رواية قل لي ما سبيلي إلى قلبك الفصل الثاني 2 بقلم سوزان سليمان

.. انا هنا عشان بشتغل ودا اول يوم ليا

.. اممم يعني انتي الأستاذه حور

.. اها بالظبط

.. اهلا وسهلا نورتي شركتنا وان شاء الله تكوني إضافة قوية لينا

.. أن شاء الله يا استاذ!!؟

.. الاستاذ آدم مدير الشركة

.. اهلا بحضرتك

.. تمام انسه حور

.. اتفضل

.. انا مبحبش اي هزار في الشغل

.. بصيت بنص عين اللي هو شكلي ميدلش اني بتاعت هزار بس هعديها عشان دا اول يوم

.. احم اقصد يعني أن عايز الشغل على أكمل وجه بدون تقصير وأغلب شغلك هيكون معايا وياريت تنفذي اللي انا بقوله أتمنى يكون كلامي مفهوم 

..ان شاء الله يا استاذ آدم اقدر استأذن ولا في حاجه تاني حضرتك

.. اها خدي الملفات دي وشوفيها لو محتاجه تعديل عشان عندنا اجتماع بعد ساعه أول ما احتاجك هطلبك 

.. تمام حضرتك عن إذنك

.. طلعت من عنده وشوفت الرسومات وكانوا محتاجين تعديل فعدلت منه وكانت الساعه عدت وملقتش غير ظل فوق دماغي رفعت راسي بخضه

. استاذ آدم

… الساعه كام يا أستاذة حور

.. انا بجد اسفه بس اتلهيت في تعديل الرسومات

.. من اولها اتلهيت

.. انا اسفه بجد

.. ولا يهمك يا انسه حور اتفضلي عندنا اجتماع دلوقتي حالااا

.. حاضر

… اللي فهمته في الشركة دي أن الشغل شغل عندهم ومفيش حاجه اسمها هزار الساعة عندهم بالدقيقة محسوبة وحتى الدقيقة الواحدة مهما ودا كان أمر مرهق بالنسبة ليا

.. استاذه حور اتفضلي قدمي الرسومات

.. تمام دي الرسومات وكانت محتاجه تعديل لأن انا بشوف إن شكل البرندا مش هيبقى ماشي مع ديكور الشقه ودا لأن التصميم مختلف تماما ودا هياثر على شكلها وكمان في المكتبة محتاجه تكون في الجنب التاني لأن مكانها مش مناسب

.. في الحقيقة أنا مش من العادي انبهر بحد بسهولة بس شغلها كان ممتاز ودا كمان اول يوم ليها انا متأكد من أنها هتنقلنا نقله تاني…. واو هايل يا استاذه حور التعديل ممتاز جدا وان شاء الله هتكوني المسئوله من انهارده على قسم الديكور كامل

.. في الحظه دي على قاعد ومركز اوي في اللي بيحصل خصوصاً أن عارف آدم كويس ومستحيل يثق في حد بسهولة أو يأمن لقسم كامل لشخص من اول مره

.. بجد شكراً جداً لحضرتك وان شاء الله اكون اد المسئوليه وعند حسن الظن

.. أن شاء الله تقدري تروحي بدري انهارده

.. شكرا جدا لحضرتك

.. استاذه حور

.. اتفضل

.. العربية برا هتوصلك

… لا شكرا لحضرتك انا هروح لوحدي

.. بس دي خاصه بالشغل

.. شكرا لحضرتك بس انا هبقي مستريحه كدا عن إذنك

… احم احم

.. بص لعلي بنص عين، في أي يابني مالك

.. انا اللي مالي ولا انت هي الصناره غمرت ولا اي

.. تصدق انك عيل قليل الادب امشي اطلع برا يا على

.. كل دا عشان كشفتك

.. يابني عيب عليك لو في حاجة اكيد هقولك وبعدين انت عارف كويس إني مستحيل افكر في موضوع الارتباط دا مش ناقصة تعقيد هي بقى

