Uncategorized
رواية المتمردة الصغيرة الفصل الحادي عشر 11 بقلم طاهر أبو زيد
رواية المتمردة الصغيرة الفصل الحادي عشر 11 بقلم طاهر أبو زيد
 |
| رواية المتمردة الصغيرة الفصل الحادي عشر 11 بقلم طاهر أبو زيد |
رواية المتمردة الصغيرة الفصل الحادي عشر 11 بقلم طاهر أبو زيد
سحر – قومي بقا افرجك علي اوضتنا انا وانتي علي ما الاكل يسخن
بتدخل نور وتشوف السرير وتترمي عليه وتنام
بيعدي وقت مش كتير وبتحس نور بان الباب بيخبط
بيدخل شاب البيت علي نور ويصحيها
بتصحي نور وتبص
تلاقيه احمد
نور – احمد انت هنا
احمد – ايوه يا نور
نور – وحشتني قوي يا احمد
احمد – وانتي كمان وحشتيني يا نور
نور – ليه روحت مني يا احمد
احمد – غصب عني يا نور
كان غصب عني اني ابعد كده
نور – انت بعدت قوي يا احمد
بعت بعد ملوش رجوع
احمد – غصب عني
مش بدماغي ان دماغي تروح مني
مبتفهمش نور كلام احمد فا بتسال عادي سؤال تاني
نور – طمني عليك وعلي ماما
احمد – امك انا مشفتهاش
امك في مكان وانا في مكان تاني خالص
نور – يعني اي
بيمشي احمد وبتفضل نور تنده عليه
بيطلع احمد بره الاوضه وبتجري نور وراه
بتطلع نور بتلاقي احمد اختفي
بتصوت نور وبتفضل تنده عليه
نور – احمد …. احمد ….. احمد
بتهز سحر نور تصحيها بسرعه
سحر – نور
نور
يا نور اصحي
يا نور في اي
بتقوم نور مفزوعه من النوم
نور – في اي
سحر – مالك يا حبيبتي قعدتي تصوتي وتقولي احمد في اي
نور – مش عارفه يا سحر
حلمت بااحمد
سحر – ربنا يرحمه يا رب
نور – بس هو بيقول ان ماما مش معاه
سحر – يعني اي
نور – مش عارفه يا سحر
سحر – يا حبيبتي دا تلاقيكي عشان بس متعلقه بيه
ربنا يرحمه
نامي يا نور
نور – حاضر يا سحر
بتنام سحر وبتقعد نور تفكر
نور في نفسها – اي يا احمد
جايلي في الحلم تشككتي في نفسي ليه
انت مت
وماما ماتت
ليه بتقولك انك في مكان وهي في مكان
يعني اي يا احمد
بتنزل دموع نور
نور – ليه سبتوني يا احمد
ليه يا ماما كده
ليه تسيبوني وحدي
انا مكنش ليا حد غيركم
انا تعبت
حتي ابويا اللي المفروض سندي ويخاف عليا
هو اكتر واحد طمعان فيا
انا اتبهدلت يارب
يارب انت اللي عالم باللي فيا يااارب
وحشتيني يا ماما
وحشتني يا احمد
بتروح نور في النوم
بعد الفجر بيقوم عم حسين
ويقف في الصاله ينده علي سحر
بيرن حسين علي سحر كتير لحد ما تصحي
سحر في الفون – نعم يا بابا
حسين – يابت الكلب يلا اتاخرت علي الشغل
سحر – طب مدخلتش ليه صحيتني
حسين – اخلصي بس واطلعي وهحكيلك
بتلبس سحر وتطلع لابوها الصاله
سحر – في اي يا بابا
مدخلتش صحيتني زي علطول ليه
حسين – مينفعش يا بنتي
انتي نسيتي ان في انثه معاكي في الاوضه
ماشي هي زي بنتي
بس برضو مينفعش
بتحضن سحر بباها جامد
سحر – انت اجمل اب في الدنيا
حسين – طيب يلا يا مشاغبه يلا
بتبقي نور سامعه كلام سحر وابوها
بتغمض نور عينها وتعيط تاني
