Uncategorized
رواية عصافير الغرام الفصل الخامس والعشرون 25 بقلم تسنيم محمود
رواية عصافير الغرام الفصل الخامس والعشرون 25 بقلم تسنيم محمود
 |
| رواية عصافير الغرام الفصل الخامس والعشرون 25 بقلم تسنيم محمود |
رواية عصافير الغرام الفصل الخامس والعشرون 25 بقلم تسنيم محمود
دخلت همس وهي بتضحك شافتها كده جريت عليها بذعر وخوف شديد: مليكة مالك يا حبيبتي في ايه؟ مليكة ردي عليا
بتعب شديد وصوت متقطع اتشاهدت واغمضت عيناها للأبد
همس بعياط وصراخ جرح حنجرة صوتها: مليكة بالله عليكي فوقي … متغمضيش عنيكي
مسكت ايدها وقامت بقياس نبضها وكان ضعيف جدا… نعم هناك امل في المعيشة !!
جذبت مياه مثلجه وبدأت بعمل كمادات حتى تنخفض درجة حرارتها.. جلست بجانبها ما يقارب الثلاث ساعات تصنع لها الكمادات حتى انخفضت درجة الحرارة وعاد النبض طبيعي
زفرت همس بارتياح
……..
شذا بتأفف: ياربي منك يا سامر خلينا ننزل
سامر: لا مفيش نزول
شذا بدلال ودلع: وحياتي عندك
سامر مسك ايدها وباسها: وحياتي انا عندك اسمعي كلامي مره واحده.. ممكن؟!
شذا: حاضر هسمع كلامك بس دلوقتي عايزه انزل! سامر: ليه؟
شذا: انت بتقرب ليه؟؟؟
سامر: مزاجي كده
شذا: ابعد يا سامر.. يقولوا علينا ايه دلوقتي
سامر: يقولوا اللي يقولوه ميهمنيش
شذا: بس انا يهمني
سامر قرب منها ويلمس وجهها الرقيق: وحشتيني
شذا: انت قليل الادب
سامر ضغط على خصرها وشدها عليه بابتسامة جذابة خبيثة: اول مره تعرفي…؟!
شذا: سمعتك سبقاك يا حبيبي
سامر: انا نفسي ف نونو يقولي يا بابي
شذا بخجل: ابعد يا سامر بالله عليك.. مش دلوقتي
سامر: لا دلوقتي انا عايز دستة عيال امشي اتكعبل فيهم
شذا بصدمة: نعم ليه هو انا ارنبه؟
سامر بخبث: واحلى ارنبه ف الدنيا.. باسها من شفايفها برقته التي تجعلها مستسلمة له نهائيا
شذا بصوت خافت وهي تضع يديها حول رقبته والأخرى بشعره الناري: كفاية يا سامر.. ابعد
سامر بصوت مبحوح وهو يقبلها مره بعنف ومره برقه: مش قادر .. ونبرة صوتك دي بتجنني اكتر
شذا بصوت هامس: بحبك اوي يا سامر
سامر بجنون: وانا بموت فيكي يا روح سامر
شذا بعدت عنه وجريت على الباب
سامر: طفلة ياربي .. ونزل وراها
……..
عدي: اومال سامر فين؟
أيهم: ما تسيبوا الواد ف حاله.. مهو اكيد ما صدق استفرد بالمزه
عدي: مزه ايه وهبل ايه؟!.. بطل دماغك اللي بتحدف شمال دي
اكتفى حمزة بنظراته التي لا يستطيع احد فك شفراتها فصمت أيهم
حمزة: روح يا أيهم جبلنا حاجه نشربها
أيهم وهو بينفض جيوبه: الأبلتين لدع في دهاليز الحياة
حمزة بصوت هادئ وهو بيحاول ميضحكش: قولت ايه يا أيهم؟
أيهم دخل جيوب بنطاله قائلا بفرار: بقول تشربوا ايه؟؟؟
حمزة: اي حاجة
أيهم: تمام انجز بالونجز …
حمزة بصدمة: ايه اللي بتقوله ده؟؟
أيهم: أخوك مأشفر والله
حمزة: لا يا شيخ
أيهم بابتسامة: اه والله .. انجز
حمزة: اهو يا أيهم وحل عن سمايا
سامر: متجمعين عند النبي بإذن الله
عدي: حمدا لله على السلامة
سامر: الله يسلمك يا برنس
أيهم بمكر: ايه يا سمسيمو .. الجو هنا احلى ولا فوق؟؟
سامر بغيظ: انت ايه رأيك؟
حمزة بهدوء مميت بيكلم أيهم في اذنه: خف العسل اللي بينقط منك.. عشان هزارك كتر وخنقني
أيهم اتكسف وبص للأرض: حاضر يا حمزة
شذا: همس ومليكة فين؟
عدي: غريبة دي مليكة مش بتنام لما تيجي هنا
شذا: يعني هم لسه نايمين؟؟؟
عدي: تقريبا.. روحي صحيهم
صعدت شذا لغرفة همس ومليكة
شذا بصوت مرتفع قليلا: مليكة.. مليكة انتي فين يابنتي
همس خرجت بسرعة وضعت ايدها على فم شذا تكتم حديثها: شششش اسكتي
شذا بعدم فهم: في ايه؟ مالكوا؟؟
همس: مليكة تعبانه اوي
شذا بخضة: ايه؟ فينها؟؟
همس: نايمه
شذا بهدوء: طب تعالي ننزل عشان ميحسوش ان في حاجه غلط.. ولو انهم هيحسوا بس يلا
همس: هنسيبها لوحدها؟
شذا: هي نايمه ليها كتير؟
همس: لأ … ولسه معاد ادويتها
شذا: خلاص اشطااا
همس: خايفه يا شذا…
شذا بحزن: متخافيش ربنا يكتبلها الشفا بإذن الله.. هغطيها ونهدى التكييف
همس بقلق: اوك
اقتربت شذا من السرير لتغطية مليكة.. فكانت تخرف من شدة السخونة: اه.. بابي دي … مامي كنت عارفه انك هتيجي تاني ومش هتسيبيني وانا مريضه
حزنت همس بشدة ونزلت دموعها
قطع تفكيرهم صوت طرقات على الباب تعلم همس صاحبها جيدا فتحت الباب وعلى وجهها ابتسامة يغلب عليها التوتر
حمزة: مساء الورد على احلى عيون في الدنيا
همس بكسوف: مساء النور…
حمزة بخبث: ايه يا قلبي هتسيبي جوزك حبيبك ع الباب كده ؟
همس حطت ايديها في وسطها: وحضرتك عايز ايه ان شاء الله؟!
