رواية غلطة أخي الفصل العاشر 10 بقلم عبير سليم

جوم يا عبد الوهاب متجوم يا راجل كفاياك نوم بجينا العصر

عبد الوهاب و هو بيقوم من النوم مخضوض : ايه في ايه هي الجيامه جامت الله يخرببيتك يا هند

هند : دي جيامتك انت اللي حتجوم ان شاء الله انت بتزعج كده ليه يا راجل انت  الحج علية اني بصحيك

عبد الوهاب : بتصحيني و هي دي طريجه تصحي بيها جوزك بردك

هند و هي بتقعد جمبه : امال اصحيك كيف يا راجل ايه ازغزغك إياك

و اللا العبلك في صوابع رجليك

عبد الوهاب : ايوة و فيها إيه لما تزغزغيني و تدلعيني هو اني مش جوزك و اللا ايه بدل ما نتي جايه تصحيني كيف ما بيطب المخبرين عالبيوت في نصاص الليالي

هند : و الله انت راجل فايج و رايج ما عايزنيش اجولك بالمرة جوم يا بيبي

عبد الوهاب : بيبي منك انتي لا متجيش الصراحه حتبجى طعمها وحش جوي

هند : بجي كده بردك يا عبد الوهاب طب تصدج اني غلطانه اني بداري و اتستر عليك اني بجى حفضحك جدام ابويا الحاج حامد

و اخليه يجلب عليك و يطين عشتك

عبد الوهاب : تفضحيني كيف يا بت انتي اتخبلتي في عجلك اياك

و يطين عيشتي كمان ده اني اللي، حخللي عيشتك سوده و مطينه بطين على دماغك و دماغ اللي خلفوكي

هند : سوده على دماغك انت ان شاء الله و ايوة اني حفضحك و حجوله على سهرك كل ليله لحد الفجر برة البيت

عبد الوهاب : انتي حتخوفيني إياك على اساس اني تلميذ في المدرسه

امشي يا بت انجري من جدامي حضريلي الفطور

هند : فطور ايه احنا بجينا العصر احنا حنتغدى

عبد الوهاب : و انتي حتتغدي انتي كمان

هند : لا حصوم إياك

عبد الوهاب : مش جلتي حتعملي ريجيم و تخسي

هند : حعمل ريحيم ازاي و اني حامل يا راجل انت عايز يجيلي انيميا و اموت

مش كفايه طول الليل تعبانه و برجع و انت طفشان برة و بترجع تتجلب و تنام شبه الجتيل

عبد الوهاب : لا خليني جاعد جمبك و لا اروح و لا اجي عشان أعجب البرنسيسه

و عاوزاني اجعد جوارك ليه على جمالك و اللا جوامك الملفوف امال لو مكنتيش بجيتي شبه الكرنبه المنفوخه  و لا بجيت عارفلك طول من عرض

مشايفاش الستات كيف بياخدوا بالهم من حالهم و انتي سايبه نفسك اجده حاجه تسد النفس

هند : بجى اجده يا واد عمتي بتعايرني و تجولي بجيتي شبه الكرنبه و هو اني بجيت شبه الكرنبه  كيف مش بسببك انت و عيالك إياك

عبد الوهاب : و هو حد جالك تعملي اجده هو في واحده عاجله تخلف عيلين و تحمل في التالت و كل ده في اجل من خمس سنين جواز ده انتي و لا كيف الأرنبه

هند : الحج علية اني عايزة اعملك عزوة واخللي عيالك يبجوا حواليك تفرح بيهم و هما بيكبروا جدامك

عبد الوهاب : مش بالطريجه دي يا بت خال

لما ربنا رزجنا بسجده جلتلك نصبر شويه خالي البت تاخد حجها في الدلع و الرعايه لكن انتي مفيش شهرين و جلتيلي انك حامل

هند : و انت كنت عايزني اعمل ايه واني كتت شايفه ابويا الحاج حامد ماطيجش البت و لا كان عايز يبص في وشها كأني مخلفه شيطان رجيم مع انها كيف الجمر بجر منور

جلت احمل تاني يمكن ربنا يجبر بخاطري و اجيب واد يخليه يرضى عنينا و يرضى يبص في وشي

عبد الوهاب : ماشي و اني مجلتش حاجه و جلت ربنا يديكي اللي انتي عايزاه مع اني كنت راضي و ربنا العالم

و ربنا فرح جلبك و جبتي حامد الصغير

مش نحمد ربنا بجى  و نهتم بالعيلين دول و ناخد بالنا منيهم لا ازاي جريتي بردك اهوه حملتي تاني

هند : ربنا هو اللي عايز أجده

عبد الوهاب : ربنا بردك اللي عايز اجده و اللا امك يا هند يا بت خالي هي اللي عايزاكي تخلفي عيل ورا التاني عشان تربطيني جمبك

هند : بجي أجده يا عبد الوهاب انت مكفكش اني عايز تحط على امي كمان و هي اللي بتحبك و بتدعيلك

عبد الوهاب : و الله لو امك بتحبني زي ما بتجولي كانت توعيكي بالصالح و باللي يسعد و يفرح جوزك و كانت تفهمك تعملي ايه كيف ما الستات بتعمل و تدوري على نفسك و حالك بدل ما هي عماله تزن فوج راسك بالخلفه كل شويه و انتي تنفذي كيف الحمارة و لا عنديكي ذرة مخ واحده تفكري

هند : بجي اني حمارة يا عبد الوهاب

عبد الوهاب : حمارة و مبتفهميش و ان كان عاجبك

هند : لا بجى ما عجبنيش و اني حسيبلك البيت يطربج فوج دماغك انت و عيالك و امشي اروح بيت ابوي

عبد الوهاب : يا اختي اتنيلي على أساس انك مش أول ما حتروحي حيرجعوكي تاني

يا للا انزلي على ما اتحمم و انزل اشوف ابوي

هند : ماشي يا عبد الوهاب بس و الله لاكون شاكياك و لازمن حد يجيبلي حجي منيك

عبد الوهاب : الشكوى  لغير الله مذله امشي يا بت انجري على تحت جتك الهم

اني مفهمش هي مستحمله نفسها اجده كيف منك لله يا ما انتي السبب في الجوازة السوده دي

