انا متجبليش مصيبه
ادهم بحدة:بس بقي ومسك الفون:هاتو الامن
وجم واخدوه برا المستشفي
غيث جه عليهم:ايه اللي بيحصل ومالك ي ليل صوتك عالي ليه
ادهم:ولا حاجة ي غيث واحد حيوان وعلمنا عليه
غيث حضنها:انتي كويسه ي حبيبتي
ليل بابتسامة:ايوا ي حبيبي
زياد ببرطمة:ي عم هي دي يتخاف عليها دي تاكل عشرة
ليل بغيظ:ملكش دعوة انت
غيث ضحك:طب خلاص خلاص كل واحد علي شغله يلا
كلهم مشيو
ادهم فونه رن وقف علي جنب
ادهم:اللو ي حبيبي عاملة ايه
زياد بصوت ستات:بتكلم مين ي بيبي وسايبني
ادهم بصله بغضب
جايدة بغيظ:ادهم قول لزياد يبطل حركاته دي
ادهم ضحك بأستفزاز وبص لزياد:هههه مدخلتش عليها المرادي
زياد بصله بغيظ ومشي
قابل ليل في طريقه
ليل بغيظ وقرف:روح شوف شغلك بدل ما انت ماشي تستفز الكل ي مستفز
زياد بغيظ:وانتي مالك بيا ي باردة
ليل بصتله بغيظ ومشيت وهو كذلك
عند ادهم:بقلك ابقي تعالي النهارده اتعشي معانا ونسهر كلنا سوا
جايدة:ماشي ي حبيبي سلام
في مكتب مالك
مالك فونه رن
مالك بحب:اللو ي ديجا
خديجة بحب:اللو ي قلب ديجا بقلك ابقي تعالي بدري انت واخواتك النهاردة
مالك:ماشي بس قوليلي صحيح هو بابا مجاش ليه المستشفي
خديجة بصت ليوسف اللي قاعد جنبها:هاا بابا اصله تعب فجأة ونام
مالك ضحك:والله ماشي ماشي علي العموم انا عايز اخ صغير اللعب بيه ماشي
خديجة بخجل وحدة:ولد
يوسف بصوت عالي:بس ي حيوان ملكش دعوة خليك في شغلك
مالك ضحك:طب خلاص ي حج متتعصبش اسف قوليلي صحيح عايزانا نيجي بدري ليه
خديجة:خالو معاذ وطنط سحر وبسنت راجعين من تركيا النهاردة يلا سلام
مالك قفل وبص بصدمة وفضل مبرق وكان ادهم داخل
ادهم:مالك ي بني مبرق كدة ليه كنت بتكلم ماما صحيح
مالك سرحان ومش بيرد عليه
ادهم بيشاور باأيده قدام عينه:مااااالك
مالك فاق:ها بتقول ايه
ادهم:بقلك سرحان ليه ووشك مخطوف كدة
مالك بشرود:خالك معاذ راجع من تركيا
ادهم بلا مبلاه:طيب وايه يعني
مالك بصله برفعة حاجب
ادهم افتكر:اهااا صحيح طب وهتعمل ايه
مالك بتوتر:مش عارف ومتوتر اوي مش عارف لما تشوفني هتعمل ايه هتكسفني ولا هتردلي اللي كنت بعمله فيها زمان
ادهم ضحك:ي بني احنا كنا لسة اطفال تردهولك ايه بس
مالك بحزن:بس انا حبيتها بجد
ادهم ضحك:بعد كل الخناق اللي كان بينك وبين بسنت زمان والتنمر وقلت ادبكم وفي الاخر حبيتها
مالك ابتسم بحزن وسرح
ادهم قام:قوم بس متعش دور كاظم الساهر خلينا نشوف اخوك المنحرف دا لا يكون بيعاكس حد
مالك ضحك وقام معاه
__________________________________________________
بعد وقت في بيت يوسف وخديجة
يوسف:بردو بتتعبي نفسك
