رواية خطايا الماضي الفصل الثاني 2 بقلم اية عامر

رحيم عنيه احمرت وملامحه مش مبشرة أبدا… 

رحيم بغضب: اخرجوا.. 

بدر: لا.. 

رحيم بغضب: بدر خد ماما واطلع برااا.. 

بدر: ي رحيم… 

رحيم بغضب: قولت اخرجواا.. 

بدر خرج و فضل واقف علي الباب خاف ان رحيم يأذيها.. 

فاطمه: أنا قلقانه ي بدر.. هيعمل اي!! هيودي نفسه في داهية… 

في الأوضه… 

شد رحيم الكرسي وقعد جنبها.. هي بدأت تفتح عنيها بضعف وتعب.. 

وقف وفتح شبابيك الأوضه… 

غمضت عنيها بسرعة بسبب الضوء اللي كان قوي علي عنيها… 

ندي بضعف : النور.. النور مضايقني.. 

فتحت عنيها بصعوبه وهي بتبصله بإستغراب لحد م ملامحه ظهرت قدام عنيها.. وكأن سحابة الذكريات مرت قدام عنيها.. 

حطت ايديها علي بطنها بخوف وبدأت تعيط..

ندي ببكاء: ابني.. ابني..

رحيم: مات.. ابنك مات.. 

ندي ببكاء: لا..لا متقولش كده… 

رحيم سكت شوية وهي فضلت تعيط… 

رحيم ببرود: خلصتي؟؟ مين اللي عمل كده؟ 

ندي حطت ايديها علي راسها وهي بتفتكر يوم الحادثه دي…. لحد م افتكرت.. 

رحيم بغضب: اتكلميييي.. 

ندي: أك…. أكرم.. أكرم هو اللي قتل ابننا.. هو اللي قتله.. 

رحيم بغضب: الكلب اللي فضل يترجاني اني اسيبه.. اللي اتخلي عنك ي وس*خه… 

شوفتي حبيب قلبك عمل فيكي اااي!!! 

الوس*خ شغال في المافيا.. عارفه يعني ااااي.. 

ندي: انا هبلغ عنه و أقول انه هو اللي عمل كده.. 

رحيم بسخريه: تعملي اااي ي اختي.. بقولك شغال مع المافيا.. تقوليلي هبلغ عنه!! 

ندي: ايوا.. انا مش خايفه منه.. 

رحيم: تعرفي تخرسي شوية.. وتنقطينا بسكاتك.. انتي معرفتيش تحمي ابنك عشان تعرفي تاخدي حقك… 

ندي ببكاء : انت لومتني علي كل حاجه وسكت لاني غلطانه.. وكره*تني وقولت حقك.. بس انا معرفتش احمي ابني عشان كنت لوحدي..لو كنت معايا مكانش ده حصل.. 

رحيم: انا بقيت اقرف منك.. مش طايق ابص في وشك..وانتي اللي حكمتي علي نفسك تكوني لوحدك..بس مش دلوقتي.. لما اخد حق ابني الاول.. وبعدين هرميكي في الشارع تاني.. 

ندي: اتغيرت اوي ي رحيم.. اتغيرت اوي.. 

رحيم بصلها بغضب وخرج من الاوضه.. حاولت تقف بس مقدرتش… 

فضلت مكانها دافنه وشها في ايديها وهي بتعيط…لحد م جه الليل وهي لسه في الاوضة بتلعن نفسها علي غلطتها… 

رحيم دخل الاوضه مره تانيه.. دخلت الشغاله وراه وهي شايله صينيه اكل… 

رحيم: حطيها هنا.. 

الشغاله حطت الصينيه وخرجت وندي بصت ل رحيم بعيون كلها حزن وندم.. 

رحيم: اتفضلي.. اطفحي.. عشان الليله دي هتبقي اطول ليله في حياتك.. عايزة اعرف كل حاجه من أول م سمعتي اسمي لحد اللحظه دي… 

ندي ببكاء: حااضر.. هحكيلك كل حاجه.. بس.. هتصدقني؟.. 

رحيم بغضب : أقسم بربي ي ندي لو كدبتي في حرف لتدوقي عذاب عمرك م شوفتيه ولا هتشوفيه… 

ندي: هقولك كل الحقيقه…. 

…. 

