رواية اوقعتني طفلة الفصل الثالث عشر 13 بقلم لوكي مصطفى

الدكتور بأسى:انا اسف يا جماعة احنا عملنا كل اللى علينا

تامر بدموع و غضب وهو يمسكه من ياقته:انت مجنون قصدك ايييه

الدكتور بحزن:الحالة ماتت لأنها نزفت كتير و مقدرناش ننقذها

نظروا له جميعاً بصدمة و سقطت منة فاقدة للوعى

كريم بفزع:منة !!

حملها بسرعة و اتو الممرضين بسرير متحرك وضعوا منة عليه و رحلوا فذهب كريم ورائهم

كارمن بضحك والدموع تغرق وجهها:لا انت بتهزر صح (ثم اكملت وهى تنقض على الطبيب)روان كويسة انت اللى دكتور حماار مبتفهمش حاجة

حاوط سليم خصرها يحاول منعها من الانقضاض عليه

كارمن بصراخ:سيبنى يا سليم ، روان عايشة يا رواااان تعالى يا روااان وريهم انك عايشة قووومى يا روان

سليم بهمس حزين:اهدى يا كارمن ده قضاء ربنا

التفت له كارمن و احتضنته بقوة تبكى

خرج الممرضات من غرفة العمليات وهم يجرون فراش متحرك يوجد عليه شخص مغطى بالملائة البيضاء فأقترب الجميع من هذا الفراش و مد تامر يده ليرفع الغطاء عن وجهها وهو يبكى ، لحظة !! هذه ليست روان !

تامر بذهول:مين دى

الدكتور بجدية:دى الحالة اللى حضرتك جبتها

تامر بغضب:انا مجبتش دى انت هتستهبل

سليم بهدوء:اهدى يا تامر خلينا نفهم (ثم نظر الى الطبيب)مش دى روان حضرتك اللى احنا جبناها المستشفى

الدكتور بتفهم:اه يبقا انتو جبتو الانسة اللى حاولت تنتحر هى فى اوضة رقم 677

نظر له الجميع بذهول ثم تحولت نظراتهم الى فرح و ذهبوا الى الغرفة التى يوجد بها روان

……………………………………………….

فى غرفة 677 ????

دخل تامر الغرفة بسرعة و عندما رأى روان جالسة شاردة زفر بأرتياح و مسح دموعه ثم ذهب اليها و احتضنها بقوة و دخل الجميع فجأة كمداهمة عسكرية و انقضوا على روان بوابل من الاحضان و القبلات

روان بضيق:هو فى ايه انا كنت مهاجرة ولا ايه

مريم بغيظ وهى تقرصها:انتى حلوفة مبتحسيش

حبيبة بدموع:ليه يا روان تعملى كدة احنا كنا هنموت وراكى

نظرت لها بإنكسار ثم نظرت الى تامر

كارمن بهدوء:ممكن اتكلم مع روان لوحدنا

خرج الجميع ماعدا تامر ظل ممسك بيد روان و عينه مثبتة عليها

كارمن:تامر اخرج لو سمحت

قبل تامر جبين روان ثم خرج من دون كلمة ، اقتربت كارمن من فراش روان و جلست على الكرسى المقابل للفراش ، كانت كارمن تنظر لها بنظرات ثاقبة و روان كانت شاردة حزينة

كارمن بهدوء:ليه

روان بإنكسار:مش انتى اللى تسألى السؤال ده يا كارمن لأنك الوحيدة اللى المفروض حاسة بيا

تجاهلتها كارمن و عادت سؤالها من جديد

كارمن بنفس الهدوء:ليه

نظرت لها روان و لم ترد عليها فوقفت كارمن امام الفراش و ظلت تمشى يميناً و يساراً و روان تراقبها بعدم فهم

كارمن بجدية:اقولك انا ليه .. عشان انتى ضعيفة يا روان كل القوة اللى فيكى دى مش حقيقية عاملة نفسك قوية و مبتعيطيش و بتاع وانتى من جواكى ضعيفة جدا .. انتى مفكرة العياط ضعف؟؟ ههه غبية العياط قوة العياط بيخليكى تخففى عن نفسك بنفسك و بيهديكى شوية