خديجة بأبتسامة:ي حبيبي ما انا الحمدلله زي الفل اهو ليه نجيب اكل من برا
يوسف بأبتسامة:ربنا يخليكي ليا ي روح قلبي
فيروز: الله الله علي الروايح الله يلا بقي انا جعانه اوي
ولسا هتمد اديها تاخد صباع كفته
خديجة ضربتها بالاسبتيولا
فيروز بغيظ:اااه
خديجة:برا لما الكل يقعد ابقي كلي عشان متبوظيش شكل الاكل
فيروز ليوسف بغيظ: شايف شايف مراتك الشريرة روح هتلي ام تانيه تكون حنونة يلا
خديجة بتحدفها بالش*شب:برا ي بنت الجزمة
فيروز طلعت تجري وهي بتضحك
يوسف وخديجة بيضحكو
خديجة بتحط الاكل علي السفرة وباسل وفيروز وليل بيسعدوها
فريدة وهي بتحط الاكل:يلا ي بشوات
زياد:مالك بس ي ديدا متعصبه ليه
باسل:عشان كلكم قعدين ومفيش غيري اللي بساعدهم
فريدة حدفتله بوسه
مالك:ايوا منتي سعادتك ليك حق تتكلم وتفرح ما لسة جيالك عربية بنص مليون
باسل بصله بأستفزاز
يوسف وهو داخل من الروف ومعاه غيث:ليه ي دكتور بالنسبه للڤلة بتاعت الساحل اللي بأسمك راحت فين
مالك:احم احم انا هقوم اجيب معاهم الاكل واتهرب بسرعة
يوسف:ادهم اخر تقارير جت كانت ايه
ادهم: في…
خديجة قاطعتهم:ممكن ننسي الشغل شوية النهاردة بس الشغل موجود كل يوم انما اليوم الحلو دا مش بيتعوض كتير ماشي
يوسف بأبتسامة:ماشي ي حبيبتي
الباب خبط
ادهم:مش سامع الباب
زياد:طب منتا كمان سامعه
ادهم: ايوا لكن انا اخوك الكبير قوم يلا
مالك كان معدي من جنبه:بس بس انتو الاتنين
وفتح وكانت الصدمة
مالك بصدمة:بسنت
وفضل متنح فيها هي دي بسنت الطفلة اللي عندها سبع سنين السمرا ام شعر اجعد
بقيت طويلة لابسة خمار وسامرها جميل اوي ولا عنيها العسلي القمر
سحر:ماااالك
مالك فاق:ها ازيك ازيك ي طنط اتفضلو امال فين خالو
سحر:بيركن العربية وطالع ي حبيبي
ودخلو وسلمو علي الكل
علي الاكل
معاذ بأبتسامة:بقيتي في سنة كام ي روزة
فيروز:في تنيه سنوي ي خالو
معاذ:وانتي ي لي لي عندك كام سنة
ليل:عندي ٢٤ سنة ي اونكل
خديجة بأبتسامة:سوسو حبيبتي عرفت انك اتخرجتي من هندسه
بسنت:اه والله ولسة هدور علي شغل هنا ي خلتو
معاذ:وانت اخبارك ايه ي مالك
مالك ومركز مع بسنت:انا بقيت زي الفل
جايدة ضحكت بهمس:لا مالك اخباره مع حد تاني
ادهم ضربه من تحت لتحت:فوق ي غبي بتاكل البت بنظراتك وابوها قاعد
مالك بص بأحراج والكل ضحك وكملو اكل
بعد الاكل
الكبار قعدو في الريسبشن والشباب قعدو في الروف
في الروف
زياذ:بس ماشاء الله بقيتي قمر ي بسبس
بسنت ضحكت:دي عيونك الجميلة
زياد ضحك:اوباااا اتعلمنا كمان نقول كلام حلو
بسنت ضحكت
مالك برقله وهو سكت بخوف
زياد:احم انا هروح اشرب حد عايز حاجه من المطبخ
ادهم: هات معاك اي حاجة نشربها
