Uncategorized

رواية تزوجت عاشقة فجعلتني أعشقها الفصل الثالث عشر 13 بقلم عائشة البشير

 رواية تزوجت عاشقة فجعلتني أعشقها الفصل الثالث عشر 13 بقلم عائشة البشير
رواية تزوجت عاشقة فجعلتني أعشقها الفصل الثالث عشر 13 بقلم عائشة البشير

رواية تزوجت عاشقة فجعلتني أعشقها الفصل الثالث عشر 13 بقلم عائشة البشير

“” أبدا يومك دائما بروحاً سعيده… فالماضي أنتهي.. والمستقبل مجهول… والحاضر هدية تستحق الإحتفاء “”
خالد، بحزن????: تقدر تخش ياوليد
فرح، عندما يقف العقل والقلب في تحدي متقابلين، فاأعلم حينها أنك أمام مرحلة صعبه من الحياة????????
ليش يحطوني في معادله صعبه ليش أني لازم نخسر في كلتا الحالتين????
لا أستطيع السماع لعقلي فقط????
ولا أستطيع السير وراء قلبي أيضا❤
علشان نقدر نمشي بتوازن ونكمل حياتي بالشكل الصحيح لازم نمشي على رجليا الإثنين، مانقدرش نفقد واحده منهم
لازم نحاول نوازن بين قلبي وعقلي، لازم نعرف نختار صح باش مانندمش بعدين
نقول نختار اللي يكملني ، اللي نحس معاه وكأني ولدت من جديد، هو هذا اللي نقدر نأمنه على قلبي وحياتي، لأنه مهما فشلت ومهما كان حجم أخطائي هو الوحيد اللي قادر يوقفني من جديد من غير مايلومني، وبكلمه واحده بس يقدر يمسح كل اللي صار من قبل
بس في نفس الوقت نقول ليش مانختارش الإنسان اللي فتحلي عيوني على حلاوة الدنيا، اللي كان أمل مضىء في عتمة حياتي، اللي بكلمه منه قدر ينسيني كل أحزاني، اللي بحبه ليا عرفني أنه عندي قلب ينبض وروح تقدر تحب
كان الخيار صعب وحالتي أصعب، ياريت نقدر نجمعهم الإثنين في واحد????
الإنسان ديمه بطبعه طماع ومايقتنعش باللي عنده وديمه يبي كل شي، بس لازم يضحي بحاجه باش يكسب حاجه ثانيه
لازم تفوز واحده من الكفتين القلب أو العقل
          يابتفكر ???? يابتحس❤
^^^^^^^^^^^^^^^^^^^^^^^^^^^^^^^^^^^^^^^^^^^
وليد لما طلبت من خالد أني نشوفها، ماحطيتش في بالي أني ممكن نخيرها بيني وبينه أو نحاول نقنعها ترجعلي، بس كنت بنشوفها ولو لأخر مره عارفها زعلانه مني لأني خذلتها، بس كنت بنوضحلها موقفي مانبيهاش تكرهني????
وليد فتحت الباب وخشيت، لما شفتها إذكرت أخر مره شفتها فيها، كانت في المستشفى وتعبانه هذاكا اليوم، مستحيل ننسي إنهيارها قدامي ولومها ليا، وكيف وعدتها أني راح نصلح كل شي ونرجعلها بس للأسف خذلتها غصبآ عني????????
فرح أول ماشفته نزلو دموعي???? من غير إراده، ماحدش يلومني وليد الحب الأول اللي يقعد ثابت مهما مر عليه وقت أو تعرض لخدوش، فرح لا لازم تكوني أقوي من هكي، مسحت دموعي وحاولت نبتسم غصبآ عني: أهلين ياوليد كيفك؟؟
وليد دموعها أول ماشافتني دليل على أنها مانستنيش، كان خاطري نجري ونأخذها في حضني  نمسح دموعها نطمنها أنه الجاي أحلى، بس لا ياوليد وقف، هيا توا مرت رفيقك ماتغلطش، وأبتسمت لإبتسامتها: وليت كويس بعد شفتك بخير????
فرح كان خاطري نقوله نحبك إستاحشتك ماقدرتش ننساك، نبي نسأله ونعاتبه ونلومه ليش دار اللي داره شني السبب اللي خلاه يسيبني ويخذلني، بس لا يافرح هو مش وليد حبيبك !! توا هو وليد صاحب خالد زوجك???????? نزلت رأسي لوطه وقعدت ساكته
وليد خليك قوي ماتضعفش وإضعفها معاك ماتنساش خالد زوجها ورفيقك، أنت جاي لسبب واحد ديره وإنسحب بهدوء ماتخليهاش تكرهك أكثر وتخسر أعز صحابك، كمل الأيام اللي قعدولك وأنت محبوب من الكل????
خديت الكرسي وقعمزت جنب السرير، وبإبتسامة: شفتي النصيب سبحان الله من قال نشوفك ثاني، ولا في نفس المكان اللي خليتك فيه المره اللي فاتت ” المستشفي ” شني وقعتي عقد مع المستشفيات ولا كيف☺
فرح إبتسمت: وكأني مكتوب عليا كل اللي نعرفهم ونحبهم لازم يخذلوني ويجيبوني لهالمكان غصبآ عني????
وليد يعني لازم إذكريني أني سبب في اللي قاعد يصير معاك، بحزن: فرح أني أسف على اللي صار????
فرح، إبتسمت بهزوه????: لا واللهي بكري مازال الوقت، ليش إتعب روحك
وليد، بحزن????: عندك حق !! بس كان غصبآ عني والله اللي صار مش بيدي
فرح????: شني اللي صار؟؟ ها قولي شني اللي خلاك إدير فيا هكي !!
وليد نزلت رأسي: قصة أهلى و…. سكتت لأني مش قادر نكمل خليك ساكت ياوليد ماتحاولش إضعفها وتخليها تسخف عليك
فرح، بغضب????: اللي صار في أهلك مش مبرر يخليك تسيبني وتخذلني، دور كذبة ثانيه????
