Uncategorized

رواية حورية في حضن الجبل الفصل التاسع 9 بقلم صابرين علاء

 رواية حورية في حضن الجبل الفصل التاسع 9 بقلم صابرين علاء
رواية حورية في حضن الجبل الفصل التاسع 9 بقلم صابرين علاء

رواية حورية في حضن الجبل الفصل التاسع 9 بقلم صابرين علاء

عابد وندي كانو قاعدين ف العربيه 
ليالي قالت انتو مين وعايزين ايه؟؟!!! 
عابد قالها بإبتسامه عايزين نمول العربيه لو سمحتي التانك قرب يفضي 
ليالي قالت طب بتعرف تفول العربيه 
بتفهم ف الشغلانه دي بعني 
عابد قالها انا اصلا دارس ميكنايكا يعني العربيه والمتور لعبتي 
ليالي بصتله من فوق لتحت ولاقته مز وعجبها قالتله انت متجوز 
عابد قالها اعوذ بالله ياست الكل تفي من بؤقك انا راجل حر واحب افضل حر 
ليالي بصت علي ندي وقالت امال دي مين  
عابد بص علي ندي وقال لا دي،،،، دي 
دي اختي الصغيره 
ندي بصتله ورفعت حواجبها 
عابد قال ومتعشمين فيكي يا ست الكل 
هاشتغل عنك انا واختي وتيؤينا هنا كام يوم لحد ما اظبط اموري قولتي ايه 
ليالي قالت لا اله اله الا الله ولو انك شكلك لعبي ومش سهل بس قلبي الرهيف دا مش هاين عليه يسيبكم شكلكم غلابه ومتمرمطين،،،،،،
طب وانت وهاتقعد بلوقمتك طب والسنيوره اختك دي هاتقعد بإيه ولا هاتقعدو علي قفايه 
عابد قال مالكيش دعوه بيها انا هاشتغل والقمه هانقسمها  سوا ولو الموضوع هايكون تقيل عليكي انا مستعد افول العربيه وامشي عالطول 
ليالي قالت خلاص ياحنين في اوضه جوا وفيها سريرين خدوها ويالا وريني همتك 
وزي ما انت شايف البنزينه بتهش من قله العمال يلا روح البس لبس الشغل وابدأ 
ندي مكنتش مقتنعه باللي بيحصل قالت ل جوزها عابد تعال انا عايزاك شويه 
عابد مسك اديها وخدها شويه علي جنب وقالها ايه عايزه ايه 
ندي قالتله هو ايه اللي عايزه ايه هو انت عقلك دا راح فين انت ازاي تقول للست الغريبه دي اني اختك
عابد قالها اومال اقولها ايه انتي مش شايفه طردت الراجل ازاي لمجرد انه اتجوز 
الست دي شكلها بتحب السنجله ولو ماكنتش قولتلها كدا كانت هاتطردنا فورا 
ندي قالتله وانت ازاي توافق اصلا تشتفل عندها،،،،،
عابد قالها اممم عندك حل تاني بصي احنا قدامنا خيارين اما نرجع تاني من مكان ماجينا ويا اما طليقك يطاردنا او اخوكي المجنون يقتلنا 
ندي قالت بس اخرس عمي ف عينك اوعي تقول عن اخويا كدا
اومال ايه الخيار التاني 
عابد قالها نستني عند الست الغريبه دي شويه لما نشوف الدنيا هاتودينا علي فين
ندي قالتله   بقولك ايه الست دي انا مش مرتحالها خالص فول العربيه وخالينا نمشي من هنا احسن 
عابد قالها هانمشي نروح فين انا ما اعرفش حد تاني غير مصطفى والمكان اتهرش خلاص واخوكي بقا عارفه 
عابد قرب من ندي وقالها بصي ياحببتي 
انا عارف ومقدر اني بهدلتك معايا كتيير، 
ندي لو شايفه ان مستقبلك معايا دمار انا مستعد اني اط 
مكملش الكلمه وندي حطت اديها علي بؤه 
