رواية الخائنة الفصل الثالث 3 بقلم أميرة محمود

رهف ، دكتور احمد لو سمحت ممكن اعرف ايه مشكلتك مع بابي بليز

احمد ، طب ماتروحي تسأليه بدل ما جايه تسأليني

رهف ، اكيد انت عارف كويس أن بابي صعب جدا ومعرفش أسأله في حاجه زى دي

احمد ، يعني انتي عايزه مني ايه دي الوقت

رهف ، الحقيقه بليز

احمد ، ابوكي الراجل المحترم صاحب اكبر شركه استيراد وتصدير اكل ورث أخوه هو عايش في قصر وخدم وحشم وفلوس وأخوه بنطفح الدم عشان نجبله شريط علاج انتي ممكن تكوني فاكره اليوم اللي شوفتيني فيه في الفيلا عند ابوكي ومعايا ابويا ابويا ابو قلب طيب اللي لحد دي الوقت مش راضي يطلع الاوراق والحجج وياخد ورثه عشان ميوديش أخوه في داهيه بتهمه التزوير ابوكي استحل قرش مش بتاعه 

رهف ، انت بتتكلم بجد أنا مش قادره اصدق

احمد ، لا استني وأما جينالكو ابويا كان عنده امل أما يروحله بروشتات الدكتور أنه قلبه هيحن وهيساعده ويديله ورثه عارفه ابوكي عمل ايه ابوكي طلع متين جنيه من جيبه لابويا أنها مساعده منه ابويا بصلي وعنيه كلها دموع وحسره بصه عمر قلبي قبل عيني ماهينساها روحت رميله الفلوس في وشه راح رمينا بره القصر بتاعكم رميه الكلاب يومها ابويا كان هيموت مني حلفت لهدخل طب وابقا دكتور كبير ومشهور وعمرى ما اخلي ابويا محتاج حاجه وقفت لابويا تاني يوم وطلبت منه الاوراق عشان اشتكي ابوكي ابويا وقف في وشي وقالي لا ده اخويا مهما كان عرفتي بقا أنا بكره ابوكي ليه 

رهف وعنيها كلها دموع ، طب بابي عمل كده ليه

احمد ، والله السؤال ده تسأليهوله مش تسأليهولي

رهف ، طب عن اذنك وراحت سيباه وراحت محاضرتها

ايمان ، مالك يا رهف

رهف ، مفيش شويه صداع هي المحاضره انهارده فين

ايمان ، نظرى يا باشا لا وايه علي جثه فريش

رهف ، يخربيت جبروتك يا بنتي ده انا قلبي وجعني لمجرد انك قولتي كده ربنا يسامحك

ايمان ،. طب ياللا عشان المحاضره هتبتدي ياقمر

رهف طلعت المحاضره واول ما دخلت وشافت الجثه حاولت تتمالك أعصابها لكن مقدرتش فضلت تسرخ تسرخ لحد ما وقعت في الارض 

احمد ، رهف رهف انسه رهف وراح شيلها حاططها علي السرير وحاول يفوق فيها

احمد سرح لدقيقه في وش رهف وقد ايه هو طفولي 

ايمان ، دكتور هي مبتفوقش ليه

احمد ، هااا

ايمان ، رهف مبتفوقش ليه

احمد ، ثواني وقعد يفوق فيها لحد مافتحت عينيها

احمد ، بدالك مش قد الطب دخلتيها ليه

رهف ، اااااه هي الجثه فين 

احمد ، بصي كده جنبك

رهف بصدمه ، لا لا ولسه هتصوت احمد حط أيده علي بقها

احمد ، اهدي اهدي بهزر

رهف ، اممممممم

احمد شال أيده من علي بقها 

رهف ، ممكن تنزلني هو السرير ده عالي كده ليه

احمد ،. مش عالي انتي اللي اوزعه

رهف ، ايه

احمد ، مفيش ياللا يا انسه انزلي وراح مادد ايده

رهف ، مسكت أيده وراحت نازله من علي السرير وفضلت متبته في أيده

احمد ، عجباكي

رهف ، هي ايه

احمد ،. أيدي اصل شايفك مسكاها جامد

رهف ، اهي يا سيدي بس علي فكره انا قصده امسك ايدك 

احمد ، ليه أن شاء الله

رهف ، عشان وراحت مسكاها توعدني ان احنا ملناش دعوه باهلنا متخدنيش بذنب ابويا انا بنت عمك وانت ابن عمي

