رواية تزوجت عاشقة فجعلتني أعشقها الفصل الثامن 8 بقلم عائشة البشير

“” ولو أوجعتك الظروف وظننت أنك تستحق أفضل مما حدث !!

تذكر أن الله أختار لك الأفضل… وأنك لو علمت كيف يسير الله أمرك… لذاب قلبك من فرط رحمته بك❤???????? “”

فرح قعدو عمتي والبنات عندنا وأني عاديه بصراحه مش إمضايقني الموضوع، خلود ياناري على حالها وقاعده مريضه وتبي فتره باش ترجع زي قبل، وعمتي كويسه معاي بكل، بس خوله هيا رأس الحربه تحاول إضايقني على أبسط شي وديمه معقدتني مركزه معاي في كل شي حتي كلامي وتصرفاتي مع خالد

خالد الحق أني عكس فرح تماماً مضايق هلبا من قعدت أمي والبنات عندنا، مش لأني كاره أمي أو خواتي لا بالعكس بس مش قادر نأخذ راحتي في حوشي ولاقادر نقول حتي ربع كلمه مع فرح إلا وإطب علينا خوله، وبعدين قعد الحوش زي الوكاله من غير بواب???? يعني عمتي طالعه خالتي خاشه، خالتي طالعه مرت خالي خاشه طبعا أمي مفهمتهم أنهم يديرو في صيانة للمطبخ وللحمام (أكرمكم الله) في حوشهم، وهذا علاش قاعدين عندنا، وهذا من غير خليل وخيري اللي خاشين طالعين????

كنت ملاحظ تصرفات خوله المزعجه وكل مانخش نلقاها مقعمزه على التلفزيون ولا شاده التليفون وتلعب، وفرح غاطسه في الحوش والمطبخ، وقاعده بين الغذي والعشي وفطور بوي والضيوف اللي خاشين طالعين، وكل مانكلمها نقوللها نوضي ساعدي فرح شويه تحرج وتقولي أحني ضيوف عندكم تبيني نخدمكم !!

مش عاجبتني فرح هاليومين ذابله وواضح عليها التعب بس هيا ماتتكلمش، وأني مروح من العمل خطمت خديت حاجات للحوش

خالد: السلام عليكم، كيف حالك ياأمي اليوم؟

زاهيه: وعليكم السلام، الحمدلله ياوليدي 

خالد شفت لخوله بنص عين????: شوره ماتبيش تلوحي هالتليفون من إيدك وإديري حاجه فيها فايده

خوله بحقد????: يالطيف هذا كله على خاطرها، ساحراتك حق شورها

خالد بعصبيه????: تعرفي تسكري فمك وتحترمي نفسك ياحيوانه ولا لا

خوله بحقد: لا مش إمسكره فمي تعبيلك في رأسك هاللفعه وأنت إتجي إطيح فيا

خالد توا أني قاعد كيف خاش وحتي الشوفان ماشفتها شني تعبيلي في رأسي أستغفر الله وخلاص، بعصبيه????: ياللي ماتتحشمي على وجهك، أحمدي ربك أنها متحملاتك وساكته، قربت بنشدها خاطري نعجنها طريحه إنبرد ناري شويه، بس عقلت وراء أمي????

زاهيه بخوف????: خلاص ياخالد خليها على خاطري هالمره، وتلفتت لخوله والله غير نروحو للحوش لما نربيك من أول وجديد

فرح كنت في المطبخ، تنهدت لما سمعت خالد شكله يتناقش مع خوله، هذا حالهم كل يوم، وهيا قويه بصراحه ماحد قادرها، طلعت نجري وشديت خالد من إيده، وبرجاء????: خالد خلاص باللهي عليك، تعالا معاي نبيك شويه????

خالد شفت لفرح اللي شدت إيدي وإبتسمت، هيا الوحيده اللي قادره تهديني وتسيطر عليا بنظره????