قالتله متكملش،،،،، انت ازاي عايز تقولها ،،،،، انت لسه عايز تسبني وتبعد عني تاني،،،،،، 
مكتفتش بكل اللي حصل 
عابد قالها ماهو علشان كدا ياندي انا مش عايز اخسرك وف نفس الوقت مش قادر اواجه جبل حاسس انها هاتكون النهايه بينا 
علشان كدا انا بس طالب منك شويه وقت 
شويه وقت مش اكتر علشان اقدر اواجهه 
واتمني ان الظروف تكون ف صالحي علشان انا بجد مش هاوز اخسرك انا ماصدقت انك رجعتيلي وعايز احافظ عليكي،،،،،، 
ندي قالتله وانا جمبك ياعابد لاخر العمر 
ولسه هايحضنو بعض ليالي جت 
وقالت ايه خير ياعشاق خلصتو  تحبو ف بعض ولا لسه،،،، يلا ياخويه وريني همتك 
وشغلك وانتي يا اختي خشي جوا اقعدي ف اي حته 
ندي بصتلها من فوق لتحت ومشت علي جوه وعابد بدأ يشتغل والامور بدأت تمشي بشكل هادي 
♕♕♕♕♕♕♕♕♕♕♕♕♕♕♕♕
اما في بيت مالك عزيز 
نسمه راحت لمالك وهي الدموع ف عنبها 
مالك قالها ايه ياحياتي مالك ،،،، انتي هاتعملي زي الامهات لما تودي العيل المدرسه اول يوم وترجع بالمنظر دا اومال لما تجوزيه هاتعملي ايه 
نسمه وهي مش قادره تقف علي رجليها 
قالتله مصطفى اتخطف مني يامالك 
قالتها ووقعت من طولها 
مالك وقف جمبها وساعدها تفوق من تاني 
ولما فاقت سألها بلهفه نسمه ايه اللي حصل 
مصطفى اتخطف ازاي ومين اللي خطفه 
نسمه قالت عربيه جيب سودا وقفت ف وشنا لما كنا رايحين علي المدرسه وخدو مني مصطفى بعد ما استقو عليا وضربوني  ف ايدي 
مالك كان هيتجنن ف اللحظة دي بس تمااك اعصابه فجأه لقي تلفونه بيرن 
وبيبص لقي خديجه 
مالك رد عليها وقالها بكسره ايوا ياخديجه 
قالتله مصطفى اتخطف منك يامالك 
انا كنت عارفه من الاول انك غير امين عليه 
مالك قالها طب وانتي عرفتي منين 
قالتله الخاطف كلمني وطالب مليون جنيه 
فاهم يعني مليون،،،،،،، انا ابني خلاص خسرته منك لله انا عمري ماهسامحك 
مالك قالها طيب اهدي وانا هتواصل مع الشرطه ونوصلهم 
خديجه اتحولت اول ماقال شرطه قالتله لا،،،،، شرطه لا،،،،، حكومه لا يامالك ابوس ايدك،،،،، دول ممكن يإذو ابني،،،،،،، 
مالك قالها  متخافيش انا هوصلهم ومصطفى هايكون بخير 
مالك قفل مع خديجه وقعد يفكر هايتصرف ازاي هو مش معاه مبلغ زي دا 
بعدها بشويه المحامي اتصل ب مالك 
رد عليه بيأس واحباط ايوة يا استاذ ممدوح خير في ايه 
ممدوح قاله استاذ مالك معاد الجلسه النهارده هو حضرتك ناسي ولا ايه 
مالك قاله جلسه ايه 
المحامي قاله الجلسه اللي هايتحدد فيها 
حضانه الطفل مين اللي هياخده انت قولتلي قبل كدا اطلب من القاضي تأجيل لحد ما اتجوز واقدر اخد ابني 
وانا قولتلك ماشي بس مينفعش تتأجل تاني والقاضي ضروري هياخد حكم فيها النهارده 
مالك قاله ارجوك يا استاذ ممدوح  حاول تأجلها تاني انا ف موقف صعب ادعيلي انه يتحل 
ممدوح قاله حاول تحضر الجلسه وبعدين روح حل مشكلك سلام 
بقلمي صابرين علاء. 
