Uncategorized
رواية عذبني ولكن أحبني الفصل الثالث 3 بقلم منة محمد
رواية عذبني ولكن أحبني الفصل الثالث 3 بقلم منة محمد
 |
| رواية عذبني ولكن أحبني الفصل الثالث 3 بقلم منة محمد |
رواية عذبني ولكن أحبني الفصل الثالث 3 بقلم منة محمد
وقفنا عند لميس لما مرات ابوها حرقتها بالمكواه
نرجع تاني لقصر الجوهري
ريم بتجري لاحقه فهد وتصرخ:فــهد رررجع كرستي أأستني ياقنفد….فهههههههههد
ضحك:هـهههه لا أول شئ اوعديني انك توديني للملاهي وانا ادهالك
ريم بعصبيه: لا امش هوديك وهتجيبها غصصصب عنك،،،،فهههد
دخل مروان البيت وشاف فهد بيجري ووراه ريم “ااحمدك يارب انهبلو”
مسك فهد وأخد منه الكراسه
ريم وقفت عنده وهي بتنهج:مـ مروان ،،هات كرراستي
مروان بص في الكراسه بسخريه:يعني كل الصريخ والجري ده عشان الكراسه دي
ريم: ايوة واتفضل ناولهالي
فتح مروان الكراسه وريم صرخت:لا ما تفتحهاش
فتح مروان عيونه بقوه وهو بيقلب الرسومات وماقدرش يمسك نفسه وانفجر ضحك:ههههههههههه هههههههههههههه
ريم اتنرفزت وسحبت الكراسه:ضحكت وانبسطت ايه بقي يضحك فيها
مروان طول ما هو بيضحك ماسك بطنه:ههههههههه الله ياخد شيطانك ايه الرسم الفوتغريفي ده كئنك طفله في الروضه هههه يابنتي خلي الرسم لصحابه
ريم حطت إيدها ع خصرها :لاكفايه رسمك الي يهبل الصراحة…وبعدين بتتريق من جمال رسمك اسم الله
مروان بغرور:أصلا أنا لوبحب الرسم كان زماني فنان بس مشكلتي مش بحبه
ريم باستهزاء:ياواثق أموووت فالثقه وأهلها
مروان غمز لها: ده انا أعجبــــــك
طلعت كوثر وهي لابسه ومتشيكه :أنتو ايه حكايتكم كل ما اشوفكم القيكم بتتخانقوا زي توم وجيري
مروان استهبل:أححححلـى أم متابعه توم وجيري تعرفي بيجي دلوقت علي قناه سبيستون روحي ليفوتك
كوثر ضربت مروان ع كتفه بخفه:بس ياولا
ريم:ههههههههههه،،،(وبصت لشياكه امها) إلا ياماما انتي رايحه فين
كوثر:رايحه حفله خطوبه ابن واحده صحبتي
مروان :وأنا أقووووول الشياكه دي كلها لمين…وبابا مش موجود مانتي مش بتتزوقي وتتشيكي غير ليه…وبصلها باعجاب بس تعرفي يا ماما طالعه قمر كئن عندك مممم 20 سنه
كوثر بغرور:أنا حلوه مهما كبرت
ريم باستخفاف:ياربي الثقه نازله ع الكل ماعرفش ماله البيت الواثق من نفسه اكيد فيه حاجة غريبه
مروان:هههههه
كوثر:مع السلامه أروح احتفل
مروان بسؤال:ماما بس مين هيوصلك
كوثر:السواق
خرجت كوثر ومروان طلع ينام وريم راحت تكمل شخبطه
في غرفــــــة رنــــــا
رنا بتتكلم في الموبيل :الحمد لله إنتي عامله ايه
دلال:بخير،،،واخبار ريم
رنا:تمام
انفتــــــح الباب مره واحده :هـــاااااي
رنـــا بعصبيه:اااه وقعتي قلبي ايه الدخله الشمال دي مش تخبطي كسرتي الباب
ريم:ســــــوري
قعدت جنب رنا وقربت ودنها من الموبيل : بتكلمي مييين
رنا بعدت عنها:وانتي مالك
ريم بزن: انطقي يلاااا مين قولي
رنا بضيق: دلال
ريم كشرت:دلال
رنا:أيوه
دلال :دي ريم هي علي طول محشورة كدا
رنا:وإلى الأبد
دلال: عايزة ايه