حمزة بهيام: بوسه
همس: لا ارجع زي ما كنت يا شبح.. ارجع حمزة العسيلي كده .. انت مالك الأيام دي في ايه؟
حمزة ضحك: والله مش عارف انا مستعجب على نفسي اصلا .. المهم هاتي بوسه
خجلت للغاية واحمرت: انت قليل الادب
حمزة: قليل الادب اوي ..!
همس بصدمة: حمزة انت كويس.. مهو انت مش سخن اهو اومال فيه ايه؟؟؟
حمزة استغل انها لمست رأسه فشدها لحضنه باشتياق ولهفه وحب الشعور الملخبط ده قائلا بصوت مخنوق: احضنيني اوي يا همستي .. معلش متبعدينيش عنك انا محتاج حضنك ده اوي
همس جسمها بيتشنج بس حاسه ان فيه حاجه غريبة هي اول مره تشوفه بالحالة دي مدت ايديها وحضنته بس مش قادره تنسى الذكريات السيئة التي مرت عليها بحياتها
عيطت بين ايديه .. اتفزع وبعد عنها: همس حبيبي في ايه؟
همس ببكاء: عشان خاطري يا حمزة اوعدني تفهمنى
حمزة: مالك يا روحي؟! وافهمك ازاي؟! بصي مش مهم اي حاجة دلوقتي… ضحك: عارفه بيقولوا حضني حلو اوي مش بيخلي حبيبتي تعيط
همس ضحكت وبصتله اد ايه حاسه بفرحة عظيمة جواها هو فعلا عوض ربنا ليها.. ازاي بيقدر يحتويها كده؟؟!
همس: وفين حبيبتك دي بقى انا اول مره اعيط ادامك؟!
حمزة بمكر: تحبي تجربي وتشوفي بنفسك؟
همس: بتستغل الفرص سعادتك؟
حمزة بهيام وهو هيقرب يبوسها من شفتيها: اوووووي
غرقت في بحور عيناه وسقطت أسيرة كلامه وقربه لكن قطعت شذا تلك اللحظات
ابتعدت همس عنه وهي تموت من شدة الخجل والاحراج
لم يهتم حمزة للأمر فهو لا يخجل من إظهار حبه لها أمام الجميع: كوكي فين ؟
همس بتوتر: حمزة هفهم…
دخل حمزة بسرعة وهو قلبه هيخرج من مكانه قلقًا على صغيرته البريئة
كانت دموعها تنهمر على خديها مغمضه العينان سخونة تأكل بجسمها تخرف بكلمات غير واضحة: دادي حضرتك.. no, I don’t like it.. ابيه حمزة اكتر
حمزة: مليكة حبيبي افتحي عيونك انا جنبك
شذا: اوك هسيبكم انا بقا متتأخروش
عدوا شويه وقت قليلين … فاقت مليكة وصحصحت
حمزة بتنهيدة: يالهوي يا مليكة شعري كله قرب يبقى أبيض من كتر الخضة .. عارفه البنت اللي واقفه هناك دي مش هترضى تتجوزني
همس ضحكت: كله الا شعرك يا حمزة.. شعرك حلو اوي ما شاء الله عليه
ضحكت مليكة بشدة: هي تطول تبقى حرم حمزة باشا العسيلي؟؟
همس بصدمة ومسكتها من دراعها بخفة: شامه ريحة خيانة يابت يا لوكا .. بتتفقي عليا انتي واخوكي؟؟
مليكة بضحك قامت وقفت ورا ضهر حمزة: الحقني ارجوك يا ابيه دي شكلها بتتحول
حمزة ضحك جامد: تؤتؤ عيب يا كوكي دي مراتي العزيزه هتبقى دراكولا بس لكن غير كده لأ ما اظلمهاش بصراحة
اتغاظت همس وجذبت الوسائد الريش
ضحكت مليكة قائله بخوف مصطنع: والله انا مقولتش حاجه ابيه حمزة هو اللي بيقول
همس بضحكة شريرة: ههههاااايي لا يا عسل تعاليلي بقى انتي واخوكي
حمزة: جوزك والله
همس: مش بتتفق عليا استحمل بقا اللي يجرالك
وقعدوا يضربوا ف بعض هم التلاته بالوسائد الريش حتى تفرغ كل ما بداخلها وأصبحت الغرفة تشبه الذريبة
حمزة: استريحتوا كده
هزت مليكة رأسها بنعم وهي تصرخ بفرحة وتفرغ ما تبقى من الوسائد على حمزة
همس نطت على السرير بفرحة طفولية: اووي اووي يا حمزة
ينظر لهم حمزة بذهول: انتو بتعملوا ايه؟
همس بضحك: تعالي يا مليكة خدي جولة على السرير ده شعور حلو جدا والله
قفزت مليكة على السرير ودخلت الاثنان معا في نوبة ضحك هستيري
اترمت بجسدهما على السرير هيموتوا من الضحك
همس قعدت عادي واصلا كانت طول الوقت ده لابسه حجابها ودريس
أما مليكة فعلى العكس… فهي غير محجبه ولبسها كله شورتات وبلوزات قصيرة حتى عند الخروج من المنزل … جهزوا ونزلوا
انطلقت مليكة نحو أيهم لأنهم نفس الأفكار المتهوره
مليكة بضحك: يلا
أيهم: باراشوت؟؟
مليكة بحماس: ايوااااا
عدي: يخرب بيت الجنان … هتخلي البت شطانه زيك
أيهم: انا شطان ياللي مشفتش نص ساعة تربية؟؟
مليكة بعدم فهم: يعني ايه يا ابيه مشفتش نص ساعة تربية ؟!! وبيشفوها ازاي دي؟؟
ضغط عدي على شفته السفلى بغيظ: اسألي اخوكى المحترم
ضحك أيهم بصوته كله: يلا يا حبيبتي سيبك من المعقد ده
شذا بخبث: كنتوا بتعملوا ايه كل ده يابت؟
همس ضحكت على تفكيرها: ووالله ولا حاجه ولا حاجه يا باااشا..