مالك قعد علي جنب وحط ايده علي راسه 
ومش قادر يفكر بقي يقول ف نفسه 
هاعمل ايه،،،،،،، هاتصرف ازاي واجيب ابني
وبعدين بدأ يفكر هي ليه خديجه ادتني الولد قبل معاد الجلسه بيوم 
واشمعنه الولد اتخطف قبل بردو معاد الجلسه 
وليه الخاطف كلم خديجه مع اني انا ابو الطفل ولو عايز فلوس كان كلمني انا 
معقوله اكون دي كلها الاعيب من خديجه 
علشان تثبت قدام القاضي اننا غير قادؤ علي حمايه الطفل،،،،،، وبالتالي تكسب هي الحضانه،،،،،، 
طب،،،،،،، طب وقصه المرض مزيفه وهي اللي اخترعتها،،،،،، 
اسأله كتيره جدا بتدور ف راسه واجابتها واضحه ومفهومه بس محتاجه تركيز 
♕♕♕♕♕♕♕♡♡♡♡♡♕♕♕♕♕
اما في بيت جبل المنفلوطي 
كانت حوريه قاعده ف الجنينه وهي بتفتكر اللي شافته امبارح 
كانت ماسكه لبس دنيا ومن كتر الغيظ كانت عماله تقطع فيها ومره واحده شهقت 
قالت اي دا،،،،،،، دا نفس الماسك اللي كان الراجل لابسه ساعت ما اتخطفت 
ايه اللي جابه هنا ـ،،،،،، اللي انا شايفاه قدامي دا يدل علي شئ واحد بس ان دنيا 
ليها يد ف اللي حصل ودا اللي انا شكيت فيه بس انا ازاي هقدر اقول لجبل اكيد هو مش هيصدقني اكيد  ،،،،،،  معقوله يكون بيحب دنيا ونسي حبنا 
رجعت من تفكيرها وهي بتتنهد ف الجنينه 
وعماله تبص علي الطيور والشجر 
وف نفس الوقت بس فوف كان جبل بيلبس هدومه علشان يروح الشركه وهي 
عمال يتجاهل حوار دنيا معاه تماما 
دنيا قالت انا مش فاهمه طول الليل وانت متجاهلني تماما لحد دلوقتي،،،،،، 
ولا عايز تبصلي ولا عايز تقرب مني 
مش عاوز تعمل معايا اي حاجه خالص ولا كأني زوجتك وليا حق عليك،،،،،،،،، 
طيب طالما انت مش عايزني اتجوزتني ليه 
ليه كنت مستعجل علي الجواز وتاني يوم خطوبتنا عالطول طلبت من بابا نكتب الكتاب 
جبل بصلها وقالها انا شايف ان مش وقته الكلام دا نتكلم بعدين 
دنيا وقفت قصاده وقالتله لا مش بعدين 
انا لازم اعرف دلوقتي لي ليله امبارح مكنتش ليله دخله بجد زي اي عريسين 
ليه انت حرمتني من ابسط حقوقي 
جبل قالها انا محتاج شويه وقت علشان 
نقدر نتعرف علي بعض كويس 
دنيا قالت طيب مقولتش الكلام دا ليه قبل الجواز احنا كنا ف فتره خطوبه عالفكرا 
جبل قالها هو انتي فاكراني زي اي راجل ليه ف جو الفسح والدباديب والشكلاتات دا 
انا راجل شرقي وانتي عارفه كدا كويس 
احنا هانعرف بعض هنا  كويس ولما ناخد علي بعض اكتر ساعتها هانتجوز بجد 
البيدج الاصليه الكاتبه صابرين علاء. 