زياد وهو ماشي:تمام ي شباب مش عيزين حاجة
وسبهم ودخل
زياد داخل بيغني وبيدندن
زياد بصوت عالي:هووووب قفشتك
ليل بغيظ:قفشتني ايه ي بني ادم انت اطلع برا
زياد بغيظ:اطلع برا علي فكرة دا بيتنا واللي انتي واقفة تاكلي في دا مطبخنا
خديجة وهي داخله المطبخ:دا بيتها قبل ما يكون بيتك ي زياد
ليل باست خديجة:حبيبتي ي ديجا
وطلعت لسانها لزياد وخرجت
باسل: إلا قوليلي يا بسبس لسة سينجل واكمل بغمزة ولا مرتبطة
مالك نبضات قلبه زادت
بسنت بخجل:لا مفيش الكلام دا لسة سينجل
جايدة:والله جدعة السنجلة جنتله بردو
ادهم بصلها برفعة حاجب:والله
جايدة بابتسامة:الا معاك ي حبيبي
مالك ضحك:لا طلعت مسيطر ي شق
كلهم ضحكو
بسنت قامت:عن اذنكم هدخل التويلت
وقامت
مالك قام
ادهم مسكه بوقاحة:انت رايح فين
مالك بغيظ:اوعي كدة هكون رايح فين رايح اشرب
زياد:الميا اهي ي حبيبي
مالك:ها هروح اجيب حاجه اشربها
باسل:العصير اهو ي حبيبي
مالك بغيظ:هروح في داهيه
ادهم ضحك:تعالي من هنا ي حبيبي
مالك بصلهم بغيظ وكلهم ضحكو
فيروز ضحكت:طبعا كلنا عرفين ايه اللي بيحصل بس عمرنا ما نروح نقول
جايدة ضحكت:حصل
كلهم ضحكو
في المطبخ
بسنت موطيه وبتشرب لسة بتقفل باب التلاجه لقيت مالك قصداها
بسنت بخضة:بسم الله الرحمن في ايه مش كدة خضتني
مالك بأبتسامة:وحشتيني
بسنت بصدمة وخجل:هااا
مالك:وحشتيني بحبك تتجوزيني
بسنت ضحكت بخجل:ايه كل دا حاجة واحدة
مالك بفرحة:يبقي تتجوزيني
وخرجو برا
مالك بلهفه:خالو جوزني بنتك
معاذ:خدها ي حبيبي الف مبروك
مالك بفرحة:بجد يعني اجيب المأذون
معاذ بغيظ:مأذون ايه ي اهبل انت دا موضوع كبير تجيلي البيت ونتكلم كلام رجاله
يوسف بهمس:الواد مش زي زمان هو مش حمل رزالتك خف عليه
معاذ بنفس الهمس:دا انا هطلع عين ابوه بس استني انت
يوسف ضحك
مالك نفخ بضيق وقعد برا معا الشباب
مالك بفرحة:ي شباب قراية فتحتي انا وبسنت بكرة
الكل بفرحة:بجاااد مبرووووك
معاذ بصوت عالي:يلا انا قلتلك اني موافق اصلا
مالك:وانت هتلاقي زي عريس لبنتك يعني ي وزة
زياد بهمس:ما تيجي اعمل في اهلك جميلة واتجوزك عشان اخلصهم منك
ليل بصتله:ايييه ميين انا انا انا دكتورة ليل غيث الطاوي اتجوزك انت
زياد بسخرية:وانتي دكتورة ليل غيث الطاوي وانا ابن الجنايني يعني منا ابن عمك ي هبلة
ليل بقرف:انا اتجوز واحد زيك حياته كلها والأكسجين اللي بيتنفسه عبارة عن بنات
زياد بغيظ:انتي تطولي دنا بنات العالم كلهم بيجرو ورايا
وكان الكبار جيين عليهم
خديجة بحدة:زياااااد
زياد:نفسي اعرف بتزعقيلي ليه كل لما اقول كدة
فريدة ضحكت:عشان بتفكرها بباك زمان وغروره اللي كانت بتكره