وضعت شذا يدها على بطنها والأخرى على فمها
همس بقلق: شذا مالك في ايه؟
شذا: هرجع
همس بسعادة بالغة: الله هبقى خالتو
شذا بألم شديد: خالتو ايه يا مجنونه
طلعت شذا وهمس الغرفة وكانت متعبه جدا ووجهها مصفرًا
جابوا اختبار حمل وطلع فيه شرطتين
فرحت همس جدااا وحضنتها: مبروك يا شذا الف مبروك
خجلت شذا للغاية: ساعات الاختبار بيكون غلط
همس: لا اطمني انا واثقة انو صح مية ف المية ، ارتاحي دلوقتي.. سلام عليكم
خرجت من غرفة شذا .. اتخضت وجسمها اتنفض عندما امسكها أحدهم وجذبها للداخل
حمزة: كل دي خضة؟؟؟
همس وهي تضع يدها على قلبها الذي تتسارع دقاته: اخس عليك يا حمزة خضيتني
حمزة ببلاهة وعدم وعي وكل تركيزه على شفايفها: آسف يا قطتي
همس بسرعة خرجت من الأوضة وهو اضايق وضرب ايده ف الحيطة
خرج من الغرفة ومبتسم ابتسامة خبيثة وجدها تستند بظهرها على الحائط تتنفس بصعوبة: بتعرفي تهربي مني؟؟
همس اتخضت: يالهوي حرام عليك يا حمزة الله
نزلوا … فضلوا ماشيين مع بعض ع البحر في مكان فاضي مفيش فيه غيرهم وهو ماسك ايدها
همس: حمزة انت مشهور اوي كده؟!
حمزة ضحك: ليه؟
همس: تقريبا مفيش واحد في القرية السياحة مش عارفك
حمزة: اصل بيقولوا كده ان القريه دي بتاعتنا
اتصدمت همس: ايه؟؟
حمزة: اه …
شدته من ايده وقعدت على الرمله
حمزة: عمرك ما هتتغيري ابدا .. قعد جنبها على الأرض وشبكوا ايديهم ببعض: قول
حمزة بتنهيدة وهي بيفتكر كل حاجة وكأن والده ووالدته لسه ميتين امبارح: لما والدي ووالدتي ماتوا كان عندي ٢٢ سنة كنت ف إيطاليا انا ومليكة
جالي الخبر تعبت جدا بس كان لازم أكون القوي عشان اخواتي .. دخلت لبابا وكان جسمه متقطع لا مش متقطع ده معصور العربية كانت مفرومة بيهم،، الدكاترة مش قادرين يعملوا حاجه الموقف كان صعب جدا خرج عن سيطرتهم .. منساش ابدا اللحظة اللي والدي كان بيكلمني ويفكرني دايما اني قوي ولازم ما اضعفش ابدا … قالي اخواتك أمانتك يا حمزة قالي أيهم أيهم أيهم .. الكلمة دي بترن في ودني للنهاردا عمري ما انسى شكل بابا وهو بيتشاهد وبيلفظ أنفاسه الأخيرة
مقدرتش استحمل الموقف ساعتها بجد انهارت
الممرضة جات غطت وشه كنت هتجنن عقلي مش مأسعفني … والدتي طلبت تشوفني وهي خلاص بينها وبين الموت لحظات
قالتلي احضني … مكنتش قادر ايديا بتترعش ودموعي بتنزل وهي حالتها متفرقش عن حالة بابا والدم على جسمها حضنتها وانا اصلا خلاص منهار وبصرخ بحرقه
ماتوا هم الاتنين ف نفس اللح….
سكت وبصلها كانت بتعيط بهستيريا.. حمزة ضحك وباسها بين عنيها: بتعيطي ليه طيب؟
همس بصوت مبحوح: كمل
حمزة: لا مش هكمل ما انتي بتعيطي
همس برجاء ومسحت دموعها بضهر ايدها مثل الطفلة: ومليكة وأيهم كانوا فين طول الوقت ده؟
حمزة اتنهد: مليكة كانت لسه طفلة عندها تسع سنين مش فاهمه اللي بيحصل حواليها وان هي ف غمضة عين مش هتشوف أبوها او أمها تاني.. جات عيطت ف حضني وبتقولي جومانا وشيري بيقولولي اني بقيت يتيمة ومش هيكون عندي دادي ومامي زي أصحابي ف المدرسة
قلبي اتعصر عليها قولتها انا هكون بابي ومامي وكل حاجه… بخاف عليها من الهوا مش بستحمل فيها شكت الشوكه…
شعرت همس بالغيرة ولكن فضلت الصمت
أما أيهم فكانت الصدمة قتلاه ومش بينطق بحرف هو كان متعلق ببابا الله يرحمه… وامي بالنسباله صحبته مش أمه ومع ذلك هو كتوم لأبعد الحدود
خرج من البيت بعد العزا ومرجعش غير بعد يومين
قعدت جنبه وكلمته بهدوء وقولتله لازم تكون أقوى من كده رد عليا وعنيه بطلع شرار وقالي مش مسموحلي اني ازعل على أهلي؟؟ قولتله لأ مش مسموح .. اتكلمت معاه وعرفت منه انه انتقم لموت بابا وامي
اتصدمت همس وبرقت عنيها على آخرهم: انتقام ؟!!!! حمزة ابتسم بغلب: عارفه انتقم ازاي؟؟؟
همس: ازاي؟
حمزة: عمل فيهم نفس اللي اتعمل ف أهلي .. جاب عربية وربط فيها اللي كان السبب في موتهم وفرمهم داس عليهم بالعربية النقل … عفاريت الدنيا اتنططت أدام وشي زيك كده مكنتش قادر أصدق اللي بيقوله… تفكيري اتشل .. ضربته من غير وعي كنت حاسس ان البرج اللي فاضلي ف عقلي طار
وقتها عرفت ان الوحش اللي جوا أيهم صحي مكنتش عارف اعمل ايه او اتصرف ازاي… قولتله هنسيب مصر خالص لأن دي الحاجه الوحيده اللي أيهم اخويا بيحبها وبيعشق نزول مصر
قالي عادي مبقتش فارقه نسيبها نقعد فيها مش مهم ..
سافرنا كلنا وكنت مع أيهم لحظة بلحظة عشان أخرجه من اللي هو فيه..
