رواية عاصفة القدر الفصل التاسع عشر 19 بقلم إيمان المهدي

وقفت نور تنظر إليه والدموع تنهمر من عينيها كانت ضعيفه مستسلمه تتمنى ان يعلم كذبتها لاتتحمل ان تكون ف عينيه كاذبه 

سارة. نور انت كويسه ياحبيبتى. 

نور. هزت رأسها بدموع وعينيها مثبته عليه 

سارة. نور انت مش قادرة تقفى تعالى معايا استندت نور عليها. كلما تخطو خطوة كانت تفقد توازنها وتلحق بها سارة قبل الوقوع. ليذهب إليها فهد. سارة سيبها أنا هوصلها لغرفتها روحى كملى الحفله. 

كان مراد عينه عليها وهى تتكأ بضعفها على سارة ثم فهد. كان يكذب عينيه. ويقول ف نفسه. معقول يكون دا كمان تمثيل

عليا أنا فرحانه اووووى يا مراد وتعلقت بذراعه

مراد. بصوت منخفض. اياكى تنسى انها لعبة لفترة 

عليا بغيظ أه تمام  ثم تذكرت يوم كانت على اليخت مع مراد 

مراد. عليا ممكن تساعدينى 

عليا بإبتسامه. أكيد يا مراد

مراد. ممكن تمثلى أنك خطيبتى 

عليا أمثل ازاي يعنى. واهلى اقولهم ايه معلش أنا هروح أمثل ان مخطوبه تفتكر هما هيقبلوا التصرف دا

مراد  أنا آسف مقصدش بس أنا بجد مش هقدر اروح اخطب واتجوز بجد أنا لسه…… وبتنهيده. لو حابه تساعدينى ممكن اروح اطلبك من اهلك ونتخطب قدام الكل بس بينا احنا الإتنين هيكون تمثيل 

عليا بتفكير. التمثيل بكرة يبقى جد ولازم اكسب مراد دلوقتى.

  عليا بتمثل الحيرة. حاضر يا مراد موافقه دا بس عشان عارفة أنك اتظلمت كتير بسبب نور 

مراد. شكرا يا عليا. 

عليا برجوع للواقع. ف نفسها ال فاكره تمثيل يا مراد هيبقى أكبر واقع ف حياتك بعد كدا بس أنت اصبر وشوف عليا تقدر تعمل ايه  

فهد دخل نور للقصر

  فهد. نور خليكى هنا هجبلك مايه من جوا أكيد الخدم كلهم برا ف الحفلة 

نور مسكت إيده وقعدت ف الأرض تبكى بقهر. ارجوك يافهد. أنا بحبه اوووى أنا هموت لو كان لغيرى ارجوك سيبهولى وحياة صداقتنا وحياة طفولتنا يافهد. سيبنى اروحله واقوله ان كنت بكذب عليه وان محبتش غيره ولا عايزة غيره. كانت تبكى بوجع وروحها مكسورة. سيبنى يافهد. أنا مش هقدر اقدملك أي حاجة 

فهد. نور. أنا بحبك. وعارف يعنى ايه حب ووجع وحرمانك من روحك 

نور.  بس  أنا هتجوزك غصب.  أنا مقدرش أشوف حبيب عمرى بيموت أنا مجبورة عليك. 

فهد نزل لمستواها.  واخدها ف حضنه.  مقدرش يا نور أنا آسف مش هقدر أسيبك ليه أنا كمان مش هقدر أعيش وانت مع غيرى. أنا ف حبك أنانى انت هتكونى ليا وبس انسى يانور. انسى احسن ليكى ولينا. وسابها وخرج 

نور بصريخ. بكرهك يافهد. بكرهك.  وكانت بتصرخ من جواها بقهر مرررااااد.  

دخلت سارة وجريت عليها. اخدتها ف حضنها. نور حبيبتى اهدى عشان خاطرى. اتصلت بفايد .. بابا ارجوك تعالا أنا جوا القصر  .. وبتص لنور. ال بتصرخ بهستيريا.  ارجوكى ياقلبى كفايه 

نور.  أنا قلبى واجعنى اوووى يا سارة. قوليله ان بكدب عليه. أنا خسرته للأبد 

دخل فايد بسرعة. وكان أحمد وسميرة. وراه  

فايد كان أكتر حد عالم بحال بنته والحيرة ال هي فيها. 

