رواية تزوجت عاشقة فجعلتني أعشقها الفصل التاسع 9 بقلم عائشة البشير

“” ويأتيك من الله لطفا ينسيك.. ماعانيت في أمسك.. وماكأيدت في يومك.. وماتخشاه في غدك “”

خالد نستني في فرح تجهز روحها على خاطر بنمشو لحوش أهلي اليوم جايين ناس بيخطبو على حسب كلام بوي، 

خالد تنهدت بملل: عطلت ليها قريب ساعه شني إدير هذي، خلي إنوض إنشوفها كان نخليها على راحتها تبي لبعد صلاة العشي باش تطلع????

خالد فتحت الباب وتنحت???? على منظرها تسهف الزفت????، لكن هيييي✋ خالد فيق على روحك ياسر اللي صار من قبل، حاولت نسيطر على روحي قد مانقدر، وخليت روحي عادي بس فشلت للأسف????‍♂️????

فرح إنتبهت لخالد واقف في الباب، قدمت ووقفت قدامه، بإبتسامه: شن رأيك????

خالد قدمت بسرعه وشديتها من خصرها????: أنتي اللي تناشبي راهو ماتحطيش اللوم عليا بعدين، أني ضعيف قدامك مانقدرش إنقاوم رغبتي في إمتلاكك، وبستها على خدها???? لما حسيت برجفتها تنهدت بحزن وبعدت عليها????

خالد قعدت مركز على فرح اللي كانت لابسه فستان  وردي ربع كم ولتحت الركبه بشويه، إبتسمت: على فكره جايين يخطبو في واحده من خواتي مش أنتي العروس راهو???? غيري حوايجك بسرعه

فرح تنهدت بملل: وعادي يعني شني فيها، تبيني نمشي مبهدله قدام ناس برانيه عيب، ورجعت تنهدت بحزن????: وبعدين لبسي كله قاعد معلق ومالبست منه شي، حتي عزايم ماخليتنا نمشو زي الناس(( طبعا في بداية ماتزوجنا هلبا ناس عزمتنا بس خالد كان يرفض مايبينيش نختلط هلبا بعيلته))

خالد: وليش ماتلبسيشي مني شادك، ضروري تلبسيه في العزايم يعني، ألبسيلي أني أولا????

فرح : بطل براده ياخالد خليني نمشي فيه باللهي، وبعدين معاش وقت نبدل من جديد

خالد: أفهمي يافرح غلط تلبسي هكي في حوش أهلي تخيلي واحد من خوتي خش وشافك، شني يصير فيا أني بعدين،

فرح: أني بنقعمز بحدا النساوين مش في جنب خوتك، وبعد مايروحو الناس نبدل حوايجي 

خالد بإصرار: فرح أسمعي الكلام وبدلي حوايجك وألبسي حاجه مستوره أكثر من هكي، وجيت بنطلع  بس رجعت وأشرت على شعرها????: وهذا قيميه فوق باهي، طلعت نضحك على فرح اللي تنرفزت وأشبح شني تفتفت????

فرح لبست عبايتي وطلعت????: هيا أني واتيه

خالد: ترا أفتحي العبايه نشوف شني لابسه قبل

فرح: أستغفر الله ياربي، وفتحت العبايه

خالد قاعده مصره على الوردي ياعليك طفله????، كانت لابسه بلوزه نص كم ورديه وفيها ورد صغير وقونه كحله ثلاثة أرباع????: ماعندكش قونه أطول من هكي شويه

فرح بإنزعاج: واللهي تقولي غيري معاذ ماشيه باهي

خالد ركزت أكثر تي القونه مخصره وجسمها يلفت الإنتباه، الزفت كان خلت القفطان أحسن????: أستغفر الله العظيم، الصبر ياربي،???? هيا جيبي خمارك وأطلعي

فرح: ااااااف خمار شني؟؟ مش لازم عادي، وبعدين نسيته في حوشنا هذاكا اليوم????

