Uncategorized

رواية زوجتي كوابس الفصل الثامن 8 بقلم مي علي

   رواية زوجتي كوابس الفصل الثامن 8 بقلم مي علي 

رواية زوجتي كوابس الفصل الثامن 8 بقلم مي علي

رواية زوجتي كوابس الفصل الثامن 8 بقلم مي علي 

خلونا نعمل تذكير بسيط بأحداث القصه للناس اللي نسيت قبل منبدأ الجزء الجديد 
حسام الراجل الدنجوان اللي حاطت مقاييس جهنميه للست اللي هيتجوزها 
اتعمل عليه كمين واتدبس ف شيك بمبلغ وقدره ويا أما الدفع يا اما الحبس 
بس مش اي حبس يتجوز بنت المدير بتاعه ف الشغل 
طبعا حسام انشكح اوي بس ربنا وقعه ف شر أعماله ولقي نفسه بدل ما يتجوز ملكه الجمال اللي ف خياله 
اتجوز دبابه سبعه ريختر 
طبعا مكنش موافق بس الاب طلب منه أنه يفرحها شويه ف حياتها 
وبعد مناهده حسام وافق واتجوز كوابس 
حصل حاجات كتير بينهم آخرها أنه حسام اكتشف ادد اي هي طيبه وحنينه وقلبها زي الاطفال 
ف قرر حسام يكمل معاها ويساعدها تخس 
لكن الوضع كان صعب وتعب كتير وهي كانت رافضه بس ف نفس الوقت بتحبه مش عاوزه تزعله 
ومن الضغط عليها بدأت تعافر مع نفسها لكن النتيجه كانت أنها وقعت وراحت المستشفي 
حسام اتجنن عليها مبقاش عارف يعمل اي 
لكنه ف المستشفي سمع الأب بيتكلم مع الدكتور بشأن حاجات خطيره 
يلا بينا نعرف اي هيا 
……..
قربت من الباب وسمعت حمايا وهو بيقول …
اسمعني يا علي 
– اسمعني انت يا مراد انا صديقك ومن زمان وانت لازم تحط حد للموضوع ده القصه كان لازم تنتهي من زمان انت عارف انها مريضه ايدز زي والدتها العك ده لازم ينتهي عشان الولد ميروحش فيها 
– يعني اي اروح بعد كل ده اقول عندها الادز زي أمها ومش بنتي ارميها لأهلها اللي مستنينها تموت عشان الورث والتأمين اللي علي حياتها 
اسيبها لابوها اللي رماها زمان ومسألش فيها 
هي مش من دمي بس انت عارف أني بحبها زي ولادي واكتر 
– يا مراد اسمعني مين قلهم أنها هتموت يا اخي منا قولتلك في امل ف الشفا اه المرض ده لسه ملوش علاج وتحت التنفيذ يمكن بس في امل دلوقتي المشكله ف الحكاية كلها هي متعرفش والولد كمان وانت حرام اللي بتعمله داااا
– انا ميهمنيش كل ده انت عارف انا مقدرش اتكلم انا متحاوط من كل حته وبالذات مع الكلب اللي ظهر فاجأه
الكاتبة مي علي
– مينفعش تفضل مسكتهم بالفلوس كده وتفضل تدي ابوها فلوس عشان يسبكم ف حالكم وميقولهاش الحقيقه هيفضل يبتذك لحد أمتي 
الورق اللي معاه يثبت أنها بنته وإن انت اللي كتبتها بأسمك وده غلط وتزوير ف اوراق رسميه 
– ميقدرش يعمل حاجه 
– اومال بتسكته بالفلوس ليه لو مش هيقدر 
– هيروح يقولها اي انا مريض ايدز بعمل قرف ودخلت رسمت علي امك الحب بحكم اني كنت دراع ابوها اليمين وحبتني ف روحت اتقدمت رفضني وطردني روحت انتقمت منه وغررت بيها وحملت 
رميتك انتي وامك ومسألتش فيكم ورفضت اعترف بيكي
انت عارف الحكاية من سنين حمايا جوزهالي وهي حامل بعد ما الندل ده رماها وضحك عليها انا كنت مغصوب ف الأول بس سترت عليها اه هو كان لاوي دراعي بس اللي حصل بقي كنت عايش معاها زي الإخوات ليوم ما ماتت وهي مكنتش عاوزه غير استر عليها واربي البنت  
حمايا اللي دبر كل ده وقال يقطع اسمهم تماما من الحيوان ده وسجلت البنت بأسمي وكتبلي كل حاجه كتعويض وستر علي بنته وانا كنت مجبور بس بعد كده عرفت انها كانت ضحيه وماتت م الحزن والمرض ووصيتها كانت البنت 
