رواية جريمة فرح الفصل الثاني والعشرون 22 بقلم مروة فتحي

لهوي عليهم حتي بعد السنين دي مش عاوزين يرحمو حد 

و بعد شوية ادهم رن عليا عشان انزل ليه لانو خلاص وصل النيابة و بجد كنت محتارة اقولو ولا لا و لما نزلت تحت ركبت العربية في هدوء متوترة و مش عارفه اعمل ايه و كل شوية افكر في ايدي و محتارة اعمل ايه 

و ادهم اخد بالو و مسك ايدي 

و بدأ يتكلم معايا بهدوء 

_ ها يستي مالك 

– مفيش 

_ لا شغل البنات دي مش عليا و ان كل شويه يكون في حاجه مضيقاكي و مش ترضي تقول لي عليها دي ما بحبوش 

ما عرفش ليه اتعصبت في لحظة دي و اتكلمت بعصبية ما كنش ليها لازمة و بدأت اتكلم بصوت عالي و كأني ما صدقت القي حد عشان انفجر فيه 

– قصدك ايه يعني 

_ ما قصدش حاجة 

– لا تقصد كتير….. تقصد اني عصبية و انسانة تافهة و زي زي البنات الي دمغها فاضيه 

مالك ساكت ليه ما بتردش ليه 

اه يبقي عندي حق 

_ ساكت ايه و بتاع ايه انا مش لاحق ارد عليكي 

انتي مالك انهارده فيكي حاجه…. حد مزعلك…. في حاجه حصلت….. انا ضيقتك في حاجه 

فضل يسألني كده و انا ما بردش عليه باصة بس لشباك جمبي و بتفرج علي الطريق 

لحد ما وقف العربية و مسك ايدي و لف وشي ناحيتو 

و بدأ يتكلم بصوت هادي و طبقة حنينة فوق الوصف 

_ انا اكيد مش قصدي اقلل منك… او من عقلك و تفكيرك و افكارك…. لان عارف كويس ان كل دول بنسبة ليكي حاجات مهمة….. و انا الي غريب في كل دول…. و كمان مش ليا قيمة اوي عندك بالنسبة…. لاني غريب عليكي….. و عارف كويس ايه سبب عصبيتك دي و انك بتحاولي تدري الموضوع الي مزعلك ورا عصبيتك الزيادة….. بس كل حاجه هتنحل لو احنا فكرنا شوية…. ممكن بقا تحكي لي الي حصل و ايه الجديد 

التنهد و اخد نفس عميق 

و حسيت براحة رهيبة بعد ما ادهم اتكلم….. و كأن كلامو دي الي كنت مستنياه و ان دي هو الي هيريحني من كل الي بمر بيه و بقا علي طول يفهم كلامو و يفهم انا عاوزة ايه و يحاول يعملو ليا 

و بدأ اتكلم معاه و انا مرتاحة و مش خايفة من حاجه 

– بص انهارده الي حضر التحقيق محامي صفوان و معتز و الي جاب مدير الحسابات في الوقت الي حصلت فيه القضية و خلاه يعترف انو عمل كل حاجه و ان صفوان مش ليه دعوه بالي حصل و بكده خرج منها من غير ما يحصل و كنت فاكره ان بكده خلاص بقا القضية اتحلت و عرفت اجيب حق محمود الجمال…. و لما اتصلت علي سلمي عشان اعرفها اكأدت لي ان الي عمل كده هو صفوان عشان كان ماسك الشركة وقتها و الي كان بيمتلكها هو سليم… بس كده كل حاجه باظت و مش هعرف اعمل حاجه لان صفوان و معتز هيسافرو بعد فرح سليم حتي لو طلع اذن بالقبض عليهم هتكون كل حاجه متأخّرة 

_ احنا ممكن نروح الشركه ندور شويه و روا مدير الحسابات و نشوف السبب الي يخليه يعمل كده…. و نحاول نخليه يغير رأي 

– بجد هو ينفع 

_ اكيد 

– طيب يلا بينا بسرعة 

و رجع تاني شغل العربية و وقفنا قدام شركة صفوان الالفي و كنت مرعوبة ادخلها لاني عرفت من ادهم انو مش ليه سلطات اوي فيها و انو بس مشارك بنسبة من الاسهم فيه و عمل كده لما حصلت ازمة لعيلة الالفي و كانت معظم شركاتهم هتقفل فبدأ يشتري اسهم من شركات دي عشان تبدأ ترجع تقف علي رجليها من تاني

دخلنا الشركه و كان في ترحيب غير طبيعي من الموظفين و كان كلهم خافين من ادهم 

و بعدين كده طلعنا غرفة الانتظار بتاعت رأيس الادارة و بعد كده و انا كنت قاعده خايفه شويه و كل شويه ادهم يهديني و عرفنا من السكرتيرة ان الي موجود دلوقتي في شركة معتز و ان وصل امبارح و هو ايجي عشان يحل كام مشكلة هنا و ان دلوقتي في اجتماع و احتمال يطول بس ادهم قالها انو مفيش مشكلة و اننا هنستناه و بعتي علي واتس اني اهدي اضاءة الفون و اني لما تيجي رسالة بعد كده احاول اقراها من غير ما تظهر شاشة الفون لان المكان هنا متراقب بالكاميرات كلو و اننا نفضل ساكتين و اننا نتكلم لما ننزل العربية 