خالد????: اللهم ماطولك ياروح، تبي تركبي معاي بوجهك هذا واللي فايت يكحل في أمك ديري أي شي على وجهك

فرح رعشت من عصبيته بخوف: شني بندير????

خالد الصبر ياربي: غطي أمه حتي بالوشاح وهيا????

فرح طلعنا وماوصلنا لين قريب روحتي طلعت???? غاملي وجهي بالوشاح، ورأسك لوطه، ماتشوفيش للروشن، ساوي الوشاح هكي، وطول الطريق وهو معصب ويسب ويلعن في كل واحد يطلع قدامه، مشكاك????

زاهيه: هيا يابنات الناس برا ويستنو فيكم

خلود: خلاص ياماما خلى تطلع خوله وخلاص هما يبو واحده

زاهيه: بلا تسهويك بوك قاللهم عندي زوز بنات وهما يبو يشوفوكم الإثنين هيا خفي روحك أنتي وياها

فرح قعدت مقعمزه مع النساوين لما ناضت عمتي ودرهولي كبدي بالأسئلة، يالطيف تقول جايه من كوكب ثاني????

(( ليش ديمه الناس نظرتهم مختلفه للبنات اللي من خارج منطقتهم، يعني تقول مش بنات بلاد واحده، ليش حركات الجهل والتخلف هذي قاعده موجوده في معظم المناطق،  بالرغم من أنه الوقت الحالي كثرو البنات اللي يتزوجو في مناطق بعيده، بس قاعده هالنظريه المتخلفه عند بعض الناس، شني السبب في رأيكم؟؟????))

طبعا كانو جايين أم العريس وأخته وعمته، بو الولد كان صاحب عمي وتاجر معاه في السوق

طلعو البنات وسلمو والواضح أنه أم العريس عجبتها خوله

هما صح تؤام بس في إختلاف بينهم، ومرض خلود الفتره اللي فاتت مأثر على شكلها، وخوله عاد خدتهم باللسان فالحه ياكبدي، بس لاحظت أنه عمة العريس مركزه على خلود أكثر شي

أم العريس: حتي ولدي يبي يدير مقابلة شرعيه ويبي يشوف البنيه بعد أذنكم يازاهيه طبعا

زاهيه: أكيد هذا حقه خلي إنشوف الحاج قبل، وناضت

عمة العريس تكلم في أمه: قتلك شن رأيك فيها هالبنيه لعماد

أم العريس: والله حتي هيا ماشاء الله عليها، بس زعما يوافقو على حالته

عمة العريس تنهدت بحزن: والله ماعارفه، واجعني وليدي اللي قعد من غير هالشباب اللي في عمره كلهم تزوجو وهو لا ياناري

أم العريس: توا نقول للهادي يعرض على بوها الموضوع ونشوفو إن شاءالله خير 

زاهيه بفرحه: باهي إن شاءالله ربي يتمم على خير

خيري: الحمدلله بنفتكو من هالعفريته إدبس فيها الراجل ياناري????

عمران: تحشم ياخيري، راك تعقل يافرخ اللي في عمرك بصغارهم وأنت قاعد تتسهوكلي زي العيل

خليل: ياعليك قصف ياحويج، قيم سنونك ياخيري راك تعفس عليهم تحتك إدقدقهم????

عمران????: ماأحرف منه هو إلا أنت، وشني قاعد تستني حتي أنت مامشيتش روحت بمرتك وولدك، أمتي بتعقلو مش عارف

خيري????: أيواه الدنيا مادوم لحد ياوخيي إنزل لم إنزل????

خالد إنتبهت لفرح جايبه سفرة الشاهي وإبتسمت لما شفتها لابسه فستان طويل ومستور وماسحه المكياج اللي كان على وجهها❤

زاهيه بإبتسامه: تعرف ياحاج قبل يحاسبو فرح هيا العروس، أم العريس قريب هبلت عليها، وعلى شعرها تسكت تسكت وتقلها بالك عندك خوات حلوات زيك هكي و…….