وليد قمت عيوني بسرعه” نكذب !!” تغيرتي يافرح وهلبا، بحزن????: عندك حق ماتصدقيش بس هذا اللي صار ماكنتش نبي نظلمك معاي أو نخليك تتعذبي بسببي
فرح، بحزن????: تعرف اللي قاهرني أنك مشيت من غير ماتبررلي، سيبتني ولاكأني كنت نعنيلك شي وكأني كنت لعبه عندك وأول مامليت منها كسرتها ورميتها في أول مزبله قدامك، ياريتك بس كلمتني وشرحتلي ضروفك والله كنت مستعده نوقف معاك ونستناك عمري كله ولا يوم نفرط فيك حتي لو قتلوني????
وليد اااه ياربي أنت بس اللي فاهمني، عارف أني ظلمتها وكسرتها بس أنت قادر تجبرها ياربي ماتخليهاش تكرهني، تنهدت بأسف????: وقتها ماكانش عندي وقت حتي نفكر في أي شي، حاولي تحطي روحك في مكاني شويه بس مش راح تلوميني لو تعرفي اللي عشته واللي عانيته في غيابك ، ع العموم أني مش جاي باش نلومك أو تلوميني، أني بس نبيك تسامحيني????
فرح ااااه ياقلبي???? ليش أني ضعيفه هكي، بدموع????: نسامحك !! ليش أني قدرت نزعل منك أصلا، أنت شكلك مش عارف أني قداش كنت متعلقه بيك، حبيتك لدرجه مانقدرش نزعل منك لو شو مادرت، بس أنت شني درت خذلتني بدم بارد
“” كان وداعه بارد… وكأني لم أكن له شيئاً يوما ما “”
أني بس اللي واجعني أني مش قادره نتخطاك ونكمل حياتي حتى بعد اللي درته فيا، تعرف تنسيني فيك زي ماخليتني نحبك????????
وليد مهما حاولت نمسك روحي بس خلاص مش قادر، نزلو دموعي أول ماشفت دموعها????: لو كنت نعرف طريقه للنسيان كنت خديتها أني اللي قاعد نموت كل ثانيه وأنتي بعيده عليا، وبرجاء: والله حبيتك فوق ماتتصوري، ماتنسينيش يافرحتي باللهي عليك????????
“” فعلت بي كل هذا وأنت تحبني.. فكيف لو كنت تكرهني “”
فرح بدموع: كيف إندير ياوليد ساعدني تعبت أني????
وليد لا أنت شني قاعد إدير خليها تنساك وتكمل حياتها مادامك ماتقدرش تخليها معاك وتسعدها، لو تحبها فعلا راح تفرح لما تشوفها مرتاحه وسعيده مع غيرك، بحزن: فرح أني مستحيل نقولك أرجعيلي أو سيبي خالد لا أني بس نبيك تسامحيني وماتكرهينيش
فرح، بحزن????: أطمن الإثنين مش بيدي قلبي مايقدرش يشيل منك باش نسامحك، ومايقدرش ينسي حبك باش نكرهك 
وليد، بإبتسامه????: تعرفي أنك أنتي وخالد ماشيين مع بعض، تعرفي لو أني كنت مكانه مستحيل إندير معاك اللي داره، حتي حبي ليك مش راح يقدر يخليني نتحمل اللي تحمله خالد على خاطرك، هو أنسبلك مني
فرح، بحزن????: بس حتي هو خلاني وأني مكسوره ومشي من غير مايسأل عليا
وليد مادامها قالت هكي فاأكيد هيا تحبه وزعلانه لأنه سيبها واضحه من عيونها، ياربي صبرني????
مادامك ماتقدرش تقول اللي في قلبك، على الأقل ساعد صاحبك، لازم واحد منكم يعيش، خالد هوا الوحيد اللي يقدر يسعد فرح، على الأقل نقدر نطمن عليها وهيا معاه، بإبتسامه????: ماتخافيش خالد يحبك ويمكن حتي أكثر مني، هو مش زيي مستحيل يخليك أو يخذلك، هوا الوحيد اللي يستاهلك يافرح
فرح، بخوف????: بس وين كان الأيام اللي فاتو، أنت تعرف أكيد؟؟
وليد، إبتسمت لما شفت الخوف في عيونها على خالد: الأيام اللي فاتو كان معاي، أني درت حادث وهوا ماسيبنيش
فرح: الحمدلله على سلامتك، يعني سيبني ومشالك، كنت شاكه والله أنه مش راح يفوتها بالساهل☺
لهفتها وخوفها على خالد واضحه بعكس لما قلت أني درت حادث ملامحها عاديه وكأني شخص غريب عليها????
وليد قاعده ضحكتها تبعثر قلبي وتنشر السعاده فيا، إبتسمت????: تعرفي أول مره نشوف خالد بالشكل هذا كسرني تكسير على خاطرك يابكايه????
فرح: قاعد مانسيتهاش هالكلمه????
وليد، بحزن????: مستحيل ننسي أي شي يتعلق بيك، ننسي أسمي وماننساش أي تفصيل صغير يخصك، وحاولت نغطي على اللي قلته لما رجعو الدموع يلمعو في عيونها،  وبإبتسامة: مش عارف خالد كيف قاعد متحمل ومقعمز برا وساكت ياساتر مايكون تفجر????
