Uncategorized
رواية المتمردة الصغيرة الفصل الثاني عشر 12 بقلم طاهر أبو زيد
رواية المتمردة الصغيرة الفصل الثاني عشر 12 بقلم طاهر أبو زيد
 |
| رواية المتمردة الصغيرة الفصل الثاني عشر 12 بقلم طاهر أبو زيد |
رواية المتمردة الصغيرة الفصل الثاني عشر 12 بقلم طاهر أبو زيد
واهي نور الدنيا هتضحكلها شويه
تفاعلو بقا
وتابعوني ????????
بتمشي الايام وكل يوم الشغل بيزيد والدنيا بتفتح مع حسين
وبتقف معاه نور وقفه رجاله
وفجأه بتيجي عربيه فخمه وكبيره
وتبصلها نور وبستعجاب
نور – بابا
حسين – نعم يا بابا
نور – بص العربيه الجامده دي
بيبصلها حسين ويضحك
حسين – تعالي يا نور بسرعه اغسلي طبقين كويس وروقيهم
واجري هاتي حاجه ساقعه
نور – في اي يا بابا
حسين – دا اسر بيه يا نور
نور – مين اسر بيه
حسين – دا راجل غني قوي قوي يا نور
وبييجي كل فتره ياكل عندي وبيدفع تبس حلو قوي
يلا روحي بسرعه
نور – حاضر يا بابا
بتروح نور بسرعه تجيب حاجه ساقعه
وبترجع بيكون اسر بيه ركن العربيه ونزل
بينزل اسر بيه وبتشوفه نور من بعيد
راجل كبير وشعره ابيض انما جسمه رياضي
وفكرته نور شاب عنده 30 سنه
ولابس لبس شبابي
وبنطلون وقميص و حاجه جميله جدا
بينزل اسر بيه ويروح لحسين
حسين – يا اهلا يا اهلا يا اسر بيه
اسر – ازيك يا عم حسين
حسين – بخير يا باشا طول مانت بخير
اسر – طب هتفطرني ولا اي
حسين – طبعا يا باشا
نور يا نور
هي راحت فين البيت دي
دقيقه وحده بس والاكل يكون جاهز
اسر – كويس انك شغلت معاك واحد والله
بس باين عليه مشاغب وهنطرده
بيضحك حسين ومش بيرد
بتيجي نور وتجيب الساقع
حسين -كنتي فين يا نور
نور – في اي يا بابا كنت يجيب الساقع
حسين – اه صحطب روحي اديه للبيه
نور – طيب
بتروح نور وتدخل علي اسر
بيبقي اسر قاعد وماسك الفون وباصص فيه
نور – اتفضل الساقع يا بيه
بيقفل اسر الفون وبيبص لنور
اسر – بسم الله ما شاء الله
انتي مين يا حلوه
نور – انا نور شغاله مع بابا حسين
اسر بيقلع النظاره بتاعته – شغاله بتاعت فول
نور بغضب – مالها بتاعت الفول بقا
مانت بيه قد الدنيا وجاي تاكل عندنا اهو
اسر بابتسامه – حلوه اوي بتاعت الفول بصراحه
بس لسانها عايز قطعه
نور – بقا كده طب شوف مين هينزلك اكل
اسر – اه يعني مش هتفطروني
طيب اقوم امشي ومش هاجي عندكم تاني
نور – لا لا يا. بيه انت عايز بابا يموتني
بيضحك اسر – بعد الشر عليكي يا حلوه
يلا هاتي انتي الاكل
نور بابتسامه – حاضر يا بيه
بتروح نور لحسين اللي بيبقي مجهز طبق فول وسلطه وحاجات كتير حلوه
حسين- خدي يا نور طلعيهم لاسر بيه
وقدميهم بشكل كويس ماشي
نور – حاضر يا بابا
بتاخد نور الصينيه وتطلع لاسر بيه
بتقرب نور من اسر وهو عينه عليها وعلي ضحكتها
بتنزل نور الاكل قدام اسر بيه وهو عينه عليها
نور – اتفضل يا باشا
الف هنا
اسر – الله يهنيكي يا حلوه
نور – محتاج اي حاجه تاني
اسر – ابقي خلي عينك عليا
نور – نعم
اسر – قصدي يعني لو عوزت حاجه هقولك عشان متتاخريش عليا
نور – طيب
بيبقي اسر بياكل وعينه علي نور وهي شغاله
بياكل اسر ويخلص اكل وينده علي نور
اسر – نور يا نور
حسين – ايوه يا باشا
اسر – خليك يا حسين ابعت نور
حسين – نور يا نور
نور – ايوه يا بابا
حسين – شوفي اسر بيه عايز اي
نور – حاضر يا بابا
بتروح نور لاسر
نور – الف هنا يا باشا
اي رايك في الاكل
اسر – الاكل النهارده حلو قوي انتو حاطين فيه حاجه
نور – لا احنا اكلنا حلو علطول
اسر – لا هو حلو عشان انتي اللي مسكتيه بايدك