ينزل تحت فيلاقي أبوه و أمه قاعدين و هند بتحط الأكل هي و البنت اللي بتشتغل عندهم

حامد : صباحيه مباركه يا عريس هيا النموسيه كانت كحلي و اللا إيه

عبد الوهاب : النموسيه سوده يا بوي سوده و منجطه بكحلي

أمينه : هههههه دمك زي السكر يا حبيبي

عبد الوهاب : لو اني حبيبك عاد زي ما بتجولي ما كنتيش دبستيني التدبيسه اللي ما يعلم بيها الا ربنا دي

هند : عاجبك يا عمتي شفتي بيعاملني كيف

امينه : بيهزر معاكي يا عبيطه مش بيجولك اللي يحبك يناغشك

و هو اصلا روحه فيكي

عبد الوهاب و هو بيمد ايده في الطبق : مش جوي اجده يا ما احسن تصدج

أمينه : طب و ربنا  كداب في اصل وشك امال مين اللي كان واجف يعيط كيف العيال الصغيرة جدام اوضة العمليات و هي بتولد

عبد الوهاب : امي دي تلاجي بس حاجه كانت داخله في عيني

حامد : بجولك ايه يا حاجه سيبك من حديتهم الماسخ ده ما احنا كل يوم و التاني في مشاكلهم دي اللي ما بتخلصش

أمينه : طب هات سجده عنيك عشان تعرف تاكل

حامد : لا سيبيها على رجلي انا مبعرفش اكل غير و هي على رجلي

عبد الوهاب : سبحان الله مش دي اللي انتي مكنتش طايجها و لا طايج تبص في وشها

أمينه : ما اعز من الولد الا ولد الولد يا عبد الوهاب

عبد الوهاب : لا و حياتك يا اما هو مارضاش عنيها غير لما سميت البت سجده على اسم امه وجتها نلنا الرضا الحمد لله

حامد : سجده دي حبيبة جلبي من جوة و انت تطلع منيها ملكش صالح انت

هند : اني بس مستغربه من حاجه يا با

حامد : مستغربه من  أيه يا هند

هند : هي ازاي امك الله يرحمها كان اسمها سجده و هي من زمان جوي

حامد : على اساس ان حد جالك ان امي من أيام فحت البحر إياك

عبد الوهاب : ههههههههه لا حلوة يا بوي

هند : انت زعلت يا حاج ده  اني بستفسر بس اصل سجده يعني اسم لسه جديد و طالع موضه يبجى كيف امك كان اسمها سجده

حامد :  اصل ابوها

عبد الوهاب : اللي هو جدك يعني

حامد : ايوة يا ابو الذكاء كان بيصلي  وجت ما كانت جدتي بتولد امي و وهو ساجد سمع صوتها و هي بتعيط جام سماها سجده

عبد الوهاب : ياااه دي حكايه مؤثرة جوي يا ابوي 

حامد : جوم امشي من جدامي يا زفت الطين انت

عبد الوهاب :احسن بردك

يعلن تليفون حامد عن اتصال فيرد: السلام عليكم ورحمة الله وبركاته

ازيك يا حمدي كيفك و كيف ولادك

حمدي : احنا بخير و الله يا حامد

حامد بنتي تقى اتقرت فاتحتها امبارح

حامد : بتك تجى اتخطبت و  اتجرت فاتحتها

بسم الله ما شاء الله الف مبروك يا خوي  ربنا يتمم على خير

بس المهم اتخطبت لحد زين

حمدي : ايوة خطبها ابن جاري و صاحبي و عشرة عمري و هو شاب زي الفل و بيشتغل مع مصطفي ابني في البنك

حامد : طيب تمام جوي ربنا يكمل على خير

حمدي : ان شاء الله حتيجي في الخطوبه

حامد : طبعا حنيجي في الخطوبه اكيد دي بت اخوي و احنا اخوات يا حمدي و الضوفر ما يطلعش من لحمه

المهم عينك عليهم إياك تأمن و لا تسيبهم لوحدهم لحد ما تبجى في بيته

حمدي : ما تخافش يا حامد احنا صعايده و نعرف الاصول كويس

يقفل معاه الخط

أمينه : تقى اتخطبت ما شاء الله

عبد الوهاب : تلاجيها بجت كيف الجمر

حامد : هي جمر كيف امي الله يرحمها

هند : هي مين دي اللي جمر يا راجل

عبد الوهاب : تجى بت عمي حمدي تعرفي انها المفروض كانت تبجى من نصيبي بس يا للا كل واحد بياخد نصيبه

هند : و انت مالك بتتكلم و انت مضايج اجده

و بعدين ما نت خدت نصيبك خلاص يجى ترضى بيه و تحمد ربنا

عبد الوهاب : نصيب ما يعلم بيه إلا ربنا اني جايم ماشي

يقوم عبد الوهاب و يخرج

هند : عاجبك أجده يا عمتي شايفه ابنك بيعاملني كيف

أمينه : بصراحه معاه حج يا بتي انتي معارفاش تكسبيه و لا تاخديه في صفك طالعه هبله مش واعيه كيف اختك

هند : و انتي عايزانى اعمل ايه بس ماني خدماه و شايفه كل طلباته

امينه : جصدك الاكل و الشرب و الغسيل يا عبيطه عبد الوهاب ابني بيحب الدلع عايز واحده تدلعه و تبسطه و هو وجتها لو طلبتي منيه نجوم السما حيجيبها لك

هند : يعني ارجصله اياك

أمينه : و ما ترجصيش ليه عاد هو  مش جوزك و ده حجه عليكي ترجصيله و تفرحيه

هند : طب و اني حرجص ازاي و اعمل ايه بس ماني تعبانه و الحمل تاعبني و مملاحجاش على سجده و حامد و كمان اللي جاي