رنا: حشريه
ريم بنص عين: حاسه كدا انكم بتلقحوا عليا والله انا بحس واحساسي عمرة ما خيب
رنا باستخفاف :حاسه مش متاكده صح يا ملكه الاحساس
ريم كشرت: انا اصلا ايه الي مقعدني معاكي اقوم احسن
قامت وطلعت برى
دلال بقرف:أففف أختك دي بصراحه مش مهضومه أبدآ
رنا: سيبك منها مشت
دلال بنعومه: اللا ايه اخبار امير
رنا ابتسمت:بخير و كمان راجع قريب
دلال بفرحه:واللــــــه
رنا ضحكت:هههههه والله يعني قريب بنشوفك عروسه
دلال بتمني:ياربي امتى يجي اليوم ده
رنا:عيــــــب يابنت إنتي مستعجله ع الجواز
دلال :حــــــرام عليكي ليا سنه مخطوبه له مليت
رنا:صبرتي سنه بحالها مش قادره تصبري كام شهر
سمعت رنا دق ع الباب:ميــــــن
عادل:أنا عادل
رنا:أيوه اتفضل
دخل عادل:مساء الخير،رنا فين حطيتي الابتوب
رنا بعدت الموبيل عن ودنها:إمممم في اوضتك
عادل:تعالي طلعيه بسرعه
رنا كلمت دلال:أوكيه دلال أكلمك بعدين باي
قفلت معها وراحت معاه لغرفته وطلعتهوله
رنا مدت الابتوب له:عادل امتى تجيبلي لابي من المحل
عادل قعد عالسرير وحط الللاب فوق رجوله: النهارده
رنا قعدت جنبه:وليه مش دلوقت
عادل وعيونه ع الشاشه:مش شيفاني مشغول بعدين بقي
رنا قامت:أففف طيب هات عنوان المحل وابعت له السواق
عادل التفت لها وشاور ع الباب:شايفه الباب ياريت تخرجي وتاخديه في ايدك
رنا انقهرت:يووة بقي معاك ضحك علي شكلها المفروس
سمعت صوت التلفون جريت عليه بس فهد سبقها وأخد السماعه: آلــــــو
امير:اهــــــلا فهودي
فهد بابتسامه واسعه:امـير
رنا سحبت السماعه منه: هات اكلمه
فهد شدها تاني:هاتي اكلمه يا غلسه
وقعدوا يتخانقوا ع السماعه ونسوا امير الي عمال ينادي عليهم
وفاز بيها فهد بعد عياط طويل
فهد : امير
امير بتنهيـــده:وآآآآخيرا
فهد يبكي:امير شوف رنا الغلسه اخدت مني السماعه وأنا بكلمك
امير: لايا حبيبـــي خلاص طنشها وما تدهاش السماعه،،عامل ايه يا برنس؟
فهد:الحمد لله بخير،،امير امتي هتيجي
امير:قريب إن شاءالله
رنا سحبت السماعه من فهد:خـــلاص كفايه وقتك خلص،،،آلــــــو
امير: ايوة يا رنا
رنــــا:آ آ آ آ آي كتك قرصه في نفوخك
امير: نعــــــم
رنا: الجزمه فهد قرصني وهرب
امير:هههههه عامله ايه؟
رنا:تمام وانت
امير:تمام
رنا بابتسامه: علي فكره دلال بتسلم عليك
امير:…… الله يسلمها فين ريم
رنا: في اوضتها
امير : ناديها عايز اكلمها
رنا بغيره: وأنا مش ماليه عينك
امير:إلا بس أنا ماكلمتش ريم من زمان وأنتي بكلمك كل يوم تقريبا
رنا: طيب لحظــــــه
حطت السماعه ونادت ريم وريم جت تجري وأخدت السماعه: اهلا وسهلا والله لسه فاكر ولا كئن عندك أخت وحبيبه إسمها ريم
امير إبتسم:اهلا بيكي يا حلوه …عامله ايه ريمو والله وحشتيني
ريم بوزت بزعل: مش بخير
امير بخضه: ليييه
ريم بعتاب:أولالأنك ماكلمتنيش من زمان بس بتكلم رنا وثانيا: مروان رافعلي ضغطــــــي
امير بضحكه:يـــاقلبي والله مشغول وكل ما برن عليكي بالقيه مشغول أو مقفول وأنا كلمت رنا وقلتها بكلمك بس ماكنتيش عندها