حاولت روان مقاطعتها ولكن كارمن لم تسمح لها

كارمن بحدة:متقاطعنيش .. خسرتى حبك و بتخسرى صحابك و بعد اللى انتى عملتيه ده خسرتى ربك .. عايزة تنتحرى يا روان عايزة تموتى كافرة و عشان مين محدش يستاهل انا معاكى ان تامر حب حياتك و انك بتحبيه اوى بس فى الاول و فى الاخر ده بنى آدم يعنى ميستاهلش انك تنتحرى عشانه حتى امك و ابوكى ميستاهلوش انك تموتى كافرة عشانهم

روان بدموع:بس انا اتكسرت و محستش بنفسى

كارمن بهدوء وهى تقترب منها:حافظى على حُبك يا روان حاولى تكسبى تامر حاولى تخليه يغير فكرت انك اخته خليه يحبك بدل ما تنتحرى يا مجنونة

جلست كارمن بجانبها على الفراش و احتضنتها فبكت روان بقوة

روان ببكاء:مـ مش هعـ..هعرف

كارمن بحب:لا هتعرفى يا حبيبتى و بعدين انتى اغلى شخص فى حيات تامر يعنى مش صعب اوى تحببيه فيكى و يمكن يكون بيحبك اصلا بس مش فاهم مشاعره

نظرت لها روان بأمل التمع فى اعينها

كارمن بغمزة:واحنا علينا نخليه يفهم مشاعره

ابتسمت روان لها وقبلتها فى وجنتيها

روان بحب وهى تقبلها:بحبك اوى يا كوكى

كارمن بحب:وانا اكتر يا قلب كوكى

روان بمرح:اطلعى برة بقا

كارمن بعبوس لطيف:ليه

روان بهدوء:هصلى و ادعى ربنا يسامحنى

كارمن وهى تقبل جبينها:شطورة حبيبتى انا هطلع اطمنهم عليكى برة

اومأت لها روان بحماس فخرجت كارمن وهى تبتسم

……………………………………………….

فى خارج غرفة روان

خرجت كارمن فأقترب منها تامر بلهفة

تامر بلهفة:هى كويسة

كارمن بحماس:جداا

ابتسم تامر لها بقوة ثم اقترب منها ليحتضنها فدفعه سليم بخفة و سحب كارمن و اجلسها بعيداً عن تامر

سليم بغضب:وانتى اى حد يحضنك كدة عادى

كارمن ببرود:قولتلك اخواتى

نظر لها سليم بنظرة مرعبة فأنكمشت بخوف و لكنها ابتسمت على غيرته

مريم بتساؤل: امال فين منة و كريم

حبيبة: مش عارفة

حسن:استنو هكلم كريم

اخرج حسن هاتفه و اتصل على كريم

حسن: انت فين يابنى

كريم بتنهيدة:لما منة عرفت ان روان ماتت اغم عليها فأخدتها يشوفوا مالها طلع عندها انهيار عصبى عطوها مهدء وانا شوية و هاخدها عشان تستريح فى البيت

حسن بذهول:احنا ازاى مشوفنهاش

كريم:مش مهم المهم انتو كويسين و البنات ايه اخبارهم بعد الخبر ده

حسن بضحك:روان عايشة يا كريم

كريم بصدمة:نعم!!مين دى اللى عايشة انت بتخرف

حسن بضحك:والله روان عايشة الدكتور اتلغبط بين روان و واحدة تانية

كريم بفرح:الحمدلله يا رب الحمدلله

حسن بهدوء:على العموم روان بتلبس وهنمشى قول رقم الاوضة اللى انتو فيها عشان نعدى عليكم

كريم:لا استنونى فى الجراج

حسن:تمام يلا باى

كريم: باى

اغلق حسن الهاتف و سرد كل شئ لهم

كارمن بقلق:يا حبيبتى يا منة

مريم بحزن:ازاى ملاحظناش منة وهى بيغم عليها

تامر بهدوء: خلاص يا جماعة اطمنا على منة و روان يلا نروحهم

اومأ الجميع ثم وقفوا عندما خرجت روان من غرفتها ، غمزت لها كارمن و اشارت على تامر ففهمت روان و تصنعت السقوط فلحقها تامر بسرعة و امسك خصرها

