رواية اغتصبني واعطيته قلبي الفصل السابع عشر 17 بقلم اميرة محمود

عدي ٨ شهور وحسام ميعرفش حاجه عن حور وكذلك مراد ميعرفش حاجه عن نور

مراد ، حسام أنا عايز اخطب جنا اختك

حسام ، طب وبالنسبه لنور

مراد ، نور مأصلهاش حبتني أنا خلاص نسيتها

حسام ، يعني لو نور ظهرت مش هتسيب اختي عشانها

مراد ، نور لو اخر بنت في الدنيا مش عايزها

حسام ، خلاص كلم ابوك يفاتح ابويا ونتوكل علي الله

مراد ، انا كنت خايف لتعترض 

حسام ، لا مش هعترض اصلا نور وحور خلاص مش هيرجعوا حور شكلها نست كل حاجه بينا

مراد ، احنا جرحناهم وهما مصدقوا طلعلهم جناح وطاروا استحاله يرجعوا العش اللي شافوا تعب الدنيا فيه

حسام ، حور زمنها ولدت كان نفسي اعرف بنت واللا ولد كان نفسي ابني يتولد في حضني بس هي حرمتني من الشعور ده ربنا يسامحها

مراد ، حاول تعيش حياتك يا حسام دور وهتلاقي بنت ألحلال اللي تستهلك 

حسام ، مش هتجوز يا مراد أنا مش عايز غير حور ولو هستناها ترجع ولو بعد خمسين سنه 

مراد ، هي اكيد لسه في مصر واكيد هنوصلها لأنها مينفعش تسافر من غير موافقتك وغير كده احنا مش سألنا في المطار وقالو مفيش حد سافر بالاسم ده

حسام ، هلاقيها يا مراد يعني هلاقيها

مراد ، أن شاء الله يا حبيبي هتلاقيها أنا رايح بقا شغلي عشان القسم بيشغي رقاصات

حسام ، ماشي يا بتاع الرقاصات

مراد بصله بحزن وسابه ومشي

حسام ، أنا عارف ومتأكد انك لسه بتحبها يا مراد زى مانا لسه بحب حور رغم اللي حصلي منها

////////////

حور ، نور أنا خايفه اوي اول مره ادخل اوضه عمليات

نور ، متخافيش يا حبيبتي ربنا معاكي ادخلي وسمي الله واقراأي قرآن عشان تهدي

حور ، ماشي لا اله الا الله

نور ، محمد رسول الله

بعد نص ساعه الممرضه خرجت بالبيبي

نور أخدته منها ، ماشاء الله قمر ربنا يحميه يارب هي لسه قدامها كتير

الممرضه ، لا خلاص اهو الدكتور بيقفل الجرح وخارجه اهي حالا

////////////

الكل مجتمع علي السفره بيتغدوا في بيت حسام

حسام ، بابا مراد عايز يخطب جنا هو قالي أنه هيكلم أبوه بس اما يشوف حضرتك موافق واللا لا

ايمان ، اكيد مش هنلاقي لجنا احسن من مراد

احمد ، انتي شايفه ايه يا جنا

جنا بلقلقه ، يا بابي بس انا مش عايزه اتخطب دي الوقت

احمد ، وليه مش عايزه تتخطبي دي الوقت

جنا ، يابابي أنااا

ايمان ، انتي ايه الخطوبه دي بتبقي انتوا الاتنين بتتعرفوا علي بعض لو مرتحتيش متكمليش

احمد ،. بلغوا أن احنا موافقين يا حسام

جنا ، يابابي أنا مش عايزه اتخطب دي الوقت 

احمد ، ليه انتي عندك ٢٤سنه يعني مش صغيره يعني

جنا ،. بس هو اصل

ايمان ، لا أصل ولا فصل بلغوا أن احنا موافقين يا حسام

حسام ، تمام هكلمه 

////////////////

نور ، البيبي قمر خالص يا حور ربنا يباركلك فيه

حور ، يباركلنا مهو بدل مايكون ليه ام واب بقا ليه ام اسمها حور وام اسمها نور

نور ، طبعا يا حبيبتي بقولك أنا عايزه اسميه أنا بعد اذنك

حور ، هتسميه ايه 

نور ، مراد

حور ، انتي لسه بتحبيه يا نور

نور ، مش عارفه بس محتاجه احس انه موجود معايا نفسي انده اسمه ويبقا دايما علي لساني 

حور ، ارجعيله يا نور

نور ، مينفعش خلاص يا حور 

حور ، ارجعيله يا نور كفايه لحد كده انتي فكرك اني مبسمعكش وانتي في اوضتك وانتي عماله تعيطي 

نور ، يعني كنتي بتجسسي عليه 

حور ، اه طبعا مش اختي علي فكره انا كنت بتعذب زيك بالضبط وكل مابسمعك كنت بفتكر حسام واقعد اعيط 