خلاص أيقنت اني مينفعش افضل واقف اتفرج على الشركة وهي بتدمر واقف ساكت .. كنت بسافر وارجع بإستمرار كبرت الشركة ورجعت أحسن من الأول… وبقت العسيلي جروب !! عارفه سنه كامله بحارب التيار وانحت ف الصخر عشان اسمي يكبر وما اضيعش ثقة والدي فيا لحد ما ربنا كرمنا وكبرنا ف كل حاجه وبستثمر في كل حاجه ف البلد .. حققت نجاح باهر ف وقت قياسي وكلمتي بقت سيف على الكل … اهو زي ما انتي شايفه كده
همس بدموع وصوت مرتجف: أخوك قتل وهو لسه ١٩ سنة؟؟؟؟
حمزة اتنهد بوجع: أيهم فضل انه يدخل كلية الشرطة عشان نفس السبب… لأنه جواه بركان خايف يخرج
همس: يعني انت مكنتش يوم تفكر تنتقم لموات والدك ووالدتك؟؟
حمزة: مكنتش محتاج أفكر لأني عارف مين اللي عمل كده… والسحلة لسه جاية
همس بضيق: ما تتكلم يا حمزة… ليه الغموض ده
حمزة غمز: متشغليش بالك يا قلبي… وبعدين هو مفيش حاجه حلوة؟
همس بغباء: حاجة حلوة زي ايه؟
حمزة باسها من شفايفها برقه ساحرة .. سحرت ما تبقى من عقلها وهو كذلك الأمر فقد كل ذرة عقل فيه
همس بعياط خبت وشها بيت ايديها
حمزة: انتي شكلك كده مش بتسمعي الكلام صح
همس بخوف: انا معملتش حاجه غلط
حمزة: لا عملتي.. قولتلك اني مبحبش أكرر الكلام اللي قولته مرتين ومع ذلك بتخليني دايما اقولك مش عايز اشوف دموعك دي ابدا
همس ضحكت وقالت بدلع وهي تقترب منه متحدثه بصوت هامس افقده عقله: طمعانه ف كلامك الحلو ده
حمزة سرح ف عنيها ومستمتع بقربها منه وهو ف وادي وهي ف وادي تاني
همس: حلوين؟
حمزة بتوهان: هاااا
همس ضحكت وقامت وقفت ف المايه
حمزة بغيظ: يخرب بيت الفصلان … وراح وراها وقعدوا يحدفوا المايه على بعض برجليهم وهمس بتضحك .. حضنها من ضهرها بحب ولف بيها
شالها ودخل بيها جامد ف الميه وهي خايفه ومخبيه وشها ف صدره ومكسوفه منه
همس بضحك: حمممممزة مبعرفش اعوم
حمزة: هعلمك يا حياتي ..
…….
سامر طلع الأوضة وكانت ظلام دامس استغرب: شذا.. شذا انتي فين؟
أشعل فلاش التليفون بتاعه ولسه هيلف وجد شئ جعله صرخ وألقى الهاتف من يده: عاااااااا ب… سم الله الر… حمن الرحيم
ضحكت شذا بشدة وخلعت القناع المخيف عن وجهها
مسكها سامر من دراعها: مش هتبطلي بقا لعب العيال ده؟
شذا بدلع: تؤتؤ
دخلت وكانت مجهزة الأوضة بطريقة ملكية رائعة الجمال وورود أحمر وأبيض متناثره بتناسق وتكتب كلمة Love ???? على السرير
وبالونات جميلة اوي تزين الغرفة… وهي ترتدي فستان أحمر قصير يبرز جمالها
ترفع شعرها بطريقة جميلة وتتمرد خصلات منه على وجهها وتضع مكياج خفيف
سامر واقف مذهول بس حاسس انه فرحان .. طالبه عشا ليهم وتضع شموع على شكل قلوب على الطاولة
ابتسم سامر ومن وراها حط ايده على خصرها متحدثا جانب اذنها: ايه الجمال ده كله؟
لفت ليه وباسته من خده: بحبك
سامر ضحك ولمس وشها: انتي مش تعبانه صح؟
شذا: لا انا very well
سامر: والعشا ده انتي اللي طلبتيه؟؟
شذا: كان نفسي اطبخلك بإيدي بس لما نرجع بيتنا
سامر: بتعرفي تطبخي؟
شذا: طبعا هو انا مش ست بيت ولا ايه؟
سامر: انتي لغاية قبل الساعة دي كنتي راجل البيت
شذا بهمس فظيع: ب.. ح.. ب.. ك
سامر ببلاهة: وانا بموت فيكي… بس ايه المفاجأة الحلوة دي؟ ولحقتي تعملي ده كله امتى؟
شذا مسكت ايده وحطتها على بطنها: دي المفاجأة
قعد يوزع انظاره بينها وبين بطنها وأيده المحطوطه عليها عقله مش مصدق: اا.. إن… انتي مش بتهزري ص.. صح
شذا بدلع: لا
سامر شالها ولف بيها كتير اوي وهو بيصرخ من الفرحة: ااااااالله
شذا ضحكت وتعلقت برقبته: مجنون… لسه لما نتأكد
سامر نزلها ورفع وجهها بأطراف أصابعه: ملكيش دعوه انتي انا متأكد …. استنى هاخد شاور واغير هدومي عشان اجاري القمر دا
………
قعدوا سهرانين من بعض وسط ضحك ولعب
الوقت عدى اتنين بالليل … مليكة وهمس طلعوا يناموا
مليكة: بتعملي ايه يا همس؟
همس: هصلي القيام..
مليكة بسعادة: وانا كمان
مليكة اتوضت ولبست اسدالها وصلت القيام
همس بابتسامة هادئة: تقبل الله يا جميلة
مليكة بابتسامة: منا ومنك يارب
همس: مليكة انتي ما شاء الله عليكي جميلة اوي… فا ازاي بتخرجي كده؟ انتي بالنسبة للعالم فتنه يا قلبي
مليكة: بجد انا عارفه الكلام ده كله بس انا مش ذنبي اني طلعت شفت كل الناس اللي حوليا هو ده لبسهم انا لسه راجعه من إيطاليا من سنة تقريبا .. وابيه حمزة دايما بيكلمني عن الحجاب وجماله بس سايبني براحتي لحد ما انا اقتنع فهماني؟
همس بهدوء: وليه مفكرتيش ان يكون عندك صحبه صالحه؟
مليكة: انا معنديش أصحاب نهائي…
همس بصدمة: ليه يا كوكي؟
مليكة بدموع: بعد ما مامي وبابي ماتوا أهالي أصحابي بعدوهم عني وقالولي ان أخلاقي هتبقى مش حلوة لأن مفيش رادع يقولي ايه الصح والخطأ… قالولي مينفعش أطفالنا يكونوا أصحابك لأنك دلوقتي يتيمة من وقتها وانا مش بحب اصاحب حد او اتكلم مع حد
همس بحزن على حالتها ولكن تصنعت المزاح: انا ليه حاسه ان حياتكم بدأت من بعد موت والدك ووالدتك؟؟ بس الا قوليلي مامتك كانت صاروخ زيك كده؟
مليكة ضحكت: انا مش فاهمه يعني ايه صاروخ دي
همس: يااااختي دا احنا غلبنا المدرسة .. اقصد كانت جامده احم جميلة زيك كده؟
انفجرت مليكة ضاحكه: اااه استني …. وجابت اللابتوب: اهي دي مامي
همس بصدمة حقيقة وهي تعيد النظر للصور: يالهوي دي مامتك؟؟ دي جميلة اوي
مليكة: وده دادي
همس: لا ده يستاهل نقول عليه سولي بجد ههههه ده ايه المز الجامد ده؟.
