Uncategorized

رواية تزوجت عاشقة فجعلتني أعشقها الفصل الرابع 4 بقلم عائشة البشير

 رواية تزوجت عاشقة فجعلتني أعشقها الفصل الرابع 4 بقلم عائشة البشير
رواية تزوجت عاشقة فجعلتني أعشقها الفصل الرابع 4 بقلم عائشة البشير

رواية تزوجت عاشقة فجعلتني أعشقها الفصل الرابع 4 بقلم عائشة البشير

خالد بتوتر: سالم علي ال……. منين تعرفه ياوليد؟؟
وليد تنهدت بحزن ااااه ليش وكأنه كل الدنيا متفقه ضدي، وضروري يذكروني فيها????: قتلك من قبل واحد صاحبي يعرفه وطلب مني نسأله عليه، أني حتي شكله مانعرفاش
خالد بشك زعمه كلامه صح ولا يكذب عليا، بس إذكرت لما وريتله صورته زمان ماعرفاش صح: أها من هوا صاحبك هذا
وليد بإستغراب: واحد من جماعة الجامعه ماتعرفاش، خيرك تسأل عليه أنت شن فيه؟؟
خالد: لا واللهي غير لما… وسكتت لما رن تليفون في الدار الثانيه، : صوت تليفون يرن صح
وليد: أكيده تليفون ندى، باللهي نتعبك تجيبهولي
وليد إضايقت لما شفت المتصل، بس مجبور إنرد: أهلين ياحافظ، تمام، قتلك لما نحصل فرصه توا إنجي ونشوفه، وقعد يعيط????: أني مكسور يابني ادم مش قادر نتحرك وأنتم همكم غير في أنفسكم، الله يلعن اليوم اللي جيت فيه خوكم وولد هالعيله السوده????
خالد إنصدمت في وليد كيف يحكي مع خوه هكي، بس حتي هو مابعده اللي شافه مش شويه، ربي يكون في عونه: هدى روحك ياوليد، خيرك ياخوي مش هكي تنحل المشاكل
وليد بحزن وصوت مكسور????: تعبت ياخالد معاش عندي طاقه، كل واحد يجبد فيا من جهة، وأني خلاص وصلت حدي
خالد: شني فيه ياوليد خيركم
وليد: نهى وحسام طلعو خوت ولما عرفو أنه بوي مش بوهم رفعو عليه قضية على خاطر قتل أمهم،تخيل طالبين تعويض مالي، عرفو روحهم مش راح يحصلو شي مشي دارو هكي، والمشكله انه كل الأملاك حجزت عليهم الشرطه لين يردو الديون ويتنازلو التجار عن القضايا
خالد: باهي وهما شني يبو منك توا، يمشو يتفاهمو هما والشرطه
وليد: لا توا السيد حافظ يبي حصته، لما عرف أنه بوي كان إمدايرلي إحساب إدخار أني وندى ضربو فيوزاته، ومشي لبوي في الحبس، وعلى حسب كلامه بوي طالب يشوفني قبل، وأني شوفت عينك مش قادر نتحرك وبعدين والله ماقادر نرجع لليبيا ثاني خلاص،
تعرف اللي واجعني مافيش مره إتصل ولادورنا عايشيين ولاميتيين وحتي لما سمع أنه صارلي حادث لاسأل ولافكر حتي في خواته، وتوا شاده إتصالات على خاطر الفلوس، الله يلعنهم الخوت اللي هكي????
(( طبعا خليفه بو وليد حتي وهو في الحبس، بعت عينه لصغاره، كان يبي يعرف هل هما فعلا صغاره او لا، وطلع حسام ونهي بس اللي مش صغاره))
خالد معرفتش شني نقوله فعلا مافيش كلام يقدر يخفف عليه، اللي قاعد يصير فيه مش ساهل: شن رأيك نطلعو شويه الجو حلو برا
وليد: لا إرتاح أنت أكيد تاعب من مشوار الطريق 
خالد صح تعبان، بس نحاول نغيرله جوه شويه: لا واللهي حاس روحي في كامل النشاط????
