Uncategorized
رواية بنت الجيران بداية التزامي الفصل الثانى 2 بقلم إسراء رمضان
رواية بنت الجيران بداية التزامي الفصل الثانى 2 بقلم إسراء رمضان
 |
| رواية بنت الجيران بداية التزامي الفصل الثانى 2 بقلم إسراء رمضان |
رواية بنت الجيران بداية التزامي الفصل الثانى 2 بقلم إسراء رمضان
جهاد خلصت نشر الهدوم ومدتش اهميه لكلام عبدالرحمن ووالدته”
“في بيت جهاد”
دخلت ع والدتها وهي قاعده ف الصاله وأحمد اخوها بيفطر
_ماما أنا خلصت الهدوم عايزه مني حاجه تاني
_اه ادخلي روقي أوضة اخوكي
_هتلبسيني نقاب
_لا
جهاد بعصبيه:طب خلاص مش مروقاها ابقو هاتولكو خدامه غيري
انا داخله ع اوضتي وسابت والدتها و ومشيت
احمد: ماتلبسيها النقاب ياماما هو فيها أي يعني مش فاهم
والدته:حتى انت يااحمد بتقول كدا مش لما تتجوز الاول علشان ارتاح منها
احمد: لي بس هو انتي فاكره النقاب هيخليها تعنس دا بالعكس هيخلي الي يجلها راجل مش حتة عيل وخلاص هيجلها واحد عارف ربنا ويتقي الله فيها لانه عارف انه رايح لوحده منتقبه
والدته: يوووه بقى يااحمد متحاولش تقنعني وبعدين مين قال النقاب يعني الدين مااحنا اهو بنصلي وعارفين ربنا وزي الفل ولا لابسين نقاب ولا بتاع
“جهاد كانت سامعه كلامهم وخرجت مره واحده من اوضتها وردت ع امها”
جهاد: النقاب داه ستر ليا أنا ملوش علاقه بملتزمه أو لا أنا مش عايزه البسه عشان ابقى شيخه وافتى الي رايح والي جاي وأمشيلك بسبحه أنا عايزه اللبسه لانه ستر ليا من عيون الناس وانا بحب الستر
والدتها اتخضت لما شافتها خرجت من اوضتها فجأه: اي يابت انتي جاهزه بالرد ع طول روحي اجري ادخلي اوضتك ولا شوفي انتي رايحه فين انا عارفه هتموتي وتلبسيه علشان بقى موضه وكل البنات بقت بتلبسه ياختي مبقاش ستر ولا حاجه دا بيتلبس ع هدوم بتبين مفاتن الجسم أكتر
احمد خلص أكل ورجع لورا: صح ياجهاد والدتك قالت نقطه مهمه النقاب بقى بيتلبس علشان موضه وخلي بالك لتكوني عايزه تلبسيه علشان كدا
جهاد: هو انتو دخلتو ف نيتي ياجماعه وبعدين أقولك ع حاجه يااحمد دلوقتي انت لما تمشي وتشوف قدامك بنت لابسه نقاب صح واسود ف اسود ومفيش حاجه ظاهره منها وبنت لابسه نقاب ع الموضه زي مانت بتقول وبنت لابسه بنطلون
اول حاجه هنشوف البنت الي لابسه نقاب وملتزمه بيه أنها ماشاءالله افضل واحده تاني حاجه هنشوف البنت الي لابسه نقاب ع الموضه افضل من الي لابسه بنطلون وديق ع جسمها ومبين مفاتنها
بلاش نكسر من عزيمة اي حد الناس درجات عند ربنا وكل واحد بيحاول يجتهد ويطلع درجه فمينفعش اقول لبنت لابسه نقاب ومش ملتزمه بيه اقلعيه احسن لابساه ليه
لي منقولهاش صححي من طريقة لبسك ف النقاب وحتى لو مصححتش بلاش نقولها اقلعيه لأنها هتفضل افضل من البنت الي لابسه بنطلون ف نظري
والدتها متنحه: يخربيتك ياجهاد يابنتي انتي مصدقتي حد يفتحك اي الرغي دا كله ارحمي نفسك شويه
“جهاد بعصبيه: انتي سبتي كلامي كله وركزتي ف اني رغايه
احمد بيضحك: وانتي بقى ياست جهاد هتلبسيه ع الموضه ولا نقاب صح
جهاد : ربنا يقدرني وألبسه صح أن شاء الله ومش شطاره مني اني ألبسه صح لا دا توفيق من ربنا لأن الفتن حوالينا كتير وكون اني اختار ألبس نقاب والتزم بيه ف ظل إن البنات بتتسابق ع مين هتلبس أضيق من التانيه ومين هتحط مكياج اكتر فداه معناه اني قويه وان ربنا بيحبني
ماتوافقو بقى أنا زهقت
والدتها: هنفكر ف الموضوع داه بعدين أنا رايحه عند جارتنا ام عبدالرحمن اباركلها ع رجوع ابنها من السفر
جهاد متنحه: يلهوووي كل الكلام داه مأثرش فيكي وبتقوليلي نشوف الموضوع داه بعدين لا كدا كتير
وأتعصبت ودخلت ع اوضتها
احمد: هو عبدالرحمن رجع من السفر امتى
_لسه اختك كانت بتقولي شافته ف البلكونه من شويه ابقى روح سلم عليه انت كمان