بتيجي سحر نازله مع ابوها عشان تفتح معاه فا بتقف وترجع
سحر – استني يا بابا
حسين- في اي
سحر – عايزه اطمن علي نور
حسين – طيب يلا
بتدخل سحر الاوضه وبتبقي نور عامله نفسها نايمه
بتنده سحر عليها مبتردش نور
بتسيبها سحر وتروح لابوها
حسين – مالها
سحر – صحيت بالليل مفزوعه وحلمت بخطيبها اللي مات
حسين – لا اله الا الله
ربنا يرحمه ويصبرها
سحر – يارب
يلا يا عم خليني افتح معاك وارجعلها
حسين – ماشي يا بنتي يلا
بيروح حسين ويفتح هو وسحر العربيه
بيجهز حسين الشغل وكل حاجه تمام
حسين – يابت يا سحر
هعملك طبقين فول حلوين ليكي ولنور
كلو وشوفو هتعملو اي
سحر – حاضر يا بابا
بيعمل حسين طبقين فول وسلطه وبتاخدهم سحر وتروح
بتدخل سحر البيت بتلاقي نور بتنضف الاوضه والسرير
سحر -بتعملي اي يا نور
نور – بوضب الاوضه عادي
سحر – يا حبيبتي سيبيها هو حد هيشاركنا فيها
بتضحك نور وسحر
بتتكلم نور وسحر كتير وياخدو علي بعض
في مكان تاني خالص ……
وعد – ادخل يا علي
علي – هو احنا هنقعد وحدنا
وعد – اه تعال
علي – بس …
وعد – علي احنا ناس كبار ومتحضرين
بيدخل علي البيت ويدخل الاوضه ويقفل علي نفسه
بعد ساعه
بتنده وعد علي علي وبيطلع
وعد – يلا انا عزماك علي الاكل
علي- تمام
بيطلع علي مع وعد وبيلفو في القاهره
بييجي تلفون لوعد
بترد وعد وبعدين بتفرح قوي
علي- في اي
بتترمي وعد في حضن علي
وعد – وشك حلو عليا قوي كسبت في البورصه 100 الف
علي – الف مبروك
وعد – الله يبارك فيك
علي – عايز اتعلم الشغل دا
وعد – اعلمك ..
في مكان تاني خالص …..
سعد – شكر الله سعيكم يا رجاله
بعد ازنكم هطلع اطمن علي بنتي واريح شويه
زعلي علي مراتي صعب
بيستاذن سعد ويطلع وعنيه كلها شر وحيوانيه
بتدخل سعد الشقه وهو بيغني
سعد – اكلك منين يا بطه اكلك منين
نور انتي فين يا حبيبتي
نور البيت فضيلنا
يا نور خلاص بقيتي ملكي
يا نور انتي فين
بيدور سعد كتير علي نور جوه الشقه
مش بيلاقيها بيتجنن سعد من نور
سعد – تلاقيها عند ام سمير
بينزل سعد ويسال ام سمير علي نور
بترد تقوله انها بعد مانت جيت هي قامت وراك
بيطلع سعد بره ويصوت
سعد – يا نوووووووور
نوووور
يا نور انتي فين
بيقتنع سعد ان نور هربت
بيجري عليه الرجاله ويشيلوه
عند نور ……..
بتوصل سحر البيت وبتاكل هي ونور
نور – انا عايزه انزل تحت
سحر – نروح لبابا
نور – ماشي كويس
بتاخد سحر نور معانا ويروحو لحسين
بتعجب نورر الشغلانه والناس اللي حابه الاكل
بتقرب نور من حسين
نور -_ انا عايزه اشتغل معاك
حسين – لا يا حبيبتي الشغل للرجاله
انتي زي سحر وانا مستحيل اشغل سحر
انا بخليها تساعدني بس عشان اعرف افتح وحدي
واخر اليوم بتيجي تلم معايا وخلاص
انما كا شغل وسط السوق لا
نور – عشان خاطري
انا مبحبش قعده البيت
وكمان عايزه اشتغل واتعود علي الشغل
بيبص حسين لسحر
سحر – بس يا نور….