حرجص ازاي و انا بمنظري ديه

امينه : و هو انتي اصلا رجصتي في الأول لما حترجصي دلوجتي انتي اللي عامله في نفسك اجده

منها لله امك هي السبب و انتي ماشيه وراها  من وجت ما دخلتي عماله تخلفي في عيال و خلاص

و لا مهتميه بنفسك و لا بجوزك

 ده اني يا للي من زمن لما ربنا رزجني بعبد الوهاب و عبد الرحمن حمدت ربنا و جلت الحمد لله عليهم

 و انتي من يوم ما اتجوزتي يا حامل يا بترضعي و هو زهج يا حبة عيني

و كمان تخنتي جوي ده انتي عديتي المية كيلو و انتي لسه صغيرة و هو اصلاً مبيحبش التخن

هند : يعني اني اعمل ايه دلوجتي

امينه : لازمن تخسي و تاخدي بالك من جوزك بدل ما يلاجي اللي تخللي بالها منيه

هند : انتي تجصدي ايه يا عمتي

امينه : اجصد انك لو ما نتبهتيش لحالك و لجوزك حتلاجي اللي تاخده منك و وجتها متلوميش، غير نفسك و عجلك في راسك تعرفي خلاصك

فهمتي يا بت اخوي و اللا اجولك روحي لأمك و هي تفهمك

عن اذنك انى جايمه الحج صلاة العصر

حامد : جوليلي يا أمينه هو عبد الرحمن مجليكيش حياجي ميته

اني برن عليه تلفونه مجفول

أمينه : اطمن يا حاج هو لسه متصل بية وجت الضهر و جالي انه بيخلص اوراج تعيينه و ان المكان اللي هو فيه مفيهوش، شبكه و هو يومين و جاي بالسلامه ان شاء الله

حامد : اني ما عارفش كيف حتحمل جعاده في مصر بعيد عننا

أمينه : مش مستجبله يا حاج حجتك تفرح و تفتخر بيه دي ولدك  حيبجى معيد في الكلية و مش أي كلية دي كلية الطب

ادعيله ربنا يوفجه و يعللي مراتبه كمان و كمان ده اني الدنيا مش سايعاني من الفرحه و الكل بيجوللي يا ام الدكتور

حامد : ربنا معاه اني بس  مفيش حاجه بس مزعلاني منيه غير لغوة بلدنا اللي اول ما بيجعد مع زمايله الدكاترة بينساها و بيتكلم كيف اهل مصر

أمينه : يا ربي عليك يا حامد يا واد عمي مش هو تعليمه كان هناك و كان بيجعد هناك كتير عايزه يتكلم صعيدي لاجل يتريجوا عليه

حامد : كيف يعني يتريجوا عليه انتي اتخبطتي في مخك عاد و اللا ايه

ده الدكتور عبد الرحمن حامد المنياوي و وكيل ربه ما في حد في الكليه كلياتها يساوي ضافره

أمينه : طبعاً و هو في حد زي الدكتور عبد الرحمن ربنا يكرمه و يفرحه بيه يا رب

حامد : يا خوفي لتلف عليه واحده من بنات مصر و تاكل عجله بكلمتين و انتي عارفه ابنك طيب و ينضحك عليه مش كفايه انه لما يتجوز حيعيش في مصر يبجى على الاجل يتجوز واحده من اهنيه من الصعيد على الاجل نطمن عليه

أمينه : بجولك ايه سبب الواد يختار اللي يختارها ملناش صالح اديك شايف اهوه احنا اللي اختارنا هند لعبد الوهاب و جلنا بنت اخوي و حتحبه و كانت جوازه ما يعلم بيها الا ربنا لا هي فاهماه و مريحاه و لا هو طايجها

فمتشغلش بالك بيه يا للا اما الحج اصلي العصر جبل ما يفوتني

سجده : جدي

حامد : نعم يا جلب جدك من جوة

سجده : عايزة كيكه

حامد : يا زينب انتي يا بت يا زينب

زينب : ايوة يا حاج حامد 

حامد :  هاتي كيكه من عنديكي بسرعه لسجده

زينب : حاضر و هو احنا عندنا اغلى من سجده اياك دي اميرة الدار

تعالى معاي يا حبيبتي

حامد : لا هاتيها هنيه و اني اللي حاكلها

يمسح بيده على شعرها الحريري و يتحدث إليها : تعرفي انك شبه تجى بنت اخوي كتير ايوة ما نتوا الاتنين اصلكم شبه امي الله يرحمها

و تعرفي ان يوم ولادتكم انتوا الاتنين كنت مضايج جوي ايوة ماني الصراحه مبحبش خلفة البنات واصل بس اني فاكر كلمه جالهالي حمدي يوميها جالي عشان انت معندكش بنات

و هو فعلا كان عنديه حج يا سجده انتي اول ما جيتي مكنتش طايج حتى ابص في وشك لكن سبحان الله اول ما اتحايلوا علية اشيلك و شفتك جدام عيوني محبتك نزلت في جلبي و مبجاش عندي اغلى منيكي

لكن على جد حبي ليكي على جد ما حيكون عجابي ليكي شديد لو مصنتيش محبتي دي يا بنت ابني يا غاليه 

????????????????????????????????