فرح مهما تحاول تكابر ياوليد عيونك فاضحه كل شي، تنهدت بحزن: من أمتي أنت وخالد صحاب ياوليد؟
وليد: من قبل عرس حافظ تذكري التعليقه اللي جبتهالك في العرس هدية نجاحك هذيكا من محله وتعرفت عليه وقتها وقعدنا على تواصل، تعرفي ممكن أنتي كنتي السبب في معرفتي بخالد
فرح تفاجأت????: كيف هكي !! يعني خالد عرف أنك أنت اللي نحبه لما شاف التعليقه
وليد، بتفكير????: ممكن لأنه وقتها قالي أنه ماجابش منها إلا طرفين واحده خديتها أني والثانيه خذاها هو
فرح، بخوف وتوتر????: وهو لمن خذاها؟ كان يحب واحده من قبل؟
وليد تغاري عليه يافرحتي، يارب صبرك????، بإبتسامه: مش مهم يافرح لمني موضوع فات وراح، المهم أنه معاك توا ويحبك أنتي مش واحده ثانيه
^^^^^^^^^^^^^^^^^^^^^^^^^^^^^^^^^^^^^
خالد من لما خش وليد وأني قاعد على نار، كيف نخليه معاها كيف نسمحله يأخذها مني، أكثر من مره كنت بنخش ونطلعه بس نتراجع في أخر لحظه، لازم تعطيها فرصه ياخالد خليها تختار الطريقه اللي تبي تكمل بيها حياتها، أنت لو تحبها لازم تكون فرحان لفرحتها حتى لو كانت مع غيرك، 
???? تي لا شني تكون مع غيري مانقدرش نتحمل نشوفها مع حد ثاني، أني نموت لو تختاره هوا، مجرد ماتخيلتها معاه جن جنوني: ينعن???? والله نقتلهم الزوز
أهدا ياخالد ماتغلطش وتخليها تكرهك أهدا أهدا،
^^^^^^^^^^^^^^^^^^^^^^^^^^^^^^^^^
فرح للحظه نسيت اللي مقعمز قدامي مني يكون وتكلمت من غير تركيز، بسرعه وبخوف????: يارب مايكونش في واحده ثانيه في حياته، مانقدرش نتخيل حياتي من غيره????
وليد بحسره ????: تحبيه يافرح???? !!
فرح عمري ماتوقعت المواقف راح تكون عكسيه للدرجه هذي، في البداية كنت نظلم ونجرح في خالد لأني نحب وليد، وتوا قاعده نجرح في وليد بكلامي وخوفي على خالد???? شني هالحياة اللي لازم تخسرنا أكثر ماتكسبنا????، نزلت رأسي لوطه وقعدت ساكته
وليد ماكنتش نبي نطلع ونسيبها يكفيني أني نشوفها قدامي بس لا أكثر ولا أقل، كنت متمنيها تقعد جنبي باقي الأيام اللي مازالو في عمري،
لا ياوليد هيا معاش حره زي قبل وأنت شفت بعيونك لهفتها وخوفها على خالد، أعفس على قلبك زي مادرت من قبل كمل قصة تضحيتك على خاطر سعادتها، وقفت وبإبتسامة: ربي يهنيكم مع بعض يافرح، مانوصيكش ردي بالك من خالد راهو مافيش منه ومستحيل تلقي حد يخاف عليك ويحبك زيه، نشوفك على خير يافرحتي????????
خالد رجعت قعمزت على الكرسي اللي قدام الباب، وبرجاء: ياربي ماتأخدهاش مني، مانقدرش من غيرها والله، وفزيت بسرعه وبخوف???? لما سمعت الباب إنفتح
وليد قدمت وحضنت خالد اللي كان واضح بيموت من الخوف، وبدموع????: روحي عندك أمانه يارفيقي حافظ عليها باللهي عليك
خالد كيف هذا شني يقول، معقوله !! بعدت وليد من عليا وشفته يبكي، بشك????: أنت شني تقول؟؟
وليد مسحت دموعي، وبحزن????: ماتقدرش تتخيل حياتها من غيرك، ربي يهنيكم مع بعض ياخالد،
وطلعت بسرعه وأني مش عارف كيف تحملت الوقت هذا كله، وأول ماطلعت من المستشفي عيطت باأعلى صوتي وبكيت لين حسيت روحي فشلت، وكل الناس عيونها عليا
نور الدين كان واقف برا ويستني في وليد، قدم بسرعه لما شافه طاح على الأرض ويبكي: نوض ياوليد مش كويس لصحتك اللي إدير فيه
وليد بدموع????: أني أنتهيت خلاص، سلمتها بإيديا ليه، آآآآآآه ياقلبي أوقف وريحني????
نور الدين قرب وحاول يقيم وليد ويسنده، بحزن: أنت توا لازم تلفت لروحك ياوليد، أنت مريض ولازم تعالج وتسمع الكلام ياسرك وأنت تتحمل وتكابر 
وليد نبكي????: أنت متخيل أنه وجع جسمي يهمني، كل أوجاع الدنيا ماتجيش قطره واحده في وجع قلبي????
خالد قعدت في مكاني مش قادر نتحرك لاقدرت نقدم خطوه ولانؤخر، الكلمه اللي قالها وليد قاعده تتردد في وذني ” ماتقدرش تتخيل حياتها من غيرك ” معقوله فرح أختارتني أني????❤
فرح أني ماقدرتش نختار أصلا لأنه وليد ماعطانيش حق الإختيار بينهم واضح من كلامه من الأول أنه هو مايبينيش معاه، وأني زدت عليه بكلامي وخوفي على خالد???? بس كان تفكيري أنه يمكن اللي صار كله وزواجي من خالد هو رزق من ربي وخير ليا، عندي ثقه في ربي أنه في النهاية مش راح يخذلني????????
لو كان حبي لوليد فيه خير ليا ماكنش ربي بعده عليا????
ولو كان زواجي من خالد فيه شر ليا ماكانش ربي تممه على خير وعلقني فيه للدرجه هذي❤
وليد صح يحبني ونحبه ولو شو ماصار مستحيل نقدر ننساه، بس اللي يحب حتى لو غلط فيك مستحيل يكرر الغلط !! ووليد أستمر في غلطه وزاد بعدني عليه بإيده????
اللي يحبك عمرك ماحتهوني عليه ولا عمره حيرخي بيك مهما كانت الظروف سواء شي كبير أو صغير !!  ووليد دار قصة أهله سبله خذلني بيها????
اللي يرخي بيك ف أول عقبة أو نقاش أو مشكلة مش حتقدر تستنى منه شي تاني غير أنه ف كل مرة حيرخي بيك ف كل موقف حتى لو اعتذر ألف مرة وسامحته مليون مرة حيرجع يكرر نفس الغلط !! ????????
