Uncategorized
رواية أنا والمبدأ الفصل الرابع 4 والأخير بقلم إيمان الخيال
رواية أنا والمبدأ الفصل الرابع 4 بقلم إيمان الخيال
 |
| رواية أنا والمبدأ الفصل الرابع 4 بقلم إيمان الخيال |
رواية أنا والمبدأ الفصل الرابع 4 والأخير بقلم إيمان الخيال
احمد : مش ناوية تغيري رأيك وتقبلي المساعدة مني
تقي: لأ ولو سمحت وفر مساعدتك لحد محتاجها
رودي: اكيد هي ماتقصدش تبقي وقحة معاك ي بشمهندس بس هي كده تقي بترمي دبش
احمد : طيب ي تقي …اكيد هنتقابل
احمد الاسيوطي مشي وطبعا رودي ومني كانوا عايزين يقت#لوني ما هو بردوا الولد حلو وغني و الاول علي دفعته اومال انا مالي اول ما بيفتح كلام معايا بحس اني عايزة امسك ف زمارة رقبته …المهم ان الايام عدت ف الجامعة ومر حوالي شهرين واحمد مش ظاهر …ماهو انا بردوا ماكنش يصح اقفش عليه اوي كدا بس ده مبدأ وانا ماشية عليه يلا ملناش نصيب
ف الجامعة ⬇
مني : مالك ي تقي سرحانه ف ايه
تقي : هو اللي اسمه احمد ده مش ظاهر ليه بقاله فترة
مني : انتي مش طفشتيه ليه بتسألي دلوقتي بقي ي فقر
تقي : خلاص انا غلطانه اني بفضفض معاكي …عامله ايه مع المعيد اللي مش معبرك ده
مني : لسه مش معبرني والله ….بس انا هفضل متمسكة بالأمل للاخر
رودي بسعادة : ي بنات ليكوا عندي خبر يجنن
مني : قولي والنبي احنا محتاجين نسمع حاجة تفرح
رودي : المعيد اللي كان بيدينا سكشن الرسم فرحه بعد يومين وخد اجازة اسبوع
مني : قلبي هيقف …قصدك المعيد اللي بيدينا هو بذات نفسه
رودي : اوووه معلش ي مني نصيب بقي وبعدين ما الدفعات الكبيرة قدامك اهو ..ليفل المعيدين عالي عليكي اوي
مني : لأ خلاص قدر ولطف بس فين الحلو ف الكلام
رودي : احمد الاسيوطي …هو اللي هيستلم مكان المعيد
تقي : ازاي .. ده لسه طالب وماينفعش يبقي مكان المعيد
مني : اهدي انتي ي منار وخلي البت تكمل كلامها
رودي : احمد الأول ع دفعته وكده كده هيتعين وفي نقص ف المعيدين وبعدين المفروض تفرحي وكأن القدر بيديكي فرصة تانيه تعوضي الدبش اللي كنتي بترميه ف وش الواد كل ما يشوفك
مني : صح رودي معاها حق وفكي التكشيرة دي وخلي كلامك حلو
تقي : يعني اغنيله تملي معاك يعني ولا اعمل ايه
مني : افضلي هزري كده لحد ما تعيطي بدل الدموع دم من كتر الندم
تقي: طب يلا ع السكشن بدل ما نتأخر
ف السكشن ⬇
احمد : طبعا معظمكوا عارفني كويس ومعظمنا اصحاب اصلا وانا هكمل معاكوا لحد ما المعيد يرجع
احمد كان لطيف جدا اول مرة الاحظ انه حلو اوي كده وكان طول ما هو بيشرح بيبصلي بس انا طبعا بدماغ البقرة اللي عندي كنت ببصله بقرف اللي هو عينك الخضرا الحلوة دي ماتفرقش معايا خالص وبدأنا نرسم وكل واحد كان قدام لوحته
احمد : الأحمر مش هيبقي حلو مع الالوان اللي انتي مختاراها للوحه
تقي : طيب
احمد : لأ شرير
تقي : نعم
احمد : ي بنتي هو انا قتل#تلك قت#يل …انتي مش طيقاني ليه طب ده انا حتي حليوه
تقي بابتسام : طيب ي حليوه عايز ايه دلوقت
احمد : عايز اشرب معاكي كوبايتين شاي
تقي بعصبية : بلاش وقاحة لو سمحت ولازم تعرف اني مش بصاحب ولاد وتعاملنا مع بعض هيبقي ف حدود الدراسه وبس
احمد : اهدي طيب انتي ملبوسه ولا ايه مش كنتي بتضحكي من شويه
تقي : ممكن اكمل شغلي بقي لو سمحت
احمد : اتفضلي
بعد السكشن ⬇
مني : احمد كان بيقولك ايه