وليد: ههههه مش منك عاد، من الجرعه اللي خديتها قبل شويه????
خالد: هههههه مبردك الزفت الحق فيا اللي نبي نغيرلك جوك، أرقد مرقد????
في حوش عمران بو خالد عشية الجمعه مقعمزين كلهم ويشربو في قهوة
عمران خدي رشفه من القهوه???? وواضح ماعجبتاش: مني اللي مطيبها القهوه
خلود: هذي منال يابابا????
عمران: ياغيبة فرح مخليه مكانها الحق
منال بعصبيه????: شن معناه كلامك ياعمي قهوتي ماتنفعش، وقهوة فرح هيا اللي باهيه
عمران???? سكت ولاعبرها إحتراما لخليل اللي مقعمز
خيري: تبي الحق يامنال مافيش وجه مقارنه بين قهوتك وقهوتها بكل????
منال: حتي أنت ياخيري واقف في صفها باهي صحيت????
خيري: شني حتي أنت هذي، شن وليتو أحزاب ولاشني???? أخر وقت
خلود بمكر وشبحت لمنال على جنب????: لو فيها أحزاب حتي أني ننضم لحزب فرح????
منال بصوت عالى: كان نعرف السحر اللي داراته هالطرابلسيه وخلتكم كلكم السمع والطاعه
خليل تحشم من كلام منال قدام بوه: منال ضمي فمك وإحترمي نفسك
منال: لا مش ساكته، أصلا عارفتهم من يومهم مايحبونيش، وزادت هالشطانه هذيكا كرهتهم فيا
خلود: أنتي الغيره قاتلاتك قتل، أعوذ بالله منك????
زاهيه: عيب ياخلود شن هالكلام، وأنتي يامنال تعوذي من الشيطان، ومعاش تحكي هكي????
منال: بس أني قلت الحق الله أعلم شني إمدايرتلكم باش خلتكم تحبوها هكي، خيره أني ماتعاملوش فيا زيها
خلود بهزوة: شن جاب لوز القرد للشاميه???? منين بنحبوك من كلامكم ولاتصرفاتك، أحني ماكناش نشبحو فيك، وين جت فرح بديتي تجي تقليد بس، ولا واللهي لا أنتي ولا مليون زيك تجي في ربع فرح
عمران بغضب: بتحترمي نفسك أنتي وياها ولا ماتبيش، سكرو إفامكم 
خوله☺: يابابا أني ماتكلمتش، شني صار في التليفون اللي قتلك عليه؟
منال قعمزت وهيا بتتفجر من الغيض????، وتشوف لخليل اللي ماحاولش يدافع عليها ولا شويه، وترحي على خلود، توا تشوفي ياخلود من هيا منال توا تنفعك فرح متاعتك
خيري: تليفون شني مش عندك تليفون ولا ريحي روحك
خوله: نبي أيفون اللي عندي معاش ينفع، خيرك أنت كل شهر تبدل واحد شكل
خيري: نوضي أقلبي وجهك من قدامي بلا دلع زايد، وألهي في قرايتك، وتليفونك قاعد جديد خديتيه في عرس خالد أمتي فسدتيه 
خوله????: كلمه يابابا هو شن دخله
عمران: خلاص ياخوله فكونا من مشاكلكم صح تليفونك ماسكر شهرين ليش هالمصاريف
سكتت خوله وهيا تسحن???? على خيري اللي كان يشوفلها ويبتسم شماته فيها????
