رواية مالكي الفصل الاول 1 بقلم منار عصام

نعم!؟!  انتي واعية لكلامك اللي بتقوليه ده.. . 

اه طبعا انا عارفة ان حضرتك يعني مستغرب طلبي جدا وانك زمانك بتقول عليا مجنونة، وكلام من ده كتير. 

لا حول ولا قوة الا بالله، نجينا يارب من ده زمن، الدنيا اتقلب حالها

قومي يابنتي ارجعي بيتك وبطلي التخاريف اللي بتقوليها دي. 

عمي افهمني بس انا ومالك بنحب بعض وهو عمل حاجات كتير عشاني ووقف جنبي وجه الوقت اللي اردله فيه الجميل ووقفته جنبي وأعتذر اني كنت السبب في كسرة قلبه. 

حب ايه وزفت ايه اللي يخلي البنت تروح تطلب الراجل من أهله..!! وفتح الباب وقالها اتفضلي، ربنا يهديكي ويسترها علي ولايانا. 

خرجت وانا حاسة بالاهانة والدموع سابقة خطوتي، أنا اه قليت من نفسي جدا اني أخد خطوة زي دي بس هو يستاهل كل حاجة حلوة. 

نتعرف علي ابطالنا♡

«««أنا روان عندي 26 سنة عايشة مع جدتي بعد ما بابا اتجوز بعد وفاه أمي بسنه 

ولأني مش بتفق أنا ومرات بابا فقررت اعيش مع جدتي لاني بحبها جدا وخصوصا ان هي نسخة من امي، واللي كنت بتقدمله ده مالك حب عمري واول راجل في حياتي بعد بابا، كنا شغالين في ماركت مع بعض من واحنا صغيرين لاننا مكملناش تعليم وبالمناسبة هو في نفس عمري،،،،،  كان دايما بيشجني وواقف في ضهري واي مشكلة بتواجهني كنت بجري عليه لحد ما جه اليوم الموعود»»» 

فلااش بااك

روان اعملي حسابك انا عازمك علي العشا النهاردة بعد الشغل. 

يبااشا انا طول عمري بقول عليك رجولة ومحدش صدقني، بس اشمعنا يعني

ايه المناسبة. 

انا بس حسيت انك مش المود وانا مش حابب اشوفك كده. 

هييييح ربنا ميحرمنيش منك يا لوكاا يا عسل. 

.~خلصنا شغل وسألته هنروح فين قالي امشي وانتي هتعرفي، مشينا شوية

ووقفنا قدام مطعم منتهي الجمال،، بصتله وقولتله احنا هنتعشي هنا

بصلي بأبتسامة جذابة وقالي ايوه يا لمضه

ده انت شكلك ناوي تخلص مرتب الشهر بقي. 

مفيش حاجة كتير عليكي يا لوزة،، ودي الكلمه اللي بيناديني بيها دايما. 

دخلنا وطلب أكلة سمك لانه عارف اني بعشقة وانه اكلتي المفضلة. 

كنت باكل بنهم لاني فعلا كنت جعانه وده كمان سمك ببص لاقيته مربع ايده وباصصلي. 

ايه ده مش بتاكل ليه، اوعي يكون الاكل مش عاجبك؟ 

لا بس انا مش بعرف افصص السمك لنفسي، دايما بابا اللي بيفصصلي من وانا صغير من بعد وفاة ماما. 

الله يرحمها، هات كده افصصلك، وفضلت احطله وهو ياكل لحد ما قالي خلاص شبعت، وخلصنا أكل وطلب قهوة لينا أحنا الاتنين. 

بصيت عليه لاقيته سرحان 

مالك يابني ساكت ليه، مش متعوده عليك كده، أحكيلي في ايه؟ 

روان انا بحبك وعايز اتجوزك. 

غصب عني انفعلت وصوتي عليي، أنت اتجننت

أنت نسيت نفسك ولا ايه، انت عارف اني بكره الجواز والرجاله

وجاي تطلب مني طلب زي ده.! 

روان اقعدي واهدي الناس بتتفرج علينا، شد ايدي وقعدت وكمل كلامه

روان انا عارف انك خايفه تدخلي في اي علاقة بسبب انك عندك عقدة علشان والدك اتجوز بعد مامتك وانك مش بقيتي بتثقي في حد ولا بتأمني بالحب والكلام ده، مسك أيدي وكمل

اوعدك اني عمري ما هتخلي عنك وهشيلك في عيني، أنا مش قادر استحمل ان حد يبصلك او يقرب منك، نفسي تلبسي دبلتي في أيدك علشان محدش يفكر انه يبصلك بس. 

شديت أيدي منه وقولتله أياك ثم أياك يا مالك تتكلم معايا تاني

ولا تفكر تقرب من بيتي وسيبته وسط صدمته ومشيت. 