بعد كل هالتفكير كنت شايفه وقتها أنه خالد هو الشخص الأنسب ليا من كل النواحي❤
خالد أنت ليش قاعد واقف، خلاص أنتهي هالكابوس فرح ليك بروحك، إبتسمت وقدمت بسرعه فتحت الباب وقعدت إنشوفلها ودموعي من فرحتي سبقوني
فرح بدموع????: مازال تبي تقعد بعيد عليا، ماسدكش اللي درته فيا الأيام اللي فاتو????
خالد قدمت بسرعه، وحضنتها بلهفه: ااااااه ياروحي أنتي، إستاحشتك ياقلبي❤????
فرح زدت دخلت في حضنه أكثر، بدموع????: ليش خليتني ياخالد كيف هنت عليك
خالد، بفرحه????: عمرك ماتهوني عليا ياروحي، أني ماخليتكش بس كنت نبي نهدأ خفت عليك من عصبيتي، وصار اللي صار
فرح بعدت شويه وقمت عيوني لعيونه، وبرجاء: ممنوع تبعد ثاني فاهم ولو شو ماكان السبب????
خالد بفرحه????: حاضر أنتي تأمري أمر يابكايه????
فرح، بإبتسامه: بارد، ليش مش أنت اللي بكيتني????
خالد شديت وجهها بين إيديا وبست عيونها، بإبتسامه: أسف ياعيوني لأني بكيتكم، وعد مانكررش غلطي مره ثانيه????
فرح إبتسمت على كلامه ورجعت ثاني في حضنه خايفه مانبيش نفقده ثاني???? 
خالد ماتخيلتش أنه ممكن تكون نهاية هالخوف والتوتر اللي عشته أنها تكون في حضني????
خالد حاولت نبعد فرح اللي متشبته فيا وكأنها خايفتني نهرب، بإبتسامه: ياروحي أنتي، ماكنتش عارف أنه حضني عاجبك للدرجه هذي
فرح بضحكه☺: لا مش عاجبني بس نبي تعويض على الأيام اللي فاتو، أنت مش عارف شني صار فيا؟؟
خالد، بإبتسامه: لا كنت عارف ياروحي، بس كان لازم تحسي باللي نحس فيه حتي شويه
فرح بعدت من حضنه، وبنص عين????: متعمد تعذبني يعني !! مقصوده إمدايرها ؟؟ 
خالد ااااه قداش إستاحشتها❤، نحبها لما تجادلني وماتسكتش قدامي????، نبيها تأخد حقها حتي ولو مني، حاولت نستفزها أكثر: وليش أني بس اللي نتعذب، لازم إضوقي شويه من اللي درتيه فيا????
فرح طرمت شواربي، وبزعل☹: هذا غير تحبني وهكي إديرلي !! خلاص معاش نبي ردلي وليد
خالد قربت وبستها من فمها ???? وبقوة وكأني بنعاقبها على كلمتها، ومابعدتش لين حسيتها محتاجه للهواء
فرح نتنفس بصعوبه????: يابارد كيف إدير هكي
خالد قرصتها من شواربها، وبتحذير????: هاذم معاش ينطقو أسمه ولا حتي أي أسم حد ثاني غيري فاهمه????
فرح رجع خالد المتقلب في دقيقه????‍♀️، بس وجعني وعيوني كانو بيدمعو من وجعي????
خالد مديت إيديا بسرعه ومسحت على عيونها قبل ماتنزل دمعتها، وجبدتها في حضني❤: من اليوم معاش في حد ثاني غيري فاهمه، أنتي ليا بروحي، ماتحاوليش تختبري غيرتي عليك تمام ياروحي????
فرح مانعرفش كم فات وقت وأني في حضنه وهو يلعبلي في شعري، بس إذكرت بابا اللي كنت نكلم فيه والتليفون اللي طاح مني أكيد قعد مشغول عليا توا، بعدت بسرعه: حبي ترا شوفلي تليفوني طاح لوطه
خالد فعلا ربي يجازي كل واحد على صبره وأخيرا فرح ليا وفي حضني، وبإبتسامة????: شني قلتي ترا عاودي ياروحي
فرح: تليفوني طاح لوطه كنت نكلم في بابا أكيده مشغول عليا توا
خالد شديت وجهها بين إيديا، وبإبتسامة☺: مش هذا ياعمري الكلمه اللي قبل الكلام هذا????
فرح أبتسمت لما فهمت قصده، بتوتر????: ماقلت شي هذا اللي قلته جيبلي التليفون باللهي
خالد تنهدت شني تسكيرة الرأس اللي عندها الزفت???? قمت التليفون وماباش ينفتح: ماباش ينفتح ياروحي شكلها الطيحه أثرت فيه، بكرا نشوفوه شني صارله، نعطيك تليفوني بس مافيشي شحن وماعنديش شحن معاي????
فرح، بإبتسامه????: خلاص عادي توا غدوه نكلمه
خالد: أي أحسن حتى ليل توا مرات راقدين، ورجعت قعمزت جنبها وجبدتها في حضني، وبحب????: ماتبيش تقوليلي الكلمه اللي قلتيها من شويه على خاطري ياعمري نبي نسمعها????
فرح بمكر????: لا العواد عارفه لمني !؟????
خالد، بغضب????: باهي خلاص خزنيها عندك الحركات هذي تتحاسبي عليها كلها بعدين، وحتى إهمالك لروحي اللي هيا أنتي مش ناسيه راهو 
فرح بزعل☹: وعلاش أني شني درت، ماهو أنت السبب في اللي صارلي، ماقدرتش نتحمل غيابك وخفت عليك يكون صايرلك شي????
خالد بحب????: مهما كان حتى لو على خاطري مش مسموح أنك إديري في روحي هكي فاهمه ياقلبي❤
فرح معاش عندي جهد للجدل خلاص، بإستسلام: حاضر من عيوني????