مليكة ضحكت وقفلت اللابتوب: يلا ننام
…….
في الصباح الباكر
حمزة: انت يابني قوم عايزك..
أيهم: امممم
حمزة: اسمع يا زفت
أيهم بنعاس: طب هصحى ونتكلم براحتنا اوك؟..
حمزة: لا قوم دلوقتي
أيهم اتعدل وبيفتح عنيه بصعوبة: اتكلم يا حمزة كلي اذان صاغية
حمزة: كنت شاكك مين رئيس العصابة دلوقتي متأكد
أيهم بحماس وفرك عيونه جامد: بسرعة
حمزة: بس في حاجه مش طبيعيه… يعني الموضوع ملخبط كده
أيهم بعدم فهم: انت بتقول ايه؟.
حمزة: جومانا يا أيهم !!!
أيهم بصدمة وعدم تصديق لما يقوله: هههههه نكته حلوة ع الصبح
حمزة بغضب: لو خلصت المسخرة دي خلينا نتكلم جد شوية
أيهم بلع ريقه قائلا بهدوء: هاخد شاور ونتكلم
اخد شاور وبدل ملابسه وصفف شعره وجلس يستمع إلى حديث حمزة
حمزة: عارف دي مش أول عملية تدخلها جومانا والتيم بتاعها ودايما بتطلع ناجحة.. لا دي خبرة في الموضوع عرفت انها كانت اشتغلت مع مافيا نص نص لما كان عندها ١٧ سنة
أيهم بصدمة: نعم ؟!!
حمزة بهدوء: أبوها ذات نفسه ميعرفش عن الموضوع ده اي حاجة
أيهم: وانت عرفت ازاي؟
حمزة: ملكش دعوه عرفت ازاي… المهم بقا المافيا دي قلبت على بعض وقتلوا بعض
أيهم: يا حبيبي … كمل
حمزة: كان عندها ١٩ سنة كونت فريق صغير .. بس عقلها أصغر بكتير من انها تفكر وترسم خطط كبيرة وكده فكانت طريقة شغلها بتقتل وتستولي على فلوس الناس… العصابة بتاعتها حاليا من أكبر عصابات الإجرام ومحدش قادر يقربلهم .. لقبها إكس
أيهم: ها وبعدين؟
حمزة: دلوقتي احنا المستهدفين بالنسبة ليها وللعصابة بتاعتها!!
أيهم: العصابة دي اللي منها مصطفى وحمدي وعصام وابنه والناس دي؟
حمزة: اه
أيهم: طب بص انا حاسس كده انها مغفلة كبيرة… يعني هي حطت عينها بس نشانها خانها
حمزة ضحك: والله؟! اتكلم عدل يا أيهم
أيهم: تمام… انا اقصد انها اختارت أشخاص غلط ووثقت فيهم فا قالت خطتها ومفيش في قلبها ذرة شك من ناحيتهم… وعشان هم عارفين انها قالت لمصطفى كل كبيرة وصغيرة ف خطتها لعبوا عليها وهي غبية اكتر مما تتصور
أشار له حمزة ليكمل حديثه
أيهم: هي جومانا كانت تعرف ميار؟
حمزة: وانا ايش عرفني؟؟
أيهم: اقولك لأ… هي مكنتش تعرف غير انها خطيبتك وانفصلتوا عشان كده استغلت خبر انفصالكم عشان تنفذ هي خطتها والا كان ايه جبرها انها تطلع ميار ف طريقها وطريقك؟؟
حمزة: تقصد أن ميار وعصام وحمدي دول جنود مصطفى .. ميخصوهاش ف حاجة؟؟
أيهم: الله ينور عليك… عارف ايه اكتر حاجه مخلياني واثق من اللي بقوله؟؟
حمزة: انت هتشحتني ما تتكلم على طول؟
أيهم: اول حاجة لو كانت عرفت ان الأعضاء الأوفياء اللي معاها خلوك حسيت انك متراقب او شكيت مجرد شك أن في مافيا بتهددك مكنتش اترددت لحظة واحده في تصفيتهم كلهم Aright?
حمزة بتفكير: Aright
أيهم: تاني حاجه وأهم حاجه انها مكنتش هتغلب انها تجذبك ناحيتها حتى لو عن طريق السحر، ميار دي ملهاش اي تلاتين لازمة بالنسبالها يا حمزة !!
حمزة: ليه حاسس اني قاعد مع خالتو نبوية؟؟؟
أيهم بضحك: وهي خالتو نبوية كانت هتبقى حلوة وذكية زيي كده؟؟؟؟
حمزة: عيل غلس… انا غلطان اني فكرت اقولك حاجه اصلا
أيهم: بس تصدق اللعبة دي داخلة مزاجي اوي وعجباني لأبعد الحدود
حمزة بغيظ: تصدق انك حيوان
أيهم: تسلم يا غالي
حمزة: برضو لازم نبني كلامنا على أدله صحيحة
أيهم: اه انا مقولتش ان كل كلامي صح على فكرة
حمزة بهدوء: عارف … دق باب الغرفة فوجد مليكة
مليكة بابتسامة: صباح الخير
أيهم: صباح الفل يا قلبي
مليكة: لسه نايم؟
أيهم: هو اللي يعرف حمزة بيه هيعرف حاجه اسمها نوم؟؟؟
ضحكت مليكة: اه عادي جدا
أيهم: ومين هيشهد للعروسه؟؟؟
حمزة ببرود ومسكه من قفاه: قولت حاجه يا أيهم؟؟
أيهم: بدعيلك يا حبيبي ربنا يفك اسرك …
…….
عدي يتحدث مع والدته عبر الهاتف
صباح: عامل ايه يا حبيبي.. اخبارك
عدي فرحان جدا: انا كويس اوي طول ما سمعت صوتك يا أمي
صباح: قولها على طول يا عدي..
عدي ابتسم: حاضر يا أمي
صباح: وفين البت همس؟ من يوم ما مشيت متسألش فيا؟ هخلي ابو وردة يسلم عليها لما اشوفها
ضحك عدي: اعملي فيها اللي يعجبك يا ست الكل
صباح: انتو فين في صوت دوشة وبحر وكده
عدي: في شرم
صباح: ربنا يسعدكم ويحفظكم ليا يارب …
عدي: ادعيلي يا أمي.. انا بحاجة دعوتك ليا
صباح بدموع: انا عمري ما نسيتك يا نور عيني ودايما بدعيلك
عدي: ربنا يخليكي ليا يا أمي متحرمش منك ابدا..
