رواية عمر وحور الفصل الخامس 5 بقلم سهيلة أشرف

آخر اليوم:

عمر: يابنتي كفاية ضحك بقا فضحتينا

حور: لا مش قادرة شكلك وانت بتتنطط فظيع برستيچك بقي الأرض

عمر: ياستي كله يهون عشانك

حور بكسوف: طب يلا وديني الجامعة عشان اخد عربيتي

عمر: تمام يلا.. 

في الطريق: 

عمر: عارفه ياحور! انا من ساعة مابدأت شغل عمري ماخدت أجازة ولا لغيت شغلي عشان اي حد و النهاردة عملت كده عشانك

حور بكسوف: احم اشمعنا!

عمر: تصدقيني لو قولتلك مش عارف؟ لسه شايفك امبارح لكن حاسس انك معايا من اول ما اتولدت حاسس اني اعرفك من زمان اوي

حور: …..

عمر: تصدقي شكلك حلو وانتي وشك كله طماطم كده!

حور بغيظ: تصدق انك واحد رخم!

عمر: رخم بس بحبك!

حور: ايه؟؟؟!

عمر: رخم بس بقولك! 

حور: نعم!

عمر: وصلنا

حور: طيب تصبح على خير

عمر: وانتي من اهلي

حور: بتقول حاجه ؟! ماسمعتش!

عمر: بقول وانتي من اهله باي

في بيت حور: 

حور: بيخ! ازيكوا يابني ادمين

مرڤت: صوت مين العالي ده!! المفرفشة دي بنتي!!!!! 

حور بضحك: آه ياستي بنتك في ايه

أكرم: وبتضحكي كمان ده كده الموضوع كبر

حور: طب فين احمد وحسام الأول

مرڤت: كل واحد في اوضته

حور: طب نادوا عليهم انا مارضتش اتعشى بره عشان اكل معاكوا

اكرم: ياميسر الحال يارب

حور: احماااااااد ياحسااااااااام انتوا ياعيااااااال

احمد: ايه ده القطة طلعلها لسان وبقينا بنسمع صوتها اهو

حسام: بطل ترخم عليها يلا سيبك منه ياحور قوليلي بقا من ايمتى القطة بقا ليها لسان وبقينا بنسمع صوتها

حور بغضب: تصدقوا انا غلطانة اني ناديت على اشكالكوا ماترد يابابا

أكرم: بس يازفت منك ليه محدش يضايقها

مرڤت: صفاااء ياصفاااء

صفاء: نعم ياهانم!

مرڤت: حضري العشا يلا وانا جاية اساعدك

صفاء: حاضر

بعد العشا كل واحد دخل اوضته وهي قاعدة سرحانة وقطع تفكيرها صوت رنة تليفونها

حور: الو؟!

عمر: سجلتي الرقم ولا لسه

حور: لا لسه بس حفظته المهم خير في ايه

عمر: مفيش غيرت معاد الجلسة ف قولت ابلغك

حور: غيرتها ازاي يعني؟!

عمر: يعني خليتها بعد بكره

حور: وده اشمعنا!!

عمر: مزاجي هو انا الدكتور ولا انتي

حور: طب انا بقا مش جاية

عمر: خلاص ماشي هستناكي

حور: بقولك مش جاية

عمر: آه آه معلش نسيت هتبقى الساعة 5 زي ماهي

حور: يارب صبرني 

عمر: يارب صبرها، يلا تصبحي على خير ياقطة!

حور: قطة!

عمر بضحك: آه قطة 

في صباح يوم جديد:

حور: صباح الخير فين الفطار

مرڤت: صباح النور خمس دقايق ويجهز

احمد: هتروحي الكليه لوحدك النهاردة بردو

حور: آه ماتقلقش خلاص انا بقيت تمام

احمد: يارب دايما

حور: فين بابا وحسام

احمد: بابا قاعد في الجنينه وحسام بيجري 

بعد الفطار: 

اكرم: رايحة في حتة بعد الكليه ولا راجعة!

حور: لا راجعة

اكرم: محتاجة فلوس؟

حور: لا معايا فلوسي لسه ماخلصتش باااي

بعد الكلية: 

حور: ازيكوا ياجماعة مالكوا في ايه

مرڤت: ازيك يا قلب ماما

حور: بسم الله الرحمن الرحيم ماما انتي سخنة!

اكرم: لا هي كويسه عملتي ايه في الكليه بقا ياقمر

حور: قمر!! ياجماعة مالكوا

مرڤت: تعالي بس نتغدى الأول عشان عايزينك في موضوع

حور: ربنا يستر انا عارفه الدَخله دي وراها مصيبة

بعد الغدا:

اكرم: بصي انا عايزك في موضوع ونفهم الاول قبل ما نرد

حور: حاضر

اكرم: متقدملك عريس كامل من كله ماشاء الله انا شخصياً موافق عليه جدا لكن طبعا القرار قرارك

حور: طيب بما إن القرار قراري بقا انا مش موافقه هطلع اذاكر عايز حاجه

مرڤت: اقعدي هنا لسه ابوكي ماخلصش كلام

حور بنفاذ صبر: نعم! 