بتتكسف نور – شكرا ربنا يخليك
بيطلع حسين 200 جنيه من جيبه ويديها لنور
نور – دقيقه اجبلك الباقي
اسر – لا خلي الباقي ليكي
نور – يا نهار اسود هخلي 180 جنيه ليا
لا طبعا يا باشا
اسر بضحك – لا يا حلوه حسين بياخد تمن الاكل
وباقي الخمسين بديهوله
وانتي خدي ال150 التانيين
نور – لا لا طبعا
هندهلك بابا
بتروح نور تنده علي حسين
وبيروح اسر للعربيه بتاعته ويركب
بتروح نور لابوها فا بيضحك ويقولها رزقك يا بنتي
بيعدي اسر من قدامهم بالعربيه ويبص لنور
اسر – تسلم ايدك يا حسين
شكرا يا نور
وخلي الباقي ليكي
اوعي الراجل العجوز دا ياخدهم منك
بيضحك اسر ونور وحسين
بيبقي نور فرحانه قوي
بتخلص نور وحسين شغل وبيرجعو البيت
بتكون سحر مجهزه الاكل وقاعده مستنياهم
نور – يا سحر
بت يا سحر
سحر – اي يا مجنونه عايزه اي
نور – النهارده جه راجل كبير
وكل عندنا واداني 150 جنيه
سحر – اشمعنا 150 ليه مقفلهمش 200
نور – دانتي بارده
سحر – يعني هو مين اللي هييجي لوحده بتاعت فول ويديها 150 جنيه
ليه هو كل بكام
نور – ب20 جنيه
سحر – واداكي 150 دا مين الغبي دا
حسين – دا اسر بيه
الراجل دا كان ابوه رجل اعمال كبير ومعاه فلوس
جوزه وهو عنده 15 سنه وخلف 3 ولاد
مراته ماتت من فتره وعياله كبرو
وكل واحد ماسك شركه
ومعاه فلوس لو قعد يحرق فيها مش هتخلص
اللي اعرفه ان عياله مش قاعدين معاه و قاعد في الفيلا وحده
ورافض يتجوز
وعايش زي ما شفتي كده يا نور تحسي انه شاب في العشرينات
سحر – بس 150 جنيه كتير يا بابا
حسين – واي يعني 150 جنيه مع اسر بيه يابت دا معاه مليارات
دا عنده شركات بعدد شعر راسكم انتو الاتنين
نور – يابخته
عقبالك يا بابا لما يبقي عنده مليارات
سحر – قولي مخللات
حسين بضحك – بتتريقي عليا يابت الكلب انتي وهي
طب وحياتك ليتخصم منك المصروف النهارده
سحر – لا يا سحس دانت حبيبي
حسين – دلوقت حبيبك
طيب يا مشاغبه تعالي في حضني
بتروح سحر تحضن ابوها
حسين – نور
تعالي في حضني يلا زي اختك
بتضحك نور – حاضر يا بابا
بيضمهم حسين ويبوسهم علي دماغهم
حسين – ربنا يخليكم ليا يارب
تاني يوم بتنزل نور مع حسين الشغل
وبعد ساعه بتبص نور تلاقي عربيه اسر بيه
نور – بابا بابا اسر بيه
حسين – اي دا ازاي دا بييجي كل فتره
جهزي بسرعه يا نور
نور – حاضر حاضر
بتجهزله نور الاكل وتقدمهوله
بيبقي اسر بيه مش مركز الا مع نور
وابتدي يطول في القعده
ويهزر ويضحك مع نور كتير
بقي كل يوم بيجي اسر يفطر من عنهم
وكل يوم يدي لنور فلوس
بيستمر اسر كل يوم ييجي لحسين كل يوم لمده شهر
بعد شهر
نور -بابا
هسيبك تخلص الحاجات الخفيفه دي واروح عشان البت سحر تعبانه
فا هروح اعمل الاكل وانضف البيت علي ما تيجي
حسين – ماشي يا حبيبتي روحي
بتروح نور وبتنضف البيت وتقعد تجهز اكل
وتهزر ع سحر ويضربو في بعض
ويضحكو مع بعض
بعد ساعه
بييجي حسين وهو قالب وشه
وباين عليه الاستغراب
نور – يلا يا بابا عشان ناكل
حسين – مش جعان
بيسيبها حسين ويدخل اوضته
بتروح نور لسحر -بت يا سحر
هو بابا ماله في اي
سحر – مش عارفه تعالي نروحله
بتروح نور وسحر لحسين اوضته
بيدخلو الاتنين يلاقوه قاعد وباين عليه انه مدايق
سحر – بابا في اي
حسين – في اي
سحر – بابا متخبيش علينا داحنا بناتك
في اي
نور – يا حبيبي مالك في اي
هو انا عملت حاجه زعلتك
حسين- لا يا بابا معملتيش حاجه
سحر – امال في اي يا بابا قلقتنا
نور – في اي يابابا
حسين – مش عارف اقولهالكم ازاي
نور – في اي
حسين – اسر بيه متقدملك يا نور
وعايز يتجوزك ………….