رواية الخائنة الفصل الثاني 2 بقلم أميرة محمود

يابنتي أنا حاسه اني هطير من الفرحه اخير دخلت الجامعه اللي نفسي فيها 

ايمان ، طب ليه مدخلتيش تجاره وكملتي شغل بباكي وبقيتي زيه 

رهف ،. بابايا مين لا أنا عايزه أبقا الدكتوره رهف 

ايمان ، طب الحمد لله انك جبتي مجموع طب بدل ماكان حطك قدام الأمر الواقع

رهف ، اه والله يابنتي الحمد لله

ايمان ، طب ياللا عشان المحاضره هتبتدي كمان خمس دقايق 

رهف ، اوك ياقمر ياللا بينا

////////////////

في المحاضره

هاي يا جماعه انا دكتور احمد محمود عبد السلام ارجو اننا نكون اخوات وأصحاب 

احمد معيد في الجامعه شاب طموح بنا نفسه بنفسه أهله فقرا مع أن عمه يبقا من أكبر المستثمرين في مصر شاب طويل القامه ذو عضلات جسم متقسم قمحي البشره ذو عينين عسليتين وشعر اسود فحمي 

رهف ، ايمان أنا حاسه ان ده احمد ابن عمي

ايمان ، ههههههه اي حاسه دي

رهف ، متضحكيش عليه بس والله بابي وعمي بعاد جدا عن بعض واحنا طلعنا منعرفش بعض بس اللي افتكره اني شوفت احمد ده مره عندنا في البيت مع بباه

ايمان ، طب هش بقا عشان اخد باله 

رهف ، خلاص ماشي

احمد خلص المحاضره وبيلم كتبه وخارج

رهف ، احمد ازيك

احمد ، انتي تعرفيني 

رهف ، أنا رهف ياسر عبد السلام

احمد ، أمم طب تمام احنا هنا في كليه يا انسه وانا الدكتور بتاعك فأما تتكلمي معايا ياريت باحترام أنا دكتور احمد عن اذنك

ايمان ، هههههههه

رهف باحراج ، انتي بتضحكي ليه

ايمان ، اصل اول مره اشوف حد يشوف نفسه عليكي

رهف ، اصلا ده قليل الذوق ومتعجرف 

ايمان ، هههه طب ياللا يا حبيبتي ياللا

رهف ، والله لهوريك يا سي احمد انت

//////////////////////////

تاني يوم في الجامعه 

رهف ، ايمان أنا هدخل المحاضره متأخر 

ايمان ، طب ليه

رهف ، هو كده روحي انتي وانا هأخر نفسي شوي

ايمان ، عرفيني اللي في راسك

رهف ، لا هتعرفي دي الوقت كل حاجه ياللا ادخلي

ايمان ، شكلك هتترفدي من اول يوم يا مجنونه

رهف ، أما مترفدش يا ماما انتي عارفه ابويا مين ياللا يا قلبي بالسلامه

ايمان ، ماشي يا مجنونه

ايمان دخلت المحاضره وقعدت تستنا رهف 

ايمان ، ياترى اتأخرت ليه كده البنت دي مجنونه عالاخر

رهف دخلت المحاضره من غير استأذان 

احمد ، انتي يا انسه هو انتي دخله زريبه

رهف ، أنا واي الألفاظ دي يا يا دكتور   

احمد ، اتفضلي اطلعي بره

رهف مسألتش فيه وراحت قعدت

احمد ، اتفضلي يا انسه بره بدل ما أكلم الأمن يجي يخرجك من هنا

رهف وقفه مره وراحه بصاله بكل غل ، ممكن اعرف اي مشكلتك معايا 

 احمد ، انتي مين انتي عشان يبقا ليا مشكله معاكي

رهف ، اللهم طولك يا روح طب انت عايز ايه دي الوقت مني

احمد ، برررره

رهف ، ماشي يا دكتور وراحت اخده حاجتها وخرجت 

احمد لنفسه ، مغروره زي ابوها وراح مكمل محاضرته

رهف خرجت جابت قهوه من الكافتيريا واستنت اول ما المحاضره خلصت واول ما احمد جاي يخرج راحت عمله نفسها جايه تدخل وراحت كبه القهوه عليه أنها اتخبطت فيه

احمد بغل ، انتي حطتيني في دماغك 

رهف ، وهحطك في دماغي ليه انت مين انت اصلا عشان احطك في دماغي

احمد ، بطلي غرور يا بتاعه انتي 

رهف ، أنا مش مغروره انت اللي شايف نفسك أنا في البدايه جايه اسلم عليك وفرحانه أن ابن عمي الدكتور بتاعي لكن للأسف احرجتني قدام صحبتي

احمد ، اممم ممكن بلاش ابن عمي دي والنبي عشان بتفكرني بحد اقسم بالله مبكره في حياتي قده ولو سمحتي ابعدي عن طريقي أنا لا طيقك ولا طايق ابوكي وراح سيبها وماشي

ايمان ، هي ايه الحكايه

رهف ، مش عارفه بس شكل الموضوع كبير 

ايمان ، اممم طب ليه عملتي كده

رهف ، عملت ايه

ايمان ، دلقتي القهوه عليه

رهف ، مكنتش اقصد

ايمان ، رهف أنا كنت واقفه وشايفه كل حاجه متكدبيش 

رهف ، أنا مبكدبش علي فكره

ايمان ، رهف

رهف ، عشان أخرجني قدامكم كلكم حبيت اردهاله

ايمان ، بس انتي اللي غلطانه داخله متأخر ومستأذنتيش لا وايه وبتبجحي فيه مفكرتيش لدقيقه أنه الدكتور وكده ميصحش