خالد تكلمت بسرعه وقطعت على أمي، بغضب????: خلاص ياأمي شني هالكلام مش وقته بكل،

فرح تحشمت قدام عمي والولاد حطيت السفره وخشيت للبنات في الدار

خالد نضت بعصبيه وقربت لأمي وتكلمت في وذنها????: غلط ياأمي تمدحي مرتي هكي قدام بوي وخوتي، أحترميني شويه حتي عيب ياأمي????

زاهيه: سامحني ياوليدي والله ماكان قصدي????

خالد: حصل خير، وقفت وقعدت إنادي على فرح

زاهيه????: خيركم أقعدو تعشو معانا

خالد: لا مره ثانيه ان شاءالله، هيا يافرح

زاهيه بإبتسامه????: صحيتي يابنيتي سامحينا على تعبك، ديما مشقيينك معانا

فرح: الله إيسلمك، بالعكس عادي ياعمتي ماعندي فاش تعبت، هيا تصبحو على خير

فاتو أيامات وردو بالموافقه وعلى أساس حددو قبل رمضان بيومين فضانية وبعد العيد العرس، اليوم نازلين لطرابلس على خاطر إمتحاناتي

خالد: بإذن الله بعد الإمتحانات ننقلك في المعهد اللي إهنايا، على الأقل تحضري المحاضرات وتفهميهم

فرح: إن شاءالله 

خالد من لما طلعنا ملاحظ أنه فرح مش على بعضها، بخوف: حبي فيك شي خيرك حاس أنك مضايقه ماتبيش أهلك ولا كيف

فرح: لا مش هكي، بس خايفه شوي ومتوتره بابا من يوم روحت معاك معاش كلمني أو حتي رد على إتصالاتي واضح زعلان مني????

خالد: ياعمري أنتي، هو بس تفاجئ من الموضوع عارف أنه مربيك كويس ومايطلعش منك هالشئ 

فرح بدموع: عارف بابا أول مره يزعل مني أو يصدق أني الغالطه، كان ديمه واثق فيا يكذب في الكل ويصدقني، مانسيتش نظرته ليا اللي معبيه خيبة مني، خيبت ظنه وهزيت ثقته فيا????

خالد ماقدرتش نشوف دموعها وخصوصا أني السبب في الموضوع، هيا كذبت باش تستر عليا، وقفت السياره على جنب وحضنتها: خلاص ياعمري، مادامه يحبك هكي مستحيل يزعل منك، وبعدين أنتي راضيه بكلمتين وتوا تشوفي لما يشوفك راح ينسي كل شيء ، وبعدين هيا عاد ماتنكديش على روحك وأنتي وراك إمتحانات، راهو ماعنديش مرأه تسقط ولا ترحل مادة أيواه باش يكون في علمك بس????

فرح إبتسمت على كلام خالد، وهزيت رأسي بالإيجاب، نزل خالد وخذي حاجات لأهلي(( خالد على قولت الكل برزاق ويحب يبندق???? بجد مافيش مره قصر معاي لما نمشو لأهلي مايخلي مايجيب من غير مانقوله وديمه يخليلي مصروف بالزايد وكريم مع الكل لين إمفسد????))

