رواية غرام وانتقام الفصل الخامس عشر 15 بقلم نهى فتحي

سمع أركان صريخ من شقة وعد جري بسرعة عشان يشوف

 إيه؟!! 

أركان بيخبط علي الباب وبيقول بصوت عالي: أفتحي ياوعد بتزعقي ليه 

فتحت وعم الباب بسرعة وقالت: كان في فار في الشقة 

ضحك أركان جامد علي كلام وعد فقالت بضيق: أنت بتضحك ليه، هو أنا بقول نكتة!! 

أركان بضحك: أصل اللي أنتي بتقوليه، ده كلام أطفال، بقي انتي خايفة من فار 

وعد: أنت هتموته ولا هتفضل تضحك كده 

أركان: لا ماهو خلاص الفار مشي 

وعد بإستغراب: أنت إيه اللي مقعدك هنا لحد دلوقتي 

نظر إليها أركان بنظرة عتاب وحزن وسابها ومشي 

وعد: أركان، أركان 

التفت ليه أركان بحزن وضيق: نعم إيه نسيت الفون تاني ولا إيه 

وعد بتوتر: لا بس رايح علي فين 

أركان اتعدل وبص مكان ماهو ماشي وقال: مش مهم… 

وسابها ومشي، قفلت وعد باب الشقة وقعدت علي الكرسي تفكر هتعمل إيه قررت إنها هتسامحه ولكن لسة هتربيه الأول!! 

*في ڤيلا أركان 

كان قاعد أركان بإرهاق وتعب علي الكرسي لإن كل محاولاته فشلت إنه يصالحها، أتعصب جامد وبدأ يكسر في كل اللي قدامه وبقي يكسر في زجاجات الويسكي لحد مااتفتت، لحد مادخل خالد علي صوت التكسير لقي أركان عروقه برزت من العصبية وعيونه حمرا 

خالد بيحاول يقرب منه عشان يهديه 

خالد: أركان، اهدي مالك في إيه 

أركان بصوت عالي: أبعد عني متقربش، أنا مش طايق حد 

خالد: حصل إيه بس قولي 

قرب منه خالد بهدوء ومسكه من إيده وقعده علي الكرسي 

وقرب منه خالد وبيقوله: مش أنا صاحب عمرك، أحكيلي فيه إيه، أنا أكتر واحد حافظك 

أركان ابتدي جسمه يرتخي من كلام خالد وقال بحزن في نبرة صوته: كل محاولاتي معاها فشلت.. فشلت إني أصالحها

أنا غلطت في حقها رغم أنها متستاهلش مني كل ده 

خالد بمواساة: أنا حاسس بيك ب اللي أنت فيه، ولكن أنت لازم تحاول مرة واتنين وتلاتة وتفضل وراها لحد متصالحها

مينفعش تيأس كده من الأول لأن هي حقها إنها مش تسامحك ولكن خليك وراها وهي هتسامحك لأن و قلبها أبيض 

أركان أرتاح نفسيا بكلام خالد ولكن مع إرهاقه الشديد والتعب نام من غير مايحس وروح خالد بيته 

*في صباح اليوم التاني 

صحي أركان لقي نفسه نايم علي الكرسي ولسة هيفكر هيعمل إيه تاني عشان يصالح وعد قطع تفكيره رن فون كان الحارس الشخصي 

أركان: إيه في إيه بترن ليه ياحمار علي الصبح 

الحارس: أسف ياأركان بيه ولكن أنا اتصلت عشان أقولك آن روز ماتت 

أركان: نعمم… 

*في بيت خالد 

صحي علي مسج من تليفونه لقي رقم غريب دولي باعتله و….