رهف ، انتي نسيتي هو اللي احرجني الاول أما كنت رايحه اسلم عليه

ايمان ، المفروض كنتي قولتيله يا دكتور مش  رايحه تقوليله باسمه

رهف ، انتي بتدافعي عنه ليه

ايمان ، أنا بقول الحق انتي اللي غلطانه يا رهف

رهف ، يعني انتي شايفه كده

ايمان ، ايوه وياللا عشان توصليني في طريقك

رهف ، اوك ماشي ياللا بينا

//////////٠////////////////

عند احمد في البيت

احمد ، ماما حبيبتي وحشتيني

سها ، حمدالله على السلامه يا اي ده هدومك مالها

احمد ، مفيش خبط في واحده عاميه كبت القهوه عليه

سها ، طب ادخل اقلع البدله يا حبيبي وهات انضفهالك بسرعه 

احمد ، ماشي يا حبيبتي بقولك هو بابا فين

سها ، في البلكونه بيقرأ في المصحف

احمد ، ماشي ياقلبي هدخل اخد دوش وأروح اقعد معاه شويه

سها ، ماشي يا حبيبي ربنا يباركلي فيك انت وأخواتك يا حبيبي

احمد ، احلي دعوه من ست الكل ودخل الحمام ياخد شاور

بعد ما خلص دوش دخل لابوه البلكونه

احمد ، ازيك يا حج

محمود ، صدق الله العظيم ازيك يا حبيبي انت عامل ايه انهارده

احمد ، الحمد لله بومب قدامك اهو 

محمود ، عارف يا احمد أنا بحمد ربنا كل يوم عليك انت وأخواتك وبالذات انت لانك طول عمرك راجل وقد المسؤوليه

احمد ، بس هما صغيرين بردك يا حج

محمود ، صغيرين ايه وبالنسبه ليوسف اخوك ده اصغر منك بسنتين اللي عمال ياخد السنه في اتنين ده ولا شايل هم حاجه خالص

يوسف دخل ، مين اللي بيجيب سيره يوسف

محمود ، اهو الفاشل وصل يا ريتني جبت سيره خمسه جنيه

يوسف ، أخص عليك يا حج يعني الخمسه جنيه احسن مني

محمود ، بصراحه اه

احمد ، هههههههه ابوك بيحبك اوي يا يوسف

يوسف ، بيحبني أنا بردك واللا انت اللي علي الحجر

محمود ، عشانه راجل وقد المسؤوليه وخلص تعليم وطلع الاول عالجامعه واتعين معيد أما انت في سنه تالته بقالك سنتين يا اخي ده انت بقيت شحط ولسه في الجامعه

يوسف ، عشان تجاره صعبه يا بابا علي فكره

محمود ، تجاره عمرها ماهتكون اصعب من طب يا شملول

احمد ، هههههههه لا يا حج تجاره اصعب ولا تزعل يا يوسف وراح حاطط أيده علي كتف أخوه وخرجوا بره البلكونه

يوسف ، عجبك كده كل ما يشوفني يعطيني كلام في اجنابي

احمد ، مانت اللي زودتها يا يوسف بقالك سنتين بتعيد وانت عارف الظروف يا يوسف صعبه ازاي

يوسف ، والله غصب عني بس المعلومات ساعه الامتحان بتتمسح

احمد ، ههههه صادق يا حبيبي بقولك ادخل بوس راس الحج عشان انت عارف صحته متستحملش زعل

يوسف ، خلاص ماشي وراح داخل لابوه

يوسف ، متزعلش مني يا حج اوعدك أن السنه دي هنجح وهعديها علي خير وراح بأس راس أبوه

محمود ، ماشي أما نشوف يا يوسف يارب تكون صادق المره دي

يوسف ، متقلقش هتعدي يا حبيبي 

سها ، انت يا زفت يايوسف

يوسف ، الحجه بتحب تدلعني 

محمود ، هههههههه

يوسف ، نعم يا حبيبتي

سها ، ياللا تعالي اتغدي وهات ابوك ياللا السفره جهزت 

يوسف ، ياللا يا حج وراح مقوم أبوه وراحوا قعدوا علي السفره

محمود ، ربنا يجمعنا يارب علي خير يا حبايبي

احمد ، يارب يا حبيبي 

مروه ، اخبار البنت ايه اللي كبت عليك قهوه يا احمد هههههه

يوسف ، في ايه احكيلي

مروه ، في بنت بس ايه يا يوسف شعر طويل ولونه كستنائي وعنين خضرا نفس لون عنيا أنا و انت وايه قمر بجد حطه احمد في دماغها 

يوسف ، حلاوتك يا احمد يا جامد من اول اسبوع جامعه

احمد ، ماتسكتي بقا يا حلوه عشان الاستاذ مش هيسكت

يوسف ، هههههه بتتكسفي يا بيضه 

احمد ، يوسف

محمود ، ماتسكتو وتاكلو بقا

سها ، استنا يا حج ما البنت لو حلوه ومحترمه ماتتوكل علي الله يا احمد وتعالي نخطبهالك

احمد بصدمه ، دي لو اخر بنت في الدنيا 

سها ، ليه كده بس

احمد ، عشان البنت دي تبقا