وإذا ع مروان أكلمه وافرمهولك ها عايزة ايه تاني كمان
ريم ضحكت: هههههه مممم عايزة كمان ميرو قلبي
اميربعصبيه خفيفه:أصغرعيالك أنا
ريم ضحكت لأنها عارفه مش بيحب حد يدلعه:هههههه بدلعك مالك وبعدين امتي راجع بقي
امير:بعد كام اسبوع إن شاءالله
ريم شهقــــــت:واللــــــه حلو عشان تاخد لي حقي من مروان
امير:هههه ده اللي هامك طيب قولي ترجع بالسلامه
ريم بخجل:هههههه ترجع بالسلامه
امير:ياللا لازم اقفل سلميلي ع الكل باي
ريم:يوصل باي…
في غرفه الضحيه المغدورة لميس
انفزعت لميس من النوم ونبيله شاده شعرها:قومــــــي ياختي أنتي مش في فندق تنامي ع كيفك قومــــــي نضفي الجنينه
لميس مش مستوعبه حاجة لانها لسه ما ستوعبتش وتحاول تفك شعرها منها: :آ آ آ آ آه
شعــــــري حرا ا ام عليكي
نبيله شاده شعرها وسحبها منه: حــــــرمت عليكي عيشــــــتك قومــــــي
ورمت لميس ع الأرض
ووقفت عند الباب :ياللــــه قومي وياويلك إن رجعتي تنامي لان المره دي بحرق وشك واشوهك
طلعت من الاوضه،،، قامت لميس وهي ماسكه راسها وهي دايخة من شد شعرها
دخلت الحمام ومدت ايدها تمسك الحوض وتحاول تتوازن
غسلت وشها وفرشت سنانها وطلعت شافت الساعه لقتها 10 الصبح”آففف وعايزاني انضف الجنينه في الحر والشمس “
لبست قميص خفيف أبيض مورد بورد وردي ولمت شعرها ذيل حصان وحطت واقي شمس ع وشها ورقبتها وإيديها
ولبست شبشب وطلعت
نضفت الجنينه وهي ميته من الحر ونفوخها ودماغها بيلف لانها مااكلتش شئ
لما خلصت دخلت للبيت وقابلتها نبيله: انجري اعملي الغدا بسرعه واغسلي الهدوم علي ايدك لان الغساله بايظه
استغربت أمبارح غسله كل الهدوم: بس انا امبارح غسلتها كلها
نبيله بحقد:عارفه دي هدوم جارتنا وماعندهاش خدامه وطبعا البركه فيكي
انقهرت لميس “مشغلاني خدامه عندها وعند غيرها كمان”
دخلت للمطبخ وحطت الغدا ع النار وراحت تغسل الملابس اللي ماخلصتش منها إلا العصر
لميس ماسكه ظهرها من التعب :افففف ايه ده دي مش هدوم بني ادمه ابدا …دي كانها متعمدة توسخهم
دخلت المطبخ ونضفته وعملت لها ساندويش لأنهم ماخلولهاش غدى.. اكلته وراحت اوضتها وأخدت شور سريع ولبست برموده بيج وبلوزه أورنج نص كم ورفعت شعرها كحكه
دخلت هدى عليها بصتلها من فوق لتحت
لميس:نعم
هدى بعيون ضيقه:بتقولك أمي فيه زباله في الجنينه قومي لميها
لميس فتحت عيونها :بس أنا لسه منضفاها
بصتلها هدى باستخفاف:والله الجنينه فيها زباله وعايزاكي تلميها مزاجها كدا
طلعت لميس من الغرفه وهي شوي هتعيط من القهر”حــــرام
تعبت من الشغل عايزة أرتاح”
طلعت للجنينه وشافتها مليانه زباله انقهرت كان واضح إن حد ناثرها عمد في الجنينه وطبعا الحد ده أكيد هدى
قعدت تلمها وهي زهقانه وقعدت تغني:والدنيا عليها والفرح ياعيني بيتعد على صوابع ايدها
ديما تلاقيها دي في عز المر يكفيها دقايق تسعدها
مابتشتكيش دي الدنيا لا للشاكي مبتديش
مقلتش اه بالعكس بتحب الحياه وتعيش