خالد وصلنا ونزلت شنطة فرح ورنينا الجرس، وفعلا شك فرح كان في محله، لما عمي فتح الباب وتجاهل لهفة فرح وخلى أيدها ممدوده وقدم وسلم عليا

علي بإبتسامه: أهلين ياخالد الحمدلله على السلامه تفضل ياولدي

فرح تلفتت لخالد بدموع وكأني إنقوله شوف مش قتلك???? وخشيت الداخل

خالد وجعني قلبي???? من دموعها، جي وقت رد الدين ياخالد: الله إيسلمك ياعمي كيف حالك وكيف حال العويله، واللهي أني مستعجل، بس نبي نحكي معاك في موضوع ضروري

علي بخوف: باهي تفضل نحكو الداخل ياوليدي، إن شاءالله غير مش هالبنت دارتلك حاجه ثانيه بس

خالد بإبتسامه: لا إطمن ياعمي بنتك والله مافي منها، لكن خلينا نحكو في السياره مانبيش حد يسمعنا مرات يخش واحد من الولاد 

خالد بخجل: وهذا اللي صار ياعمي، باللهي سامحني، والله انه بنتك بنت أصل وسترتني يوم جيتكم وحافظت على سمعة أهلي اللي زيها ترفع رأسك بيها مش تواطيه ياعمي

علي بصدمه????: معقوله وليش تكذب علينا????

خالد: واللهي ياعمي حتي أني بروحي قاعد ماعرفت السبب اللي خلاها تلفق هالقصة بس وقتها وفرت عليا إهانة وذل وأني كنت جاي وهموم الدنيا على كتافي????، ياريت تسامحني ياعمي أني بنتك مانبيش نخسرها لأي سبب وحتي لو غلطت أني نصلح غلطها ومستحيل نشكي منها لحد????

علي أبتسم: بارك الله فيك ياولدي والله ضني فيك طلع في محله

خالد: طلبي أنك تستر عليا وعلى الموضوع ياعمي، وياريت ماتلومش فرح على اللي صار

خالد إبتسمت لما شفت تليفوني يرن، بلهفه: أهلين ياعمري مصرع إستاحشتيني ههههه

فرح بفرحه☺: يابارد، بس قلت نطمن عليك وصلت ولا لا؟؟

خالد واضح الفرحه في صوتها: لا مازال، بس شني اللي مفرح فرحتي هكي؟؟

فرح بإبتسامه????: أنت قلت حاجه لبابا؟؟ خش من برا وكأنه مش نفسه اللي تجاهلني على الباب، حضني وقالي سامحيني☺

خالد بفرحه????: ياعمري أنتي، إن شاءالله على طول الضحكه ماتفارق وجهك الحلو،

فرح بإبتسامه????: باهي خلاص مانبيش نلهيك وأنت تسوق، توصل طمني

خالد: حاضر ياقلبي????

فرح اليوم أخر يوم في الإمتحانات، خالد كان معاي طول الوقت بمكالماته الدايمه ورسائله، كان على طول يشجع ويدعم فيا، إهتمامه بيا هالأيام اللي بعيده فيهم عليه زايد حبتين، فعلا الحب إهتمام❤

طلعت من قاعة الإمتحان وتنهدت براحه الحمدلله تمو الإمتحانات وجاوبت كويس، طلعت تليفوني على أساس بنكلم سالم، بس رن تليفوني قبل مانفتحه وكانت نعمه، قعمزت وقعدت نهدرز معاها، ماأنتبهتش إلا بظل شخص واقف قدامي وأول ماقمت عيوني شوية شفت باقة ورد وشكلاطه ممدوده في وجهي، وقفت وإبتسمت بفرحه: خالد أمتي جيت، مش على أساس مشغول اليوم وما…..

خالد إستاحشتها ومش قادر نصبر ونخليها لغذوه، شفتها مقعمزة قدام القاعه اللي قالولي الإمتحان فيها وإبتسمت لما ركزت على لبسها كانت لابسه عبايه وشاربه تعليماتي طبعا???? قربت وواضح أنها ماكنتش متوقعه تشوفني قدامها، ماهمنيش كل الطلبه اللي موجودين، ولا يشوفولي أو لا، قدمت حضنتها بسرعه????: إستاحشتك ياروحي ❤

“” أتدرك كم الوحشة التي يمر بها يومي إن لم تكن أنت أول من تراه عيني عند إستيقاظي !!