دخلت الحاجات للمطبخ، وإبتسمت: نعم ياروحي???? شني تبي ناقصاتك حاجه؟؟

فرح بإبتسامه: لا سلامتك، بس باللهي عليك فكنا من المشاكل أنت وخوله

خالد: ماتشوفيش فيها هيا كيف وقحه ولسانها أطول منها

فرح: معليشي تجاهلها هالفتره لين يروحو مهما كان هما ضيوف عندنا عيب هكي 

خالد: ياسر ماسكتلها شهر مقعمزه ومرتاحه وياريتها غير محترمه نفسها، تنوض تتحشم على وجهها شويه على الأقل تعاونك في حاجه

فرح: أني والله مانبي منها حاجه، حوشي مش كايده فيه، غير فكونا من المشاكل، تحملها حتي على خاطر عمتي على الأقل 

خالد قربت وبستها على جبينها???? وبإبتسامة: لو تقوليلي ليش حنيتك مغرقه الكل إلا أني

فرح  طرمت شواربي وبنص عين????: يعني أني مش حنينه معاك؟؟

خالد ضحكت على حركتها????، وقربت خديتها في حضني: ماتخلينيش نتهور توا???? لا حنينه بس أني طماع ونبي أكثر????????

فرح توترت: بارد !! خلاص بعد توا يخش حد

خالد زدت حضنتها????: لا أني عاجبني هكي، خلى يخشو مرتي ومستاحشها وين المشكله؟؟

خلود من الباب: أحم أحم????

فرح تحشمت وضربت خالد على كتفه: ها شفت مش قتلك أني

خالد طلقت فرح وتوجهت لخلود، بإبتسامه????: كيف حالك توا، إن شاءالله أحسن 

خلود: الحمدلله كل يوم خير من اللي قبله، فرح خليني نساعدك في حاجه إعييت من النوم

فرح????: لا حبيبتي أنتي إرتاحي، مازال بكري عليك شدي صحتك قبل وبعدين توا نحرثو عليك ماتخافيش ????

خلود بحزن: والله تعبناك معانا، إن شاءالله غير تسامحينا????

فرح: عيب عليك ياخلود نزعل راهو شني هالكلام هذا، بالعكس والله فرحانه بيكم، ياريتكم تقعدو على طول

خالد رعشت????: لا شني يقعدو على طول أنتي الثانيه، لا ياوخيتي والله مامصدق أمتي إيتم بوك هالأيامات وتتوكلو لحوشكم، قطعتو برزقي الصراحه????

فرح ياعليك حشمه????: عيب ياخالد شني هالكلام 

خلود????: خليه خليه عنده حق، ياناري كثرنا عليه، الراجل يبي يسترزق على حاله، وأحني ديمه طابين عليه????

خالد????: أيواه هذي أختي اللي تفهمني صح، تي أوقات نشك في المخلوقه هذيكا أنها أختي لا وتؤامك زياده????

فرح: خلاص ياخالد بطل خيرك عليها، هيا برا بدل بنحط الغذي

خالد????: تعالي معاي باهي

فرح بخجل????: خالد تحشم خيرك اليوم !!

خالد بغضب مصطنع: ماهو واحد فد من هالعيشه الزفت، وطلع

فرح تفاجأت بتصرفه شن قصده هذا????: أستغفر الله العظيم، مش طبيعي خوك ياخلود، يتحول في دقيقه

خلود: معليشي مافيها شي لو مشيتي معاه

فرح: لا شني عيل هو نمشي معاه باش يبدل حوايجه????

خلود: خلي عليك الغذي وبري شوفيه مرات يبي حاجه????

فرح: لا لا فوتيه يدلع هذا????

^^^^^^^^^^^^^^^^^^^^^^^^^^^^^^^

سالم: تي شني صار في موضوعي يانعمه، كلمتي أمي؟

نعمه: كلمتها ياسالم قاعده على نفس الكلام الأول

سالم: أستغفر الله العظيم تي الواحد ينتحر ولا كيف إيدير هالجهل اللي ضاربهم الزفت

نعمه: أسمع أحسن شي كلم فرح تكلم بوي، كان بوي رضي أمي مش حتقول شي

سالم: تي فرح من لما روحت ماشفناها، لكن توا نكلمها نشوفها مرات تجي على خاطر الإمتحانات

نعمه: خلاص إمالا إن شاءالله ربي يهديهم ويوافقو

سالم: إن شاءالله يارب، شني مازال مش مروحه أنتي؟؟

نعمه: مازال شويه، عرس أخت إبراهيم الفتره الجايه بنجو مره واحده

سالم: باهي إن شاءالله خير، هذي اللي واخدها علاء ولا لا؟

نعمه: أي هيا هاجر، يسلم عليك إبراهيم 

سالم: الله إيسلمه سلميلي عليه، هيا طيري نمشي نكلم البكايه بالك نلقي منها فايده????

نعمه: باهي باهي صار مصلحتك بس، سلملي على بوي وأمي

سالم: باهي يوصل، هيا زيدي غادي????

