رواية عذبني ولكن أحبني الفصل السادس 6 بقلم منة محمد

لميس:طيب هي فين

الجوهري :الدكتور بلغ البوليس لماشاف اثار الضرب اللي في جسمك والبوليس جه وحقق وإعترفت إنهاهي اللي عملت فيكي كدا واخدوها

بعدت عن عمها تترجاه:لا ياعمي الله يخليك طلعها علشان خاطري..!!!!

الكل مصدوم من طلبها حتى عمها مستغرب

حتى لميس اتصدمت من كلامها “المفروض إني ما اسامحهاش علي الي عملته فيا بس معرفش ليه قلت كدا يمكن لاني مش عايزة هدي تعيش نفس معاناتي مع اني بكرهههها

الجوهري اتغيرت ملامحه:ليه يا بنتي عايزاني أطلعها بعد وحشيتها وجبروتها معاكي

(وبحزم)مستحيل أسامحها

لميس مسكت ايده تترجاه:الله يخليك ياعمي ايوه أنا بكرهها لكرهها ليا وتصرفاتها معايا هي وهدى بس هدى وحيده مش عايزها تعيش العذاب اللي عشته الله يخليك ياعمي

اتصدم الكل من لميس وخصوصا كوثر الي ما توقعتش ابدآآآآ إن لميس تسامح نبيله وبنتها واللي صدمها أكتر إصرارها …مروان وعادل وريم بصوا لبعض مستغربين

الجوهري بستسلام:خلاص هبقي اشوف الموضوع بس مش هطلعها دلوقت خليها تتأدب وتعرف إنتي مين!!! وبنت مين وبعدين أطلعها

ريم: بابا امتى هتطلع لميس من المستشفى

الجوهري :إن شاء الله لماتتحسن حالتها

****************

في قصر الجوهري

رنا بغرفتها بتكلم دلال

رنا بحقد :تخيلي لميس تبقي بنت عمي انا

دلال بصدمه:ايييييييه …..وانتي مين الي قالك

رنا: بابا ولاكمان شكلها هتعيش معنا في القصر لأ وأهلي فرحانين بيها

دلال بغل:نعم

رنا بقهر:مقهوره يادلال ونفسي اخنقهاا ولا أقابل سحنتها ليل ونهار

دلال:خلاص ولا تعبيرها

رنا:أف استني عليا ان ما طفشتها من البيت لحد ما تغور لبيت عمي فريد

((نسيب الناس الاشرار دووول يكش الاوضه تقع فوق نفوخهم))

ونروح للطيبين

****************

ريم قاعدة تحت مع رغده وطبعا ما قصرتش قالت لها كل شئ عن لميس

رغده بحنان  :ياقلبي كل ده فيها

ريم بقهر:ولاكمان اللي قاهرني إنها سامحة مرات أبوها وبابا طلعها بس بعد قعدت في الحبس فتره وياريتها اتكسفت ع دمها لا فضلت تتوعد وتتحسبن

رغده :بجحه ….. بس مين قالك

ريم : بابا المهم هنروح لها العصر (زمت شفايفها بتفكير)بس شكلي مش هصبر لا انا هروحلها حالا

رغده:والله شكلها تنحب ..خلاص اروح معاكي واهلي يروحولها العصر ايه رايك

ريم انبسطت:أوكيه

قطع عليهم صوت التلفون وردت رغده:الو

امير: هاي رغوده ايه حكايتك عندنا من الظهر

رغده ابتسمت لماسمعت صوته: امير عامل ايه ياحبي؟

امبر:تمام وانتي عامله ايه وعمرتمام

رغده:كلنا بخير

سحبت ريم السماعه بلهفه: امير

امير:بسم الله الرحمن الرحيم،….يابنتي مش ناوي تغيري طابعك

ريم ضحكت:هههههههه انا طبعي كدا وبحب كدا ومعنديش الا كدا

امير :الي بيمدح في نفسه كداب

ريم بحماس:امير عندي ليك خبر بمليو و و و ون جنيه

امير قلد حماسها:والله قولي بسرعه ايه هو

ريم بستهبال:حزر فزر

امير بفضول ولهفه للخبر:ايه هو حزر وفزر داخلين فوازير احنا….قولي اللي عندك بسرعه

ريم :إيوه صح ع سيره الفوازير بيقولوا السنه الجايه في رمضان،،،،،،

قاطعها :رييييم

ريم ضحكت:هههههههه خلاص هقول

امير بملل:قولي خلصينا

ريم مطت كلماتها:تتخيييللل طلععع عندنا بنننت عممم

امير ضحك باستخفاف:ها ها ها ها قديمه انا عندي بنات عم ايه الغباء ده حمستيني علي الفاضي