قد تظنه أمر هين وهو عندي….حياة ””

فرح إنصدمت من حركته، وتحشمت حسيت الكل قاعدين يشوفولي: خلاص ياخالد بعد الناس تتفرج مش في الحوش أحني راهو????

خالد بعدت شويه وبإبتسامة: كيف كان إمتحانك

فرح بفرحه: تمام جاوبت ميه ميه????

خالد قرصتها من خدها: عارفها حبيبتي شطوره????

فرح بإنزعاج: خالد خلاص بطل شوف كيف الكل يشوفولنا

خالد بإبتسامه: مادامك أنتي جنبي مايهمني حد، خديت مذاكرتها وشيتاتها وعطيتها باقة الشكلاطه، هيا ياروحي وين تبي تتغذي؟؟☺

فرح بإبتسامه????: لا هلبا هكي ورد وشكلاطه وغذي برا وين هالدلع هذا كله، نتعود بعدين راهو????

خالد: عمري كله فداء فرحة عيونك، إدلعي كيف ماتبي ياروحي????

فرح: خلاص ياسالم أصبر شويه قال بيفكر في الموضوع وإن شاءالله خير، قربت وحضنته: خلاص ليش مكبر الموضوع ومضايق روحك بإذن الله تكون من نصيبك????

سالم بإبتسامه: إن شاءالله يارب، راجلك شويه ثانيه، وبيأكلني بعيونه مش عاجبه

تلفتت لخالد اللي عيونه حمر وواضح معصب من حركتي، لولا بابا اللي واقف جنبه كان أبصر شني دار، بإبتسامه????: مادوراش ديمه هكي، خلاص إن شاءالله نبشرك بالموافقه عن قريب، هيا بالسلامة عطلتني ومعاش وقت????

سالم بإبتسامه: والله أنتي مافي منك، وبستها على رأسها????، هو والع والع خلى يتفجر????

خالد من لما طلعنا من حوش أهلها وأني إندور في سبلة باش إنلومها على اللي داراته قداش مره إمنبهه بس لازم تستفزني بحركاتها لولا عمي اللي كان واقف بس????

فرح كنت ملاحظه عصبية خالد وممكن أنه يتفجر في أي لحظه، فكرت نسبقه بخطوة نحاول نمتص غضبه، مسكت إيده، وبإبتسامة: خالد علاش ساكت، في شي مضايقك؟؟

خالد تخيلو ????حسيت بقشعريرة في جسمي كله من لمسة إيدها مش متعود منها على هالحركات، وكأنه جمره وطاحت في إميه????

اليوم فضانية خلود، خليل روح بمنال أمس بناء على طلب عمي وأنه عيب قدام الناس شني بيقولو لو ماحضرتش الفضانيه، كنا لاهيين وكل واحده شاده حاجه، مافيش داعي للتفاصيل وكثرة الحكي،

في الليل كنا مقعمزين والولاد يهدرزو على اللي صار اليوم، سكتنا كلنا وإنتبهنا لعمي لما تكلم

عمران: أسمعوني شويه نبي نأخذ رأيكم في موضوع 

خليل: إن شاءالله خير يابوي شني فيه؟؟

زاهيه بخوف: شني فيه ياحاج؟

عمران: واللهي اليوم ولد عمة أسامة طلب خلود مني، وأني بصراحه الولد نعرف بوه وعيلته وعاجبني أخلاق وتربية ماشاء الله عليه

زاهيه بإستغراب: وليش أمه ماجابتش سيرة لما جتنا

خالد: مني هو يابوي؟؟ جي اليوم؟؟ 

عمران: ولد أخت الهادي ال…… بوه بشير ال……

خالد بإستغراب: على حسب علمي بشير ماعنداش ولاد إلا عماد ولا لا

عمران: أي هو هذا عماد

خالد بصدمة????: كيف يابوي بس هذا معاق !!

