رواية التوأم الفصل الخامس 5 بقلم ايمان

أسرعت ضحى تخبر والدتها بما حدث وتحثها على الصعود الى رغد لتطيب خاطرها 

فصعظت سعاد على الفور الى رغد : انتى بتعيطى ياحببتى معلش ماتزعليش اصلك لسه جديدة فى البيت وماتعرفيش المكتب ده مقدس اد ايه دا حتى انا نفسى مقدرش اقرب منه بس الحق على ضحى هى اللى غلطانه عشان مقالتلكيش

خلاص ياطنط حصل خير وانا مش حقرب من اى حاجة تانى فى البيت كله

ازاى بقه دا بيتك ياحببتى وانتى حرة فيه . الا المكتب طبعا 

وضحكت سعاد واخذتها فى حنها وأخذت تربت على ظهرها فشعرت رغد بحنان رهيب لم تشعر به من قبل

ثم ابعدتها قليلا وهى تقول : طبعا اللى حصل ده بابا مش حيعرفة صح

لا طبعا اعتبرينى خلاص اصلا نسيت كل شىء 

انا قولت برضه ان عقلك كبير

ايه ياعمر مالك راجع شكلك اوحش من الصبح

لا ابدا مفيش يا بابا . انا جبت الورق كله اهو

طيب متشكر ممكن ترجع مكتبك

وبمجرد ان عاد لمكتبه اخذ يحادث نفسه : حتبتدى بقه تحشر نفسها فى كل حاجة وانا مش حستحمل كده بس ادينى نبهت عليها متقربش لاى شىء يخصنى ولما اشوف حتسمع الكلام ولا لا . انا خلاص حتجنن من الزفته اللى فى البيت دى 

خلاص يا ماما صلحتى رغد

الحمد لله طلعت عقلة ومخها كبير عدت الموقف 

طب الحمد لله

بقولك ايه يا رغود ما تيحى نخرج  عشان امارس هوايتى التسكع فى المولات

فضحكت رغد وقالت حلوة رغود دى بس فى الحقيقة انا كمان عوزة اتسكع معاكى عشان محتاجة لشوية حاجات

كدة يبقة خلاص يلا نلبس

بس

بس ايه

اصل يعنى مش معايا فلوس

يااااالهوى ودى مشكلة دا انتى بنت توفيق باشا يلا يلا انا كمان معيش فلوس حننزل ناخد من سعاد هانم اللى احنا عوزينه ولا تقلقى يلا نلبس بس

نزلت ضحى ومعها رغد وهى تقول مامتى حببتى حياتى

اه عوزة فلوس طبعا ما انتى لبسه ومتشيكة وواخده رغد معاكى

امى طول عمرها ذكية زى بالظبط يلا بقه يا روحى هاتى مبلغ كوبس كده عشانى انا ورغد 

طيب يا بكاشة خدى وماتتأخروش ماشى 

من عينية يا حببتى

حمدلله على السلامة يا توفيق

الله يسلمك امال البنات فين

خرجوا يشتروا حاجات ليهم

طب كويس . قوليلى ايه اخبار الولاد مع بعض رغد وضحى وعمر

الحقيقة البنات انسجموا مع بعض اوى لكن بالنسبة لعمر فمفيش معاملة بينه وبين رغد نهائى

طب وانتى ايه رايك فى رغد

البنا زى النسمة وفعلا زى ماقولت وخده كل طباعك حنيتك هدوءك حتى حب الكتب زيك بالظبط

يعنى مفيش غير عمر اللى غضبان عليها

عمر مش غضبان لا منها ولا عليها عمر مش شايفها من الاصل هو شايف سهى سهى وبس

نفسى يشلها من دماغه ياسعاد ويرجع زى زمان بقه

وانا كمان يا توفيق ربنا يهديه

ياضحى يلا بقه كفاية كده اتاخرنا

بصى المحل اللى هناك ده اخر واحد

لالا انتى كل واحد تقولى كده ومش عوزة تخلصى

وفى اثناء الحديث وجذب رغد لضحى ودون ان تشعر اصتدمت رغد بشاب وكادت ان تقع لولا انه امسكها من ذراعها فسارعت بالاعتذار  له