.. مش هتنسي يا صاحبي

.. لو جرحت ليك ايدك وقومت دويتها هتنسي الألم علامه الجرح هتروح

.. بس يا صاحبي

.. مفيش بس يا على بالله اقفل على الموضوع ده وقوم شوف لينا المشروع وصل لفين إحنا مصدقنا قدرنا نمضي العقد مع الشركة الأجنبية

.. ماشى يا حبيبي ربنا يهون عليك

… السلام عليكم ورحمة الله وبركاته

.. وعليكم السلام ورحمة الله وبركاته يانور عيني

.. وحشتيني

.. لا اوحش الله لك قلباً ولا قبراً  يا ضنايا غيري هدومك وتعالى احضرلك الاكل

.. بوست على ايدها، ربنا ميحرمنيش منك يا أمي

.. دخلت غيرت هدومي وطلعت ها يا أمي عامله ايه اكل

.. عملتلك بشاميل

.. الله يا عم الشيف هدوق وشوف بقى طعمها زي كل مره ولا خابت منك

.. هي وبتضحك ردت عليا وعيونها بتضوي بس يابكاشه

.. الله على دي ضحكه شوفتي القمر

.. حبيبتي انتي اللي قمري ومهونه عليا حياتي

.. طب اي البشمل هتبرد

.. أكلنا وعملت كوبيتن شاي وقعدنا في البلكونه

.. ها احكيلي بقى عن يومك

.. بصي هو اليوم كان لطيف وكل حاجه بس المدير مبهزرش في الشغل وكمان اتعينت مسئوله عن القسم من اول يوم ودا شي جميل بالنسبالي

.. ربنا يرزقك ياحور يابنت بطني من رزقه الواسع ويرضا عنك

.. والله يا أمي راضي عني طول ما انتي راضيه ربنا ميحرمنيش منك ولا من دعوتك اللي بتغمرني ديما

.. طيب قومي يا حبيبتي ريحي جسمك شويه بكرا وراكي شغل وانهارده كان تعب قومي يا ضنايا

.. حاضر يا أمي بس قومي انتي الأول عشان تاخدي علاجك

.. وكالعادة أديت ماما العلاج ودخلت نمت بعد ما اطمنت عليها

.. تاني يوم في الشركة كنت حاسه بصداع غريب ونسيت المسكن في البيت ف مكنتش مركزه

.. استاذه حور

.. نعم

.. الاستاذ آدم طالب حضرتك

.. تمام شكراً ليكي

.. صباح الخير

.. صباح النور اتفضلي يا استاذه حور

.. شكراً خير حضرتك

.. فالحقيقة احنا لزما بعد نص ساعه نروح الموقع الجديد عشان نتأكد من كل حاجه وحضرتك بما انك المسئوله عن القسم لزما تروحي معايا

.. تمام حضرتك

.. الأستاذ علي هناك انا هسيبك معا هنا وهرجعلكم 

.. على خير هروح اجيب شنطتي

.. اتفضلي

.. دي كانت المره الأولى اللي اركب فيها مع شخص غريب عني

.. استاذه حور انتي كويسه

.. ها. اه تمام

.. رن الموبايل

.. الو

.. الحقيني يا حور

.. ماما الو ماما ردي عليا

… خير يا استاذه حور

…. ماما وصلني على البيت بسرعه بالله عليك

.. حاضر اهدي أن شاء الله خير اهدي

.. اهدا إزاي وانا امي في البيت لوحدها وعندها السكر

.. أن شاء الله خير تفائلي خير يا استاذه حور

… وصلنا على البيت ماما كانت على الارض،، بصوت عالي كله عياط كنت بحاول افوقها بس مفيش فايدة

.. استاذه حور لزما ننقلها على المستشفى شيلي معايا

.. وصلنا المستشفى قعد على الكرسي وأيدي على راسي وبعيط وبدعي ربنا ماهو انا مليش غيرها والله وصعب اكمل من غيرها

.. مش عارف ليه كنت مدايق عليها كنت حاسس ان محتاج اخدها في حضني واقولها انا جمبك لا اي دا انا مش فاهم اي اللي بيحصل دا فوقت من التفكير ونزلت عشان اجبلها عصير يهدي اعصابها أو حتى ميه