زاهيه: كيف معاق ؟؟

عمران: وخيركم إنخلعتو وخيره وكان معاق مش خالقه ربي ولا كيف، وبعدين الشكل عمره مكان مقياس 

خيري: تي شني شكل ماشكل يابوي الراجل على الكرسي كيف بتعطيه بنتك

عمران: الولد ماشاء الله عليه بحوشه ويسوق في السياره عنده محل وفوق من هذا حالتهم كويسه ومش مستحقين

زاهيه: عنده ولا ماعنداش  بنتي مش ناقصها شي ولا زايده عليا باش إنلوحها هالتلويحه

خليل: خلود قاعده صغيره وتوا يجيها نصيبها

خوله: أي صح ليش تحذفو فيها هالحذفه أخرتها واحد معاق????

كل واحد قعد يجبد من جهة وكلهم مش عاجبهم الموضوع، إلا عمي الوحيد اللي شكله الموضوع خاش رأسه ويحاول يقنع العيله، كلمه من خلود نهت هالنقاش اللي بدي يحتد بينهم

خلود بخجل: أني يابابا موافقه مبدئيا بس نبي إنشوفه قبل، وعلى ماأعتقد هذي حياتي وأني اللي نقرر، ماحدش يدخل لو سمحتو، وخشت بسرعه للدار وخلت الكل مصدومين من ردة فعلها

خالد بإستغراب????: تعرفي لو أني مش واثق في خلود ونعرفها كويس كنت شكيت أنها تعرفه وإمدايره معاه علاقة، تي كيف ترضي بواحد مقعد

فرح: وخيره المقعد مش إنسان ياخالد، وبعدين هيا مش صغيره وتعرف اللي ينفعها، عطوها فرصه خلي تشوفه وتقرر بروحها

خالد: أني والله الولد ماعندي مانقول فيه الصراحه، بس مش عارفه حالته هذي صعبه يبي واحده تعرف تتعامل معاه كويس وعلى ماأعتقد خلود وجهها مش وجه تشحوير وتعب، قاعده صغيره الزفت، تي كيف بتتصرف معاه تي الموضوع مش خاشلي رأس

فرح نشوف في خالد كيف مضايق وخايف على خلود من قرارها، واضح مزعوج وجوه مش تمام، خشيت درت صحن فواكه وفشار وحطيت فيلم في التلفزيون متاع دار النوم وعطرت الدار وخففت الضي وولعت المكيف قلت نجرب مرات نقدر نغير لخالد جوه

فرح مديت إيدي لخالد، بإبتسامه: تعالي معاي شويه

خالد: وين رافعتيني  

فرح: ماتخافش مش راح نخطفك ????

خالد قعدت زي الأهبل نتبع فيها وهيا تجبد فيا، لين وصلنا لدار النوم، شن قصدها هذي????، فتحت عيوني بصدمه مني اللي قاعد إنشوف فيه????

فرح وقفت قدام خالد ومسكت إيديه الزوز، وبخجل: فيه فيلم حلو شن رأيك نحضروه مع بعض، وتطلع شويه من الجو اللي انت فيه ممكن، لما ماتكلمش فكرت أنه مش عاجبه وبحزن: باهي خلاص أسفه خليك زي ماأنت

خالد كنت مش مصدق عيوني هذي فرح ولا قاعد نتخيل ممكن غيروهالي في حوش أهلها???? كنت مركز على الجو اللي إمدايراته وماسمعتش حتي شني قالت، بس لاحظت أنها زعلت ورخت إيديا، قدمت بسرعه وسحبتها في حضني، بفرحه????: هذا كله ليا ياعمري بصراحه مش مصدق عيوني، بالك نحلم????

فرح ضحكت وقرصته من إيده????

خالد : أي خيرك معاي بدمها ياشريره

فرح????: باش تعرف أنك ماتحلمش هيا تعالي الفيلم راح نصه وأنت غارق في الحلم????