دا الوقت خاين واللى بيفوت منه مبيرجعش
كام فينا راكب جوا قطر محطته مبتجيش
دا الحب مليها وعاشت ايام حلوه وايام ربنا لا يعيدها
راح أغلى ماليها .. حبايبها وناسها وتضور عاللى يعوضها
ياما فرحت نجحت ضعفت وقفت ياما قابلت ناس
على قد ما سمعت كلمة حب ياناس عمرها يتقاس
:من جمال صوتك بتغني
لفت لميس وشافت هدى واقفه عند الباب
لميس بثقه:ما أخدتش رايك وإذا كنتي مقهوووره ادخلي جوه وريحي نفسك
وعطتها ظهرها وكملت لم وهي بتغني لفت لماحست بهدوء وفعلا مالقتهاش موجوده ضحكت وكملت شغلها
سمعت جرس الباب وطلعت هدى وفتحته دخلت وحده وسلمت ع هدى لماشافتها لميس افتكرتها كانت رنا
رنا شافت لميس بصتلها من فوق لتحت بغيره لأن لميس كان شكلها كيوت حست بالكره اتجاها وقالت وهي بتشاور عليها: دي بقي خدامتكم
انصدمت لميس وهدى ضحكت وقالت: أيوه دي الخدامه
رنا بسخريه:تصدقي عرفتها من شكلها شكل خدامه
لميس مصدومه من تعاملها ليها وهي ماتعرفهاش بس لماشافت نظراتها ليها فهمت ابتسمت بسخريه ولفت وشها وكملت شغلها
رنا انقهـــــرت ولفت لهدى:هدى يا الله البسي خلينا نطلع نتمشي
هدى بتقهر لميس:تمام هنروح فين النهارده
رنا بدلع: هنروح مول **** وبعدها لاي مطعم شيك تختاريه بنفسك
هدى انبسطت:أوكيه
وراحت جوه تلبس
لميس أشفقت ع حالها من يوم ما جات هنا وهي محبوسه ومخرجتش وقاتله نفسها فالشغل دمعت عيونها
رنا نازاله نظرات للميس بحسد ع جمالها ورشاقة جسمها وشوي وكانها هتكسرها
طلعت هدى لابسه وطلعوا
في العربيه
رنا:أف لميس دي مادخلتش مزاجي كرهتها من اول ما شفتها
هدى:أصلا ماحدش بيحبها في البيت
رنا:مالهاش أهل تقعد عندهم
هدى:يااااريت كان ليها مش شيفاها مرزوعه عندنا
رنا:ليه فين أهلها في بريطانيا
هدى بقرف من سيرة لميس: ماعندهاش ،،فكينا من سيرتها وخلينا ننبسط
وصلوللمجمع يتمشوا وهما مبسوطين ع نظرات الشباب عليهم وهما لابسين فساتين كات وملفته للنظروريحة البرفيوم تفوح منهم مش حاسبين حساب ربنا وان يشوفهم في الشكل ده وإنه ممكن يقبض روحهم بأي لحظه
في قصــــــر الجوهري
مروان نايم وعمال يتقلب من إزعاج موبيله مد إيده جنبه ع الكومدينو وأخده
رد بصوت كله نوم: آآلــــو
بسام:اهلا يا خويا انت نايم
مروان اضايق وكله نوم : بسام خيــــــر
بسام: آخص لسه نايم
مروان علي اخره نفسه ينام: ايوة متنيل عايز ايه قول وخلصني
بسام:ياللااااا قوم نسيت اننا رايحين السخنه
فز مروان وبص في الساعه:يـــوووووووه الساعه 6 ونص
وأنا ماجهزتش
بسام:ههههه احسن إني اتصلت بيك ياخم النوم يلاااااا بسرعه
مروان بسرعه:باي باي
قفل الموبيل ورمي الغطا عنه بسرعه وقام دخل الحمام وأخد شور سريع ولبس بنطلون جينز أزرق وتي شيرت سماوي عليه كتابات بيضه صلى وجهز شنطته بسرعه
دخلت عليه رغــده بعد مادقت الباب : مرحبــــــا
مروان ابتسم وهو بيقل الشنطه: مرحبا رغوده
رغده شافت الشنطه: انت مسافر ولا ايه
مروان أخد الشنطه وإيده الثانيه كابه الأبيض:أيوه