فايد أخدها ف حضنه وبحزن عليها انتى ال اختارتى يانور. اختارتى عذابك بإيدك 

نور. مقدرتش يابابا أشوفه يروح منى وانا واقفه هموت لو جراله حاجة 

فايد. وانتى دلوقتى عايشه يانور 

أحمد. أنا مش فاهم. لما انتى بتحبيه كدا قلتى ليه أنك عايزة فهد 

فايد. أسكت خالص يا أحمد انت مش فاهم حاجة 

سميرة. ازاى ف قلبك الحب دا كله وعايزة تسبيه. حرام عليكى وعليه ال بتعملوه ف نفسكم 

أحمد أنا هخرج واقله أنك بتكدبى عليه ويجى يشوف حالتك 

نور. قامت تجرى على احمد.  لأ عشان خاطرى بلاش وحياة ما أنا غاليه عندك بلاش تقوله. 

أحمد أنت عاجبك حالتك دى 

نور اى حاجة أنا فيها أهون من ال هيحصل بعد كدا ارجوك اوعدنى مش تقول حاجة 

أحمد. أنا مبقتش فاهم حاجة ولا عارف ليه العذاب دا مبيخلص 

نور فقدت توازنها ووقعت على الأرض فاقدة الوعى 

سارة. نووور. 

أحمد شال نور وطلع بيها قوضتها واتصل بالدكتور 

سميرة بنتى مالها يافايد ايه ال مخبيه عليا 

فايد سيبينى ف حالى. يا سميرة. أنا مخبتش حاجة 

سميرة بعصبيه. لأ مخبى. قولى نور وافقت ليه على فهد وكلنا عارفين انها مش بطيقه بسبب ال بيعمله وليه دلوقتى بالذات توافق عليه وتكدب على مراد 

فايد. مش وقته خالص الأسئله دى كفايه الضغط ال أنا فيه.

سميرة. ماشى يافايد بس يكون ف علمك  أنا مش هسيب بنتى ف العذاب دا كتير. 

دخل الدكتور كشف على نور. وخرج. أحمد. أختى مالها 

الدكتور. تقريبا هي انفعلت زيادة او فيه حاجة مضيقاها الضغط العصبى ال هي فيه مش صح بالأخص لإنها  ضعيفه وتقريبا مش بتاكل  هى هتاخد محاليل ومهدئات عشان تنام شويه بس ياريت تبعدوها عن أي انفعال واهتموا بأكلها

كان جو الحفله متوتر. جدا وبالأصعب على مراد ال فجأة أختفت نور والكل من قدامه 

اقترب من مروة  مراد مروة عايزك تعرفى ايه بيحصل جوا القصر ونور وفايد وأحمد كلهم اختفوا ليه

مروة. بس لو حد شافنى هقول ايه

مراد. اي حاجة قولى هتجيبى اى حاجة لمايا من غرفتها.  

مروة. ولما قلقان عليها هتتجوز غيرها ليه

مراد. مروة اعملى ال قولتلك عليه. من غير كلام كتير

دخلت مروة بهدوء للقصر. ال انبهرت بجماله لان أول مرة تدخله 

أحمد من وراها بتعملى ايه هنا داخلة تتسحبى ليه

مروة. بخضه. ااانا كنت .. أه جايه اخد حاجة من مايا ادهالها

أحمد. نعم. اهدى يامروة وجمعى …

مروة جايه اخد حاجة لمايا من قوضتها هي عايزاها

أحمد. يابنتى جمعى كويس  .. طيب اخدتى ال عايزاه 

مروة. أه  .. لأ. أصل 

أحمد. عايزة ايه يامروة قولى 

مروة بصراحة بقى انتوا اختفيتوا كلكم فجأة وقلقت على نور جيت اطمن عليها هى كويسه

أحمد. تفتكرى بعد ال حصل برة هتكون حالتها ازاى. أكيد مش كويسه  

مروة. والله ما بقيت فاهمة حاجة ف حكايه نور ومراد كل يوم بتتعقد اكتر. وكل يوم بيزيد وجعهم زيادة 

أحمد الا ما يكون فيه حل لنهايه العذاب دا

مروة. بعد إذنك ..

أحمد. مروة. واحنا ايه نهاية عذابنا 

مروة بصتله بحزن 

أحمد أنا مش هكون زي مراد ولا نور واتعذب سنين. واقول أصل مش هينفع. تتجوزينى يامروة 

مروة. تفتكر هينفع. انت عارف ان صعب 

أحمد. مفيش أصعب من ال بيحصلنا وان نعيش عذاب واحنا بإدينا نخلى كل دقيقه نعيشها سعادة 

مروة. ياريت يا أحمد 

 ف الحفلة

محمد عارف أن عذبتك كتير بإنتظارى بس كان غصب عنى 

مايا. مع ان كان صعب عليا سكوتك. بس لما عرفت السبب اتمسكت بيك أكتر. اصلا مينفعش اضيعك من إيدي. انت ملجأى. لولاك ولولا دعمك مش عارفة كان ايه هيبقى مصيرى

محمد. ربنا لإنه بيحبك وقفنى ف طريقك جعلنى سبب مش أكتر بس لازم تعرفى لإن معدنك أصيل رجعتى تانى الطريق الصح 

مايا. بحبك اوووى يا محمد

محمد. وانا بحبك ياقلب وروح محمد 

مراد كان بيسرع بخطواته تجاه مروة متجاهل عليا نهائى. كان القلق بينهش فيه.  ايه فيه ايه جوا هي كويسه

مروة. لأ 

مراد انت شوفتيها. 

