Uncategorized

رواية أحببت ابنة عمي الفصل الثالث 3 بقلم زهرة العمر

 رواية أحببت ابنة عمي الفصل الثالث 3 بقلم زهرة العمر
رواية أحببت ابنة عمي الفصل الثالث 3 بقلم زهرة العمر

رواية أحببت ابنة عمي الفصل الثالث 3 بقلم زهرة العمر

كريم / مبقاش انا كريم المنياوي لو مفصلتكيش من الجامعه اعتذرى حالا دا لو خايفه ع مستقبلك 
اجى فى الوقت دا سكرتير مكتب العميد / دكتور كريم سيادة العميد مستنى حضرتك في المكتب وقالى اروح اشوفك 
هنا/ بدهشه ممزوجه من الصدمه  دكتور كريم ثم تابعت بتردد ممزوج بخوف واسف / انا اسفه جدا جدا ي دكتور كريم بعد اذن حضرتك ثم انصرفت سريعا وهى تشكر ربها انها قد نجوت 
كريم/ تمام جاى وراك 
سلمى لمحت هنا وهى ماشيه 
سلمى بعد اذنكو ي بنات 
هنا ي هناااا
هنا بانتباه ايوا 
سلمى مالك ماشيه كدا ليه 
هنا وقد عادت الرجوع لرشدها / كنت هتفصل من دقيقتين بالظبط من الجامعه 
سلمى بدهشه ممزوجه بخضه / الله يخربيتك عملتى ايه 
هنا / تعالى بس نجيب اكل افوق من الخضه اللى انا فيها دى واحكيلك ????
عند كريم خلص الورق بتاعه كله وجاسر رن عليه عرفه أنه وصل ومستنى برا فى العربيه 
جاسر/ مال وشك 
كريم/ ما فيش مرهق شويه 
جاسر/ امممم متاكد 
كريم/ مرهق بس والله سوء تفاهم كدا بينى وبين طالبه بس تعبت جدا فى النقل والجدول وتظبيط المواعيد هحكيلك بكرا لانى حقيقى مرهق جدا 
جاسر/ تمام ماشى 
كريم بتذكر/ جبت الحاجات اللى عاوزها 
جاسر/ ايوه جبتها واعمل حسابك تجى بدرى بكره لأن فيه شغل كتير 
كريم بهدوء / تمام 
***عند سلمى وهنا 
سلمى/ يخربيتك ي هنا انتى مجنونه ي بنتى لسانك ده هيوديكى فى داهية والله 
هنا / هو اللى أسلوبه مستفز برده ي سلمى كان هو قدامه
جاته قرف فى حلاوته ده أسلوبه مش ماشى مع شكله خالص????
سلمى / مستفز مترديش ي بنتى خليكى ناقصه كلمه هنا بطريقة درامية مضحكه / والله ده انا اموت فيها 
سلمى بضحك / طيب يختى صحيح انا جايلى عريس 
هنا / الله يعنى هلبس فستان سواريه ????
سلمى/ اتكلمى بجد بقا 
هنا / وانا هزرت فى ايه بس ازاى سى محمد بتاعك ده عملها يعني وتقدم 
سلمى / مش محمد ده جاسر 
هنا / جاسر مين 
سلمى/ ابن عمى 
هنا بتذكر/ ال كان مسافر 
سلمى/ ايوه هو
هنا/ ورأى الاستاذ محمد بقا فى الموضوع ده ايه 
سلمى / انا كلمته وقالى هيجى يتقدم بعد ما يخلص كليه هنا/ اى اللى مانعه يعنى أهله مستواهم كويس لولا الواسطه والله أنه دخل هندسه كنت ممكن اقولك ماشى 
سلمى/ قصدك ايه 
هنا/ مقصدش ي سلمى يلا سلام لازم اروح
سلمى/ سلام 
فى بيت سلمى***
سلمى/ ادخل 
سهام/ فاضيه ي حبيبتي
سلمى/ ايوه ي ماما اتفضلى 
سهام / ها فكرتى 
سلمى/ لسه ى ماما هرد ع حضرتك بكره 
سهام/ فرقت ايه يعني النهارده من بكره ثم تابعت انتى فى حد فى دماغك ي سلمى 
خافت سلمى تقولها ع محمد لمتوفقش عليه وتخليها توافق ع ابن عمها 
سلمى/ لا ي ماما مفيش 
سهام بارتياح / طيب عمك كلم باباكى واتفقوا أنهم يجو بعد بكره 