فرح حطيت الغذي وخالد مش طبيعي من لقطة إمبكري، حتي الغذي ماتغذي كويس، نضت لما رن تليفوني اللي كان محطوط في جنب التلفزيون، وإبتسمت بفرحه: هلا وغلا ياسالم

خالد???? الضحكه من القلب تعرف لمني إطلعها، هالسالم هذا مش عارف شن قصته شني هالغلا القارص اللي بينهم هذا، أستغفر الله ياخالد خيرك خوها الزفت، وأنت شويه ثانيه وتهبلك هالفرح????

فرح: باهي مازال شهر ثاني على الإمتحانات، باللهي ماتنسي تأخذلي الشيتات ورأس وخيي

سالم: مادوري شي، تلقيهم كلهم عندي بإذن الله، غير أنتي كلمي بوي وهنيني على موضوعي

فرح: باهي حاضر نكلمه عادي بس هالفتره مانقدرش إنجي أني عارف العويله قاعدين عندي

سالم: باهي على الأقل كلميه توا حتي بالتليفون لمحيله على الموضوع وشوفي ردة فعله

فرح تنهدت بحزن: بس بوي شكله واخذ على خاطره مني، من لما روحت معاش يرد عليا، على خاطر اللي صار

سالم بإستغراب: علاش شني صار؟ أني مانروحش إلا وقت النوم مانندري على شي، شني فيه؟

(( فرح في الباب: أني راح نفهمك كل شي يابابا

علي: تعالي يافرح وأهو شرف السيد خالد اللي ماتبيش تحكي إلا قدامه

فرح قعمزت ولاحظت خالد كيف خايف ومتوتر مني اللي بنقوله: اللي صار يابابا أنه خالد جوه صحابه قبل لا يمشي لتركيا وأني كنت على أساس نبي إنجي نقعد عندكم

علي: باهي وشني اللي صار؟ 

فرح: أني إضايقت من الموضوع ومابيتش إنديرلهم عشي، ولما خالد خش بيكلمني على العشي أني عليت صوتي عليه وشكله صحابه سمعونا نتناقشو ولما طلع خالد مالقاهمش،  قعد يعارك فيا وأني قللت أدبي معاه عارفه روحي غالطه بس هذا اللي صار

علي بصدمه????: معقوله يابنتي هكي إديري، وبعدين ليش ماجيتش ياخالد وتكلمت راهو شهرين ياولدي والناس بدت تلك وتعجن

خالد قعدت مصدوم من القصة اللي أخترعتها فرح، بتوتر????: ماهو ياعمي

فرح نزلت رأسها لوطه????: ماهو يابابا أني عليت صوتي حتي على عمتي وقللت إحترامي معاها لما قعدت عندهم، وماقدرتش نتحمل وإتصلت بسالم جاني

علي إنخرس من الصدمه????: معقوله هذي أنتي يافرح؟؟ هكي ربيتك أني

فرح????: كنت مضايقه لأنه خالد ماباش يجيبني إهنايا وخلاني في حوش أهله، بس بعد هديت عرفت أني غالطه هلبا، وقمت عيوني لخالد: أني أسفه ياخالد سامحني الشيطان شاطر الله يبعده ويخزيه

خالد إبتسمت لفرح، وبفرحه: بعد أذنك ياعمي، أني جاي بنروح بفرح، وسامحني باللهي على التعطيل بس أنت عارف اللي داراته مش حاجه عاديه وخصوصا قلة أدبها مع أمي

علي بخجل: والله ياولدي بارك الله فيك، وأنت اللي سامحنا حشمتني معاكم هالبنت، لكن والله لو كنت نعرف من الأول مانخليها تبات عندي ليلة واحده، راهو رفعتها بروحي وخليتها تعتذر منكم

خالد: لا ياعمي محشوم وقدرك عالى، أني مقدر أنها صغيره وغلطت ومافيش حد مايغلطش، وهيا أكيده توا خدت درس وفهمت غلطها ))

سالم بإستغراب: واضحه القصه تلفيق أنتي مستحيل إديري هكي نعرفك أني، أكذبي على حد ثاني

فرح: هههههه والله أنت الوحيد اللي فاهمني ياسلومه

خالد حسيتها عطلت الداخل وحتي غذاها ماكملاته شني يحكو هذا كله، الفضول بيقتلني نضت وفتحت باب الدار على ضحكتها، صار مافيش حد فاهمك إلا سلومه باهي يافرح، خشيت وفتحت الدولاب على أساس إندور في حاجه أني بروحي مش عارف شني هيا????