اكرم: هتقعدي معاه

حور: هقعد معاه غصب عني!!!

اكرم: آه غصب عنك لكن مش هتتجوزيه غصب لكن ماينفعش اسيبك كده كلهم بترفضيهم من بره ده بالذات بقا لازم تقعدي معاه

حور: اشمعنا ده يعني مين ده!

اكرم : هو محلفني ما اقولش هو مين عايز يعملهالك مفاجأة

حور: يلا كده كده مرفوض

اكرم: بتقولي حاجه!

حور: ها أأ لا بقول حاضر هقعد معاه 

طلعت من عند باباها مخنوقة ومش طايقة نفسها غيرت هدومها وقعدت تذاكر وبعد شوية موبايلها رن!

حور: الو؟!

عمر: مالك!

حور: مالي

عمر: صوتك فيه حاجه

حور: وانا لسه قولت حاجه عشان تعرف صوتي فيه حاجه ولالا

عمر: من غير ما تقولي حسيت

حور: طيب هو بابا جايبلي عريس وعايزني اقعد معاه بالعافيه وانا حتى معرفوش ومش طايقاه من قبل ما اشوفه

عمر: طب ليه مش طايقاه جربي يمكن ترتاحيله ولا انتي بتفكري ف حد تاني

حور: مش عارفه

عمر: مش عارفه ايه

حور: مش عارفه حاجه خالص

عمر: طب انتي بتعملي ايه

حور: بذاكر

عمر: طب روحي كملي مذاكره ولما تيجي الجلسه بكره نتكلم

في العيادة:

عمر: عاملة ايه

حور: اهو زي ما انت شايف

عمر: طب اقعدي بس.. انتي رافضاه ليه

حور: كده مش عايزه

عمر: طب بتفكري في حد تاني

حور: ……

عمر: سكتي يبقا ايوه صح!

حور: مش عارفه يعني هو حد بحب قربه وبرتاح معاه لكن مش عارفة

عمر: طب هو العريس ده جاي ايمتى

حور: جاي النهاردة الساعه 8

عمر: طيب هقولك تعملي ايه

حور: قول: 

عمر: انتي ياستي روحي وشوفي العريس واقعدي معاه وانتي قاعدة معاه لو لقيتي الشخص اللي في بالك لسه موجود وبتفكري فيه ارفضي العريس لو هو خلاكي تنسيه وانشغلتي بيه يبقى وافقي وحدي فترة خطوبة رتبي فيها أمورك

حور: فكره حلوه تمام اتفقنا

في بيت حور: 

وصل الناس وقعدوا في الصالون وهي رجعت من عند الدكتور وغيرت هدومها لبست فستان بسيط ابيض وفيه ورد اسمر وفردت شعرها وحطت ميكب خفيف جدا وطلعت بالعصير للضيوف وأول ما طلعت اتصدمت من اللي شافته ووقعت من ايديها صينية العصير! 

اكرم: بس بس متخافيش مفيش حاجه، صفاء ياصفاء تعالي امسحي الأرض دي ولمي الإزاز وهاتي حاجه للضيوف يشربوها، تعالي ياحور اقعدي

مامت العريس: ازيك يا حبيبتي عاملة ايه، مالك متوترة كده!

والد العريس: انا بقول نسيبهم لوحدهم شوية 

خرج الكل وسابوهم وحور لسه مصدومة!

حور: انت بتضحك على ايه يابارد

…. على صدمتك

حور: انت ماقولتليش ليه

….. اقولك واحرم نفسي من رد الفعل ده!

حور: ده انت رخم

….. بس بحبك

حور: نعم!!

عمر: لا المره دي بقا هقولها بجد انا بحبك! من اول مره شوفتك فيها حسيت براحة عمري ماحسيت بيها 

حور: وإن قولتلك مش مواقفه!

عمر: هخطفك واتجوزك غصب عنك مايغركيش اني دكتور لااا ده انا قتيل الجوازة دي على جثتي اسيبك

حور بضحك: مجنون والله

عمر: طب وافقي ونتعالج سوا، موافقة صح!! ها قولي

حور بخجل: موافقة

عمر: آآآآه يافرحة قلبي بحبك يا احلى حاجه حصلت ف صحي حياتي

” وتلاقت اقدارنا حينما تصادمت اعيننا ببعضها، وكيف لي ترك أميرتي وقد جعلتني ملك على عرش قلبها”

تمت بحمد الله