ريم:لا لا لا دي بنت عمي محمد

امير بصدمه:ها

ريم:والله طلع عندنا عم اسمه محمد سالم الجوهري

اميربعدم تصديق:إنتي قاعده تقولي ايه بت انتي سخنه

ريم حكت له كل الحكايه وامير مصدوم: بت ياريم انت كويسه يا بت

ريم:والله العظيم واسمها لميس وكمان هتسكن عندنا هنا في القصر

امير عقد حواجبه:لميس

ريم:أيوه…..(وبحماس) إسمها حلو صح

امير اتنرفز:وأنا هعمل ايه باسمها…. اسمعي ياويلك مني إذا كان كلامك ده إستهبال

ريم اتعصبت: يعني لحد دلوقت عماله احلفلك وتقول إستهبال إسأل بابا إذا أنت مش مصدقني

امير بتفكير:طيب طيب باي

قفلت ريم وضحكت:ههههههه

رغده بضحكه:حرام عليكي جننتيه

ريم:ههههههه ساعات الرزانه متبقاش كويسه علي الصحة لازم شويه جنان

رغده رفعت موبيل ريم من الطربيزه ورمته في حضنها: مش وقت دلعك رني علي السواق يجهز العربيه

دخل مروان:ع فين العزم يا عيال الجوهري

ريم قامت : منجدنا خدنا للمستشفى

مروان بص في ساعته:بس لسه مش وقت زياره

ريم:لالا ولايهمك الدكتو عارف بابا هيسمح لنا بالزياره

مروان :أوكيه يالله

رغده مسكت فونها:اصبروا ارن ع عموري استأذن منه

ريم: ياللا بسرعه رني ع عمورك

ضحكت رغده ورنت ع عمر واستأذنت منه

ريم :ها قال ايه عمورك

رغده:أكيد وافق

ريم :أيوه قولتيله من الكلام المعسول عايزاه مايوافقش

رغده احمرت خدودهاا:قلييييلة أدب

ريم:ههههههه

مروان نفخ:علي فكرة انا هسيبكم وامشي

رغده قامت بسرعه:لحظه هلبس طرحتي

مروان وكأنه اتذكر شئ وقف ولف:ريم تعالي لميس لما ترجع هتنام فين

ريم بستهبال:يعني فين معاك طبعا في الاوضه

مروان برق عيونه وريم ضحكت:براحه شوي شوي لاتطلع عيونك

مروان: اقولك حاجة

ريم ببتسامه:قول

مروان مثل كانه هيضربها بالبوكس: اكتمي….انا اقصد هتنام معاكي ولا بابا بيخصصلها اوضه

ريم:لا هتنام معايا لحد ما بابا يخصصلها اوضه

مروان:طيب يالله امشوا

*******************

نروح للمستشفي للضحيه نشوفها عامله ايه

في المستشفي

لميس طلعت من الحمام حاسه بملل وزهق”أف امتى يجي العصر تيجي ريم والله هي حبوبه حبيتها كتير”

اتمشت في الجناح لأن الجوهري حجزلها جناح خاص في المستشفي

سمعت صوت الباب ولفت لقيت ريم ومعاها رغده دخلوا:السلام عليكم

لميس ابتسمت بفرحه:وعليكم السلام

ضمتها ريم: عامله ايه النهارده احسن

لميس:تمام الحمد لله

ريم :ليه قايمه من السرير

لميس:زهقت منه

رغده :إحم…إحم..نحن هنا

ريم ضحكت:سوري،نسيت أعرفك دي رغده

لميس ابتسمت وسلمت عليها

دخل مروان:احم….احم…..السلام عليكم

لميس ابتسمت لماشافته لانها كل ما تشوفه تشوف عمرها اللي فقدته(رامي)

قعدت ع سريرها وجنبها ريم

مروان: عامله ايه النهارده يابنت العم

لميس:تمام الحمد لله

رغده قعدت ع الكرسي: اقعد يا مروان ليه واقف

ابتسم:لا سوري عندي كم شغلانه لازم أخلصها…تامروني بحاجة قبل ما مشي

ريم:سلامة قلبك

مروان بضحكه:والله لو عارف إني لماأجيبك للميس هيطلع منك كل الكلام الحلو ده كنت جبتك كل ساعه