نور ، مبتفكريش ترجعيله كفايه كده

حور ، في حاجات بتدخل جوه كلمت استحاله فحسام ده استحاله ارجعله ارجعي انتي لمراد وسيبيني وانا هكلمك عالطول اطمن عليكي 

نور ، مش خايفه اقول لحسام مكانك

حور ، أنا لو معنديش ثقه في حد خالص فانتي الحاجه الوحيده اللي بثق فيها لانك أنا وانا عندي ثقه في نفسي يا نور 

نور ، خلاص هقعد معاكي لحد ماتبقي كويسه وهرجع لمراد بس شرطي أن أهله هما اللي يجو يطلبو أيدي مش هرخس نفسي ليه

حور ، خلاص ماشي يا نور وانا والله هكون معاكي بقلبي يا روحي

نور ، ربنا يخليكي ليا يارب

//////////

بعد اسبوع 

مراد ، الو 

البواب ، ايوه يا باشا الانسه نور وصلت فوق في شقتها

مراد ، متأكد

البواب ، ايوه يا باشا

مراد ، لوحدها واللا معاها حد

البواب ، اه لوحدها وجيبه شنطه هدومها معاها

مراد ، تمام أنا جاي حالا لو اجت تمشي امنعها 

البواب ، ماشي يا باشا وراح قافل السكه

مراد اتصل بحسام 

حسام ، عايز ايه عالصبح

مراد ، نور رجعت الشقه اللي انت جبتهالهم 

حسام ، حور معاها

مراد ، لا لوحدها أنا هروح علي هناك اجهز ياللا عشان نروح لها حالا

حسام ، طب أنا نازل اهو بسرعه ياللا وقفل السكه

مراد وصل قدام البيت لقا حسام واقف يستناه عشان يطلعو سوا

فوق عند نور الباب بيخبط

نور ، اكيد البواب جبلي الحاجه اللي عايزاها وراحت تفتح

نور ، مررااد

حسام ، ازيك يا نور ايه هتسبينا عالباب كده 

نور ، اتفضلوا ادخلوا

حسام دخل هو ومراد ونور قفلت الباب ودخله وراهم

حسام ، حور فين يا نور

نور ، لو كنت جاي عشان حور فانساها يا حسام لأن حور استكفت من العذاب في حياتها

حسام ،. بس انا هعوضها والله عن اللي عملته فيها واهلي نفسهم عايزنها معدش حد هيضايقها 

نور ، لا حور ربنا عوضها ببيبي زي القمر معدتش محتاجه حاجه من الدنيا غيره

حسام ، بس ربنا مأمرش بالظلم انتي كده بتساعديها في ظلمي

نور ،حسام بيه شرفت بعد اذنك ممكن تمشوا عشان عايزه انام جايه من سفر وتعبانه

مراد واقف مربع أيده وبيبصلها باحتكار

نور ، مراد بيه ممكن حض

وفجأة مراد فك أيده وراح ضربها بالقلم وراح شددها من شعرها

مراد ، عارفه لو مقولتيش مكانها فين أنا هدفنك مكانك

نور ، اااه سيبني يا ح*يوان يا زبا*له

حسام ، بس يا مراد مينفعش كده

مراد ، ملكش دعوه أنا عارف هتعامل ازاي مع الأشكال دي

حسام حاش مراد بعيد عن نور 

حسام ، أنا قولت مينفعش كده لو قربتلها تاني صدقني هتزعل مني اوى يا مراد

مراد بزعييق ، انت بتدافع عن مين يا حسام عن مين مش دي اخت اللي اخدت فلوسك وابنك ومشت مش دي اختها الي كانت بتساعدها 

نور بصوت عالي ، طب وبالنسبه للي عملتوه في اختي وبالنسبه للفضيحه اللي اتفضحتها بسببكم والفيديو اللي كان ممكن مينتشرش لو كان أتنازل عن الصفقه ومتنازلش عشان ميخسرش فلوسه وبالنسبه للولد اللي هي اتلطمت بيه وهو اصلا نتيجه غلطتك انت يا حسام بيه

حسام ، والله أنا هصلح كل حاجه قوليلي مكانها أنا والله بتعذب بجد من غيرها

نور ، ايوه يا حسام اتعذب يا حسام اتعذب كمان وكمان جايز تحس بالنار اللي حرقت قلب اختي بيها

مراد ، عارفه لو مقولتيش مكان اختك فين وقسما بالله لهرميكي في الحجز لحد ما جتتك تعفن