صباح: مش ناوي تفرحني كده
عدي: ناويه على ايه بالضبط؟
ضحكت صباح: على كل خير يا قلب أمك.. عايزاك تتجوز بنت الحلال وتجبلي أحفاد
عدي: أحفاد.. مش واحد ولا اتنين؟؟
صباح: لا انا عايزه عيال كتير يملوا عليا البيت
عدي: وانا هلاقي وقت اربيهم منين؟!
صباح: انت هاتهم وملكش دعوه بربايتهم
عدي: لا اذا كان كده ماشي
صباح: ماشي ياحبيبي خد بالك من نفسك.. سلام عليكم
عدي: وعليكم السلام ورحمة الله وبركاته… وقفل الخط واتنهد بأريحية وفرحة وسعادة لا توصف
……..
بعد شوية وقت
عدي: مالك يا همس؟
همس: عدي انا خايفه خايفه اوي
عدي: ليه يا قمر… ايه اللي مخوفك..
مليكة: انتو قاعدين ؟!
عدي: يابنتي ارحمي نفسك… هتكشي زيادة
ضحكت مليكة وهمس بشدة
همس: بصراحة اللي يشوفك يا كوكي ميقولش ابدا انك اخت التيران دول
حمزة بهدوء قاتل من وراها: تيران اممم وايه كمان؟؟؟
همس قامت وقفت بهدوء: اهدى يا شبح
حمزة مسكها من قفاها: بقا انا تيران؟؟!!
همس بخوف: تؤتؤتؤ مين اللي قالك الكلام الوحش ده؟؟
مليكة: أعلن فراري
همس: انت يابا لاحظ الناس اللي قاعده دي
حمزة: وهم مالهم؟؟ واحد ومراته
همس: ياعم عددددي حرام عليك … اختك انا والله
عدي مسك ايد حمزة وهي هربت: كفاية العالم كله اتفرج
همس بتنهج من الجري: مليكة استنى يابنتي
مليكة: الله اللي بيوقع تحت ايد ابيه حمزة مبيفلتش بسهولة
همس ضحكت: اخويا ربنا يحرسه هههه … الا صحيح ايه النضارة دي؟؟
مليكة: عشان كبيرة يعني؟ مهو عيوني بتوجعني اوي
…….. .
في مكان مهجور
جومانا بغضب وغل: فشلت فشلت فشلت
مصطفى: ولسه متمسكين ببعض برضو؟
جومانا: ولا كأن الصور وصلته…. وهو وأيهم مع بعض برضو… لالا الموضوع ده كبر وخنقني
مصطفى: انا مبقتش فاهم انتي عايزه توصلي لايه؟ هي دي اول مره ندخل عملية؟؟؟؟
جومانا: انت ليه مش عايز تفهم ان دول وحوش .. لينا اد ايه بنحاول نضربهم ومش قادرين؟؟؟
مصطفى: ولما سعادتك تعتبري عامله اكبر عصابة ومفيش بشر عارف يوصلك وخايفة كده كان ايه اللي دخلك في طريقهم برجليكي؟؟ ليه منقتلهمش ونخلص .. انا عمري ما دخلت عملية وفشلت ولو فشلت حاليا هيبقى من تحت راسك فاهمه؟ قال اختك بتحبه قال؟؟ انتي هتستعبطي يا روح امك؟ اكدبي كدبه تتصدق.. انتي اصلا ميهمكيش مصلحة حد.. مبيهمكيش حد غير نفسك .. ايه رأيك أن انا دخلت مع ناس كتير قبلك بس عمري ما شفت حد بخباثتك.. اشتغلت مع أشكال وألوان من البشر بس انتي لا انتي مش بشر… انا مش عيل تضحكي عليه بكلمتين ولو فاكرة انك شاطرة ومش عايزة حد يشاركك ف أرباح العملية لا تبقى غلطانه … سلام يا يا جيجي هانم
……..
بعد وقت طويل جدا
همس: حمزة فين؟
أيهم: مع سائحة
همس بصدمة وتجمعت الدموع بعنيها: بتهزر؟؟؟
أيهم ضحك: لأ
مليكة: هي تايهه ولا ايه؟؟
أيهم: تايهه في خريطة حلاوته
ضحكت مليكة وهمس عيطت: بس يا أيهممممم
أيهم: يالهوي حاسبي يابنتي الدخان اللي بيطلع منك
مليكة بهدوء: متخافيش يا همس
همس بغيظ: مهو طول ما اخوكى ماشي فاتحلنا زراير قميصه وعضلاته باينه وشعره نازل على عيونه الزرق دول هيلم علينا الخلق !!
أيهم: دي غيرة دي ولا نفسنة بنات؟؟؟
همس: طب والله انت عيل رخم اوي
أيهم: مين اللي عيل ده يابت ؟؟!
همس: في غيرك هنا؟؟
أيهم خبط كف على كف: يابت لمي لسانك ده
همس: بطل استفزاز طاه
أيهم: طاه؟؟؟ اشطاا انتي تنضمي لجروبي وش
همس باستغراب: جروب ايه ده؟
أيهم: جروب أفشل خلق الله .. أعضاء الجروب التنين.. شذا.. مرات اخويا المستقبلية اوك؟
همس: مين التنين ده؟؟
مليكة بفخر: ابيه أيهم
همس: احلف كده انك التنين؟؟؟
أيهم: لا متصدمينيش وتقولي انك متعرفيش
همس بلامبالاة: اه معرفش فيها ايه دي؟
أيهم بغيظ: لا دا انتي عايزة تتأدبي يابت
مليكة: انتو هتتخانقوا ولا ايه؟
أيهم: بجد لولا انك بنت واخت صاحبي ومرات اخويا كنت قتلتك
همس بخوف ظاهر: وايه هتفرقع دماغي برضو؟؟؟
حمزة لف حواليها وتحدث بجانب اذنها: يقدر يعمل كده وانا موجود؟؟؟
شدها من ايدها ومشيوا مع بعض
حمزة بضيق: انتي بتتكلمي معاه ليه؟؟
همس بصدمة: مالك يا حمزة؟ دا أخوك
حمزة: عارف بس برضو متكلمهوش
همس بخفوت: طب والله قمر بس انتو اللي مش فاهمينه
حمزة ضغط على دراعها: مين ده اللي قمر؟؟؟؟
همس بلعت ريقها: هفهمك… ان انت اللي قمر يا حبيبي
حمزة: ماشي هعديها بس بمزاجي…. حتى اخوكى نفسه متكلمهوش سامعة؟!