في ايه يا سلمى مش، كفايه عياط بقى

سلمى : كان نفسي أيمن يخطبني انا يعني هي تقى دي احسن مني في ايه بقى ميرضاش يخطبني انا و انا في كلية الصيدله و يروح يخطبها المعفنه دي اللي يادوب معاها معهد بالعافيه

جيهان : نصيب و كل واحد بياخد نصيبه

سلمى : بس انا

جيهان : انتي ايه يا سلمى هاه انتي الدكتورة سلمى انتي فاهمه و اللي ميعوزكيش انتي ما تفكريش فيه اصلا فين كرامتك و عزة نفسك

انا صحيح منكرش اني كان نفسي ان ايمن يخطبك لكن مش عشان غير انه ابن عمك و عارفينه

 و عارفين اخلاقه كويس

 لكن ما دام هو مش عاوزك يبقى مع السلامه و ربنا يسهله و انتي مش شويه و لا قليله عشان تعملي في نفسك كده انتي جميله و صغيرة و مؤدبه و محترمه و ابوكي سمعته زي  الفل

يبقى بكرة يجيلك اللي يستاهلك و يحبك و يقدرك فاهمه و اللا لاء

تدخل على صوتهم : في ايه يا ماما مالكم صوتكم عالي ليه

سلمى انتي بتعيطي ايه اللي حصل

سلمى : أيمن خطب تقى

سمر : أيمن ابن عمك خطب تقى

جيهان : أيوة عندك مانع

سمر : لا و انا مالي بس انا كنت فاكرة انه حيخطب سلمى

جيهان : و مخطبهاش نعمل ايه بقى

سمر : خلاص يا سلمى متزعليش نفسك يا حبيبتي

بكرة يجيلك اللي أحسن منه أن شاء الله

انا حدخل اغير هدومي و اجيلكم

تدخل جيهان وراها : غريبه يعني ده انا قلت انك مبتحبيش تقى و أكيد حتضايقي بس مش حساكي مضايقه و لا حاجه

تقى : و انا ايه اللي يضايقني و انا مالي بيها اصلآ

جيهان : انتي مالك بيها و انتي من امتى اصلا مش شاغله نفسك بيها ده انتي مبتكرهيش حد في الدنيا دي كلها اد ما بتكرهيها

سمر : انتي عاوزة تقولي ايه يا ماما

جيهان : عاوزة اقولك انك انانيه اوي يا سمر

سمر : انا يا ماما انانيه ليه يا ماما بتقولي كده

جيهان : يعني مش عارفه ليه ماشي انا بقى حقولك ليه عشان انتي كل اللي يهمك ان تقى تنزاح من ادامك و بس

و كان كل خوفك ان احمد يخطبها لأنك متاكده ان اللي جواه ليها حاجه كبيرة اوي و اهتمامه بيها السنين اللي فاتت كان مخليكي طول الوقت كارهاها و بتغيري منها و نفسك تبعد عنه باي طريقه

و طبعا دلوقتى انتي ارتاحتي خلاص و نارك بردت بعد ما ايمن هو اللي خطبها مش كده

سمر : طيب و لو ده صحيح ايه الانانيه في حاجه زي دي

جيهان : الأنانية انك مراعيتيش لا احساس و لا مشاعر اختك و بدل ما تقعدي جمبها تطبطبي عليها سيبتيها و جيتي هنا طبعا فرحانه انها فضتلك الطريق مش كده

سمر : لاء يا ماما انا وجود البنت دي قدامي فأي مكان بيضايقني و حتى لو مكانتش لأحمد و كانت لأيمن بردو ده مش حيخللي الموضوع عادي بالنسبه لي و حفضل اكرهها العمر كله

و كون أيمن هو اللى خطبها فده  مش حيشفعلها عندي انا كنت عاوزاها تخرج من حياتهم نهائي ميكونش ليها وجود في حياتهم من أساسه

لكن هي كده بردو موجوده قدامه حتى لو مكنتش ليه

انا لا كنت عاوزاها تبقى ليه و لا لاخوه

جيهان : عمري ما تخيلت انك وحشه أوي كده يا بنتي

سمر : وحشه ليه يا ماما وحشه عشان بعترف بمشاعري تجاه واحده مبحبهاش

جيهان : شكلي معرفتش اربيكم صح اه طلعتوا شاطرين و متفوقين لكن الظاهر ان ده مش كفايه بدليل اهوه ان البنت اللي معاها معهد سنتين الكل حيتجنن عليها و خطابها واقفين على الباب من و هي لسه عيله بضفاير و لولا ان اخوها هو اللي كان مانع اي حد يتقدملها كان زمانها متجوزه و مخلفه من زمان لكن انتوا يا بناتي يا دكاترة و لا حد قالكم انتوا فين طبعا ما نتوا رافعين مناخيركم للسما و بتعاملوا الناس كأنهم من طين و انتوا من طين و كل الناس بالنسبه لكم اقل منكم

روحي شوفي اختك و راضيها بكلمتين روحي

تدخل الأوضة لجوزها : هو انا غلطت يا عبد الحميد 

عبد الحميد : احنا الاتنين غلطنا يا جيهان

غلطنا لما دخلنا في دماغهم من و هما صغيرين انهم احسن من اي حد

و غلطنا لما خليناهم ما يشوفوش غير ولاد عمهم اللي هما اصلا عمرهم ما عبروهم و احنا دايما اللي كنا بنجري وراهم و تخيلنا انهم لازم حيكونوا لبعض و كأن الدنيا مفيهاش غيرهم 

تخيلنا ان ولاد عمهم عمرهم ما حيفكروا في حد غيرهم في يوم من الايام طبعا ما هما دكاترة بقى حيعوزوا اكتر من كده ايه

خلاص يا جيهان خللي بناتك ينسوا موضوع ولاد عمهم ده خالص و ينتبهوا لمذاكرتهم و لمستقبلهم و بس

جيهان : بس انا معتقدش ان سلمى حتوافق تيجي معانا الخطوبه

عبد الحميد : براحتها متغصبيش عليها يا جيهان كفايه اللي هيا فيه

????????????????????????????????

