رواية قل لي ما سبيلي إلى قلبك الفصل الاول 1 بقلم سوزان سليمان

… نعم ياماما

… انزلي غيري جو وطلعي من الحاله اللي انتي فيها دي

.. سبيني ياماما بالله على راحتي

… معقول ياحور هشوفك كدا وهسكت يابنتي

.. اطفي النور معلش وراكي

.. ماشي ياحور اللي انتي شايفه ربنا يهديكي على نفسك يااا بنتي

… رن الموبايل

.. الو

.. الصوت دا مش غريب عليا انا عارفه كويس قلبي اتنفض

… مين

.. انتي مش عارفه صوتي

… لا للاسف ممكن اعرف مين

… انا محمد

.. محمد مين

… حور متستهبليش انتي عرفاني وعارفه صوتي كويس 

.. ضحكت بصوت عالي،،، للأسف انا معرفش حد بالإسم دا وياريت تقفل ومترنش على الرقم دا تاني بعد اذن حضرتك

… قفلت وقعد اعيط ماما جت على صوت عياطي

…خدتني في حضنها لأنها عارفه كل الظروف اللي أنا بمر بيها

… مالك يابنتي في أي.

…تعبانه يا أمي أنا عارفه كويس ان مليش نصيب في بس انا عامله زي اللي كانت مدمنة وبتتاعفي من الإدمان حبه بينسحب مني زي كدا بالظبط يارتني مكنت عرفته ولا حبيته

… رفعت امي وشي بايدها،

… لما حبتي كنتي تعرفي ان هسيبك ويمشي 

… لا

.. لما حبتي كنتي تعرفي ان هو قليل الاصل 

.. لا

.. هو صحيح الموضوع مش سهل ولا إني هقولك إنك هتنسي بس الزمن قادر يداوي جرحك يابنتي ربنا لما حطه في طريقك حطه في طريقك عشان يكون سبب في هدايتك وإنك تبداي تفكري في علاقتك مع ربنا وبقيتي دلوقتي محفظة قرآن بسم الله ماشاء الله ياحبيبتي كان كله دا لسبب عايزاكي تبقى قويه وتعدي الأزمة دي انتي ليكي تلات سنين كل ما تعدي عليكي الايام دي تدخلي في حالة اكتئاب انتي لزما تتجاوزي الموضوع دا بأي شكل من الأشكال انا مبقتش حمل التعب دا يابنتي

… انا عارفه يا أمي اني حملتك فوق طاقتك بس غصباً عني صدقاً انا مؤمنه جداً بأن كل حاجه بتحصل فيها خير لينا، بس كسرت القلب وحشه أوي انا ليا تلات سنين بحاول اعمل نفسي اني قويه وبستحمل وقول أني نسيت بس انا عمري ما نسيت عمري مقدرت اضحك على نفسي

… انا واثقه فيكي وإنك هتجاوزي كل المواقف الصعبة دي

… ممكن تنوميني على رجلك

… حطيت راسي على رجل أمي ودموعي مازالت على خدي. افتكرت من تلات سنين لما محمد اتقدملي وبابا قلي إن كويس اخدنا فتره مخطوبين وبعدها كتب الكتاب في الفتره دي انا حبيته وتعلقت بي وفجأة القى نفسي وحده مطلقه من غير اي أسباب أو مبررات ولا المجتمع بيرحم ولا جرحي قادر يلم ولا قلبي اللي لسا النغزه في قادر ينسى..

نمت وصحيت تاني يوم وانا مقررا اني انزل ادور على شغل

… اخيرا هتخرجي ياحور

… انا اخد القرار ياماما وهبدا ادور على شغل وهعمل اللي انتي قولتي عليه وانا واثقه انك طول ماانتي جنبي انا هتجاوز كل حاجه

… ربنا معاكي ياضنايا ويجبر بخاطرك ويعوضك خير

… ربنا يباركلي فيكي يا أمي سلام

.. في حفظ الله ورعايته

… كانت المره الاولى اللي هطلع فيها بعد كل الوقت دا كنت شايفه ان كل حاجه جديده وغريبة عني شويه شوفت كذا إعلان في الجرايد لشركات ديكور محتاجه مهندسين روحت لي أكتر من شركة وكلهم محتاجين خبره لا تقل عن تلات سنين وانا كل اللي عملته في حياتي اني حضرت تدريب في شركة ومشيت قعد على كرسي على البحر وكنت بعيط

.. معقول يارب حتي شغل مليش نصيب فيه. آخر شركة هروحلها وبعدين هرجع لوضعي واضي الضلمه وهكتفي بيهم

.. السلام عليكم ورحمة الله وبركاته

.. وعليكم السلام اتفضلي يافندم 

… كنت جايه أقدم على الوظيفة اللي حضرتكم حطينه الإعلان عنه في الجريدة

.. تمام يافندم استريحي وهنده على حضرتك

.. تمام شكراً ليكي

.. قعد في الاستراحة وانا بصلي على النبي لأن عارفه ان الصلاة على النبي بتقضي حاجاتنا وبتفرج الكرب

… انسه حور العوضي 

.. نعم

.. اتفضلي

.. تمام شكراً

.. العفو يافندم بالتوفيق

.. دخلت وفي الحقيقة كنت قلقانه، السلام عليكم ورحمة الله وبركاته

… وعليكم السلام اتفضلي 

… انا حور العوضي 

. أهلا وسهلا مفيش داعي لكل التوتر دا اتفضلي اشربي ميه

.. شكراً لحضرتك

.. الحقيقة أن دا كان الطف انترفيو أعمله من كل الشركات اللي رحتها كنت متفائله رجعت البيت وكنت تعبانه