“وقامت لبست وراحت عند جارتها ام عبدالرحمن”
“في بيت عبدالرحمن”
_السلام عليكم
_وعليكم السلام اهلا ياحبيبتي اتفضلي
“دخلت والدت جهاد وقعدت ف الصاله مع والدت عبدالرحمن”
_حمدالله ع سلامة ابنك ياحبيبتي
_الله يسلمك يا غاليه ربنا يرجع كل غايب لأهله والله فرحتي من وقت ماجه متتوصفش
_ربنا يباركلك فيه مش ظاهر يعني ولا نسيني ومش هيجي يسلم عليا
_حقك عليا متزعليش بس من وقت ماجهه وهو قافل ع نفسه جوه
_ليه خير بعد الشر عليه
_البنت الي سافر وتعب علشان يكون نفسه ويتجوزها رجع لقاها اتخطبت وهتتجوز قريب
_أخص بقى دي أخلاق ناس ولاد اصول
_هعمل اي بس حظه وقع ف واحده بنت .. ولا بلاش هنغلط ف الناس ليه اهو كل واحد راح لحاله المهم تشربي اي معلش سرحت ف الكلام معاكي
_لا ياحبيبتي ولا يهمك خليكي قاعده زي مانتي هو احنا اغراب عن بعض
_لا طبعا اغراب اي داحنا عيله ياأم احمد صحيح اخبار احمد وجهاد اي
_الحمدلله كلهم بخير البت جهاد دي هتجنني مش عايزه تعقل ابدا
“ام عبدالرحمن ضحكت”: لي بس دي دمها خفيف وزي العسل
_زي العسل اي بس دي مطلعه عيني كل دقيقه ماما لبسيني النقاب مش عارفه أنا مين زرع الافكار دي ف دماغها
_متزعليش نفسك هو الجيل كله دماغه ضربت ربنا يهديهم هنعمل اي
_يارب ياحبيبتي هستأذن أنا بقى وأجيلك وقت تاني يكون عبدالرحمن روق شويه وبقى كويس
_________$
“الجو بيمطر جهاد فتحت بلكونة اوضتها بسرعه علشان بتحب المطره”
_لابسه طرحتها وواقفه بتحط أيدها تحت المايه وفرحانه
“قصادها ف الاوضه نايم عبدالرحمن ع السرير وفاتح البلكونه بس هي مش شيفاه
“نايم سرحان ف خطيبته الي سابته فجأه خد باله من جهاد وهي حاطه أيدها تحت المطر ومبتسمه “
جهاد بتحاول تلمس المطر فبتقرب لقدام أكتر
“اتعدل بعد ماكان نايم وركز معاها وبيكلم ف نفسه”
_اي المجنونه دي بتعمل اي هتتقلب
وانت مالك ياعبدالرحمن خليك ف حالك ورجع حط رأسه ع المخده تاني
بيبص عليها ومتوتر وحاسس أنها هتقع
قام متعصب وطلع ع البلكونه
_انتي يا
“جهاد اتخضت “
_مين أنا
_انتي شايفه حد غيرك
خافت شويه من طريقته وهو بيزعق:نعم حضرتك عايز حاجه
_ناويه تنتحري يعني ولا اي ماتبصي لنفسك واقفه ازاي ف البلكونه
“جهاد متنحه من كلامه”: هو انت بتزعقلي كدا ليه
عبدالرحمن بعصبيه: تصدقي أنا غلطان وراح داخل وقافل البلكونه وراه
“جهاد مستغربه”: اي المجنون دا كمان
بس أنا غبيه بردو من هنا ورايح لازم ابقى حريصه اكتر من كدا دا أوضته قصاد اوضتي ع طول دا هيبقى فيه كبت حريات ياست جهاد ودا الي كان ناقصني
“عبدالرحمن خرج من أوضته “
والدته فرحت : اخيرا خرجت من اوضتك ياحبيبي
_ بنت مين دي ياماما الي بلكونتها ف وش بلكونتي
_يلهووي انت نسيت طنط منى ولا اي ام احمد وجهاد يا واد
_لا منستهاش طبعا بس في بنت كبيره شوفتها ف البلكونه فمستغرب بحسبهم عزلو وفي ناس جديده سكنت مكانهم
والدته ضحكت: دي جهاد بنتها ماشاء الله بقيت عروسه مش كدا
عبدالرحمن متنح: انتي بتهزري معقوله دي العيله الرخمه الي كانت بتكب ع العيال مايه ف الشارع وهما ماشين
والدته لسه بتضحك: كبرت ياواد وعقلت متقولش كدا دي بقت عروسه بقولك
_عبد الرحمن افتكر شكلها وهي بتحط أيدها تحت المطر ف البلكونه : كبرت اه بس معتقدش أنها عقلت المهم انا جعان اوي وانتو وحشتوني اوي وعايز نتلم مع بعض ع الاكل زي زمان
“والدته فرحت جدا وقامت تجهز الاكل ليهم”
“جهاد ف البلكونه لسه واقفه تحت المطره وبتدعي ربنا
_يارب أنا عارفه اني مش ملتزمه وبيني وبينك طريق طويل يارب قويني وخد بإيدي ليك أنا بحبك اوي ونفسي اكون ملتزمه مش بس ملتزمه بالحجاب لا أنا عايزه اكون ملتزمه بالسنن وبقيام اليلل وبصيام النوافل عايزه التزم بكل حاجه ف الدين يارب قويني ومتسبنيش لوحدي لاني لوحدي مش هقدر