Uncategorized
رواية أمر واقع الفصل الثالث 3 بقلم أمنية حاتم
رواية أمر واقع الفصل الثالث 3 بقلم أمنية حاتم
 |
| رواية أمر واقع الفصل الثالث 3 بقلم أمنية حاتم |
رواية أمر واقع الفصل الثالث 3 بقلم أمنية حاتم
نورهان: ياماااااااامااااااا اجري بسرعه
بصيت ورايا لقيت اخر حاجه كنت متوقعها…… كده احنا في خطر بجد
فضلنا نجري بين الشجر ونستخبي
نورهان: اقف هنا احنا كده بعدنا عنهم شويه
مسكت طرحه كانت علي رقبتها وقطعتها نصين
نورهان: حط الطرحه دي زي كمامه بسرعه
عبدالرحمن: ليه؟؟؟
ك تنكر يعني؟
نورهان: لأ… علشان هنرش عليهم ده
ملحقتش افهم منها علشان لقيتهم قربو علينا
نورهان: بص اربط الطرحه كويس ورش عليهم من الازازه دي علشان نعرف نهرب منهم
بدءنا نرش عليهم لقيتهم بيكحو وماسكين أنفهم وبطلو جري
نورهان: يلا نهرب بسرعه قبل ما المفعول يروح
فضلنا نجري لحد ما وصلنا عند مكان واسع وحواليه اربع اشجار كبار جدا … واستريحنا من الجري
__قوليلي بقا إيه اللي رشنا عليهم ده؟؟
نورهان: ده غاز الكلور والأمونيا بيدوبو مع بعض وبيعملو تهيج في الانف والفم والحلق
__ يابنت اللاعيبه… هو انتي بتمشي بيهم؟؟
نورهان: ااه عادي بحمي نفسي
وخليتهم في جيبي لأني مسافره لوحدي
__ طب ما انتي دماغك حلوه اهي أومال بتخافي اوي ليه كده
نورهان: بص الخوف ده طبع فيا زي فوبيا كده
وبعد موت بابا خليت القوه صفه فيا علشان احمي نفسي… الطبع مبيتغيرش لكن الصفه نقدر نغيرها ونكتسبها
__ الله عليكي يانور لما بتقولي حكم كده
نورهان بغرور: أومال فاكر إنك لوحدك إللي بتفكر ولا إيه!!!؟
__ طب اثبتي بقا علي وضعك ده لما توجعي هاااا
نورهان: متقفش كده انا بهزر معاك
عبدالرحمن برخامه: ماشي
نورهان: طب إيه بقا… انا مكلتش حاجه من الصبح
__ بعد اللي عملتيه معاهم ده هاجبلك احلي فاكهه
قعدنا وولعنا نار واستريحنا
نورهان: رغم اننا في خطر وممكن نموت في أي وقت لكن الجو حلو اوووي
__ لييه سيره الموت طيب!!!!
نورهان: ده خوف طبيعي علي فكره
انا قاعده في جزيزه في صاله بيتنا
__ فاهمك والله.. متخافيش انا معاكي وربنا هيحفظنا
لسه هكمل كلامي سمعنا حد بيتكلم انجليزي وبيقرب علينا
عبدالرحمن: استخبي بسرعه دول بيدور علينا
نورهان: لا متقلقش انا هرش عليهم مكون تحفه بقا
عبدالرحمن بفرحه: ايوه بقا يا بتاعت المكونات الخطيره
نورهان: بص هبهرك… لما حد يجو سيبهم يمسكوك وانا هرش عليهم
عبدالرحمن: اتفقنا
شوفت اتنين بعضلات وطول بعرض كده شافوني وجاين عليا
عبدالرحمن: ابقي رشي كتير من المكون ده علشان الواحد منهم بغل كده
نورهان بثقه: ولا يهمك هيقعو قدامك علي الارض
واحد منهم مسكني من دراعي جامد وقال
انتم اجانب ودخلتو ارضنا منغير إستاذان وهتتعاقبو
عبدالرحمن بثقه: ااه دخلنا ومفيش حد نستأذن منه هيحصل إيه بقا؟؟؟
بصيت ل نور علشان ترش المكون بتاعها قبل الراجل ما يتعصب عليا
# هتشوف هنعمل ايه
وخبط راسه في راسي ودخت اوي
عبدالرحمن: يخربيتك يانور رشي عليه قبل ما يموتني
نور بخوف: رشيت عليه ومفيش نتيجه
تقريبا المكون ده فشل
عبدالرحمن: فشل!!!!
انتي أول مره تجربيه يا بلوه؟؟
لقيت الراجل بيدور علي مصدر صوت نور ورجع شدني من دراعي وادني بوكس في عيني
عبدالرحمن: اضرب ياباشا اضرب انا استاهل علشان وثقت فيها وهي كانت لسه بتجربه الهبله
وقعت علي الارض وكان هيقرب عليا تاني رميت في وشه تراب وجبت حجر تقيل ضربته في دماغه
نورهان: حاسب في واحد تاني جاي
عبدالرحمن: اسكتي يا بلوه اسكتي
الراجل قرب عليا وعينه كلها شر وفجاءه وقع علي الارض لوحده
نورهان بفرحه: نجح نجح
إيه رأيك فيا
عبدالرحمن: لو مكنش نجح كنا هنموت ياحلوه… انتي جايه تجربيه دلوقتي!!!
