رواية حبيبتي العنيدة الفصل الاول 1 بقلم فاطمة أحمد

اسيا بنت جميله جدا بشرتها بيضه عيونها عسلي و شعرها طويل و اسود وعنده اتنين وعشرين سنه وبتدرس في اخر سنه في كلية حقوق

عماد: ابن عمها و هو شاب جميل بشرتها بيضه و عيونه سوده و شعره اسود وطويل و شخص رياضي و متخرج من كلية هندسه وعنده سبعه وعشرين سنه 

أمل: اخت اسيا و هي شبه اسيا با الظبط بس عندها سبعتشار سنه و في تانيه ثانوي

وائل: اخو اسيا و أمل الكبير و هو مش شبه اخواتي خالص هو طلع شبه والده لون بشرته قمحاوي و عيونه بني و شعره بني وطويل في القامه وعنده سبعه وعشرين سنه ومتخرج من كلية طب صيدله… 

ــــــــــــــــــــــــــــــــــــــــــــــ

عماد:انتي بتقولي ايه يا أسيا يعني ايه مش عيزاني

أسيا:يعني زي ما سمعت يا عماد انا مش عايزه اتجوزك

والدة اسيا:انت اتجننتي يا اسيا وشكلك عايزاني افوقك و بعدين هو من امته البنات عندي بتتصرف من دماغها و بتتكلمي في حضوري وحضور اخوكي الكبير طب اقسم بالله لاخليكي تندمي علي اللي انتي بتعمليه..

وائل:اهدي يا أمي وخلينا نفهم ايه اللي حصل 

عماد:انا من ناحيتي مفيش حاجه حصلت 

والدة أسيا:هو انتم لسه هتشوفه ايه اللي حصل و محدش هيضربه قلمين عشان تعقل و تفهم هي بتعمل ايه

أسيا:حرام عليكم بقي كفايه تحكم فيا انا قولت قراري ومش هغيره

عماد:وانا اسف ومحترم قرارك بعد اذنكم

وائل:استنه يا عماد خد أسيا وتعاله نطلع شقتي و نتكلم 

والدة أسيا:هو انتم لسه هتتكلمه و هتخله البت تفرض كلامه علي الرجاله

وائل:لا يا امي طبعاً مش كده بس ده حياتها وهي من حقها تختارها زي ما هي عايزه

و يلا يا امل هاتي مايه لماما و هديها شويه

وانا هاخد أسيا و عماد و نطلع فوق

ـــــــــــــــــــــــــــــــــــــــــــــــــــ

وبعد ما طلعوه شقه وائل أسيا قالت:ادينا طلعنا يا وائل ممكن اعرف هنتكلم في ايه انا معنديش كلام تاني اقوله

وائل:طيب اهدي يا اسيا انا هنزل اطمن علي ماما واخلي امل تعملنا شاي..

وبعد ما نزل وائل….

عماد:انا مش قادر افهم حاجه هو  انتي مبقتيش تحبيني يا اسيا 

أسيا:هو ده تفسيرك الوحيد لكلامي يا عماد

عماد:اصل انا مش فاهم حب حياتي بترفضني ليه

أسيا:حب حياتك؟ ياااه بقالي كتير مسمعتش الكلمه ده منك

بس عارف يا عماد انا متاكده انك محبتنيش قد ما انا حبيتك

عارف ليه عشان زمان مقدرتش تتمسك بيا و جيت هنا 

و قولتني انا اسف يا اسيا انا والدتي خيرتني بينك و بين مستقبلي و بين ساره بنت اختها

يعني لو اتجوزتك مش هقدر احقق حلمي و اخد شهادة الهندسه و مش هعرف اروح اشتغل في اكبر شركه للهندسه  بره مصر ومش عارف اعمل ايه اتجوز ساره وانقذ مستقبلي