احمد شد أيده ،. أنا مليش اعمام وياللا يا انسه مش فوقتي ياللا علي محاضرتك

رهف ، انت شايف كده

احمد ، مفيش غير كده

رهف ، ماشي وخرجت لقت ايمان اخدتها وروحوا 

ايمان في العربيه ، مالك يارهف خرجه مضايقه كده ليه

رهف ، مفيش حاجه ولو سمحتي اسكتي 

ايمان ، اسكت ماشي يا رهف

رهف ، خلاص يا يا ايمان معلش انا اسفه متزعليش مني حقك عليه

ايمان ، انا اصلا عمرى ما ازعل منك ده احنا اصحاب من ابتدائي يعني عمر عارفه يا رهف نفسي نتجوز اتنين اخوات ونسكن مع بعض ونبقا مع بعض العمر كله

رهف ، خلاص أول مايجيلي عريس اول حاجه هسأله عندك اخوات واللا لا ههههههه

ايمان ،. هههههه اضحكي اضحكي مانتي مش متعلقه بيا زى مانا متعلقه بيكي

رهف ، لا ياحبيبتي انتي اختي وحبيبت عمرى أنا مليش اخوات وانتي عارفه يعني مليش غيرك

ايمان ، ربنا يخليينا لبعض يارب وميحرمناش من بعض ابدا

رهف ، اللهم امين ياللا انزلي يا حلوه وصلتي 

ايمان ، ماشي ياقمر سلام 

//////////////

بعد مرور اكتر من شهرين واحمد بيحاول يبعد بأي طريقه عن رهف ورهف بتحاول تصلح علاقتها بيه

رهف ، دكتور احمد بعد اذنك ممكن طلب

احمد ، اتفضلي

رهف ، هو حضرتك مروح

احمد ، ايوه

رهف ، طب ممكن اوصلك في طريقي 

احمد ، لا شكرا

رهف ، معلش انا عايزه اشوف عمي واتعرف عليكو وكده

مروه ، احمد أنا خلصت محاضرتي ياللا نروح

احمد ، ماشي ياللا ياقلبي 

مروه ، ازيك ياقمر علي فكره انا معاكي في نفس سكشن المحاضرات

رهف بصدمه ، أمم اهلا وحضرتك مين 

مروه ، أنا ياستي أبقا اخت احمد الصغيره بس محدش يعرف هنا اني اخته مفكريني خطيبته

رهف بفرحه ، الحمد لله 

مروه ، الحمد لله علي ايه

رهف ، مفيش المهم ازيك ياقمر أنا فرحانه اني اتعرفت عليكي

مروه ، أنا اكتر والله بس قوليلي يا مروه أو ميرو

احمد ، مروه ياللا عشان نمشي

رهف ، مروه ممكن اوصلك وبالمره اتغدا معاكم انهارده

مروه ، اوك ماشي هي العربيه الجامده دي بتاعتك

رهف ، ايوه ياللا اركبي ياقمر

احمد شد مروه من أيدها ، ياللا يا استاذه حسابنا في البيت

رهف ، اي ده انت في ايه مالك ازاي تشدها كده

مروه ، عادي عادي ده انتي مشوفتيش القفا اللي باخده علي سهوه وانا بذاكر 

احمد ، مش ياللا

رهف ، خلاص انا هسيب العربيه وهروح معاكم مواصلات

مروه ، بجد

رهف ، ايوه بجد أنا نفسي اشوف بباكي اوي

مروه ، طب ياللا تعالي 

احمد مشي وهما مشوا جنبه يعدوا الطريق رهف بتعدي الموبايل وقع منها بتوطي نجيبه عربيه جايه سريع احمد جرى عليها شدها 