مروة معرفتش هي ف اوضتها والكل معاها. بس قابلت أحمد وقالى انها تعبت شويه

مراد.  كان رايح جاي زي المجنون عايز الحفله تخلص عشان يقدر يطمن عليها 

بعد انتهاء الحفل  كان مراد بيلف ف غرفته زي المجنون

بيفكر ازاي يقدر يشوفها. بعد ما اطمن ان القصر. بقى هادى وكلهم تقريبا ف غرفهم. خرج يتسلل من قوضته ودخل قوضتها بهدوء. بس اتفاجى من المحاليل المتعلقه. وجهها الشاحب.   اقترب منها ببطى  ومسك ايديها. عملتى ليه كدا أنت فعلا كنت بتستغلينى عشان توصلى لفهد حقيقى ال عشته معاكى كان كذبه

معقول المشاعر ال حسيتها كانت وهم 

مراد قعد الليل كله جمبها وغفل آخر ساعتين  

ف الصباح كانت الشمس تملأ الغرفة  افاقت نور لتجده ينام على الكرسى بجوار سريرها. نظرت له للحظات 

كنت عارفة انك بتحبنى ولا يمكن تكون بتحب غيرى انت خطبت بس عشان تعاندى وتخلينى اصدق ان ولا فارقه معاك  مش شويه عناد ال يخلونى اصدق أنك مش بتحبنى سامحنى يامراد

فاق مراد وشاف نور وهي بتبصله 

أكيد مش بتمثلى صح يانور انت ازاي كدا. انت أكيد كدبتى عليا لما قولتى أنك عايزة فهد طيب ليه عايزانا نفترق حتى لو أبوكى دمرنى أنا كنت هرجعلك. بردوا أنا متأكد ان مكنتش هستحمل بعدك بس دلوقتى انت فضلتى تعيشى مع غيرى. طيب ازاي وانت كل ما فيكى عايزنى أنت ليه عملتى كدا. خلتينى اكون سبب ف عذابك متأكد أن ال أنت فيه بسبب أنك مستحملتيش حد جمبى. ارجوكى جاوبينى لآخر مرة قوليلى أنك عايزانى. أوعدك ان هنسى كل حاجة هنسى حتى انتقامى واكون ليكى بس قولى أن كل ال حصل وقربك من فهد كدبه وان كنت فعلا حبيبك مش لعبه  

نور ف نفسها. ياريت كان ينفع التمن غالى وانت حياتك عندى أغلى من أي شئ

نور. آسفه يا مراد مكنتش حابه أأذيك بالشكل دا بس كل ال قولته صح أنا فعلا قربت منك عشان فهد يغيير ويغير من نفسه مكنش قصدى اخليك تحبنى اووى كدا 

مراد. مكنش قصدك. .. انت عارفة انت بتقولى ايه يعنى أنا حبى ليكى وكل الذكريات والوعود ال بينا كان كذبة فعلا

 لعبه كنت بتلعبيها بتمثلى عليا. ومع دخول فايد 

مرادقام وقف يسقف بإيده ودموعه نازله. لا بجد برافوا عليكى. عرفتى تمثلى كويس جدا. ياشيخة دا أنا صدقتك بجد شابووو. برافوا يافايد بيه انت وبنتك عرفتوا تكسرونى. مع ان يا أخى مش عارف أنا أذيتكم ف إيه. 

 أحمد مراد. ارجوك اسمعنى أكيد ف حاجة غلط مستحيل بابا ونور يؤذوك بالشكل دا أكيد عندهم أسبابهم

مراد. أي أسباب ال تديهم الحق يستحلوا بيها ال عملوه فيا.

أحمد. أنا أنا بصراحة مش عارف بس …

قاطعة مراد. ملوش فايدة الكلام هما عملوه ال كانوا عايزينه وانا كمان ليا حق ان أعمل ال عايزه. 

وسابهم وخرج والنار شاعلة ف قلبه

مسك الفون.  الوو باسم. مصطفى كلمنى هو راقب يسرى لحظة بلحظة من وقت نزوله مطار لندن. واتأكد فعلا ان الإيد الأساسيه للمافيا داخل مصر. لازم يقع يا باسم بأى طريقة لازم ينكشف