وبعد ما كبرت وبقت كده رجع يقول بنتي ومراتي كانت حامل مني عشان الفلوس وبيدعبس وراها وانا غبي اني قولتله أنها تعبانه وحامله للمرض زيه وبينت خوفي أنه يقولها دلوقتي انا متحاصر من كل ناحيه
تعبانه بتموت وراجل واطي مستني موت بنته عشان يورثها أما يقولها انتي بنت حرام والشاب اللي انا جبته عشان يتجوزها ودبسته بالشكل ده 
– انا قولتلك بلاش يا مراد ذنبه اي هو ف كل ده 
كدبت عليه وقولت بنتك وكدبت تاني وقولت امها ماتت وهي بتولدها وكدبت تالت ودخلته وهي مريضه ايدز عرفت منين أنه ملمسهاش 
وعمال تكدب وتعك ودلوقتي مخبي عليه مرضها وسبته يحاول يخسسها وانت عارف انها مش هتخس ولا هتتنيل وهتموت بالشكل ده انت بتفكر ازاي 
طب كنت قوله يمكن يشيل معاك 
ودلوقتي جاي تقولي نخلص من الراجل 
انت اتجننت 
– اومال عاوزني اعمل اي اخليه يدمر الدنيا اللي عيشت ابنيها ويدمر البنت دي لو عرفت هتروح فيها 
– انا مقدر اللي انت فيه 
بس خلينا دلوقتي ف تعبها ده الولد لازم يعرف انها مريضه بمرض خطير ممكن يأذيه لو لمسها 
– انا خليت مراتي تسألها قالتها أنه لسه زي ما هي هو حاول معرفش عشان تخنها 
– الحق الولد ده يا مراد عشان ذنبه ميبقاش ف رقبتك 
انت لازم تقوله وهو يقرر 
– اتفضح !
– متبنيش عك تاني متبقاش زي حماك 
انت فكرت ف اي وانت بتجوزهاله 
الكاتبة مي علي
– كنت عاوز افرحها قبل متموت انا فكرت كتير أقوله بس كنت بشوفها مبسوطه بسكت
– تقوم تضحي بيه بالشكل ده 
– ساعدني ارجوك يا علي انا سفرتها وجبالها احسن دكاتره 
ببعد عنها كل حاجه شبه حابسها ماشي وراها ف كل حته وحاطط حواليها ناس ف كل حته 
– انت عارف انها حامله للمرض مش مريضه في امل لسه بس العمليه لا يمكن تتعمل الا لما تخس 
وعشان تخس محتاج شفط وتعديل هرمونات والعمليتين اخطر من بعض ف وجود المرض ده 
بس أنا بردو بقول في امل لو سافرت معاه هو يحاول معاها بس يبقي علي نور 
– مش هقدر أقوله 
– يبقي أقوله انا يا مراد 
– لا لا لا لااااا ارجوك 
سبني انا أقوله واطلب منه المساعده 
– ف اسرع وقت لان انا مش هينفع اسكت ع الجريمه دي اكتر من كده 
وقفت وانا مش مستوعب اي اللي انقال ده مشيت بسرعه نزلت أجري مش عارف اروح فين 
مش بنته بنت حرام ومريضه ايدز زي أمها 
وحماه غصبه 
عكككككككككككككك انا كان مالي ومال اللي بيحصل ده انا كان مالي 
عشان يفرحها يقوم يدمرني 
إيدز !!!!! 
يانهار اسوووووود 
طلعت اجري علي اقرب معمل اطمن علي نفسي مبقتش عارف اعمل اي 
هو في ف الدنيا كده 
يضحي بيا انا عشان اي 
اومال لو كانت بنته 
انا ذنبي اييييييه 
الكاتبة مي علي
مرضتش امشي الا لما اخد نتيجه التحاليل معايا 
بس الحمدلله نفدت ومطلعش عندي حاجه 
مفكرتش اول ما اتطمنت قررت أني هطلقها واتحبس مش مشكله 
لو حكمت 
كنت بلف حوالين نفسي 
لحد ما لقيته بيرن عليا 
مبقتش عارف اعمل اي ارد عليه 
أقوله اني عرفت 
ولا اسمع منه كأني متفاجئ 
هيعوز مني اي لما يقولي 
الراجل ده ملوش امان 
ولا هو ضحيه 
باع نفسه بالفلوس 
ولا كان زيي وادبس 
قطعت تفكيري ورديت عليه 
صمت كتير بينا وبعدين صوته وهو مخنوق …
الو يا حسام يابني 
– هممم معاك 
– انا عاوز اقابلك محتاج اتكلم معاك 
– بخصوص !!!
– حاجه مهمه اوي يا حسام تعالي بس ع المستشفي دلوقتي وهتعرف كل حاجه 