تامر بخضة:حاسبى يا حبيبتى

دق قلب روان بعنف فنظرت الى كارمن بخجل فأومأت لها كارمن بضحك و سحبت سليم وخرجوا و اخبرت البقية ان يأتوا و تامر سوف يجلب روان ، ظلت روان تنظر له بخجل وهو يتأملها بلهفة فأفاقت روان و ابتعدت عنه

تامر بخفوت:يلا نمشى

مشت روان امامه وهو خلفها ينظر لملابسها بضيق فهى كانت ترتدى “چيبة بعد الركبة و تيشرت قصير بحمالة واحدة ” فخلع سترته و وضعها عليها ثم وضع ذراعه على كتفها فحاولت الابتعاد فشدها اكثر اليه حتى اصبحت فى حضنه وهى متوردة الوجنتين

تامر بهمس:وحشتينى

انتفضت روان مع انتفاضت قلبها الذى لم يهدأ و ظل يدق بعنف وهى تنظر له بصدمة

روان بصدمة: هاا؟؟

ابتسم تامر ثم ادخلها السيارة.. السيارة!! كيف وصلوا اليها ؟ هى لم تشعر !! دخلت روان السيارة وهى شاردة ، بدأ تامر بالقيادة

روان وهى تخلع سترته وتعطيها له:خد البسها عشان متبردش

تامر بضيق:طظ فيا البسى يا بت الچاكت و دارى كتافك دول ????

ضحكت روان بخفة ثم وضعت السترة على قدمها

تامر بهدوء:عملتى كدة ليه

اغمضت روان اعينها ثم اخذت نفس عميق و نظرت له بهدوء

روان بتوتر: معلش يا تامر انا مش عايزة اتكلم فى الموضوع ده

اوقف تامر السيارة ثم نظر لها بحنو و امسك يديها الاثنتين

تامر بحنان:بصى يا روان انا هنا جمبك معاكى انا سندك و حمايتك مش انتى كنتى بتقوليلى كدة عايزك تيجى تحكيلى اى حاجة مضيقاكى و متلجأيش للانتحار و الكلام الفارغ ده و عايزك تعرفى انك اغلى شخص فى حياتى و محدش هياخد مكانك ابدا

ابتسمت له روان و شعرت بطمأنينة من كلامه اذا فكلام كارمن صحيح يجب عليها ان توقعه بشباكها كما هى واقعة لشباكه ، ادار تامر السيارة مرة اخرى و لكنه لم يفلت يدها

……………………………………………….

فى الڤيلة

دخل كريم وهو يحمل منة النائمة و خلفه البقية

كريم:انتو هتنامو مع بعض فى الجناح ؟

حبيبة: اه طلع منة على الجناح

اومأ لها كريم ثم صعد بها الى الجناح و وضعها على الفراش ثم نزل اليهم فوجدهم جالسين فى الصالون صامتون فذهب اليهم و جلس على الاريكة

حبيبة:انا ملاحظة اننا مخرجناش خالص من ساعت ما جينا

كارمن:خلاص نخرج بكرة

همهم الجميع بالموافقة ، نظرت كارمن الى البنات بخبث فنظروا لها بإستغراب فأشارت لهم ان يصعدوا للجناح و سوف تشرح لهم فأستأذنوا و صعدوا

فى الجناح..

دخل الفتيات منهم من ارتمت على الفراش و منهم من ارتمت على الارض و منهم من ارتمت على الاريكة و هكذا

كارمن بخبث:انا عندى فكرة مجنونة

مريم:ايه هى

كارمن بأبتسامة:هنخرج النهاردة لوحدنا ????

روان بإرهاق:اخرجوا انتو انا تعبانة و هنام ????

ثم تمددت بجانب منة و اغلقت اعينها استعدادا للنوم ..

كارمن بغيظ:فقر ????

حبيبة:المهم هنخرج لوحدنا ازاى و هنروح فين و اصلا الشباب مش هيرضوا ????

كارمن بثقة وهى ترفع حاجبها:ومين قال انهم هيعرفوا اصلا ????

الجميع:نعم!!!!! ????

كارمن بهدوء:منة هنبدأ نفوقها و الولاد بالكتير اوى ساعة و هيدخلوا يناموا لأننا طول اليوم فى المستشفى المهم اول ما يناموا هنخرج احنا و نروح الديسكو اللى كان نفسنا نروحوا من اول ما جينا ????????