خالد بفرحه: ياعمري ربي مايحرمني منك يارب????❤
فرح كل واحد فينا كان تعبان أكثر من الثاني بس مافيش حد إستسلم لتعبه ورغبته في الراحه وقدر يسكر عيونه وكأنه كل واحد منا خايف أنه يفقد الثاني لو غفل لحظه، فاتت الليله كلها وخالد يتغزل فيا ويحكيلي شني صار معاهم وكيف صار الحادث وشني دارو في تونس وكيف كان يكلم في خلود ويطمن عليا ديمه، فرحتي بخالد نستني حتى أني المفروض نخاف على وليد من الحاله اللي قاعده تصير معاه واللي هيا سبب الحادث اللي صارله
“” من يحبنوننا ونحن في أسوء حالاتنا هم فقط من يستحقون البقاء في قلوبنا إلى الأبد “”
ثاني يوم الصبح
لبست وشاحي بسرعه لما طق الباب، وإبتسمت:  أهلين صباح الخير ياعمتي
زاهيه: صباح النور يابنيتي كيف حالك اليوم؟
فرح قبل مانتكلم خش خيري
خيري، بإبتسامه☺: صباح الخير، لا ماشاء الله الوجه منور اليوم !! شوره مكتريلك من الفيتامينات????
فرح إبتسمت: ممكن !!  الحمدلله اليوم أحسن بهلبا
زاهيه إنتبهت لكندرة خالد وصوت الميه في الحمام، بإستغراب????: مني عندك يافرح؟؟
خيري، بتوتر: جاك واحد من خوتك ولا كيف؟؟
فرح توترت وإستغربت شكلهم مايعرفوش برجعة خالد كنت نحسابه مشالهم أو كلمهم قبل مايجيني، بتوتر: لا بس هذا…….وسكتت لما إنفتح باب الحمام( أكرمكم الله) وطلع خالد
خيري بصدمه????: بسم الله العظيم، أنت حقيقه ولاجن????
زاهيه تلفتت لوين مايشوف خيري، وإنصدمت بخالد، ناضت بسرعه وحضناته وبدموع????:  الحمدلله على سلامتك ياخلوده، الحمدلله ياربي الحمدلله، هكي إدير فينا ياوليدي؟؟
خيري،بنص عين????: غير أستني ياأمي خلي نتأكدو مرات غوله ولا جن مش خالد????
خالد، رجعنا لبرادة خيري، وبحده: ضم فمك ياعيل، جن اللي يلبسك إن شاءالله????
زاهيه بفزع: لا ياوليدي بعيد السوء عليك وعليه، أسكت ياخيري من غير برادتك مش وقتها
خيري????: واللهي عندي حق ياأمي ولدك هذا زي الجن يختفي فجأة ويحضر فجأة، وأحني نجرو ونلهدو على خاطره تقول ماعندنا غيره، شن حاسب في روحه، وأنتي بدل ماتكلميه وتوريه غلطه تحضني فيه وياخلوده وياوليدي ويا مش عارفه شني????
خالد تجاهلت خيري اللي كان فتح معاش يسكت، وإبتسمت: كيف حالك ياأمي؟ وكيف حال بوي؟
زاهيه، بإبتسامه????: الحمدلله ياوليدي، وشهقت بفزع لما إذكرت عمران وخليل اللي مشو ويدورو على خالد: ياخيري كلم بوك بسرعه قوله خالد روح، خليهم يروحو
خالد بإستغراب????: ليش بوي وين هو؟؟
خيري بنص عين????: في المالديف يدير في سياحة، ماهو مشي لتونس يدور في حضرة جنابك ياباشا، وتلفت لأمه كلمتهم من إمبارح ياأمي وأكيد قريب يوصلو
خالد إنصدمت كيف خلود ماقلتليش أنه بوي مشي لتونس ويدور عليا
زاهيه، بغضب????: وأنت تعرف أنه خالد رجع من إمبارح وماقلتليش خززززي على وجهك
خيري، بعصبيه????: تي وين نندري عليه روح أني؟؟ بس لما كلمني صاحب خليل قالي خوك طلع من البوابه وراجع لليبيا كلمت بوي وقتله وقالي أنهم بيطلعو الفجر من غادي، بس اللوم والعتب على ولدك الغالي أهو حاسبيه هوا مش أني، ليش ماطمنكش من لما وصل????
زاهيه، بعتب: معقوله ياخلوده هكي إدير واصل من إمبارح وماطمنيش عليك نهون عليك ياوليدي تخوفني عليك
خالد قربت من أمي وبست على رأسها: ياغاليه والله ماتهوني عليا، بس وصلت متأخر ولما عرفت أنه فرح في المستشفي جيت إهنايا طول، سامحيني ياأمي
زاهيه، إبتسمت????: مسامح ياوليدي المهم رجعتلنا بخير كله عادي ياغالي
خيري????: أيواه الكلام الباهي لناس دون ناس، بوي خليل وأنتي خالد،  شني أني ولد البطه السوده ولاكيف اللي يجي يطيح فيا، شني هالعيله اللي طيحتني فيها ياربي????
خالد بغضب????: تحشم على وجهك ياخيري شني هالكلام اللي تقول فيه ماكش صغير راهو
خيري: كلكم تقولولي مش صغير خلاص مادامكم عارفيني كبرت أشقو بيا الزفت، أمك وبوك مايبوش يعطوني شوية حنان زوجوني وريحوني نأخد حنان من مرتي على الأقل شني هالجفاف اللي عايش فيه الواحد
زاهيه بعصبيه????: خزززززي على وجهك ياللي ماتتحشم، 
خالد بغضب????: تي أنت غير دير عقل قبل وبعدين فكر تأخد مرأه حرام تظلم بنت الناس مع واحد مهبول زيك
خيري: أنتم غير زوجوني ومادخلكمش فيها هيا راضيه بيا????، وبعدين أهو أنت جن ونفسيه وماتنطاقش وأهي ياناري فرح المسكينه متحملاتك وساكته، مش حرام عليك حتي هيا????، خلاص يافرح سيبيه????
فرح كنت ساكته ونسمعلهم وأبتسمت على كلام خيري، صح والله كلامه خالد زي الجن كل لحظه بشكل????