والشاب ينظر اليها ولا يستطيع الكلام

فخلصت ذراعها من يده وتركته وجذبت ضحى واصرت على العودة الى البيت

كل هذا والشاب لا يرفع نظره عنها فقالت : مجنون ده ولا ايه هو اتسمر كده ليه

يعنى مش عارفة الراجل يا حبت عينى اللى جراله ده من ايه

لا ياست النصحة

من جمالك اللى يخبل اى حد يابنتى انتى مش وخده بالك من نفسك ولا ايه

طب يلا نروح لحسن تعبت بجد

حمدلله على السلامة يابنات

الله يسلمك يابابا

ضحى طلعت عينيك يارغد صح

لا دى طلعت عينى وروحى كمان واخر مرة اخرج معاها فى الشوبينج  بتاعها ده 

فانفجر توفيق فى الضحك

ضحى : عجبك كده يا ست رغد 

اايوة طبعا

وفى هذة الاثناء عاد عمر وسلم عليهم فشعرت رغد بالانزعاج من وجوده

ضحى : حمد لله على السلامة يا عمر حتتعشى معانا ولا ايه ماما بتحضر العشا

لا مليش نفس انا حطلع انام

سعاد : يلا يا ولاد العشا جاهز

توفيق : يلا يا بنات نتعشى سوا

سعاد : امال فين عمر انا كنت سمعه صوته

توفيق : اه طلع ينام على طول

خلاص يا عمر اتحرمت من اللمة الحلوة بسبب الزفته دى . حتى ضحى بطلت تيحى تقعد معايا وتغلس عليا من يوم ما وصلت الزفته

وفى هذة الاثناء سمع طرقات خفيفة فقال : ادخل

حتنام خلاص ياعمر ولا ممكن ارغى على دماغك شوية

اخيرا افتكرتينى يا ست ضحى

ليه بتقول كده

اصلك من يوم ما وصلت الهانم وانتى مش بتقعدى غير معاها

هو ده الموضوع اللى انا جيه عشانه رغد غير سهى خالص ياعمر

ماتجبيش سيرتها

اسمعنى من فضلك . رغد برغم من انها اتربت بعيد عن بابا لكنها وخده كل طباعه واسلوبه فى الحياة . بابا اللى انت بتحبه وتحترمه واغلى حد عندك فى الدنيا 

ايوة بحب بابا توفيق لكن اللى جابها دى بكرها بكرها

لا مش صحيح انت مش بكره رغد لانك متعرفعدهاش ومش مدى نفسك اى فرصة تعرفها انت بتكره شبه سهى فيها ارجوك تحاول تقرب منها عشان تعرف الفرق الكبير بينهم وعشان تعرف ترتاح فى البيت فى وجودها دى مش ضيفه يومين وحتمشى دى حتعيش معانا على طول انا نفسى ترجع لينا لمتنا زى زمان يا عمر ياريت تفكر فى كلامى عشانك وعشانا كلنا يلا تصبح على خير 

وتركته وانصرفت

سعاد : يلا يابنات عشان تفطروا 

ضحى : حاضر يا ماماا . بصى احنا نفطر بقه ونطلع نتفرج على الحاجات اللى جبناها امبارح

رغد : ماشى مع انى انا ماجبتش غير الالوان ولوح الرسم

سعاد : ليه يارغد هى الفلوس ما كفتش 

لا ابدا يا طنط حضرتك ادتينى فلوس كتير بس انا اشتريت الحاجات اللى فعلا كنت محتاجة ليها

وهى فلوسى دى فلوس باباكى ومن حقك تتمتعى بيها

ربنا يخليك ويخليه لينا كلنا يارب

ضحى : ياااااارب ويفضل كده يدينى فلوس اعمل بيها شوبينج

سعاد : شايفة يارغد مش انتى اللى يادوب اشتريتى اللى انتى محتاحاه ضحى بقه بتنزل تشترى السوق كله

عندك حق ياطنط دى دوختنى ولا يمكن اخرج اشترى معاها حاجة تانى 

انتى حتقوليلى 

فى حجرة ضحى : شايغة يابنتى اللبس التحفة اللى اشتريته ولا الشنط كلها حاجات تهبل

ماشى ياستى انا حروح بقه اجهز ادوات الرسم عشان بعد الغدا نخرج الحنينة وارسم وحشنى الرسم اوى من فترة كبيرة مش برسم 