فرح توترت لما خش خالد وخصوصا من نظرته الحاده: باهي خلاص ياسالم نحكو مره ثانيه، باهي بإذن الله، ههههه حاضر، إن شاءالله، سلام، ونضت قربت من خالد: على شني إدور تبي حاجه قولي أني توا إنطلعلك

خالد بغضب????: لا شكرا نأخذ بروحي، كان مانتكلمش نحس في روحي بنتفجر????، بإستفزاز????: صار مافيش حد فاهمك إلا سلومه ها ????وأني صبري هذا كله عليك شني؟؟ توا طلعت مش فاهمك????

فرح مافهمت شي????، عجزت نفهمه هالمخلوق: خالد خيرك شني فيه، لو ضايقتك بحاجه أحكي بوضوح طريقتك هذي مانفهمهاش أني

خالد بروحي مش فاهم تصرفاتي في بعض الأحيان طفوليه لأبعد حد، وبعتاب: ليش ماتحكيليش أني اللي مضايقك ليش تشكي لسالم، علاش ماتشاركينيش أفراحك علاش ضحكتك ماتفارقش وجهك لما تحكي مع سالم، علاش مش أني في مكانه

فرح بصدمه: خالد سامع روحك شني قاعد تقول معقوله تغار من سالم خوي راهو وين ماشي دماغك

خالد بغضب: خوي خوي خوي، أيه نغار باهي سواء كان خوك ولا حتي بوك، وطلعت وقربعت باب الدار بالقوه

فرح صبرني ياربي شني هالمتخلف هذا، أستغفر الله ياربي

وليد: خيرك ياخالد صوتك مش عاجبني شني فيه

خالد: تذكر لما كنت نضحك على تصرفاتك وغيرتك على البنت اللي كنت تكلم فيها على أتفه الأسباب

وليد: ههههههه ذليتني ذل وقتها، بس ماتقوليش إنقلبت عليك الأية توا

خالد: ههههههه الباين هذا اللي صاير، حاس روحي وليت تافهه ياراجل تي معقوله نغار من خوها الزفت

وليد: هههههههههه لا حالتك مطوره أنت، شن صابك ياراجل

خالد: والله ماني عارف شن دارت فيا، سحر مغربي شكله????

وليد إذكر أيامه مع فرح، وبحزن: هو هكي العشق يارفيقي يخليك تتصرف من غير عقل، يلغي المنطق من قاموسك بكل، تقعد رسمي زي المجنون

خالد حس بحزن وليد من صوته وعرف إنه إذكر حبيبته، قرر يغير الموضوع: شني مازال ماتبيش إديرلنا زيارة

وليد: هههههه أنت مامصدق أمتي تفتكا من أهلك، تبيني إنزورك أني باش تلزني من أول يوم، لا خليني في مكاني

خالد: هكي ضنك فيا يارفيقي لا عيب عليك☹، تي أصلا من قالك بنستقبلك بكل ياسرني جفاف????

وليد: ههههههههه فاهمك أني هبلت رسمي

خالد: والله معاذ خلت فيا عقل سلامتها، لكن كيف ماجيتش لبوك قاعد تي عيب ياراجل 

وليد تنهد بحزن: سمعت انه عنده محاكمه بعد ثلاثة شهور، خلي إنأجل جيتي لهذاكا الوقت وخلاص

خالد: مش هلبا ثلاثة شهور، بس دير اللي يريحك

^^^^^^^^^^^^^^^^^^^^^^^^^^^^^^^

فرح فاتو إسبوعين وخالد من هذاكا اليوم معاملته رسميه بكل معاي، وأني بحكم العيله اللي معانا مش لاقيه وقت أصلا نحكي فيه معاه ونفهم منه تصرفاته هذي، كنا مقعمزين كلنا ونهدرزو

خيري تمدد على الصالون: والله حوشكم مريح ياخلوده، شن رأيك تفضيلي دويره معاكم????

خالد بنص عين????: لا هذا اللي ناقصني أني غير أنت

خيري بإستفزاز: أصلا الدوه مش معاك، شني يافروحه تستقبليني عندك؟؟

فرح بإبتسامه????: عادي تفضل

خيري: والله قدر من يومك، ربي يحفظك إن شاءالله ????

خلود: شني جو بابا ياخيري اليوم كلمته جوه مش عاجبني

خيري: ههههههه مش منه فاقد الحنان الحويج????