خالد نرفزني خيري، ونضت وحذفته بالكندره، وبعصبيه????: نوض أقلب وجهك من قدامي، خير مانشوهلك وجهك البارد هذا ودور من ترضي بيك بعدين
خيري نضت بسرعه وخويت الكندره، وطلعت وأني ميت بالضحك تفاديآ لعصبية خالد????
زاهيه: والله ماني عارفه هالولد لمن طالع لايتحشم ولايستحي????
فرح بإبتسامه????: واللهي ياعمتي خيري ماشاء الله عليه هو يحب يبصر بس جوه ي…..وسكتت لما رجع خيري فتح الباب
خيري فتحت الباب ودخلت رأسي بس وبغمزه لفرح????: زي ماقتلك يافرح نفسيه راهو مايمشيش معاك فكري في كلامي وأنفدي بروحك من توا???? وطلعت بسرعه لما شفت خالد معصب وبينوضلي
فرح ضحكت على خيري????، بس إنخرست من تفنيصة خالد????
خالد بعصبيه????: تضحكي أنتي عاجبك عاد، فكري ترا???? باش إنطريهولك دماغك هذا اللي بتفكري بيه التفكير هذا
فرح ماتسكتيش توا بيقلب الدنيا قدام عمتي كان سكتي، إبتسمت????: ماتخافش مانقدرش نفكر أصلا
زاهيه: معليش ياوليدي ماتأخذش على كلامه هالمهبول هذا
خالد إبتسمت لفرح على كلامها????، وتلفتت لأمي: لا لا عادي مادوريشي ياأمي خذينا عليه، أنتي خليك هنايا خلي نمشي نجيبلكم فطور ونشوف البارد هذاكا بالك عنده شحن بنشحن تليفوني
خوله ماحسيتش روحي عروس بكل معاملة أسامه ليا كل يوم أسوء من اللي قبله وحتى حقه يأخذ فيه مني باأبشع الطرق????
كرهت اليوم اللي فكرت فيه أني نتزوج ونطلع من حوش بوي????، كان في بالي أني بنكون تحت أسم راجل يحترمني ويصوني ويخاف عليا، يحسسني وأني جنبه بأني مالكه الدنيا باللي فيها، يقدرني ويفهمني لما نحتاج شي، مش راجل يحسسني وكأني لعبه أو أداة لتلبية رغباته وإفراغ شهوته بطرق بشعه وبس، خلاني نكرهه ونشمئز منه من أول ليله كيف راح نقدر نكمل حياتي مع واحد زيه، 
حاولي معاه ياخوله ماتخليش حد يضحك عليك لو حرجتي وروحتي كلهم بيتشمتو فيك، لازم نحاول نكسبه باأي طريقه، طلعت من المطبخ ولقيته لاهي في التليفون ويضحك الله أعلم على شني، قعمزت جنبه، وأبتسمت????: شني اللي يضحك فيك ضحكني معاك
أسامه????: نوضي شوفيلك خدمه تخدميها، نبي غذي مشكل اليوم
خوله الصبر ياربي، تصنعت الإبتسامة????: حاضر، بس بعد الغذي ترفعني لحوش أهلى
أسامه، بغضب????: وعلاش إن شاءالله درتي حوش ولا لا شدي حوشك وإندفسي فيه، مش فاضي لدلعك أني
خوله بغضب????: وشني اللي إدير فيه مش فاضي طول اليوم مقعمز على هالنت، وبعدين مرت خوي في المستشفى وأني مامشيتش وشفتها بكل
أسامه ناض بسرعه وشد خوله من شعرها بعصبيه????: كل ماتشوفيني مقعمز وجوي مليح لازم تنكدي عليا، ينعن???? 
خوله فكيت شعري اللي نصه قعد في إيده وهربت وسكرت عليا الدار، هذي مش أول مره يمد أيده وعلى سبب تافه، نبكي????: ياربي شني درت أني باش تكفيني بواحد زيه
** عمرها الرجوله ماكانت بالعصبيه والصوت العالي
طغيانك وغرورك بنفسك عمره ماكان قوة قد ماهو إهانه ليك قبل ماتهين غيرك
بنات الناس مش لعبه عند حد،  ياأما تكون ليها راجل في كل شي، ياأما هيا ماتستحقش انها تتحمل الألم بسببك **
خلود بإستغراب????: كيف !! وليش أني ماعنديش علم؟؟
عماد: أهو قتلك ياروحي، من زمان ناوي بس هذا وين سخر ربي
خلود، بعصبيه????: من زمان وماقتليش، المفروض حتى توا ماتكلمتش، لين وصلت غادي وبعتلي رساله وخلاص
عماد، بحزن????: ليش هالكلام ياروحي، أنتي تبيني نقعد هكي يعني عاجبك وضعي، حتي أنتي مش قادر عاطيك حقك بالشكل المرضي
خلود: بس أني ماشكيتش أني مرتاحه معاك ونبيك كيف ماكنت تكون مانبيش نخاف عليك أو نخسرك لأي سبب، أكيد العمليه فيها خطوره عليك، كأن هذا ليش مادرتهاش من قبل
عماد، بإبتسامه????: ليش تخافي ياحبي، بإذن الله نرجعلك وأني أحسن من هكي مستحيل نخليك بروحك
خلود، بإستغراب????: شني!! قصدك عابي تمشي من غيري ماتحلمش
عماد: ماهو مش لازم نتعبك معاي ياروحي والموضوع مرات يطول، خليك إهنايا مع أهلك أفضل
خلود: تعب شني اللي تحكي عليه، ولو حتي قعدت العمر كله، مستحيل نخليك تمشي بروحك، يارجلي على رجلك ياأما مافيش مشي، وبزعل: تبي تسيبني بروحي وأحني قاعدين في بداية زواجنا، حتي عيب عليك
عماد ضحكت على تفكيرها???? وأشرتلها تجي في حضني????: أنتي نصيبي الحلو من الدنيا، كل اللي إندير فيه على خاطر نقدر نسعدك ونكون راجل زي ماتتمني
خلود، بإبتسامه????: وأني راضيه بيك كيف ماتكون، ولو وافقت على العمليه فهذا لأني نبي نشوفك أحسن وأفضل من الكل وتقدر توقف على رجليك وتتمتع بكل شي إنحرمت منه، أنت في عيوني أرجل واحد في الدنيا يكفيني أنك قادر تحتويني في كل شي ونقدر نسند روحي عليك 