ريم : طيب سلام يامروان وخد الباب في ايدك واخفي

مروان:هههههه هي دي ريم اللي أعرفها

ضحك وطلع ولميس ورغد ه ضحكوا وريم إاتغاظت من ضحكهم عليها

حكوا مع بعض وانبسطوا لميس انبسطت مع رغده لأنها تنحب زي ريم بس رغده خجوله وتقيله شويه عكس ريم الراعي الرسمي للاستهبال والضحك

بعد وصول الجوهري والباقي طبعا غير رنا طلعت لميس معاهم للبيت

****************

انبهرت لميس من روعة البيت وتصميمه وذوقه الرائع في ترتيب الأثاث واختياره

دخلت غرفة ريم وعجبتها الغرفه لونها وردي وكبيره أثاثها فخم وراقي وفيها غرفة ملابس مفتوحه ع الغرفه وحمام

ريم:ها إن شاءالله عجبتك اوضتي

لميس بابتسامه:روعه

ريم: تمام خلاص من دلوقت بقت اوضتنا خدي راحتك فيها حبيبتي

لميس:بس أخاف أتقل عليكي

ريم: لا هزعل منك متقوليش كدا إنتي بنت عمي وفي عيوني وأنا كمان عايزاكي ياستي تشاركنيي فيها علشان ننبسط مع بعض

ضمتها لميس بصوت مخنوق:Thank you Reem

بعدتها ريم عنها:ده وقت أفلام هنديه(وبتهديد)و شوفي إذا بتقضيها معاي أفلام هندي عارفه هرجع في كلامي

ضحكوا وجت عندهم الخدامه تبلغهم ينزلوا تحت

دخلت لميس للحمام تاخد شور ولما طلعت لقيت ريم مجهزه لها هدوم من هدومها انحرجت لأنها ماتقدرش تلبس هدومها اللي كانوا عليها ومش معاها غيرهم أخدت اللبس وشافت فيه الإسكترات( تكت) يعني اللبس جديد لبستهم وكانوا چيب لنص الركبه بنيه مكسره وبلوزه بيضاء عليها كتابات بنيه بأكمام طويله خجلت تنزل وفعدت ع السرير

دخلت ريم:واو و و و يجنن عليكي ياروحي

لميس باحراج: ميرسي ريم بس أنا عايزة أروح لبيت طنط نبيله اجيب هدومي وحاجاتي مش عايزة اتقل عليكي زياده

ريم فهمتها: شوفي هزعل منك إذا عدتي الكلام ده تاني وإذا على حاجاتك نروح نجيبها ولايهمك وياللا ننزل لان بابا تحت

نزلوا تحت وكان الكل موجود ماعدا مروان

سلمت رنا ع لميس ببرووود وقعدت

الجوهري بحنان: عامله ايه دلوقت

لميس بخجل:تمام الحمد لله

الجوهري :إن شاءالله ترتاحي هنا والبيت طبعا بيتك يا بنتي

لميس بخجل رفعت راسها :شكرا ياعمي ربنا يطول في عمرك

الجوهري لف لريم:ريم النهارده روحي للمول مع لميس وخليها تشتري كل اللي ناقصها

لميس باحراج:لا ياعمي أنا…..

قاطعها الجوهري: دي فلوس أبوكي الله يرحمه يعني من حقك

ريم:بابا سيبك منها هنروح إن شاءالله

عادل:ههههه والله وأخدتي الجو كله يالموس

رنا بهمس:طبعا مش ده الي هي عايزاه

سمعتها لميس وانحرجت لأنها تقصد إنها داخله عندهم ع طمع بس هي مش عايزه فلوس هي محتاجه تكون وسط أهلها

الجوهري رماه رنا بنظرات سكتتها وقام وبص في ساعته: ياللا مفيش وقت علي الطيارة لازم أمشي

سلم عليهم وطلع

رنا بصه ل لميس وشاورت عليها بسخريه: مش دي چيبتك ياريم ليه دي لبساها ماعندهاش هدوم تلبسها

لميس جرحتها كلمتها

عادل وريم برقه لرنا بعصبيه

لميس حاولت تجمع قوتها وبثبات:أيوه ،حلوه عليا صح أنا وريم واحد مافيش فرق بينا

رنا انقهرت اتوقعتها تعيط تقوم وتسيب المكان تسكت لكن مش ترد عليها بثقه ولاكأنها قالت شئ

رنا:عادي قولي ماعنديش هدوم ليه مكسوفه ياروحي

لميس ماسكه خنقتها بالعافيه خصوصا إن كوثر ساكته وقاعدة بتتفرج

ريم بعصبيه:رنا اسكتي خالص أحسن لك

لميس قامت:عن إذنكم

طلعت وقابلت مروان وماقدرتش ترفع عيونها علشان ما يشوفش دموعها اللي حابساهم بالعافيه فاتت من جنبه من غيرما ترد ع سلامه وطلعت فوق