(لو تفتكروا قضية نسب.. خدنا جوله مع الفلاش باك.. وكل مره كنا بنكتشف حاجه معينه لحد م الحقيقه اتكشفت في اخر بارت.. هعمل حاجة زي كده هنا) 

فلاااااش بااااااك.. 

ندي: انت أكيد اتجننت.. والله اتجننت.. 

أكرم: فين الجنان ي ندي.. ايه شغل زي اي شغل.. 

ندي: ايوا بس ده راجل غني ومعروف ومش حكاية هنروح نقلبه في قرشين.. انت اتجننت عايزني اتجوز واحد غيرك.. 

أكرم: ي حبيبتي ده هيبقي جواز ع الورق لحد م نعرف نوصل لملكية الشركات بتاعته.. 

ندي: بس انت كده هتخرب بيته.. دول مش قرشين وخلاص.. دي شركاته وتعبه وحياته كلها مبنيه عليها.. 

أكرم: فوقي ي مريم احنا نصابين.. مش بنبيع سبح.. فاهمه يعني اي!! 

ندي: و ده عرفته منين ده.. واما تسرقه هتعمل اي بالشركات دي!!!!! 

أكرم بضحك: انتي مفكرانا هناخدها ولا اي.. ي حبيبتي ده عمه هو اللي موكلني اني أعمل الشغل ده.. احنا ي دوب هناخد عمولتنا وخلاص علي كده… 

ندي: بقولك اي ي أكرم.. م تيجي نسيبنا من كل ده ونشوف اي شغلانه محترمه.. اهو نبقي مرتاحين مش حاملين هم يتقبض علينا في اي وقت… 

أكرم: يبقي تنسي الجواز والاستقرار وكل ده.. 

ندي: اااي!!! 

أكرم: زي م بقولك.. انا مش هتجوز وانا اصلا بأكل نفسي بالعافيه.. مش هتجوز في البيت ده.. ولا في الحارة دي.. 

انا عايز ابقي فووق.. ب أي شكل و بأي طريقه.. انا تعبت من الفقر.. انتي اي متعبتيش!!! 

ندي: تعبت.. بس بردو تعبت من الجري ده.. تعبت ي أكرم من كل حاجه.. وعايزة ارتااح… 

أكرم بهدوء: هناخد مبلغ كويس من العملية دي.. وهخلي الراجل ده يشوفلنا احنا الاتنين شغلانه محترمه في شركته متقلقيش.. وهنعيش مرتاحين.. خلاص اخر حاجه.. خلاص اخر خطوة.. 

ندي بتعب: يبقي اوعدني انها اخر عملية لينا.. 

أكرم: أوعدك… اقول التفاصيل بقي!! 

ندي: قول… 

أكرم: مهمتك سهله.. رحيم السيوفي شخص مسالم جدا.. مش مغرور ولا شايف نفسه ولا ليه في المشي ورا الستات.. كل اللي عايزة بنت محترمه وتكون متدينه و لطيفه..وانتي هتبقي المحترمه واللطيفه والمتدينه.. 

ندي: بمعني!! 

أكرم: بمعني هنروح نشتريلك كام طقم محترمين كده وطبعا هتلبسي حجاب وتبقي لطيفه معاه… 

ندي: وانا هشوفه فين!!! 

أكرم: هتروحي تقدمي علي شغل في شركته.. عايز مساعدة للسكرتيرة بتاعته لأن شغلها كتير.. ف انت بكده هتكوني قريبه منه.. 

ندي: مااشي أكرم.. هنبدأ من أمتي! 

أكرم: من بكرة.. هتروحي تاخدي ورقك كله من الميتم وشهاداتك وكل حاجه انتي سيباها هناك.. فاهمه.. 

ندي: ماشي هروح النهارده كده كده عشان اشوف ريم.. 

أكرم: يادي ريم.. 

ندي: ااي مش عايزني اشوف اختي!!! 

أكرم: ي ندي احنا ايتام.. اختك اااي!! 

ندي: لقيونا مع بعض واحنا شبه بعض.. احنا اخوات وانا متأكده.. 

أكرم: انتي حره خليكي في الوهم ده كتير.. 

ندي: هات فلوس عشان اشتري الهدوم!! 

أكرم: امسكي.. هاتي حاجه محترمه.. 

ندي: حاضر.. 