** الرجولة ليست في الجمال أو أكتمال الجسد، هيا ذلك الجدار الذي تختبئ خلفه الأنثي، وهيا تثق تماما أنه مهما حصل لن يسقط عليها
هيا الأمان الذي مهما حصل لن يؤذيها
هيا السند اللي شو ماصار مستحيل يخذلها **
خالد حطيت تليفوني في الشحن وأول مافتحته رن عمي بو فرح: صباح الخير أهلين ياعمي
علي تنهد براحه لما اخيرا  رد خالد، بخوف????: صباح الخير، كيف حالك ياخالد، من بكري نتصل تليفونك مقفل وحتي فرح تليفونها مقفل، كيف حالها هيا؟
خالد: كويسه ياعمي الحمدلله، تليفون فرح طاح منها ومعاش إنفتح شكله يبي تصليح
علي، براحه????: تي باهي غير خوفتني عليه سكرت عليا فجأة ومعاش عرفت كيف نوصل فيها، وينها هيا لو جنبك أعطيهالي 
خالد: لا ياعمي مش جنبي، لكن شويه ويعطيها الدكتور خروج ونروح بيها ونخليها تكلمك بإذن الله
علي بصدمه????: كيف !! دكتور شني وخروج شني !! وين فرح هيا؟؟ 
خالد شني درت أني????‍♂️ شكلهم مايعرفوش ماتوقعتش أنه فرح مش مقايلتهم على شي: ماتخافش ياعمي واللهي كويسه شوية هبوط بس
علي، بخوف????: واللهي كنت حاسس من أيام أنها مش تمام، بس كل مانسألها ماتقولي شي، وين أنتم توا في أي مستشفى؟ 
خالد: شوية ويعطوها خروج ومروحين للحوش ياعمي
علي: باهي باهي، وسكر بسرعه
خالد تنهدت بأسف???? تي شني اللي درت أمه أني، إن شاءالله غير مايجوش بس، تي الواحد معاش لحق يرتاح الزفت????
فرح مر الدكتور وعطاني خروج، وطلعنا أني وعمتي وخالد روح بينا خيري
خيري????: توا وين نحطك ياأفندي أنت؟
خالد تلفتت لفرح، وإبتسمت????: نقعدو في حوش بوي شويه، لين نجيب حد ينظف الحوش ويدير دور على الجنانات باهي
فرح، بإبتسامه: عادي مش لازم توا أني إنظفه بالشويه بالشويه????
زاهيه، بفزع????: لا يابنيتي وين تقدريه وأنتي مريضه، واعر عليك، إرتاحي شويه
خالد إبتسمت لفرح????: مانطولوش ساعتين ثلاثة بالكثير ونروحو، وتلفتت لتليفوني اللي رن، إن شاءالله خير: فرح هذا بوك هاك كلميه
فرح: أهلين يابابا، لا مش هكي ماكنتش نبي نخوفكم بس، أي طلعت، وين أنتم قدام الحوش؟؟ بس أحني مش ماشيين لحوشنا
خالد تلقي ياخالد وأهو صار اللي توقعته ياعليك هم????‍♂️
زاهيه، بإبتسامه????: قوليلهم يتفضلو عندنا عادي 
فرح، بتوتر????: باهي تعالو لحوش عمي لأنه أحني ماشيين غادي، باهي تمام
خالد، بأسف????: أني اللي قتله ماكنتش نعرف أنك ماقلتيلهمش، ماخطرش على بالي
فرح، بحزن????: عادي مصار شي، حصل خير
زاهيه: أسمع ياخيري، حطنا وبرا جيب غذي توا وقت معاش نلحقو نطيبو، والناس جايين من بعيد عيب نعطلو عليهم بالغذي 
خيري زفر بملل: تي وين بنفرق روحي، أنتي تبي غذي، وهذا يبيني إنجيب عمال ينظفو الحوش قداش بندير حاجه أني
خالد، بغضب????: خلاص فوت أمهم العمال توا وسكر فمك
علي بعتب????: هكي يافرح معقوله أدرقي علينا، علاش يابنتي
فرح بأسف????: مش قصدي يابابا بس ماكنتش نبي نخوفكم عليا
علي، بحزن????: توا كويسه أنتي؟؟ ماتحسي في شي؟ وليش ماتهتميش بروحك يابنتي !!
فرح: كويسه يابابا الحمدلله، هيا دوخه بس حاجه بسيطه يعني غير أنت عارفهم العيادات يحبو يكبرو المواضيع على خاطر الفلوس بس
علي تنهد براحه????: الحمدلله يابنتي المهم أنك بخير ودره الفلوس، وردي بالك على روحك في الجديد
خالد خشيت وجايب سفرة القهوه، وإنتبهت لعمي اللي حاضن فرح، حسيت روحي إضايقت، تي لا ياخالد ماتزودهاش عاد بوها راهو، إبتسمت: هيا تفضل ياعمي أنستونا????
علي: بارك الله فيك ياولدي، أمالا الحاج عمران مش قاعد
خالد شني بنكذب توا، بتوتر: واللهي ياعمي….وسكتت لما خش قصي ولد خليل يجري وإضبطتني
قصي بفرحه☺: عمو روحت أنت !! وين بابا وجدو ماروحوش معاك
خالد إبتسمت????: شويه وجايين ياقصي برا خش لحنينه 
قصي، بمكر????: لا بنقعمز إهنايا بحدا الرجاله أني راجل، أهيا تخش الداخل وهو يأشر على فرح
خالد، بغضب????: عيب ياقصي تحشم، نوض خش فيسع
فرح إبتسمت☺: لا خلاص خليه صح عنده حق هو مكانه أهنايا وأني نخش الداخل
قصي إبتسم☺: عمي جبتلي حلوه من تونس؟؟
خليل تزرطت هالفرخ فساد أحرف من أمه????، إبتسمت بالغصب: قصي حبيبي نوض خش الداخل
قصي بزعل☹: لا مانبيش أمتي بيروح بابا وجدو من تونس باش يجيبولي حلوه
علي بصدمه????: خيركم كنتو في تونس إن شاءالله مافيش حد مريض بس
خالد ياعليك هم هالفرخ هذا فضح كل شي في ثانيه، مكانش قدامي حل إلا أني نحكي اللي صار لعمي
علي تفاجأت????: كيف معقوله هذا كله وأحني ماعندناش علم، ليش فرح ماقالتش، وكيف تقعد أسبوعين أهنايا وأنت مهناش، الصح بنتي تقعد عندي ياخالد
خالد نزلت رأسي ومعاش عرفت شني إنقول????