.. استاذه حور اتفضلي

.. شكرا بجد على تعب حضرتك بس انا مش هقدر اشرب حاجه غير لما اطمن على ماما

.. أن شاء الله هتبقى كويسه متقلقيش وبعدين لزما اول ما تفوق تكوني قويه عشان تقويها هي ولا انتي اي رايك

.. بجد مش عارفه اشكر حضرتك على أي ولا اي بجد هفضل ممتنه ليك على وقفتك جمبي في الحظه دي

… متقوليش كدا يا استاذه حور دا واجبي أن شاء الله هتقوم لينا بسلامه تفائلي انتي ودعيلها

.. يااارب

.. الو اي يابني فينك ليا ساعه مستنيكم

.. معلش يا على بس ام حور تعبت ومكنش ينفع اسيبها لوحدها

.. ولا يهمك خلاص هتصرف انا والعقد ابقى أمضى في أي وقت

… تمام ولغي ليا الاجتماعات انهارده وخلص وتعالى على المستشفى

.. ماشي يا صاحبي سلام

… سلام

.. في الحظه دي حور كانت وراء،، حقيقي انا بعتذر

.. لف فجأة انتي هنا

.. كنت معديه صدفه وسمعت حضرتك وحقيقي بعتذر لاني عطلتك عن شغلك وانا عارفه اد ايه مهم بالنسبالك

.. نطمن على امك ونبقى نتكلم في موضوع الشغل بعدين

. طلع الدكتور في الحظه دي

.. خير يا دكتور طمني ماما بخير هي كويسه صح

.. اطمني يا استاذه والدتك بخير بس دا أمر طبيعي لأنها مخدتش العلاج وماكلتش حاجه ودا غلط وبحذركم من أن الموضوع ده يتكرر

.. أن شاء الله يا دكتور هنقدر نروحها امتى

.. تخلص المحلول وهنطلعا هي بخير

.. شكرا يا دكتور

.. ولو يا استاذ آدم دا واجبي

.. خير يا آدم كل حاجه تمام 

.. اها الحمدلله

… الف سلامه على والدت حضرتك يا استاذه حور

.. الله يسلمك يا استاذ علي تعبت نفسك مكنش فيه داعي

.. دا أقل واجب أن شاء الله ربنا يشفيها

.. يارب

… بص يا على إحنا هنروح حور وبعدين هنروح مشوار سوا نخلص كام حاجه

.. تمام مفيش مشاكل

.. حمدلله على سلامة والدتك يا استاذه حور

.. الله يسلمك بجد مش عارفه اشكركم إزاي

.. مفيش داعي لشكر انتي خليكي اليومين دول جمب والدتك وأول ما تبقى بخير انزلي الشغل نستاذن إحنا

.. حقيقي مش عارفه اشكرك على أي ولا اي جميلك فوق راسي

.. دا واجبي عن إذنك

.. اتفضلوا

… بقى كدا ياماما تقلقيني عليكي

… معلش يا بنتي انا اسفه

.. يا أمي متعتذريش بس انا مليش غيرك حقك عليا لاني نزلت الشغل ومدتكيش العلاج بتاعك كله بسببي

.. لا يابنتي متقوليش كدا ربنا ميحرمنيش منك

.. ولا منك

.. بس انتي ماكلتيش ليه في أي شاغلك

.. أبدا مفيش

.. ماما متخبيش عليا في أي

.. طيب عمتك راجعه من السفر بكرا

.. يووه هي مكنتش ناقصه

.. معلش يا بنتي مش هقدر اقولها متجيش انتي عارفه اللي فيها

… ولا يهمك يا أمي بس صدقيني مش هستحمل منها نص كلمه في حقك

.. عديلها يابنتي ماانتي عارفه أنها دقه قديمه 

.. حاضر يا أمي نامي انتي وريحي جسمك وربنا يسترها أن شاء الله

.. أن شاء الله ياضنايا تصبحي على خير

.. وانتي من اهل الخير