زاهيه: ماكلمكش خالد اليوم ياخليل، رنيت عليه إمبكري، طلعتلي الإسطوانه 
خليل: لا واللهي ماكلمني، مرض مخانب يسحتو في الرصيد بالأسطوانه هاذم
خيري: توا شويه ثانيه ونتصل نشوفه
^^^^^^^^^^^^^^^^^^^^^^^^^^^^^^^
فرح حوشنا وداري بالتحديد رجعتلي ذكريات كنت نحاول بكل جهدي أني???????? مانبيش إنقول ننساهم بس على الاقل كنت نحاول نهمشهم باش نقدر نكمل حياتي، بس للأسف كل شي قاعد يذكرني بيه، إستاحشته هلبا???? إستاحشت كل شي فيه، مستاحشه نحبك بصوته وصباح الورد يافرحتي، وكيف حالك؟؟ وشني إديري؟؟ مستاحشه حتي الكلمات الروتينيه العاديه اللي كان يقولي فيها…. مازال نبي صوتك وعيونك وأسلوبك وضحكتك وعياطك وغيرتك وكلامك وكل شي فيك، نبيك أنت وبس???????? بس مش قادره نتكلم لمني بنقول ولمني بنشكي مني راح يفهمني غيرك????
كل ليلة نرقد ودموعي على خدي وحاضنه تليفوني القديم بعد مانقرأ كل الرسايل اللي كان يبعتلي فيها????
“” مازلت أنتظر رسالة منك….
رغم أني فقدت الأمل برجوعك….
لماذا؟؟ أضعتني منك وأنا أعشقك….
لماذا لم تكن لي رجلاً وسنداً…. “”????????
اليوم جمعه ملتمين عندنا العيله لأني أول مره إنجي لحوش أهلي وإنبات بعد ماتزوجت، وكلهم كأنو بايتين
أمينة: والله ليك وحشه يافرح، شن جوك أنتي وخالد
أمال: ااش بيها ياحنه ماتشوفيش في خدودها كيف موردات????????
فرح: مبردك ????ديمه وانتي داكه رأسك، تمام ياأمينه الحمدلله
مروه: شن جو الزواج يافرح حقا حلو أحكيلنا، نفكر نجربه حتي أني????
فدوى????: الزواج يبي ناس فالحه مش زي حضرتك، ترقدي للساعه2
مروه????: وأنتي شني اللي واجعك ياحنه، اللي بيأخدني يعرفني وعاجباته ان شاءالله نرقد طول اليوم، ريحي روحك
ريما: والنبي فكونا منكم وأنتم ديمه تتناقرو زي الفار والقطوس
فرح: أمتي موعدك ياعلا؟ شكلك قربتي
علا: لا مازال شهرين على موعدي
أمال????: واك طولنا قعدنا نتكركبو زي الكور وخلاص، حسيت روحي فتت موعدي بهلبا، ليا وقت حامل????
تهاني: أسكتي من غير هبال زايد، شن طولتي أنتي حتي السابع ماكملتيه، زيك زي علا
أمال: زعما???? مانحسبش أني، أحمد اللي يحسبلي????
فرح: أما أنتي نكته ياأمال كيف ماتحسبيش لروحك، مابعده أحمد منك بصراحه، حصل فيك الراجل????
أمينه: ياناري مسكين كل مانمشولها نلقوها راقده وأحمد يحوس عليها تخيلي????
مروه: شفتو الرجاله هكي يبو أصلا، واحده تحكم توريهم الزنباع وين ينباع????
سناء: يافرح عمتي قلتلكم تعالو قعمزو معانا في الصاله????
فرح: باهي حاضر، ونضنا كلنا
فدوى: مرت خوك هذي ماشاء الله عليها والله تحطيها على الجرح يبرأ مش كيف اللفعه هذيكا????
فرح: سناء من يوم يومها كويسه????
فدوى: أي ياناري ديمه إنجو لخالتي نلقوها لوطه وهيا اللي قايمه الحوش، وهذيكا ديمه عند إمالاها ولا ماشيه تعاين????
فرح تنهدت بحزن: ياناري حتي هيا معاش حصلت بعد شهد، ربي يرزقهم ان شاءالله???? 