بعد مرور بضعة أيام يجلس في غرفته يستمع لاحدى الأغاني التي تذكره بها بالتأكيد هي معه دائما و يعلم عنها كل شئ و لكن اين هي الان و قد اختفت عنه تماما و لم يعد بامكانه ان يجدها فلقد ابعدت نفسها عنه حتى تتيح له الفرصه ان يبدا حياته و يتركها و شأنها

بعد ما ارتاحت روحي ليك و عرفت طعم الدنيا بيك

مشيت خلاص و ما ألتليش أنا أعمل إيه

تنساني ليه بالله عليك و أنا قلبي حياتو و روحو فيك

و ازاي حيجيلو حبيبي نوم لو مش لقيك

بعد ما ارتاحت روحي ليك وعرفت طعم الدنيا بيك

مشيت خلاص و ما أقوتليش أنا أعمل إيه

تنساني ليه بالله عليك و أنا قلبي حياتو و روحو فيك

و ازاي حيجيلو حبيبي نوم لو مش لإيك

أنا قلبي كنت بخاف عليه

شفتك ما اعرفش جرالي إيه

حبيت و خلاص محسبتهاش و لا ألت ليه

كان حلم دا و لا كان خيال لا ارتاحت و لا بيرتاحلي بال

ريحني و قولي إزاي البعد أقدر عليه

أجمل أيام فاتت أوام

و كإنو يادوب نظرة و سلام

و أنا لسا حبيبي بعيش خلاص و بقول يا ريت

على أد ما بتمناك في يوم

ارجعلي و اشوفك بس يوم

حاولت أنساك يوم بعد يوم و لا يوم نسيت

أجمل أيام فاتت أوام

و كإنو يادوب نظرة و سلام

و أنا لسا حبيبي بعيش خلاص و بقول ياريت

على أد ما بتمناك في يوم

ارجعلي و اشوفك بس يوم

حاولت أنساك يوم بعد يوم و لا يوم نسيت

أنا قلبي كنت بخاف عليه

شفتك ما اعرفش جرالي إيه

حبيت و خلاص محسبتهاش و لا ألت ليه

كان حلم دا و لا كان خيال لا ارتاحت و لا بيرتاحلي بال

ريحني و قولي إزاي البعد أقدر عليه

يتفاجئ بأمه بتفتح عليه الباب : انا اللي حريحك و اقولك تقدر على البعد ازاي يا حبيبي

عبد العزيز : مفيش حاجه ممكن تريحني يا ماما من اللي انا فيه

والدته : عبد العزيز ممكن تسمعني بقى

عبد العزيز : اتفضلي يا ماما اتكلمي انا سامعك

والدته : انا عارفه انك طول عمرك بتحب فريده و انا عمري ما اعترضت عليها برغم ظروفها الصعبه لكن ربنا يعلم انها بتصعب علية و كنت اتمنهالك و ربنا العالم

لكن اهي بقالها سنين مدوخاك و مش مرسياك على بر

و اخرة المتمه قالتلك روح شوف حالك و متعطلش نفسك

و احنا عاوزين نفرح بيك يا حبيبي احنا معندناش غيرك يا بني محيلتناش غيرك نفسي اشوفك و انت عريس نفسي اشوف ولادك حرام عليك تقطعنا كده من الدنيا انت كده بتظلم نفسك و بتظلمنا معاك

عبد العزيز : طب اعمل ايه بس يا ماما انا بحبها و مش متخيل اني ارتبط بواحده غيرها

والدته : طب حتعملها ايه حتتجوزها غصب عنها يعني ما هي مش راضيه و انت حتفضل قاعد مرهون جمبها كده لحد امتى العمر بيجري و انا وابوك بنكبر و نفسنا نفرح بيك بقى قبل ما نقابل وجه كريم

عبد العزيز : ألف بعد الشر عنك يا ست الحبايب

والدته : عشان خاطرنا يا عبد العزيز عشان خاطرنا يا حبيبي فرحنا هو احنا ملناش خاطر عندك

عبد العزيز : خاطركم فوق راسي يا ماما

والدته : يبقى تريحني و تيجي تشوف بنت اخت ام زياد جارتنا

انا شفتها عندها و ربنا البنت زي فلقة القمر و لسه متخرجه من الكليه

عبد العزيز : حرام اظلمها معايا يا ماما

والدته : ان شاء الله مش حيكون في ظلم لحد اسمع من امك يا حبيبي مفيش حاجه تنسي الست غير الست اللي زيها مش بيقولك لا يفل الحديد الا الحديد

ادي لنفسك فرصه تشوف و تعرف غيرها يا بني و لو ما رتحتش خلاص

عبد العزيز : خلاص يعني بعد ما اخطب و اعشم واحده اقولها معلش اسف مش حقدر أكمل معاكي ترضيها على بنات الناس يا ماما

والدته: لا طبعا مرضهاش يا عبد العزيز بس حنعمل ايه قللي ما نا كمان ام يا ناس ام و نفسها تفرح بابنها الوحيد حرام عليك يا بني نفسي افرح بيك بقى هو كتير علية يا ناس افرح بابني

منك لله يا فريده روحي منك لله يا فريده  يا بت فايزة انتي كمان وقفتي حالك و موقفالي حال الواد اللي حيلتي هو كمان جمبك 

عبد العزيز : خلاص خلاص يا ماما خلاص حاضر حعملك اللي انتي عاوزاه بس متدعيش عليها الله يخليكي لو بتحبيني متدعيش عليها حرام عليكي هي مش ناقصه كفايه اللي هيا فيه حتدعي عليها كمان

والدته : خلاص يا حبيبي انت حتعيط يا بني و الله انت صعبان عليه قطيعه تقطع الحب و سنينه

عبد العزيز : ماما ممكن بس اطلب منك طلب

والدته : اطلب يا نن عين امك

عبد العزيز : اديني فرصه يومين بس و انا حرد عليكي

والدته : عاوز تكلمها تاني مش، كده مش هاينه عليك مع انك هنت عليها

و قالتلك بدل المرة عشرة روح شوف حالك على العموم ماشي براحتك يا عبد العزيز

عبد العزيز : غصب عنها يا ماما مش بايدها المشاكل محاوطاها من كل ناحيه

والدته : نفسي افهم مشاكل إيه دي اللي عامله فيها كده هي مش جوزت فريال من زمن و خلفت

اه يعني يمكن عشان كل شويه جوزها يضربها و يطفشها ما عادي بتحصل في كل البيوت ما نت ابوك نفسه يا ما كان بيضربني و كنت بروح اقعد عند جدك يومين تلاته و بعد كده ارجع و الدنيا تمشي عادي و محدش وقف حياته عشان ابوك بيضربني