خليل: بطل ياخيري تحشم على وجهك

خيري: شني نتحشم ! تي غير شوف أمك كيف توزع في إبتسامات????، هييي يانبع الحنان بوي مش إهنايا راهو، ????وفري ضحكتك لأسبوعين تانيات????

زاهيه بغضب????: خزي على وجهك، ياقهرتي في تربيتي????

خليل: هههههه مش كلنا ياأمي، ماتجمعيناش عاد????

خوله وهيا تشبح لفرح بنص عين????: والله إستاحشنا منال وقصي ياخليل أمتي بتروح بيهم؟

خيري????: ربي قال الخبيثون للخبيتاث، بس الخبيتات للخبيتات هذي جديده، وأنتي تقول منال هيا تؤامك ماقسمتوش أنتم الزوز في الخبث????

خوله بغضب????: وأنت شني دخلك أصلا أني نكلم في خليل انت المفروض تسكر هالقراج اللي عندك

خيري ناض وشد خوله من شعرها وبغضب: شني قلتي ترا عاودي، يالحيوانه فمك مازال تفتحي أمه إنشركهولك فاهمه، نوضي إنتلفي من قدامي

ناضت خوله خشت للدار وهيا إطنفر وتبتبت????

زاهيه: عيب ياخيري مش وقته هاللي إدير فيه

خيري: ماتشوفيش فيها ياأمي هالمصديه هذي ناقص غير هيا، مابعدك يافرح كيف متحملتاها كأن أني من زيك راهو حطيتها في الحمام وسكرت عليها يومين ثلاثة????

فرح بإبتسامه????: لا ليش إنديرلها هكي وهيا مادارتلي شي حرام عليك ياخيري مش لهالدرجة عاد

زاهيه????: تبي أختك تلتبس يامنجوه ناقصنا هم إحني

خيري: على أساس هيا مش ملبوسه وهيا العفاريت اللي فيها حتي الجني مايكسابهم????

خالد طول الوقت مركز على فرح وتصرفاتها مش عاجبني حكيها مع خيري قاعد على نار وماسك روحي بالسيف، واللي مضايقني أنها مش معبرتني بكل ولا كأني موجود معاهم بكل

خليل: هيا ياخيري ياسر خلي نمشو نهدرزو على بوي شويه قبل مايرقد

خيري: تي غير خلينا شويه أني إحتمال إنبات الليله، وشاف لخالد????: عازمتني فروحه????

خالد: أستغفر الله العظيم ياربي أمتي بتبطل برادتك الزفت

خليل: تي خيرك ياخالد الموجه مشوشه عندك????

خيري: ماتخافش توا فروحه بعد شويه تصفيها????

خالد بغضب????: أنت خلاص معاش تتحشم، ونضت بعصبيه وجبدت فرح معاي اللي كانت تبتسم على كلام خيري، وخشيت للدار

زاهيه: ياللي ماتتحشم عيب هالكلام ????

خيري????: تي أقعدو فيها عيله نكد، نوضي ياخلود نادي العفريته هذيكا تروح إدير دوره على الحوش

خلود: توا نمشي معاكم أني، خلاص وليت كويسه????

خليل: لاخليك أنتي ياخلود، تمشي خوله خير على الاقل تخف على المرأة شويه????

خالد بغضب????: تي شني تحسابي روحك واخده راحتك عالأخر وتوزعي في إبتسامات، على كلام خيري التافه هذا

فرح خلاص وصلت حدي من معاملته: أنت شني تبي بالضبط فهمني، تعبت من تقلبات مزاجك

خالد????: خوتي لما إيجو معاش تقعمزي معاهم فاهمه

فرح صبرك ياربي????، مانبيش نتعاركو وصوتنا يطلع ويسمعونا برا: باهي حاضر، وشني ثاني

خالد????: تحسابيني عيل تأخدي فيا على قد عقلي

فرح: ياربي الصبر شني تبيني إنقولك لا مانبيش نسمع كلامك، خالد أبعد الشيطان وأفتح الباب خليني نطلع

خالد????: لا مافيش طلوع خشي أرقدي إهنايا

فرح: مازال مانبيش نرقد وبعدين أكيد مش راح نرقد إهنايا جنبك????

خالد قدمت وشديتها من إيدها وبغضب????: وعلاش ماترقديش إهنايا وجنبي أني راجلك راهو كأنك ناسيه، ونحيتلها الوشاح بإيدي الثانيه وفكيت شعرها اللي نزل على ظهرها زي الحرير، قربت وقعدت نستنشق في ريحتها اللي تجنن????????

