رواية كمان الحب الفصل الرابع 4 بقلم إيمان الخيال

سمر : انتي ازاي تعملي كده من غير ما تقولي لي ؟!

مني : ايه اللي انتي بتقوليه ده ، ده بدل ما تشكريني ع اللي عملته 

سمر : ي مني انا مش عاوزه فضايح و كتر مقابلتنا مع اللي اسمه ساهر دع هتجبلنا مشاكل 

مني باستخفاف : انتي ليه محسساني ان ساهر ده كبا#ريه متنقل 

سمر : هتموتيني من الهاها ف يوم والله 

مني بضحك : دمي خفيف و ده مش بإيدي ، المهم انا قلت له اننا هنقابله 

سمر : بس اااا

مني بحزم : مفيش بس لازم ع الاقل تشكريه ع اللي عمله معاكي 

سمر : ماشي يا مني 

مني : انهارده بعد المغرب ، ماشي 

سمر : هنقول لهم ايه ف البيت 

مني : الحقيقة طبعا 

سمر : ايه اللي هي ايه 

مني بتعجب : اللي هي حصلت من الأول 

سمر : بس انا مش عاوزه حد يعرف حاجة عن اللي حصل 

مني : يبقي تعرفي امك بس ، علشان يبقي حد عارف احنا فين وبنعمل ايه 

سمر : هحاول اقولها بطريقة بسيطة علشان ما تخافش 

.

.

سمر : ماما ، انا عاوزه اقولك ع حاجه 

مريم : قولي يا سمور ، انا كنت عارفه ان عندك كلام 

سمر : اللي حصل انه ………..

مريم بخوف : كل ده حصل معاكي ي حبيبتي 

سمر : لو سمحتي يا ماما محدش يعرف با اللي حصل و انا هحل الموضوع 

مريم : لازم ابوكي يتدخل ي سمر 

سمر : انا كده هندم اني قلت لك 

مريم : طيب خلاص ، بس هتعملي ايه 

سمر : الاول اروح اشكر ساهر و اعتذرله عن كل اللي حصل له بسببي 

مريم : طيب خلي بالك من نفسك و ما تبعديش عن مني 

سمر : حاضر يا ماما و ما تخافيش ، صدقيني هحل الموضوع بهدوء 

.

.

مني : يلا يا بنتي هنتأخر ع الولا 

سمر : ايه ده ؟!

مني : فيه ايه !!

سمر : هو انتي رايحة فرح ، ايه الفستان ده 

مني : ده ع اساس انك لابسه شوال 

سمر : و ايه  اللي ف وشك ده 

مني : احنا هنغير ولا ايه 

سمر بتناكه : انا ما بغيرش ع فكره و بعدين هغير ع مين و من مين 

مني : انا شامه ريحة شتيمة و غلط 

سمر بضحك : لا والله يلا نمشي بقا ، كدا تأخير أوڤر 

.

.

وصلنا للمطعم اللي ساهر قال عليه و كانت حاجة كدا زي الأفلام لأنه كان حاجز المطعم كله لينا أو انا كنت فاكره كده ..

ساهر : اهلا بالانسات 

مني : اهلا بحضرتك

ساهر : مفيش داعي للرسميات

سمر بغضب غير مبرر : لأ طبعا فيه بينا رسميات ، احنا مش اصحاب و لا هنبقي 

ساهر بضحكة مستفزه : انا مش فاهم ايه اللي مزعلك اوي كده 

سمر : هو كل اللي حصل معايا ده ما يزعلش 

ساهر بحزن : أكيد يزعل بس كل حاجه و ليها حل 

سمر : ما اعتقدش ان موضوعي ليه حل 

ساهر : اكيد هنلاقي حل 

سمر باندهاش : هنلاقي !!

ساهر بضحكه بريئه : طبعا ، انا بدأت الحكايه معاكي و هخلصها معاكي 

سمر : بس انت ما لكش ذنب تلخبط حياتك 

ساهر : مش يمكن حياتي هتتصلح مش هتتلخبط 

مني : احم احم ، انا حاسه اني زي الكرسي اللي قاعده عليه 

ساهر بضحك :  لا غلط ، و دلوقتي تشربوا ايه 

مني : اي حاجه المهم حاجه تيجي بدل ما احنا قاعدين محدش معبرنا كده 

سمر : مني ، ايه اللي انتي بتقوليه ده ؟! 

.

.

ساهر طلب لنا عصير و مني الغبيه دلقته علي نفسها ..

ساهر : حصل خير 

سمر : قومي نضفيها ف الحمام يلا 

مني : انا اسفه اوي والله ، مش هتأخر عليكم 

.

.

مني راحت الحمام و قعدت انا و ساهر لوحدنا و لأني حظي جميل في موسيقي عاديه اشتغلت …

سمر : حلوه الموسيقي 

ساهر : تسمحيلي