نورهان: معلش كنت ناسيه ازود شويه اكسچين فيه علشان كده معملش مفعوله القوي مع الراجل الأول
عبدالرحمن: وده بيعمل إيه بقا
نورهان: هيغم عليهم لمده 4 او 6 ساعات كده
عبدالرحمن: يابنت القرده حلو المكون ده
نورهان: حسن كلامك بدل ما ارش عليك هاا
عبدالرحمن: لأ مينفعش تهدديني اصلا
مين هيحميكي من الحيوانات ويجبلك الأكل؟؟؟
نورهان: خلاص تعال دلوقتي نشوف مكان ننام فيه ونشوف هنعمل إيه الصبح
واحنا ماشين ليقنا خيمه تحت شجره
عبدالرحمن: حضري المكون ده وانا هشوف في حد جوا ولا لأ
رميت خشب وعملت صوت قريب من الخيمه محدش ظهر
فدخلنا براحه جوا الخيمه
نورهان: ولع نار برا علشان مفيش حاجه تقرب علينا وانا هنام شويه
عبدالرحمن: طيب نامي انتي وانا هفضل صاحي علشان تكوني مطمنه
نورهان بإبتسامة: شكراً
وجوده محسسني بالأمان رغم اني وسط جزيره…..
الشمس بدأت تتطلع ونور لسه نايمه دخلت الخيمه لقيت الإزازه اللي بترش بيها جنبها
ف اخدتها ومشيت
نورهان: انا صحيت ادخل انت نام شويه
انت فين؟؟؟؟
استغربت لما ملقتهوش موجود..بس قولت يمكن راح يجيب أكل او أي حاجة وجاي تاني
فات ساعتين وهو لسه مجاش!!
قلقت وقلبي حس بالخوف وإني لوحدي
بدات كلم نفسها علشان متقلقش: عادي انا مش هخاف وهحمي نفسي بالمواد الكميائيه اللي معايا و اكيد في مخرج
دخلت اشوف اكل جوا واشوف المواد بتاعتي
نورهان: ياااواااطي
يا حظك النحس يا نورهان
المواد بتاعتي مش موجوده
يعني إيه؟؟ خان ثقتي فيه!! سابني لوحدي وراح يشوف حل لنفسه!!
زهق من خوفي وقلقي!!!! طب انا هعمل إيه
عبدالرحمن: اندبي.. اندبي كمان يا بلوتي
نورهان بخضه: إيه ده انت مامشيتش ؟؟
عبدالرحمن: ليه هو انا ندل ولا واطي علشان اسيبك وامشي؟؟
نورهان: ده انت شهم وجدع
عبدالرحمن: سبحااااااااانه
ما انتي كنتي بتقولي اني خنت ثقتك!!!!
نورهان: لا ميهمكش الكلام ده
انا كنت خايفه شويه بس
قولي بقا انت كنت فين؟؟؟
عبدالرحمن: روحت الخيمه اللي كنا فيها امبارح وجبت شويه حاجات هتنفعنا
نورهان: حاجات إيه؟؟
عبدالرحمن: خليها مفاجاه
المهم اني جبتلك الهدوم دي والمفارش دي
ومعلش انا اخدت المواد بتاعتك علشان لو حد هجم عليا
نورهان: مفيش مشكله
وريني الهدوم دي كده
عبدالرحمن: ادخلي بقا غيري الهدوم اللي اشتكت منك دي وانا هولع النار
دخلت ولبست الهدوم وكانت اولوانهم مبهجه اوي وكذا لون في بعض
شبه هدوم الهندين شويه وغيرت تسريحه شعري
نورهان: حلوين اوي صح؟؟؟
عبدالرحمن بإستغراب: طب اللبس شكله هندي وده مش مهم… إيه إللي انتي عامله في شعرك ده!!!
نورهان: عملت ضفيرتين علشان شعري ميتبهدلش
عبدالرحمن بضحك: ايوه جدعه
بقيت حاسس اني قاعد مع بنت اختي
نورهان بثقه: بس شكلهم حلو
عبدالرحمن: ده بقا غرور ولا تكبر
نورهان: ده ثقه بالنفس يا استاذ
قولي بقا انت جبت ايه من الخيمه ومش عاوز تقولي عليه
عبدالرحمن: خليها مفاجأة ل بكرا
نورهان: تمام
انا هدخل استريح شويه بقا
عبدالرحمن: ماشي… وانا هروح اجبلك أكل واجي
نورهان: ايووه ده اهم حاجه
عبدالرحمن: المشكله بقا ان مش باين عليكي
اللي يشوفك يقول انك متاكليش
وفيه ناس بتاكل قليل وتتخن
نورهان: انت هتقر عليا ولا إيه
دي نعمه من ربنا
عبدالرحمن: لا يا ستي مش هقر عليكي
نورهان: خلي بالك علشان ممكن اصحاب الخيمه يجو فجاءه
عبدالرحمن: ادخلي نامي يانور علشان كلامك بيجيب مشاكل
دخلت نمت وفجأه حسيت أن نفسي بيقل ومش قادره اتحرك
جسمي كله مربوط وبتخنق ومش قادره اصوت وشوفت……………