فرح إيدي حسيتها راح تنخلع من قبضته، وبدموع: إيدي ياخالد، أنت شني قاعد إدير؟؟ بعد????

خالد كنت ذايب على الأخر???? مش مني من الحرمان???? ولا كأني سمعتها

فرح نبكي: خالد باللهي بعد عليا????

خالد هوب قمتها وحطيتها على السرير ونزلت فوقها من غير مانعدل على توسلاتها وترجيها ليا أني نبعد ونخليها، وبستها ???? وقعدت ننزل بالشويه بالشويه، مانعرفش كم قعدت على هالحال وماحسيتش حتي بخوفها ولا رجفة جسمها تحتي،

 لين رن تليفوني وكأني فقت من غيبوبتي وخرت وبعدت من على فرح اللي كانت تبكي وترعش ووضعها مش طبيعي بكل، أني بروحي تفاجأت باللي درته، قفطانها الممزق وجسمها اللي شبه عريان قدامي وعلامات حقارتي وشهوتي على رقبتها،???? قمت شرشف السرير بسرعه وغطيتها بيه

فرح مستحيل يكون هذا خالد اللي نعرفه وكأنه كان واخذ حاجه ومش طبيعي بكل، ماأنتبهش حتي لخوفي وعياطي وكأنه كان مغيب عن الوعي، قعد يشوفلي بصدمه وكأنه مش مصدق أنه هو اللي دار هكي، إنتفضت بخوف لما قرب مني وحاول يغطيني???? 

خالد لما شفت كمية الخوف اللي في عيونها مني وكيف تبكي وترجف، لعنت روحي مليون مره???? دمرت كل شي بإيدي كل صبري ضيعته بلحظة ضعف مني، برجاء: ياعمري أسف والله ماعارف شني اللي صارلي????

فرح نبكي ونرجف????: خليك بعيد رد بالك تفكر تقربني، نعيط راهو

خالد قربت بسرعه وحضنتها: ياعمري أنتي أسف سامحيني ????

فرح قعدت نضرب فيه بإيدي ونحاول نفك روحي منه، بدموع????: حول حول أطلقني حول، أنت كيف إدير هكي، بعد عليا

خالد????: لا مستحيل نخليك ياروحي، سامحيني ياقلبي والله ماكان قصدي إنضرك، باللهي أفهميني يافرحتي والله ماكنت نبي إندير هكي، أنتي عارفه قداش أني صابر عليك ومتحمل جفافك معاي، بس توا مش عارف شني صارلي معاش قدرت نتحمل نشوفك قدامي ومانرويش عطشي منك وأنتي حلالي، سامحيني ياقلبي، الحمدلله اللي رن التليفون وفيقني ومصارش أكثر من هكي????‍♂️????

قعدت دقايق وهيا تبكي وترجف في حضني لأني كنت رافض نطلقها، لين حسيت أنها هدت، شفتها لقيتها راقده، تنهدت بحزن على شكلها الله يلعنك ياخالد شني درت????

تمددت على السرير وخليتها في حضني، كنت ملاحظ شهقاتها حتي وهيا راقده ماقدرتش نرقد هذيكا الليله وقعدت إنراقب فيها، وشكلها قعدت تشوف في كوابيس باللي صار في حلمها، لأنها مره مره تبكي وتشهق وتزيد تدخل في حضني أكثر وكأنها إدور في الأمان???????? اااااه ياربي ساعدني

مانعرفش أمتي رقدت لأنه لين أذن الفجر وأني نايض، إستاقضت على منبه التليفون، وإنتبهت لفرح اللي راقده جنبي، وشكلها ناضت قبلي ورجعت رقدت لأنه الباب كان مسكر والمفتاح في جيبي لاحظت أنها إمغيره حوايجها، زدت قربت منها وحضنتها من الخلف وأني نستنشق في ريحة الياسمين من شعرها ورجعت غفيت????