رغــده: حــــــرام عليك اسبوع ماشفتكش اقعد طيب شوي
مروان راح لها:والله ماأقدرش اتأخرت ع الشباب وبسام جاي بس أوعدك آزورك في بيتك
رغده بزعل: نبقي نشوف
باسها ع خدها:باي
طلع من الغرفه ونزل تحت وقابل أمه طالعه من الصاله
كوثر: رايح فين
مروان:ابدا مسافر انا وصحابي نتفسح في شاليه السخنه
نزلت ريم وسمعته:وا ا ا ا ا نا رايحه معاك
مروان لف لها بتريقه: لا والله….انا مش مسافر لوحدي معايا الشله
كوثر: وامتي راجع
مروان: بكره أو بعده،،،تآمري بحاجه
كوثر:سلامتك
باس راس أمه:مع السلامه
طلع وطلعت وراه ريم
ريم :مروان إوعدني
مروان ماشي وهي وراه:أوعدك ب ايه
ريم:إنك تقنع ماما وبابا نسافر السخنه لما ترجع
مروان ابتسم:أوعدك
فجأه وقف وضرب جبهته بكفه:يوووووووه نسيت الللاب
ريم:أروح أجيبه
مروان بص ل ساعته:ياللا بسررعه لأن بسام ع وصول
راحت تجري هوا ومروان خرج لحد البوابه وشاف عربيه بسام واقفه قدام القصر
نزل بسام واقف وهو ماسك باب العربيه:يالا يا خويا اتأخرنا
مروان :لحظه بس هجيب الللاب نسيته
دخل بسام القصر بعد ماحط شنطته في العربيه: اهلا يا خم النوم
مروان:اهلا ياخميرة العكننه
دخل بسام ومروان لف ورى لباب المطبخ اللي ع الجنينه
نزلت ريم تجري ومعها اللاب
بس وقفت عند الباب ورجعت ع ورى بسرعه لما شافت ظهر بسام وعرفت إنه مش مروان من لبسه حمدت ربها إنه ماشافهاش
كوثر:مالك يا بت اتسمرتي مكانك كدا ليه
ريم بلعت ريقها: ها ماما اصل فيه حد واقف في الجنينه
كوثر:أكيد بسام،فينه مروان
دخل مروان ينادي: ريـــيـــيـــم
ريم مدت له الللاب ودخلت جري جواه القصر
نزل عادل متشيك علي الاخير لابس بنطلون جينز أسود وتيشرت أبيض
ريم حطت إيدها في وسطها :والأخ كمان رايح فين
عادل: وانتي مالك يا لذقه ،عندك السواق متحنط قدام الباب أخرجي حد حاشك
ريم: مش بحب اخرج لوحدي
عادل لف حواليه:براحتك امال فين الآنسه رنا
ريم: خرجت مع هدى
عادل عاقد حواجبه:على فين
ريم : للمول
عادل: طيب ليه ما خرجتيش معها
ريم بقرف: اخيه أطلع مع هدى ،،،،،مستحيل
عادل ضحك:ههههههه مالك قلبتي خلقتك كدا ليه
ريم:مالقيتش إلا دي ،،،،المهم هتروح فين
عادل:بارده مش هقولك باي
نزلت رغده علي اخرها متعصبه:يااا ســــــلام أنا أجي ومالئيش حد اقعد معاه غير ماما
ريم حطت إيدها علي وسطها بعصبيه:وأنا إن شاءالله جدار هنا في البيت
رغده:ههههههه ما قصدش بس ماشفتش حد فوق فكرتك انتي كمان خارجه
لا طبعا إنتي الخيروالبركه
ريم نفخت صدرها: طبعا انا البركه كلها
قعدوا يرغوا في الجنينه
****************
في بيــــــت نبيله
لميس قاعده في اوضتهاع السرير تكلم هند ع الموبيل
هند بانفعال:يارب ايدها تنكسر وماتلقيش الي يصلحها …..رجلك عامله ايه لسه بتوجعك
لميس:أحسن شوي مع إنها لسه محمره
هند:دي وليه مش بتخاف من ربنا
لميس بتنهيده:تعبت ياهند منهم،،أحيانا بفكرأسافر لبريطانيا
هند شهقت:بريطانيا
لميس:اسافر يمكن ألقى حد من خوالي عايزة اهرب من العذاب