خالاتي وخواتي وعمتي ومرت خالي وإمساوين خوتي كلنا كنا سهرانين مع بعض، ومانبيش نحكيلكم على القرمه والذنوب اللي نحصلو فيهم في هذيكا اللمه???????? ليبيين ونعرفو بعضنا????????
فات الوقت بهدرزه وبصاره وجونا ميه ميه، بجد سر السعاده في حوش فيه عيله ملتمين على ود ومحبه وقلوبهم صافيه❤❤❤
^^^^^^^^^^^^^^^^^^^^^^^^^^^^^^^
خالد فاتو إسبوعين وأني في تونس، حول وليد الجبس ونحوله البلاتين، وليه 10 إيام إيدير في علاج طبيعي وحالته تحسنت، اليوم وإحني مروحين خطمنا على السوق، خدي وليد تليفون، فكرت أني نأخذ حاجات لفرح بس أني قاعد مانعرفش شني تحب؟
خشينا لمحل فضه وقعدت محتار !!
وليد: خيرك ياخالد معقوله محتار وأنت اللي كنت ماسك محل وتختار للناس، ذوقك ماشاء الله بصراحه????
خالد بحيره: مش قصة ذوق هيا، ماهو قاعد ماعرفتش شني تحب نخاف نأخذلها حاجه وماتعجبهاش، شن رأيك أختارلي أنت بما إنك عندك سوابق في الحب وتعرف????
وليد على طول إذكرت فرح، أصلا ولا لحظه غابت عن بالي????، كانت تحب الحاجات البسيطه ومتحبش التكليف بكل: كان على السوابق حتي أنت عندك ولانسيت؟????
خالد بإبتسامه: تبي الحق والله نسيت????، وبعدين مافيش وجه مقارنه بينهم أبدا، فرق بعد السمي على الأرض في كل شي????
وليد:خلاص أمالا خلي نوازيلك أني على ذوقي هالمره، وأن شاء الله يعجبها الطرابلسيه على قولت أهلك????
خالد بغضب????: حتي أنت ياوليد فكنا من الجو، عارفني مانحبهمش الحركات هاذم
في الليل مقعمزين
وليد بحزن: قصدك خلاص غدوه متوكل، ياريتك زدت هالسبوع والله غيرتلي جوي 
خالد: أي إن شاءالله، لا وين نزيد والله معاد فيها، توا دورك تعالا ديرلنا زياره أنت
وليد تنهدت: والله ماني عارف يصير خير
خالد زعما نكلمه ولا لا????
{{{من يومين وليد كان في الحمام، وندى جابت القهوه
خالد: شن هو الموضوع اللي قلتيلي مهم وماتبيش تحكيه قدام وليد
ندى بتوتر: لما صار الحادث لوليد، الدكتور دارله صور وأشاعه قال مرات يكون عنده نزيف داخلي أو هكي، وقال أنه عنده كتلة دم متجلطه في الدماغ، ولازم نعاودو الصوره أو نأخدو عينه بس وليد سكر رأسه
خالد بخوف: معقوله علاش ماباش
ندى بحزن: والله ماعارفه حتي حسيته عادي ماتأثرش لما قالنا الدكتور، وكأنه عارف من قبل، أني خايفه عليه???? وحتي لما جي نور الدين بيرجع نسرين، وافق على طول وماأعترضش قال خلي ترجع وتشوف حياتها أني مش عايشلكم ديمه???? حاسه أنه فيه شي وهوا عارف ومايبيش يقول، باللهي كلمه أنت وزيد حاول معاه بالك يسمع منك????}}}
خالد زاد شغلني هالموضوع حاولت معاه كم مره أنه يدير صور وأشاعه على أساس بنطمنو عليه بس كان يتهرب، لازم نعرف شني فيه قبل مانروح: وليد
وليد: نعم ياخالد
خالد بتوتر: قتلك مش المفروض عاينت على قلبك، ورأسك وقلت للدكتور على الحالة اللي تجيك فجأة هذي، المره هذي ستر ربي وجاتك بسيطه، المره الجايه ماتعرفش شن يصير
وليد تنهد بحزن????: حالة قلبي وعارفها مش لازم دكتور مايقدرش يديرلي شي????، بس أول مره عيوني يضبابو وتنعدم الرؤيه عندي????