ولا اتجوز حب حياتي و اخسر كل حاجه في حياتي،،

وانا وقتها قولتلك امشي يا عماد و خليك ورا مستقبلك 

فاكر يا عماد ولا نسيت كلامك

عماد:ياااه انتي قلبك اسود اووي و لسه فاكره اللي حصل من اربع سنين

أسيا:انا ما نسيتش عشان افتكر انا عشت اربع سنين ندمانه علي اخلاصي ليك عشت اربع سنين بموت من اللي انت عملته فيا اربع سنين بفتكر خيانتك ليا وانا موجوعه و بموت من الحزن اربع سنين عشت فيهم جوه كل ذكرياتنا و انا عماله اسال نفسي هو انا ازاي هونت عليه و ازاي طلع بيحب نفسه اكتر مني رغم ان هو عندي اغلي من روحي وقلبي…

عماد:ومين قالك يا اسيا اني كنت مرتاح لما اتجوزت ساره انا كنت في عذاب انا عشت معاها ست شهور وبعد كده اطلقنا عشان مقدرناش نكمل و صدقيني انا ندمان ندم عمري اني دمرت حياتك و سمعت كلام والدتي ورغم اني بعدت واخترت مستقبلي اللي وانا اكتشفت اني فاشل عشان مستقبل الراجل الحقيقه هو مع زوجته و اولاده مش شغله و اوهامه 

أسيا:و بعد كل ده افتكرت ان في واحده عبيطه قاعده مستنيه تنزل من بره عشان تتجوزها صح يا عماد

عماد:لا مش كده بس واضح انك مش عايزه تصدقيني ولا تسمعيني بس لو فيه حد في حياتك يا اسيا قوليني وانا همشي و مش هتشوفيني تاني..

وقتها مقدرتش اصدق اللي سمعتها و قربت من عماد و خبطه جامد و صرخت فيه وقلت….

هو انت ايه بتقول حب حياتك وانت لحد الوقتي لسه معرفتنيش،وبعدين حد مين انت الوحيد اللي دخل قلبي و من بعده مقدرتش اكمل ولا قدرة ادخل حد تاني مكانك…

عماد وقتها قرب مني ومسك ايدي وقال…

طيب ليه دلوقتي رافضه وجودي يا اسيا؟

لي لحظه نسيت كل اللي عماد عمله فيا و نسيت خيانته وحب نفسه و عذابه اللي عشت فيه

بس فوقت بسرعه لنفسي وبعدت نفسي عنه و قولت…

وانت ليه رافضتتي زمان و هونت عليك تعيشني سنين في الم وجروح وعذاب ليه يا ابن عمي عملت فيا كده

عماد:عشان كنت جبان وضعيف ومكنتش قادر اقف قدام امي واعارض كلامها لاني كنت في موقف ضعف بعد فراق ابويه اللي كان لسه متوفي وانتي اكتر حد 

عارف فراقه عمل فيا ايه وقد ايه كنت متعلق بيه 

أسيا:واحنا كلنا كنا معاك و كنا في ضهرك وكنا مستعدين نقف معاك في اي حاجه بس انت اخترت تبعيني وتشتري السهل

عشان انت محبتنيش بجد يا عماد

عماد:اقسم بربنا بحبك ومحبتش حد غيرك ومش عارف احب حد تاني وحياتي من غير وجودك ليل ملوش نهار..

وفي اللحظه ده دخل وائل وهو بيقول…

اتمنه مكنش قاطعتكم

عماد:لا يا وائل مقاطعتناش 

وائل:ماشي يا ابن عمي طيب ايه هنقول مبروك يا أسيا

أسيا:لأ هنقول خليني اصحاب و اخوات و ولاد عم وبس

وائل: هو ايه اللي حصل هو انتم مش اتكلمتم مع بعض ولا ايه الموضع يا عماد بعدين يا اسيا انتي عماله ترفضي عرسان من سنين وكلنا عارفين انك بتعملي كده عشان عماد حبك الاول ايه بقي اللي جراليك 

عماد: اللي جرالها انها بتنتقم مني وبتردلي انانيتي وحبي لنفسي النهارده و بتقولي ان انا خسرت كل حاجه في حياته

بس انا عايز اقولك اخر حاجه يا أسيا انا بحبك و عمري ما حبيت حد غيرك وربنا واحده يعلم انا ندمت قد ايه طول السنين اللي فاتت…..