ولا بتقرى كمان

اه من يوم اللى حصل مش بهوب نحية اوضة المكتب 

لا عادى ادخلى جيبى الكتب اللى تحبيها بس متقربيش من المكتب

انا نفسى اعرف بس الكره اللى جوه عمر ده ناحيتى جابه منين

عمر مش بيكرهك عمر بيكره سهى

ضحى ما انش الاوان بقه تحكى لى ايه اللى خلا عمر يكره سهى للدرجة اللى تعدى كرهه ده ليا انا كمان

بقولك ايه ما تيجى نساعد ماما فى المطبخ

كده بتتهربى برضه على العموم انا مش مستعجلة 

اهلا ببناتى اللى محدش فيهم بيساعدنى

ايه يا ماما ما احنا جينا ااهو نساعدك

قولى بس يا طنط تحبى اساعدك فى ايه

انتى بتعرفى تطبخى يارغد

امممم الحقيقة لا 

كده يعنى زى الست هانم

ازاى بقه يا ماما انا بعرف اسلق مكرونه واعمل احلى صلصه

فانفجرت سعاد ورغد فى الضحك ثم قالت سعاد شوفتى الشطارة يا رغد

ضحى دى اكتشاف يا طنط

هو انتوا حتفضلوا كده تتريقوا عليا 

يلا يلا كل وحظة تشوف لها حاجة تساعد فيها يمكن تتعلموا

بجد يا طنط انا عوزة اتعلم من حضرتك اصل اكلك طعم اوى 

الف هنا يا حببتى خلاص كل يوم توقفى معايا شوية ومع الوقت حتتعلمى يمكن ناس تانية تخلى عندها دم وتتعلم هى كمان

مين دول يا ماما اللى يمكن يخلوا عندهم دم

لالا مش انتى خالص يا ضحى 

وانهمك الثلاثة فى اعداد الغداء

يلا بقه يا بنات حضروا السفرة على ما اغرف أنا شكل بابا رجع أنا سمعت صوت الباب

ضحى فريرة يا مامتى

وفى هذة اثناء اعداد ضحى للسفرة وجدت عمر يجلس فى مكانه المعتاد فشعرت انه تأثر بكلامها معه ودعت الله من كل قلبها ان يعود الى سابق عهده معهم ومع الحياة

وعند خروج سعاد ورغد من المطبخ حاملين اطباق الطعام تفاجأت كلا منهم بوجود عمر ففرحت سعاد فرحا شديدا لذلك فى الوقت التى انزعجت فيه رغد من وجوده انزعاج شديد لم تخف وطأته الا عندما تذكرت وجود ابيها وسطهم هذة المرة

سعاد : امال فين توفيق يا عمر

بيغير هدومه ونازل

وما هى الا ثوان وانضم اليهم توفيق وبدء الجميع فى تناول الغداء وسط ضحكات ومعاكسات ضحى للجميع ودارت الاحاديث بينهم الا عمر فقد كان حاضر كالغائب وما هى الا دقائق قليلة وبعدها انصرف الى حجرته دون كلمه

وبمجرد ان اغلق باب حجرته عليه حتى زفر زفرة عاليه : أووووف برضه مش قادر اتقبلها مش قادر 

اعمل ايه انا دلوقتى مش طايق اقعد فى البيت انا حتصل بعماد اشوفه لو فاضى اخرج معاه شوية اهو اعمل بنصيحة بابا 

وقام عمر على الفور بالاتصال بعماد أقرب اصدقائه دكتور نفسانى ولكن عمر لم يعترف به ابدا كدكتور فهو من الذين يعتبرون الطب النفسى مجرد رفاهية لا اكثر 

الو ازيك يا عم الدكتور

ازيك يا عمر عامل ايه انت وحشنى اوى فينك

قال يعنى انت بتسأل

ما انت عارف بقه انى من البلد دى لدى عشان الماجستير والدكتوراه اللى بحضرهم

ماشى ياسيدى  بقولك ايه فاضى نخرج سوا

ياريت دا انا نفسى اخد هدنه

خلاص تعالى ناخدها سوا انا كمان اليومين دول ظروفى مش ولابد

ليه بس

لما اشوفك ححكى ليك على كل حاجة يمكن تفدنى بالدكتوراه اللى قرفنا بيها دى

هو انت لسه برضه مش معترف بالطب النفسى

لسه

بكرة تعرف قيمته

المهم اجهز وحعدى اخدك

ماشى سلام

سلام

يلا بقه يارغد مش قولتى حترسمينى بعد الغدا

طيب ياضحى حطلع اجيب أدوات الرسم وانزل على طول

توفيق : ايه ده انتى بترسمى يا رغد

ايوة يابابا مش انا خريجة فنون جميلة

معلش ياحببتى ما كنتش اعرف واحنا ما تكلمناش فى كل التفاصيل ان شاء الله افضى نفسى كده يوم ونقعد سوا ونتكلم فى كل حاجة