يوسف بضحك:بس انا مكنتش بجري ورا البنات هما اللي كانو بيتمنو نظرة مني وما زلتج
خديجة برفعة حاجب:والله
كلهم ضحكو
بعد مرور عدت ساعات كانت الساعة تلاته الفجر
يوسف قاعد في الروف علي المرجيحه بيشرب قهوة وخديجة كانت قاعدة جنبه واخدها في حضنه
يوسف باصص للسما ومبتسم:ي رب اللهم لك الحمد كما ينبغي لجلال وجهك وعظيم سلطانك
خديجة بصتله وابتسمت بحب
فيروز جت من وراه حضنته وقعدة جنبه
يوسف بأبتسامة وحب:منمتيش ليه
فيروز وهي ساندة راسها علي كتف يوسف:مش عرفة قلقانه مش قادرة انام
يوسف اخدها في حضنه من الجهه التانيه
فيروز:بابا هو انت بتحب ماما اوي
خديجة بصتلها بأستغراب
يوسف ابتسم:انا حبي لخديجة ميتسماش حب او عشق او غرام كلام اكبر من كدة بكتير
فيروز بغمزة:ايوااا بقي علي الكلام الجامد دا
خديجة بصتله وابتسمت بحب
باسل خرج وهو بيشرب عصير فرولا
يوسف:طبعا انت مش محتاج اسألك صاحي ليه لان انت اصلا مش من فصيلتنا انت من فصيلة الخفافيش بتنام الصبح وتصحي طول الليل
باسل ضحك وقعد قدمهم علي الركنه
زياد خرج وهو بيفرك في عنيه ووراه مالك
خديجة بأستغراب:صحين ليه مش صليتو الفجر ونمتو
زياد بغيظ:الحيوان صحي وفتح النور خلاني مش قادر انام
مالك بيقعد وبيحدف مخدة علي باسل:لا وصاحي الفجر يشغل الخلاط ويعمل عصير
خديجة ويوسف وفيروز ضحكو وباسل قاعد يشرب العصير ويبصلهم بمنتهي البرود ولا اكنهم بيتكلمو عنه
خرج ادهم وكان بيتكلم في الفون قرب منهم وبصلهم بأستغراب
ادهم:ماشي عايز تقارير عن كل صغيرة وكبيرة بتحصل في المستشفي
وقفل
يوسف:صاحي ليه لغاية دلوقت
ادهم وهو بيقعد جنب باسل:كنت بطلب من السكرتيرة تقارير عن المستشفي اللي في اسكندريه واللي في زايد واللي في القاهره
يوسف:مش عارف ازاي انتو التلاته قعدين في مستشفى واحدة وسيبين تلات مستشفيات كدة
زياد بسرعة:بابا انا قررت اروح مستشفى اللي في اسكندريه
مالك:حبيبي انا وادهم اصلا قعدين في المستشفي دي عشان تبقي عنينه عليك دا احنا لما بنغيب يوم بنلاقي المشاكل نزلة ترف
كلهم ضحكو وزياد بصلهم بغيظ
باسل وهو بيشرب: شفت يسطا ملكش غيري انا اللي مش بشردك زيهم وبنعمل اي حاجة سوا
زياد بصله بوقاحه وابتسم:فاكر اخر مرة وغمزله
باسل بفرحة:لا ودي حاجه تتنسي
يوسف برفعة حاجب:وهي ايه دي أن شاء الله
زياد بأرتباك:احم احم لما نزلنا نصلي الفجر في جامع بعيد وساعدنا راجل عجوز عشان ناخد سواب
خديجة بشك:والله
باسل:وحيات زياد عندي
فيروز:طب بما اننا كلنا متجمعين بابا احكلنا قصة حبك انت وماما
يوسف بصلها وابتسم وخديجة ساندة رأسها علي كتفه والجهه الاخري فيروز