و التانيه دخلت الكليه و الواد اخوهم مش، دخل المدرسه خلاص في ايه تاني و اللا يمكن  ناويه تجوزه بالمرة هو  كمان و اللا ايه 

صدقني يا بني اسمع من امك دي بت فقريه و عدوة السعاده و مش وش فرح و حتفضل منكده على نفسها و عايشه في الهم و النكد ده طول عمرها دي زي ما تكون بقت بتحب الهم و الحزن و بقوا صحا بها و سايبه نفسها للنكد و مستسلمه له زي ما يكون بقى هو ده حياتها 

انت عارف يا عبد العزيز دي لو لقت الدنيا كلها ماشيه تمام حتقول لا و ربنا ما حيحصل حتخترع أي مشكله عشان تقعد تحل فيها بقية الفاضل من عمرها

أيوة ما هي فرحانه و هي قايمه بدور سفيرة النوايا الحسنه  و فاكرة بقى ان الدوله حتقدملها شهادة تقدير بلا وكسه عليها و على عيشتهاالسوده

فكك منها و افلت بجلدك شوفلك واحده كده تفرفشك و تبسطك و ترجعلك ضحكتك

????ههههههههه ههههههههه حرام عليكي يا ام عبد العزيز ضحكتيني و انا مكنش لية نفس اضحك

ده اعلان غساله ده و اللا ايه

ام عبد العزيز : أهلا بعبير اخيرا  ظهرتي ايه هي حكايتنا مش عاجباكي و اللا ايه مش شايفينك ظاهرة معانا يعني زي الروايات التانيه و اللا احنا منشبهش

????هههههه لا طبعا يا قمر انتي كلهم زي بعض و غلاوتهم عندي واحده و حياتك بس انا قلت يعني مش كل روايه انط للأبطال اخف شويه عشان فانزي ميضايقوش بس الصراحه مقدرتش و كلامك عن فريده موتني من الضحك

لقيت نفسي جيتلكم من غير ما احس

والدته : القاهرة نورت يا بيرو معلش اخدتني الجلاله شويه اصل الصراحه البت فريده زودتها اوي و اديكي عارفه اني محيلتيش غيره اعمل ايه انا دلوقتى فيها الجذمه دي كمان

و النبي يا اختي اقعدي كده اتكلمي معاه شويه و وعيه و هو اكيد حيسمع كلامك

????بس كده حاضر من عيوني

والدته : تسلملي عيونك يا رب و انا بقى حروح اعملك حتة كوباية عصير انما ايه

????ماشي يا حبيبتي منحرمش منك يا ام عبد العزيز

ازيك يا عبد العزيز يعني شايفني واقفه بكلم مامتك و لا عبرتني

عبد العزيز : اعمل ايه بس ما هو من غلبي و انا شايف مستقبلي اللي رسمته بيضيع قدام عينيه و حلم السنين بيروح خلاص و مش عارف اعمل إيه و لا اتصرف ازاي

عبير انتي ليه بتعملي فينا كده انا و احمد مبهدلانا  كده ليه هو احنا عملنالك ايه عشان تعملي فينا كده

????يا ربي طب ليه تأنيب الضمير ده بس معلش حقكم علية انا عارفه اني جايه عليكم بس مش يمكن شايلالكم حاجه حلوة اصبروا و ان شاء الله حيحصل كل خير

عبد العزيز : طيب تقدري تقوليلي حعمل ايه دلوقتي و انتي شايفه ماما مصرة اني اخطب و اتجوز

انتي لازم تشوفيلي حل

????ما هي مامتك عندها حق الست عاوزة تفرح بيك طب ده محمد ابني اللي لسةعنده اتناشر سنه بفكر اخطبله المهم بص انت اعمل اللي عليك و كلمها تاني لما نشوف الفقريه دي حتعمل ايه

عبد العزيز : ما نتي اكيد عارفه حتقول ايه يا عبير

????و حياتك عندى علمي علمك انا مليش دعوة  انا بسيبكم كل واحد بقول اللي هو عاوزه

بقولك ايه يا للا بقى انا راجعه الجو هنا عندكم حر اوي دي اسكندريه ارحم و  انا اللي فاكرة عندنا حر يا لهوي ده انتوا عايشين في نار

ربنا يكفينا شر نار جهنم يا رب

روق يا زيزو بلا هم محدش واخد منها حاجه يا لا سلام

والدته تفتح الباب و تدخل اما انا عملتلك يا بيرو كوباية عصير 

عبد العزيز : مشيت يا ماما

والدته : يا خسارة هي لحقت تقعد طب ده انا جايبلها كيك بالشيكولاته و عصير مانجا

????معلش بقى بس اصلي رايحه بأدهم ابني للدكتور الولد بيتهته مش عارفه ايه حكايته هو كمان ادعيله يا حبيبتي

والدته : ألف سلامة عليه ربنا يشفيه لك يا رب

قللي يا حبيبي اتفقتوا على ايه

عبد العزيز : حروحلها حروحلها يا ماما و اوعدك اني لو ملقتش منها امل انا اللي حطلب منك تشوفيلي واحده اخطبها

والدته : ربنا يكتبلك الخير يا حبيبي يا رب و ربنا يهديكي يا فريده و يروق بالك يا رب

????و انا بالي حيروق ازاي و المشاكل مش عاوزة تسيبني و كأن اتكتب علية الهم طول عمري

هو خلاص الفرح اتكتب عليه ميدخلش بيتنا اللهم لا اعتراض استغفرالله العظيم واتوب اليه

فريال و هي بتعيط : طب انا أعمل إيه هو انا اللي بقوله اضربني ده مفيش حته في جسمي مفيهاش علامه انا عاوزة اطلق يا فريده ربنا يخليكي طلقيني منه

فايزة : تطلقك منه ازاي بس ما نتي عارفه جوزك عمره ما حيرضى يطلقك و هو قالك قبل كده لو عايزة تطلقي تتنازلي عن الولاد حتقدري تسيبي ولادك يا فريال