مروان استغرب ودخل للصالون

مروان:السلام عليكم

ماحدش رد عليه غير كوثر

مروان: مالكم وكلين سد الحنك

ريم قامت بعصبيه وزعقت :إنتي ماعندكيش قلب مش بتحسي حرام عليكي بترمي الكلام وخلاص

مروان عرف إنها تقصد لميس واتنرفز: لتاني مرة بقول مالكم

ريم بعصبيه بصت ل رنا اللي بصالها ببرود ولا كأنها قالت حاجة:إسأل الأخت رنا

طلعت من الصالونه ومروان لف ع رنا:رنا عملتي ايه ياقدرنا لسود

رنا قامت:أففففف مالكش دعوة

طلعت وطلعت وراها كوثر اللي عجبها كلام رنا لأنها رافضه وجود لميس

عادل ماحبش يقول لمروان حاجة هو كمان وقام خرج من سكات

مروان قعد محتار بس اللي متأكد منه إن رنا ضايقت لميس بكلامها حس بالشفقه ع لميس بس مش هيقدر يعمل اي موقف

****************

لميس سمعت دق خفيف ع باب الحمام ووصلها صوت ريم:لمييس

غسلت وشها وفتحت الباب مبتسمه: اهلا

ريم:أنا اسفه ع اللي حصل رنا دي طباعها

لميس ابتسمت :لا محصلش حاجة

وحبت تغير الموضوع وهي طالعه من الحمام:رغده ما جاتش

دخلت رغده الغرفه:سمعت إسمي مين اللي جايب سيرتي

لميس ضحكت :هههههه سيرتك بالخير بس كنت بسالها إذا جيتي ولا لا

رغد ه سلمت عليها:الحمد الله ع السلامه نورتي البيت

ابتسمت لميس:منور باصحابه

ريم بتريقه: كنت جيتي معانا مش لازم يعني يتعب نفسه عمورك ويوصلك بنفسه

رغده قعدت : مالك انتي اما حشريه صحيح

ريم: مالي ماشي هتنامي عندنا

رغده بدلع:لا عموري ميقدرش ينام من غيري

ريم:يااااا ي ع الحب ولع في الدره يا لميس

لميس بضحكه: مالك غيرانه خلاص هقول لعمي يدور لك ع عريس

رغده ضحكت:هههههههههههههههه

ريم بدلع:لا ياختي انا لسه صغيره اجوزك إنتي قبلي علشان أرقص في فرحك

لميس:ليه يعني إذا متجوزه مش ترقصي

ريم بدلع ترفرف بعيونها:أيوه لأن جوزي اكيد هيطلع غيور وحمش ويرفض ارقص قصاد الناس

رغده ولميس:ههههههههههههههههههههه

رن موبيل ريم نطت فوق السرير أخدت الموبيل واتربعت وردت:الو

أمل: هاي ريامي

ريم: هاي أموله

أمل: كنت عايزة بنت عمي أسلم عليها

ريم: ايه هي دعوه قولي الاول ازيك وكدا

امل بعند : وكدا خلاص هاتي بقي لميس

ريم تمثل الصدمه:وكللللللل ده في قلبك

أمل:وأكتر….وياللا هاتي لموس حبيبتي

ريم : غوري ابت حبتيها منين وانتي اصلا ما شفتهاش هنفشر بقي

أمل:أيوه مزاجي …وهاتي اكلمها لاجيلك بالشبشب

ريم شهقت : هي حصلت الشبشب وع ايه قله القيمه طيب طيب

مدت ريم الموبيل للميس:خدي كلمي أمل بنت عمك فريد

أخدت الموبيل وهي خجلانه:hello ‎

أمل:اهلا ببنت عمي ….ازيك

لميس ابتسمت:تمام إنتي عامله ايه

امل:تمام،…..حمد لله ع السلامه وسامحيني لأني مازرتكيش في المستشفى

لميس ضحكت:ههههه الله يسلمك…معذوره

أمل:بس ولا يهمك بزورك أن شاءالله بكره

لميس: تنوريني والله

حكت معاهاشوي وقفلت

ريم اخدت الموبيل: ها ايه اريك فيها

لميس:شكلها حبوبه بس كم عمرها

ريم :في نفس عمرنا وعندها اخوات (عدت علي صوابعها)رهف وعمرها في نفس عمر رغده فرحها قريب