احمد ماسك أيدها ، انتي مجنونه العربيه كانت هتموتك 

رهف ، الموبا

احمد ، خليكي ماسكه أيدي علي مانعدي الطريق التاني ياللا

رهف ، ماشي

مروه عماله تبصله وهو ماسك أيدها وكتمه الضحك

راحوا ناحيه الميكروباص عشان يركبوا

مروه جنب ودنه ، علي اساس مش طايقها وماسك أيدها طول الطريق ده انت معملتهاش معايا

احمد ساب ايد رهف من احراجه

احمد ، ياللا اطلعي اركبي 

رهف طلعت ركبت الكرسي الاخير وجنبها مروه وجنبها احمد

رهف طلعت فلوس تحاسب

احمد شد الفلوس من الراجل اللي بيلمهم وراح رميهم عليها وراح دافع هو

مروه ، يخربيتك انتي اللي جبتيه لنفسك

رهف ، هو ايه عشان بحاسب أنا يقوم رامي الفلوس في وشي ده قليل الذوق

مروه ، بس اسكتي وربنا ممكن يرميكي من الشباك اللي جنبك اسكتي متعصبهوش

رهف ، ماشي أما اشوف اخرته ايه

مروه ، هههههه احمد اخويا ملوش اخر

احمد ، بطلو رغي ياللا وصلنا

احمد نزل ومروه ورهف نزلو معاه ومشوا لحد ما وصلو البيت 

احمد خبط علي ولدته 

سها ، حاضر وراحت فاتحه ايه يا حبيبي مش انت معاك مفتاح

احمد ، اه ازيك يا قلبي وراح بايس راسها

سها ، تسلم من اي ردي يا حبيبي الله مين القمر دي

مروه ، حظرى فظرى مين دي

سها ، مش عارفه بس بسم الله ماشاء الله قمر

رهف ، ميرسي ليكي يا طنط

سها ، اتفضلي ادخلي يا حبيبتي

رهف دخلت عماله تبص علي البيت وقد ايه بسيط وكل حاجه فيه بسيطه

يوسف خارج من الحمام وبينشف وشه ، اوبااااا مين القمر ده

رهف مدت أيدها ، هاي ازيك

يوسف ، هايين انت مين ياقمر

رهف ، أنا رهف بنت عمكم

احمد كان خارج بأبوه من البلكونه

محمود بصدمه ، بنت ياسر

يوسف وسها واقفين مبلمين

رهف ، ايوه حضرتك عم محمود حضرتك شبه بابي خالص

محمود ، اهلا يا بنتي 

يوسف ، وانتي ايه اللي جيبك هنا أن شاء الله جايه تعيني هنا يمكن تلاقي حاجه تاخديها زي ابوكي

محمود بزعييق ، يوسف انت قليل الادب اتكلم مع البنت حلو دي بنت عمك

يوسف ، عمي اه عمي اللي

محمود ، كلمه كمان وأقسم بالله لهكون عطيك قلم علي وشك

يوسف ، لا وعلي ايه أنا ماشي خالص

رهف ، استنا ممكن أنا عايزه اتكلم معاكم كلكم

احمد ، أنا لو منك امشي ومتكلمش خالص

رهف عينيها دمعت ، لا مش همشي يا احمد اقصد يا دكتور احمد مش همشي غير اما تسمعوني بليز

محمود ، اتكلمي يا بنتي 

رهف ، أنا البنت الوحيده لياسر عبد السلام زي ما الكل عارف بس للاسف اللي محدش يعرفه أن وحيده يعني مليش حد لا اخ ولا اخت ولا حتي ام أما احتجلها في حاجه الالقيها بتساندي ولا حتي اب ابويا للاسف كل اللي همه يجمع فلوس وبس مفيش مره جالي وقعد معايا نتكلم مره أنا مليش في الدنيا غير ايمان صاحبتي ودي بتبقا في المدرسه يا الجامعه بس مش معايا عالطول أنا مش هنكر اني فرحت أما شفتك يا دكتور احمد كان نفسي اقرب منك والاقي اخ يسندني ويساعدني وراحت معيطه وبصه لسها ونفسي في ام أما حاجه تضايقني اترمي في حضنها واشتكيلها وانسي همي في حضنها

سها عيطت وراحت شداها في حضنها جامد ، يا حبيبتي يابنتي أنا امك من النهارده يا ضنايا 

رهف بعدت عنها ، متشكره لحضرتك بس انا مش جايه استعطفكم أنا نفسي يبقا ليه عيله مش اكتر والله العظيم أنا لو قعدت اليوم كله بره الفيلا بابي مش هيعرف ولا هيسأل أنا نفسي أبقا مسؤوله من حد حد يخاف عليه حد يسأل عليه ويقولي مالك انا مش عايزه اكتر من كده يا دكتور احمد ويا استاذ يوسف