خالد بإستغراب: كيف حالة قلبك وعارفها؟؟
وليد بحزن: الحالة هذي تجيني لما تكون هيا مريضه أو صايره معاها حاجه قويه، قلبي يتوجع عليها حتي في غيابها????
خالد إذكرت مره كيف صارله في المحل وكيف حس بيها، وفعلا طلعت مريضه وراقده في المستشفى وقتها، تنهدت بحسره على حالته: ياريتك ماسيبتها ياوليد عذبت روحك????
وليد بدموع????: كيف بندير قولي، باهي أفرض ماسيبتهاش واستمريت معاها وزدت عشمتها معاي وبعدين في رأيك لو مشيت وطلبتها أهلها راح يوافقو بعد ماليبيا كلها عرفت باللي صار معانا، من هما اللي راح يرضو يعطو بنتهم لواحد أمه زانيه وبوه خانب، وحتي لو وافقو وعطوهالي أني مستحيل نرضي نخليها تتمرمد معاي، نشوفها فرحانه مع غيري ولا نشوف دمعه واحده من عيونها وهيا مش مرتاحه معاي????
خالد وجعني قلبي???? أول مره نشوف وليد بالشكل هذا كان يشهق ويبكي زي العيل، قربت وحضنته: لا ياصاحبي مانعرفكش هكي قوى روحك خيرك
وليد: عمري ماتمنيت حاجه من الدنيا غيرها، وحتي هيا إستخسروها فيا???? ااااه ياربي ااااه
خالد عيوني دمعو: الدنيا نصيبات ياصاحبي، ربي يرزقك باللي تسر قلبك وخاطرك????
وليد????: أني نبيها هيا وبس مانبيش غيرها، يحرمو عليا البنات من بعدها
خالد: أستغفر الله ياراجل شن تقول؟؟
وليد: كل دعائي توا أنه ربي يجمعني بيها في الجنه، مادامه بعدني عليها في الدنيا، المفروض من العدل يخليها من نصيبي في الأخره صح ولا ياخالد؟؟????????
** أنا العاشق السيء الحظ… لا أستطيع الذهاب إليكِ… ولا أستطيع الرجوع إلي… **????????
خالد معرفتش كيف نصبره، أو كيف نهون عليه، في حد يحب حد للدرجه هذي، يناجي ربي بيها????
فات الوقت وعلى قد مادرت شي ماقدرتش نغير لوليد جوه، قضاها الليله كلها وهو يبكي، أني كنت مأجر حوش في جنبهم إنبات فيه، بس ماهانش عليا نسيبه الليله بروحه وهو هكي حالته، تنهدت لما رن تليفوني كانت فرح????، تعبتني معاها حتي هيا كل مانتصل بيها ياأما ماتردش ياأما تتحجج أنه أمها تنادي عليها، غريبه متصله هيا الليله، نضت طلعت وفتحت الخط: أهلين يافرح
فرح مش عارفه شني اللي خلاني نتصل بيه بس ماعنديش غيره: خالد راقد؟
خالد: لا مش راقد، وحتي لو راقد إنوض على خاطرك، بس شني اللي ذكرك فيا الليله
فرح بحزن????: تبيني نسكر قصدك؟؟
خالد تنهدت ديمه تحذف في الكوره ليا: لا أني ماقلتش هكي بس تعودت أني اللي نبادر ديمه وياريتني حتي نحصل قبول منك ديمه تصدي فيا????