حبيبة بفرحة:الللللله انا موافقة????????????

روان وهى مغمضة اعينها:انتو لو اتمسكتو هتتنفخوا ????

مريم بقلق:كلام روان صح ????

كارمن بضيق:بلاش خوف بقا يلا نعمل الحاجة اللى نفسنا فيها ????

حبيبة:انا موافقة لتانى مرة ????????????????

مريم بإستسلام:طب خلاص هاجى معاكوا

كارمن وهى تحتضنها:ايوة بقا ????????????????

حبيبة:انا بقول منصحيش منة هى اكيد تعبانة

كارمن:طيب اوكى

ثم بدأوا بالتجهز حيث…

“ارتدت كارمن شورت قصير ابيض و تيشرت لنصف بطنها بدون حمالات ابيض و تركت شعرها ينساب على طول ظهرها و ارتدت كوتشى ابيض ثم وضعت ملمع شفاه و مسكرة “

“ارتدت حبيبة فستان احمر نارى قصير للغاية بحمالة واحدة مجسم و ارتدت حذاء ذو كعب عالى احمر و تركت شعرها ينساب على ظهرها ثم وضعت احمر شفاه نارى و مسكرة “

“ارتدت مريم چيبة ضيقة لنصف فخذها لونها اسود و تيشرت بحمالة واحدة لونه موڤ و ارتدت كوتشى موڤ و تركت شعرها ينساب على ظهرها ثم وضعت احمر شفاه لونه موڤ و مسكرة”

كانوا جميلات للغاية فجلسوا منتظرين مجئ الساعة واحدة بعد منتصف الليل و التقطوا بعض الصور الرائعة

……………………………………………….

فى جناح الشباب

كان سليم و ايمن و حسن نائمين على الفراش و تامر نائم على الاريكة و كريم يقف فى الشرفة لم يستطع النوم لأنه قلق على منة فدخل من الشرفة و ايقظهم

كريم بقلق:بقولكو ايه انا هروح اطمن على منة

سليم بنعاس:ما تروح هو حد ماسكك????

ايمن بغيظ:يعنى انت مصحينا من النوم عشان كدة ????

كريم:معندكوش دم ????

تامر:انا كمان قلقان على روان

حسن:وانا عايز اخرج ????????

ايمن:خلاص تيجو نخرج دلوقتى

سليم: انتو مجانين الساعة 1 بليل

تامر و كريم:انا مليش نفس اخرج????

ايمن:انتو فقر ????????

حسن:هاا هتخرجوا ؟

سليم بتنهيدة:ماشى و امرى لله

ايمن بخبث:نروح ديسكو

سليم بغيظ:والله اقول لحبيبة

ايمن بضحك:مش هنروح لبنات هنروح نرقص و نشرب

حسن:انا عمرى ما شربت

سليم:يبقا هتجرب

ايمن:يلا نقوم نلبس

بدأوا بالاستعداد و فى هذا الوقت تسللت الثلاث فتيات و خرجوا من الڤيلة بهدوء ، جهزوا جميعهم ثم خرجوا

كريم:تيجى نروح للبنات نطمن عليهم

تامر:يلا

ثم خرجوا و توجهوا الى جناح الفتيات و طرقوا الباب فلم يجدوا رد فدخلوا و وجدوا منة و روان فقط

كريم بقلق و همس:فين الباقى !

تامر:تلاقيهم فى الجنينة بيتمشوا

كريم:يمكن

اقترب كريم من منة يتفحص حرارتها فوجدها مرتفعة فذهب و احضر صحن يوجد به ماء و قطعة قماش ثم جلس بجانبها و وضع القماشة فى الماء ثم اخرجها و وضعها على جبينها ، عند تامر اقترب من روان و ظل يتأملها بحب و هو يتلمس وجنتيها بنعومة

……………………………………………….