همس بصدمة أشد: مالك يا حمزة؟ طب اخويا ما اكلمهوش ازاي وانا قاعده معاه ف نفس البيت؟؟؟
حمزة بضيق: انا لو عليا عايز اخبيكي من عيون الناس دي كلها… عارفه لو محمد سعد ذات نفسه عايش إياكي تحضنيه او حتى سلام بالايد
صدمت همس ولكن قالت بدلع: بتغير عليا يا بيبي؟
حمزة بصدمة: وايه بيبي دي ان شاء الله؟ اسمي حمزة
همس ضحكت وتحدثت بدلال: تؤتؤ انا اقول اللي يعجبني
حمزة: اهو دلعك ده هو اللي هيوديني ورا الشمس
همس بزعل: مش هقولها تاني
حمزة باسها جنب شفايفها برقه: قولي اللي يعجبك يا روحي
همس اتكسفت ووشها كله حمر: بطل بقى
حمزة بعشق وهو يحاول التحكم بنفسه: تؤتؤ مش هبطل .. انا بعشق الفراولة والطماطم وكل حاجه حمرا وخاصة دول وباسها من خدها
…….
ليلا ..
همس: الفستان ده حلو اوي يا ملوكه
مليكة: بريندا .. تعالي نعمل شوبنج واشتري واحد زيه
همس: لا مفيش مشكلة انا عندي لبس كتير
مليكة: خلاص انا هروح البس … وننزل
لبست شورت جينز وبلوزة بيضاء وسرحت شعرها ووضعت اكسسوار هادئ جميل
همس مصدومه: مليكة احم انتي كنتي بتسبحي بمهارة ما شاء الله عليكي..
مليكة: تحبي اعلمك؟؟ انا اخدت بطولة السباحة للجمهورية مرتين وبطولة العالم مره
همس بذهول: يالهوووي ايه العيلة دي
مليكة: اوروفوار
همس بتنهيدة: ربنا يهديكي يارب
……
سامر وشذا راحو للدكتورة عشان تتأكد
مددت شذا على شرير الكشف والدكتورة عملتلها سونار
سامر ماسك ايدها ومش فاهم حاجه وشذا بتضحك
الدكتوره بابتسامة: مبروك يا أستاذ المدام حامل
سامر بفرحة وعدم وعي قام وقف وفتح دراعاته للدكتورة: لا تعالي أحضنك بقى
الدكتورة ضحكت… وشذا صرخت: طلقني ياااااا سااااامر يا خاااااين
الدكتورة بصدمة: يطلقك ايه يا مدام وخاين ايه؟
شذا بصراخ وبتشد ف حجابها: انتي ماااالك؟؟؟! سااااامر طلقني طلقني دلوقتي حالا
سامر بهدوء قعد جنبها ومسك ايدها: انا آسف يا حبيبي
الدكتورة: يا مدام اهدي دي من فرحته مش اكتر
سامر وعيونه بتلمع من الفرحة: فين انا مش فاهم حاجه
الدكتورة شاورت على مكان البيبي: اهو..
سامر بحماس: بنت ولا ولد؟!!
الدكتورة: لا لسه بدري اوي على ما نعرف نوعهم
سامر: مش مهم انا مش عايز اعرف…
الدكتورة: يتربى ف عزك يا بشمهندس
شذا بغضب وصراخ: قولها تطلع برااااا
الدكتورة اترعبت: ربنا يعينك عليها يا بشمهندس… عن اذنك
سامر مذهول من اللي حصل بس الفرحة مش سيعاه: اتفضلي
اخدها وروحوا وهم خارجين شذا بصت للدكتورة بقرف والدكتورة ابتسمت بحسن نيه
سامر: اشيلك؟
شذا: لا يا حبيبي عندي رجلين.. لسه بدري على مرحلة الشيل دي
سامر: طيب… وشالها
شذا شهقت بخضة وخبت وجهها ف حضنه بكسوف: نزلني يا سامر عيب
سامر: تؤ واحد شايل مراته.. ايه العيب في كده؟!
…….
رجعوا وهي انطلقت نحو همس ومليكة الجالسين على الشازلونج أمام البحر مباشرة
سامر بصوت مرتفع: حمزة.. حمزة!
حمزة: هاا أهلا ياعم سامر..
سامر قعد: مالك يا حمزة؟
حمزة: مالي؟! ما انا زي الفل اهو
سامر: بطل تكابر يا حمزة انا كده كده عارف كل حاجه بس اخر حاجه كنت اتوقعها منك انك تخبي عني انك ف مشكلة…
حمزة: مشكلة سخيفه اصلا واللي حط نفسه فيها أسخف بكتير
سامر: ايه؟
حمزة: الموضوع كله مش داخل دماغي… وانا الفترة دي ملخبط مش عارف افكر .. مش عارف الاقيها من عمي اللي عايز يخلص من مراتي عشان اتجوز بنته ولا بنته اللي عايزة تقتلني
اتصدم سامر لسانه عجز عن الكلام: هزار ده مش كده؟
حمزة: مش بقولك الموضوع سخيف
سامر: انتو بجد عيلة مجنونه
حمزة: شفت الكبيرة بقى؟؟
سامر: اشجيني
حمزة: عمي بيقولي ان اخواتي أمانته
انفجر سامر ضاحك: بيقولك ايه؟
حمزة: فاكرني عبيط ومش فاهم هو عايز ايه
سامر: عايز يبقى واصي على مليكة ..
حمزة: برافو عليك معايا ع الخط انت
سامر: اومال يا معلم دا انا أعجبك اوي
عدي: السلام عليكم
الاتنين: وعليكم السلام ورحمة الله…
عدي: ماتيجوا نتعشا برا
سامر بضحك: اوك على حسابك يا عدي انا مقبل على الإفلاس
عدي: ما خلاص اتجوزت وخلصنا منك إفلاس ايه تاني؟
حمزة بشك: هات اللي عندك يا سامر
سامر بفرحة غامرة: باركولي
عدي بشك … أيهم: مساء العسل
حمزة: مساء النور
أيهم: فرحنا معاك يا سمسيمو
سامر بصدمة: انت يابني لسه شفت وشي اصلا؟
أيهم ضحك: هتجيبلنا أيهم صغير صح؟!!