زاهيه بإستغراب????: غريبه فرح راقده لتوا معقوله قبل ديمه نلقاها نايضه قبلي

خلود: والله ماعارفه ياماما مرات سقدت خالد للعمل ورجعت رقدت

زاهيه: حتي وكان توا قريب 11 ماأعتقدش ترقد لتوا، زعما مش فيها حاجه ترا نوضي طقي عليها

خلود: لا ياماما خليها ترتاح أكيده تعبانه وراحت عليها نومه، وبعدين نتحشم شني إنطق عليها

زاهيه: واللهي قلبي مش إمريحني، أقعدي توا إنوض إنطق عليها أني

خالد فقت مخلوع على طقت الباب، وتفاجأت بفرح اللي كانت نايضه وقاعده في مكانها وماردتش حتي على أمي اللي تنادي، بخوف????: فرح روحي صباح الورد، عمري خيرك ماترديش، زدت خفت لما ماردتش عليا، نضت بسرعه فتحت الباب لأمي اللي معاش بطلت تقربيع: صباح الخير ياأمي

زاهيه بإستغراب: أنت قاعد ياخالد!! خيرك مامشيتش للعمل؟؟ أني إستغربت في فرح ماناضتش قلت إنطق عليها بالك فيها حاجه خفت

خالد: راحت عليا نومه ياأمي

زاهيه: باهي هيا تعالو أفطرو

خالد: باهي ياأمي شويه وإنجو، دخلت للدار وسكرت الباب ورجعت لفرح اللي قاعده على نفس الحاله اللي خليتها عليها، مسكت إيدها، وحسيت برجفتها لما مسكتها، باأسف: ياعمري أنتي ردي عليا أنتي كويسه، ياروحي كلميني ليش تخوفي فيا عليك????

فرح بدموع: أرفعني لحوشنا !! نبي ماما ياخالد????

خالد حضنتها: ياعمري أنتي، أني أمك وبوك وخوك وكل شي، مستحيل نرفعك ونبعدك عليا ياروحي ديري فيا اللي تبيه هزبيني أضربيني أي شي تبي إديريه فيا عادي بس ماتفكريش أنك تمشي وتخليني بكل

فرح بدموع????: أني تعبانه نبي نرتاح شويه

خالد: ياروحي عارف والله وحاس بيك، بس راحتك معاي أني، مافيش حد يحس بيك زيي

فرح????: مانبيش إنشوف حد، نبي نقعد بروحي

خالد????: خلاص خليك مرتاحه أنتي، وماتطلعيش بكل باهي، شويه وإنجيك باهي ياروحي، قدمت بستها على جبينها????

فرح رجعت إتكيت في مكاني غطاني خالد وطلع، كنت نفكر ليش دار معاي هكي إمبارح معقوله مايحبنيش ويضحك عليا، بس لا كأن يقدر يأخذ اللي يبيه مني بالسيف من زمان، مش مطر أنه يصبر ويتحملني الوقت هذا كله، كان عقلي مشوش وخالد زادني بتصرفاته الغريبه

زاهيه بإستغراب: وين فرح إمالا !! قاعده راقده؟؟

خالد بملل: لا مش راقده ياأمي، بس فرح مريضه خلوها ترتاح اليوم????

زاهيه ناضت بسرعه، وبخوف????: خيرها مريضه، خليني إنشوفها

خالد شديت أمي من إيدها، وبحزن????: قعمزي ياأمي، ماحد يخشلها خلوها اليوم

خلود بخوف????: خيرها فرح ياخالد شني فيها!

خالد: مافيها شي تعبانه شويه????

خلود بحزن????: صح ياناري مابعدها وأحني تقلنا عليها أصلا

خالد بحزن☹: لا ياخلود أنتم ماليكمش علاقة، أني السبب????

زاهيه بإستغراب????: كيف شني درتلها أنت؟؟

خالد معاش بيخلوني لين يعرفو، تنهدت: ماعجبنيش تصرفاتها إمبارح ومديت إيدي عليها????

زاهيه بصدمه????: نهار أبيض، وعلاش شن دارت هيا باش تمد إيدك عليها ياللي ماتتحشم 

خالد بحزن????: مادارت شي ياأمي، أني كنت معصب والشيطان الله يبعده ويخزيه

خلود: قصدك على كلام خيري إمبارح، بس هيا ماليهاش ذنب، حرام عليك ياخالد

خالد بتنهيده: الله غالب هذا اللي صار توا????

خلود: خلاص توا إنكلم خيري يجي يرفعنا لحوش خالتي إنباتو عندها الليله على أساس نهدرزو، وأنت هدي روحك ياخالد والله فرح مافي منها

زاهيه بغضب????: حتي أنت زي بوك ماترتاحش لين تخرب حياتك، راك تريح روحك وتهفت نوض سلم ولدي شوف مرتك وراضيها بكلمتين????