فريال : لاء مش حسيبله ولادي عاوزاني اسيبهومله عشان يبهدلهم و يضيع لهم مستقبلهم مش كفايه هو زي الزفت اسيبله ولادي كمان حيضيعهم

فريد : متزعليش يا فريال انا حروح اضربه و اقوله ميزعلكيش تاني و لما اكبر انا حضربه لما يضربك

فريال و هي بتحضنه: يا حبيبي يا فريد يا ريتك كنت كبير يا اخويا و اخدتلي حقي منه

انت عارف يا فريد الحسنه الوحيده اللي ابوك عملها فينا انه خلفك يا حبيبي ربنا يخليك لينا يا رب

فريده : أعمل إيه بس يا ربي هو انا حلاقيها  منين و اللا منين

فايزة : منك لله يا اشرف ربنا ينتقم منك هو بيعمل فيها كده عشان عارف ان مورهاش راجل حسبي الله ونعم الوكيل فيك يا بعيد

فريال : انا مليش دعوه انا عاوزة اطلق و الا وربنا يا حقتله يا اما حقتل نفسي و ابقوا ربوا العيال انتوا بقى ما دمتم مش عاوزني اطلق و مصممين اني أكمل معاه

فريده تتحرك ناحية باب الشقه

فايزة : رايحه فين يا فريده

فريده : رايحه اتصرف يا ماما رايحه اشوف حل للمشاكل اللي ما بتخلصش دي عشان انا تعبت و جبت اخري خلاص انتي خلفتيني ليه يا ريتك ما خلفتيني يا ماما جبتبني للهم و النكد اللي عمره ما ينتهي ابدا

تخرج من البيت و دموعها مغرقه وشها مش عارفه تروح فين و لا تروح لمين يقف جمبها و يساعدها و و قتها محدش جه في بالها غير عبد العزيز اللي خلاص حرام عليها تفضل سايباه مستيها كده و لقت نفسها و كأنها بتكلمه و بتقوله

إنساني

يا أحلى كلمة على لساني

إنساني

يا أنا يا عمري عشته بالهناء

إنساني

يا أحلى كلمة على لساني

إنساني

يا أنا يا عمري عشته بالهناء

يا أنا، يا عمري رايح مش حيرجع ثاني

إنـساني

ما بقاش بإيدي الإختيار

يا شهد ذايب في المرار

ما بقاش بإيدي الإختيار

يا شهد ذايب في المرار

يا نور و نار يا أحلى نار

عارفة إن بعدك عني معناه إنتحار

كل الحكايات، كل الحكايات

انتهت من قبل حتى ما تبتدي

يا غنوة ضاع، يا غنوة ضاع

صوتك هدر من قبل ما تترددي

كل الحكايات، كل الحكايات

انتهت من قبل حتى ما تبتدي

يا غنوة ضاع، يا غنوة ضاع

صوتك هدر من قبل ما تترددي

إنساني

يا أحلى كلمة على لساني

إنساني

يا أنا يا عمري عشته بالهناء

إنساني

يا أحلى كلمة على لساني

إنساني

يا أنا يا عمري عشته بالهناء

يا أنا، يا عمري رايح مش حيرجع ثاني

إنـساني 

????????????????????????????????????

كل دي حاجات جايبها معاك و أنت جاي انت طالع رحله و اللا ايه

امال يعني لما كنت لابد عندنا ليل نهار و اكل شارب نايم مكناش بنشوف منك حاجه دلوقتى الحاجات الحلوه طلعت اهيه و بانت 

ايمن : طب ايدك بس معلش، عشان دي حاجة ناس مش مال سايب هو

مصطفى : لا معلش يا ابو نسب انا لازم اشوف حاجه حاجه اه افرض جايب ممنوعات معاك

ايمن : ممنوعات ازاي يعني

مصطفى : اه يا صاحبي تكون عاوز تبلف عقل البنت بحاجه كده و اللا كده و انا اختي  هبله و ينضحك عليها

أيمن : مصطفى خد العليه كلها و امشي بس سببني اقعد معاها شويه على راحتنا ابوس ايدك

مصطفى : يا سلام اللي يسمع كده يقول اني مغلس عليكم لا سمح الله طيب ما نا بسيبكم  تقعدوا شويه و اللا يمكن عاوز حضرتك نسيبللكم الشفه كلها عشان ترتاح سيادتك

أيمن : بقى بزمتك انت بتسيبنا ده انت عامل شبه عفريت العلبه و كل ما اتكلم كلمه الاقيك فوق دماغي

 ماشي يا جذمه مردودالك ان شاء الله 

يعني مش كفايه حاكمين علية مفيش خروج كمان معرفش اخد راحتي معاها في القعده السوده دي شويه

مصطفى : و انت عاوز تاخد راحتك ازاي يعني مش فاهم تحب افرشلك و تنام و اللا ايه بالظبط

بص انا حعمل باصلي و  حسيبكم اهوه تقعدوا مع بعض شويه لحد ما اشوف اخرتها معاكم ايه

اهيه الهانم شرفت : ايه ده عملاله بسبوسه و كمان بالمكسرات امال احنا ما بنشوفش الحاجات الحلوه دي ليه

تقى : بص بقية الصينيه كلها عندك الحق روح كلها قبل ما مها تخلص عليها

مصطفى : ماشي بس قبل ما اخرج تعالي اقعدي هنا و انت يا بني ادم انت روح الزق في الكرسي اللي جمب الحيطه ده

أيمن : طب يا ريت لو تفضلت تشوفلنا ميكريفون نتكلم فيه عشان نسمع بعض حرام عليك يا أخي انت بتعمل فينا كده ليه

و انا اللي كنت بقول ان مصطفى حبيبى هو اللي حيظبطلي الدنيا

مصطفى : اظبطلك الدنيا على أساس اني اريال يعني و اللا ايه

بس تصدق صعبت علية خلاص يا ايمن تعالى اقعد هنا بس لو اتحركت خطوة واحده كمان حتلاقيني قاعد في النص

أيمن : طب يا للا امشي و ورينا عرض قفاك

يخرج مصطفى و أيمن يكلم تقى

عاجبك اللي بيعمله فينا اخوكي ده

تقى : هههههه طب انا حعمل ايه بس ما نت عارف بقى العرق الصعيدي بيناح عليه

أيمن : ماشي يا مصطفى بقيالك

بقولك ايه انتي وحشتيني اوي

تقى : و انت كمان وحشتني

بس ايه الحاجات دي كلها ده كتير اوي يا أيمن

ايمن : مفيش حاجه تكتر على حبيبة قلبي

ده انا لو اطول حجيبلك نجمه من السما

تقى : انت نجومي كلها يا أيمن

أيمن : قلبي يا ناس

????????????????????????????????????????