بااااااااااك… 

رحيم بصدمه: عمي!!!! عمي هو اللي عمل كده.. 

ندي ببكاء: أيوا.. هو اللي عمل كده!! 

رحيم وقف بغضب و كسر كوباية العصير اللي جمبهااا… 

ندي حطت ايديها علي ودانها بخضه وبخوف من غضبه… 

رحيم بغضب: كملي.. 

ندي: كفاااية.. 

رحيم: كملي ي ز*فته انتي اخلصي.. 

ندي: كفاية ي رحيم مش قادرة تاااني.. مش قادرة… 

رحيم بصلها بغضب وخرج من الأوضه وقفل الباب وراااه بغصب كبير… 

رجع أوضته ومسك تليفونه… واتصل ب بدر.. 

رحيم بغضب: كل الصفقات اللي مخدتهاش عشان خاطر شركات شريف السيوفي تاخدها كلها تبقي عندي بكره في المكتب وتبدأوا تجهزوا العقود… 

بدر  :  بس ده كده الشركه بتاعتهم هتقع دول معتدمين علي الصفقات دي.. 

رحيم بغضب: اللي بقووووولك عليه اعمله ي بدر.. 

بدر بغضب: هو في ااااااي ي رحيم.. مش هعمل حاجه غير لما افهم… 

رحيم: يوووووه هو انا ناقصك انت كماااان ي بدر.. جايلك وهفهمك.. 

بدر بهدوء: خلاص مستنيك.. 

…….. 

اكتر من مميز.. بيت جماله في حدود الخيال والأساطير… 

بمساااحه واسعه في الجنينه و واقف بلبس كره السله.. رياضته المفضله وبيسجل أكتر من نقطه ورا بعض بكل رشااقه… 

بدر التميمي…أرمل..و والدته متوفيه و والده بيعمل جولات حول العالم بفلوسه اللي جمعها في حياته… 

أما بدر ف عايش في بيته لوحده… 

رحيم وصل بعربيته وبدر لاحظه… ف وقف مستنيه… 

بدر: نقعد هنا ولا ندخل جوااا… 

رحيم: لا انا مخنوق خلينا هنا أحسن… 

مشيوا لحد مقاعد موجوده في الجنينه متزينه بشكل جميل وراقي… 

بدر: هااا.. اي اللي حصل بقي.. 

رحيم: طلع عمي اللي راميها عليا.. هي اللي قالتلي كده.. 

بدر: ي نهااار سواد.. طب اي انت مصدقها.. 

رحيم: معتقدش انها هتكدب تاني.. 

بدر: يعني اي… طب بص ي رحيم اهدي وخلينا نشوف عمك عمل كده ليه… 

رحيم: عمل كده لي!!!  انا لسه هدورله علي عذر.. ده كان عايز يسرق شركتي.. ودمرلي حياتي وابني مااات.. هستني اسمع منه… 

بدر: لو انت وقعت شركته.. مش هو لوحده اللي هيقع.. ولاد عمك ذنبهم اي!! سليم وخالد دول مش صحابك وقريبين منك.. وانا متأكد انهم نيتهم سليمه من ناحيتك.. 

رحيم: طب اعمل ااااي دلوقتي!!! 

بدر: مش عارف بس اهدي كده… بقولك اي بات هنا النهاردة متروحش… 

رحيم: لا مروحش اااي ده انا عاملها مفاجأه هتعجبها اااوي.. وزي م شافت معايا اجمل ايام حياتها.. هتشوف سوااااد.. 

بدر: خف عليها ي بدر هي غلطت بس ندمت… 

رحيم بسخرية : اااه هخف عليها متقلقش..اااه.. بقولك عايزك تبقي توصل ريم الكلية وتجيبها الاسبوع ده بس عشان السواق مسافر بلده عشان والده اتوفي… وفي وضع ميسمحش اجيب حد جديد.. 

بدر: ريم مين… اخت ندي؟ 

رحيم: اااه… ومتبصليش كده مهو انا مش لاقي غيرك وشاكك ان الواد الزفت اللي اسمه اكرم ده بيلف حواليها… 

بدر: هشتغل بقي سواق ليها يعني!! 

رحيم: ي عم انجز هتوصلها ولا لا؟ 

بدر: ماااشي عنوانها اااي!! 