لبست وروحت وانا مقرر ايا كان اللي هيقوله هينتهي بجملة طالق 
روحت وانا ناوي انتقم منه لو حكمت اكله علقه موت علي اللي عمله فيا هعملها واتحبس عادي بعدها 
كلمته قالي أنه واقف قدام اوضتها 
طلعت 
لقيته قاعد والدنيا هو 
وكان باين أنه بيعيط 
قربت منه وقولت  ..
خير عاوزني ف اي 
سكت كتير ونطق وهو بيتهته ف الكلام 
وبعدين بدأ يتكلم 
وبدأ تاني يكدب وميجمعش الكلام وانا باصصله وعاوز اضربه 
الكاتبة مي علي
فاجأه سكت 
صرخت ف وشه …
سكت ليه 
دلوقتي سكت فين لسانك وكلامك الكدب عن كوكي بنتك اللي أنها ماتت وهي بتولدها 
انا عرفت كل حاجه 
كوكي اللي مش بنتك 
اللي ابوها غرر بأمها وخلع وكان مريض ايدز ونقله لامها اللي نقلته لبنتها اللي انت دبستهالي زي ما حماك دبسك 
انت لا يمكن تكون بني ادم لا يمكن انت مجرم وانا هحبسك والله العظيم هحبسك 
بكسره قال …
اسمعني يابني 
الراجل اللي قدامك ده الزمن هده 
مفيش حاجه ف حياته تمت بمذاجه 
كنت حته ساعي ف الشركه اللي انت شايفها 
باخد ملاليم عايش مرتاح مقطوع من شجره 
بعد ما امي ماتت محدش من اخواتي سأل فيا عايش ف اوضه تحت بير السلم 
اشتغلت ساعي هناك وكانت ماشيه 
ف يوم وليله لقيت الراجل ده بيقربني ليه يتكلم معايا عرف اني مقطوع من شجره بقيت سواق بدل ساعي سواق البيه قولت فرجت واحلوت ورضا 
فضلت فتره معاه 
وف يوم وليله لقيت نفسي حرامي وهتسجن يا اما اتجوز بنت البيه 
وانا مسرقتش انسحبت زي الخروف وف غمضة عين اتكتب كتابي علي بنت البيه ف المستشفي 
مضيت علي عقد جواز وجمبهم شيكات توديني ف داهيه طول حياتي 
وطالب حمايا ده يومها وقالي سامحني يابني 
المرميه جوه دي بنتي وحاولت تنتحر 
وحكالي أن سكرتير مكتبه الخاص غرر بيها وعلقها بيه وانتقم منه فيها عشان راح اتقدم وهو رفض وقاله بتعلي علي اسيادك وطردو من المكتب 
واتفاجئ بأن بنته حامل 
والمصيبه الاكبر أنها عندها الاديز 
وطلب مني استر عليها وعليه لأنه الواد عاوز يلوي دراعه وبيبيع ويشتري فيهم 
ف انا مكنش قدامي حل بعيد عن اي تهديدات الراجل وقع فعرضي 
اتجوزتها وعمري مقربت منها وولدت وانا اتأقلمت علي وضعها والكلب ده كان بيختفي ويظهر بس حماية كان بيتصرف 
وسابلي كل حاجه لما بنته ماتت بسبب المرض ده واتجوزت وهو عايش بناءا علي طلبه وكانت كوكي احب عندي من بناتي 
ولما مات بدأ الكلب ده يطاردني فبقيت اسكته بفلوس لحد ما جالي مره لحد البيت وانا اترجيته يسكت عشان متروحش فيها وبينت ضعفي قدامه 
ف بدأ يستغلني 
ومن ناحية تانيه كوكي كان بتموت وبتتعب وتقع وانا كنت بكدب واقول أن اللي بيحصلها بسبب وزنها 
عمرها ماكانت سعيده 
كان نفسي افرحها اخليها تحب وتتحب 
انا قولت انت كده كده مبتحبهاش وهتطلقها ف مفيش ضرر فكرت اقولك بس والله كان غصب عني 
قدر اللي انا فيه 
دي الحكاية انا مش طالب منك غير المساعده لو ليها فالدنيا عمر 
ارأف بحالي انا كمان وكل اللي انت عاوزه انا هديهولك بس ارأف بحالها مالهاش ذنب 
هي مش من دمي بس اغلي عندي من بناتي يابني 
كان بيتكلم وهو بيتشحتف وبيعيط 
قلبي فعلا وجعني عليه وعليها 
لانها فعلا متستهلش كل ده هي مجرد ضحيه 
بس بردو انا مش هينفع اكمل 
فرصتي اني اخلع 

سكت شويه وبعدين قولت …

يتبع ..

لقراءة الفصل التاسع : اضغط هنا

لقراءة باقي فصول الرواية : اضغط هنا

اترك رد