خالد أول مره فرح تقرب مني لهالدرجة وبإرادتها ووكلتني فواكه بإيديها كانت منسجمه مع الفيلم ومش مركزه على تصرفاتها، وأني كنت مستمتع على الأخر ماأنتبهتش للفيلم حتي دقيقه عيوني عليها هيا إنراقب في كل حركاتها وتصرفاتها????

رقدت في حضني برضها ومش بالغصب زي ماكنت إنديرلها كل مره، مش عارف بصراحه نفرح ولا نخاف من هالتطورات المفاجئة

خلود بتوتر: السلام عليكم 

عماد لما قالوله أنه البنت طالبه تشوفه توقع أنها كبيره أو شينه أو فيها عيب حتي هيا كيف ترضي بواحد مقعد زيه، بس إنصدم لما خشت خلود ونفت كل توقعاته، البنت حلوه وصغيره وماشاء الله عليها ياعماد زعما شني اللي خلاها توافق تشوفني، بطل حلم توا مجرد ماشافاتك راح ترفض أكيد، قعدت سارح في أفكاري ومارديتش حتي عليها

خلود قربت وحركت إيدها قدام عماد: أنت كويس تسمع فيا

عماد فقت من شرودي: هااا أي أي كويس، سامحيني سرحت شويه

خلود قعمزت، وبإبتسامة: لا عادي ولايهمك 

عماد بتوتر: أسمك خلود صح؟

خلود صح كنت خايفه ومتوتره بس مش عارفه أول ماشفته تبخر كل شي كنت حاسه بيه، وقعدت نتصرف طبيعيه وكأني نعرفه من زمان، بإبتسامه: أي خلود، علاش مش حلو؟؟

عماد: لا بالعكس حلو، عاشت الأسامي، وأني أسمي عماد

خلود: الله إيسلمك، أي عارفه ربي يحفظك إن شاءالله 

عماد وقف ماتحلمش هلبا اللي قاعد يصير مش طبيعي، خليني في الواقع: أسمعيني ياخلود خليني نعرفك على نفسي، عمري 32 سنة، متخرج من كلية الطب ومتخصص بيطره كنت نشتغل في صيدليه بيطريه، بس بعد الحادث اللي صارلي زي ماتشوفي قعدت مقعد وولت هالخدمه صعبه عليا، حاليا من العشيه للعشيه نمشي ونقعمز في محل بوي متاع العطريه

خلود بإبتسامه: باهي كويس، ربي يعاونك بصراحه ماتهمنيش هالأشياء، في نظري الشهادات والفلوس مش هيا اللي تقيم الراجل

عماد إنصدمت من كلامها، زعما نسألها ولا لا ، بتوتر: ليش طلبتي تشوفيني وأنتي عارفه أني مقعد؟

خلود بتوتر: بس أنت اللي قالولي أنك خطبتني تبيني نوافق من غير مانشوفك ولا كيف، نفهم من كلامك أنك أنت ماكنتش راح تطلب تشوفني يعني

عماد: لا مش هكي قصدي، بس كل البنات اللي تقدمت لخطبتهم أول مايعرفو أني مقعد مايرضوش يشوفوني، هذا باش إستغربت من طلبك بس

خلود: أها، باهي ماقتليش شني شروطك

عماد بصدمه: كيف !! يعني موافقه؟؟ أنتي تشبحي كويس شايفتيني، وقعدت نحرك في أيدي قدامها

خلود: هههههه شني قالولك عمياء، وبعدين أني قاعده ماوافقتش خليني نسمع شروطك قبل مرات ماتناسبنيش، بالنسبة لحالتك ماعنديش أي أشكالية هذي حاجة ربي وكل شي قضاء وقدر 

عماد بصراحه الصدمه سيطرت عليا ماتوقعتش ردها هكي ماكنتش مجهز أي كلام نقوله أو حتي شروط

