Uncategorized
رواية كمان الحب الفصل الأول 1 بقلم إيمان الخيال
رواية كمان الحب الفصل الأول 1 بقلم إيمان الخيال
 |
| رواية كمان الحب الفصل الأول 1 بقلم إيمان الخيال |
رواية كمان الحب الفصل الأول 1 بقلم إيمان الخيال
بقولك ايه في حفلة انهاردة ف الجامعة و بيقولوا المطرب اللي جاي حلو اوي
سمر : ايوا يعني عاوزه ايه
مني : عاوزه ايه يعني ، نحضر الحفلة
سمر : انتي عارفة انا انهاردة يومي مليان و طويل و مرهق ازاي
مني : طيب خلصي ارهاقك و تعالي فرفشي شوية ف الحفلة
سمر : لأ ي ست أنا ما بصدق اخلص و اروح البيت ، انتي عارفة قد ايه شعور العودة الي البيت جميل و مريح
مني : بالله ي سمر تحضري معايا
سمر : هو مين المطرب طيب ، لو عمرو دياب هحضر
مني : أكيد مش عمرو دياب يعني
سمر بزهق : اومااال
مني : ساهر
سمر : مين ساهر ده ؟!
مني : مش معقول مش عارفاه
سمر : هو مشهور اوي كده
مني : هو مشهور اوي عند البنات اكمنه حليوه و قمر
سمر : طيب سيبيني بقا لأن عندي محاضرة دلوقت
مني : ده اخر كلام يعني
سمر : و مفيش غيره ،سلام
مني : سلام ي فقر
مني الهبلة دي صديقتي من ساعة ما دخلت الجامعة و صحيح أنا سمر بنت عادية يعني جمالي عادي جدا و بشرتي لونها قمحي و عيوني سودا و مش واسعة اوي و أنفي طويل شويه او شويتين و طولي متوسط و دلوقت أنا ف رابعة كلية ( كلية الحقوق ) ، يعني قربت اتخرج علي خير و الجامعة عاملة حفلة و جايبة المطرب اللي اسمه ساهر ده ، هو انا كان ممكن احضر عادي لكن حقيقي يومي طويل و مرهق انهاردة …
في نهاية اليوم ⬇
سمر : ايه كل الأمن ده هنخرج ازاي
أحد افراد الأمن : ممنوع الدخول او الخروج يا أنسة
سمر : يعني ايه ، هتحبسونا ف الجامعة
احد افراد الأمن : لو سمحتي ي استاذة انا واخد اوامر ان البوابة ما تتفتحش الا لما الاستاذ ساهر يخلص و يمشي
سمر بزعيق : و انا مالي بساهر بتاعك ده ، انا عاوزة اخرج
ساهر : فيه ايه يا سيد
سيد ( فرد أمن ) : الأنسة اللي هناك دي عاوزة تخرج
ساهر : طيب ما تخرجوها
سيد : أوامر ي فنان و لازم ننفذها علشان سلامتك
ساهر : طيب أنا هتصرف
سمر : لو سمحت افتح البوابة
ساهر : اهلا يا انسة
سمر : لا اهلا و لا سهلا
ساهر : مالك متضايقة ليه
سمر : و لو قلتلك متضايقة ليه هتحللي الحوار
ساهر : يمكن
سمر : عاوزة اخرج
ساهر بمزاح : هو حد مسك فيكي ، ما تخرجي
سمر بغضب : واضح ان الاستاذ خفيف الظل
ساهر : واضح ان الاستاذة دمها تقيل و مش بتحب الهزار
سمر : انت اخويا او ابويا او جوزي علشان تهزر معايا
ساهر : انتي بجد مش عارفاني؟!
سمر : واضح ان الاستاذ معجب بنفسه اوي
ساهر بابتسامة خفيفة : واضح انك مش عارفاني بجد
سمر : ممكن تحل عني بقي لأني مش ناقصاك
ساهر : طيب مش عاوزة تتصوري معايا
سمر : هو انت عبيط
ساهر : ليه طولة اللسان دي بقا ، بس بجد مش عاوزة تتصوري معايا
سمر : هو انت كل اللي بيشوفك بيبقي عاوز يتصور معاك ؟!
ساهر : بصراحة اه و خصوصا لو بنت
سمر : اهو شوفت حاجة مختلفة ي سيدي
ساهر بنبرة غامضة : بصراحة مختلفة جدا
سمر بغضب : تقصد ايه يا افندي
ساهر : ما قصدش حاجة والله بس انا ممكن اخرجك بشرط
سمر : ها
ساهر : رقمك
سمر : ها شرطك ايه
ساهر : رقمك ، عاوز رقمك
سمر : واضح ان القمور مصر يتهزق
ساهر : خلاص خليكي واقفة بقي
سمر : ع فكرة انا ممكن اصرخ و الم عليك الجامعة كلها و افضحك
ساهر : ع فكرة الفضيحة هتبقي ليكي انتي لان انا كده كده كل يوم صورتي ف المجلة مع بنت شكل
سمر : قصدك انك كده كده مهزق فمش فارقة معاك
ساهر بغضب : كفاية طولة لسان بقي ي حلوة و خلصي نفسك و هاتي الرقم
سمر : ….