فرح: أهو الليله بادرت وبرضو مش عاجبك، شني تبيني إندير????
خالد: ماقلتش مش عاجبني أني بس، وسكتت لما قاطعتني 
فرح مانبيش يصير زي كل مره وينتهي النقاش بمشكله????: خالد أمتي إمروح؟؟ إستاحشتك !!!
(( ماحدش يفهمني غلط شعور الإحتياج يخليك تحاول تتعلق باأي شي وبالذات لما تكون في عز تعبك، تبي أي شي يعوضك الحرمان اللي عندك???? عارفه روحي بالطريقه هذي نظلم في خالد معاي بس حتي أني إنظلمت هلبا????))
خالد من الصدمه معاش إستوعبت شي، فكرت أنها ممكن تكون مريضه وقاعده تهلوس: فرح أنتي كويسه !! خيرك مريضه فيك شي؟؟
فرح تنهدت عنده حق مايصدقنيش: كويسه ياخالد، بس نبي إنروح لحوشنا❤
خالد معاش فهمت نفرح ولا كيف إندير قعدت ساكت
فرح: خالد وينك أنت معاي ؟؟
خالد: معاك معاك 
فرح ليش ساكت باهي، سمعني صوتك
خالد نكذب عليكم نقوللكم مصدق أنها فرح نفسها لا واللهي توقعت أنها واخذه حبة مش ليها????: فرح فيك حاجه، شن صاير معاك
فرح: خلاص ياخالد تصبح على خير
خالد حسيت أنها زعلت، وأنت خيرك مش كنت متمني أنها تكون هكي شن جاك توا؟؟ تكلمت بسرعه: أستني يافرحتي❤❤
فرح لا ياربي ليش حتي لما هربت لخالد لازم إذكرني بوليد????????
خالد طلعت الفجر بعد ماسلمت على وليد ووعدني أنه هو يزورني باأقرب وقت، تمنيت أني كنت جاي بالطياره نبي نوصل بسرعه بصراحه إستاحشت فرح، وفي نفس الوقت خايف عليها حسيتها إمبارح مش طبيعيه، طول الطريق وأني تفكيري عندها وهيا ماسيبتنيش بالمسجات???? لو كنت نعرف مشية تونس بتغيرها هكي راهو مشيت من أول يوم???? وصلت لطرابلس إموخر شويه، طبعا من المستحيل نقدر نروحو لمصراته في هالوقت
فأكيد راح إنبات عند نساباتي????
فرح مجرد ماكلمني خالد وقالي أنه قريب يوصل، مش عارفه شن صارلي حسيت روحي ندمت على كل شي صار إمبارح، أني قاعده مش جاهزه فعلا لهالخطوه،????
 وتيتله العشي وجهزتله الحمام أكيد راح يدوش، وقعدت نستني حسيته عطل شويه، س12 وقاعد ماوصلش، ماما وبابا رقدو، وحتي سناء رقت هيا وصغارها من بكري، وسالم قاعد ماروحش، كيف خديت التليفون وبنرن عليه بس رن في إيدي
خالد: أني قدام الحوش
طلعت فتحت الباب وقعدت واقفه وراءه لين خش، 
أبتسمت ومديت إيدي على أساس بنسلم عليه: الحمدلله على السلامه 
خالد تجاهلت إيدها وحضنتها بسرعه❤: في واحده تسلم على راجلها اللي مستاحشاته هكي زيك????
فرح مش عارفه شن جاني إنسبهت ماعرفتش قداش قعدنا واقفين وهو حاضني
خالد لو نقعد حاضنها طول العمر مايكفيش شوقي ليها، حضنها راحه تنسيني كل التعب، ماخلانيش نبعد إلا صوت تليفونه اللي رن وخفته يفيق حد وخصوصا الوقت متأخر
فرح حسيت روحي سخنت من التوتر رغم أنه أحني في الشتي والدنيا صقع: ها سالم وينك، علاش، أها باهي ماشي، لا رقدو من بكري، تصبح على خير
خالد: سالم مهناش ولا كيف
فرح اي طالع توا قال بايت برا، خش تعالا الدنيا صقع، وتيتلك الحمام خش دوش لبين ماسخنتلك العشي
خالد بخجل: والله حوايجي كلهم إامسخات????