خرج برا الاوضه ورزع الباب وهو ماشي 
ودنيا غمضت عنيها وقالت ياويلك مني 
ياجبل لو طلع اللي ف دماغي صح،،،،،، 
ياويلك لو كنت بتحبها بجد وعايز تقرب مني علشان تغظها،،،، ساعتها 
مش هارحمك ولا هارحمها 
قالتلها وهي كل الشر ف عنيها 
بعدها بشويه نزلت علي تحت وهي لابسه 
قميص ابيض وفوقيه روب سكري 
وبدأت تمثل ساعدتها المزيفه علي الكل 
قالت ل شريفه صباح الخير ياماما، ـ،،،،، 
شريفه قالتلها صباح الخير ياعروسه 
ايه اللي مصحيكي بدري كدا المفروض انك ف شهر العسل 
دنيا قالت كان لازم اصحي بدري علشان اصحي جبل حبيبي يروح شغله واكون زي اي زوجه اصيله 
شريفه ابتسمت وقالت فيكي الخير والله يابنتي،،،  طيب ايه اللي نزلك من اوضتك 
كنتي فضلتي فوق وكان الفطار يجيلك لحد عندك 
دنيا قالت ياخبر ياماما انتي عايزه تحرميني من فطاري معاكي 
وبصت لقت حوريه جايه قالت
بس تعرفي ياماما جبل دا طلع راجل وحنين اوي طول الليل وهو مهتم بيا 
وعمال يناغشني ويضحكني وكان بأكلني 
ف بؤقي وبيقولي عمري ماعرفت طعم السعاده غير وانا معاكي،،،،،،،،، 
حوريه متكلمتش بس فضلت تمشي وتطلع السلم واحده واحده لان رجليها كانت وجعاها 
شريفه قالت بقولك ايه انا عارفه انك عايزه جبل يكون ليكي انتي وبس وعلشان كدا لازم نتعاون مع بعض ونحط ادينا ف ايد بعض علشان نقدر نخلص من البلوه دي 
دنيا ربعت اديها وقالت وانا تحت امرك ياماما،،،،،،، احنا مش بس هانخلص منها 
احنا كمان هاندمها ف كل لحظه هي موجوده فيها هنا 
بعدها بشويه جبل كان قاعد ف شركته جاله تلفون من دنيا وقالتله الحقني 
ياجبل مامتك تعبانه اوي ودخلت عليها لاقيت حوريه  بتخنقها 
جبل جن جنونه قام وقف و قالها انت بتقولي ايه،،،،،،، انتي مجنونه حوريه مستحيل تعمل كدا 
دنيا قالتله انا كنت عارفه ان قلبك طيب 
ومش هاتصدقني بس والله مابكدب عليك 
وعشان تصدق انا صورتها وبعتلك الفيديو 
اهو شوفه علي تلفونك 
جبل قفل معاها وشاف الفيديو لاقاها فعلا 
ماسكه رقبتها وبتخنقها مستحملش 
قام بسرعه وراح القصر وجاب معاه دكتور 
حوريه قربت منه ولسه هاتكلمه راح زقها جامد وقعت علي الارض 
جبل قال للدكتور اتفضل يادكتور وطمني عليها ارجوك 
الدكتور دخل وكشف وقال 
هي الحمد لله بخير كويس انكم لحقتوها ف اخر لحظه،،،،،،،،، 
دنيا قالت الحمد لله يادكتور اني جيت واتدخلت ف الوقت المناسب 
الدكتور قال هي مع الاسف اتأخرت علي معاد ادويتها ودا جبلها ضيق ف التنفس 
ولو مكنتيش لحقتيها وعملتلها تمارين 
هي كان ممكن تموت 
جبل ضيق عينه وقال تمارين،،،، تمارين ايه 
الدكتور قال اه تمارين عاديه جدا بنمرر الايد علي الرقبه والصدر كدا علشان المريض يقدر ياخد نفسه تاني بشكل طبيعي 
االحلقه بتنزل كل يوم علي صفحتي الساعه 7 