تقي : كان بيعدل ع اللوحه بتاعتي
رودي : ي بنتي بقي الواد عمره ما اتحايل ع حد كدا بلي ريقه بكلمه
تقي : رودي لو سمحتي انا عندي مبدأي ومش هغيره ابدا
رودي : يعني هو مش عجبك
تقي : عجبني بس لو دخل البيت من بابه هيعجبني اكتر
مني : خلاص ي جماعة قفلوا ع الموضوع عشان شهناز داخله علينا
شهناز بنت معانا ف الكليه بس هي ف سنه رابعة وبتساعدنا كتير اوي بصراحة بنت طيبة جدا وخدومة
شهناز : ازيكوا ي بنات …انا جايه اعزمكوا ع خطوبتي بكرا
تقي : الف مبارك ليكي ي شهناز
شهناز : الله يبارك فيكي ي روحي بس اوعوا ماتجوش انا عازمة ناس كتير من الكليه ومش هتحسوا بغربه ابدا
مني ورودي بصوت واحد : اكيد هنحضر ي شوشو
بعد ما شهناز مشيت ⬇
رودي : بس اكيد احمد هيبقي ف الخطوبة ودي فرصه هايله ليكي يا تقي وانتي كمان يا مني لازم نتعاون مع بعض وننقي بدلتين حلوين كده من الخطوبه
مني : طبعا دي فرصة مش بتيجي غير كل فين وفين
تقي : هنلبس ايه طيب ؟
رودي : اكيد فساتين
مني : انا مع رودي احلي حاجة نلبس فساتين
تقي : تمام نتقابل بكره ف الخطوبة
بصراحة انا كنت ظاهرة مش مهتمة بحضور احمد او عدمه بس انا من جوايا عايزة اروح اسأله انت هتروح ولا لأ بس طبعا انا حد تقيل ف نفسه ومش هعبره غير لما يدخل البيت من بابه
ف الخطوبة ⬇
مني : اوووه ..حلو اوي فستانك ي رودي اللون الزهري جميل اوي عليكي
رودي : شكرا ي روحي وانتي كمان اللون البني حلو اوي فيكي اومال هي فين تقي
مني : مش عارفه اتأخرت ليه المفروض تكون هنا
تقي : وانا هنا ي بنات عاملين ايه
رودي : ايوا بقي ي ست تقي فستان نبيتي وحركات وتقولي مش فارق معاكي احمد ولا غيره
تقي : ايه ده هو احمد هنا ؟!
مني : بت بلاش محن بنات انتي اكيد شوفتي العربية بتاعته وانتي داخله
تقي : هي العربيه الجيب السوده اللي بره دي بتاعته
مني : اه بتاعته يا محنو
تقي : مخدش بالي منها تؤتؤ
رودي : مني الحقي القمرين اللي داخلين علينا دول
كان في شابين حلوين اوي وشكلهم راقي جايين تقريبا عشان يدعونا للرقص معاهم ما كانت فقرة رقص بقي والحقيقة انهم كانوا جايين عشان مني ورودي وايوا انا كنت واقفه زي القلقاسه محدش معبرني
الشاب الاول لرودي : تسمحيلي بالرقصه دي
رودي : اكيد.
الشاب التاني لمني : تسمحيلي
مني : طبعا
احمد : هتسمحيلي بالرقصة دي ولا اسكت وماطلبش احسن
تقي : اسكت وماتطلبش احسن
احمد : مالك يا عسل منفسنه مني اكمني احلي منك يعني
تقي بضحك : مش عارفة انت جايب الثقة دي منين
احمد : من عيونك
تقي : نعم !!!!
احمد : اصل لما ببص في عيونك بشوف صورتي حلوة اوي فبتغر
تقي : احم احم لو سمحت ي بشمهندس بلاش كلام حلو
احمد : وبنحمر ونكسف كمان
تقي: قلت لك اني مش بصاحب ولاد فلو سمحت ابعد عن طريقي
احمد : ع فكرة باباكي الطف منك بكتير
تقي : وانت عرفت بابا منين ؟!
احمد : مانا طلبت ايدك منه امبارح هو مش قالكوا انوا رايح يقابل صديق قديم امبارح
تقي : اه
احمد : انا الصديق القديم بس قلت للحاج بلاش تقول للعروسة حاجة غير لما اسمع موافقتها بنفسي
تقي : بقي كده ي بابا
احمد : طب ايه….
تقي : طب اه ..
احمد : طب تسمحيلي بالرقصة دي بقي
تقي : اكيد ي قرة عيني
وكأنه الأمير الذي تنتظره كل سندريلا في عمري وكأن حياتي بدأت بعدما لمست عينه الجميله عيني وقلبي ……..