يوسف:في يوم من الايام كان في شاب لسة راجع من برا وشايف نفسه اوي ومتخيل انو اجمل واحد في الكون وكل البنات بتموت عليه شاف بنت قاعدة في حالها ولا معبراه اتعصب لانها اول بنت تشوفه ومتدهوش اي اهتمام اول مقابلة بينهم كانت خناقة لانه اتريق علي نقابها وفضلو كدا مدة طويلة بيكرهو بعض اوي والكل بيحكي عن خناقتهم والدكتور قال للبنت تذاكر للشاب وفضلو بردو يتخانقو اكتر بس واحدة واحدة الشاب بعد ما كان بيكره يشوفها او يسمع سيرتها لا اراديا بقي طول الوقت نفسه يبقي معاها وهي كذلك عرفو حجات كتير عن بعض حب القعدة معاها حب كلامها الهادي حب كل حاجة فيها ولما كان يقعد معاها ويتكلم عنيه كانت بتعبر عن كم الفرحة اللي جواه اتخطبت لاخوه بس كان قلبها معاه هو وفي الاخر اعترفو بحبهم لبعض مرو بحجات صعبة كتير ومشاكل ومحن صعبة وحجات كانت قدرة انها تفرقهم بس في الاخر هما فضلو لبعض عشان حبهم لبعض كان حب حقيقي واهم حاجه ان كل واحد ادي التاني فرصة تانيه يصلح كل حاجة غلط عملها
خديجة بأبتسامة وعنيها دمعت:بحبك
يوسف بأبتسامة:ربنا يديمك في حياتي ي روح قلبي
فيروز:طب هو ممكن حد يستحق فرصة تانيه
خديجة بأبتسامة:ايوا في لما يكون يستاهل أنك تديله فرصة تانيه لما تشوفي حبه ليكي في عنيه تشوفي اخلاصه ليكي تشوفي صدقه معاكي تشوفي كل حاجة بيعملها عشانك وتديله
(فرصة تانيه)
يوسف باسها بحب
ادهم قام:لالا ي جماعة عيب دا احنا لسة قعدين
كلهم ضحكو ودخل كل واحد اوضته
خديجة:هتفضل كدة بتخليني اعشقك كل يوم عن اللي قبله
يوسف بأبتسامة:وانتي هتفضلي البنت الوحيدة اللي قدرت تدخل قلبي
خديجة ضحكت ويوسف حضنها
#تمت
(ياااه علي الراحة اللي بحثها لما بكتب الكلمة دي)
كان نفسي بجد اكتب منها جزء تاني وكنت هطول في كل قصة في البارت مثلا هخلي ادهم يتجوز جايدة وليل تحب زياد وهو مش حاسس بحبها وهيعرف في الاخر ويخسرها ومالك يتعب عشان بوصل لبسنت وباسل يقع في حب بنت في الكلية وفيروز كنت هعملها جزء لوحديها بس للاسف المدارس خلاص كمان تلات ايام ومستحيل اقدر اوفق بين الاتنين يلا سلام وهناخد فاصل طويل شوية من الروايات
اتمني تكون نالت اعجابكم والرسالة من الرواية وصلت ونشوف قصة كل اتنين في الرواية من اول يوسف وخديجة وقد ايه مرو بأوقات صعبه ومشاكل وخناقات بس في الاخر فضلو لبعض لان بيحبو بعض بجد و دا نصيبهم وكل واحد ادي التاني فرصة تانيه يصلح كل حاجة عملها وغيث وفريدة اللي كانو مستحيل يكونو لبعض في الاخر بقيو يعشقو بعض الحب الجميل الحب اجمل حاجه في الدنيا بس اهم حاجه يكون حب صادق وحب حلال
لقراءة باقى فصول الرواية : اضغط هنا