 وافقت خلود على عماد وعلى قد ماحاولو معاها شي مابتش تتراجع على قرارها، لما عجزو يقنعوها خلوها على راحتها وخلاص وبالأخص أنه عمي كان راضي وموافق، وهيا مقتنعه إقتناع كامل، تفاهمو الرجالة، وتفاهمو أنه عرس خلود وعماد مع خوله وأسامة بعد العيد

خالد بدي شهر رمضان وفرح متغيره تغيير جدري معاي، هالموضوع مريحني نوعا ما وحاس أنه أكبر مشكلة واجهتني في حياتي قاعده تنحل بالشويه بالشويه وهيا علاقتي مع فرح بس كنت نبيها هيا اللي تبادر مانبيش يصير زي المره اللي فاتت وصبري كله يضيع على الفاضي ونقعد نبدأ من جديد???? 

هالفترة لاهيين في تجهيزات العرس ورمضان فات كله تعب في تعب، وفرح كانت لاهيه مع البنات وأمي ومش مقصره في شي، لدرجة هالأيام إستاحشتها❤ معاش نشوف فيها نحطها من الصبح لما نطلع للعمل ومانروحوش لقريب الفجر

فرح تم شهر رمضان واليوم العيد

خالد بإبتسامه: كل عام وأنتي معاي وجنبي ياروحي، ربي مايحرمني منك إن شاءالله ????❤

فرح بإبتسامه: وكل عام وأنت بخير يارب????

خالد: نمشو نعيدو على أهلي ونطلعو من غادي شن رأيك

فرح: لا خلينا نرجعو إهنايا قبل باش نأخد حوايجي

خالد: باهي حاضر على راحتك 

فرح: هو صاحبك مالقاش أمتي يجي إلا أول يوم العيد????

خالد: هو ماكانش راح يجي توا بس بوه محبوس وقدموله محاكمته وهو جاي باش يحضر الجلسة

فرح بصدمه: وليش محبوس بوه؟؟

خالد: قصة طويله ياروحي نحكيهالك يوم ثاني

فرح لبست عبايتي: جاي بروحه صاحبك؟؟

خالد كنت واقف على المرايه وإنبخ في الصنه: لا هو وأخته

فرح???? وبغضب: أها أخته، ليش أنت اللي بتستقبلهم ماعندهمش حد إهنايا ولاكيف

خالد: شني اللي صار توا بعد سمعتي بأخته معاه !! غيره ياروحي هذي ولا شني؟????

فرح: لا شني غيره !! بس إستغربت كيف يركب أخته مع صاح٠٠به

خالد????: عادي ياروحي ماتخافيش عيوني مايشوفوش غيرك

فرح أبتسمت وطلعنا لحوش عمي عيدنا ورجعنا للحوش خذيت حوايجي وبنمشي لأهلي حتي في رمضان مامشيتش، وخالد كان بيستقبل صاحبه وبيجيبه من المطار

فرح وصلنا قدام الحوش وقبل ماننزل طلعت ريحتي، وبخيت منها لخالد

خالد بإنزعاج: شني إديري ياعمري ليش تبخيلي من ريحتك

فرح: هذا دليل ملكية????

خالد: عيب ياروحي توا مش بنسلم على عمي والولاد كيف هكي يشمو ريحتك عليا

فرح بإبتسامه: عادي عيدت عليك علقت ريحتي فيك☺

خالد????: اللي يغلبك يجي يحاسبني أنزلي ياروحي أنزلي

خالد حضنت وليد: كل سنة وأنت بألف خير،  والله ليك وحشه يارفيقي

وليد قعدت نستنشق في الريحه، هالريحه نعرفها كويس عالقه في خشمي ومستحيل ننساها

“” أشعر بالوجع في قلبي.. وكأن يدا من الفولاذ تعتصره.. وضيق في النفس وكأن السماء هوت على صدري بثقلها.. مشوش الذهن والتفكير.. أنه الأشتياق لحبيب طال الفراق بيننا “”