نور ، متقدرش يا مراد بيه متقدرش انت نسيت اني في حقوق وعارفه كويس في القانون

مراد ، القانون ده اللي هحبسك بيه 

حسام ، مرااااد لو سمحت ياللا نمشي ياللاااا

مراد ،ماشي يا نور مصيري هرجعلك

حسام ، قبل مامشي ممكن اعرف اسم ابني ايه سميتوه ايه مش عايز حاجه تانيه

نور بدموع ، للاسف سميته مراد

مراد أتلفت لها وبصلها بصدمه

نور سابتهم ودخلت وقفلت باب الاوضه دخلت تعيط

حسام ، ياللا يا مراد

مراد كان لسه واقف وباصص علي باب غرفتها

حسام ، مرااااد

مراد بصله وراح خارج نازل جرى 

تحت في الشارع 

حسام ، مكنش ينفع اللي انت عملته ده

مراد لارد

حسام ، أنا بكلمك يا بني 

مراد ، أنا ماشي 

حسام ، رايح فين انت نسيت شبكتك انهارده

مراد ، اممم أنا رايح اجهز سلام وراح راكب عربيته وماشي

//////////////

بليل في الخطوبه كانت في قاعه صغيره عالبحر

مراد قبل ما يروح الخطوبه راح لنور

نور ، مين 

مراد ، افتحي 

نور ، لا مش هفتح يا مراد وامشي من هنا بقا

مراد ، انتي رجعتي ليه

نور ، مردتش عليه

مراد ، عشان خاطرى افتحي 

نور فتحت الباب لقت مراد واقف لابس بدله وفي أيده بوكيه ورد

نور ، عايز اي

مراد ، مفيش كنت عايز اوريكي شكلي وانا عريس حبيت اجي اكسر قلبك زى ماكسرتي قلبي شايفه البوكيه ده كنت جبتلك زيه زمان وخلتيني أدوس عليه برجلي أنا جاي اوريهولك أنا جايبه بس لوحده تانيه 

نور بدموع ، هونت عليك

مراد ، زي ماهونت عليكي في واحده تانيه بقت في حياتي انتي خلاص معدش ليكي مكان في قلبي وان كنتي راجعه عشاني فأنا خلاص معدتش عايزك خلاص

نور بدموع ، بس انت كده بتكسر قلبك قبل ماتكسر قلبي

مراد ، بتهيألك أنا حبيتها ونسيتك خلاص

نور مسكت أيده ، مراااد أنا نور فوق يا مراد أنا حبيبتك

مراد زقها بعيد عنه لحد ما وقعت علي الارض

مراد ، كنتي حبيبتي وراح سيبها وماشي

نور انهارت وفضلت قاعده عالارض تعيط جامد

نور لنفسها ، ليه يا مراد معقوله اهون عليك ده انا كنت بموت في بعدي عنك معقوله أنا رخيصه اوى كده عندك أنا مش هضعف وابعد أنا هقوم وهستقوا بنفسي خلاص يا مراد

مراد نزل من عندها وهو حاسس أنه اخد حقه منها وراح شبكته وحاول يبين نفسه مبسوط وهو بيضحك علي نفسه

///////////////

تاني يوم الصبح نور نزلت جابت الجرنال وقعدت علي كافيه تقرأ الجرنال بتدور علي وظيفه تساعد نفسها بيها عشان متتكلش تاخد فلوس من اختها وتكمل دراستها بفلوسها بتقلب في الجرنال لقت صوره مراد وخطيبته ومكتوب خطوبه مراد القدرى ابن وزير الداخليه من ابنه عمه جنا القدرى بنت رجل الأعمال الكبير احمد القدرى

نور فضلت تبص علي الصوره وقعدت تعيط وراحه مقطعه الجرنال واتصلت بحور اختها

نور ، ايوه يا حور عامله ايه

حور ، الحمد لله انتي عامله ايه يا حبيبتي

نور ، الحمد لله اخبارك واخبار ابنك اي

حور ، الحمد لله مال صوتك يا نور

نور ، مراد خطب اخت حسام يا حور

حور بصدمه ، انتي بتكلمي بجد

نور ، ايوه يا حور 

حور ، طب ارجعي نعيش مع بعض و ابعدي عن العالم دي كلها احنا دخلنا عالم مش بتاعنا

نور ، لا يا حور أنا لو مشيت المره دي يبقي ببين اني ضعفت أنا هبعد وانساه وهشتغل وأكمل دراستي لازم اتحدي الظروف وابقي قد التحدي 

حور ، خلاص يا حبيبتي اعملي اللي يريحك ووقت ماتعوزي حاجه أنا مش هتأخر عليكي وانتي عارفه كويس أن الفلوس اللي معايا ليكي فيها زى ماليه يعني اللي تعوزيه تحت امرك

نور ، تسلميلي يارب أنا هقفل بقا عشان اروح الجامعه اشوف هيعملوا معايا اي في الأيام اللي مروحتهاش عشان عايزه ارجع زى الاول وأكمل طموحي 

حور ، ماشي يا حبيبتي ربنا يعينك سلام

نور ، سلام يا حبيبتي

نور خطرت علي بالها فكره وهي قاعده