على المهم تغذينا وفات الوقت والجو مشحون ومتوتر وعمي واضح مش عاجبه ولا راضي على اللي صار????
علي: باللهي ناديلي فرح ياخالد
خالد أكيد بيقصقصها على الموضوع، بخوف????: باهي حاضر ياعمي
فرح بإبتسامه????: نعم يابابا
علي????: وتي حوايجك وقولى لأمك هيا بنروحو 
فرح بإستغراب????: حوايج شني يابابا؟؟
علي????: حتي أنتي بتروحي معانا يافرح
خالد هذا شني قاعد يقول، بصدمه????: كيف !! علاش ياعمي؟؟
علي بغضب????: بنتي مش لعبة عندكم ياخالد، أنت كيف تخليها في حوش بوك مع سلفها، المفروض كنت تجيبها أو تتصل بينا أحني نجو ونرفعوها كأنك مستعجل وماتقدرش تجيبها، وبعدين ليش ماقلتوش وإمدرقين الموضوع، وأنتي يافرح ليش ماقلتي ولا منبه عليك هو باش ماتقوليش 
خالد بسرعه????: لا والله ياعمي ماقلتلها حاجه شوره بوي هو اللي قالل……… وسكتت لما إستوعبت أني زدت الطين بلاه????
علي????: كيف وشن دخله بوك ياخالد، في حاجه مش طبيعيه في الموضوع أنتم شني قاعدين إديرو، أني مانسيتش الموضوع الأول ياخالد وتوا صار هالموضوع ليش بنتي تسكت وماتتكلمش ديمه، شني إمدايريلك يافرح يخلوك ماتحكيلناش اللي يصير معاك
فرح بخوف????:لا والله مش هكي يابابا الموضوع صار بسرعه وم……..وسكتت لما قطع عليا بابا
علي بغضب????: جيبي حوايجك وتعالي يافرح، نتفاهمو في الحوش، وأنت غير يروح بوك عندي معاه كلام ياخالد
خالد، برجاء????: باللهي ياعمي ماأدير هكي، راهو الموضوع تافه ومايستاهلش اللي قاعد يصير، قعمز وخليني نفهمك
علي، بغضب????: لو بتفهوني راكم فهمتونا من الأول، باللهي ماتشوفش في وجهها كيف موليه، تي حتي تمرض وترقد في المستشفى مانسمعوش بيها، أني عطيتكم بنتي قطعه مني ياخالد مش عاطيكم لعبه شاريها من الشارع
خالد ماتخيلتش أنه الموضوع ينقلب عليا بالشكل هذا، وفرح اللي طلعت طول أول ماقاللها بوه تجيب حوايجها وتروح معاه معقوله تسيبني بالساهل هكي????، اللي قاهرني أنه الموضوع تافه ومافهمتش عمي كيف فسره، تخلطت عليا الدنيا معاش قدرت نتكلم وقعمزت على أول صالون في جنبي????
طلع علي للسيارة وقعد يستني في سعده وفرح يطلعو
خالد أول ماشفت فرح طالعه في الممر جبدتها للمربوعه وسكرت الباب، وبحزن????: أنتي كيف بتخليني وتمشي معاهم، علاش ماتكلمتيش قدام بوك، هو شاك فيا أني وأهلي ضاغطين عليك في حاجه ومخلينك تسكتي
فرح، بحزن????: شني تبيني نقوله ياخالد، مانعرفش كيف نفسرله الموضوع، أنت شفته كيف معصب ماينفعش معاه الكلام وهو بالشكل هذا
خالد جبدت فرح لحضني، بحزن????: باللهي ماتخلينيش أطلعي كلميه أدوي معاه أي شي، معاش عندي طاقه ياروحي نتحمل أكثر خلاص راهو طفح الكيل بيا
فرح، بدموع????: وأني مانبيش نمشي ونخليك، بس مانقدرش نقول لبابا لا، خليني نمشي معاه توا وأني راح نفهمه كل شي، هو غير معصب توا يهدي وبإذن الله مايصير شي
خالد بغضب????: مافيش حد يقدر يأخدك مني حتي لو بوك خليها في بالك راح نسكت توا على خاطرك بس، لكن والله نهد الدنيا على رأس أي واحد يفكر يبعدك عليا
فرح، بإبتسامه????: ماتخافش مافيش حد يقدر يأخذني منك، مستحيل نفرط فيك لأي سببآ كان
خالد مش عارف كل مانقول هانت تزيد تتسكر أكثر، كل مانقول خلاص بنرتاح تطلعلي قصه وتنغص عليا، تجيني أوقات نفكر ننتحر ونتريح من هالعمر الأسود، أستغفر الله ياربي ????
زاهيه بإستغراب????: شني اللي صار ياخالد !! علاش فرح مشت معاهم؟؟
خالد، بحزن????: الدنيا كلها واقفه ضدي ياأمي، شني الذنب اللي درته في عمري أني وربي قاعد يحاسب فيا عليه
“” أوقات تحس الدنيا كلها تستقوي عليك…. في وقت واحد لدرجة معاش عندك جهد حتي باش تتنفس???????????? “”
يتبع ……
لقراءة الفصل الرابع عشر والأخير : اضغط هنا
لقراءة باقى فصول الرواية : اضغط هنا

اترك رد