.. حمدلله على السلامه ياحبيبتي طمنيني عملتي اي

.. حكيت لماما كل اللي حصل

.. طيب واي يعني مفيش غيرهم دول بس اللي في البلد انزلي ودوري تاني وتالت من غير ما تياسي

.. لا مانا هستني آخر شركة روحتها قلولي أن هيردو عليا خلال يومين

.. ربنا معاكي وان شاء الله هيقبلوكي ياضنايا

.. أن شاء الله يا أمي هدخل اريح شويه

.. طيب كولي الأول

.. صدقيني مليش نفس

.. يابنتي انتي طلعتي من غير اكل ومش هينفع تعملي كدا في نفسك وبعدين انا ماكلتش وانتي عارفه اني عندي السكر

… ماما ديما بتمسكني من أيدي الوجعاني بصيت عليها بنص عين وحطيت ايدي في جنبي، هاا يست ماما عامله ايه اكل على الغداء

… ضحكت والحقيقة أن ضحكتها بتخلي الدنيا كلها تصحكلي،،، عامله احلى طبق باميه اميرتي بتحبه

.. قلب اميرتك هغير هدومي وهاجي نجهز الاكل سوا

… ماشي يا حبيبتي

… دخلت غيرت هدومي وطلعت جهزنا الاكل وكلنا

.. وأدى احلى كباية شاي لأحلى واطيب ام في الدنيا

.. تسلميلي ياضي عيني اقعدي عايزاكي في موضوع

… خير ياست ماما

.. بصي يا حبيبتي انا عارفه ان اللي حصل مستحيل يتنسي بس لزما تكملي حياتك انا مش هدوملك طول العمر وبصراحة كدا في عريس متقدملك

.. بردوا يا أمي مش هتبطلي تفتحي معايا الحوار دا

.. يابنتي انا خايفه اموت من غير ما اطمن عليكي

.. العمر الطويل ليكي يا أمي بس صدقيني انا مش عندي استعداد اتقبل اي علاقه

… الدنيا مش هتوقف عليكي ياحور وانتي لزما تقعدي معا عشان خاطري المره دي

.. عارفه كويس ان الدنيا مش هتوقف عليا واني لزما اكمل بس لزما ابقى متقبله معقول يا أمي هتطلبي من شخص مكسور يقوم يرمي العكاز ويمشي على رجله بالله يا أمي ما اطلبي مني اعمل حاجه زي كدا ولا انا تقيله عليكي

… أخص عليكي يا حور هو انا ليا غيرك في الدنيا

.. حضنتها وفي الحقيقة إحنا الاتنين كنا بنعيط

… سيبتها ودخلت انام بعد ما أديتها العلاج وطمنت انها مش محتاجه حاجه

فتحت النت ولقيت مسج مبعوته ليا من الشركة وان تم قبولي. قومت صليت القيام وحمد الله ونمت.

.. صباح الخير يا أمي

.. اميرتي مبسوطه كدا وجاهزة ورايحه على فين

.. اميرتك هتبدا شغل من النهاردة دعواتك

.. ربنا معاكي ويوفقك ياحور يابنتي

.. ماشي افطري وخدي العلاج وانا هطمن عليكي كل شويه

.. خلي بالك من نفسك كويس ياحبيبي

.. ماشي يا أمي سلام.

وانا ماشية خبط في واحد

.. انا اسف والله مش بقصدي

.. حصل خير حضرتك مفيش حاجة

.. متأكده يعني مش هتزعقي وتبهدلي الدنيا

… نعم ما قولت لحضرتك حصل خير

.. والله ما بجر كلام بس في العادة يعني بتزعقو

.. مفيش حاجة تستدعي كدا عن إذنك

.. اتفضلي

.. غريبه البنت دي هاديه وحسيت كانوا فيها حزن الدنيا

.. أي ياعم آدم مش هنمشي ولا اي

.. تصدق يا على انك ارخم واحد شفته

.. ياجدع ورانا شغل

.. ماشي ياعم متزقش

.. السلام عليكم ورحمة الله وبركاته 

.. وعليكم السلام انسه حور نورتي الشركة

.. منوره بيكم تسلميلي

.. تمام هعرف حضرتك مكتبك فين وأول ما المدير يجي هتدخليله عشان تعرفي حضرتك النظام اي

.. تمام شكراً جداً ليكي ومعلش هتعبك معايا

.. الشكر لله يا انسه حور دا شغلي اتفضلي

.. دخلت المكتب في الحقيقة كنت مبسوطه جداً الشركة من أفضل الشركات في مصر ودا غير أن الأسلوب والمعاملة حلوه وطيبة. مسكت الموبايل عشان اطمن على أمي

.. السلام عليكم ورحمة الله وبركاته

.. وعليكم السلام ورحمة الله اي يا حور طمنيني الشغل تمام 

.. تمام يا أمي الحمد لله خلي بالك من نفسك ماشي يا حبيبي

… الحمد لله يابنتي ماشي سلام

.. استاذه حور

.. نعم

.. المدير طالب حضرتك

. تمام

.. السلام عليكم ورحمة الله وبركاته

.. وعليكم السلام ورحمة الله. كنت باصص في الورق بس الصوت دا مش غريب عليا انا سمعته قبل كدا رفعت راسي

.. انتي

.. انت