سامر بصدمة حقيقة: أيهم انت اكيد مش طبيعي
حمزة وعدي بسعادة بالغة: الف مبروك يا سيموو
تبادلوا الاحضان والمباركات
حمزة حضنه بفرحة شديدة: مبروووك يا سااااامر
سامر بسعادة: الله يبارك فيك يا كبير
وكذلك عدي وأيهم: هتسمي ايه يا سامر؟؟
عدي: مش لما ييجي الأول؟ يلا بس نخرج احتفالًا بالنسبة السعيدة دي ..
سامر: استنوا … مين هيحاسب؟؟!
عدي: إيحه.. غور ياد العزومة على حسابي
سامر ضحك: لا اذا كان كده اوك … أيهم وسامر صقفوا على ايدين بعض بضحك: الحمد لله السمعة سابقة
حمزة: يخرب عقلك منك له.. ايه البخل ده؟!
أيهم: هي كل الناس حمزة باشا العسيلي؟؟! انا الحمد والشكر لله معييش ولا مليم أحمر ههههههههه
حمزة وعدي ف نفس اللحظة: اه ما انا عارف
أيهم: ياخي انا كرهتكوا والله .. مالكوا بيا قارشين ملحتى ليه مش فاهم
……..
همس بضحك: الحلاوة يابت يا شذا..
مليكة: هتجبلك حلويات ليه يا همس؟
همس: متعرفيش يا لوكا؟
مليكة باستغراب وهي تبعد خصلات شعرها المتمردة عن وجهها من شدة الهواء: معرفش ايه؟
همس: شذا هتجيب بيبي
مليكة بفرحة: مبروك يا زوزو.. الف مبروك…
شذا: الله يبارك فيكي يا ملوكه
خرجوا كلهم واتفسحوا وعملوا بارتي صغيرة بتلك المناسبة التي أدخلت السعادة لقلوبهم جميعا
قضوا كام يوم حلوين ورجعوا القاهرة
……
مروة “والدة سامر”: حمدا لله على السلامة يا حبايبي
شذا: الله يسلمك يا ماما
مروة بخبث متحدثه بصوت خافت: مفيش حاجة جايه ف السكة؟؟
شذا بخجل: احم قولي مبروك
زغروطة مصرية أصيلة من والدته وفرحة عمت أرجاء المنزل بأكمله
سامر: ايوا من لقى احبابه نسى أصحابه
والدته بسعادة بالغة: انا اقدر انساك يا نني عين أمك؟
سامر: تسلملي عيونك يا روحي
قامت شذا بعضه من ذراعه..: اتلم
سامر بوجع: اااااه يابنت العضاضة
ضحكت والدته بشدة: ربنا يسعدكم ويخليكم لبعض يارب
سامر وهو يضع يده على العضه: اومال بابا فين مش شايفه؟؟
والدته: ف المكتب يا قلبي..
شذا: في ايه يا ماما طب اعملي حساب وجودي طيب الاه
والدته بصدمة: يخرب عقلك بتغيري مني؟؟!
شذا: يعني انتي شايفه اني مينفعش اغير ع الحليوة اللي جنبك ده؟؟
سامر ف سره: ربنا يهديكي يا شذا يابنت ام شذا
والدته بذهول من كلام تلك المجنونة: اطلعوا ارتاحوا يا حبيبتي اكيد تعبانين من السفر
…….
تاني يوم
في فيلا العسيلي
مليكة: ابيه
حمزة: قلبه
مليكة ضحكت: انا قلبك؟! اومال همسة تبقى ايه؟ كليتك؟
اتصدم حمزة: نهار اسود..
أيهم: يالهوووي عايزين امكوا تشمت فيااااا
حمزة بغضب: انت يا متخلف انت
أيهم: ايه يا حمزة محبكها اوي كده ليه؟
حمزة: مبتتجمعوش غير لو في مصيبة… خير
مليكة ببراءة: ابيه أيهم هيجيبلي بو….
وضع أيهم يده على فمها وسحبها لبرا: آسفين على الإزعاج.. عن اذنك يا باشا
أيهم: عايزه تفضحينا؟؟! بقينا محل للشك دلوقتي
مليكة ضحكت جامد: تعاملك ناشف اوي على فكرة
أيهم برق بصدمة: افندم؟
مليكة بخوف: احم كأنك مسمعتش حاجة .. بقولك هنجيب شوكولاا اوك؟؟
أيهم: اوك ياختي يلا بينا
……..
مر يومين وجاء الموعد النشود يوم عملية مليكة
في مستشفى العسيلي
فحوصات تتم على قدم وساق توتر يزين وجه الجميع قلق ورعب يملئ قلبهم جميعا بدون استثناء حتى الأطباء .. فهم لا يضمنون العواقب الوخيمة التي سوف تحل على رؤوسهم إذا حدث شيء ما ! وهدوء قاتل يسيطر على الجميع
الكل واقف أمام غرفة العمليات متوتر .. مرعوب .. حزين .. قلبهم هيخرج من مكانه
أيهم قاعد حاطط رأسه بين يديه .. حمزة رايح جاي يبص للساعة القلق متملك منه .. سامر وعدي نفس الحالة .. همس تقرأ القرآن أملا ان يكتب الله لها الشفاء العاجل وكذالك شذا ووالدة سامر
مرت كذا ساعة ومازال التوتر هو الونيس الوحيد لهم جميعا خرج الدكتور من غرفة العمليات والكل وقف وتجمع حوله املين ان يفرح قلوبهم .. كلهم ساكتين ونظرة الأمل مفعمة بالحزن الشديد
والد سامر: طمنا يا دكتور لو سمحت
الدكتور: اطنوا خالص الحمد لله العملية تمت بنجاح..
الكل ابتسم وفرحة زفت لقلوبهم ولكن ليكمل الطبيب: انا آسف في اللي هقوله بس مش عايز اخبي عليكم الحالة حتى الآن مش مستقرة وهي ضعيفه جدا.. ادعولها هي بحاجة لدعواتكم ..
أيهم بحزن وقلق: اقدر اشوفها؟!
عدي: أيهم اهدى..
حمزة بعصبية لدرجة ان الدكتور اترعب: انجز قول اللي عندك
الدكتور بخوف: هي حاليا تحت تأثير المخدر… تفوق وبعدها نقرر .. بس لازم طول فترة دي تكون ف العناية المركزة
سامر: اوك يا دكتور.. ممكن تتفضل
الدكتور برعب: اه اه عن اذنكوا
مر اسبوعين ومليكة حالتها الصحية بقت أفضل بكتير ولكن بالأول والأخير فهي مريضة بالقلب
بعد ثلاث شهور والموعد المنشود قبل يوم حفل الحنة بأسبوع ترتيبات تتم على قدم وساق في فيلا العسيلي