خالد قعدت أمي عند خالتي يومين وفرح كانت منهاره على الأخر ماناضتش من سريرها بكل على قد ماحاولت معاها شي، وحتي المأكله بعد مانترجاها ساعتين باش تأخذ حاجه، ماقدرتش إندير شي إلا أني نقعد جنبها وبس

فرح كنت محتاجه نرتاح لفترة طويله، حاسه روحي ماخديتش فاصل بكل من حاجه لحاجه، بس عيب عمتي اليوم يومين عند أختها وحوش ولدها موجود، شني بيقولو عليا، قررت إنجي على روحي شويه ونقوي روحي، نضت بدلت حوايجي ودرت دوره على روحي وطلعت لخالد اللي مقعمز في الصالون

خالد كنت سارح وماأنتبهتش لين فرح وقفت قدامي 

فرح حركت إيدي قدام خالد اللي كان سارح: هييي وين ماشي

خالد تفاجأت لما لقيتها لابسه، خفت نحسابها تبي حوش أهلها، بخوف????: خيرك ياعمري فيك حاجه، وين تبي تمشي

فرح مديت إيدي لخالد ووقف قدامي، برجاء: نبي نطلع شويه حتي في السياره مانبيش ننزل ممكن????

خالد الحمدلله ماتبيش أهلها، حضنتها بفرحه: ممكن   ياروحي، أنتي تأمري أمر من عيوني????

فرح: وبعدين نخطمو على عمتي إنجيبوها عيب تقعد عند أختها أكثر من هكي، بعدين اللوم بينحط عليك????

خالد حتي بعد اللي صار وهيا تعبانه تفكر في أمي وفيا إبتسمت: اللي تبيه حاضر، المهم إنك جنبي❤

“” مش ديمه ناخدو اللي نبوه، مرات نأخذو الأحلى اللي ينسينا شن كنا نبو أساساً “”

خالد فاتو الأيام صح فرح مارجعتش زي قبل بس الحمدلله، وأخيرا تمو هالشهرين اليوم المفروض أمي ترجع للحوش، بس شي هيا قاعده مسكره رأسها وتبي بوي يجي يروح بيها تدلع نبع الحنان????

خليل: تي هيا ياأمي بلاش تسكير رأس، واللهي هو اللي قالي برا روح بأمك

زاهيه????: وليش ماجي بروحه ولا خايف

خلود: خلاص ياماما، طول عمري نعرفك حنينه وقلبك كبير هيا عاد????

خليل????: قول كلمه ياخالد أنت تقدرها

خالد????: تبو الحق حتي أني رأيي من رأي أمي يجي هوا بروحه ونتفاهمو ويسمع شروطنا أحني مانعطوش بناتنا بالساهل????

عمران????: وشن هما شروطك ياسيد خالد أخر وقت الولد يشرط على بوه

الكل وقفنا بصدمه حتي أمي ماحد كان متوقع بوي يتنازل ويجي لأمي

خيري????: أهو جبتهولك باش تعرفي من هو ولدك بس????

فرح بإبتسامه????: أهلين ياعمي تفضل

عمران: أهلين بيك، سامحينا يابنتي على اللي صار الشيطان الله يلعنه، والله أنك بنت أصل وينشد الظهر بيك ????

فرح بإبتسامه????: العفو ياعمي الله يسامحك ويسامحنا، ربي يحفظك ويعطيك طولة العمر إن شاءالله 

خيري: خلاص ياحويج توا دور نبع الحنان هيا قدم عاد ورينا مهاراتك????

عمران بغضب????: أمتي بتعقل يافرخ أنت، وأنتي يازاهيه شكله عجبك الدوران من حوش لحوش مازال ماتبيش تروحي ولا كيف????

زاهيه بخوف????: لا من قالك مش مروحه، هيا ياخلود هاتي الشناطي

خليل ???? لخالد: شفتها كيف بعاتك فيسع فيسع ياخلوده????

خالد????: حتي هو الحاج كيف عاد????

خالد وأخيرا طلعت أمي وإنتهي هالكابوس، أنك تشوف أهلك مشتتين وكل واحد في جهة تحس روحك ضايع وماعندكش سند، هذا أكبر كابوس ممكن يعيشه الإنسان

عمران تلفت لخالد وفرح: غذوه جايينا ناس يخطبو باش إتجو مش تنسو عيب قدام الناس????

خالد بإستغراب: إن شاءالله خير

وأخيرا أني وفرحتي رجعنا بروحنا من جديد، بس بعد اللي صار هذيكا الليله، ولا موضوع أنها تتقبلني وتسلمني روحها أصعب من قبل????‍♂️ مافيش حل إلا أنك تكافح من أول وجديد ياخالد????

“” فلنبدأ من جديد وكأننا لم نفشل أبدا “”