ماشى يا حبيبى

فى الجنينة جلست ضحى ووضعتى رغد لوحة الرسم وبدءت فى رسم ضحى وفى هذة الاثناء تفاجأت بوصول جميلة صديقة ضحى وبمجرد ان شاهدت جميلة رغد قالت بفزع 

ايه ده معقول سهى انتى رجعتى تانى

فقالت ضحى موضحة :دى مش سهى دى رغد توأمها 

ودى جميلة يارغد صحبتى 

فقالت رغد : اهلا وسهلا طب يا ضحى انا حدخل بقه ارتاح شوية 

طيب يا حببتى

ايه يا ضحى ايه الحكاية دى انتى عمرك ما جبتى سيرة رغد دى ولا ان سهى ليها توأم

اه اصل رغد كانت عايشة بره مصر طول عمرها

طب وايه اللى رجعها بس ما كانت تخليها بره

وانتى مالك ايه مضايقك

انا بس عشان عمر

عشان عمر برضه 

اه امال انتى فكرك ايه

يابنتى على ضحى . هو انا يعنى مش وخده بالى انك حتموتى على عمر وماصدقتى ان سهى اختفت

طب ولما انتى عارفة كل حاجة اهو ما تظبطينى مع اخوكى

يابنتى عمر دلوقتى مش بيطيق سيرة اى انثى ارتاحى بقه

كده طيب

فى اثناء دخول رغد للفيلا كان عمر خارجا منها بسرعة وهو ينظر فى الموبايل فصتدم بها فوقعت اللوحة وانسكب جزء من الالوان على ملابسه فانفجر  بها على الفور قائلا : ايه انتى عمية مش بتشوفى مش تاخدى بالك وانتى داخلة

فلم تجد ما تقوله وسقط منها كل شىء على الارض فاندفعت راكضة الى غرفتها واغلقت عليها الباب وجلست تبكى بحرقة

جاءت سعاد على الفور وقد رأت الموقف من البداية فوجدته يقول على الفور وبصوت مرتفع

شوفتى الزفته دى بهدلت هدومى ازاى

فقالت بحزم انت اللى غلطان يا عمر انا شوفت الموقف من الاول 

اازاى بس يا ماما انا كنت خارج وهى اللى خبطت فيا

كنت خارج وانت مش باصص ادامك كنت بتبص فى تليفونك وانت اللى خبط فيها

انا مش عارف انتوا كلكوا بتدفعوا عنها كده ليه

مش بدافع عنها انا بقول اللى شوفته

خلاص يا ماما خلاص انا حطلع اغير وامرى لله

كانت ضحى تدلف الى الداخل فى هذة اللحظة وشاهدت والدتها يبدو على وجهها الحزن وعمر يصعد وهو يقول بعصبية 

دى بقت حاجة تقرف

فى ايه يا ماما ايه اللى حصل وايه ده اللوحة بتاعت رغد مرمية كده ليه على الارض والونها كمان

سيبك من ده دلوقتى اطلعى اقعدى مع رغد وهديها

طب بس ايه اللى حصل

اطلعلها وهى حتقولك كل حاجة وانا حنضفى اللى حصل ده وجاية وراكى

ايه يارغد يا حببتى حصل ايه وبتعيطى كده ليه

انا خلاص انا مش حقدر اقعد فى بيت واحد مع البنى ادم ده تانى انا حقول لبابا يشوف لى مكان تانى اعيش فيه

ايه انتى بتقولى ايه يارغد أوعى ياحببتى تقولى الكلام ده لبابا

امال عوزانى افضل كده كل يوم والتانى يهنى ويهزئنى من غير اى ذنب امال لو مكنش أخويا كان عمل فيا أيه

هو مين ده اللى اخوكى

اللى اسمه عمر ده

ومين قالك ان عمر اخومى عمر اخويا انا

مش وقت هزار خالص ياضحى دلوقتى

انا بتكلم جد عمر مش أخوكى