رواية أنت في كل مكان الفصل الثالث عشر 13 بقلم منى

– حازم ببرود : انا ومرام كتبنا كتابنا النهارده 

– والد مرام بصدمه : اييي انت بتقول ايي .. انتو اكيد بتهزوا .. اي الكلام البايخ دا 

– حازم : لا مش بهزر انا ومرام اتجوزنا .. وبص للكل يلا ي جماعه كل واحد علي بيته كده مافيش خطوبه بزعيق يلاااا

” كل المعازيم طلعت ف صدمه من اللي حصل “

ميرا كانت هتدوخ وكرم مسكها وقعدها علي الكرسي وفضلو ساكتين من صدمتهم 

– والده حازم : ليه يابني تعمل كده وتفرج الناس علينا ما كان من الاول .. ليييه حرام عليك 

– والد مرام : هو اي اللي من الاول انتو جاين هنا تهزقوني ولا اي ! شويه دا وشويه دا .. وراح ناحيه مرام اللي كانت باصه ف الأرض وبتعيط 

– انا تعبت منك منظري اي انا قصاد الناس وانتي روحتي اتجوزتي من غير علمي ومد ايده يضربها .. ولكن حازم وقفه 

-ببرود : ايدك ما تتمدش علي مراتي

– والد مرام : وانت هتعرفني اي الصح واي الغلط يالا

– ببرود : اه أما يبقا الموضوع فيه مراتي يبقا اه 

– تطلقها حالا انت فاهم ؟ 

– مافيش طلاق ومرام النهارده هتمشي معايا اذا كان دا عاجب حضرتك او لا انا بحبها ومش هسيبها مهما حصل 

حس ابو مرام بدوخه ووقع ف الأرض فجاه والكل جري عليه 

كرم شاله ودخله الأوضه

____________

ميرا ومرام  فضلوا  يحاولوا يصحوا فيه لحد ما صحي ولاقي مرام قاعده قصاده ماسكه ايده 

– ابعدي عني وبعد أيدها 

– مرام : انا اسفه عارفه أن اللي عملته غلط  .. بس ميرا ضحت عشاني كتير ..  انا عمري ما هتجوز حد هي بتحبه ابدا 

الاب بص لميرا لاقها ساكته وحاطه وشها ف الأرض 

– اطلعوا وسبوني لواحدي 

– ي بابا بس 

– قولت اطلعوا .. وانتي روحي بيت جوزك يلا 

– حاضر .. هتوحشني .. مش عاوز تسلم عليا حتي  

– بص ليها .. تعالي .. عارفه انا هسامحك عشان حاجه واحده بس اول مره تحسي بقيمه ميرا حياتك واللي بتعمله عشانك .. نفسي تتعظي بقا وتبدئي حياتك من اول جديد علي خير 

مرام بصلته بتنهيد وحضنته ومشيت مع حازم وميرا طلعت وسابت والدها  في الأوضه