فرح: ههههه خلاص خش توا إنجيبلك حوايج تلبسهم لين نغسلك حوايجك
فرح دخلت ال سفره ولقيت خالد يصلي، قعمزت وسرحت من غير ماننتبه لخالد اللي كمل 
خالد تلفتت لقيتها مقعمز ورائ والله أعلم وين سارحه، قعدت مركز عليها وعلى عيونها????: لو حد غيري واخذ تفكيري بنزعل وهلبا راهو????
فرح بتوتر: ها لا لا
خالد ضحكت????: لمني التوته الباين جديده؟؟
فرح إذكرت لما شريتها لوليد ومالحقتش نعطيهاله لما توفي راجل عمتي، وصار اللي صار، إبتسمت: جاتك كويسه تقول مقاسك، وحلوه ماشيه معاك????
خالد: لمني باهي مانحبش نلبس حاجه مش ليا وبالأخص أنها جديده
فرح: ومن قالك مش ليك؟؟
خالد بفرحه☺: تبصري صح، قصدك ليا، أمتي خديتيها؟؟????
فرح بإبتسامه: أي ليك، وصيت سالم وهو جابهالي، هيا تعشي مش جعان شكلك؟؟
خالد: جعان لدرجه كان نلقي نأكلك أنتي????
فرح تعشي خالد وأصر أني نأكل معاه، وقعدنا قريب ساعه وهو يهدرز على صاحبه وشن دار، شفت الساعه كانت قريب 2 : خلاص هيا أرقد أكيد تعبان من الطريق 
خالد بحب????: مجرد ماشفتك التعب كله أختفي، خليك جنبي بس
فرح بخجل: بس لازم ترقد، بكرا ورانا مشوار أرتاح توا
خالد: باهي نرقد بس بشرط خليك جنبي????
فرح بخجل: مانقدرش بابا ديمه ينوض يصلي في الفجر نخاف يفقدني أو يشوفني إهنايا، عيب????
خالد مش عارف كيف قاعد شاد روحي علاها، قربت وبستها???? ومابعدتش لين حسيتها معاش قادره تتنفس????❤
شكلها كان خراااافي خدودها الحمر من الخجل???? وعيونها اللي يلمعو، ولا شفايفها اللي ماخلوش فيا عقل، ومايقولوش وقف بكل????: نوضي أطلعي توا معاش نقدر نضمن روحي شني ممكن إندير فيك????????
قعدت نضحك علاها كيف طلعت تجري????????
فرح رقدت في دار سالم ماكنتش نبي نرقد في داري ويغلبوني دموعي زي كل ليلة، طلعنا الصبح بعد مافطرنا وخالد سلم على بوي وأمي، واللي يشوف خالد وإحني مروحين كيف يهدرز ويبصر ويضحك مايقولش نفسه اللي لما جايين منكد ومعصب وكأنه الدنيا كلها واقفه في وجهه
خالد كل واحد فينا في أشياء بسيطه أو ممكن تكون تافهه في نظر شخص ثاني، قادره تفرحه وتقيمه لأخر سما، حسيت وقتها الدنيا كلها تضحك في وجهي، علاقتي أني وفرح المتوتره كانت أكبر مخاوفي بس يبدو أني قدرت نتغلب عليها شويه شويه، ❤❤
ماكنتش عارف أنه القصه الكارثيه قاعده مابدتش بكل????????
يتبع ……
لقراءة الفصل الخامس : اضغط هنا
لقراءة باقى فصول الرواية : اضغط هنا

اترك رد