رحيم: في شقتي اللي ع النيل لو فاكرها.. 

بدر: ااه عارفها.. طب اديني رقمها… 

رحيم: تمام.. لحظه كده… ااه.. اكتب… 010******

بدر: تمام.. كله عشان أكل الست الوالده بس.. 

رحيم: ي شيخ.. 

بدر: اه والله اومال انتي مفكرني مستحمل الانفصام اللي عندك ده عشان سواد عنيك يعني.. 

رحيم: ماشي ي لطيف.. سلااام… 

رحيم مشي وبدر مسك التليفون واتصل ب رقم ريم بس مردتش… 

ريم شافت رقم غريب بيتصل بس مرديتش عليه.. 

فجاءه جالها رساله علي الواتس.. من نفس الرقم.. 

بدر: انسة ريم.. انا بدر صاحب رحيم.. وهو قالي اوصلك لكليتك ف قوليلي اعدي عليكي امتي… 

ريم مسكت تليفونها… وهي ايديها بترتعش… ومش عارفه ترد.. وبعدين كتبت.. 

ريم: بس هو قال هيبعت سواق!! 

بدر بعدم اهتمام: خلاص اعتبريني انا السواق.. 

ريم: تمام.. 

بدر: تمام اي هتعتبريني السواق!! 

ريم: مش انت اللي قولت كده.. 

بدر: ده اي اللطافة والظرافه دي!! 

ريم: افندم!! 

بدر: اااعدي عليكي اااامتي.. 

ريم: الساعه 7 ونص.. 

بدر: طيب.. 

….. 

رحيم وصل قدااام البيت ودخل بس مكانش لوحده… 

طلع لأوضه ندي لقااها لسه زي م هي وشاردة وعنيها مليااانه دموع… 

رحيم: هتخلصيني وتكملي ولا لا… 

ندي بدموع: اللي انت عايزة.. 

رحيم: تمااام.. 

فلاااااااش باااك… 

تاني يوم.. 

أكرم: انا قولت لبس واسع بس مش للدرجادي.. 

ندي: انا هعرف منين يعني.. انا قولتلها عايز لبس لبنت متدينه قالتلي خدي ده.. اسمه ادناء تقريبا… 

أكرم: و ده خمار صح؟

ندي: أيوا.. 

أكرم: جيبتي حاجتك من الميتم؟ 

ندي: ايوا.. كل حاجه جااهزة.. المقابلة أمتي.. 

أكرم: بعد سااعه ونص من دلوقتي.. ادخلي البسي عشان تروحي بدري.. ولازم تلفتي نظره عشان يقبلك… 

ندي: طيب… 

بعد نص سااعه كانوا واقفين قدااام الشركه.. ورا العربيات اللي قدام الشركه… 

نزل رحيم من عربيته وأكرم شاورلها عليه.. 

أكرم: هو ده.. روحي وراااه واركبي معاه في الاسانسير واتصرفي ب إحترام ولطاافه.. 

ندي: طيب.. 

رحيم كان داخل الشركه مستعجل و كان واقف مستني الأسانسير لحد م يوصل.. وبعدين دخل ولقي بنت لابسه إدناءة واسعه وخمار وماسكه شنطتها في ايدها وبتجري بالكوتش الأبيض.. 

حط رجليه عشان يوقف الأسانسير لحد م دخلت.. 

ندي بإبتسامه: شكرا..

ابتسم ليها ومردش.. وبعدين لقاها ب تتمتم بكلمات مش مفهومه ف استغرب.. 

رحيم: هو حضرتك بتكلميني.. 

ندي: لا لا.. انا بس متوترة عشان عندي مقابلة..

كملت بتمثيل 

.. مينفعش اتكلم معاك لو سمحت متتكلمش معايا… 

وصل الاسانسير وندي خرجت بسرعه وبعدين هو بص لها ب إبتسامه.. 

باااااك… 

رحيم بسخرية: فعلا افتكرتك محترمه.. 

اتأخرت ليه ي بيبي.. 

رحيم وندي بصوا علي الباب للي كانت واقفه ب شعرها القصير.. و فستااان بعد الركبه بحاجه بسيطه… 

ندي بصدمه وبشك خايفه تتأكد منه: مين دي!! 

رحيم بإبتسامه مزيفه: دي سلمي مراااتي..