قاعد بياكل مع مامته و اخته

كوثر : كل دي كمان يا احمد

أحمد : اكلت و الله يا ماما

كوثر : انت تعبان و شقيان يا حبيبي و لازم تتغذى كويس

أحمد : تسلميلي يا ست الكل ربنا يخليكي ليا و منحرمش منك يا ست الكل

أمنيه : فينك يا أيمن تعالى شوف الحبيبة و هما دايبين في بعض 

كوثر : اخرسي يا زفته انتي كمان انا و احمد ما حدش يتدخل بيننا

امنيه : عارفه يا مامتي من غير ما تقولي يا ماما

أحمد : نتيجة التنسيق امتى يا مونه

امنيه : الأسبوع الجاي أن شاءالله يا أبيه

بس اطمن طب أن شاء الله وحبقى الدكتورة أمنية عبد الله

أحمد : أجمل دكتوة في الدنيا كلها ان شاء الله

يسمعون جرس الباب

أحمد: اقعدي يا موني انا اللي حفتح الباب

مساء الخير يا احمد

أحمد : مساء النور يا فريده تعالي ادخلي

كوثر : تعالي يا فريده ادخلي يا حبيبتي

فريده : ازي حضرتك يا طنط

كوثر : بخير يا بنتي الحمد لله انتي اللي عامله ايه و ازي ماما و أخواتك

فريده : الحمدلله يا طنط انا اسفه و الله انى جابه من غير معاد بس انا مخنوقه اوي و لقيت نفسي مش عارفه اروح فين  فكرت اجيلكم

كوثر : يا حبيبتي يا فريده ده انتي تنورينا و لو الأرض ما شالتكيش نشيلك فوق راسنا يا حبيبتي

فريده : عارفه و الله يا طنط عشان كده انتم اللي جيتوا في بالي و انا اصلا يستريح في الكلام معاكي اوي

كوثر : اتكلمي يا حبيبتي احكي و فضفضي و طلعي اللى جواكي و أن شاء الله تتحل من عند ربنا

احمد : طب انا حسيبكم براحتكم

فريده : لا يا احمد خليك انا عاوزه اتكلم قدامك انت عارف يوم ما ربنا رزقنا بأخ لسه صغير و انا ربنا العالم بعتبرك في مقام أخويا

و كمان انا عاوزة اللي حقوله تقوله لعبد العزيز عشان عاوزاه يشوف حاله و مصلحته و ميعطلش نفسه معايا اكتر من كده

كوثر : مالك يا فريده ايه اللي تاعبك يا حبيبتي

فريده : مخنوقه اوي يا طنط شايفه ان الدنيا في عينى بقت اضيق من خرم الابرة

كوثر : لا حول و لا قوة الا بالله طب استغفري ربنا يا حبيبتي و اهدي كده و متعيطيش عشان خاطري و كل مشكله و ليها حل ان شاء الله

امنيه : انا عملتلك عصير ليمون يا فيري 

فريده : شكرا يا أمنيه يا حبيبتي و الف مبروك على النجاح معلش حبيبتي ما فضتش و الله اجي حقك علية

كوثر : لا يا حبيبتي و لا يهمك فايزة جت و عملت الواجب 

خالينا فيكي انتي دلوقتي و احكي و فضفضي يا حبيبتي مالك ايه اللي حصل و ايه اللي مخليكي في الحاله دي

فريده : اللي حصل اني تعبت و شكلها ملهاش آخر

كوثر : لا حول و لا قوة إلا بالله العلي العظيم استغفري ربنا يا فريده و تاكدي ان ربنا لازم ينصر المظلوم و مهما طالت العتمه لازم ييجي يوم و يظهر فيه النور دي ما ضاقت الا اما فرجت يا فريده و انتي طول عمرك مؤمنه بالله و راضيه

فريده : راضيه و الله يا طنط بس انا من يوم ما وعيت على الدنيا و انا مفرحتش  و لا عمري اتمنيت حاجه و حققتها دخلت كليه مش عاوزاها واشتغلت شغلانه مش حباها و حتى الانسان الوحيد اللي حبيته مش حينفع اتجوزه

كوثر : بس عبد العزيز بيحبك يا فريده و شاريكي و بقاله سنين قاعد مستنيكي يا حبيبتي

فريده : مش حينفع يا طنط و الله ما حينفع انا عندي مشاكل الدنيا مينفعش ارمي كل ده ورا ضهري و اروح اشوف حياتي

أحمد الله يخليك انا محتاجاك معايا و محتاجه عمي حمدي عشان الزفت اللي اسمه اشرف ده بيعملكم حساب

حقكم علية و الله انا ما كنت عاوزة ادخلكم في مشاكلنا بس حعمل ايه انا محتاجه حد يقف معايا

أحمد : متقوليش كده يا فريده انتي اختي و حقك علية لازم اكون جمبك قومي تعالي معايا نروح لعمي حمدي و لازم الكلب ده يعرف انكم مش لوحديكم و وراكم رجاله تجيب حقكم منه

و ان لزم الأمر يتضرب و لو ملقيناش فيه فايده تطلق يا فريده

فريده : تطلق يا لهوي