عدي شهر وانا حابسه نفسي في اوضتي ومش بنزل الشغل ولا برد علي اتصالاته، لحد ما جت نرمين زميله لينا في الشغل وقالتلي

أيه يابنتي فينك وسيبتي الشغل ليه، وحصل ايه لمالك خلاه يدخل المستشفي؟ 

قلبي وجعني اوي وبلهفة رديت.. مستشفي!!! 

مستشفي ايه وازاي!؟ ردي بالله عليكي. 

معرفش انا عرفت من محمود صاحبنا انه في المستشفي، وانه كان في حاله نفسيه ورافض الاكل والشرب لحد ما وقع من طوله ونقلوه المستشفي من كام يوم. وسألت بأنتباه.. بس انتي ازاي متعرفيش؟ مع أنك اقرب حد لي.!!! 

تماسكت شوية ورديت كنت مسافره ولسه راجعه. 

طيب همشي انا عشان اخرت علي الشغل. وابقي اسألي. 

حاضر يا حبيبتي. سلام. 

قعدت مكاني وانا هموت من الخوف عليه بس أنا مش هقدر اديله فرصه

انا قلبي اتكسر من ساعة ما بابا اتجوز وامي كانت بتحبه ومستعده تعمل اي حاجه علشانه!! 

مش عايزة اقرر نفس الموضوع، خايف أحب، وخايفه اتخان، وخايفه اتساب بعد ما اتعلق اكتر واتعب انا في الاخر،، 

انا اها بحب مالك بس دايما كنت بقنع نفسي انه مش حب علشان مضعفش، لحد ما جدتي لاحظت شحوبي وشكلي اللي اتغير وبقي بهتان والضحكة اللي اختفت تماما والحزن اللي مالي عيوني. (هي كانت علي علم بكل شيء لاني مش بخبي عليها حاجة) 

الجده«راضية» يابنتي اسمعي لقلبك وروحي شوفيه وقوليله انك بتحبيه. 

مش قادره يا تيتا مش قادره الخوف مسيطر عليا، انا اللي غبيه اني حبيته وعلقته بياا، ياريتني ما قابلته. 

يابنتي متقوليش كده، مش كل الرجاله زي ابوكي ومش كل الرجاله خاينة للوعد

صوابعك مش زي بعضها، امك كانت هي اللي بتقدم تضحيات ومجهود طول الوقت علشان علاقتها بأيمن ابوكي تكمل. 

أنما مالك شاريكي ووقف جنبك كتير، وانتي عرفاه اكتر من نفسك وعارفة انه راجل قد المسؤليه وهيشيلك في عينه. 

بااااااك

قعدت علي الرصيف في الشارع وبتفكر هي غلطت انها سمعت كلام جدتها 

ولا ده الصح، بس هو يستاهل اني اعمل علشانه أي حاجة،. وافتكرت فكرتها المجنونه وضحكت. 

رجعت البيت وعلي وشها خيبة الأمل قعدت علي الكنبه جنب جدتها. 

راضيه: متزعليش حتي لو رفضك ف هو عمل كده من وجعه وكسرة قلبه

جربي تاني وتالت لانه يستحق. 

لا يا تيتا بس اللي حصل…. حكتلها كل اللي حصل. 

راضيه بضحك هههههههههه يابنت المجانين هههههههه رايحة تتجوزي الواد

طيب خدتي ورد ولا شيكولاته هههههه،،، زمان ابوه يا عيني فقد النطق من الصدمة. 

بصلتها بمشاكسه. تيتا انتي بتضحكي علي أحزاني!!  ده بدل ما تساعديني؟ 

بصي احنا نستني يومين ولا حاجة ونشوف هو هيعمل ايه لما يعرف. 

طيب انا هقوم انام. 

꧁꧂

~في منزل مالك

في ايه يا بابا متعصب ليه؟ 

شريف بغضب وهو رايح جاي في الصاله، أنا عايز افهم ايه اللي بيحصل،  انا عايز حد عاقل يفهمني؟ 

يعني ايه يا أستاذ يا متحرم تجيب واحده تطلب ايدك مني من غير ما تعرفني واديها معاد؟ 

مالك وهو فاتح بوقه وعينه علي الاخر(نفس الريأكشن ده) ????! 

ايه يا بابا اللي حضرتك بتقوله ده، وكمان بتقول عليك شهم وجدع ووقفت معاها كتير،، وانا أخر من يعلم! 

أهدي بس يا حج وفهمني. 

شريف قعد وبدأ يحكيله وهو بيسمع بتركيز في كل حرف، بس يا سيدي وانا طردتها بلا قلة حياء. 

شريف لنفسه معقول تكون هي!؟  وبص لشريف وقاله بابا ممكن توصفلي شكل البنت دي وكانت عاملة ازاي. 

هي كانت بشرتها بيضه وعنيها ملونه متعرفش هي زرقا ولا خضرا، ومش طويله اوي ولابسه حجاب وبنطلون واسع كده وتيشرت. 

مالك قام وقف وقال بصوت سمعه شريف…. روااان!!