بتقطع نور كلام سحر – والله انا مبحبش القعده وبعدين هو انا هشتغل مع حد غريب
مش انت موجود معايا خلاص هخاف من اي
حسين – يابنتي دي عربيه فول مش محل
نور – وانا قدها والله
سحر – خلاص يا بابا متزعلهاش
حسين – موافق بس بشرط
نور – شرط اي
حسين – بعيد عن مصروفك هتاخدي مني مرتب
نور – نعم
مرتب اي ومصروف اي
حسين – يابنتي انتي زي سحر
وسحر ليها مصروف كل يوم
وانتي كمان هيبقي ليكي مصروف دا بتاعك انتي
انما المرتب دا شغلك يابنتي ومقدرش احرمك منه
نور – بس انا مش…..
سحر – لا مفيش نقاش
يا توافقي يا خلاص مفيش شغل
نور – اللي تشوفوه
حسين – علي بركه الله
البسي البدله الصغيره دي عشان هدومك
بتلبس نور البدله وبتبدا شغل مع حسين
بيبقي يوم مش طبيعي عند حسين
ناس كتير بتيجي بيبقي زحمه عنده بسبب نور
ناس كتير بتيجي منهم اللي بياكل ومنهم اللي بياكل ويبص لنور
ناس كتير موجوده
ونور كانها راجل شغاله وواقفه مع حسين وقفه الف راجل
بيبقي حسين مش مصدق الناس اللي قدامه ولا مصدق الزحمه دي
بتشتغل نور معاه بكل طاقتها وبتبقي مبسوطه
بيبقي حسين فرحان جدا
في اقل من ساعتين بيبقي كل الاكل خلص
وناس كتير جت ومشيت
حسين – انا مش مصدق نفسي والله
انتي مرزقه يابنتي والله
بيقرب حسين من نور ويبوسها علي دماغها
بتبصله نور ودموعها تنزل منها وتحضنه
بيحضنها حسين ودموعها تنزل عليها
حسين – ربنا هيعوضك خير يا بنتي والله
نور – كان نفسي في اب زيك يا عم حسين
حسين – بلاش عمي حسين قولي يا بابا
نور بابتسامه – حاضر يا بابا
بيبوسها حسين علي دماغها تاني ويمسح دموعه
حسين – يلا نلم يلا
بيلمو الشغل وبيرجعو البيت
سحر – اي دا يعني جيتو بدري
في اي
حسين – والله يا سحر ما عارف اقولك اي
بسم الله ما شاء الله اول ما نور بدات شغل معايا
لقيت كان الشارع كله جاي ياكل
انا في حياتي ما خلصت الفول وكنت دايما بوديه مطعم بدل ما ارميه
النهارده الفول خلص والناس جت ومشيت كمان
سحر- ايوه بقا بركاتك يا نور
نور – انا مالي دا رزقك
وانت اللي اكلك حلوه قوي يا بابا
بيضم حسين نور وسحر في حضنه
حسين – ربنا يخليكم ليا
بيطلع حسين فلوس من جيبه ويدي سحر مصروفها
ويدي نور مصروفها وبيدي نور فلوس تاني مرتب
مبتبقاش نور عايزه تاخد بس زي ما اتفقو
بتمشي الايام وكل يوم الشغل بيزيد والدنيا بتفتح مع حسين
وبتقف معاه نور وقفه رجاله
وفجأه بتيجي عربيه فخمه وكبيره
وتبصلها نور وبستعجاب
نور – بابا …………..