سلمى بتردد/ مش بدرى ي ماما
سهام مطمانه ابنتها/ لا ي سلمى مش بدرى دى مقابله عاديه مش قراية فاتحه ولا حاجه لو فى قبول كان فيها مافيش ربنا يسهل بقا ساعتها 
سلمى وقد استشعرت بعض الراحه من حديث والدتها/ تمام ي ماما
سهام / تمام ي قلب ماما اسيبك انتى بقا تنامى تصبحى ع خير 
سلمى/ وحضرتك من أهله 
فى اليوم التالى 
فى شركة الحديدى 
شيماء / جاسر بيه الملفات دى عايزه أمضت حضرتك 
جاسر/ تمام اخر فايل ابعتيه للبشمهندس كريم وهو هيتصرف 
شيماء/ البشمهندس كريم لسه ما جاش ي فندم 
جاسر بتعجب/ هو بيتأخر كده على طول 
شيماء / لا يا فندم دى اول مره 
جاسر/ طب اتفضلى انتى 
شيماء/ عن اذنك ي فندم 
جاسر طلع تليفونه ورن ع كريم طول شويه وبعدين رد 
كريم/ الووو
جاسر/ صح النوم يا بشمهندس 
كريم وهو يدعك عينه / دكتور لو سمحت انت ناسى الدكتوراه ولا ايه ????
جاسر / خمس دقايق والاقيك قدامى ي كريم عشان مخليش يومك اسود 
وقفل الخط 
فى الجامعه***
محمد/ ايه رايك يا قلبي لو نخرج بعد الجامعه 
سلمى/ انت عارف رأي ي محمد فى موضوع الخروج ده أخرج بصفتى ايه 
محمد بجرأه / حبيبتي 
سلمى اتكسفت ومردتش 
وكان فى شخص متابع الحوار بينهم بغل وحقد وتوعد لهم خصوصاً سلمى 
***** عند هنا كانت واقفه مع شلة بنات بيتكلمو عن مستقبلهم وهيدربو فين قعدت معاهم شويه بعدين راحت المكتبه تدور ع كتب ناقصاها 
ايوه الحمدلله لاقيته الحق بقا ادور على سلمى عشان المحاضره 
فى شركة الحديدى**
جاسر/ كل ده تأخير حضرتك 
كريم / دا ساعة ونصف متكبرش الموضوع ????????
ثم تابع بجدية عكس مزحه منذ قليل شيماء قالتلى انك قالب الدنيا ع فايل فهد الدمنهوري لسه بدري ع معاد الانشاء احنا لسه فى مرحلة التصميم 
جاسر/ فهد الدمنهوري له اعداء كتير جدا وقلقان عشان كده خد انت بالك من الموضوع ده وتابعه كويس 
كريم بجدية/ تمام متقلقش
شيماء / جاسر بيه عند حضرتك انت والبشمهندس كريم اجتماع بعد خمس دقايق 
تمام اتفضلي انتى 
بعد الاجتماع جاسر/ كان مالك امبارح بقا واي حوار الطالبه دى 
سرد له كريم كل ما حدث 
جاسر / هى ما غلطتش اوى بس أسلوبها كان مبالغ فيه 
وعملت ايه 
كريم / عديت الموضوع 
جاسر/ اشمعنا 
كريم/ مش عارف بس حسيت انى هبقا جاى عليها اوى لو فصلتها ده مستقبل ومش عايز اول يوم اعمل مشاكل والطلبه تخاف منى 
جاسر/ تمام ثم تابع انا احتمال اروح بدرى النهارده لانى تعبت جدا ومش قادر 
كريم/ طيب ممكن تروح النهارده وتكمل بكرا
جاسر/ هشوف وراك محاضرات النهارده 
كريم / ايوه كمان ساعه 
جاسر/ تمام نمشى سوا 
فى الجامعه***
سلمى / اليوم كان طويل اوى مش قادره اكمل 
هما/ يلا اهى اخر محاضره ونروح 
فى المدرج 
كل الطلبه موجودين وهنا بتتكلم مع سلمى
وفجأه كل الطلبه سكتوا ودخل الدكتور وقفل باب المدرج
الدكتور/ مساء الخير انا الدكتور كريم المنياوي وال هكمل معاكم الماده بدل دكتور حازم 
يتبع…
لقراءة الفصل الرابع : اضغط هنا
لقراءة باقي فصول الرواية : اضغط هنا

اترك رد