جبل اتكسف من نفسه اوي وبص علي 
دنيا بغيظ 
دنيا خافت منه وقالت ماكنتش اعرف ياجبل 
جبل شكر الدكتور ووصله عند الباب 
وقبل مايطلع بص علي اوضه حوريه 
قرر انه يروح ويعتذر منها ودخل عليها فجأه من غير مايخبط وكانت الصدمه
لاقاها بتحط مرهم علي الحروق اللي ف رجلها  
جبل قالها اي دا مالها رجلك عامله كدا ليه 
وجري عليها بلهفه زي زمان 
قالها ايه اللي عمل في رجلك كدا 
حوريه قالتله مالكش دعوه،،،،،،، انا مش 
مستنيه من لاحب ولا اهتمام ولا حتي شفقه،،،،، 
جبل قالها شفقه،،،،،،  اللي بينا بتسميه شفقه 
حوريه قالتله ياريته حتي شفقه كان هايكون فيها رحمه شويه عن كدا 
انت لاتعرف حب ولا شفقه ياجبل 
عارف ايه اللي ف رجلي دا،،،،،،، 
دا وجع وعقابي علي حبي ليك،،،،،، 
مشيت عالجمر علشان اديلك فرصه تانيه 
يمكن تلحق نفسك وتفتكر حب لينا عشناه 
سوا بيوم من الايام 
جبل قالها انا مش فاهم حاجه،،،،،،،،، 
حوريه قالتله امبارح مكنتش موجود واتنصبلي فخ ولاقيت نفسي فجأه ف اوضه كلها فحم مولع وكان مطلوب مني 
حاجه من اتنين اما افضل فيها واموت لما 
لما الاوكسجين يخلص او ادوس علي الفحم برجلي وتتحرق واخرج من الاوضه 
جبل مكنش مصدق اللي حصل ف بيته من وراه 
حوريه كملت بدموع وامك كانت بتموت من شويه ولحقتها بكل اللي اقدر 
مع اني دنيا كانت بتصورني ساعتها وكنت عارفه انها هاتستغل الموقف دا وتعمل منه مشكله بس ماهتمتش وكملت اللي كنت بعمله 
عارف ليه ياجبل ولا مش عارف 
وقربت منه وقالتله بدموع وضعف 
علشان بحبك  ????
جبل بسرعه خدها ف حضنه ودفن وشه ف رقبتها وفضل يشم شعرها وهو كمان بكي ،،،،،،،، الاتنين كانو بيبكو علي كميه الحب والضعف اللي جوا قلوبهم 
فضل جبل حاضنها كتيييير،،،،،،، 
وهي مش قادره تقف من كتر مارجلها بتوجعها بدأت تنزل من حضنه 
جبل قالها بس ياحوريه متتحركيش 
وشالها وقعدها علي السرير 
ومسك رجلها وبحب بدأ يحطلها المرهم علي رجلها بحنيه وكان بينفخ ف الجروح علشان متحسش بألم 
كانت دنيا واقفه بعيد وشايفه اللي بيحصل 
وجواها عماله تتوعد ل حوريه بالكثير والكثير 
♡♡♡♡♡♡♡♡♕♕♕♕♕♕♕♕♕
اما ف البنزينه اللي فيها عابد وندي 
عابد كان بيشتغل عادي وبيصلح عربيه 
فجأه دخلت ليالي وهي ماسكه شكولاته 
وبتقول لعابد بقولك ايه ماتجرب الشكولاته دي هاتعجبك اوي،،،،،، ولا اقولك تعال نجربها جوا انا وانت احسن 
عابد قالها لا شوكلاته ايه انا مش بتاع شكولاتات في لبان 
ليالي قالته في كل اللي انت عاوزه 
بس تعال جوا 
وقربت منه وحطت اديها علي شعره 
ندي ظهرت فجأه وقالت عابد؟؟؟!!!!  
♡♡♡♡♕♕♕♕♕♕♡♡♡♕♕♕♡♡
يتبع ……
لقراءة الفصل العاشر : اضغط هنا
لقراءة باقى فصول الرواية : اضغط هنا

اترك رد