يوسف ، حقك عليه متزعليش بقا ده احنا حتي فينا عنين من بعض

رهف ضحكت 

يوسف ، ايوه كده خلي الدنيا تنور

احمد سابهم ودخل اوضته

سها ، اي رايك تقعدي معانا انهارده

رهف ، اوك موافقه طبعا 

مروه ، خلاص تعالي اجبلك بيجامه من عندي عما ماما تحضر الغدا

رهف بصت لمحمود ، حضرتك رايك ايه اقعد واللا امشي

محمود ، أنا كان عندي تلت اولاد انهارده بقوا اربعه طبعا انتي بنتي ومن دمي ولو كان في مشكل بيني وبين ابوكي فإنني ملكيش ذنب فيه بس تعالي هاتي حضن

رهف جرت حضنته ، أنا حبيتك اقسم بالله اول ماشفتك ياريت تكون حبيتني كده

محمود ، مفيش اب بيكره بنته يا بنتي وراح بايس راسها

مروه ، ياللا يا ست رهف شكلك هتاخدي الحب كله لوحدك

رهف ، ههههه حسدو الأعما علي وسع عنيه

مروه ، هههههه طب ياللا يا حاجه واخدتها ودخلت الأوضه جابتلها بيجامه 

مروه ، علي فكره ماما نضيفه جدا يعني البيجامه دي هتلاقيها فل متقرفيش منها

رهف ، عيب عليكي علي فكره انا هغير واخرجلك حالا

مروه ، يعني بتطرديني بالذوق من اوضتي ماشي يا ستي 

رهف ، بصراحه اه ههههههههه

بعد خمس دقايق رهف خرجت وهي لبسه البيجامه 

سها ، ياللا يا حبيبتي تعالي اقعدي اتغدي

رهف ، ماشي يا طنط

سها ، وبعدين ايه طنط دي قولي يا ماما

رهف ، ماشي يا ماما وراحت قعدت جنب احمد 

المروحه شغاله وكل ماتيجي علي رهف تطير شعرها الطويل الناعم علي وش احمد

احمد ،. وبعدين بقا

رهف ، في ايه

احمد ، ماتلمي ام شعرك ده كل شويه يجي علي وشي

رهف ، تمام ماشي وراحت عملاه كحكه راح فاكك كل ماتلمه يقوم فاكك

احمد ، يعني ملوش حل يعني

مروه ، ممكن عشان الشعر ناعم اوي فمش بيتلم

رهف ، طب أنا هقوم عما انت تخلص اكل وجايه تقوم احمد شد أيدها 

احمد ، خليكي خلاص انا اسف

فرح جايه تقعد راح الكرسي رجله فاكه وراح واقع احمد لحقها بسرعه في حضنه قبل ماتقع

الكل عمال يبصلهم وهما سرحانين في عيون بعض

يوسف ، احم احم

احمد ووشه عباره عن كتله دم ، اا الكرسي انكسر 

رهف ، بس والله أنا مش تقيله اني اكسره

احمد ، هههه تقيله مين انتي اخرك أربعين كيلو تعالي ياستي اقعدي مكاني عما اجيب كرسي المكتب بتاعي 

مروه ، حظك اجا في الكرسي المكسور يا رهف

رهف ، أنا عارفه حظي ماشاء الله عليه طول عمرى بومه

احمد ، ههههه رحم الله امرئ عرف قدر نفسه

رهف ، شكرا 

احمد ، عفوا

مروه ، رهف موبايلك بيرن

رهف ، اممم دي ايمان صاحبتي مش مهم دي الوقت

سها ، اي رايك في طبيخي

رهف ، والله جميل اوي يا طنط

سها ، بردك طنط

رهف ، اقصد يا ماما

احمد ، ماما كلي يا ختي كلي

رهف ، مانا باكل اهو

يوسف ، هو القمر في الجامعه مع الحيوان ده 

احمد ، تصدق وتؤمن بالله انا لو قومتلك لهخليك عبره يا فاشل

محمود ، يوسف وبعدين عيب ده اخوك الكبير

يوسف ، احنا اسفين يا كبير

رهف ، أنا هقوم امشي أنا بقا

احمد ، استن