وساره وعندها إخوات شباب خالد ورائد والصغير ياسر

لميس ابتسمت:ماشاءالله

ريم نزلت من السرير وقعدت جنب رغده ع الكنبه:لميس تعالي اقعدي بكلمك

راحت لميس عندها وقعدت :اتفضلي

ريم متردده:امممم أناسمعت إن عندك أخ متوفي صح

لميس اتغير وشها بحزن:أيوه كان في عمر مروان تقريبا

ريم:في حادث عربيه مع امك

ظهر قدام لميس صورة رامي محترق غمضت عيونها عايزها تطرد صورته من راسها كان شكله مروع جثه سوداء من الحريق نزلت دموعها وغطت وشها بإيدها تبكي بصوت مفزع

انصدموا البنات ورغده ضمت لميس وبصت ل ريم بنظرات توعد

:خلاص ياقلبي أهدي

ريم تلعثمت مش عارفه تقول ايه ماكنتش تعرف ان مجرد ذكرهم يبكي لميس كانت متوقعه إن الموضوع ده كله مش هياثر عليها …طبعا الي جرب غير والي ايده في الميه ….متوقعه إنها تعايشت مع الأمر لأنها ماكانتش عارفه إن موتهم بالصوره البشعه دي مش حادثه عربيه ابدااااا

ريم :أ…سوري لميس والله مكانش قصدي ابكيكي اسفه

لميس بعدت عن رغد تمسح دموعها:I’m Sorry ‎

ريم حاولت تغير الجو:تعالوا ننزل للجنينه ايه رايك لميس

قامت لميس:ok بغسل وشي وأنزل

دخلت للحمام وريم ورغده نزلوا ورغده نازله لوم في ريم ….. وريم تبرر إنها ماقصدتش تضايقها

**********

في غرفة رنا

رنا بتكلم دلال و قاعدة ع كرسي المكتب تدورفيه وتضحك

: هههههههه لوتشوفي شكلها تموتي ضحك عليها كان نفسها الأرض تنشق وتبلعهامن الكسفه

دلال:تستاهل

رنا بتوعد:ولسه هي شافت مني حاجة

دلال تضحك بخبث:الله يعينها عليكي

***************

نزلت لميس للجنينه وشافت ريم ورغده قاعدين ع الكراسي

وفهد بيلعب بالكره عندهم

راحت لهم تبتسم من ترحيب ريم اللي مرحبه بيها

قعدت ع الكرسي معاهم واتكلموا شوي قطع عليهم فهد اللي وقف جنب لميس ببراءة الأطفال:عارفه لميس بدخل للمدرسه

لميس مثلت الدهشه:والله يعني فهودي خلاص بقي راجل وكبير

فهد انبسط:يعني هبقي زي مروان وعادل والبس بدله وجرافت

لميس:هههههه أيوه كجول كمان

فهد انبسط وراح يلعب كوره

ريم تذكرت شئ:أيوه صح لميس قدمتي في الجامعه

لميس:No لأن طنط نبيله رفضت

ريم:ولايهمك هكلم بابا يسجلك معاي في الجامعه

لميس:تسلمي يارب…..ممكن عايزة اروح بيت طنط نبيله اجيب حاجاتي

ريم بصت في الساعه:أوكيه نروح دلوقت وكمان في وقت نفوت علي السوق نتسوق

رغده:أنا مش هروح معاكم عمور هيعدي ياخدني للبيت بعد شوي

قاموا البنات ودخلوا جوه يلبسوا عشان تروح لميس تجيب حاجاتها

رنا قاعده في غرفتها مقهووره بعد ما ضربها مروان بسبب قله أأدبها ع لميس تعتبر أول مره حد يمد إيده عليها وعلشان مين علشان واحده فاجره أنا هوريها بنت ال…… إذا مادفعتها تمن مد ايد مروان عليا ماأكون رنا بنت الجوهري …. هانت

رنت ع دلال عايزه حد تفضفض معاه وماعندهاش غير دلال اللي نفس خبثها ولئمها كلمتها وحكت لها اللي حصل

دلال مستغربه:غريبه مروان حبوب ما يعملهاش لو امير كنت قلت أيوه لأنه عصبي بس مروان نو وي مستحيل

رنا متنرفزه ومقهووره علي الاخر:ساحرتلهم السحاره تخيلي أخواتي قلبوا عليا علشانها

دلال بخوف:خايفه كمان تعمل سحر لامير

رنا: لا متخافيش امير ماحدش يقدر عليه

رنا بشوق: وحشني اوووي

رنا مقهوره: قهراني يادلال ونفسي اخنقها

دلال: والله يكون أحسن

****************

كلللل ده ولسه بطلنا مظهرش ؟؟؟