و فضلنا فترة ساكتين و مش قادرين نتكلم او نعمل حاجه و بعد كده قدمت السكرتيره حاجات عشان نشربها كضيافة لينا بس ادهم شاور لي بإني ما شربش حاجة و اني كمان ما اقربش من اي حاجه موجود

و لما معتز اتأخر علينا و طول اوي 

ادهم اتعصب و خرج و قالي ان شوية و هيرجع و انا فضلت قاعدة مستنياه و بعد ما خرج بدقايق لقيت راجل عجوز ايجي و قدم ليا كوب مياه علي صنية و سابها علي التربيزة و خرج من غير ما يتكلم ولا كلمة و انا استغربت جدا من الحركة دي و ان ليه يعمل حاجه زي كده و ليه السكرتيرة مش هي الي جت و قدمت المياه 

و اخر ما زهقت من التفكير رجعت راسي لورا علي الكنبة الي كنت قاعدة عليها و اتنهدت و بصيت تاني علي الصنية و كباية المياه و لقيت ورجع صغيره تحت الصنية مديت ايدي و اخدتها و لقيتها متبدلة علي اخر و طبقة ميه تطبيقة و مكتوب عليها حاجه برصاص مش فهمتها و لا عرفت اقراها و بعد كده سمعت صوت ادهم اني خلاص قرب يدخل و معاه حد و باين عليه متعصب اوي 

و اخدت الورقه بسرعه و حطتها في جروب الفون 

و بعد كده ادهم دخل و كان معاه معتز و كان باين عليهم هما الاتنين متعصبين بس معتز ما كنش طايق نفسو و لا حد و كان بيخانق دبان وشو و بعد كده 

معتز بعصبية 

_ حابب جدا اعرف سبب زيارة الهانم و بيه لشركة بتاعتي و كمان معطلني عن شغلي 

و هنا ادهم اتكلم ببرود كأنو قاصد يحرق دمو اكتر و اكتر 

* بتاعتنا 

اتعصب معتز و اتنرفز 

و اتكلم بعلو صوته

_ انت بتقول ايه 

دي شركتي و بتاعتي 

ادهم كأنو قاصد يعصبو عشان ينفرج فيه 

* لا بتاعنا… و مش شركتك لوحدك و متنساش اني ليا اسهم في شركة دي و مش دي و بس لا دي و كل شركة و كل حاجه بتمتلكها عيلة الالفي…. و ان لو فلوسي و الاسهم بتاعتي ما كنتش الشركة دي اشتغلت يوم زيادة و كانت زمانها اعلنت افلسها و مش بس دي لا دي و كل حاجه بتمتلكها عيلة الالفي بعد ما خربتو و قاعدتو علي تلها 

_ يووووه كل حاجه فلوس فلوس…. ايه كفايه بقا…. انت ما بتزهقش من الاسطوانه دي الي كل مره بتقولها 

* لا ما بزهقش و لا هزق… و ان ليا الحق اجي الشركة في اي وقت و اي لحظة و اعمل اي حاجه عشان اتأكد اني فلوسي مش هتضيع زي غيرها 

_ بس مش ليك الحق في الادراة 

هنا ماقدرتش استحمل خناقهم اكتر من كده و اتعصبت عليهم هما الاتنين…. لانهم كانو شبه الاطفال اوي 

– باااااس…. كفاية شكلنا مش هنوصل لحاجة بسبب خناقة الاطفال الي انتو فيها دي 

انا ماشيه….. و يلا يا ادهم بينا من هنا 

و نزلنا انا و ادهم و كان متعصب اوي و ما كنش طايق حد 

حتي خلنا نتغدي في مطعم الفندق…. بدل ما كل مرة يخلينا نتغدي في مكان و معطم شكل و غير كل مره

و عشان كان متعصب اوي ما قدرتش اقولو حاجه او اتكلم معاه في حاجه و لا حتي قولت ليه علي موضوع الورقة 

و بعد ما وعني و كل واحد طلع الجناح بتاعو طلعت الورقه من جراب الفون و قدرت اعرف اني الي مكتوب فيها تقريبا عنوان مكان 

كتب العنوان علي ورقة تانيه نضيفة و بشكل احسن و بعد كده طلبت اوبر و قررت اروح لهناك طالما تن الوقت لسه بدري شويه و كلمت ادهم بس كان ويتنج و وصل الاوبر و ركبت و اديت السواق عنوان المكان و كلمت ادهم تاني و كان لسه ويتنج و اتعصبت و بعد كان فوني علي وشك انو يفصل شحن فرجعت اكلمو بسرعه قبل ما يفصل و اخيرا رن بس في تاني رنه فوني فصل و تقريبا العنوان كان بعيد و في اماكن مهجورة و عشوائية و بعد كده الاوبر وقف و قال لي اني دي اخ شارع ممكن يدخل فيه و ان العنوان الي عوزاه لسه في اخر الحي و اقترح عليا اني يرجعي لان المكان خطر و انا رفضت و قررت اكمل الطريق علي رجلي 

حاسبت اوبر و نزلت امشي و مكنش في حد في الشوارع و لما و بعد كده سمعت صوت حد جي من وريا و بعد كده حسيت بحد بيضربني علي راسي