فى الملهى

دخل الفتيات بثقة فتحولت كل النظرات اليهم بإعجاب فتجاهلوا هذه النظرات و جلسوا بطاولة بعيدة قليلا ، كانت الاجواء صاخبة بشدة و الشباب يرقصون و منهم من يشرب الخمر و هكذا

مريم بتوتر:انا خايفة يعرفوا صدقينى هنتنفخ

حبيبة ببرود:محدش هيعرف حاجة

كارمن بفرح:تعالوا نرقص

مريم بقلق:لا قوموا انتو انا خايفة

حبيبة بضيق:يلا يا مريم

وافقت مريم على مضض ثم ذهبوا ليرقصوا قليلا ، كان يوجد ثلاث شباب يشربون عند البار وعندما رأوا كارمن و مريم و حبيبة اعجبوا بهم كثيرا

شاب1:شايفين البنات دول

شاب2:جامدين اخر حاجة

شاب3:انا بشبه على بنتين منهم ، كارمن و حبيبة!!

توجه الشاب3 الى الفتيات

شاب3:كارمن و حبيبة !!

التفت كارمن و معها حبيبة بخوف و لكنهم تفاجئوا كثيراً

حبيبة و كارمن:مايكل!!!

مايكل بأبتسامة:عاملين ايه يا بنات

كارمن بضيق:مش كويسين خالص من ساعت ما شوفناك

ثم تركته و ذهبت فنظرت له حبيبة بأحتقار

حبيبة بنفور:خالص خالص يعنى

ثم تركته هى الاخرى و سحبت مريم من يدها وعادوا الى طاولتهم

مريم:مين ده و يعرفكوا منين

كارمن بضيق:ده واحد كان معانا فى المدرسة فى انجلترا و كدة

مريم بأستفهام:طب وليه مش طايقينه كدة

حبيبة بعصبية:عشان هو سافل و مشافش خمس دقايق تربية على بعض

مريم:ليه كل العصبية دى

كارمن بضيق:هحكيلك(ثم اكملت بحدة)الولد ده جالى فى اخر يوم امتحانات و اعترفلى بحبه انا فهمته ان فيه فرق بينا وانى مسلمة و كدة بس هو طلع عايزنا نـ آآ ننام مـ مع بعض..ض

مريم بصدمة:الواطى!!

جاء مايكل و اصدقائه لطاولة الفتيات و حجبوا رؤيتهم عن باب الملهى وفى هذه الاوقات دخل سليم و ايمن و حسن و جلسوا فى طاولة قريبة نوعاً ما من طاولة الفتيات

مايكل:كارمن ممكن نتكلم لوحدنا

كارمن بضيق:لا

مايكل:لو سمحتى

نظرت له كارمن بضيق ثم وقفت و ذهبت معه خارج الملهى ليتحدثوا بعيداً عن  الضجة

كارمن بضيق:نعم

مايكل بأبتسامة:بصى انا عارف انك مش طيقانى بس انا حابب اننا نبقا صحاب

كارمن بتهكم:لا والله !! بالسهولة دى

مايكل بترجى:انا حسيت بغلطى و جاى اعتذرلك اهو ، انا اصلا ارتبط بواحدة صاحبتى و هنتجوز قريب و عايز اعرفك عليها و نبقا صحاب ، ارجوكى يا كارمن سامحينى

نظرت له كارمن بتردد و لكن فى الاخير امرها قلبها بالمسامحة فهى تتصف بالمسامحة و ايضا هو قال انه على وشك الزواج و هذا يبعدها عن دائرة الخطر كما انها استشعرت الصدق فى حديثه

كارمن بأبتسامة: خلاص اوكى مسمحاك

مايكل بفرحة:بجد؟

اومأت كارمن بأبتسامة

مايكل:طب هاتى نمرتك بقا و نتقابل بكرة و اجيب چايدة عشان تتعرفى عليها

كارمن:اوكى اكتب عندك 012……..

وفى هذا الوقت عند الشباب كان سليم جالس و سمع هاتفه يرن و وجد المتصل والدته فخرج من الملهى ليستطيع الرد ، كان مايكل يقف ظهره الى باب الملهى و كارمن امامه

سليم بضيق:انت يا اخ ياللى واقف قصاد الباب وسع كدة

تجمدت عروق كارمن من نبرة الصوت التى تعرفها عن ظهر قلب و شحب وجهها عندما ابتعد مايكل عن الباب ليظهر لها سليم الذى نظر لها بصدمة

سليم بصدمة:كارمن؟؟؟؟؟